Matsya Purana — Chapter 161
MtP 161.1
इदानीं श्रोतुमिच्छामो हिरण्यकशिपोर्वधम् नरसिंहस्य माहात्म्यं तथा पापविनाशनम्
idānīṃ śrotumicchāmo hiraṇyakaśiporvadham narasiṃhasya māhātmyaṃ tathā pāpavināśanam
Now we wish to hear of the slaying of Hiraṇyakaśipu, and of the greatness of the Man-Lion, which destroys sin.
AI translation rendered from the Sanskrit, not a published edition
MtP 161.2
पुरा कृतयुगे विप्रा हिरण्यकशिपुः प्रभुः दैत्यानामादिपुरुषश् चकार स महत्तपः
purā kṛtayuge viprā hiraṇyakaśipuḥ prabhuḥ daityānāmādipuruṣaś cakāra sa mahattapaḥ
Long ago, in the Kṛta age, O brahmins, the mighty Hiraṇyakaśipu, the first among the Daityas, performed great austerity.
AI translation rendered from the Sanskrit, not a published edition
MtP 161.3
दश वर्षसहस्राणि दश वर्षशतानि च जलवासी समभवत् स्नानमौनधृतव्रतः
daśa varṣasahasrāṇi daśa varṣaśatāni ca jalavāsī samabhavat snānamaunadhṛtavrataḥ
For ten thousand years and ten hundred years he dwelt in the water, holding the vow of bathing and silence.
AI translation rendered from the Sanskrit, not a published edition
MtP 161.4
ततः शमदमाभ्यां च ब्रह्मचर्येण चैव हि ब्रह्मा प्रीतो ऽभवत्तस्य तपसा नियमेन च
tataḥ śamadamābhyāṃ ca brahmacaryeṇa caiva hi brahmā prīto 'bhavattasya tapasā niyamena ca
Then Brahmā became pleased with him for his calm and self-restraint, and for his chastity, and for his austerity and observance.
AI translation rendered from the Sanskrit, not a published edition
MtP 161.5
ततः स्वयंभूर्भगवान् स्वयमागम्य तत्र ह विमानेनार्कवर्णेन हंसयुक्तेन भास्वता
tataḥ svayaṃbhūrbhagavān svayamāgamya tatra ha vimānenārkavarṇena haṃsayuktena bhāsvatā
Then the lord Self-existent himself came there, in a shining chariot of the color of the sun, yoked with geese,
AI translation rendered from the Sanskrit, not a published edition
MtP 161.6
आदित्यैर्वसुभिः साध्यैर् मरुद्भिर्दैवतैस्तथा रुद्रैर्विश्वसहायैश्च यक्षराक्षसपन्नगैः
ādityairvasubhiḥ sādhyair marudbhirdaivataistathā rudrairviśvasahāyaiśca yakṣarākṣasapannagaiḥ
with the Ādityas, the Vasus, the Sādhyas, the Maruts and the (other) gods, with the Rudras and the Viśvas' helpers, with Yakṣas, Rākṣasas and serpents,
AI translation rendered from the Sanskrit, not a published edition — the model flagged this verse as uncertain
MtP 161.7
दिग्भिश् चैव विदिग्भिश् च नदीभिः सागरैस्तथा नक्षत्रैश्च मुहूर्तैश्च खेचरैश्च महाग्रहैः
digbhiś caiva vidigbhiś ca nadībhiḥ sāgaraistathā nakṣatraiśca muhūrtaiśca khecaraiśca mahāgrahaiḥ
and with the directions and the intermediate directions, with the rivers and the oceans, with the lunar mansions, the muhūrtas, and the great sky-going planets,
AI translation rendered from the Sanskrit, not a published edition
MtP 161.8
देवैर्ब्रह्मर्षिभिः सार्धं सिद्धैः सप्तर्षिभिस्तथा राजर्षिभिः पुण्यकृद्भिर् गन्धर्वाप्सरसां गणैः
devairbrahmarṣibhiḥ sārdhaṃ siddhaiḥ saptarṣibhistathā rājarṣibhiḥ puṇyakṛdbhir gandharvāpsarasāṃ gaṇaiḥ
together with the gods and the brahmin-seers, with the Siddhas and the seven seers, with the merit-doing royal seers, and with the troops of Gandharvas and Apsarases—
AI translation rendered from the Sanskrit, not a published edition
MtP 161.9
चराचरगुरुः श्रीमान् वृतः सर्वैर्दिवौकसैः ब्रह्मा ब्रह्मविदां श्रेष्ठो दैत्यं वचनमब्रवीत्
carācaraguruḥ śrīmān vṛtaḥ sarvairdivaukasaiḥ brahmā brahmavidāṃ śreṣṭho daityaṃ vacanamabravīt
the glorious teacher of the moving and the unmoving, surrounded by all the dwellers of heaven, Brahmā, best of the knowers of brahman, spoke this word to the Daitya:
AI translation rendered from the Sanskrit, not a published edition
MtP 161.10
प्रीतो ऽस्मि तव भक्तस्य तपसानेन सुव्रत वरं वरय भद्रं ते यथेष्टं काममाप्नुहि
prīto 'smi tava bhaktasya tapasānena suvrata varaṃ varaya bhadraṃ te yatheṣṭaṃ kāmamāpnuhi
"I am pleased with you, my devotee, by this austerity, O you of good vows; choose a boon, good fortune to you—obtain the desire as you wish."
AI translation rendered from the Sanskrit, not a published edition
MtP 161.11
न देवासुरगन्धर्वा न यक्षोरगराक्षसाः न मानुषाः पिशाचा वा हन्युर्मां देवसत्तम
na devāsuragandharvā na yakṣoragarākṣasāḥ na mānuṣāḥ piśācā vā hanyurmāṃ devasattama
"Let not gods, asuras or gandharvas, not yakṣas, serpents or rākṣasas, nor men nor piśācas be able to slay me, O best of gods;
AI translation rendered from the Sanskrit, not a published edition
MtP 161.12
ऋषयो वा न मां शापैः शपेयुः प्रपितामह यदि मे भगवान्प्रीतो वर एष वृतो मया
ṛṣayo vā na māṃ śāpaiḥ śapeyuḥ prapitāmaha yadi me bhagavānprīto vara eṣa vṛto mayā
nor let the seers curse me with curses, O great-grandfather. If the Lord is pleased with me, this is the boon chosen by me.
AI translation rendered from the Sanskrit, not a published edition
MtP 161.13
न चास्त्रेण न शस्त्रेण गिरिणा पादपेन च न शुष्केण न चार्द्रेण न दिवा न निशाथ वा
na cāstreṇa na śastreṇa giriṇā pādapena ca na śuṣkeṇa na cārdreṇa na divā na niśātha vā
Not by missile nor by weapon, nor by a mountain or a tree, not by anything dry nor anything wet, not by day nor yet by night (may I be slain).
AI translation rendered from the Sanskrit, not a published edition
MtP 161.14
भवेयमहमेवार्कः सोमो वायुर्हुताशनः सलिलं चान्तरिक्षं च नक्षत्राणि दिशो दश
bhaveyamahamevārkaḥ somo vāyurhutāśanaḥ salilaṃ cāntarikṣaṃ ca nakṣatrāṇi diśo daśa
May I myself be the sun, the moon, the wind, the fire, the water and the mid-air, the lunar mansions, the ten directions;
AI translation rendered from the Sanskrit, not a published edition
MtP 161.15
अहं क्रोधश्च कामश्च वरुणो वासवो यमः धनदश्च धनाध्यक्षो यक्षः किंपुरुषाधिपः
ahaṃ krodhaśca kāmaśca varuṇo vāsavo yamaḥ dhanadaśca dhanādhyakṣo yakṣaḥ kiṃpuruṣādhipaḥ
may I be anger and desire, Varuṇa, Vāsava, Yama, and the wealth-giver, the overseer of riches, the Yakṣa, lord of the Kiṃpuruṣas."
AI translation rendered from the Sanskrit, not a published edition
MtP 161.16
एते दिव्या वरास्तात मया दत्तास्तवाद्भुताः सर्वान्कामान्सदा वत्स प्राप्स्यसि त्वं न संशयः
ete divyā varāstāta mayā dattāstavādbhutāḥ sarvānkāmānsadā vatsa prāpsyasi tvaṃ na saṃśayaḥ
"These divine, wondrous boons, my dear, have been given by you—by me to you; you shall always obtain all your desires, child, there is no doubt."
AI translation rendered from the Sanskrit, not a published edition
MtP 161.17
एवमुक्त्वा स भगवाञ् जगामाकाश एव हि वैराजं ब्रह्मसदनं ब्रह्मर्षिगणसेवितम्
evamuktvā sa bhagavāñ jagāmākāśa eva hi vairājaṃ brahmasadanaṃ brahmarṣigaṇasevitam
Having spoken thus, that Lord went through the sky itself to the Vairāja abode of Brahmā, frequented by the hosts of brahmin-seers.
AI translation rendered from the Sanskrit, not a published edition
MtP 161.18
ततो देवाश्च नागाश्च गन्धर्वा ऋषिभिः सह वरप्रदानं श्रुत्वैव पितामहमुपस्थिताः
tato devāśca nāgāśca gandharvā ṛṣibhiḥ saha varapradānaṃ śrutvaiva pitāmahamupasthitāḥ
Then the gods and the nāgas and the gandharvas, together with the seers, having heard of the granting of the boon, approached the Grandfather (Brahmā).
AI translation rendered from the Sanskrit, not a published edition
MtP 161.19
वरप्रदानाद्भगवन् वधिष्यति स नो ऽसुरः तत्प्रसीदाशु भगवन् वधो ऽप्यस्य विचिन्त्यताम्
varapradānādbhagavan vadhiṣyati sa no 'suraḥ tatprasīdāśu bhagavan vadho 'pyasya vicintyatām
"Because of the granting of the boon, O Lord, that asura will slay us; therefore be gracious quickly, O Lord, and let his killing too be devised."
AI translation rendered from the Sanskrit, not a published edition
MtP 161.20
भगवन्सर्वभूतानाम् आदिकर्ता स्वयं प्रभुः स्रष्टा त्वं हव्यकव्यानाम् अव्यक्तप्रकृतिर् बुधः
bhagavansarvabhūtānām ādikartā svayaṃ prabhuḥ sraṣṭā tvaṃ havyakavyānām avyaktaprakṛtir budhaḥ
"O Lord, you are the first maker of all beings, the Lord himself, the creator of the offerings to gods and to the ancestors, the unmanifest source (of things), the wise one."
AI translation rendered from the Sanskrit, not a published edition
MtP 161.21
सर्वलोकहितं वाक्यं श्रुत्वा देवः प्रजापतिः आश्वासयामास सुरान् सुशीतैर्वचनाम्बुभिः
sarvalokahitaṃ vākyaṃ śrutvā devaḥ prajāpatiḥ āśvāsayāmāsa surān suśītairvacanāmbubhiḥ
Having heard the speech (that sought) the welfare of all the worlds, the god Prajāpati comforted the gods with the very cool waters of his words.
AI translation rendered from the Sanskrit, not a published edition
MtP 161.22
अवश्यं त्रिदशास्तेन प्राप्तव्यं तपसः फलम् तपसो ऽन्ते ऽस्य भगवान् वधं विष्णुः करिष्यति
avaśyaṃ tridaśāstena prāptavyaṃ tapasaḥ phalam tapaso 'nte 'sya bhagavān vadhaṃ viṣṇuḥ kariṣyati
"O gods, the fruit of his austerity must necessarily be obtained by him; at the end of his austerity the Lord Viṣṇu will bring about his slaying."
AI translation rendered from the Sanskrit, not a published edition
MtP 161.23
तच्छ्रुत्वा विबुधा वाक्यं सर्वे पङ्कजजन्मनः स्वानि स्थानानि दिव्यानि विप्रजग्मुर्मुदान्विताः
tacchrutvā vibudhā vākyaṃ sarve paṅkajajanmanaḥ svāni sthānāni divyāni viprajagmurmudānvitāḥ
Having heard that speech of the lotus-born one, all the gods, filled with joy, went away to their own divine abodes.
AI translation rendered from the Sanskrit, not a published edition
MtP 161.24
लब्धमात्रे वरे चाथ सर्वाः सो ऽबाधत प्रजाः हिरण्यकशिपुर्दैत्यो वरदानेन दर्पितः
labdhamātre vare cātha sarvāḥ so 'bādhata prajāḥ hiraṇyakaśipurdaityo varadānena darpitaḥ
And then, as soon as the boon was obtained, that Hiraṇyakaśipu, the Daitya, made arrogant by the granting of the boon, oppressed all creatures.
AI translation rendered from the Sanskrit, not a published edition
MtP 161.25
आश्रमेषु महाभागान् स मुनीञ्छंसितव्रतान् सत्यधर्मपरान्दान्तान् धर्षयामास दानवः
āśrameṣu mahābhāgān sa munīñchaṃsitavratān satyadharmaparāndāntān dharṣayāmāsa dānavaḥ
In the hermitages the dānava assaulted the greatly blessed sages of praiseworthy vows, devoted to truth and dharma, self-controlled.
AI translation rendered from the Sanskrit, not a published edition
MtP 161.26
देवांस्त्रिभुवनस्थांश्च पराजित्य महासुरः त्रैलोक्यं वशमानीय स्वर्गे वसति दानवः
devāṃstribhuvanasthāṃśca parājitya mahāsuraḥ trailokyaṃ vaśamānīya svarge vasati dānavaḥ
Having conquered the gods who dwell in the three worlds, the great asura, the dānava, brought the three worlds under his sway and dwelt in heaven.
AI translation rendered from the Sanskrit, not a published edition
MtP 161.27
यदा वरमदोत्सिक्तश् चोदितः कालधर्मतः यज्ञियानकरोद्दैत्यान् अयज्ञियाश्च देवताः
yadā varamadotsiktaś coditaḥ kāladharmataḥ yajñiyānakaroddaityān ayajñiyāśca devatāḥ
When, swollen with the intoxication of the boon, impelled by the law of time, he made the Daityas entitled to sacrifice and the gods not entitled to sacrifice—
AI translation rendered from the Sanskrit, not a published edition
MtP 161.28
तदादित्याश्च साध्याश्च विश्वे च वसवस्तथा सेन्द्रा देवगणा यक्षाः सिद्धद्विजमहर्षयः
tadādityāśca sādhyāśca viśve ca vasavastathā sendrā devagaṇā yakṣāḥ siddhadvijamaharṣayaḥ
then the Ādityas and the Sādhyas and the Viśvas and the Vasus likewise, the hosts of gods with Indra, the yakṣas, the siddhas, the twice-born and the great seers—
AI translation rendered from the Sanskrit, not a published edition
MtP 161.29
शरण्यं शरणं विष्णुम् उपतस्थुर्महाबलम् देवदेवं यज्ञमयं वासुदेवं सनातनम्
śaraṇyaṃ śaraṇaṃ viṣṇum upatasthurmahābalam devadevaṃ yajñamayaṃ vāsudevaṃ sanātanam
they approached Viṣṇu of great strength, the giver of refuge, (their) refuge, the god of gods, made of sacrifice, Vāsudeva the eternal.
AI translation rendered from the Sanskrit, not a published edition
MtP 161.30
नारायण महाभाग देवास्त्वां शरणं गताः त्रायस्व जहि दैत्येन्द्रं हिरण्यकशिपुं प्रभो
nārāyaṇa mahābhāga devāstvāṃ śaraṇaṃ gatāḥ trāyasva jahi daityendraṃ hiraṇyakaśipuṃ prabho
"Nārāyaṇa, greatly blessed one, the gods have gone to you for refuge; protect (us), slay the lord of Daityas, Hiraṇyakaśipu, O Lord."
AI translation rendered from the Sanskrit, not a published edition
MtP 161.31
त्वं हि नः परमो धाता त्वं हि नः परमो गुरुः त्वं हि नः परमो देवो ब्रह्मादीनां सुरोत्तम
tvaṃ hi naḥ paramo dhātā tvaṃ hi naḥ paramo guruḥ tvaṃ hi naḥ paramo devo brahmādīnāṃ surottama
"For you are our supreme upholder, you are our supreme teacher, you are the supreme god of Brahmā and the rest, O best of gods."
AI translation rendered from the Sanskrit, not a published edition
MtP 161.32
भयं त्यजध्वममरा अभयं वो ददाम्यहम् तथैव त्रिदिवं देवाः प्रतिपद्यत मा चिरम्
bhayaṃ tyajadhvamamarā abhayaṃ vo dadāmyaham tathaiva tridivaṃ devāḥ pratipadyata mā ciram
"Cast off fear, O immortals; I give you freedom from fear; and just so, O gods, take possession of heaven without delay."
AI translation rendered from the Sanskrit, not a published edition
MtP 161.33
एषो ऽहं सगणं दैत्यं वरदानेन दर्पितम् अवध्यममरेन्द्राणां दानवेन्द्रं निहन्म्यहम्
eṣo 'haṃ sagaṇaṃ daityaṃ varadānena darpitam avadhyamamarendrāṇāṃ dānavendraṃ nihanmyaham
"Here I am: I shall slay the Daitya with his hosts, made arrogant by the granting of the boon, the lord of the dānavas who cannot be slain by the lords of the immortals."
AI translation rendered from the Sanskrit, not a published edition
MtP 161.34
एवमुक्त्वा तु भगवान् विसृज्य त्रिदशेश्वरान् वधं संकल्पयामास हिरण्यकशिपोः प्रभुः
evamuktvā tu bhagavān visṛjya tridaśeśvarān vadhaṃ saṃkalpayāmāsa hiraṇyakaśipoḥ prabhuḥ
Having spoken thus, the Lord dismissed the rulers of the gods and resolved upon the slaying of Hiraṇyakaśipu.
AI translation rendered from the Sanskrit, not a published edition
MtP 161.35
साहाय्यं च महाबाहुर् ॐकारं गृह्य सत्वरम् अथौंकारसहायस्तु भगवान्विष्णुरव्ययः
sāhāyyaṃ ca mahābāhur oṃkāraṃ gṛhya satvaram athauṃkārasahāyastu bhagavānviṣṇuravyayaḥ
And the mighty-armed one quickly took the syllable Om as his helper; then the Lord Viṣṇu, the imperishable, with Om as helper—
AI translation rendered from the Sanskrit, not a published edition
MtP 161.36
हिरण्यकशिपुस्थानं जगाम हरिरीश्वरः तेजसा भास्कराकारः शशी कान्त्येव चापरः
hiraṇyakaśipusthānaṃ jagāma harirīśvaraḥ tejasā bhāskarākāraḥ śaśī kāntyeva cāparaḥ
Hari the Lord went to the place of Hiraṇyakaśipu, in radiance like the sun in form, and like a second moon in loveliness.
AI translation rendered from the Sanskrit, not a published edition
MtP 161.37
नरस्य कृत्वार्धतनुं सिंहस्यार्धतनुं तथा नारसिंहेन वपुषा पाणिं संस्पृश्य पाणिना
narasya kṛtvārdhatanuṃ siṃhasyārdhatanuṃ tathā nārasiṃhena vapuṣā pāṇiṃ saṃspṛśya pāṇinā
Having made half his body that of a man and half that of a lion, with a man-lion form, touching one hand with the other hand—
AI translation rendered from the Sanskrit, not a published edition
MtP 161.38
ततो ऽपश्यत विस्तीर्णां दिव्यां रम्यां मनोरमाम् सर्वकामयुतां शुभ्रां हिरण्यकशिपोः सभाम्
tato 'paśyata vistīrṇāṃ divyāṃ ramyāṃ manoramām sarvakāmayutāṃ śubhrāṃ hiraṇyakaśipoḥ sabhām
Then he saw the vast, divine, delightful, charming, white hall of Hiraṇyakaśipu, furnished with everything one could wish for.
AI translation rendered from the Sanskrit, not a published edition
MtP 161.39
विस्तीर्णां योजनशतं शतमध्यर्धमायताम् वैहायसीं कामगमां पञ्चयोजनविस्तृताम्
vistīrṇāṃ yojanaśataṃ śatamadhyardhamāyatām vaihāyasīṃ kāmagamāṃ pañcayojanavistṛtām
(It was) a hundred yojanas broad, a hundred and fifty long, moving through the air, going wherever one wished, five yojanas in extent (in height).
AI translation rendered from the Sanskrit, not a published edition
MtP 161.40
जराशोकक्लमापेतां निष्प्रकम्पां शिवां सुखाम् वेश्महर्म्यवतीं रम्यां ज्वलन्तीमिव तेजसा
jarāśokaklamāpetāṃ niṣprakampāṃ śivāṃ sukhām veśmaharmyavatīṃ ramyāṃ jvalantīmiva tejasā
Free from old age, sorrow and fatigue, unshakable, auspicious, pleasant, provided with houses and mansions, lovely, as if blazing with radiance;
AI translation rendered from the Sanskrit, not a published edition
MtP 161.41
अन्तःसलिलसंयुक्तां विहितां विश्वकर्मणा दिव्यरत्नमयैर्वृक्षैः फलपुष्पप्रदैर्युताम्
antaḥsalilasaṃyuktāṃ vihitāṃ viśvakarmaṇā divyaratnamayairvṛkṣaiḥ phalapuṣpapradairyutām
Containing water within, fashioned by Viśvakarman, set with trees made of divine jewels that yielded fruit and flowers,
AI translation rendered from the Sanskrit, not a published edition
MtP 161.42
नीलपीतसितश्यामैः कृष्णैर्लोहितकैरपि अवतानैस्तथा गुल्मैर् मञ्जरीशतधारिभिः
nīlapītasitaśyāmaiḥ kṛṣṇairlohitakairapi avatānaistathā gulmair mañjarīśatadhāribhiḥ
With (plants) blue, yellow, white and dark, black too and red, and with drooping creepers and bushes bearing hundreds of blossom-clusters.
AI translation rendered from the Sanskrit, not a published edition — the model flagged this verse as uncertain
MtP 161.43
सिताभ्रघनसंकाशा प्लवन्तीव व्यदृश्यत रश्मिवती भास्वरा च दिव्यगन्धमनोरमा
sitābhraghanasaṃkāśā plavantīva vyadṛśyata raśmivatī bhāsvarā ca divyagandhamanoramā
Resembling a mass of white cloud, it appeared as if floating, radiant and shining, charming with divine fragrance.
AI translation rendered from the Sanskrit, not a published edition
MtP 161.44
सुसुखा न च दुःखा सा न शीता न च घर्मदा न क्षुत्पिपासे ग्लानिं वा प्राप्य तां प्राप्नुवन्ति ते
susukhā na ca duḥkhā sā na śītā na ca gharmadā na kṣutpipāse glāniṃ vā prāpya tāṃ prāpnuvanti te
It was very pleasant and not painful, neither cold nor productive of heat; on reaching it they suffer neither hunger and thirst nor weariness.
AI translation rendered from the Sanskrit, not a published edition
MtP 161.45
नानारूपैरुपकृतां विचित्रैरतिभास्वरैः स्तम्भैर्न विभृता सा वै शाश्वती चाक्षपा सदा
nānārūpairupakṛtāṃ vicitrairatibhāsvaraiḥ stambhairna vibhṛtā sā vai śāśvatī cākṣapā sadā
Adorned with various shapes, with variegated, exceedingly brilliant (ornaments) — it was not supported by pillars, and it was everlasting and always without night.
AI translation rendered from the Sanskrit, not a published edition — the model flagged this verse as uncertain
MtP 161.46
अति चन्द्रं च सूर्यं च शिखिनं च स्वयंप्रभा दीप्यते नाकपृष्ठस्था भासयन्तीव भास्करम्
ati candraṃ ca sūryaṃ ca śikhinaṃ ca svayaṃprabhā dīpyate nākapṛṣṭhasthā bhāsayantīva bhāskaram
Surpassing moon, sun and fire, self-luminous, it shines standing on the vault of heaven, as if outshining the sun.
AI translation rendered from the Sanskrit, not a published edition
MtP 161.47
सर्वे च कामाः प्रचुरा ये दिव्या ये च मानुषाः रसयुक्तं प्रभूतं च भक्ष्यभोज्यमनन्तकम्
sarve ca kāmāḥ pracurā ye divyā ye ca mānuṣāḥ rasayuktaṃ prabhūtaṃ ca bhakṣyabhojyamanantakam
And all objects of desire were abundant there, both divine and human, and food to chew and eat, savoury, plentiful and inexhaustible.
AI translation rendered from the Sanskrit, not a published edition
MtP 161.48
पुण्यगन्धस्रजश्चात्र नित्यपुष्पफलद्रुमाः उष्णे शीतानि तोयानि शीते चोष्णानि सन्ति च
puṇyagandhasrajaścātra nityapuṣpaphaladrumāḥ uṣṇe śītāni toyāni śīte coṣṇāni santi ca
And here there are garlands of holy fragrance and trees ever in flower and fruit; in the heat the waters are cool, and in the cold they are warm.
AI translation rendered from the Sanskrit, not a published edition
MtP 161.49
पुष्पिताग्रा महाशाखाः प्रवालाङ्कुरधारिणः लतावितानसंछन्ना नदीषु च सरःसु च
puṣpitāgrā mahāśākhāḥ pravālāṅkuradhāriṇaḥ latāvitānasaṃchannā nadīṣu ca saraḥsu ca
(There were trees) with flowering tops, great branches, bearing coral-red shoots, covered over with canopies of creepers, along the rivers and the lakes.
AI translation rendered from the Sanskrit, not a published edition
MtP 161.50
वृक्षान्बहुविधांस्तत्र मृगेन्द्रो ददृशे प्रभुः गन्धवन्ति च पुष्पाणि रसवन्ति फलानि च
vṛkṣānbahuvidhāṃstatra mṛgendro dadṛśe prabhuḥ gandhavanti ca puṣpāṇi rasavanti phalāni ca
There the lord of beasts saw trees of many kinds, and fragrant flowers and juicy fruits.
AI translation rendered from the Sanskrit, not a published edition
MtP 161.51
नातिशीतानि नोष्णानि तत्र तत्र सरांसि च अपश्यत्सर्वतीर्थानि सभायां तस्य स प्रभुः
nātiśītāni noṣṇāni tatra tatra sarāṃsi ca apaśyatsarvatīrthāni sabhāyāṃ tasya sa prabhuḥ
And here and there lakes neither too cold nor hot; that lord saw all the sacred fords (gathered) in his hall.
AI translation rendered from the Sanskrit, not a published edition
MtP 161.52
नलिनैः पुण्डरीकैश्च शतपत्त्रैः सुगन्धिभिः रक्तैः कुवलयैर्नीलैः कुमुदैः संवृतानि च
nalinaiḥ puṇḍarīkaiśca śatapattraiḥ sugandhibhiḥ raktaiḥ kuvalayairnīlaiḥ kumudaiḥ saṃvṛtāni ca
(The lakes were) covered with lotuses and white lotuses, with fragrant hundred-petalled blooms, with red water-lilies, with blue ones, and with night-lotuses;
AI translation rendered from the Sanskrit, not a published edition
MtP 161.53
सुकान्तैर्धार्तराष्ट्रैश्च राजहंसैश्च सुप्रियैः कारण्डवैश्चक्रवाकैः सारसैः कुररैरपि
sukāntairdhārtarāṣṭraiśca rājahaṃsaiśca supriyaiḥ kāraṇḍavaiścakravākaiḥ sārasaiḥ kurarairapi
With lovely dhārtarāṣṭra geese and with charming royal swans, with kāraṇḍava ducks, cakravākas, cranes and ospreys,
AI translation rendered from the Sanskrit, not a published edition
MtP 161.54
विमलैः स्फाटिकाभैश्च पाण्डुरच्छदनैर्द्विजैः बहुहंसोपगीतानि सारसाभिरुतानि च
vimalaiḥ sphāṭikābhaiśca pāṇḍuracchadanairdvijaiḥ bahuhaṃsopagītāni sārasābhirutāni ca
With spotless birds shining like crystal and with white-winged ones; (the lakes) were sung over by many swans and resounded with the cries of cranes.
AI translation rendered from the Sanskrit, not a published edition
MtP 161.55
गन्धवत्यः शुभास्तत्र पुष्टमञ्जरिधारिणीः दृष्टवान्पर्वताग्रेषु नानापुष्पधरा लताः
gandhavatyaḥ śubhāstatra puṣṭamañjaridhāriṇīḥ dṛṣṭavānparvatāgreṣu nānāpuṣpadharā latāḥ
There on the mountain tops he saw fragrant, lovely creepers bearing full clusters of blossom and holding many kinds of flowers.
AI translation rendered from the Sanskrit, not a published edition
MtP 161.56
केतक्यशोकसरलाः पुंनागतिलकार्जुनाः चूता नीपाः प्रस्थपुष्पाः कदम्बा बकुला धवाः
ketakyaśokasaralāḥ puṃnāgatilakārjunāḥ cūtā nīpāḥ prasthapuṣpāḥ kadambā bakulā dhavāḥ
Ketakas, aśokas, saralas, puṃnāgas, tilakas, arjunas, mangoes, nīpas, prasthapuṣpas, kadambas, bakulas, dhavas,
AI translation rendered from the Sanskrit, not a published edition
MtP 161.57
प्रियङ्गुपाटलावृक्षाः शाल्मल्यः सहरिद्रकाः सालास्तालास्तमालाश्च चम्पकाश्च मनोरमाः
priyaṅgupāṭalāvṛkṣāḥ śālmalyaḥ saharidrakāḥ sālāstālāstamālāśca campakāśca manoramāḥ
Priyaṅgu and pāṭalā trees, silk-cottons together with haridraka trees, sālas, palms, tamālas, and delightful campakas,
AI translation rendered from the Sanskrit, not a published edition
MtP 161.58
तथैवान्ये व्यराजन्त सभायां पुष्पिता द्रुमाः विद्रुमाश्च द्रुमाश्चैव ज्वलिताग्निसमप्रभाः
tathaivānye vyarājanta sabhāyāṃ puṣpitā drumāḥ vidrumāśca drumāścaiva jvalitāgnisamaprabhāḥ
Just so other flowering trees shone in the assembly hall, and corals and trees whose radiance equalled that of blazing fire.
AI translation rendered from the Sanskrit, not a published edition
MtP 161.59
स्कन्धवन्तः सुशाखाश्च बहुतालसमुच्छ्रयाः अञ्जनाशोकवर्णाश्च बहवश्चित्रका द्रुमाः
skandhavantaḥ suśākhāśca bahutālasamucchrayāḥ añjanāśokavarṇāśca bahavaścitrakā drumāḥ
There were many variegated trees with stout trunks and fine branches, tall as many palms, of the colour of añjana (black collyrium) and of aśoka (red).
AI translation rendered from the Sanskrit, not a published edition
MtP 161.60
वरुणो वत्सनाभश्च पनसाः सह चन्दनैः नीपाः सुमनसश्चैव निम्बा अश्वत्थतिन्दुकाः
varuṇo vatsanābhaśca panasāḥ saha candanaiḥ nīpāḥ sumanasaścaiva nimbā aśvatthatindukāḥ
Varuṇa (trees) and vatsanābha, jackfruit trees together with sandal trees, nīpas and sumanas, nimbas, aśvatthas and tindukas,
AI translation rendered from the Sanskrit, not a published edition
MtP 161.61
पारिजाताश्च लोध्राश्च मल्लिका भद्रदारवः आमलक्यस्तथा जम्बूलकुचाः शैलवालुकाः
pārijātāśca lodhrāśca mallikā bhadradāravaḥ āmalakyastathā jambūlakucāḥ śailavālukāḥ
Pārijātas and lodhras, jasmine and bhadradāru (deodar), and myrobalans (āmalakī), rose-apples, lakucas, śailavālukas,
AI translation rendered from the Sanskrit, not a published edition
MtP 161.62
खर्जूर्यो नारिकेलाश्च हरीतकविभीतकाः कालीयका द्रुकालाश्च हिङ्गवः पारियात्रकाः
kharjūryo nārikelāśca harītakavibhītakāḥ kālīyakā drukālāśca hiṅgavaḥ pāriyātrakāḥ
date palms and coconuts, harītakas and vibhītakas, kālīyakas and drukālas, hiṅgus and pāriyātrakas,
AI translation rendered from the Sanskrit, not a published edition
MtP 161.63
मन्दारकुन्दलक्ताश्च पतङ्गाः कुटजास्तथा रक्ताः कुरण्टकाश्चैव नीलाश्चागरुभिः सह
mandārakundalaktāśca pataṅgāḥ kuṭajāstathā raktāḥ kuraṇṭakāścaiva nīlāścāgarubhiḥ saha
mandāras, kunda-jasmines and lāktas, red-sandal (pataṅga) trees and kuṭajas, red kuraṇṭakas too, and blue ones along with agaru trees,
AI translation rendered from the Sanskrit, not a published edition — the model flagged this verse as uncertain
MtP 161.64
कदम्बाश्चैव भव्याश्च दाडिमा बीजपूरकाः सप्तपर्णाश्च बिल्वाश्च मधुपैरावृतास्तथा
kadambāścaiva bhavyāśca dāḍimā bījapūrakāḥ saptaparṇāśca bilvāśca madhupairāvṛtāstathā
kadambas and bhavyas, pomegranates and citrons, seven-leaved trees (saptaparṇa) and bilvas, wreathed about with honey-bees.
AI translation rendered from the Sanskrit, not a published edition — the model flagged this verse as uncertain
MtP 161.65
अशोकाश्च तमालाश्च नानागुल्मलतावृताः मधूकाः सप्तपर्णाश्च बहवः क्षीरका द्रुमाः
aśokāśca tamālāśca nānāgulmalatāvṛtāḥ madhūkāḥ saptaparṇāśca bahavaḥ kṣīrakā drumāḥ
Aśokas and tamālas covered over with various bushes and creepers, madhūkas and saptaparṇas, and many milk-bearing (kṣīraka) trees.
AI translation rendered from the Sanskrit, not a published edition
MtP 161.66
लताश्च विविधाकाराः पत्रपुष्पफलोपगाः एते चान्ये च बहवस् तत्र काननजा द्रुमाः
latāśca vividhākārāḥ patrapuṣpaphalopagāḥ ete cānye ca bahavas tatra kānanajā drumāḥ
And creepers of manifold shapes, bearing leaves, flowers and fruit — these and many other forest-born trees there,
AI translation rendered from the Sanskrit, not a published edition
MtP 161.67
नानापुष्पफलोपेता व्यराजन्त समन्ततः चकोराः शतपत्राश्च मत्तकोकिलसारिकाः
nānāpuṣpaphalopetā vyarājanta samantataḥ cakorāḥ śatapatrāśca mattakokilasārikāḥ
furnished with various flowers and fruits, shone all around; and cakora birds and hundred-petalled (lotuses? / śatapatra birds) and intoxicated cuckoos and mynahs.
AI translation rendered from the Sanskrit, not a published edition — the model flagged this verse as uncertain
MtP 161.68
पुष्पिताः पुष्पिताग्रैश्च संपतन्ति महाद्रुमाः रक्तपीतारुणास्तत्र पादपाग्रगताः खगाः
puṣpitāḥ puṣpitāgraiśca saṃpatanti mahādrumāḥ raktapītāruṇāstatra pādapāgragatāḥ khagāḥ
The great trees, in flower, come falling (their blossoms) with their flowering tips; there birds red, yellow and ruddy, perched on the treetops,
AI translation rendered from the Sanskrit, not a published edition — the model flagged this verse as uncertain
MtP 161.69
परस्परमवेक्षन्ते प्रहृष्टा जीवजीवकाः तस्यां सभायां दैत्येन्द्रो हिरण्यकशिपुस्तदा
parasparamavekṣante prahṛṣṭā jīvajīvakāḥ tasyāṃ sabhāyāṃ daityendro hiraṇyakaśipustadā
the delighted jīvajīvaka (pheasant) birds gaze at one another. In that assembly hall the lord of the Daityas, Hiraṇyakaśipu, then—
AI translation rendered from the Sanskrit, not a published edition
MtP 161.70
स्त्रीसहस्रैः परिवृतो विचित्राभरणाम्बरः अनर्घ्यमणिवज्रार्चिः शिखाज्वलितकुण्डलः
strīsahasraiḥ parivṛto vicitrābharaṇāmbaraḥ anarghyamaṇivajrārciḥ śikhājvalitakuṇḍalaḥ
surrounded by thousands of women, with variegated ornaments and garments, glittering with priceless gems and diamonds, his earrings blazing at their tips,
AI translation rendered from the Sanskrit, not a published edition
MtP 161.71
आसीनश्चासने चित्रे दशनल्वप्रमाणतः दिवाकरनिभे दिव्ये दिव्यास्तरणसंस्तृते
āsīnaścāsane citre daśanalvapramāṇataḥ divākaranibhe divye divyāstaraṇasaṃstṛte
seated on a variegated seat ten nalvas in measure, divine and resembling the sun, spread with a divine covering.
AI translation rendered from the Sanskrit, not a published edition
MtP 161.72
दिव्यगन्धवहस्तत्र मारुतः सुसुखो ववौ हिरण्यकशिपुर्दैत्य आस्ते ज्वलितकुण्डलः
divyagandhavahastatra mārutaḥ susukho vavau hiraṇyakaśipurdaitya āste jvalitakuṇḍalaḥ
There a most pleasant breeze blew, carrying divine fragrance; the Daitya Hiraṇyakaśipu sits there with blazing earrings.
AI translation rendered from the Sanskrit, not a published edition
MtP 161.73
उपचेरुर्महादैत्यं हिरण्यकशिपुं तदा दिव्यतानेन गीतानि जगुर् गन्धर्वसत्तमाः
upacerurmahādaityaṃ hiraṇyakaśipuṃ tadā divyatānena gītāni jagur gandharvasattamāḥ
Then the best of the Gandharvas waited upon the great Daitya Hiraṇyakaśipu and sang songs with divine melody.
AI translation rendered from the Sanskrit, not a published edition
MtP 161.74
विश्वाची सहजन्या च प्रम्लोचेत्यभिविश्रुता दिव्याथ सौरभेयी च समीची पुञ्जिकस्थली
viśvācī sahajanyā ca pramlocetyabhiviśrutā divyātha saurabheyī ca samīcī puñjikasthalī
Viśvācī and Sahajanyā, and she who is famed as Pramlocā, and Divyā, and Saurabheyī, Samīcī, Puñjikasthalī,
AI translation rendered from the Sanskrit, not a published edition
MtP 161.75
मिश्रकेशी च रम्भा च चित्रलेखा शुचिस्मिता चारुकेशी घृताची च मेनका चोर्वशी तथा
miśrakeśī ca rambhā ca citralekhā śucismitā cārukeśī ghṛtācī ca menakā corvaśī tathā
and Miśrakeśī and Rambhā, Citralekhā, Śucismitā, Cārukeśī and Ghṛtācī, and Menakā and Urvaśī,
AI translation rendered from the Sanskrit, not a published edition
MtP 161.76
एताः सहस्रशश्चान्या नृत्यगीतविशारदाः उपतिष्ठन्ति राजानं हिरण्यकशिपुं प्रभुम्
etāḥ sahasraśaścānyā nṛtyagītaviśāradāḥ upatiṣṭhanti rājānaṃ hiraṇyakaśipuṃ prabhum
these and thousands of others, skilled in dance and song, attend upon king Hiraṇyakaśipu, the lord.
AI translation rendered from the Sanskrit, not a published edition
MtP 161.77
तत्रासीनं महाबाहुं हिरण्यकशिपुं प्रभुम् उपासते दितेः पुत्राः सर्वे लब्धवरास्तथा
tatrāsīnaṃ mahābāhuṃ hiraṇyakaśipuṃ prabhum upāsate diteḥ putrāḥ sarve labdhavarāstathā
And all the sons of Diti, who had obtained boons, wait upon the mighty-armed lord Hiraṇyakaśipu seated there.
AI translation rendered from the Sanskrit, not a published edition
MtP 161.78
तमप्रतिमकर्माणं शतशो ऽथ सहस्रशः बलिर्विरोचनस्तत्र नरकः पृथिवीसुतः
tamapratimakarmāṇaṃ śataśo 'tha sahasraśaḥ balirvirocanastatra narakaḥ pṛthivīsutaḥ
— tr. refused: cyber
MtP 161.79
प्रह्लादो विप्रचित्तिश्च गविष्ठश्च महासुरः सुरहन्ता सुनामा च प्रमतिः सुमतिर्वरः
prahlādo vipracittiśca gaviṣṭhaśca mahāsuraḥ surahantā sunāmā ca pramatiḥ sumatirvaraḥ
Prahlāda and Vipracitti, and Gaviṣṭha the great asura, Surahantā and Sunāman, Pramati, and Sumati the eminent one—
AI translation rendered from the Sanskrit, not a published edition
MtP 161.80
घटोदरो महापार्श्वः क्रथनः पिठरस्तथा विश्वरूपः सुरूपश्च स्वबलश्च महाबलः
ghaṭodaro mahāpārśvaḥ krathanaḥ piṭharastathā viśvarūpaḥ surūpaśca svabalaśca mahābalaḥ
Ghaṭodara, Mahāpārśva, Krathana, and Piṭhara, Viśvarūpa and Surūpa, Svabala and Mahābala,
AI translation rendered from the Sanskrit, not a published edition
MtP 161.81
दशग्रीवश्च वाली च मेघवासा महासुरः घटास्यो ऽकम्पनश्चैव प्रजनश्चेन्द्रतापनः
daśagrīvaśca vālī ca meghavāsā mahāsuraḥ ghaṭāsyo 'kampanaścaiva prajanaścendratāpanaḥ
and Daśagrīva and Vālī, Meghavāsas the great asura, Ghaṭāsya and Akampana, Prajana and Indratāpana,
AI translation rendered from the Sanskrit, not a published edition
MtP 161.82
दैत्यदानवसंघास्ते सर्वे ज्वलितकुण्डलाः स्रग्विणो वाग्मिनः सर्वे सदैव चरितव्रताः
daityadānavasaṃghāste sarve jvalitakuṇḍalāḥ sragviṇo vāgminaḥ sarve sadaiva caritavratāḥ
Those hosts of Daityas and Danavas, all with blazing earrings, all wearing garlands, eloquent, and ever having fulfilled their vows —
AI translation rendered from the Sanskrit, not a published edition
MtP 161.83
सर्वे लब्धवराः शूराः सर्वे विगतमृत्यवः एते चान्ये च बहवो हिरण्यकशिपुं प्रभुम्
sarve labdhavarāḥ śūrāḥ sarve vigatamṛtyavaḥ ete cānye ca bahavo hiraṇyakaśipuṃ prabhum
all of them had obtained boons, all were heroes, all were free from death; these and many others (attended upon) Hiraṇyakaśipu, (their) lord,
AI translation rendered from the Sanskrit, not a published edition
MtP 161.84
उपासन्ति महात्मानं सर्वे दिव्यपरिच्छदाः विमानैर्विविधाकारैर् भ्राजमानैरिवाग्निभिः
upāsanti mahātmānaṃ sarve divyaparicchadāḥ vimānairvividhākārair bhrājamānairivāgnibhiḥ
All of them, with divine trappings, attend upon the great one, (coming) in flying chariots of various shapes that blaze like fires.
AI translation rendered from the Sanskrit, not a published edition
MtP 161.85
महेन्द्रवपुषः सर्वे विचित्राङ्गदबाहवः भूषिताङ्गा दितेः पुत्रास् तमुपासन्त सर्वशः
mahendravapuṣaḥ sarve vicitrāṅgadabāhavaḥ bhūṣitāṅgā diteḥ putrās tamupāsanta sarvaśaḥ
All of them with bodies like great Indra's, their arms (adorned) with variegated armlets, their limbs decorated — the sons of Diti attended upon him on every side.
AI translation rendered from the Sanskrit, not a published edition
MtP 161.86
तस्यां सभायां दिव्यायाम् असुराः पर्वतोपमाः हिरण्यवपुषः सर्वे दिवाकरसमप्रभाः
tasyāṃ sabhāyāṃ divyāyām asurāḥ parvatopamāḥ hiraṇyavapuṣaḥ sarve divākarasamaprabhāḥ
In that divine assembly hall were the asuras, like mountains, all of them golden-bodied, with radiance equal to the sun.
AI translation rendered from the Sanskrit, not a published edition
MtP 161.87
न श्रुतं नैव दृष्टं हि हिरण्यकशिपोर्यथा ऐश्वर्यं दैत्यसिंहस्य यथा तस्य महात्मनः
na śrutaṃ naiva dṛṣṭaṃ hi hiraṇyakaśiporyathā aiśvaryaṃ daityasiṃhasya yathā tasya mahātmanaḥ
For never has such sovereignty been heard of, nor even seen, as that of Hiraṇyakaśipu, the lion among the Daityas, as that of that great-souled one.
AI translation rendered from the Sanskrit, not a published edition
MtP 161.88
कनकरजतचित्रवेदिकायां परिहृतरत्नविचित्रवीथिकायाम् स ददर्श मृगाधिपः सभायां सुरचितरत्नगवाक्षशोभितायाम्
kanakarajatacitravedikāyāṃ parihṛtaratnavicitravīthikāyām sa dadarśa mṛgādhipaḥ sabhāyāṃ suracitaratnagavākṣaśobhitāyām
In that hall, whose platforms were bright with gold and silver, whose walkways were variegated with jewels set all around, and which was adorned with well-fashioned jewelled lattice-windows, the lord of beasts saw (him):
AI translation rendered from the Sanskrit, not a published edition
MtP 161.89
कनकविमलहारभूषिताङ्गं दितितनयं स मृगाधिपो ददर्श दिवसकरमहाप्रभाज्वलन्तं दितिजसहस्रशतैर्निषेव्यमाणम्
kanakavimalahārabhūṣitāṅgaṃ dititanayaṃ sa mṛgādhipo dadarśa divasakaramahāprabhājvalantaṃ ditijasahasraśatairniṣevyamāṇam
the lord of beasts saw the son of Diti, his body adorned with a necklace of pure gold, blazing with the great splendour of the day-maker (the sun), attended by hundreds of thousands of Diti's offspring.
AI translation rendered from the Sanskrit, not a published edition