Matsya Purana — Chapter 16
MtP 16.1
श्रुत्वैतत् सर्वम् अखिलं मनुः पप्रच्छ केशवम् श्राद्धकालं च विविधं श्राद्धभेदं तथैव च
śrutvaitat sarvam akhilaṃ manuḥ papraccha keśavam śrāddhakālaṃ ca vividhaṃ śrāddhabhedaṃ tathaiva ca
Having heard all this in its entirety, Manu asked Keśava about the time for śrāddha in its varieties, and likewise about the kinds of śrāddha:
AI translation rendered from the Sanskrit, not a published edition
MtP 16.2
श्राद्धेषु भोजनीया ये ये च वर्ज्या द्विजातयः कस्मिन्वासरभागे वा पितृभ्यः श्राद्धमाचरेत्
śrāddheṣu bhojanīyā ye ye ca varjyā dvijātayaḥ kasminvāsarabhāge vā pitṛbhyaḥ śrāddhamācaret
"Which twice-born are to be fed at śrāddhas, and which are to be excluded? And in what part of the day should one perform the śrāddha for the fathers?
AI translation rendered from the Sanskrit, not a published edition
MtP 16.3
कस्मिन्दत्तं कथं याति श्राद्धं तु मधुसूदन विधिना केन कर्तव्यं कथं प्रीणाति तत्पितॄन्
kasmindattaṃ kathaṃ yāti śrāddhaṃ tu madhusūdana vidhinā kena kartavyaṃ kathaṃ prīṇāti tatpitṝn
"Given to whom, and how, does the śrāddha reach (its goal), O Madhusūdana? By what rule is it to be performed, and how does it gladden the fathers?"
AI translation rendered from the Sanskrit, not a published edition
MtP 16.4
कुर्यादहरहः श्राद्धम् अन्नाद्येनोदकेन वा पयोमूलफलैर् वापि पितृभ्यः प्रीतिमावहन्
kuryādaharahaḥ śrāddham annādyenodakena vā payomūlaphalair vāpi pitṛbhyaḥ prītimāvahan
One should perform the śrāddha day by day, with food, or with water, or even with milk, roots and fruits, bringing satisfaction to the fathers.
AI translation rendered from the Sanskrit, not a published edition
MtP 16.5
नित्यं नैमित्तिकं काम्यं त्रिविधं श्राद्धमुच्यते नित्यं तावत्प्रवक्ष्यामि अर्घ्यावाहनवर्जितम्
nityaṃ naimittikaṃ kāmyaṃ trividhaṃ śrāddhamucyate nityaṃ tāvatpravakṣyāmi arghyāvāhanavarjitam
The śrāddha is said to be of three kinds: regular, occasional, and optional (for a desired end). First I shall declare the regular one, which is without the arghya-offering and without invocation.
AI translation rendered from the Sanskrit, not a published edition
MtP 16.6
अदैवं तद्विजानीयात् पार्वणं पर्वसु स्मृतम् पार्वणं त्रिविधं प्रोक्तं शृणु तावन्महीपते
adaivaṃ tadvijānīyāt pārvaṇaṃ parvasu smṛtam pārvaṇaṃ trividhaṃ proktaṃ śṛṇu tāvanmahīpate
One should know that (regular one) as being without a deity. The pārvaṇa is prescribed at the parva-days; the pārvaṇa is said to be of three kinds — hear of it now, O lord of the earth.
AI translation rendered from the Sanskrit, not a published edition
MtP 16.7
पार्वणे ये नियोज्यास्तु ताञ्शृणुष्व नराधिप पञ्चाग्निः स्नातकश्चैव त्रिसुपर्णः षडङ्गवित्
pārvaṇe ye niyojyāstu tāñśṛṇuṣva narādhipa pañcāgniḥ snātakaścaiva trisuparṇaḥ ṣaḍaṅgavit
Hear, O ruler of men, who are to be engaged at the pārvaṇa: one who maintains the five fires, a snātaka, one who knows the Trisuparṇa, one versed in the six auxiliary sciences,
AI translation rendered from the Sanskrit, not a published edition
MtP 16.8
श्रोत्रियः श्रोत्रियसुतो विधिवाक्यविशारदः सर्वज्ञो वेदविन्मन्त्री ज्ञातवंशः कुलान्वितः
śrotriyaḥ śrotriyasuto vidhivākyaviśāradaḥ sarvajño vedavinmantrī jñātavaṃśaḥ kulānvitaḥ
(He should be) a śrotriya learned in the Veda, the son of a śrotriya, skilled in the words of the ritual rules, all-knowing, a knower of the Veda, a counsellor, of known lineage, of good family;
AI translation rendered from the Sanskrit, not a published edition
MtP 16.9
पुराणवेत्ता धर्मज्ञः स्वाध्यायजपतत्परः शिवभक्तः पितृपरः सूर्यभक्तो ऽथ वैष्णवः
purāṇavettā dharmajñaḥ svādhyāyajapatatparaḥ śivabhaktaḥ pitṛparaḥ sūryabhakto 'tha vaiṣṇavaḥ
a knower of the Purāṇas, versed in dharma, devoted to the recitation of his own Vedic portion, a devotee of Śiva, intent on the ancestors, a devotee of the Sun, or else a Vaiṣṇava;
AI translation rendered from the Sanskrit, not a published edition
MtP 16.10
ब्रह्मण्यो योगविच्छान्तो विजितात्मा च शीलवान् भोजयेच्चापि दौहित्रं यत्नतः स्वसुहृद्गुरून्
brahmaṇyo yogavicchānto vijitātmā ca śīlavān bhojayeccāpi dauhitraṃ yatnataḥ svasuhṛdgurūn
friendly to brahmans, knowing yoga, tranquil, self-controlled, and of good conduct; and he should also feed, with effort, his daughter's son, his own friends, and his teachers,
AI translation rendered from the Sanskrit, not a published edition
MtP 16.11
विट्पीतं मातुलं बन्धुम् ऋत्विगाचार्यसोमपान् यश्च व्याकुरुते वाक्यं यश्च मीमांसते ऽध्वरम्
viṭpītaṃ mātulaṃ bandhum ṛtvigācāryasomapān yaśca vyākurute vākyaṃ yaśca mīmāṃsate 'dhvaram
one who has drunk with the community(?), his maternal uncle, a kinsman, officiating priests, teachers, drinkers of soma, and one who expounds a (scriptural) text and one who investigates the sacrifice by mīmāṃsā,
AI translation rendered from the Sanskrit, not a published edition — the model flagged this verse as uncertain
MtP 16.12
सामस्वरविधिज्ञश्च पङ्क्तिपावनपावनः सामगो ब्रह्मचारी च वेदयुक्तो ऽथ ब्रह्मवित्
sāmasvaravidhijñaśca paṅktipāvanapāvanaḥ sāmago brahmacārī ca vedayukto 'tha brahmavit
and one who knows the rules of the Sāman accents, one who purifies even the purifiers of the row (of diners), a Sāman-singer, a celibate student, one joined to the Veda, and a knower of brahman.
AI translation rendered from the Sanskrit, not a published edition
MtP 16.13
यत्रैते भुञ्जते श्राद्धे तदेव परमार्थवत् एते भोज्याः प्रयत्नेन वर्जनीयान्निबोध मे
yatraite bhuñjate śrāddhe tadeva paramārthavat ete bhojyāḥ prayatnena varjanīyānnibodha me
That śrāddha at which these eat is itself possessed of the highest purpose. These are to be fed with care; learn from me those who are to be excluded.
AI translation rendered from the Sanskrit, not a published edition
MtP 16.14
पतितो ऽभिशस्तः क्लीबः पिशुनव्यङ्गरोगिणः कुनखी श्यावदन्तश्च कुण्डगोलाश्वपालकाः
patito 'bhiśastaḥ klībaḥ piśunavyaṅgarogiṇaḥ kunakhī śyāvadantaśca kuṇḍagolāśvapālakāḥ
One who has fallen (from caste), one accused (of a crime), a eunuch, slanderers, the deformed, the diseased, one with bad nails, one with black teeth, a kuṇḍa, a gola, and horse-keepers;
AI translation rendered from the Sanskrit, not a published edition
MtP 16.15
परिवित्तिर्नियुक्तात्मा प्रमत्तोन्मत्तदारुणाः बैडाली बकवृत्तिश्च दम्भी देवलकादयः
parivittirniyuktātmā pramattonmattadāruṇāḥ baiḍālī bakavṛttiśca dambhī devalakādayaḥ
one married before his elder brother, one appointed (to beget a son on a widow), the heedless, the mad, the cruel, one of cat-like or heron-like behaviour, the hypocrite, temple-servants and the like;
AI translation rendered from the Sanskrit, not a published edition — the model flagged this verse as uncertain
MtP 16.16
कृतघ्नान्नास्तिकांस् तद्वन् म्लेच्छदेशनिवासिनः त्रिशङ्कुर् बर्बरद्राववीतद्रविडकोङ्कणान्
kṛtaghnānnāstikāṃs tadvan mlecchadeśanivāsinaḥ triśaṅkur barbaradrāvavītadraviḍakoṅkaṇān
likewise the ungrateful and deniers (of scripture), those dwelling in the lands of barbarians, one like Triśaṅku(?), and Barbaras, Drāvas, Vītas, Draviḍas and Koṅkaṇas;
AI translation rendered from the Sanskrit, not a published edition — the model flagged this verse as uncertain
MtP 16.17
वर्जयेल्लिङ्गिनः सर्वाञ् श्राद्धकाले विशेषतः पूर्वेद्युरपरेद्युर्वा विनीतात्मा निमन्त्रयेत्
varjayelliṅginaḥ sarvāñ śrāddhakāle viśeṣataḥ pūrvedyuraparedyurvā vinītātmā nimantrayet
he should exclude all who (merely) wear the marks (of an order), especially at the time of the śrāddha. On the day before or the day after, with a disciplined mind, he should invite (them).
AI translation rendered from the Sanskrit, not a published edition
MtP 16.18
निमन्त्रितान्हि पितर उपतिष्ठन्ति तान्द्विजान् वायुभूता नु गच्छन्ति तथासीनानुपासते
nimantritānhi pitara upatiṣṭhanti tāndvijān vāyubhūtā nu gacchanti tathāsīnānupāsate
For the ancestors stand near those twice-born who have been invited, and having become wind they go along (with them), and thus they attend upon them when they are seated.
AI translation rendered from the Sanskrit, not a published edition — the model flagged this verse as uncertain
MtP 16.19
दक्षिणं जानुमालभ्य त्वं मया तु निमन्त्रितः एवं निमन्त्र्य नियमं श्रावयेत्पितृबान्धवान्
dakṣiṇaṃ jānumālabhya tvaṃ mayā tu nimantritaḥ evaṃ nimantrya niyamaṃ śrāvayetpitṛbāndhavān
Touching (the guest's) right knee, (he says) "You have been invited by me." Having invited (them) thus, he should announce the rule to the ancestral kinsmen:
AI translation rendered from the Sanskrit, not a published edition
MtP 16.20
अक्रोधनैः शौचपरैः सततं ब्रह्मचारिभिः भवितव्यं भवद्भिश्च मया च श्राद्धकारिणा
akrodhanaiḥ śaucaparaiḥ satataṃ brahmacāribhiḥ bhavitavyaṃ bhavadbhiśca mayā ca śrāddhakāriṇā
"You must be free from anger, intent on purity, and continually chaste—both you and I, the performer of the śrāddha."
AI translation rendered from the Sanskrit, not a published edition
MtP 16.21
पितृयज्ञं विनिर्वर्त्य तर्पणाख्यं तु यो ऽग्निमान् पिण्डान्वाहार्यकं कुर्याच् छ्राद्धमिन्दुक्षये सदा
pitṛyajñaṃ vinirvartya tarpaṇākhyaṃ tu yo 'gnimān piṇḍānvāhāryakaṃ kuryāc chrāddhamindukṣaye sadā
He who maintains the sacred fires, having completed the ancestral sacrifice called the tarpaṇa (water-offering), should always perform at the new moon the śrāddha of the rice-balls, the anvāhārya.
AI translation rendered from the Sanskrit, not a published edition — the model flagged this verse as uncertain
MtP 16.22
गोमयेनोपलिप्ते तु दक्षिणप्रवणे स्थले श्राद्धं समाचरेद्भक्त्या गोष्ठे वा जलसंनिधौ
gomayenopalipte tu dakṣiṇapravaṇe sthale śrāddhaṃ samācaredbhaktyā goṣṭhe vā jalasaṃnidhau
On a spot smeared with cow-dung and sloping toward the south he should perform the śrāddha with devotion, or in a cow-pen, or near water.
AI translation rendered from the Sanskrit, not a published edition
MtP 16.23
अग्निमान्निर्वपेत्पित्र्यं चरुं च सममुष्टिभिः पितृभ्यो निर्वपामीति सर्वं दक्षिणतो न्यसेत्
agnimānnirvapetpitryaṃ caruṃ ca samamuṣṭibhiḥ pitṛbhyo nirvapāmīti sarvaṃ dakṣiṇato nyaset
One who maintains the fires should offer out the ancestral portion and the caru in equal handfuls, saying "I offer it out to the ancestors," and should set it all down on the south side.
AI translation rendered from the Sanskrit, not a published edition — the model flagged this verse as uncertain
MtP 16.24
अभिघार्यं ततः कुर्यान् निर्वापत्रयमग्रतः ते ऽपि तस्यायताः कार्याश् चतुरङ्गुलविस्तृताः
abhighāryaṃ tataḥ kuryān nirvāpatrayamagrataḥ te 'pi tasyāyatāḥ kāryāś caturaṅgulavistṛtāḥ
Then he should make the sprinkling with ghee, (setting) the three offering-heaps in front; these too should be made as long as that (measure) and four fingers broad.
AI translation rendered from the Sanskrit, not a published edition — the model flagged this verse as uncertain
MtP 16.25
दर्वीत्रयं तु कुर्वीत खादिरं रजतान्वितम् रत्निमात्रं परिश्लक्ष्णं हस्ताकाराग्रमुत्तमम्
darvītrayaṃ tu kurvīta khādiraṃ rajatānvitam ratnimātraṃ pariślakṣṇaṃ hastākārāgramuttamam
He should make three ladles of khadira wood, fitted with silver, a cubit (ratni) in measure, quite smooth, best when the tip is shaped like a hand.
AI translation rendered from the Sanskrit, not a published edition
MtP 16.26
उदपात्रं च कांस्यं च मेक्षणं च समित्कुशान् तिलाः पात्राणि सद्वासो गन्धधूपानुलेपनम्
udapātraṃ ca kāṃsyaṃ ca mekṣaṇaṃ ca samitkuśān tilāḥ pātrāṇi sadvāso gandhadhūpānulepanam
A water-vessel, a bronze (vessel), a stirring-stick, firewood, kuśa grass, sesame seeds, dishes, good clothing, perfume, incense and ointment—
AI translation rendered from the Sanskrit, not a published edition
MtP 16.27
आहरेदपसव्यं तु सर्वं दक्षिणतः शनैः एवमासाद्य तत्सर्वं भवनस्याग्रतो भुवि
āharedapasavyaṃ tu sarvaṃ dakṣiṇataḥ śanaiḥ evamāsādya tatsarvaṃ bhavanasyāgrato bhuvi
he should bring it all slowly from the right (i.e. in the reverse, southward, manner). Having thus set out all that on the ground in front of the house,
AI translation rendered from the Sanskrit, not a published edition — the model flagged this verse as uncertain
MtP 16.28
गोमयेनोपलिप्तायां गोमूत्रेण तु मण्डलम् अक्षताभिः सपुष्पाभिस् तदभ्यर्च्यापसव्यवत्
gomayenopaliptāyāṃ gomūtreṇa tu maṇḍalam akṣatābhiḥ sapuṣpābhis tadabhyarcyāpasavyavat
On (ground) smeared with cow-dung, (he should make) a circle with cow-urine, and having worshipped it with unbroken grains together with flowers, in the manner of moving from right to left (apasavya),
AI translation rendered from the Sanskrit, not a published edition — the model flagged this verse as uncertain
MtP 16.29
विप्राणां क्षालयेत् पादाव् अभिनन्द्य पुनः पुनः आसनेषूपकॢप्तेषु दर्भवत्सु विधानवत्
viprāṇāṃ kṣālayet pādāv abhinandya punaḥ punaḥ āsaneṣūpakḷpteṣu darbhavatsu vidhānavat
he should wash the feet of the brahmins, greeting them again and again, when seats have been prepared with darbha grass according to the rule.
AI translation rendered from the Sanskrit, not a published edition
MtP 16.30
उपस्पृष्टोदकान्विप्रान् उपवेश्यानुमन्त्रयेत् द्वौ दैवे पितृकृत्ये त्रीन् एकैकमुभयत्र च
upaspṛṣṭodakānviprān upaveśyānumantrayet dvau daive pitṛkṛtye trīn ekaikamubhayatra ca
Having seated the brahmins who have sipped water, he should ask their consent: two for the rite for the gods, three for the rite for the fathers, or one for each of the two.
AI translation rendered from the Sanskrit, not a published edition
MtP 16.31
भोजयेदीश्वरो ऽपीह न कुर्याद्विस्तरं बुधः दैवपूर्वं नियोज्याथ विप्रानर्घ्यादिना बुधः
bhojayedīśvaro 'pīha na kuryādvistaraṃ budhaḥ daivapūrvaṃ niyojyātha viprānarghyādinā budhaḥ
He should feed (them); even if wealthy, the wise man should not here make an elaborate (rite). Then, the wise man, having employed the brahmins beginning with those for the gods, with the arghya-water and the rest,
AI translation rendered from the Sanskrit, not a published edition — the model flagged this verse as uncertain
MtP 16.32
अग्नौ कुर्यादनुज्ञातो विप्रैर् विप्रो यथाविधि स्वगृह्योक्तविधानेन कांस्ये कृत्वा चरुं ततः
agnau kuryādanujñāto viprair vipro yathāvidhi svagṛhyoktavidhānena kāṃsye kṛtvā caruṃ tataḥ
the brahmin, permitted by the brahmins, should (make the offering) in the fire according to the rule, by the procedure stated in his own gṛhya (texts), having then prepared the caru in a bronze vessel.
AI translation rendered from the Sanskrit, not a published edition
MtP 16.33
अग्नीषोमयमाभ्यां तु कुर्यादाप्यायनं बुधः दक्षिणाग्नौ प्रतीते वा य एकाग्निर्द्विजोत्तमः
agnīṣomayamābhyāṃ tu kuryādāpyāyanaṃ budhaḥ dakṣiṇāgnau pratīte vā ya ekāgnirdvijottamaḥ
But the wise man should make the āpyāyana offering to Agni, Soma and Yama; or, in the southern fire, or in the (fire) resorted to, if he is a best of twice-born who keeps a single fire.
AI translation rendered from the Sanskrit, not a published edition — the model flagged this verse as uncertain
MtP 16.34
यज्ञोपवीती निर्वर्त्य ततः पर्युक्षणादिकम् प्राचीनावीतिना कार्यम् अतः सर्वं विजानता
yajñopavītī nirvartya tataḥ paryukṣaṇādikam prācīnāvītinā kāryam ataḥ sarvaṃ vijānatā
Wearing the sacred thread (over the left shoulder), having then completed the sprinkling around and the rest, from this point on everything is to be done by one who knows, with the thread over the right shoulder.
AI translation rendered from the Sanskrit, not a published edition
MtP 16.35
षट् च तस्माद्धविःशेषात् पिण्डान्कृत्वा ततोदकम् दद्यादुदकपात्रैस् तु सतिलं सव्यपाणिना
ṣaṭ ca tasmāddhaviḥśeṣāt piṇḍānkṛtvā tatodakam dadyādudakapātrais tu satilaṃ savyapāṇinā
And having made six balls from that remainder of the oblation, he should then give water with water-vessels, together with sesame, with the left hand.
AI translation rendered from the Sanskrit, not a published edition
MtP 16.36
जान्व् आच्य सव्यं यत्नेन दर्भयुक्तो विमत्सरः विधाय लेखा यत्नेन निर्वापेष्ववनेजनम्
jānv ācya savyaṃ yatnena darbhayukto vimatsaraḥ vidhāya lekhā yatnena nirvāpeṣvavanejanam
Bending the left knee with care, holding darbha grass, free of ill-will, having carefully drawn the lines, (he should perform) the washing of hands over the offering-places;
AI translation rendered from the Sanskrit, not a published edition — the model flagged this verse as uncertain
MtP 16.37
दक्षिणाभिमुखः कुर्यात् करे दर्वीं निधाय वै निधाय पिण्डम् एकैकं सर्वदर्भेष्वनुक्रमात्
dakṣiṇābhimukhaḥ kuryāt kare darvīṃ nidhāya vai nidhāya piṇḍam ekaikaṃ sarvadarbheṣvanukramāt
facing south he should do (it), placing the ladle in his hand, setting down one ball at a time on all the darbha grasses in succession.
AI translation rendered from the Sanskrit, not a published edition
MtP 16.38
निनयेदथ दर्भेषु नामगोत्रानुकीर्तनैः तेषु दर्भेषु तं हस्तं विमृज्याल्लेपभागिनाम्
ninayedatha darbheṣu nāmagotrānukīrtanaiḥ teṣu darbheṣu taṃ hastaṃ vimṛjyāllepabhāginām
Then he should pour (them) down upon the darbha grasses with the recitation of names and lineages; and upon those darbha grasses he should wipe that hand for the sake of those who share the smeared remnants.
AI translation rendered from the Sanskrit, not a published edition
MtP 16.39
तथैव च ततः कुर्यात् पुनः प्रत्यवनेजनम् षडप्यृतून्नमस्कृत्य गन्धधूपार्हणादिभिः
tathaiva ca tataḥ kuryāt punaḥ pratyavanejanam ṣaḍapyṛtūnnamaskṛtya gandhadhūpārhaṇādibhiḥ
And then in just the same way he should perform again the washing afterwards, having saluted all six seasons with perfumes, incense, offerings and the rest.
AI translation rendered from the Sanskrit, not a published edition — the model flagged this verse as uncertain
MtP 16.40
एवमावाह्य तत्सर्वं वेदमन्त्रैर्यथोदितैः एकाग्नेरेक एव स्यान् निर्वापो दर्विका तथा
evamāvāhya tatsarvaṃ vedamantrairyathoditaiḥ ekāgnereka eva syān nirvāpo darvikā tathā
Having thus invoked all that with the Vedic mantras as prescribed — for one who keeps a single fire there should be only one strewing of the offering, and likewise one ladle.
AI translation rendered from the Sanskrit, not a published edition
MtP 16.41
ततः कृत्वान्तरे दद्यात् पत्नीभ्यो ऽन्नं कुशेषु सः तद्वत्पिण्डादिके कुर्याद् आवाहनविसर्जनम्
tataḥ kṛtvāntare dadyāt patnībhyo 'nnaṃ kuśeṣu saḥ tadvatpiṇḍādike kuryād āvāhanavisarjanam
Then, having made (an offering) in the interval, he should give food to the wives on kuśa grass; in the same way he should perform the invocation and dismissal in respect of the balls and the rest.
AI translation rendered from the Sanskrit, not a published edition
MtP 16.42
ततो गृहीत्वा पिण्डेभ्यो मात्राः सर्वाः क्रमेण तु तानेव विप्रान्प्रथमं प्राशयेद्यत्नतो नरः
tato gṛhītvā piṇḍebhyo mātrāḥ sarvāḥ krameṇa tu tāneva viprānprathamaṃ prāśayedyatnato naraḥ
Then, taking from the balls all the portions in due order, the man should carefully make those same brahmins eat them first.
AI translation rendered from the Sanskrit, not a published edition
MtP 16.43
यस्मादन्नाद्धृता मात्रा भक्षयन्ति द्विजातयः अन्वाहार्यकम् इत्युक्तं तस्मात्तच्चन्द्रसंक्षये
yasmādannāddhṛtā mātrā bhakṣayanti dvijātayaḥ anvāhāryakam ityuktaṃ tasmāttaccandrasaṃkṣaye
Since the twice-born eat the portion taken from the food, therefore it is called anvāhāryaka — that (rite) at the waning away of the moon.
AI translation rendered from the Sanskrit, not a published edition — the model flagged this verse as uncertain
MtP 16.44
पूर्वं दत्त्वा तु तद्धस्ते सपवित्रं तिलोदकम् तत्पिण्डाग्रं प्रयच्छेत स्वधैषामस्त्विति ब्रुवन्
pūrvaṃ dattvā tu taddhaste sapavitraṃ tilodakam tatpiṇḍāgraṃ prayaccheta svadhaiṣāmastviti bruvan
Having first placed in his hand sesame-water together with a purifier, he should offer him the topmost part of that ball, saying "May there be svadhā for these."
AI translation rendered from the Sanskrit, not a published edition
MtP 16.45
वर्णयन्भोजयेदन्नं मिष्टं पूतं च सर्वदा वर्जयेत्क्रोधपरतां स्मरन्नारायणं हरिम्
varṇayanbhojayedannaṃ miṣṭaṃ pūtaṃ ca sarvadā varjayetkrodhaparatāṃ smarannārāyaṇaṃ harim
Praising (it), he should feed (them) food, always sweet and pure; he should avoid any inclination to anger, remembering Nārāyaṇa Hari.
AI translation rendered from the Sanskrit, not a published edition
MtP 16.46
तृप्ताञ्ज्ञात्वा ततः कुर्याद् विकिरन्सार्ववर्णिकम् सोदकं चान्नमुद्धृत्य सलिलं प्रक्षिपेद्भुवि
tṛptāñjñātvā tataḥ kuryād vikiransārvavarṇikam sodakaṃ cānnamuddhṛtya salilaṃ prakṣipedbhuvi
Then, knowing them satisfied, he should make the scattering (of food) of all kinds; and taking up food with water, he should throw the water on the ground.
AI translation rendered from the Sanskrit, not a published edition
MtP 16.47
आचान्तेषु पुनर्दद्याज् जलपुष्पाक्षतोदकम् स्वस्तिवाचनकं सर्वं पिण्डोपरि समाहरेत्
ācānteṣu punardadyāj jalapuṣpākṣatodakam svastivācanakaṃ sarvaṃ piṇḍopari samāharet
When they have rinsed their mouths, he should again give water with flowers and unbroken grains; he should bring together all the blessing-recitation over the balls.
AI translation rendered from the Sanskrit, not a published edition — the model flagged this verse as uncertain
MtP 16.48
देवाद्यन्तं प्रकुर्वीत श्राद्धनाशो ऽन्यथा भवेत् विसृज्य ब्राह्मणांस्तद्वत् तेषां कृत्वा प्रदक्षिणम्
devādyantaṃ prakurvīta śrāddhanāśo 'nyathā bhavet visṛjya brāhmaṇāṃstadvat teṣāṃ kṛtvā pradakṣiṇam
(The rite) should be performed beginning and ending with the gods; otherwise there is ruin of the śrāddha. Having dismissed the brahmins in like manner, and having circumambulated them,
AI translation rendered from the Sanskrit, not a published edition
MtP 16.49
दक्षिणां दिशमाकाङ्क्षन् पितॄन् याचेत मानवः दातारो नो ऽभिवर्धन्तां वेदाः संततिरेव च
dakṣiṇāṃ diśamākāṅkṣan pitṝn yāceta mānavaḥ dātāro no 'bhivardhantāṃ vedāḥ saṃtatireva ca
facing the southern direction, let a man make request of the fathers: "May our givers increase, and the Vedas, and our lineage;
AI translation rendered from the Sanskrit, not a published edition
MtP 16.50
श्रद्धा च नो मा व्यगमद् बहु देयं च नो ऽस्त्विति अन्नं च नो बहु भवेद् अतिथींश्च लभेमहि
śraddhā ca no mā vyagamad bahu deyaṃ ca no 'stviti annaṃ ca no bahu bhaved atithīṃśca labhemahi
and may faith not depart from us, and may we have much to give; and may our food be abundant, and may we obtain guests;
AI translation rendered from the Sanskrit, not a published edition
MtP 16.51
याचितारश्च नः सन्तु मा च याचिष्म कंचन एतदस्त्विति तत्प्रोक्तम् अन्वाहार्यं तु पार्वणम्
yācitāraśca naḥ santu mā ca yāciṣma kaṃcana etadastviti tatproktam anvāhāryaṃ tu pārvaṇam
and may there be those who ask of us, and may we not have to ask of anyone — may it be thus." That is called the anvāhārya (monthly) rite, the pārvaṇa (rite of the lunar day).
AI translation rendered from the Sanskrit, not a published edition
MtP 16.52
यथेन्दुसंक्षये तद्वद् अन्यत्रापि निगद्यते पिण्डांस्तु गोजविप्रेभ्यो दद्यादग्नौ जले ऽपि वा
yathendusaṃkṣaye tadvad anyatrāpi nigadyate piṇḍāṃstu gojaviprebhyo dadyādagnau jale 'pi vā
As at the waning of the moon (new-moon day), so it is prescribed also on other (occasions). But the balls (piṇḍas) he should give to a cow, a goat, or brahmins, or (cast them) into fire or into water.
AI translation rendered from the Sanskrit, not a published edition
MtP 16.53
विप्राग्रतो वा विकिरेद् वयोभिर् अभिवाशयेत् पत्नी तु मध्यमं पिण्डं प्राशयेद् विनयान्विता
viprāgrato vā vikired vayobhir abhivāśayet patnī tu madhyamaṃ piṇḍaṃ prāśayed vinayānvitā
Or he may scatter (them) before the brahmins, and let them be called upon by the birds; but the wife, filled with modesty, should eat the middle ball,
AI translation rendered from the Sanskrit, not a published edition
MtP 16.54
आधत्त पितरो गर्भम् अत्र संतानवर्धनम् तावदुच्छेषणं तिष्ठेद् यावद्विप्रा विसर्जिताः
ādhatta pitaro garbham atra saṃtānavardhanam tāvaduccheṣaṇaṃ tiṣṭhed yāvadviprā visarjitāḥ
(saying) "Fathers, place here an embryo that increases the lineage." The remnants should remain until the brahmins have been dismissed.
AI translation rendered from the Sanskrit, not a published edition
MtP 16.55
वैश्वदेवं ततः कुर्यान् निवृत्ते पितृकर्मणि इष्टैः सह ततः शान्तो भुञ्जीत पितृसेवितम्
vaiśvadevaṃ tataḥ kuryān nivṛtte pitṛkarmaṇi iṣṭaiḥ saha tataḥ śānto bhuñjīta pitṛsevitam
Then, when the rite for the fathers is finished, he should perform the vaiśvadeva offering; then, calm, together with his kin, he should eat what has been served to the fathers.
AI translation rendered from the Sanskrit, not a published edition
MtP 16.56
पुनर् भोजनमध्वानं यानमायासमैथुनम् श्राद्धकृच्छ्राद्धभुक्चैव सर्वमेतद्विवर्जयेत्
punar bhojanamadhvānaṃ yānamāyāsamaithunam śrāddhakṛcchrāddhabhukcaiva sarvametadvivarjayet
Eating again, travelling on a road, riding, exertion, sexual intercourse — all this both the performer of the śrāddha and the eater of the śrāddha food should avoid,
AI translation rendered from the Sanskrit, not a published edition
MtP 16.57
स्वाध्यायकलहं चैव दिवास्वप्नं च सर्वदा अनेन विधिना श्राद्धं निरुद्वास्येह निर्वपेत्
svādhyāyakalahaṃ caiva divāsvapnaṃ ca sarvadā anena vidhinā śrāddhaṃ nirudvāsyeha nirvapet
and likewise quarrel over Vedic recitation, and sleeping by day, always. By this procedure one should offer the śrāddha here without omission.
AI translation rendered from the Sanskrit, not a published edition — the model flagged this verse as uncertain
MtP 16.58
कन्याकुम्भवृषस्थे ऽर्के कृष्णपक्षेषु सर्वदा यत्र यत्र प्रदातव्यं सपिण्डीकरणात् परम् तत्रानेन विधानेन देयम् अग्निमता सदा
kanyākumbhavṛṣasthe 'rke kṛṣṇapakṣeṣu sarvadā yatra yatra pradātavyaṃ sapiṇḍīkaraṇāt param tatrānena vidhānena deyam agnimatā sadā
When the sun stands in Virgo, Aquarius, or Taurus, always in the dark fortnights — wherever (a śrāddha) is to be given after the sapiṇḍīkaraṇa, there it should always be given by one who maintains the (sacred) fire according to this procedure.
AI translation rendered from the Sanskrit, not a published edition