Matsya Purana — Chapter 159
MtP 159.1
वामं विदार्य निष्क्रान्तः सुतो देव्याः पुनः शिशुः स्कन्दाच्च वदने वह्नेः शुक्रात्सुवदनो ऽरिहा
vāmaṃ vidārya niṣkrāntaḥ suto devyāḥ punaḥ śiśuḥ skandācca vadane vahneḥ śukrātsuvadano 'rihā
Splitting the left (side), the goddess's son came out once more as an infant; and from Skanda, and in the mouth of Fire, from the seed, (arose) the fair-faced slayer of foes.
AI translation rendered from the Sanskrit, not a published edition — the model flagged this verse as uncertain
MtP 159.2
कृत्तिकामेलनादेव शाखाभिः सविशेषतः शाखाभिधाः समाख्याताः षट्सु वक्त्रेषु विस्तृताः
kṛttikāmelanādeva śākhābhiḥ saviśeṣataḥ śākhābhidhāḥ samākhyātāḥ ṣaṭsu vaktreṣu vistṛtāḥ
Precisely from the joining with the Kṛttikās, and especially through the branches, the names ending in 'Śākha' are declared, spread over his six faces.
AI translation rendered from the Sanskrit, not a published edition — the model flagged this verse as uncertain
MtP 159.3
यतस्ततो विशाखो ऽसौ ख्यातो लोकेषु षण्मुखः स्कन्दो विशाखः षड्वक्त्रः कार्तिकेयश्च विश्रुतः
yatastato viśākho 'sau khyāto lokeṣu ṣaṇmukhaḥ skando viśākhaḥ ṣaḍvaktraḥ kārtikeyaśca viśrutaḥ
Since it is so, he is famed in the worlds as Viśākha, the six-mouthed; and he is known as Skanda, Viśākha, Six-faced, and Kārtikeya.
AI translation rendered from the Sanskrit, not a published edition
MtP 159.4
चैत्रस्य बहुले पक्षे पञ्चदश्यां महाबलौ सम्भूतावर्कसदृशौ विशाले शरकानने
caitrasya bahule pakṣe pañcadaśyāṃ mahābalau sambhūtāvarkasadṛśau viśāle śarakānane
In the dark fortnight of Caitra, on the fifteenth day, the two mighty ones, resembling the sun, were born in the wide reed-thicket.
AI translation rendered from the Sanskrit, not a published edition
MtP 159.5
चैत्रस्यैव सिते पक्षे पञ्चम्यां पाकशासनः बालकाभ्यां चकारैकं मत्वा चामरभूतये
caitrasyaiva site pakṣe pañcamyāṃ pākaśāsanaḥ bālakābhyāṃ cakāraikaṃ matvā cāmarabhūtaye
In the bright fortnight of that same Caitra, on the fifth day, the chastiser of Pāka (Indra) made the two boys into one, having so resolved for the welfare of the immortals.
AI translation rendered from the Sanskrit, not a published edition
MtP 159.6
तस्यामेव ततः षष्ठ्याम् अभिषिक्तो गुहः प्रभुः सर्वैरमरसंघातैर् ब्रह्मेन्द्रोपेन्द्रभास्करैः
tasyāmeva tataḥ ṣaṣṭhyām abhiṣikto guhaḥ prabhuḥ sarvairamarasaṃghātair brahmendropendrabhāskaraiḥ
Then on the sixth day of that same (fortnight), the lord Guha was consecrated by all the assembled immortals, by Brahmā, Indra, Upendra and the Sun,
AI translation rendered from the Sanskrit, not a published edition
MtP 159.7
गन्धमाल्यैः शुभैर्धूपैस् तथा क्रीडनकैरपि छत्रैश्चामरजालैश्च भूषणैश्च विलेपनैः
gandhamālyaiḥ śubhairdhūpais tathā krīḍanakairapi chatraiścāmarajālaiśca bhūṣaṇaiśca vilepanaiḥ
with perfumes and garlands, with auspicious incense, and also with playthings, with parasols and clusters of fly-whisks, with ornaments and with unguents.
AI translation rendered from the Sanskrit, not a published edition
MtP 159.8
अभिषिक्तो विधानेन यथावत्षण्मुखः प्रभुः सुतामस्मै ददौ शक्रो देवसेनेति विश्रुताम्
abhiṣikto vidhānena yathāvatṣaṇmukhaḥ prabhuḥ sutāmasmai dadau śakro devaseneti viśrutām
When the six-faced lord had been consecrated duly, according to the prescribed rite, Śakra gave him his daughter, the one known as Devasenā.
AI translation rendered from the Sanskrit, not a published edition
MtP 159.9
पत्न्यर्थं देवदेवस्य ददौ विष्णुस्तदायुधम् यक्षाणां दशलक्षाणि ददावस्मै धनाधिपः
patnyarthaṃ devadevasya dadau viṣṇustadāyudham yakṣāṇāṃ daśalakṣāṇi dadāvasmai dhanādhipaḥ
Viṣṇu gave that weapon of his, for the sake of (her becoming) the wife of the god of gods; and the lord of wealth (Kubera) gave him ten hundred thousand yakṣas.
AI translation rendered from the Sanskrit, not a published edition — the model flagged this verse as uncertain
MtP 159.10
ददौ हुताशनस्तेजो ददौ वायुश्च वाहनम् ददौ क्रीडनकं त्वष्टा कुक्कुटं कामरूपिणम् एवं सुरास्तु ते सर्वे परिवारमनुत्तमम्
dadau hutāśanastejo dadau vāyuśca vāhanam dadau krīḍanakaṃ tvaṣṭā kukkuṭaṃ kāmarūpiṇam evaṃ surāstu te sarve parivāramanuttamam
Agni gave (him) his fiery energy, and Vāyu gave a mount; Tvaṣṭā gave as a plaything a cock that could take any form it wished. Thus all those gods (gave him) an unsurpassed retinue.
AI translation rendered from the Sanskrit, not a published edition
MtP 159.11
ददुर्मुदितचेतस्काः स्कन्दायादित्यवर्चसे
dadurmuditacetaskāḥ skandāyādityavarcase
With delighted hearts they gave (these) to Skanda, who had the splendour of the sun.
AI translation rendered from the Sanskrit, not a published edition
MtP 159.12
जानुभ्यामवनौ स्थित्वा सुरसंघास्तमस्तुवन् स्तोत्रेणानेन वरदं षण्मुखं मुख्यशः सुराः
jānubhyāmavanau sthitvā surasaṃghāstamastuvan stotreṇānena varadaṃ ṣaṇmukhaṃ mukhyaśaḥ surāḥ
Standing on the ground upon their knees, the hosts of gods praised him; with this hymn the chief gods (praised) the six-faced granter of boons.
AI translation rendered from the Sanskrit, not a published edition
MtP 159.13
नमः कुमाराय महाप्रभाय स्कन्दाय च स्कन्दितदानवाय नवार्कविद्युद्द्युतये नमो ऽस्तुते नमो ऽस्तु ते षण्मुख कामरूप
namaḥ kumārāya mahāprabhāya skandāya ca skanditadānavāya navārkavidyuddyutaye namo 'stute namo 'stu te ṣaṇmukha kāmarūpa
Homage to Kumāra, of great radiance, and to Skanda, the scatterer of the Dānavas, whose brilliance is that of the new sun and of lightning — homage to you! Homage to you, six-faced one, who takes any form at will!
AI translation rendered from the Sanskrit, not a published edition
MtP 159.14
पिनद्धनानाभरणाय भर्त्रे नमो रणे दानवदारणाय नमो ऽस्तु ते ऽर्कप्रतिमप्रभाय नमो ऽस्तु गुह्याय गुहाय तुभ्यम्
pinaddhanānābharaṇāya bhartre namo raṇe dānavadāraṇāya namo 'stu te 'rkapratimaprabhāya namo 'stu guhyāya guhāya tubhyam
Homage to the lord who wears manifold ornaments, homage to the render of the Dānavas in battle; homage to you whose radiance equals the sun's; homage to you, the hidden one, Guha!
AI translation rendered from the Sanskrit, not a published edition
MtP 159.15
नमो ऽस्तु त्रैलोक्यभयापहाय नमो ऽस्तु ते बाल कृपापराय नमो विशालामललोचनाय नमो विशाखाय महाव्रताय
namo 'stu trailokyabhayāpahāya namo 'stu te bāla kṛpāparāya namo viśālāmalalocanāya namo viśākhāya mahāvratāya
Homage to the remover of the fear of the three worlds; homage to you, O youth, wholly given to compassion; homage to him of wide, spotless eyes; homage to Viśākha of the great vow!
AI translation rendered from the Sanskrit, not a published edition
MtP 159.16
नमो नमस्ते ऽस्तु मनोहराय नमो नमस्ते ऽस्तु रणोत्कटाय नमो मयूरोज्ज्वलवाहनाय नमो ऽस्तु केयूरधराय तुभ्यम्
namo namaste 'stu manoharāya namo namaste 'stu raṇotkaṭāya namo mayūrojjvalavāhanāya namo 'stu keyūradharāya tubhyam
Homage, homage be to you, the enchanting one; homage, homage be to you, fierce in battle; homage to him whose mount is the shining peacock; homage to you, wearer of armlets!
AI translation rendered from the Sanskrit, not a published edition
MtP 159.17
नमो धृतोदग्रपताकिने नमस्ते नमः प्रभावप्रणताय ते ऽस्तु नमस्ते नमस्ते वरवीर्यशालिने कृपापरो नो भव भव्यमूर्ते
namo dhṛtodagrapatākine namaste namaḥ prabhāvapraṇatāya te 'stu namaste namaste varavīryaśāline kṛpāparo no bhava bhavyamūrte
Homage to you who hold the high-raised banner; homage be to you, before whose power (all) bow; homage, homage to you endowed with excellent valour: be wholly compassionate to us, O you of auspicious form!
AI translation rendered from the Sanskrit, not a published edition
MtP 159.18
क्रियापरा यज्ञपतिं च स्तुत्वा विनेमुरेवं त्वमराधिपाद्याः एवं तदा षड्वदनस्तु सेन्द्रान् उवाच तुष्टश्च गुहस्ततस्तान् निरीक्ष्य नेत्रैरमलैः सुरेशाञ् शत्रून्हनिष्यामि गतज्वराः स्थ
kriyāparā yajñapatiṃ ca stutvā vinemurevaṃ tvamarādhipādyāḥ evaṃ tadā ṣaḍvadanastu sendrān uvāca tuṣṭaśca guhastatastān nirīkṣya netrairamalaiḥ sureśāñ śatrūnhaniṣyāmi gatajvarāḥ stha
Thus, intent on the rite, the lord of Indra and the rest, having praised the lord of the sacrifice, bowed down. Then the six-faced one, Guha, pleased, looking with his clear eyes at those lords of gods together with Indra, said to them: "I shall slay your enemies; be free of your distress."
AI translation rendered from the Sanskrit, not a published edition — the model flagged this verse as uncertain
MtP 159.19
कं वः कामं प्रयच्छामि देवता ब्रूत निर्वृताः यद्यप्यसाध्यं हृद्यं वो हृदये चिन्तितं परम्
kaṃ vaḥ kāmaṃ prayacchāmi devatā brūta nirvṛtāḥ yadyapyasādhyaṃ hṛdyaṃ vo hṛdaye cintitaṃ param
"What desire shall I grant you? Speak, O gods, at ease. Even if it is unattainable, (say) whatever supreme thing dear to you is thought of in your heart."
AI translation rendered from the Sanskrit, not a published edition
MtP 159.20
इत्युक्तास्तु सुरास्तेन प्रोचुः प्रणतमौलयः सर्व एव महात्मानं गुहं तद्गतमानसाः
ityuktāstu surāstena procuḥ praṇatamaulayaḥ sarva eva mahātmānaṃ guhaṃ tadgatamānasāḥ
Addressed thus by him, the gods, their heads bowed, all of them with minds fixed on him, spoke to the great-souled Guha.
AI translation rendered from the Sanskrit, not a published edition
MtP 159.21
दैत्येन्द्रस्तारको नाम सर्वामरकुलान्तकृत् बलवान्दुर्जयो दुष्टो दुराचारो ऽतिकोपनः तमेव जहि हृद्यो ऽर्थ एषो ऽस्माकं भयापह
daityendrastārako nāma sarvāmarakulāntakṛt balavāndurjayo duṣṭo durācāro 'tikopanaḥ tameva jahi hṛdyo 'rtha eṣo 'smākaṃ bhayāpaha
"There is a chief of the Daityas named Tāraka, who makes an end of the whole race of the immortals — strong, hard to conquer, wicked, of evil conduct, exceedingly wrathful. Slay him, precisely him: this is the desire dear to us, O remover of fear."
AI translation rendered from the Sanskrit, not a published edition
MtP 159.22
एवमुक्तस्तथेत्युक्त्वा सर्वामरपदानुगः जगाम जगतां नाथः स्तूयमानो ऽमरेश्वरैः
evamuktastathetyuktvā sarvāmarapadānugaḥ jagāma jagatāṃ nāthaḥ stūyamāno 'mareśvaraiḥ
Addressed thus, he said "So be it," and the lord of the worlds went forth, followed by the ranks of all the immortals and praised by the lords of the gods,
AI translation rendered from the Sanskrit, not a published edition
MtP 159.23
तारकस्य वधार्थाय जगतः कण्टकस्य वै ततश्च प्रेषयामास शक्रो लब्धसमाश्रयः
tārakasya vadhārthāya jagataḥ kaṇṭakasya vai tataśca preṣayāmāsa śakro labdhasamāśrayaḥ
for the sake of slaying Tāraka, the thorn of the world. And then Śakra, having gained (this) refuge, sent
AI translation rendered from the Sanskrit, not a published edition
MtP 159.24
दूतं दानवसिंहस्य परुषाक्षरवादिनम् स तु गत्वाब्रवीद्दैत्यं निर्भयो भीमदर्शनः
dūtaṃ dānavasiṃhasya paruṣākṣaravādinam sa tu gatvābravīddaityaṃ nirbhayo bhīmadarśanaḥ
a messenger, a speaker of harsh words, to the lion of the Dānavas; and he, fearless and terrible to behold, went and said to the Daitya:
AI translation rendered from the Sanskrit, not a published edition
MtP 159.25
शक्रस्त्वामाह देवेशो दैत्यकेतो दिवस्पतिः तारकासुर तच्छ्रुत्वा घटशक्त्या यथेच्छया
śakrastvāmāha deveśo daityaketo divaspatiḥ tārakāsura tacchrutvā ghaṭaśaktyā yathecchayā
"Śakra, the lord of the gods, the lord of heaven, says this to you, O banner of the Daityas: Tāraka the asura, hearing this, (make ready) with strength and spear as you please —
AI translation rendered from the Sanskrit, not a published edition — the model flagged this verse as uncertain
MtP 159.26
यज्जगद्दलनादाप्तं किल्बिषं दानव त्वया तस्याहं शासकस्ते ऽद्य राजास्मि भुवनत्रये
yajjagaddalanādāptaṃ kilbiṣaṃ dānava tvayā tasyāhaṃ śāsakaste 'dya rājāsmi bhuvanatraye
the guilt you have incurred, O Dānava, by crushing the world — of that I am today your chastiser; I am king in the three worlds."
AI translation rendered from the Sanskrit, not a published edition
MtP 159.27
श्रुत्वैतद्दूतवचनं कोपसंरक्तलोचनः उवाच दूतं दुष्टात्मा नष्टप्रायविभूतिकः
śrutvaitaddūtavacanaṃ kopasaṃraktalocanaḥ uvāca dūtaṃ duṣṭātmā naṣṭaprāyavibhūtikaḥ
Hearing this speech of the messenger, the evil-souled one, whose fortune was all but destroyed, his eyes red with anger, said to the messenger:
AI translation rendered from the Sanskrit, not a published edition
MtP 159.28
दृष्टं ते पौरुषं शक्र रणेषु शतशो मया निस्त्रपत्वान्न ते लज्जा विद्यते शक्र दुर्मते
dṛṣṭaṃ te pauruṣaṃ śakra raṇeṣu śataśo mayā nistrapatvānna te lajjā vidyate śakra durmate
"I have seen your manliness a hundred times in battles, Śakra; out of your shamelessness no shame is found in you, evil-minded Śakra.
AI translation rendered from the Sanskrit, not a published edition
MtP 159.29
एवमुक्ते गते दूते चिन्तयामास दानवः नालब्धसंश्रयः शक्रो वक्तुमेवं हि चार्हति
evamukte gate dūte cintayāmāsa dānavaḥ nālabdhasaṃśrayaḥ śakro vaktumevaṃ hi cārhati
When (Indra) had spoken thus and the messenger had gone, the Dānava reflected: "Indra, without having obtained some support, would not indeed dare to speak in this way."
AI translation rendered from the Sanskrit, not a published edition
MtP 159.30
जितः स शक्रो नाकस्माज् जायते संश्रयाश्रयः निमित्तानि च दुष्टानि सो ऽपश्यद्दुष्टचेष्टितः
jitaḥ sa śakro nākasmāj jāyate saṃśrayāśrayaḥ nimittāni ca duṣṭāni so 'paśyadduṣṭaceṣṭitaḥ
"That Indra was defeated; not without cause does he become one who has recourse to a protector." And he, of evil doings, saw evil omens.
AI translation rendered from the Sanskrit, not a published edition — the model flagged this verse as uncertain
MtP 159.31
पांशुवर्षमसृक्पातं गगनादवनीतले भुजनेत्रप्रकम्पं च वक्त्रशोषमनोभ्रमम्
pāṃśuvarṣamasṛkpātaṃ gaganādavanītale bhujanetraprakampaṃ ca vaktraśoṣamanobhramam
A rain of dust, a fall of blood from the sky onto the earth's surface, a trembling of arm and eye, dryness of the mouth and giddiness of mind;
AI translation rendered from the Sanskrit, not a published edition
MtP 159.32
स्वकान्तावक्त्रपद्मानां म्लानतां च व्यलोकयत् दुष्टांश्च प्राणिनो रौद्रान् सो ऽपश्यद्दुष्टवेदिनः
svakāntāvaktrapadmānāṃ mlānatāṃ ca vyalokayat duṣṭāṃśca prāṇino raudrān so 'paśyadduṣṭavedinaḥ
and he observed the withering of the lotus-faces of his own wives; and he, who felt evil (approaching), saw creatures malignant and fierce.
AI translation rendered from the Sanskrit, not a published edition
MtP 159.33
तदचिन्त्वैव दितिजो न्यस्तचिन्तो ऽभवत्क्षणात् यावद्गजघटाघण्टारणत्काररवोत्कटाम्
tadacintvaiva ditijo nyastacinto 'bhavatkṣaṇāt yāvadgajaghaṭāghaṇṭāraṇatkāraravotkaṭām
Without reflecting on that, the son of Diti in a moment became free of care—until (he saw the army) made terrible by the clanging din of the bells of its elephant-troops,
AI translation rendered from the Sanskrit, not a published edition
MtP 159.34
तद्वत्तुरगसंघातक्षुण्णभूरेणुपिञ्जराम् चञ्चलस्यन्दनोदग्रध्वजराजिविराजिताम्
tadvatturagasaṃghātakṣuṇṇabhūreṇupiñjarām cañcalasyandanodagradhvajarājivirājitām
likewise tawny with the dust of the ground trampled by its masses of horses, resplendent with rows of tall banners on moving chariots,
AI translation rendered from the Sanskrit, not a published edition
MtP 159.35
विमानैश्चाद्भुताकारैश् चलितामरचामरैः तां भूषणनिबद्धां च किंनरोद्गतिनादिताम्
vimānaiścādbhutākāraiś calitāmaracāmaraiḥ tāṃ bhūṣaṇanibaddhāṃ ca kiṃnarodgatināditām
and (adorned) with flying-cars of wondrous form, with the waving yak-tail fans of the gods; (that army) bound about with ornaments and resounding with the songs of Kiṃnaras,
AI translation rendered from the Sanskrit, not a published edition — the model flagged this verse as uncertain
MtP 159.36
नानानाकतरूत्फुल्लकुसुमापीडधारिणीम् विकोशास्त्रपरिष्कारां वर्मनिर्मलदर्शनाम्
nānānākatarūtphullakusumāpīḍadhāriṇīm vikośāstrapariṣkārāṃ varmanirmaladarśanām
wearing chaplets of blossoms from the many trees of heaven, equipped with unsheathed weapons, of spotless appearance in its armour,
AI translation rendered from the Sanskrit, not a published edition
MtP 159.37
बन्द्युद्घुष्टस्तुतिरवां नानावाद्यनिनादिताम् सेनां नाकसदां दैत्यः प्रासादस्थो व्यलोकयत्
bandyudghuṣṭastutiravāṃ nānāvādyanināditām senāṃ nākasadāṃ daityaḥ prāsādastho vyalokayat
loud with the sound of praises proclaimed by bards, resounding with many instruments—such was the army of the dwellers in heaven that the Daitya, standing on his palace, beheld.
AI translation rendered from the Sanskrit, not a published edition
MtP 159.38
चिन्तयामास स तदा किंचिदुद्भ्रान्तमानसः अपूर्वः को भवेद्योद्धा यो मया न विनिर्जितः
cintayāmāsa sa tadā kiṃcidudbhrāntamānasaḥ apūrvaḥ ko bhavedyoddhā yo mayā na vinirjitaḥ
Then, his mind somewhat agitated, he thought: "Who could this unprecedented warrior be, who has not been conquered by me?"
AI translation rendered from the Sanskrit, not a published edition