Matsya Purana — Chapter 15
MtP 15.1
विभ्राजा नाम चान्ये तु दिवि सन्ति सुवर्चसः लोका बर्हिषदो यत्र पितरः सन्ति सुव्रताः
vibhrājā nāma cānye tu divi santi suvarcasaḥ lokā barhiṣado yatra pitaraḥ santi suvratāḥ
And there are other worlds in heaven, radiant, called Vibhrāja, where dwell the Barhiṣad ancestors, firm in their vows,
AI translation rendered from the Sanskrit, not a published edition
MtP 15.2
यत्र बर्हिणयुक्तानि विमानानि सहस्रशः संकल्प्या बर्हिषो यत्र तिष्ठन्ति फलदायिनः
yatra barhiṇayuktāni vimānāni sahasraśaḥ saṃkalpyā barhiṣo yatra tiṣṭhanti phaladāyinaḥ
where there are thousands of chariots yoked with peacocks, where the sacrificial grasses stand ready at will, granting fruits,
AI translation rendered from the Sanskrit, not a published edition — the model flagged this verse as uncertain
MtP 15.3
यत्राभ्युदयशालासु मोदन्ते श्राद्धदायिनः यांश् च देवासुरगणा गन्धर्वाप्सरसां गणाः
yatrābhyudayaśālāsu modante śrāddhadāyinaḥ yāṃś ca devāsuragaṇā gandharvāpsarasāṃ gaṇāḥ
where the givers of śrāddha rejoice in the halls of prosperity, and whom the hosts of gods and asuras, the hosts of gandharvas and apsarases,
AI translation rendered from the Sanskrit, not a published edition
MtP 15.4
यक्षरक्षोगणाश्चैव यजन्ति दिवि देवताः पुलस्त्यपुत्राः शतशस् तपोयोगसमन्विताः
yakṣarakṣogaṇāścaiva yajanti divi devatāḥ pulastyaputrāḥ śataśas tapoyogasamanvitāḥ
and the hosts of yakṣas and rākṣasas, (and) the deities in heaven, worship — the sons of Pulastya, in hundreds, endowed with austerity and yoga,
AI translation rendered from the Sanskrit, not a published edition
MtP 15.5
महात्मानो महाभागा भक्तानामभयप्रदाः एतेषां पीवरी कन्या मानसी दिवि विश्रुता
mahātmāno mahābhāgā bhaktānāmabhayapradāḥ eteṣāṃ pīvarī kanyā mānasī divi viśrutā
great-souled, greatly blessed, giving fearlessness to the devoted. Of these (there was) a daughter Pīvarī, born of the mind, renowned in heaven,
AI translation rendered from the Sanskrit, not a published edition
MtP 15.6
योगिनी योगमाता च तपश्चक्रे सुदारुणम् प्रसन्नो भगवांस्तस्या वरं वव्रे तु सा हरेः
yoginī yogamātā ca tapaścakre sudāruṇam prasanno bhagavāṃstasyā varaṃ vavre tu sā hareḥ
a yoginī and a mother of yoga; she performed most severe austerity. The Lord was pleased with her, and she chose a boon of Hari:
AI translation rendered from the Sanskrit, not a published edition
MtP 15.7
योगवन्तं सुरूपं च भर्तारं विजितेन्द्रियम् देहि देव प्रसन्नस्त्वं पतिं मे वदतां वरम्
yogavantaṃ surūpaṃ ca bhartāraṃ vijitendriyam dehi deva prasannastvaṃ patiṃ me vadatāṃ varam
"Grant me, O god, since you are pleased, a husband possessed of yoga, handsome, with his senses subdued, as my lord, O best of speakers."
AI translation rendered from the Sanskrit, not a published edition
MtP 15.8
उवाच देवो भविता व्यासपुत्रो यदा शुकः भविता तस्य भार्या त्वं योगाचार्यस्य सुव्रते
uvāca devo bhavitā vyāsaputro yadā śukaḥ bhavitā tasya bhāryā tvaṃ yogācāryasya suvrate
The god said: "When Śuka, the son of Vyāsa, comes to be, you will be the wife of that teacher of yoga, O you of good vows.
AI translation rendered from the Sanskrit, not a published edition
MtP 15.9
भविष्यति च ते कन्या कृत्वी नाम च योगिनी पाञ्चालाधिपतेर्देया मानुषस्य त्वया तदा
bhaviṣyati ca te kanyā kṛtvī nāma ca yoginī pāñcālādhipaterdeyā mānuṣasya tvayā tadā
And you will have a daughter, a yoginī named Kṛtvī; she is then to be given by you to a human, the lord of the Pāñcālas,
AI translation rendered from the Sanskrit, not a published edition
MtP 15.10
जननी ब्रह्मदत्तस्य योगसिद्धा च गौः स्मृता कृष्णो गौरः प्रभुः शम्भुर् भविष्यन्ति च ते सुताः
jananī brahmadattasya yogasiddhā ca gauḥ smṛtā kṛṣṇo gauraḥ prabhuḥ śambhur bhaviṣyanti ca te sutāḥ
the mother of Brahmadatta, and perfected in yoga, remembered as Gau; and Kṛṣṇa, Gaura, Prabhu and Śambhu will be your sons,
AI translation rendered from the Sanskrit, not a published edition
MtP 15.11
महात्मानो महाभागा गमिष्यन्ति परं पदम् तानुत्पाद्य पुनर् योगात् सवरा मोक्षमेष्यसि
mahātmāno mahābhāgā gamiṣyanti paraṃ padam tānutpādya punar yogāt savarā mokṣameṣyasi
Great-souled and greatly blessed, they will go to the supreme state; having given birth to them, then again through yoga you, together with your husband, will attain liberation.
AI translation rendered from the Sanskrit, not a published edition
MtP 15.12
सुमूर्तिमन्तः पितरो वसिष्ठस्य सुताः स्मृताः नाम्ना तु मानसाः सर्वे सर्वे ते धर्ममूर्तयः
sumūrtimantaḥ pitaro vasiṣṭhasya sutāḥ smṛtāḥ nāmnā tu mānasāḥ sarve sarve te dharmamūrtayaḥ
The Sumūrtimants are said to be the fathers, the sons of Vasiṣṭha; by name they are all mind-born, and all of them are embodiments of dharma.
AI translation rendered from the Sanskrit, not a published edition
MtP 15.13
ज्योतिर्भासिषु लोकेषु ये वसन्ति दिवः परम् विराजमानाः क्रीडन्ति यत्र ते श्राद्धदायिनः
jyotirbhāsiṣu lokeṣu ye vasanti divaḥ param virājamānāḥ krīḍanti yatra te śrāddhadāyinaḥ
In the worlds that shine with light, which are beyond heaven, those givers of śrāddha dwell, and there they sport in radiance.
AI translation rendered from the Sanskrit, not a published edition
MtP 15.14
सर्वकामसमृद्धेषु विमानेष्वपि पादजाः किं पुनः श्राद्धदा विप्रा भक्तिमन्तः क्रियान्विताः
sarvakāmasamṛddheṣu vimāneṣvapi pādajāḥ kiṃ punaḥ śrāddhadā viprā bhaktimantaḥ kriyānvitāḥ
Even the foot-born (śūdras) reach celestial cars abounding in every desire — how much more the brahmins who give śrāddha, who are full of devotion and observant of the rites.
AI translation rendered from the Sanskrit, not a published edition
MtP 15.15
गौर् नाम कन्या येषां तु मानसी दिवि राजते शुक्रस्य दयिता पत्नी साध्यानां कीर्तिवर्धिनी
gaur nāma kanyā yeṣāṃ tu mānasī divi rājate śukrasya dayitā patnī sādhyānāṃ kīrtivardhinī
Their mind-born daughter, named Gau, shines in heaven, the beloved wife of Śukra, increaser of the fame of the Sādhyas.
AI translation rendered from the Sanskrit, not a published edition
MtP 15.16
मरीचिगर्भा नाम्ना तु लोका मार्तण्डमण्डले पितरो यत्र तिष्ठन्ति हविष्मन्तो ऽङ्गिरःसुताः
marīcigarbhā nāmnā tu lokā mārtaṇḍamaṇḍale pitaro yatra tiṣṭhanti haviṣmanto 'ṅgiraḥsutāḥ
The worlds named Marīcigarbha are in the orb of the sun, where the fathers called Haviṣmants, sons of Aṅgiras, abide.
AI translation rendered from the Sanskrit, not a published edition
MtP 15.17
तीर्थश्राद्धप्रदा यान्ति ये च क्षत्रियसत्तमाः राज्ञां तु पितरस्ते वै स्वर्गमोक्षफलप्रदाः
tīrthaśrāddhapradā yānti ye ca kṣatriyasattamāḥ rājñāṃ tu pitaraste vai svargamokṣaphalapradāḥ
And those best of kṣatriyas who offer śrāddha at holy fords go there; those (fathers) are indeed the fathers of kings, granting the fruit of heaven and of liberation.
AI translation rendered from the Sanskrit, not a published edition
MtP 15.18
एतेषां मानसी कन्या यशोदा लोकविश्रुता पत्नी ह्य् अंशुमतः श्रेष्ठा स्नुषा पञ्चजनस्य च
eteṣāṃ mānasī kanyā yaśodā lokaviśrutā patnī hy aṃśumataḥ śreṣṭhā snuṣā pañcajanasya ca
Their mind-born daughter is Yaśodā, renowned in the world, the excellent wife of Aṃśumat and the daughter-in-law of Pañcajana,
AI translation rendered from the Sanskrit, not a published edition
MtP 15.19
जनन्यथ दिलीपस्य भगीरथपितामही लोकाः कामदुघा नाम कामभोगफलप्रदाः
jananyatha dilīpasya bhagīrathapitāmahī lokāḥ kāmadughā nāma kāmabhogaphalapradāḥ
and the mother of Dilīpa, the grandmother of Bhagīratha. The worlds named Kāmadughā grant the fruit of desires and enjoyments.
AI translation rendered from the Sanskrit, not a published edition
MtP 15.20
सुस्वधा नाम पितरो यत्र तिष्ठन्ति सुव्रताः आज्यपा नाम लोकेषु कर्दमस्य प्रजापतेः
susvadhā nāma pitaro yatra tiṣṭhanti suvratāḥ ājyapā nāma lokeṣu kardamasya prajāpateḥ
where the fathers named Susvadhas, of good vows, abide, called the Ājyapas, in the worlds of Kardama the Prajāpati.
AI translation rendered from the Sanskrit, not a published edition
MtP 15.21
पुलहाङ्गजदायादा वैश्यास्तान्भावयन्ति च यत्र श्राद्धकृतः सर्वे पश्यन्ति युगपद्गताः
pulahāṅgajadāyādā vaiśyāstānbhāvayanti ca yatra śrāddhakṛtaḥ sarve paśyanti yugapadgatāḥ
They are the heirs born of Pulaha's body, and the vaiśyas sustain them; there all who perform śrāddha behold, having gone (there) at the same time,
AI translation rendered from the Sanskrit, not a published edition — the model flagged this verse as uncertain
MtP 15.22
मातृभ्रातृपितृस्वसृसखिसम्बन्धिबान्धवान् अपि जन्मायुतैर्दृष्टान् अनुभूतान्सहस्रशः
mātṛbhrātṛpitṛsvasṛsakhisambandhibāndhavān api janmāyutairdṛṣṭān anubhūtānsahasraśaḥ
mothers, brothers, fathers, sisters, friends, connections and kinsmen — even those seen in myriads of births and experienced by the thousand.
AI translation rendered from the Sanskrit, not a published edition
MtP 15.23
एतेषां मानसी कन्या विरजा नाम विश्रुता या पत्नी नहुषस्यासीद् ययातेर्जननी तथा
eteṣāṃ mānasī kanyā virajā nāma viśrutā yā patnī nahuṣasyāsīd yayāterjananī tathā
Their mind-born daughter is the one renowned by the name Virajā, who was the wife of Nahuṣa and likewise the mother of Yayāti.
AI translation rendered from the Sanskrit, not a published edition
MtP 15.24
एकाष्टकाभवत् पश्चाद् ब्रह्मलोके गता सती त्रय एते गणाः प्रोक्ताश् चतुर्थं तु वदाम्यतः
ekāṣṭakābhavat paścād brahmaloke gatā satī traya ete gaṇāḥ proktāś caturthaṃ tu vadāmyataḥ
Afterwards she became Ekāṣṭakā, and that virtuous woman went to Brahmā's world. These three hosts have been declared; now I shall speak of the fourth.
AI translation rendered from the Sanskrit, not a published edition
MtP 15.25
लोकास्तु मानसा नाम ब्रह्माण्डोपरि संस्थिताः येषां तु मानसी कन्या नर्मदा नाम विश्रुता
lokāstu mānasā nāma brahmāṇḍopari saṃsthitāḥ yeṣāṃ tu mānasī kanyā narmadā nāma viśrutā
The worlds named Mānasa are established above the egg of Brahmā, whose mind-born daughter is renowned by the name Narmadā,
AI translation rendered from the Sanskrit, not a published edition
MtP 15.26
सोमपा नाम पितरो यत्र तिष्ठन्ति शाश्वताः धर्ममूर्तिधराः सर्वे परतो ब्रह्मणः स्मृताः
somapā nāma pitaro yatra tiṣṭhanti śāśvatāḥ dharmamūrtidharāḥ sarve parato brahmaṇaḥ smṛtāḥ
where the fathers named Somapas abide everlastingly, all bearing forms of dharma, and are held to be beyond Brahmā.
AI translation rendered from the Sanskrit, not a published edition
MtP 15.27
उत्पन्नाः स्वधया ते तु ब्रह्मत्वं प्राप्य योगिनः कृत्वा सृष्ट्यादिकं सर्वं मानसे साम्प्रतं स्थिताः
utpannāḥ svadhayā te tu brahmatvaṃ prāpya yoginaḥ kṛtvā sṛṣṭyādikaṃ sarvaṃ mānase sāmprataṃ sthitāḥ
Born of Svadhā, those yogins, having attained brahmahood and having accomplished all creation and the rest, now abide in Mānasa.
AI translation rendered from the Sanskrit, not a published edition
MtP 15.28
नर्मदा नाम तेषां तु कन्या तोयवहा सरित् भूतानि या पावयति दक्षिणापथगामिनी
narmadā nāma teṣāṃ tu kanyā toyavahā sarit bhūtāni yā pāvayati dakṣiṇāpathagāminī
Their daughter is the river named Narmadā, bearing water, who purifies beings as she flows toward the southern region.
AI translation rendered from the Sanskrit, not a published edition
MtP 15.29
तेभ्यः सर्वे तु मनवः प्रजाः सर्गेषु निर्मिताः ज्ञात्वा श्राद्धानि कुर्वन्ति धर्माभावे ऽपि सर्वदा
tebhyaḥ sarve tu manavaḥ prajāḥ sargeṣu nirmitāḥ jñātvā śrāddhāni kurvanti dharmābhāve 'pi sarvadā
From them all the Manus and the creatures were fashioned in the creations; knowing (this), they always perform śrāddhas, even when dharma is lacking,
AI translation rendered from the Sanskrit, not a published edition
MtP 15.30
तेभ्य एव पुनः प्राप्तुं प्रसादाद्योगसंततिम् पितॄणामादिसर्गे तु श्राद्धमेव विनिर्मितम्
tebhya eva punaḥ prāptuṃ prasādādyogasaṃtatim pitṝṇāmādisarge tu śrāddhameva vinirmitam
so as to obtain again from them, by their grace, the continuance of yoga. And in the first creation of the fathers, śrāddha itself was ordained.
AI translation rendered from the Sanskrit, not a published edition
MtP 15.31
सर्वेषां राजतं पात्रम् अथवा रजतान्वितम् दत्तं स्वधा पुरोधाय पितॄन् प्रीणाति सर्वदा
sarveṣāṃ rājataṃ pātram athavā rajatānvitam dattaṃ svadhā purodhāya pitṝn prīṇāti sarvadā
For all (the fathers) a silver vessel, or one inlaid with silver: what is given (in it), putting the word "svadhā" first, always gladdens the fathers.
AI translation rendered from the Sanskrit, not a published edition
MtP 15.32
अग्नीषोमयमानां तु कार्यमाप्यायनं बुधः अग्न्यभावे ऽपि विप्रस्य प्राणाव् अपि जले ऽथवा
agnīṣomayamānāṃ tu kāryamāpyāyanaṃ budhaḥ agnyabhāve 'pi viprasya prāṇāv api jale 'thavā
The wise man should perform the satisfying (āpyāyana) of Agni, Soma and Yama; and even when a brahmin has no (sacred) fire, (it may be done) in the hands, or else in water.
AI translation rendered from the Sanskrit, not a published edition — the model flagged this verse as uncertain
MtP 15.33
अजाकर्णे ऽश्वकर्णे वा गोष्ठे वा सलिलान्तिके पितॄणाम् अम्बरं स्थानं दक्षिणा दिक्प्रशस्यते
ajākarṇe 'śvakarṇe vā goṣṭhe vā salilāntike pitṝṇām ambaraṃ sthānaṃ dakṣiṇā dikpraśasyate
In a goat's ear, or a horse's ear, or in a cow-pen, or near water — the sky is the place of the fathers, and the southern direction is commended.
AI translation rendered from the Sanskrit, not a published edition — the model flagged this verse as uncertain
MtP 15.34
प्राचीनावीतमुदकं तिलाः सव्याङ्गमेव च दर्भा मांसं च पाठीनं गोक्षीरं मधुरा रसाः
prācīnāvītamudakaṃ tilāḥ savyāṅgameva ca darbhā māṃsaṃ ca pāṭhīnaṃ gokṣīraṃ madhurā rasāḥ
The sacred thread worn over the right shoulder, water, sesame seeds, and the left side (of the body), darbha grass, the flesh of the pāṭhīna fish, cow's milk, sweet juices —
AI translation rendered from the Sanskrit, not a published edition
MtP 15.35
खड्गलोहामिषमधुकुशश्यामाकशालयः यवनीवारमुद्गेक्षुशुक्लपुष्पघृतानि च
khaḍgalohāmiṣamadhukuśaśyāmākaśālayaḥ yavanīvāramudgekṣuśuklapuṣpaghṛtāni ca
rhinoceros (hide), red (or iron), meat, honey, kuśa grass, śyāmāka millet, śāli rice, barley, nīvāra rice, mung beans, sugarcane, white flowers and ghee —
AI translation rendered from the Sanskrit, not a published edition — the model flagged this verse as uncertain
MtP 15.36
वल्लभानि प्रशस्तानि पितॄणामिह सर्वदा द्वेष्याणि सम्प्रवक्ष्यामि श्राद्धे वर्ज्यानि यानि तु
vallabhāni praśastāni pitṝṇāmiha sarvadā dveṣyāṇi sampravakṣyāmi śrāddhe varjyāni yāni tu
— these are dear and commended for the fathers here always. I shall now declare the things they dislike, which are to be avoided in a śrāddha.
AI translation rendered from the Sanskrit, not a published edition
MtP 15.37
मसूरशणनिष्पावराजमाषकुसुम्भिकाः पद्मबिल्वार्कधत्तूरपारिभद्राटरूषकाः
masūraśaṇaniṣpāvarājamāṣakusumbhikāḥ padmabilvārkadhattūrapāribhadrāṭarūṣakāḥ
Lentils, hemp, niṣpāva beans, cowpeas, safflower, lotus, bilva, arka, dhattūra, pāribhadra and aṭarūṣaka —
AI translation rendered from the Sanskrit, not a published edition
MtP 15.38
न देयाः पितृकार्येषु पयश्चाजाविकं तथा कोद्रवोदारचणकाः कपित्थं मधुकातसी
na deyāḥ pitṛkāryeṣu payaścājāvikaṃ tathā kodravodāracaṇakāḥ kapitthaṃ madhukātasī
— these are not to be given in the rites for the fathers; and likewise goat's and sheep's milk, kodrava grain, udāra, chickpeas, kapittha, madhuka and linseed.
AI translation rendered from the Sanskrit, not a published edition
MtP 15.39
एतान्यपि न देयानि पितृभ्यः प्रियमिच्छता पितॄन् प्रीणाति यो भक्त्या ते पुनः प्रीणयन्ति तम्
etānyapi na deyāni pitṛbhyaḥ priyamicchatā pitṝn prīṇāti yo bhaktyā te punaḥ prīṇayanti tam
These too are not to be given to the fathers by one who wishes what is dear to them. He who gladdens the fathers with devotion — they in turn gladden him.
AI translation rendered from the Sanskrit, not a published edition
MtP 15.40
यच्छन्ति पितरः पुष्टिं स्वर्गारोग्यं प्रजाफलम् देवकार्यादपि पुनः पितृकार्यं विशिष्यते
yacchanti pitaraḥ puṣṭiṃ svargārogyaṃ prajāphalam devakāryādapi punaḥ pitṛkāryaṃ viśiṣyate
The fathers grant nourishment, heaven, health, and the fruit of offspring; the rite for the fathers is therefore more excellent even than the rite for the gods.
AI translation rendered from the Sanskrit, not a published edition
MtP 15.41
देवतानां च पितरः पूर्वमाप्यायनं स्मृतम् शीघ्रप्रसादास्त्वक्रोधा निःशस्त्राः स्थिरसौहृदाः
devatānāṃ ca pitaraḥ pūrvamāpyāyanaṃ smṛtam śīghraprasādāstvakrodhā niḥśastrāḥ sthirasauhṛdāḥ
And the satisfying of the fathers is held to come before that of the gods; they are quick to favour, free from anger, without weapons, steady in friendship,
AI translation rendered from the Sanskrit, not a published edition
MtP 15.42
शान्तात्मानः शौचपराः सततं प्रियवादिनः भक्तानुरक्ताः सुखदाः पितरः पूर्वदेवताः
śāntātmānaḥ śaucaparāḥ satataṃ priyavādinaḥ bhaktānuraktāḥ sukhadāḥ pitaraḥ pūrvadevatāḥ
of peaceful nature, devoted to purity, always speaking kindly, affectionate toward the devoted, givers of happiness — the fathers, the primordial deities.
AI translation rendered from the Sanskrit, not a published edition
MtP 15.43
हविष्मतामाधिपत्ये श्राद्धदेवः स्मृतो रविः एतद्वः सर्वमाख्यातं पितृवंशानुकीर्तनम् पुण्यं पवित्रम् आयुष्यं कीर्तनीयं सदा नृभिः
haviṣmatāmādhipatye śrāddhadevaḥ smṛto raviḥ etadvaḥ sarvamākhyātaṃ pitṛvaṃśānukīrtanam puṇyaṃ pavitram āyuṣyaṃ kīrtanīyaṃ sadā nṛbhiḥ
The sun is held to be the deity of the śrāddha, in the lordship over the Haviṣmats. All this has been told to you — the recital of the lineage of the fathers — meritorious, purifying, conferring long life, ever to be recited by men.
AI translation rendered from the Sanskrit, not a published edition