Matsya Purana — Chapter 148
MtP 148.1
शृणुध्वमसुराः सर्वे वाक्यं मम महाबलाः श्रेयसे क्रियतां बुद्धिः सर्वैः कृत्यस्य संविधौ
śṛṇudhvamasurāḥ sarve vākyaṃ mama mahābalāḥ śreyase kriyatāṃ buddhiḥ sarvaiḥ kṛtyasya saṃvidhau
"Hear, all you Asuras of great strength, my words: let a plan be made by all for our welfare, in the arrangement of the task.
AI translation rendered from the Sanskrit, not a published edition
MtP 148.2
वंशक्षयकरा देवाः सर्वेषामेव दानवाः अस्माकं जातिधर्मो वै विरूढं वैरमक्षयम्
vaṃśakṣayakarā devāḥ sarveṣāmeva dānavāḥ asmākaṃ jātidharmo vai virūḍhaṃ vairamakṣayam
The gods bring about the destruction of the lineage of all the Dānavas; for it is the law of our kind, an imperishable enmity, fully grown.
AI translation rendered from the Sanskrit, not a published edition
MtP 148.3
वयमद्य गमिष्यामः सुराणां निग्रहाय तु स्वबाहुबलमाश्रित्य सर्व एव न संशयः
vayamadya gamiṣyāmaḥ surāṇāṃ nigrahāya tu svabāhubalamāśritya sarva eva na saṃśayaḥ
We shall all go today to subdue the gods, relying upon the strength of our own arms — there is no doubt of it.
AI translation rendered from the Sanskrit, not a published edition
MtP 148.4
किंतु नातपसा युक्तो मन्ये ऽहं सुरसंगमम् अहमादौ करिष्यामि ततो घोरं दितेः सुताः
kiṃtu nātapasā yukto manye 'haṃ surasaṃgamam ahamādau kariṣyāmi tato ghoraṃ diteḥ sutāḥ
But I think that an encounter with the gods is not fitting without austerity; so, sons of Diti, I shall first perform terrible (austerity).
AI translation rendered from the Sanskrit, not a published edition
MtP 148.5
ततः सुरान्विजेष्यामो भोक्ष्यामो ऽथ जगत्त्रयम् स्थिरोपायो हि पुरुषः स्थिरश्रीरपि जायते
tataḥ surānvijeṣyāmo bhokṣyāmo 'tha jagattrayam sthiropāyo hi puruṣaḥ sthiraśrīrapi jāyate
Then we shall conquer the gods and shall enjoy the three worlds; for a man whose means are firm becomes one whose fortune too is firm.
AI translation rendered from the Sanskrit, not a published edition
MtP 148.6
रक्षितुं नैव शक्नोति चपलश्चपलाः श्रियः तच्छ्रुत्वा दानवाः सर्वे वाक्यं तस्यासुरस्य तु
rakṣituṃ naiva śaknoti capalaścapalāḥ śriyaḥ tacchrutvā dānavāḥ sarve vākyaṃ tasyāsurasya tu
An unsteady man cannot protect (fortune) at all, and fortunes are unsteady." Having heard that speech of that Asura, all the Dānavas
AI translation rendered from the Sanskrit, not a published edition
MtP 148.7
साधु साध्वित्यवोचंस्ते तत्र दैत्याः सविस्मयाः सो ऽगच्छत्पारियात्रस्य गिरेः कन्दरमुत्तमम्
sādhu sādhvityavocaṃste tatra daityāḥ savismayāḥ so 'gacchatpāriyātrasya gireḥ kandaramuttamam
there — the Daityas, filled with wonder — said "Well said! Well said!" And he went to an excellent cavern of the Pāriyātra mountain,
AI translation rendered from the Sanskrit, not a published edition
MtP 148.8
सर्वर्तुकुसुमाकीर्णं नानौषधिविदीपितम् नानाधातुरसस्रावचित्रं नानागुहागृहम्
sarvartukusumākīrṇaṃ nānauṣadhividīpitam nānādhāturasasrāvacitraṃ nānāguhāgṛham
(It was) strewn with flowers of every season, lit up by many healing herbs, variegated with the oozing of many mineral juices, having many caves for its dwellings.
AI translation rendered from the Sanskrit, not a published edition
MtP 148.9
गहनैः सर्वतो गूढं चित्रकल्पद्रुमाश्रयम् अनेकाकारबहुलं पृथक्पक्षिकुलाकुलम्
gahanaiḥ sarvato gūḍhaṃ citrakalpadrumāśrayam anekākārabahulaṃ pṛthakpakṣikulākulam
Hidden on all sides by thickets, sheltering wondrous wish-granting trees, abounding in forms of many kinds, thronged with separate flocks of birds.
AI translation rendered from the Sanskrit, not a published edition
MtP 148.10
नानाप्रस्रवणोपेतं नानाविधजलाशयम् प्राप्य तत्कन्दरं दैत्यश् चचार विपुलं तपः
nānāprasravaṇopetaṃ nānāvidhajalāśayam prāpya tatkandaraṃ daityaś cacāra vipulaṃ tapaḥ
Reaching that cave, which was furnished with many springs and had pools of water of many kinds, the Daitya performed vast austerity.
AI translation rendered from the Sanskrit, not a published edition
MtP 148.11
निराहारः पञ्चतपाः पत्त्रभुग्वारिभोजनः शतं शतं समानां तु तपांस्येतानि सो ऽकरोत्
nirāhāraḥ pañcatapāḥ pattrabhugvāribhojanaḥ śataṃ śataṃ samānāṃ tu tapāṃsyetāni so 'karot
Without food, (enduring) the five fires, eating leaves, drinking water — each of these austerities he practiced for a hundred years, a hundred years each.
AI translation rendered from the Sanskrit, not a published edition
MtP 148.12
ततः स्वदेहादुत्कृत्य कर्षं कर्षं दिने दिने मांसस्याग्नौ जुहावासौ ततो निर्मांसतां गतः
tataḥ svadehādutkṛtya karṣaṃ karṣaṃ dine dine māṃsasyāgnau juhāvāsau tato nirmāṃsatāṃ gataḥ
Then, cutting from his own body a karṣa (of flesh) day after day, he offered that flesh into the fire, and thus became fleshless.
AI translation rendered from the Sanskrit, not a published edition
MtP 148.13
तस्मिन्निर्मांसतां याते तपोराशित्वमागते जज्वलुः सर्वभूतानि तेजसा तस्य सर्वतः
tasminnirmāṃsatāṃ yāte taporāśitvamāgate jajvaluḥ sarvabhūtāni tejasā tasya sarvataḥ
When he had become fleshless and had become a very mass of austerity, all beings blazed on every side with his fiery power.
AI translation rendered from the Sanskrit, not a published edition
MtP 148.14
उद्विग्नाश्च सुराः सर्वे तपसा तस्य भीषिताः एतस्मिन्नन्तरे ब्रह्मा परमं तोषमागतः
udvignāśca surāḥ sarve tapasā tasya bhīṣitāḥ etasminnantare brahmā paramaṃ toṣamāgataḥ
And all the gods were agitated, terrified by his austerity; meanwhile Brahmā came to the highest satisfaction.
AI translation rendered from the Sanskrit, not a published edition
MtP 148.15
तारकस्य वरं दातुं जगाम त्रिदशालयात् प्राप्य तं शैलराजानं स गिरेः कन्दरस्थितम् उवाच तारकं देवो गिरा मधुरया युतः
tārakasya varaṃ dātuṃ jagāma tridaśālayāt prāpya taṃ śailarājānaṃ sa gireḥ kandarasthitam uvāca tārakaṃ devo girā madhurayā yutaḥ
To grant a boon to Tāraka he went from the abode of the thirty (gods); reaching that king of mountains, the god addressed Tāraka, who was seated in the mountain's cave, with sweet speech.
AI translation rendered from the Sanskrit, not a published edition
MtP 148.16
पुत्रालं तपसा ते ऽस्तु नास्त्यसाध्यं तवाधुना वरं वृणीष्व रुचिरं यत्ते मनसि वर्तते
putrālaṃ tapasā te 'stu nāstyasādhyaṃ tavādhunā varaṃ vṛṇīṣva ruciraṃ yatte manasi vartate
"Son, enough of austerity for you; there is nothing now unattainable for you. Choose a fine boon, whatever is in your mind."
AI translation rendered from the Sanskrit, not a published edition
MtP 148.17
इत्युक्तस्तारको दैत्यः प्रणम्यात्मभुवं विभुम् उवाच प्राञ्जलिर्भूत्वा प्रणतः पृथुविक्रमः
ityuktastārako daityaḥ praṇamyātmabhuvaṃ vibhum uvāca prāñjalirbhūtvā praṇataḥ pṛthuvikramaḥ
Addressed thus, the Daitya Tāraka, bowing to the self-born lord, spoke with palms joined, bowed low, he of wide valour:
AI translation rendered from the Sanskrit, not a published edition
MtP 148.18
देवभूतमनोवास वेत्सि जन्तुविचेष्टितम् कृतप्रतिकृताकाङ्क्षी जिगीषुः प्रायशो जनः
devabhūtamanovāsa vetsi jantuviceṣṭitam kṛtapratikṛtākāṅkṣī jigīṣuḥ prāyaśo janaḥ
"O god, you dwell in the minds of beings; you know the strivings of creatures. Mostly a person desires requital for a deed done, and wishes to conquer.
AI translation rendered from the Sanskrit, not a published edition
MtP 148.19
वयं च जातिधर्मेण कृतवैराः सहामरैः तैश्च निःशेषिता दैत्याः क्रूरैः संत्यज्य धर्मिताम् तेषामहं समुद्धर्ता भवेयमिति मे मतिः
vayaṃ ca jātidharmeṇa kṛtavairāḥ sahāmaraiḥ taiśca niḥśeṣitā daityāḥ krūraiḥ saṃtyajya dharmitām teṣāmahaṃ samuddhartā bhaveyamiti me matiḥ
And we, by the law of our kind, have made enmity with the immortals; and by those cruel ones the Daityas were wiped out, they having abandoned righteousness. My intention is that I should be the deliverer of those (Daityas).
AI translation rendered from the Sanskrit, not a published edition
MtP 148.20
अवध्यः सर्वभूतानाम् अस्त्राणां च महौजसाम् स्यामहं परमो ह्येष वरो मम हृदि स्थितः
avadhyaḥ sarvabhūtānām astrāṇāṃ ca mahaujasām syāmahaṃ paramo hyeṣa varo mama hṛdi sthitaḥ
May I be unslayable by all beings and by weapons of great might — this indeed is the supreme boon that stands in my heart.
AI translation rendered from the Sanskrit, not a published edition
MtP 148.21
एतन्मे देहि देवेश नान्यो मे रोचते वरः तमुवाच ततो दैत्यं विरिञ्चिः सुरनायकः
etanme dehi deveśa nānyo me rocate varaḥ tamuvāca tato daityaṃ viriñciḥ suranāyakaḥ
Grant me this, lord of gods; no other boon pleases me." Then Viriñci, the leader of the gods, said to that Daitya:
AI translation rendered from the Sanskrit, not a published edition
MtP 148.22
न युज्यन्ते विना मृत्युं देहिनो दैत्यसत्तम यतस्ततो ऽपि वरय मृत्युं यस्मान्न शङ्कसे
na yujyante vinā mṛtyuṃ dehino daityasattama yatastato 'pi varaya mṛtyuṃ yasmānna śaṅkase
"Embodied beings are not (found) without death, best of Daityas; therefore choose even so a death from which you have no fear."
AI translation rendered from the Sanskrit, not a published edition
MtP 148.23
ततः संचिन्त्य दैत्येन्द्रः शिशोर्वै सप्तवासरात् वव्रे महासुरो मृत्युम् अवलेपेन मोहितः
tataḥ saṃcintya daityendraḥ śiśorvai saptavāsarāt vavre mahāsuro mṛtyum avalepena mohitaḥ
Then, having reflected, the lord of Daityas, that great Asura, deluded by pride, chose death from a seven-day-old infant.
AI translation rendered from the Sanskrit, not a published edition
MtP 148.24
ब्रह्मा चास्मै वरं दत्त्वा यत्किंचिन्मनसेप्सितम् जगाम त्रिदिवं देवो दैत्यो ऽपि स्वकमालयम्
brahmā cāsmai varaṃ dattvā yatkiṃcinmanasepsitam jagāma tridivaṃ devo daityo 'pi svakamālayam
And Brahmā, having granted him the boon, whatever was desired in his mind, the god went to heaven, and the Daitya too to his own abode.
AI translation rendered from the Sanskrit, not a published edition
MtP 148.25
उत्तीर्णं तपसस्तं तु दैत्यं दैत्येश्वरास्तथा परिवव्रुः सहस्राक्षं दिवि देवगणा यथा
uttīrṇaṃ tapasastaṃ tu daityaṃ daityeśvarāstathā parivavruḥ sahasrākṣaṃ divi devagaṇā yathā
And the lords of the Daityas surrounded that Daitya, who had come through his austerity, as the hosts of gods in heaven surround the thousand-eyed one.
AI translation rendered from the Sanskrit, not a published edition
MtP 148.26
तस्मिन्महति राज्यस्थे तारके दैत्यनन्दने ऋतवो मूर्तिमन्तश्च स्वकालगुणबृंहिताः
tasminmahati rājyasthe tārake daityanandane ṛtavo mūrtimantaśca svakālaguṇabṛṃhitāḥ
When that great Tāraka, the joy of the Daityas, was established in kingship, the seasons too, embodied, swollen with the qualities of their own times,
AI translation rendered from the Sanskrit, not a published edition
MtP 148.27
अभवन्किंकरास्तस्य लोकपालाश्च सर्वशः कान्तिर्द्युतिर्धृतिर्मेधा श्रीरवेक्ष्य च दानवम्
abhavankiṃkarāstasya lokapālāśca sarvaśaḥ kāntirdyutirdhṛtirmedhā śrīravekṣya ca dānavam
became his servants, and the world-guardians in every way; and Beauty, Splendour, Steadfastness, Wisdom, and Prosperity, beholding the Dānava,
AI translation rendered from the Sanskrit, not a published edition
MtP 148.28
परिवव्रुर्गुणाकीर्णा निश्छिद्राः सर्व एव हि कालागुरुविलिप्ताङ्गं महामुकुटभूषणम्
parivavrurguṇākīrṇā niśchidrāḥ sarva eva hi kālāguruviliptāṅgaṃ mahāmukuṭabhūṣaṇam
All of them, filled with virtues and without flaw, surrounded (him) whose limbs were smeared with black aloe-wood and who was adorned with a great crown,
AI translation rendered from the Sanskrit, not a published edition
MtP 148.29
रुचिराङ्गदनद्धाङ्गं महासिंहासने स्थितम् वीजयन्त्यप्सरःश्रेष्ठा भृशं मुञ्चन्ति नैव ताः
rucirāṅgadanaddhāṅgaṃ mahāsiṃhāsane sthitam vījayantyapsaraḥśreṣṭhā bhṛśaṃ muñcanti naiva tāḥ
whose limbs were clasped with gleaming armlets, seated on a great lion-throne; the foremost of the apsarases fan him and do not leave off at all.
AI translation rendered from the Sanskrit, not a published edition
MtP 148.30
चन्द्रार्कौ दीपमार्गेषु व्यजनेषु च मारुतः कृतान्तो ऽग्रेसरस्तस्य बभूवुर्मुनिसत्तमाः
candrārkau dīpamārgeṣu vyajaneṣu ca mārutaḥ kṛtānto 'gresarastasya babhūvurmunisattamāḥ
The moon and the sun served as his lamp-stands, the wind was in the fans, and Kṛtānta (Death) went before him, O best of sages.
AI translation rendered from the Sanskrit, not a published edition
MtP 148.31
एवं प्रयाति काले तु वितते तारकासुरः बभाषे सचिवान्दैत्यः प्रभूतवरदर्पितः
evaṃ prayāti kāle tu vitate tārakāsuraḥ babhāṣe sacivāndaityaḥ prabhūtavaradarpitaḥ
As time passed on thus at length, the daitya Tāraka, made arrogant by the boon he had obtained, spoke to his counsellors:
AI translation rendered from the Sanskrit, not a published edition
MtP 148.32
राज्येन कारणं किं मे त्व् अनाक्रम्य त्रिविष्टपम् अनिर्याप्य सुरैर्वैरं का शान्तिर्हृदये मम
rājyena kāraṇaṃ kiṃ me tv anākramya triviṣṭapam aniryāpya surairvairaṃ kā śāntirhṛdaye mama
"What is the point of kingship for me, if I do not overrun the third heaven? Without carrying out my enmity with the gods, what peace can there be in my heart?
AI translation rendered from the Sanskrit, not a published edition
MtP 148.33
भुञ्जते ऽद्यापि यज्ञांशान् अमरा नाक एव हि विष्णुः श्रियं न जहति तिष्ठते च गतभ्रमः
bhuñjate 'dyāpi yajñāṃśān amarā nāka eva hi viṣṇuḥ śriyaṃ na jahati tiṣṭhate ca gatabhramaḥ
Even today the immortals enjoy their shares of the sacrifices in heaven itself; Viṣṇu does not let go of Śrī, and abides untroubled.
AI translation rendered from the Sanskrit, not a published edition
MtP 148.34
स्वस्थाभिः स्वर्गनारीभिः पीड्यन्ते ऽमरवल्लभाः सोत्पला मदिरामोदा दिवि क्रीडायनेषु च
svasthābhiḥ svarganārībhiḥ pīḍyante 'maravallabhāḥ sotpalā madirāmodā divi krīḍāyaneṣu ca
The favourites of the immortals are pressed by heavenly women who are at their ease, bearing lotuses and fragrant with wine, in heaven and in the pleasure-groves.
AI translation rendered from the Sanskrit, not a published edition — the model flagged this verse as uncertain
MtP 148.35
लब्ध्वा जन्म न यः कश्चिद् घटयेत्पौरुषं नरः जन्म तस्य वृथा भूतम् अजन्मा तु विशिष्यते
labdhvā janma na yaḥ kaścid ghaṭayetpauruṣaṃ naraḥ janma tasya vṛthā bhūtam ajanmā tu viśiṣyate
Whatever man, having obtained birth, does not put forth his manhood — his birth has been in vain, and the unborn is better off.
AI translation rendered from the Sanskrit, not a published edition
MtP 148.36
मातापितृभ्यां न करोति कामान् बन्धूनशोकान्न करोति यो वा कीर्तिं हि वा नार्जयते हिमाभां पुमान्स जातो ऽपि मृतो मतं मे
mātāpitṛbhyāṃ na karoti kāmān bandhūnaśokānna karoti yo vā kīrtiṃ hi vā nārjayate himābhāṃ pumānsa jāto 'pi mṛto mataṃ me
He who does not fulfil the wishes of his mother and father, or who does not free his kinsmen from sorrow, or who does not win fame white as snow — that man, though born, is dead: such is my view.
AI translation rendered from the Sanskrit, not a published edition
MtP 148.37
तस्माज्जयायामरपुंगवानां त्रैलोक्यलक्ष्मीहरणाय शीघ्रम् संयोज्यतां मे रथमष्टचक्रं बलं च मे दुर्जयदैत्यचक्रम् ध्वजं च मे काञ्चनपट्टनद्धं छत्त्रं च मे मौक्तिकजालबद्धम्
tasmājjayāyāmarapuṃgavānāṃ trailokyalakṣmīharaṇāya śīghram saṃyojyatāṃ me rathamaṣṭacakraṃ balaṃ ca me durjayadaityacakram dhvajaṃ ca me kāñcanapaṭṭanaddhaṃ chattraṃ ca me mauktikajālabaddham
"Therefore, for victory over the bulls among the immortals, for the swift seizing of the fortune of the three worlds, let my eight-wheeled chariot be yoked, and my army, the host of daityas hard to conquer, and my banner bound with strips of gold, and my parasol netted with pearls."
AI translation rendered from the Sanskrit, not a published edition
MtP 148.38
तारकस्य वचः श्रुत्वा ग्रसनो नाम दानवः सेनानीर् दैत्यराजस्य तथा चक्रे बलान्वितः
tārakasya vacaḥ śrutvā grasano nāma dānavaḥ senānīr daityarājasya tathā cakre balānvitaḥ
Hearing Tāraka's words, a dānava named Grasana, the commander of the daitya king's forces, did so, backed by his troops.
AI translation rendered from the Sanskrit, not a published edition
MtP 148.39
आहत्य भेरीं गम्भीरां दैत्यानाहूय सत्वरः तुरगाणां सहस्रेण चक्राष्टकविभूषितम्
āhatya bherīṃ gambhīrāṃ daityānāhūya satvaraḥ turagāṇāṃ sahasreṇa cakrāṣṭakavibhūṣitam
Having beaten the deep-sounding drum and quickly summoned the daityas, (he made ready the chariot) adorned with a set of eight wheels, with a thousand horses,
AI translation rendered from the Sanskrit, not a published edition
MtP 148.40
शुक्लाम्बरपरिष्कारं चतुर्योजनविस्तृतम् नानाक्रीडागृहयुतं गीतवाद्यमनोहरम्
śuklāmbarapariṣkāraṃ caturyojanavistṛtam nānākrīḍāgṛhayutaṃ gītavādyamanoharam
appointed with white cloth, four yojanas broad, provided with many pleasure-chambers, charming with song and instrumental music,
AI translation rendered from the Sanskrit, not a published edition
MtP 148.41
विमानमिव देवस्य सुरभर्तुः शतक्रतोः दशकोटीश्वरा दैत्या दैत्यानां चण्डविक्रमाः
vimānamiva devasya surabhartuḥ śatakratoḥ daśakoṭīśvarā daityā daityānāṃ caṇḍavikramāḥ
like the aerial car of the god Śatakratu, the lord of the gods. Daityas who were masters of ten crores (of troops), of fierce valour among the daityas —
AI translation rendered from the Sanskrit, not a published edition
MtP 148.42
तेषामग्रेसरो जम्भः कुजम्भो ऽनन्तरस्ततः महिषः कुञ्जरो मेघः कालनेमिर्निमिस्तथा
teṣāmagresaro jambhaḥ kujambho 'nantarastataḥ mahiṣaḥ kuñjaro meghaḥ kālanemirnimistathā
their foremost was Jambha, then next Kujambha, Mahiṣa, Kuñjara, Megha, Kālanemi, and Nimi,
AI translation rendered from the Sanskrit, not a published edition
MtP 148.43
मथनो जम्भकः शुम्भो दैत्येन्द्रा दश नायकाः अन्ये ऽपि शतशस्तस्य पृथिवीदलनक्षमाः
mathano jambhakaḥ śumbho daityendrā daśa nāyakāḥ anye 'pi śataśastasya pṛthivīdalanakṣamāḥ
Mathana, Jambhaka, Śumbha — ten daitya lords as captains; and others too of his by the hundreds, able to split the earth,
AI translation rendered from the Sanskrit, not a published edition
MtP 148.44
दैत्येन्द्रा गिरिवर्ष्माणः सन्ति चण्डपराक्रमाः नानायुधप्रहरणा नानाशस्त्रास्त्रपारगाः
daityendrā girivarṣmāṇaḥ santi caṇḍaparākramāḥ nānāyudhapraharaṇā nānāśastrāstrapāragāḥ
daitya lords with bodies like mountains, of fierce prowess, striking with weapons of many kinds, masters of every sort of arm and missile.
AI translation rendered from the Sanskrit, not a published edition
MtP 148.45
तारकस्याभवत्केतू रौद्रः कनकभूषणः केतुना मकरेणापि सेनानीर् ग्रसनो ऽरिहा
tārakasyābhavatketū raudraḥ kanakabhūṣaṇaḥ ketunā makareṇāpi senānīr grasano 'rihā
Tāraka's banner was terrifying and ornamented with gold; the commander Grasana, slayer of foes, had a banner with a sea-monster (makara).
AI translation rendered from the Sanskrit, not a published edition
MtP 148.46
पैशाचं यस्य वदनं जम्भस्यासीदयोमयम् खरविधूतलाङ्गूलं कुजम्भस्याभवद्ध्वजे
paiśācaṃ yasya vadanaṃ jambhasyāsīdayomayam kharavidhūtalāṅgūlaṃ kujambhasyābhavaddhvaje
Jambha's was an iron piśāca face; on Kujambha's banner was the switching tail of an ass.
AI translation rendered from the Sanskrit, not a published edition
MtP 148.47
महिषस्य तु गोमायुः केतोर्हैमस्तदाभवत् ध्वाङ्क्षो ध्वजे तु शुम्भस्य कृष्णायोमयमुच्छ्रितम्
mahiṣasya tu gomāyuḥ ketorhaimastadābhavat dhvāṅkṣo dhvaje tu śumbhasya kṛṣṇāyomayamucchritam
Mahiṣa's golden banner-emblem was a jackal; and on Śumbha's banner a crow of black iron was raised up.
AI translation rendered from the Sanskrit, not a published edition
MtP 148.48
अनेकाकारविन्यासाश् चान्येषां तु ध्वजास्तथा शतेन शीघ्रवेगाणां व्याघ्राणां हेममालिनाम्
anekākāravinyāsāś cānyeṣāṃ tu dhvajāstathā śatena śīghravegāṇāṃ vyāghrāṇāṃ hemamālinām
And the banners of the others likewise were set out in many shapes; (Grasana's chariot was yoked) with a hundred swift-moving tigers wearing golden garlands—
AI translation rendered from the Sanskrit, not a published edition — the model flagged this verse as uncertain
MtP 148.49
ग्रसनस्य रथो युक्तां किङ्किणीजालमालिनाम् शतेनापि च सिंहानां रथो जम्भस्य दुर्जयः
grasanasya ratho yuktāṃ kiṅkiṇījālamālinām śatenāpi ca siṃhānāṃ ratho jambhasya durjayaḥ
Grasana's chariot was yoked (with tigers) wearing garlands of networks of little bells; and Jambha's chariot, hard to conquer, with a full hundred lions.
AI translation rendered from the Sanskrit, not a published edition — the model flagged this verse as uncertain
MtP 148.50
कुजम्भस्य रथो युक्तः पिशाचवदनैः खरैः रथस्तु महिषस्योष्ट्रैर् गजस्य तु तुरंगमैः
kujambhasya ratho yuktaḥ piśācavadanaiḥ kharaiḥ rathastu mahiṣasyoṣṭrair gajasya tu turaṃgamaiḥ
Kujambha's chariot was yoked with donkeys having the faces of piśācas; Mahiṣa's chariot with camels, and Gaja's with horses.
AI translation rendered from the Sanskrit, not a published edition
MtP 148.51
मेषस्य द्वीपिभिर्भीमैः कुञ्जरैः कालनेमिनः पर्वताभैः समारूढो निमिर्मत्तैर्महागजैः
meṣasya dvīpibhirbhīmaiḥ kuñjaraiḥ kālaneminaḥ parvatābhaiḥ samārūḍho nimirmattairmahāgajaiḥ
Meṣa's (chariot was yoked) with fearsome leopards, Kālanemi's with elephants; Nimi was mounted on great mountain-like elephants in rut,
AI translation rendered from the Sanskrit, not a published edition
MtP 148.52
चतुर्दन्तैर्गन्धवद्भिः शिक्षितैर्मेघभैरवैः शतहस्तायतैः कृष्णैस् तुरंगैर्हेमभूषणैः
caturdantairgandhavadbhiḥ śikṣitairmeghabhairavaiḥ śatahastāyataiḥ kṛṣṇais turaṃgairhemabhūṣaṇaiḥ
four-tusked, exuding musth-scent, trained, terrifying as clouds; (and) with black horses a hundred hastas long, adorned with gold,
AI translation rendered from the Sanskrit, not a published edition — the model flagged this verse as uncertain
MtP 148.53
सितचामरजालेन शोभिते दक्षिणां दिशम् सितचन्दनचार्वङ्गो नानापुष्पस्रजोज्ज्वलः
sitacāmarajālena śobhite dakṣiṇāṃ diśam sitacandanacārvaṅgo nānāpuṣpasrajojjvalaḥ
on (a chariot) resplendent with a net of white yak-tail whisks, (he faced) the southern quarter; his fair limbs (smeared) with white sandal, gleaming with garlands of many kinds of flowers,
AI translation rendered from the Sanskrit, not a published edition — the model flagged this verse as uncertain
MtP 148.54
मथनो नाम दैत्येन्द्रः पाशहस्तो व्यराजत जम्भकः किङ्किणीजालमालमुष्ट्रं समास्थितः
mathano nāma daityendraḥ pāśahasto vyarājata jambhakaḥ kiṅkiṇījālamālamuṣṭraṃ samāsthitaḥ
the lord of Daityas named Mathana shone, a noose in his hand; Jambhaka was seated on a camel garlanded with a net of little bells.
AI translation rendered from the Sanskrit, not a published edition
MtP 148.55
कालशुक्लमहामेषम् आरूढः शुम्भदानवः अन्ये ऽपि दानवा वीरा नानावाहनगामिनः
kālaśuklamahāmeṣam ārūḍhaḥ śumbhadānavaḥ anye 'pi dānavā vīrā nānāvāhanagāminaḥ
The Dānava Śumbha was mounted on a great black-and-white ram; and the other Dānava heroes too went upon various mounts,
AI translation rendered from the Sanskrit, not a published edition
MtP 148.56
प्रचण्डचित्रकर्माणः कुण्डलोष्णीषभूषणाः नानाविधोत्तरासङ्गा नानामाल्यविभूषणाः
pracaṇḍacitrakarmāṇaḥ kuṇḍaloṣṇīṣabhūṣaṇāḥ nānāvidhottarāsaṅgā nānāmālyavibhūṣaṇāḥ
(they were) of fierce and wondrous deeds, adorned with earrings and turbans, wearing upper garments of many kinds, decked with many garlands,
AI translation rendered from the Sanskrit, not a published edition
MtP 148.57
नानासुगन्धिगन्धाढ्या नानाबन्दिजनस्तुताः नानावाद्यपरिस्पन्दाश् चाग्रेसरमहारथाः
nānāsugandhigandhāḍhyā nānābandijanastutāḥ nānāvādyaparispandāś cāgresaramahārathāḥ
rich with the scents of many fragrances, praised by many bards, (moving) to the throbbing of many instruments, with great chariots going before,
AI translation rendered from the Sanskrit, not a published edition
MtP 148.58
नानाशौर्यकथासक्तास् तस्मिन्सैन्ये महासुराः तद्बलं दैत्यसिंहस्य भीमरूपं व्यजायत
nānāśauryakathāsaktās tasminsainye mahāsurāḥ tadbalaṃ daityasiṃhasya bhīmarūpaṃ vyajāyata
and in that army the great Asuras were engrossed in many tales of valour; that force of the lion among Daityas became fearsome in form.
AI translation rendered from the Sanskrit, not a published edition
MtP 148.59
प्रमत्तचण्डमातंगतुरंगरथसंकुलम् प्रतस्थे ऽमरयुद्धाय बहुपत्तिपताकि तत्
pramattacaṇḍamātaṃgaturaṃgarathasaṃkulam pratasthe 'marayuddhāya bahupattipatāki tat
Thronged with maddened, furious elephants, horses and chariots, with many foot-soldiers and banners, it set out to fight the immortals.
AI translation rendered from the Sanskrit, not a published edition
MtP 148.60
एतस्मिन्नन्तरे वायुर् देवदूतो ऽम्बरालये दृष्ट्वा स दानवबलं जगामेन्द्रस्य शंसितुम्
etasminnantare vāyur devadūto 'mbarālaye dṛṣṭvā sa dānavabalaṃ jagāmendrasya śaṃsitum
Meanwhile Vāyu, the gods' messenger, dwelling in the sky, having seen that Dānava army, went to report it to Indra.
AI translation rendered from the Sanskrit, not a published edition
MtP 148.61
स गत्वा तु सभां दिव्यां महेन्द्रस्य महात्मनः शशंस मध्ये देवानां तत्कार्यं समुपस्थितम्
sa gatvā tu sabhāṃ divyāṃ mahendrasya mahātmanaḥ śaśaṃsa madhye devānāṃ tatkāryaṃ samupasthitam
And having gone to the divine assembly-hall of the great-souled Mahendra, he announced in the midst of the gods that business which had arisen.
AI translation rendered from the Sanskrit, not a published edition
MtP 148.62
तच्छ्रुत्वा देवराजस्तु निमीलितविलोचनः बृहस्पतिमुवाचेदं वाक्यं काले महाभुजः
tacchrutvā devarājastu nimīlitavilocanaḥ bṛhaspatimuvācedaṃ vākyaṃ kāle mahābhujaḥ
Hearing that, the king of the gods, the mighty-armed one, with his eyes closed, spoke this word to Bṛhaspati at the (proper) time:
AI translation rendered from the Sanskrit, not a published edition
MtP 148.63
सम्प्राप्तो ऽति विमर्दो ऽयं देवानां दानवैः सह कार्यं किमत्र तद्ब्रूहि नीत्युपायसमन्वितम्
samprāpto 'ti vimardo 'yaṃ devānāṃ dānavaiḥ saha kāryaṃ kimatra tadbrūhi nītyupāyasamanvitam
"This great clash of the gods with the Dānavas has arrived; tell me what is to be done here, together with the policy and the means."
AI translation rendered from the Sanskrit, not a published edition
MtP 148.64
एतच्छ्रुत्वा तु वचनं महेन्द्रस्य गिरांपतिः इत्युवाच महाभागो बृहस्पतिरुदारधीः
etacchrutvā tu vacanaṃ mahendrasya girāṃpatiḥ ityuvāca mahābhāgo bṛhaspatirudāradhīḥ
Hearing this speech of Mahendra, the lord of speech, the greatly fortunate Bṛhaspati of noble mind, spoke thus:
AI translation rendered from the Sanskrit, not a published edition
MtP 148.65
सामपूर्वा स्मृता नीतिश् चतुरङ्गा पताकिनी जिगीषतां सुरश्रेष्ठ स्थितिरेषा सनातनी
sāmapūrvā smṛtā nītiś caturaṅgā patākinī jigīṣatāṃ suraśreṣṭha sthitireṣā sanātanī
"Policy is held to begin with conciliation, to have four limbs, and to bear its banner; for those who seek victory, best of gods, this is the eternal rule.
AI translation rendered from the Sanskrit, not a published edition
MtP 148.66
साम भेदस्तथा दानं दण्डश्चाङ्गचतुष्टयम् नीतौ क्रमाद्देशकालरिपुयोग्यक्रमादिदम्
sāma bhedastathā dānaṃ daṇḍaścāṅgacatuṣṭayam nītau kramāddeśakālaripuyogyakramādidam
Conciliation, division, gift, and punishment—these are the four limbs; in policy this comes in order, according to the sequence fitting to place, time, and enemy.
AI translation rendered from the Sanskrit, not a published edition
MtP 148.67
न शान्तिगोचरे लुब्धः क्रूरो लब्धसमाश्रयः संतापितः खलो याति साध्यतां भ्रष्टसंशयः
na śāntigocare lubdhaḥ krūro labdhasamāśrayaḥ saṃtāpitaḥ khalo yāti sādhyatāṃ bhraṣṭasaṃśayaḥ
The greedy man is not within the range of conciliation, nor the cruel man who has secured support; but the wicked man, when made to suffer, becomes manageable, his hesitation gone.
AI translation rendered from the Sanskrit, not a published edition — the model flagged this verse as uncertain
MtP 148.68
साम दैत्येषु नैवास्ति यतस्ते लब्धसंश्रयाः जातिधर्मेण वा भेद्या दानं प्राप्तश्रिये च किम्
sāma daityeṣu naivāsti yataste labdhasaṃśrayāḥ jātidharmeṇa vā bhedyā dānaṃ prāptaśriye ca kim
Conciliation has no place among the daityas, since they have secured their own backing; nor can they be divided by (appeal to) the duty of their kind; and of what use is gift-giving to one who has already attained wealth?
AI translation rendered from the Sanskrit, not a published edition
MtP 148.69
एको ऽभ्युपायो दण्डो ऽत्र भवतां यदि रोचते दुर्जनेषु कृतं साम महद्याति च वन्ध्यताम्
eko 'bhyupāyo daṇḍo 'tra bhavatāṃ yadi rocate durjaneṣu kṛtaṃ sāma mahadyāti ca vandhyatām
Here punishment is the single means, if it please you; conciliation employed toward evil men goes to great barrenness.
AI translation rendered from the Sanskrit, not a published edition
MtP 148.70
भवादिति व्यवस्यन्ति क्रूराः साम महात्मनाम् ऋजुतामार्यबुद्धित्वं दयानीतिव्यतिक्रमम्
bhavāditi vyavasyanti krūrāḥ sāma mahātmanām ṛjutāmāryabuddhitvaṃ dayānītivyatikramam
The cruel conclude that the conciliation of the great-souled comes from fear (bhavāt), and (that their) straightforwardness, their noble-mindedness, (their) compassion is a breach of statecraft;
AI translation rendered from the Sanskrit, not a published edition — the model flagged this verse as uncertain
MtP 148.71
मन्यन्ते दुर्जना नित्यं साम चापि भयोदयात् तस्माद् दुर्जनम् आक्रान्तुं श्रेयान्पौरुषसंश्रयः
manyante durjanā nityaṃ sāma cāpi bhayodayāt tasmād durjanam ākrāntuṃ śreyānpauruṣasaṃśrayaḥ
evil men always think (this), and think conciliation too to arise from fear; therefore, to assail an evil man, reliance on manly force is better.
AI translation rendered from the Sanskrit, not a published edition
MtP 148.72
आक्रान्ते तु क्रिया युक्ता सतामेतन्महाव्रतम् दुर्जनः सुजनत्वाय कल्पते न कदाचन
ākrānte tu kriyā yuktā satāmetanmahāvratam durjanaḥ sujanatvāya kalpate na kadācana
But when (he) has been assailed, action is fitting: this is the great vow of the good. An evil man is never fit for goodness.
AI translation rendered from the Sanskrit, not a published edition
MtP 148.73
सुजनो ऽपि स्वभावस्य त्यागं वाञ्छेत्कदाचन एवं मे बुध्यते बुद्धिर् यूयमत्र व्यवस्यत
sujano 'pi svabhāvasya tyāgaṃ vāñchetkadācana evaṃ me budhyate buddhir yūyamatra vyavasyata
Would even a good man ever wish to give up his own nature? Thus does my mind understand it; you (all) decide in this matter.
AI translation rendered from the Sanskrit, not a published edition — the model flagged this verse as uncertain
MtP 148.74
एवमुक्तः सहस्राक्ष एवमेवेत्युवाच तम् कर्तव्यतां स संचिन्त्य प्रोवाचामरसंसदि
evamuktaḥ sahasrākṣa evamevetyuvāca tam kartavyatāṃ sa saṃcintya provācāmarasaṃsadi
Addressed thus, the Thousand-eyed said to him, "Just so"; and having pondered what was to be done, he spoke in the assembly of the immortals:
AI translation rendered from the Sanskrit, not a published edition
MtP 148.75
सावधानेन मे वाचं शृणुध्वं नाकवासिनः भवन्तो यज्ञभोक्तारस् तुष्टात्मानो ऽतिसात्त्विकाः
sāvadhānena me vācaṃ śṛṇudhvaṃ nākavāsinaḥ bhavanto yajñabhoktāras tuṣṭātmāno 'tisāttvikāḥ
"Hear my speech attentively, dwellers in heaven. You are the eaters of the sacrifice, contented in yourselves, exceedingly sattvic,
AI translation rendered from the Sanskrit, not a published edition
MtP 148.76
स्वे महिम्नि स्थिता नित्यं जगतः परिपालकाः भवतश्चानिमित्तेन बाधने दानवेश्वराः
sve mahimni sthitā nityaṃ jagataḥ paripālakāḥ bhavataścānimittena bādhane dānaveśvarāḥ
ever established in your own greatness, the protectors of the world; and the lords of the dānavas are bent on afflicting you without cause.
AI translation rendered from the Sanskrit, not a published edition
MtP 148.77
तेषां सामादि नैवास्ति दण्ड एव विधीयताम् क्रियतां समरोद्योगः सैन्यं संयोज्यतां मम
teṣāṃ sāmādi naivāsti daṇḍa eva vidhīyatām kriyatāṃ samarodyogaḥ sainyaṃ saṃyojyatāṃ mama
For them there is no conciliation and the rest at all; let punishment alone be applied. Let preparation for battle be made; let my army be assembled.
AI translation rendered from the Sanskrit, not a published edition
MtP 148.78
आद्रियन्तां च शस्त्राणि पूज्यन्तामस्त्रदेवताः वाहनानि च यानानि योजयन्तु ममामराः
ādriyantāṃ ca śastrāṇi pūjyantāmastradevatāḥ vāhanāni ca yānāni yojayantu mamāmarāḥ
And let the weapons be attended to, let the deities of the missiles be worshipped, and let the immortals yoke my mounts and conveyances,
AI translation rendered from the Sanskrit, not a published edition
MtP 148.79
यमं सेनापतिं कृत्वा शीघ्रमेवं दिवौकसः इत्युक्ताः समनह्यन्त देवानां ये प्रधानतः
yamaṃ senāpatiṃ kṛtvā śīghramevaṃ divaukasaḥ ityuktāḥ samanahyanta devānāṃ ye pradhānataḥ
making Yama the commander of the army—quickly, O sky-dwellers, thus!" So addressed, those who were foremost among the gods armed themselves.
AI translation rendered from the Sanskrit, not a published edition
MtP 148.80
वाजिनामयुतेनाजौ हेमघण्टापरिष्कृतम् नानाश्चर्यगुणोपेतं सम्प्राप्तं सर्वदैवतैः
vājināmayutenājau hemaghaṇṭāpariṣkṛtam nānāścaryaguṇopetaṃ samprāptaṃ sarvadaivataiḥ
(A chariot) with ten thousand horses for the battle, decked with golden bells, endowed with many wondrous qualities, was brought up by all the gods—
AI translation rendered from the Sanskrit, not a published edition
MtP 148.81
रथं मातलिना कॢप्तं देवराजस्य दुर्जयम् यमो महिषमास्थाय सेनाग्रे समवर्तत
rathaṃ mātalinā kḷptaṃ devarājasya durjayam yamo mahiṣamāsthāya senāgre samavartata
the hard-to-conquer chariot of the king of the gods, made ready by Mātali; and Yama, mounted upon a buffalo, took his stand at the head of the army,
AI translation rendered from the Sanskrit, not a published edition
MtP 148.82
चण्डकिंकरवृन्देन सर्वतः परिवारितः कल्पकालोद्धतज्वालापूरिताम्बरलोचनः
caṇḍakiṃkaravṛndena sarvataḥ parivāritaḥ kalpakāloddhatajvālāpūritāmbaralocanaḥ
surrounded on every side by a throng of fierce attendants, his eyes (like) the sky filled with flames blazing up at the time of dissolution.
AI translation rendered from the Sanskrit, not a published edition
MtP 148.83
हुताशनश्छागरूढः शक्तिहस्तो व्यवस्थितः पवनो ऽङ्कुशपाणिस्तु विस्तारितमहाजवः
hutāśanaśchāgarūḍhaḥ śaktihasto vyavasthitaḥ pavano 'ṅkuśapāṇistu vistāritamahājavaḥ
Fire, riding a goat, stood with a spear in his hand; and Wind, with a goad in his hand, his great speed spread wide.
AI translation rendered from the Sanskrit, not a published edition
MtP 148.84
भुजगेन्द्रसमारूढो जलेशो भगवान्स्वयम् नरयुक्तरथे देवो राक्षसेशो वियच्चरः
bhujagendrasamārūḍho jaleśo bhagavānsvayam narayuktarathe devo rākṣaseśo viyaccaraḥ
The lord of the waters, the Blessed One himself, mounted upon the king of serpents; the god who is lord of the rākṣasas, moving through the sky on a chariot yoked with men,
AI translation rendered from the Sanskrit, not a published edition
MtP 148.85
तीक्ष्णखड्गयुतो भीमः समरे समवस्थितः महासिंहरवो देवो धनाध्यक्षो गदायुधः
tīkṣṇakhaḍgayuto bhīmaḥ samare samavasthitaḥ mahāsiṃharavo devo dhanādhyakṣo gadāyudhaḥ
terrible, equipped with a sharp sword, stood ready in the battle; and the god who is overseer of wealth, roaring like a great lion, with a mace for his weapon.
AI translation rendered from the Sanskrit, not a published edition
MtP 148.86
चन्द्रादित्यावश्विनौ च चतुरङ्गबलान्वितौ राजभिः सहितास्तस्थुर् गन्धर्वा हेमभूषणाः
candrādityāvaśvinau ca caturaṅgabalānvitau rājabhiḥ sahitāstasthur gandharvā hemabhūṣaṇāḥ
The Moon and the Sun and the two Aśvins, provided with forces of the four divisions; the gandharvas, adorned with gold, stood together with (their) kings,
AI translation rendered from the Sanskrit, not a published edition
MtP 148.87
हेमपीतोत्तरासङ्गाश् चित्रवर्मरथायुधाः नाकपृष्ठशिखण्डास्तु वैडूर्यमकरध्वजाः
hemapītottarāsaṅgāś citravarmarathāyudhāḥ nākapṛṣṭhaśikhaṇḍāstu vaiḍūryamakaradhvajāḥ
with upper garments of yellow gold, with variegated armour, chariots and weapons, their crests (rising to) the vault of heaven, their makara-banners of beryl.
AI translation rendered from the Sanskrit, not a published edition — the model flagged this verse as uncertain
MtP 148.88
जपारक्तोत्तरासङ्गा राक्षसा रक्तमूर्धजाः गृध्रध्वजा महावीर्या निर्मलायोविभूषणाः
japāraktottarāsaṅgā rākṣasā raktamūrdhajāḥ gṛdhradhvajā mahāvīryā nirmalāyovibhūṣaṇāḥ
The rākṣasas, with upper garments red as the hibiscus flower and with red hair, bearing vulture banners, of great might, adorned with ornaments of spotless iron;
AI translation rendered from the Sanskrit, not a published edition
MtP 148.89
मुसलासिगदाहस्ता रथे चोष्णीषदंशिताः महामेघरवा नागा भीमोल्काशनिहेतयः
musalāsigadāhastā rathe coṣṇīṣadaṃśitāḥ mahāmegharavā nāgā bhīmolkāśanihetayaḥ
with clubs, swords and maces in their hands, mailed and turbaned upon their chariots, roaring like great clouds — serpents (nāgas) whose weapons were terrible meteors and thunderbolts.
AI translation rendered from the Sanskrit, not a published edition — the model flagged this verse as uncertain
MtP 148.90
यक्षाः कृष्णाम्बरभृतो भीमबाणधनुर्धराः ताम्रोलूकध्वजा रौद्रा हेमरत्नविभूषणाः
yakṣāḥ kṛṣṇāmbarabhṛto bhīmabāṇadhanurdharāḥ tāmrolūkadhvajā raudrā hemaratnavibhūṣaṇāḥ
The yakṣas, wearing black garments, carrying fearsome bows and arrows, with copper-coloured owl banners, dreadful, adorned with gold and jewels;
AI translation rendered from the Sanskrit, not a published edition
MtP 148.91
द्वीपिचर्मोत्तरासङ्गं निशाचरबलं बभौ गार्ध्रपत्त्रध्वजप्रायम् अस्थिभूषणभूषितम्
dvīpicarmottarāsaṅgaṃ niśācarabalaṃ babhau gārdhrapattradhvajaprāyam asthibhūṣaṇabhūṣitam
The army of the night-wanderers shone with leopard-skin upper garments, mostly with banners of vulture feathers, decorated with ornaments of bone,
AI translation rendered from the Sanskrit, not a published edition
MtP 148.92
मुसलायुधदुष्प्रेक्ष्यं नानाप्राणिमहारवम् किंनराः श्वेतवसनाः सितपत्त्रिपताकिनः
musalāyudhaduṣprekṣyaṃ nānāprāṇimahāravam kiṃnarāḥ śvetavasanāḥ sitapattripatākinaḥ
hard to look upon with its club-weapons, loud with the cries of various creatures. The kiṃnaras, clad in white, with pennants of white feathers,
AI translation rendered from the Sanskrit, not a published edition
MtP 148.93
मत्तेभवाहनप्रायास् तीक्ष्णतोमरहेतयः मुक्ताजालपरिष्कारो हंसो रजतनिर्मितः
mattebhavāhanaprāyās tīkṣṇatomarahetayaḥ muktājālapariṣkāro haṃso rajatanirmitaḥ
mostly riding rutting elephants, their weapons sharp lances. A swan made of silver, ornamented with a net of pearls,
AI translation rendered from the Sanskrit, not a published edition
MtP 148.94
केतुर्जलाधिनाथस्य भीमधूमध्वजानलः पद्मरागमहारत्नविटपं धनदस्य तु
keturjalādhināthasya bhīmadhūmadhvajānalaḥ padmarāgamahāratnaviṭapaṃ dhanadasya tu
was the banner of the lord of the waters (Varuṇa); Fire's was the terrible smoke-bannered one; but the wealth-giver's (Kubera's) had a branching tree of ruby, the great gem —
AI translation rendered from the Sanskrit, not a published edition
MtP 148.95
ध्वजं समुच्छ्रितं भाति गन्तुकाममिवाम्बरम् वृकेण काष्ठलोहेन यमस्यासीन्महाध्वजः
dhvajaṃ samucchritaṃ bhāti gantukāmamivāmbaram vṛkeṇa kāṣṭhalohena yamasyāsīnmahādhvajaḥ
his raised banner shines as if wishing to go to the sky. Yama's great banner had a wolf of wood and iron.
AI translation rendered from the Sanskrit, not a published edition
MtP 148.96
राक्षसेशस्य केतोर्वै प्रेतस्य मुखमाबभौ हेमसिंहध्वजौ देवौ चन्द्रार्कावमितद्युती
rākṣaseśasya ketorvai pretasya mukhamābabhau hemasiṃhadhvajau devau candrārkāvamitadyutī
On the banner of the lord of the rākṣasas a corpse's face appeared. The two gods of measureless splendour, the moon and the sun, had golden lion banners.
AI translation rendered from the Sanskrit, not a published edition
MtP 148.97
कुम्भेन रत्नचित्रेण केतुर् अश्विनयोर् अभूत् हेममातंगरचितं चित्ररत्नपरिष्कृतम्
kumbhena ratnacitreṇa ketur aśvinayor abhūt hemamātaṃgaracitaṃ citraratnapariṣkṛtam
The Aśvins' banner was a jar variegated with jewels; (Indra's was) figured with a golden elephant and set off with bright gems —
AI translation rendered from the Sanskrit, not a published edition
MtP 148.98
ध्वजं शतक्रतोरासीत् सितचामरमण्डितम् सनागयक्षगन्धर्वम् अहोरगनिशाचरा
dhvajaṃ śatakratorāsīt sitacāmaramaṇḍitam sanāgayakṣagandharvam ahoraganiśācarā
such was the banner of the performer of a hundred sacrifices, decorated with white yak-tail whisks. With nāgas, yakṣas and gandharvas, snakes and night-wanderers,
AI translation rendered from the Sanskrit, not a published edition
MtP 148.99
सेना सा देवराजस्य दुर्जया भुवनत्रये कोटयस्तास् त्रयस्त्रिंशद् देवदेवनिकायिनाम्
senā sā devarājasya durjayā bhuvanatraye koṭayastās trayastriṃśad devadevanikāyinām
that army of the king of the gods was hard to conquer in the three worlds: those thirty-three crores who belong to the hosts of the gods of gods.
AI translation rendered from the Sanskrit, not a published edition — the model flagged this verse as uncertain
MtP 148.100
हिमाचलाभे सितकर्णचामरे सुवर्णपद्मामलसुन्दरस्रजि कृताभिरागोज्ज्वलकुङ्कुमाङ्कुरे कपोललीलालिकदम्बसंकुले
himācalābhe sitakarṇacāmare suvarṇapadmāmalasundarasraji kṛtābhirāgojjvalakuṅkumāṅkure kapolalīlālikadambasaṃkule
On that elephant named Airāvata — like the Himālaya, with white whisks at its ears, with a lovely garland of spotless golden lotuses, with sprouts of saffron glowing with the applied colouring, its cheeks thronged with a swarm of playful bees —
AI translation rendered from the Sanskrit, not a published edition
MtP 148.101
स्थितस्तदैरावतनामकुञ्जरे महाबलश्चित्रविभूषणाम्बरः विशालवस्त्रांशुवितानभूषितः प्रकीर्णकेयूरभुजाग्रमण्डलः सहस्रदृग्बन्दिसहस्रसंस्तुतस् त्रिविष्टपे ऽशोभत पाकशासनः
sthitastadairāvatanāmakuñjare mahābalaścitravibhūṣaṇāmbaraḥ viśālavastrāṃśuvitānabhūṣitaḥ prakīrṇakeyūrabhujāgramaṇḍalaḥ sahasradṛgbandisahasrasaṃstutas triviṣṭape 'śobhata pākaśāsanaḥ
stationed there, of great strength, with brilliant ornaments and garments, adorned with a canopy of broad shining cloth, the circle of his upper arms strewn with armlets, the thousand-eyed one praised by a thousand bards, the chastiser of Pāka shone in heaven.
AI translation rendered from the Sanskrit, not a published edition
MtP 148.102
तुरंगमातंगबलौघसंकुला सितातपत्रध्वजराजिशालिनी चमूश्च सा दुर्जयपत्त्रिसंतता विभाति नानायुधयोधदुस्तरा
turaṃgamātaṃgabalaughasaṃkulā sitātapatradhvajarājiśālinī camūśca sā durjayapattrisaṃtatā vibhāti nānāyudhayodhadustarā
And that army, crowded with the flood of horse and elephant forces, splendid with white parasols and rows of banners, spread over with invincible arrows, hard to cross because of its warriors with manifold weapons, shone forth.
AI translation rendered from the Sanskrit, not a published edition