Matsya Purana — Chapter 141
MtP 141.1
कथं गच्छत्यमावास्यां मासि मासि दिवं नृपः ऐलः पुरूरवाः सूत तर्पयेत कथं पितॄन् एतदिच्छामहे श्रोतुं प्रभावं तस्य धीमतः
kathaṃ gacchatyamāvāsyāṃ māsi māsi divaṃ nṛpaḥ ailaḥ purūravāḥ sūta tarpayeta kathaṃ pitṝn etadicchāmahe śrotuṃ prabhāvaṃ tasya dhīmataḥ
"How does King Purūravas, son of Ilā, go to heaven on the new-moon day month after month, O Sūta? How does he satisfy the ancestors? This we wish to hear — the power of that wise one."
AI translation rendered from the Sanskrit, not a published edition
MtP 141.2
एतदेव तु पप्रच्छ मनुः स मधुसूदनम् सूर्यपुत्राय चोवाच यथा तन्मे निबोधत
etadeva tu papraccha manuḥ sa madhusūdanam sūryaputrāya covāca yathā tanme nibodhata
Manu asked this very thing of the slayer of Madhu, and he told it to the son of the Sun; learn that from me as it was.
AI translation rendered from the Sanskrit, not a published edition
MtP 141.3
तस्य चाहं प्रवक्ष्यामि प्रभावं विस्तरेण तु ऐलस्य दिवि संयोगं सोमेन सह धीमता
tasya cāhaṃ pravakṣyāmi prabhāvaṃ vistareṇa tu ailasya divi saṃyogaṃ somena saha dhīmatā
And I shall declare his power at length: the union of Aila (Purūravas) in heaven with the wise Soma.
AI translation rendered from the Sanskrit, not a published edition
MtP 141.4
सोमाच्चैवामृतप्राप्तिः पितॄणां तर्पणं तथा सौम्या बर्हिषदः काव्या अग्निष्वात्तास्तथैव च
somāccaivāmṛtaprāptiḥ pitṝṇāṃ tarpaṇaṃ tathā saumyā barhiṣadaḥ kāvyā agniṣvāttāstathaiva ca
And from Soma (comes) the obtaining of the nectar, and likewise the satisfying of the fathers — the Saumyas, the Barhiṣads, the Kāvyas, and likewise the Agniṣvāttas.
AI translation rendered from the Sanskrit, not a published edition
MtP 141.5
यदा चन्द्रश्च सूर्यश्च नक्षत्राणां समागतौ अमावास्यां निवसत एकस्मिन्नथ मण्डले
yadā candraśca sūryaśca nakṣatrāṇāṃ samāgatau amāvāsyāṃ nivasata ekasminnatha maṇḍale
When the moon and the sun, come together among the constellations, dwell on the new-moon day in one and the same orb,
AI translation rendered from the Sanskrit, not a published edition
MtP 141.6
तदा स गच्छति द्रष्टुं दिवाकरनिशाकरौ अमावास्याममावास्यां मातामहपितामहौ
tadā sa gacchati draṣṭuṃ divākaraniśākarau amāvāsyāmamāvāsyāṃ mātāmahapitāmahau
then he goes to see the day-maker and the night-maker, on every new-moon day, his maternal grandfather and his paternal grandfather.
AI translation rendered from the Sanskrit, not a published edition
MtP 141.7
अभिवाद्य तु तौ तत्र कालापेक्षः स तिष्ठति प्रचस्कन्द ततः सोमम् अर्चयित्वा परिश्रमात्
abhivādya tu tau tatra kālāpekṣaḥ sa tiṣṭhati pracaskanda tataḥ somam arcayitvā pariśramāt
Having saluted those two there, he stands awaiting the (proper) time; then, having worshipped Soma, out of weariness he leapt down.
AI translation rendered from the Sanskrit, not a published edition — the model flagged this verse as uncertain
MtP 141.8
ऐलः पुरूरवा विद्वान् मासि श्राद्धचिकीर्षया ततः स दिवि सोमं वै ह्य् उपतस्थे पितॄनपि
ailaḥ purūravā vidvān māsi śrāddhacikīrṣayā tataḥ sa divi somaṃ vai hy upatasthe pitṝnapi
Aila Purūravas, the learned one, with the wish to perform the śrāddha in (each) month — then indeed in heaven he waited upon Soma and upon the fathers as well.
AI translation rendered from the Sanskrit, not a published edition — the model flagged this verse as uncertain
MtP 141.9
द्विलवं कुहूमात्रं च तावुभौ तु निधाय सः सिनीवालीप्रमाणाल्पकुहूमात्रव्रतोदये
dvilavaṃ kuhūmātraṃ ca tāvubhau tu nidhāya saḥ sinīvālīpramāṇālpakuhūmātravratodaye
Having deposited both of these, the two-lava (portion) and the measure of the kuhū, at the rising of the observance of the sinīvālī-measure and of the small kuhū-measure —
AI translation rendered from the Sanskrit, not a published edition — the model flagged this verse as uncertain
MtP 141.10
कुहूमात्रं पित्रुद्देशं ज्ञात्वा कुहूमुपासाते तमुपास्य ततः सोमं कलापेक्षी प्रतीक्षते
kuhūmātraṃ pitruddeśaṃ jñātvā kuhūmupāsāte tamupāsya tataḥ somaṃ kalāpekṣī pratīkṣate
Knowing the kuhū-measure to be assigned to the fathers, they wait upon the kuhū; having waited upon that, he then awaits Soma, watching for the (right) portion (of the moon).
AI translation rendered from the Sanskrit, not a published edition — the model flagged this verse as uncertain
MtP 141.11
स्वधामृतं तु सोमाद्वै वसंस्तेषां च तृप्तये दशभिः पञ्चभिश्चैव स्वधामृतपरिस्रवैः कृष्णपक्षभुजां प्रीतिर् द्रुह्यते परमांशुभिः
svadhāmṛtaṃ tu somādvai vasaṃsteṣāṃ ca tṛptaye daśabhiḥ pañcabhiścaiva svadhāmṛtaparisravaiḥ kṛṣṇapakṣabhujāṃ prītir druhyate paramāṃśubhiḥ
But the svadhā-nectar (comes) from Soma, and for the satisfaction of those who dwell (there); by the ten and the five outflowings of the svadhā-nectar the delight of those who feed in the dark fortnight is (produced?) by the highest rays.
AI translation rendered from the Sanskrit, not a published edition — the model flagged this verse as uncertain
MtP 141.12
सद्यो ऽभिक्षरता तेन सौम्येन मधुना च सः निवापेष्वथ दत्तेषु पित्र्येण विधिना तु वै
sadyo 'bhikṣaratā tena saumyena madhunā ca saḥ nivāpeṣvatha datteṣu pitryeṇa vidhinā tu vai
He, at once being showered upon by that Soma-born honey, when the offerings had been given according to the rite for the fathers —
AI translation rendered from the Sanskrit, not a published edition — the model flagged this verse as uncertain
MtP 141.13
स्वधामृतेन सौम्येन तर्पयामास वै पितॄन् सौम्या बर्हिषदः काव्या अग्निष्वात्तास्तथैव च
svadhāmṛtena saumyena tarpayāmāsa vai pitṝn saumyā barhiṣadaḥ kāvyā agniṣvāttāstathaiva ca
— with the Soma-born svadhā-nectar he satisfied the fathers: the Saumyas, the Barhiṣads, the Kāvyas, and likewise the Agniṣvāttas.
AI translation rendered from the Sanskrit, not a published edition
MtP 141.14
ऋतुरग्निः स्मृतो विप्रैर् ऋतुं संवत्सरं विदुः जज्ञिरे ऋतवस्तस्माद् ऋतुभ्यो ह्यार्तवा अभवन्
ṛturagniḥ smṛto viprair ṛtuṃ saṃvatsaraṃ viduḥ jajñire ṛtavastasmād ṛtubhyo hyārtavā abhavan
The season is held by the brahmins to be fire; the season they know as the year. From that the seasons were born, and from the seasons arose the Ārtavas (the season-born).
AI translation rendered from the Sanskrit, not a published edition
MtP 141.15
पितर ऋतवो ऽर्धमासा विज्ञेया ऋतुसूनवः पितामहास्तु ऋतवो ह्य् अमावास्याब्दसूनवः प्रपितामहाः स्मृता देवाः पञ्चाब्दा ब्रह्मणः सुताः
pitara ṛtavo 'rdhamāsā vijñeyā ṛtusūnavaḥ pitāmahāstu ṛtavo hy amāvāsyābdasūnavaḥ prapitāmahāḥ smṛtā devāḥ pañcābdā brahmaṇaḥ sutāḥ
The seasons are the fathers; the half-months are to be known as the sons of the seasons; but the seasons are the paternal grandfathers, and the sons of the new-moon-year are called the great-grandfathers; the gods, the five-year (periods), are the sons of Brahmā.
AI translation rendered from the Sanskrit, not a published edition — the model flagged this verse as uncertain
MtP 141.16
सौम्या बर्हिषदः काव्या अग्निष्वात्ता इति त्रिधा गृहस्था ये तु यज्वानो हविर्यज्ञार्तवाश्च ये स्मृता बर्हिषदस्ते वै पुराणे निश्चयं गताः
saumyā barhiṣadaḥ kāvyā agniṣvāttā iti tridhā gṛhasthā ye tu yajvāno haviryajñārtavāśca ye smṛtā barhiṣadaste vai purāṇe niścayaṃ gatāḥ
Saumyas, Barhiṣads, Kāvyas, Agniṣvāttas — thus threefold; those householders who are sacrificers and those seasons which belong to the haviryajña are called Barhiṣads: so it is settled in the Purāṇa.
AI translation rendered from the Sanskrit, not a published edition — the model flagged this verse as uncertain
MtP 141.17
गृहमेधिनश्च यज्वानो ह्य् अग्निष्वात्तार्तवाः स्मृताः अष्टकापतयः काव्याः पञ्चाब्दांस्तु निबोधत
gṛhamedhinaśca yajvāno hy agniṣvāttārtavāḥ smṛtāḥ aṣṭakāpatayaḥ kāvyāḥ pañcābdāṃstu nibodhata
And the householder-sacrificers (gṛhamedhins) are held to be the Agniṣvātta seasons; the Kāvyas are the lords of the aṣṭakās. Now learn about the five-year (periods).
AI translation rendered from the Sanskrit, not a published edition — the model flagged this verse as uncertain
MtP 141.18
तेषु संवत्सरो ह्यग्निः सूर्यस्तु परिवत्सरः सोमस् त्विड्वत्सरश् चैव वायुश्चैवानुवत्सरः
teṣu saṃvatsaro hyagniḥ sūryastu parivatsaraḥ somas tviḍvatsaraś caiva vāyuścaivānuvatsaraḥ
Among them fire is the saṃvatsara, the sun the parivatsara, Soma the iḍvatsara, and the wind the anuvatsara;
AI translation rendered from the Sanskrit, not a published edition
MtP 141.19
रुद्रस्तु वत्सरस्तेषां पञ्चाब्दा ये युगात्मकाः कालेनाधिष्ठितस्तेषु चन्द्रमाः स्रवते सुधाम्
rudrastu vatsarasteṣāṃ pañcābdā ye yugātmakāḥ kālenādhiṣṭhitasteṣu candramāḥ sravate sudhām
and Rudra is the vatsara among them — these are the five years which constitute a yuga; presided over by Time, the moon flows with nectar among them.
AI translation rendered from the Sanskrit, not a published edition
MtP 141.20
एते स्मृता देवकृत्याः सोमपाश्चोष्मपाश्च ये तांस्तेन तर्पयामास यावदासीत्पुरूरवाः
ete smṛtā devakṛtyāḥ somapāścoṣmapāśca ye tāṃstena tarpayāmāsa yāvadāsītpurūravāḥ
These are held to be those who have divine functions, the soma-drinkers and the vapour-drinkers; these Purūravas satisfied with that (nectar) for as long as he lived.
AI translation rendered from the Sanskrit, not a published edition — the model flagged this verse as uncertain
MtP 141.21
यस्मात्प्रसूयते सोमो मासि मासि विशेषतः ततः स्वधाभृतं तद्वै पितॄणां सोमपायिनाम् एतत्तदमृतं सोमम् अवाप मधु चैव हि
yasmātprasūyate somo māsi māsi viśeṣataḥ tataḥ svadhābhṛtaṃ tadvai pitṝṇāṃ somapāyinām etattadamṛtaṃ somam avāpa madhu caiva hi
Since Soma is produced anew in each and every month especially, therefore that is the svadhā-food of the fathers who drink soma; this it was — that nectar, soma and honey — that he obtained.
AI translation rendered from the Sanskrit, not a published edition — the model flagged this verse as uncertain
MtP 141.22
ततः पीतसुधं सोमं सूर्यो ऽसावेकरश्मिना आप्यायते सुषुम्नेन सोमं तु सोमपायिनम्
tataḥ pītasudhaṃ somaṃ sūryo 'sāvekaraśminā āpyāyate suṣumnena somaṃ tu somapāyinam
Then, with a single ray, yonder sun makes to swell again that soma whose nectar has been drunk — soma the soma-drinker — by means of (the ray) Suṣumna.
AI translation rendered from the Sanskrit, not a published edition
MtP 141.23
निःशेषा वै कलाः पूर्वा युगपद् व्यापयन् पुरा सुषुम्नाप्यायमानस्य भागं भागमहःक्रमात्
niḥśeṣā vai kalāḥ pūrvā yugapad vyāpayan purā suṣumnāpyāyamānasya bhāgaṃ bhāgamahaḥkramāt
Formerly, indeed, all the earlier digits without remainder (he) filled at once; but (now) portion by portion, day by day, of (the moon) being replenished through the Suṣumnā (ray).
AI translation rendered from the Sanskrit, not a published edition — the model flagged this verse as uncertain
MtP 141.24
कलाः क्षीयन्ति कृष्णास्ताः शुक्ला ह्याप्याययन्ति च एवं सा सूर्यवीर्येण चन्द्रस्याप्यायिता तनुः
kalāḥ kṣīyanti kṛṣṇāstāḥ śuklā hyāpyāyayanti ca evaṃ sā sūryavīryeṇa candrasyāpyāyitā tanuḥ
Those dark digits waste away, while the bright ones grow full; thus that body of the moon is replenished by the sun's power.
AI translation rendered from the Sanskrit, not a published edition
MtP 141.25
पौर्णमास्यां स दृश्येत शुक्लः सम्पूर्णमण्डलः एवमाप्यायितः सोमः शुक्लपक्षे ऽप्यहःक्रमात् देवैः पीतसुधं सोमं पुरा पश्चात्पिबेद्रविः
paurṇamāsyāṃ sa dṛśyeta śuklaḥ sampūrṇamaṇḍalaḥ evamāpyāyitaḥ somaḥ śuklapakṣe 'pyahaḥkramāt devaiḥ pītasudhaṃ somaṃ purā paścātpibedraviḥ
On the full-moon day he is seen white, with his disc complete; thus the moon, replenished day by day in the bright fortnight, is drunk of his nectar first by the gods, and afterwards the sun drinks it.
AI translation rendered from the Sanskrit, not a published edition
MtP 141.26
पीतं पञ्चदशाहं तु रश्मिनैकेन भास्करः आप्याययत्सुषुम्नेन भागं भागमहःक्रमात्
pītaṃ pañcadaśāhaṃ tu raśminaikena bhāskaraḥ āpyāyayatsuṣumnena bhāgaṃ bhāgamahaḥkramāt
What has been drunk for fifteen days the sun replenishes with a single ray, the Suṣumnā, portion by portion, day by day.
AI translation rendered from the Sanskrit, not a published edition
MtP 141.27
सुषुम्नाप्यायमानस्य शुक्ला वर्धन्ति वै कलाः तस्माद्ध्रसन्ति वै कृष्णाः शुक्ला ह्याप्याययन्ति च
suṣumnāpyāyamānasya śuklā vardhanti vai kalāḥ tasmāddhrasanti vai kṛṣṇāḥ śuklā hyāpyāyayanti ca
As (the moon) is replenished by the Suṣumnā, the bright digits increase; therefore the dark ones diminish, and the bright ones grow full.
AI translation rendered from the Sanskrit, not a published edition
MtP 141.28
एवमाप्यायते सोमः क्षयिते च पुनः पुनः समृद्धिरेवं सोमस्य पक्षयोः शुक्लकृष्णयोः
evamāpyāyate somaḥ kṣayite ca punaḥ punaḥ samṛddhirevaṃ somasya pakṣayoḥ śuklakṛṣṇayoḥ
Thus the moon is replenished, and again and again wasted away; such is the moon's waxing in the two fortnights, the bright and the dark.
AI translation rendered from the Sanskrit, not a published edition
MtP 141.29
इत्येष पितृमान्सोमः स्मृतस्तद्वसुधात्मकः कान्तः पञ्चदशैः सार्धं सुधाभृतपरिस्रवैः
ityeṣa pitṛmānsomaḥ smṛtastadvasudhātmakaḥ kāntaḥ pañcadaśaiḥ sārdhaṃ sudhābhṛtaparisravaiḥ
Thus this moon is held to be the one belonging to the fathers, being of the nature of that nectar — lovely, together with its fifteen nectar-bearing streams.
AI translation rendered from the Sanskrit, not a published edition — the model flagged this verse as uncertain
MtP 141.30
अतः परं प्रवक्ष्यामि पर्वणां संधयश्च याः यथा ग्रथ्नन्ति पर्वाणि आवृत्तादिक्षुवेणुवत्
ataḥ paraṃ pravakṣyāmi parvaṇāṃ saṃdhayaśca yāḥ yathā grathnanti parvāṇi āvṛttādikṣuveṇuvat
Next I shall declare the joints (parvans) and what the junctures are, and how the joints knit together, like the joints of sugarcane and bamboo from their turnings.
AI translation rendered from the Sanskrit, not a published edition — the model flagged this verse as uncertain
MtP 141.31
तथाब्दमासाः पक्षाश्च शुक्लाः कृष्णास्तु वै स्मृताः पौर्णमास्यास्तु यो भेदो ग्रन्थयः संधयस्तथा
tathābdamāsāḥ pakṣāśca śuklāḥ kṛṣṇāstu vai smṛtāḥ paurṇamāsyāstu yo bhedo granthayaḥ saṃdhayastathā
So too the year, the months and the fortnights, bright and dark, are declared; and the division which belongs to the full moon — these are the knots and the junctures.
AI translation rendered from the Sanskrit, not a published edition — the model flagged this verse as uncertain
MtP 141.32
अर्धमासस्य पर्वाणि द्वितीयाप्रभृतीनि च अग्न्याधानक्रिया यस्मान् नीयन्ते पर्वसंधिषु
ardhamāsasya parvāṇi dvitīyāprabhṛtīni ca agnyādhānakriyā yasmān nīyante parvasaṃdhiṣu
And the parvans of the half-month are those beginning with the second (day); since the rite of setting up the fire is performed at the junctures of the parvans—
AI translation rendered from the Sanskrit, not a published edition — the model flagged this verse as uncertain
MtP 141.33
तस्मात्तु पर्वणो ह्यादौ प्रतिपद्यादिसंधिषु सायाह्ने अनुमत्याश्च द्वौ लवौ काल उच्यते लवौ द्वावेव राकायाः कालो ज्ञेयो ऽपराह्णिकः
tasmāttu parvaṇo hyādau pratipadyādisaṃdhiṣu sāyāhne anumatyāśca dvau lavau kāla ucyate lavau dvāveva rākāyāḥ kālo jñeyo 'parāhṇikaḥ
—therefore at the beginning of the parvan, at the junctures beginning with the first day (pratipadā), in the evening, two lavas are called the time of Anumati; and just two lavas are to be known as the time of Rākā, that of the afternoon.
AI translation rendered from the Sanskrit, not a published edition — the model flagged this verse as uncertain
MtP 141.34
प्रकृतिः कृष्णपक्षस्य काले ऽतीते ऽपराह्णिके सायाह्ने प्रतिपद्येष स कालः पौर्णमासिकः
prakṛtiḥ kṛṣṇapakṣasya kāle 'tīte 'parāhṇike sāyāhne pratipadyeṣa sa kālaḥ paurṇamāsikaḥ
The origin of the dark fortnight is when the afternoon time has passed; in the evening on the first day — that is the time of the full moon.
AI translation rendered from the Sanskrit, not a published edition — the model flagged this verse as uncertain
MtP 141.35
व्यतीपाते स्थिते सूर्ये लेखादूर्ध्वं युगान्तरम् युगान्तरोदिते चैव चन्द्रे लेखोपरि स्थिते
vyatīpāte sthite sūrye lekhādūrdhvaṃ yugāntaram yugāntarodite caiva candre lekhopari sthite
When the sun stands at the vyatīpāta, above the line, an interval of a yuga; and when the moon has risen at the yuga-interval, standing upon the line—
AI translation rendered from the Sanskrit, not a published edition — the model flagged this verse as uncertain
MtP 141.36
पूर्णमासव्यतीपातौ यदा पश्येत्परस्परम् तौ तु वै प्रतिपद्यावत् तस्मिन्काले व्यवस्थितौ
pūrṇamāsavyatīpātau yadā paśyetparasparam tau tu vai pratipadyāvat tasminkāle vyavasthitau
—when the full moon and the vyatīpāta behold each other, those two are established at that time as at the pratipadā.
AI translation rendered from the Sanskrit, not a published edition — the model flagged this verse as uncertain
MtP 141.37
तत्कालं सूर्यमुद्दिश्य दृष्ट्वा संख्यातुमर्हसि स चैव सत्क्रियाकालः षष्ठः कालो ऽभिधीयते
tatkālaṃ sūryamuddiśya dṛṣṭvā saṃkhyātumarhasi sa caiva satkriyākālaḥ ṣaṣṭhaḥ kālo 'bhidhīyate
Having observed the sun with reference to that time, you are able to reckon (it); and that is the time for good rites — it is called the sixth time.
AI translation rendered from the Sanskrit, not a published edition — the model flagged this verse as uncertain
MtP 141.38
पूर्णेन्दुः पूर्णपक्षे तु रात्रिसंधिषु पूर्णिमा तस्मादाप्यायते नक्तं पौर्णमास्यां निशाकरः
pūrṇenduḥ pūrṇapakṣe tu rātrisaṃdhiṣu pūrṇimā tasmādāpyāyate naktaṃ paurṇamāsyāṃ niśākaraḥ
The moon is full in the full fortnight; the full-moon night is at the junctures of the night; therefore on the full-moon day the night-maker is replenished by night.
AI translation rendered from the Sanskrit, not a published edition
MtP 141.39
यदान्योन्यवतीं पाते पूर्णिमां प्रेक्षते दिवा चन्द्रादित्यो ऽपराह्णे तु पूर्णत्वात्पूर्णिमा स्मृता
yadānyonyavatīṃ pāte pūrṇimāṃ prekṣate divā candrādityo 'parāhṇe tu pūrṇatvātpūrṇimā smṛtā
When at the conjunction the moon and the sun behold, by day, the full moon possessed of each other — in the afternoon — then, from its fullness, it is called Pūrṇimā.
AI translation rendered from the Sanskrit, not a published edition — the model flagged this verse as uncertain
MtP 141.40
यस्मात्तामनुमन्यन्ते पितरो दैवतैः सह तस्मादनुमतिर्नाम पूर्णत्वात्पूर्णिमा स्मृता
yasmāttāmanumanyante pitaro daivataiḥ saha tasmādanumatirnāma pūrṇatvātpūrṇimā smṛtā
Since the fathers, together with the gods, give their assent to it, therefore its name is Anumati; and from its fullness it is called Pūrṇimā.
AI translation rendered from the Sanskrit, not a published edition
MtP 141.41
अत्यर्थं राजते यस्मात् पौर्णमास्यां निशाकरः रञ्जनाच्चैव चन्द्रस्य राकेति कवयो विदुः
atyarthaṃ rājate yasmāt paurṇamāsyāṃ niśākaraḥ rañjanāccaiva candrasya rāketi kavayo viduḥ
Since on the full-moon day the night-maker shines exceedingly, and from the moon's colouring (of things), the poets know it as Rākā.
AI translation rendered from the Sanskrit, not a published edition
MtP 141.42
अमा वसेतामृक्षे तु यदा चन्द्रदिवाकरौ एका पञ्चदशी रात्रिर् अमावास्या ततः स्मृता
amā vasetāmṛkṣe tu yadā candradivākarau ekā pañcadaśī rātrir amāvāsyā tataḥ smṛtā
When the moon and the sun dwell together (amā) in the same asterism, that single fifteenth night is thence called Amāvāsyā.
AI translation rendered from the Sanskrit, not a published edition
MtP 141.43
उद्दिश्य ताममावास्यां यदा दर्शं समागतौ अन्योन्यं चन्द्रसूर्यौ तु दर्शनाद्दर्श उच्यते
uddiśya tāmamāvāsyāṃ yadā darśaṃ samāgatau anyonyaṃ candrasūryau tu darśanāddarśa ucyate
With reference to that new-moon (night), when the moon and the sun come together, (each) facing the other, it is called darśa ("the seeing"), from the seeing (of one another).
AI translation rendered from the Sanskrit, not a published edition
MtP 141.44
द्वौ द्वौ लवावमावास्यां स कालः पर्वसंधिषु द्व्यक्षरः कुहूमात्रश्च पर्वकालस्तु स स्मृतः
dvau dvau lavāvamāvāsyāṃ sa kālaḥ parvasaṃdhiṣu dvyakṣaraḥ kuhūmātraśca parvakālastu sa smṛtaḥ
Two lavas each at the new moon — that is the time at the junctures of the parvas; (a span of) two syllables, just the measure of a kuhū — that is held to be the parva-time.
AI translation rendered from the Sanskrit, not a published edition — the model flagged this verse as uncertain
MtP 141.45
दृष्टचन्द्रा त्वमावास्या मध्याह्नप्रभृतीह वै दिवा तदूर्ध्वं रात्र्यां तु सूर्ये प्राप्ते तु चन्द्रमाः सूर्येण सहसोद्गच्छेत् ततः प्रातस्तनात्तु वै
dṛṣṭacandrā tvamāvāsyā madhyāhnaprabhṛtīha vai divā tadūrdhvaṃ rātryāṃ tu sūrye prāpte tu candramāḥ sūryeṇa sahasodgacchet tataḥ prātastanāttu vai
The new moon on which the moon is (still) seen is here by day, from midday onward; beyond that it is in the night. But when the sun is reached, the moon would rise together with the sun, and so from the time of morning onward.
AI translation rendered from the Sanskrit, not a published edition — the model flagged this verse as uncertain
MtP 141.46
समागम्य लवौ द्वौ तु मध्याह्नान्निपतन्रविः प्रतिपच्छुक्लपक्षस्य चन्द्रमाः सूर्यमण्डलात्
samāgamya lavau dvau tu madhyāhnānnipatanraviḥ pratipacchuklapakṣasya candramāḥ sūryamaṇḍalāt
Having met (with the sun) for two lavas, the sun (then) sinking from midday; and on the first day (pratipad) of the bright fortnight the moon (emerges) from the sun's disk.
AI translation rendered from the Sanskrit, not a published edition — the model flagged this verse as uncertain
MtP 141.47
निर्मुच्यमानयोर्मध्ये तयोर्मण्डलयोस्तु वै स तदान्वाहुतेः कालो दर्शस्य च वषट्क्रियाः एतदृतुमुखं ज्ञेयम् अमावास्यां तु पार्वणम्
nirmucyamānayormadhye tayormaṇḍalayostu vai sa tadānvāhuteḥ kālo darśasya ca vaṣaṭkriyāḥ etadṛtumukhaṃ jñeyam amāvāsyāṃ tu pārvaṇam
In the middle (of the moment) when those two disks are being released from each other — that is then the time of the anvāhuti and of the vaṣaṭ-utterances of the darśa (rite); this is to be known as the mouth of the season, and the pārvaṇa (offering) falls on the new moon.
AI translation rendered from the Sanskrit, not a published edition — the model flagged this verse as uncertain
MtP 141.48
दिवा पर्व त्वमावास्यां क्षीणेन्दौ धवले तु वै तस्माद्दिवा त्वमावास्यां गृह्यते यो दिवाकरः
divā parva tvamāvāsyāṃ kṣīṇendau dhavale tu vai tasmāddivā tvamāvāsyāṃ gṛhyate yo divākaraḥ
The parva is by day at the new moon, when the moon is waned and white; therefore by day at the new moon it is the sun that is taken (as the mark).
AI translation rendered from the Sanskrit, not a published edition — the model flagged this verse as uncertain
MtP 141.49
कुहेति कोकिलेनोक्तं यस्मात्कालात्समाप्यते तत्कालसंज्ञिता ह्येषा अमावास्या कुहूः स्मृता
kuheti kokilenoktaṃ yasmātkālātsamāpyate tatkālasaṃjñitā hyeṣā amāvāsyā kuhūḥ smṛtā
Since it is completed at the time from which "kuhū" is uttered by the cuckoo, this new moon, named after that time, is called Kuhū.
AI translation rendered from the Sanskrit, not a published edition — the model flagged this verse as uncertain
MtP 141.50
सिनीवालीप्रमाणं तु क्षीणशेषो निशाकरः अमावास्या विशत्यर्कं सिनीवाली तदा स्मृता
sinīvālīpramāṇaṃ tu kṣīṇaśeṣo niśākaraḥ amāvāsyā viśatyarkaṃ sinīvālī tadā smṛtā
The measure of Sinīvālī is (this): the night-maker (moon) with (only) a waned remnant left; the new moon enters the sun — then it is called Sinīvālī.
AI translation rendered from the Sanskrit, not a published edition — the model flagged this verse as uncertain
MtP 141.51
अनुमतिश्च राका च सिनीवाली कुहूस्तथा एतासां द्विलवः कालः कुहूमात्रा कुहूः स्मृता
anumatiśca rākā ca sinīvālī kuhūstathā etāsāṃ dvilavaḥ kālaḥ kuhūmātrā kuhūḥ smṛtā
Anumati and Rākā, Sinīvālī and Kuhū — the time of these is two lavas; Kuhū, of a kuhū's measure, is called Kuhū.
AI translation rendered from the Sanskrit, not a published edition — the model flagged this verse as uncertain
MtP 141.52
इत्येष पर्वसंधीनां कालो वै द्विलवः स्मृतः पर्वणां तुल्यकालस्तु तुल्याहुतिवषट्क्रियाः
ityeṣa parvasaṃdhīnāṃ kālo vai dvilavaḥ smṛtaḥ parvaṇāṃ tulyakālastu tulyāhutivaṣaṭkriyāḥ
Thus this time of the junctures of the parvas is held to be two lavas; the parvas have an equal time, and equal oblations and vaṣaṭ-utterances.
AI translation rendered from the Sanskrit, not a published edition
MtP 141.53
चन्द्रभूर्यव्यतीपाते समे वै पूर्णिमे उभे प्रतिपत्प्रतिपन्नस्तु पर्वकालो द्विमात्रकः
candrabhūryavyatīpāte same vai pūrṇime ubhe pratipatpratipannastu parvakālo dvimātrakaḥ
At the vyatīpāta of moon and sun, when both full moons are equal; and the pratipad having set in, the parva-time is of two measures.
AI translation rendered from the Sanskrit, not a published edition — the model flagged this verse as uncertain
MtP 141.54
कालः कुहूसिनीवाल्योः समुद्धो द्विलवः स्मृतः अर्कनिर्मण्डले सोमे पर्वकालः कलाः स्मृताः
kālaḥ kuhūsinīvālyoḥ samuddho dvilavaḥ smṛtaḥ arkanirmaṇḍale some parvakālaḥ kalāḥ smṛtāḥ
The time of Kuhū and Sinīvālī taken together is held to be two lavas; when the moon is out of the sun's disk, the parva-time is (reckoned) in kalās.
AI translation rendered from the Sanskrit, not a published edition — the model flagged this verse as uncertain
MtP 141.55
यस्माद् आपूर्यते सोमः पञ्चदश्यां तु पूर्णिमा दशभिः पञ्चभिश्चैव कलाभिर्दिवसक्रमात्
yasmād āpūryate somaḥ pañcadaśyāṃ tu pūrṇimā daśabhiḥ pañcabhiścaiva kalābhirdivasakramāt
Since the moon is filled up on the fifteenth (day) — the full moon — by ten and five kalās, in the sequence of the days,
AI translation rendered from the Sanskrit, not a published edition
MtP 141.56
तस्मात्पञ्चदशे सोमे कला वै नास्ति षोडशी तस्मात्सोमस्य विप्रोक्तः पञ्चदश्यां मया क्षयः
tasmātpañcadaśe some kalā vai nāsti ṣoḍaśī tasmātsomasya viproktaḥ pañcadaśyāṃ mayā kṣayaḥ
therefore in the fifteenth (kalā) of the moon there is no sixteenth kalā; therefore the waning of the moon on the fifteenth has been declared by me.
AI translation rendered from the Sanskrit, not a published edition — the model flagged this verse as uncertain
MtP 141.57
इत्येते पितरो देवाः सोमपाः सोमवर्धनाः आर्तवा ऋतवो ऽथाब्दा देवास्तान्भावयन्ति हि
ityete pitaro devāḥ somapāḥ somavardhanāḥ ārtavā ṛtavo 'thābdā devāstānbhāvayanti hi
Thus these fathers are gods, drinkers of soma, increasers of soma; and the seasonal deities, the seasons, and the years — (these) gods indeed nourish them.
AI translation rendered from the Sanskrit, not a published edition — the model flagged this verse as uncertain
MtP 141.58
अतः परं प्रवक्ष्यामि पितॄञ्छ्राद्धभुजस्तु ये तेषां गतिं च सत्तत्वं प्राप्तिं श्राद्धस्य चैव हि
ataḥ paraṃ pravakṣyāmi pitṝñchrāddhabhujastu ye teṣāṃ gatiṃ ca sattatvaṃ prāptiṃ śrāddhasya caiva hi
Next I shall declare those fathers who eat the śrāddha (offering), and their course, their true nature, and the reaching of the śrāddha (to them).
AI translation rendered from the Sanskrit, not a published edition
MtP 141.59
न मृतानां गतिः शक्या ज्ञातुं वा पुनरागतिः तपसा हि प्रसिद्धेन किं पुनर्मांसचक्षुषा
na mṛtānāṃ gatiḥ śakyā jñātuṃ vā punarāgatiḥ tapasā hi prasiddhena kiṃ punarmāṃsacakṣuṣā
The going of the dead cannot be known, nor their coming back again, (even) by well-established austerity — how much less by the eye of flesh.
AI translation rendered from the Sanskrit, not a published edition
MtP 141.60
अत्र देवान्पितॄंश्चैते पितरो लौकिकाः स्मृताः तेषां ते धर्मसामर्थ्यात् स्मृताः सायुज्यगा द्विजैः
atra devānpitṝṃścaite pitaro laukikāḥ smṛtāḥ teṣāṃ te dharmasāmarthyāt smṛtāḥ sāyujyagā dvijaiḥ
Here these worldly fathers are reckoned as gods and as fathers; by the power of their dharma they are said by the twice-born to go to union with them.
AI translation rendered from the Sanskrit, not a published edition — the model flagged this verse as uncertain
MtP 141.61
यदि वाश्रमधर्मेण प्रज्ञानेषु व्यवस्थितान् अन्ये चात्र प्रसीदन्ति श्रद्धायुक्तेषु कर्मसु
yadi vāśramadharmeṇa prajñāneṣu vyavasthitān anye cātra prasīdanti śraddhāyukteṣu karmasu
Or (they favour) those who are established in the (rites of) knowledge by the dharma of their stage of life; and others here too are gracious in the acts joined with faith.
AI translation rendered from the Sanskrit, not a published edition — the model flagged this verse as uncertain
MtP 141.62
ब्रह्मचर्येण तपसा यज्ञेन प्रजया भुवि श्राद्धेन विद्यया चैव चान्नदानेन सप्तधा
brahmacaryeṇa tapasā yajñena prajayā bhuvi śrāddhena vidyayā caiva cānnadānena saptadhā
By chastity, by austerity, by sacrifice, by offspring on earth, by śrāddha, by knowledge, and by the gift of food — sevenfold.
AI translation rendered from the Sanskrit, not a published edition
MtP 141.63
कर्मस्वेतेषु ये सक्ता वर्तन्त्य् आ देहपातनात् देवैस्ते पितृभिः सार्धम् ऊष्मपैः सोमपैस्तथा स्वर्गता दिवि मोदन्ते पितृमन्त उपासते
karmasveteṣu ye saktā vartanty ā dehapātanāt devaiste pitṛbhiḥ sārdham ūṣmapaiḥ somapaistathā svargatā divi modante pitṛmanta upāsate
Those who are devoted to these rites and live (so) until the body falls — they, gone to heaven, rejoice in the sky along with the gods, the fathers, the steam-drinkers and the soma-drinkers, and, having (living) descendants, are honored.
AI translation rendered from the Sanskrit, not a published edition
MtP 141.64
प्रजावतां प्रसिद्धैषा उक्ता श्राद्धकृतां च वै तेषां निवापे दत्तं हि तत्कुलीनैस्तु बान्धवैः
prajāvatāṃ prasiddhaiṣā uktā śrāddhakṛtāṃ ca vai teṣāṃ nivāpe dattaṃ hi tatkulīnaistu bāndhavaiḥ
This is declared to be the established (state) of those who have offspring and who perform śrāddha; for what is given at their offering-rite is (given) by kinsmen of that same family.
AI translation rendered from the Sanskrit, not a published edition — the model flagged this verse as uncertain
MtP 141.65
मासश्राद्धं हि भुञ्जानास् तेऽत्येते सोमलौकिकाः एते मनुष्याः पितरो मासश्राद्धभुजस्तु वै
māsaśrāddhaṃ hi bhuñjānās te'tyete somalaukikāḥ ete manuṣyāḥ pitaro māsaśrāddhabhujastu vai
Those who consume the monthly śrāddha are these who belong to the world of Soma; these are the human fathers, the eaters of the monthly śrāddha.
AI translation rendered from the Sanskrit, not a published edition — the model flagged this verse as uncertain
MtP 141.66
तेभ्यो ऽपरे तु ये त्वन्ये संकीर्णाः कर्मयोनिषु भ्रष्टाश्चाश्रमधर्मेषु स्वधास्वाहाविवर्जिताः
tebhyo 'pare tu ye tvanye saṃkīrṇāḥ karmayoniṣu bhraṣṭāścāśramadharmeṣu svadhāsvāhāvivarjitāḥ
But others besides them, who are mixed up in the sources of (their) actions, fallen from the duties of the (four) stages of life, deprived of svadhā and svāhā (offerings) —
AI translation rendered from the Sanskrit, not a published edition
MtP 141.67
भिन्ने देहे दुरापन्नाः प्रेतभूता यमक्षये स्वकर्माण्यनुशोचन्तो यातनास्थानमागताः
bhinne dehe durāpannāḥ pretabhūtā yamakṣaye svakarmāṇyanuśocanto yātanāsthānamāgatāḥ
— when the body has broken up, having come to a bad state, become pretas in Yama's abode, lamenting their own deeds, they arrive at the place of torments.
AI translation rendered from the Sanskrit, not a published edition
MtP 141.68
दीर्घाश्चैवातिशुष्काश्च श्मश्रुलाश्च विवाससः क्षुत्पिपासाभिभूतास्ते विद्रवन्ति त्वितस्ततः
dīrghāścaivātiśuṣkāśca śmaśrulāśca vivāsasaḥ kṣutpipāsābhibhūtāste vidravanti tvitastataḥ
Tall and exceedingly dry, bearded and naked, overcome by hunger and thirst, they run about here and there.
AI translation rendered from the Sanskrit, not a published edition
MtP 141.69
सरित्सरस्तडागानि पुष्करिण्यश्च सर्वशः परान्नान्यभिकाङ्क्षन्तः काल्यमाना इतस्ततः
saritsarastaḍāgāni puṣkariṇyaśca sarvaśaḥ parānnānyabhikāṅkṣantaḥ kālyamānā itastataḥ
(They run to) rivers, lakes, ponds and pools everywhere, longing for others' food, driven hither and thither.
AI translation rendered from the Sanskrit, not a published edition
MtP 141.70
स्थानेषु पात्यमाना ये यातनास्थेषु तेषु वै शाल्मल्यां वैतरण्यां च कुम्भीपाकेद्धवालुके
sthāneṣu pātyamānā ye yātanāstheṣu teṣu vai śālmalyāṃ vaitaraṇyāṃ ca kumbhīpākeddhavāluke
Those who are cast down in those stations, among those places of torment — in (the tree) Śālmalī, in the Vaitaraṇī, in the Kumbhīpāka, in the burning sand,
AI translation rendered from the Sanskrit, not a published edition
MtP 141.71
असिपत्त्रवने चैव पात्यमानाः स्वकर्मभिः तत्रस्थानां तु तेषां वै दुःखितानाम् अशायिनाम्
asipattravane caiva pātyamānāḥ svakarmabhiḥ tatrasthānāṃ tu teṣāṃ vai duḥkhitānām aśāyinām
and in the forest of sword-leaves, cast down by their own deeds — of those who dwell there, suffering and getting no sleep,
AI translation rendered from the Sanskrit, not a published edition
MtP 141.72
तेषां लोकान्तरस्थानां बान्धवैर्नामगोत्रतः भूमावसव्यं दर्भेषु दत्ताः पिण्डास्त्रयस्तु वै प्राप्तांस्तु तर्पयन्त्येव प्रेतस्थानेष्वधिष्ठितान्
teṣāṃ lokāntarasthānāṃ bāndhavairnāmagotrataḥ bhūmāvasavyaṃ darbheṣu dattāḥ piṇḍāstrayastu vai prāptāṃstu tarpayantyeva pretasthāneṣvadhiṣṭhitān
— of those who dwell in another world, the three balls of rice given by kinsmen on the ground, on darbha grass, (with the sacred thread) over the right shoulder, by name and lineage, do reach them and satisfy them, stationed as they are in the abodes of the pretas.
AI translation rendered from the Sanskrit, not a published edition — the model flagged this verse as uncertain
MtP 141.73
अप्राप्ता यातनास्थानं प्रभ्रष्टा ये च पञ्चधा पश्चाद्ये स्थावरान्ते वै भूतानीके स्वकर्मभिः
aprāptā yātanāsthānaṃ prabhraṣṭā ye ca pañcadhā paścādye sthāvarānte vai bhūtānīke svakarmabhiḥ
Those who have not reached the place of torment, and those who have fallen away fivefold, and those who afterwards, by their own deeds, are in the host of beings ending with immovable things —
AI translation rendered from the Sanskrit, not a published edition — the model flagged this verse as uncertain
MtP 141.74
नानारूपासु जातीनां तिर्यग्योनिषु मूर्तिषु यदाहारा भवन्त्येते तासु तास्विह योनिषु
nānārūpāsu jātīnāṃ tiryagyoniṣu mūrtiṣu yadāhārā bhavantyete tāsu tāsviha yoniṣu
— in the various forms of the species, in bodies of animal wombs, whatever food these have in those various wombs here,
AI translation rendered from the Sanskrit, not a published edition
MtP 141.75
तस्मिंस् तस्मिंस् तदाहारे श्राद्धं दत्तं तु प्रीणयेत् काले न्यायागतं पात्रे विधिना प्रतिपादितम् प्राप्नुवन्त्यन्नमादत्तं यत्र यत्रावतिष्ठते
tasmiṃs tasmiṃs tadāhāre śrāddhaṃ dattaṃ tu prīṇayet kāle nyāyāgataṃ pātre vidhinā pratipāditam prāpnuvantyannamādattaṃ yatra yatrāvatiṣṭhate
in that (form), in that food, the śrāddha given should gratify (them); (food) obtained lawfully at the (proper) time, presented to a worthy recipient according to rule — they obtain the food given, wherever (each) may be dwelling.
AI translation rendered from the Sanskrit, not a published edition — the model flagged this verse as uncertain
MtP 141.76
यथा गोषु प्रनष्टासु वत्सो विन्दति मातरम् तथा श्राद्धेषु दृष्टान्तो मन्त्रः प्रापयते तु तम्
yathā goṣu pranaṣṭāsu vatso vindati mātaram tathā śrāddheṣu dṛṣṭānto mantraḥ prāpayate tu tam
As, when the cows are scattered, the calf finds its mother, so is the illustration in the case of śrāddhas: the mantra conveys it (the offering) to him.
AI translation rendered from the Sanskrit, not a published edition
MtP 141.77
एवं ह्यविकलं श्राद्धं श्रद्धादत्तं मनुर्ब्रवीत् सनत्कुमारः प्रोवाच पश्यन्दिव्येन चक्षुषा
evaṃ hyavikalaṃ śrāddhaṃ śraddhādattaṃ manurbravīt sanatkumāraḥ provāca paśyandivyena cakṣuṣā
Thus Manu declared the śrāddha to be undiminished when given with faith; and Sanatkumāra, seeing with the divine eye, proclaimed (it),
AI translation rendered from the Sanskrit, not a published edition
MtP 141.78
गतागतज्ञः प्रेतानां प्राप्तिं श्राद्धस्य चैव हि कृष्णपक्षस्त्वहस्तेषां शुक्लः स्वप्नाय शर्वरी
gatāgatajñaḥ pretānāṃ prāptiṃ śrāddhasya caiva hi kṛṣṇapakṣastvahasteṣāṃ śuklaḥ svapnāya śarvarī
knowing the going and coming of the pretas and the arrival of the śrāddha (to them): the dark fortnight is their day, the bright one is their night for sleep.
AI translation rendered from the Sanskrit, not a published edition
MtP 141.79
इत्येते पितरो देवा देवाश्च पितरश्च वै अन्योन्यपितरो ह्येते देवाश्च पितरो दिवि
ityete pitaro devā devāśca pitaraśca vai anyonyapitaro hyete devāśca pitaro divi
Thus these fathers are gods and the gods are fathers; these are fathers of one another, both the gods and the fathers in heaven.
AI translation rendered from the Sanskrit, not a published edition
MtP 141.80
एते तु पितरो देवा मनुष्याः पितरश्च ये पिता पितामहश्चैव तथैव प्रपितामहः
ete tu pitaro devā manuṣyāḥ pitaraśca ye pitā pitāmahaścaiva tathaiva prapitāmahaḥ
These are the fathers who are gods, and those fathers who are men: father, grandfather, and likewise great-grandfather.
AI translation rendered from the Sanskrit, not a published edition
MtP 141.81
इत्येष विषयः प्रोक्तः पितॄणां सोमपायिनाम् एतत्पितृमहत्त्वं हि पुराणे निश्चयं गतम्
ityeṣa viṣayaḥ proktaḥ pitṝṇāṃ somapāyinām etatpitṛmahattvaṃ hi purāṇe niścayaṃ gatam
Thus this domain of the soma-drinking fathers has been declared; this greatness of the fathers has been settled in the Purāṇa.
AI translation rendered from the Sanskrit, not a published edition
MtP 141.82
इत्येष सोमसूर्याभ्याम् ऐलस्य च समागमः अवाप्तिं श्रद्धया चैव पितॄणां चैव तर्पणम्
ityeṣa somasūryābhyām ailasya ca samāgamaḥ avāptiṃ śraddhayā caiva pitṝṇāṃ caiva tarpaṇam
Thus (has been told) this meeting of Aila with the Moon and the Sun, and the obtaining (of the offering) through faith, and the satisfying of the fathers.
AI translation rendered from the Sanskrit, not a published edition
MtP 141.83
पर्वणां चैव यः कालो यातनास्थानमेव च समासात्कीर्तितस्तुभ्यं सर्ग एष सनातनः
parvaṇāṃ caiva yaḥ kālo yātanāsthānameva ca samāsātkīrtitastubhyaṃ sarga eṣa sanātanaḥ
The time of the parvas (junctures) too, and the place of torments — (all this) has been proclaimed to you in brief: this is the eternal creation.
AI translation rendered from the Sanskrit, not a published edition
MtP 141.84
वैरूप्यं येन तत्सर्वं कथितं त्वेकदेशिकम् अशक्यं परिसंख्यातुं श्रद्धेयं भूतिमिच्छता
vairūpyaṃ yena tatsarvaṃ kathitaṃ tvekadeśikam aśakyaṃ parisaṃkhyātuṃ śraddheyaṃ bhūtimicchatā
That whole diversity (of forms) by which (it comes about) has been told, but only in part; it is impossible to enumerate completely, (yet) it should be believed by one who desires prosperity.
AI translation rendered from the Sanskrit, not a published edition — the model flagged this verse as uncertain
MtP 141.85
स्वायम्भुवस्य देवस्य एष सर्गो मयेरितः विस्तरेणानुपूर्व्याच्च भूयः किं कथयामि वः
svāyambhuvasya devasya eṣa sargo mayeritaḥ vistareṇānupūrvyācca bhūyaḥ kiṃ kathayāmi vaḥ
This creation of the god Svāyambhuva has been recounted by me at length and in due order; what more shall I tell you?
AI translation rendered from the Sanskrit, not a published edition