Matsya Purana — Chapter 140
MtP 140.1
उदिते तु सहस्रांशौ मेरौ भासाकरे रवौ नदद्देवबलं कृत्स्नं युगान्त इव सागरः
udite tu sahasrāṃśau merau bhāsākare ravau nadaddevabalaṃ kṛtsnaṃ yugānta iva sāgaraḥ
But when the thousand-rayed sun, the maker of light, had risen over Meru, the whole army of the gods roared like the ocean at the end of an aeon.
AI translation rendered from the Sanskrit, not a published edition
MtP 140.2
सहस्रनयनो देवस् ततः शक्रः पुरंदरः सवित्तदः सवरुणस् त्रिपुरं प्रययौ हरः
sahasranayano devas tataḥ śakraḥ puraṃdaraḥ savittadaḥ savaruṇas tripuraṃ prayayau haraḥ
Then the thousand-eyed god Śakra, breaker of cities, along with the giver of wealth and with Varuṇa — (and) Hara — marched against Tripura.
AI translation rendered from the Sanskrit, not a published edition — the model flagged this verse as uncertain
MtP 140.3
ते नानाविधरूपाश्च प्रमथातिप्रमाथिनः ययुः सिंहरवैर् घोरैर् वादित्रनिनदैरपि
te nānāvidharūpāśca pramathātipramāthinaḥ yayuḥ siṃharavair ghorair vāditraninadairapi
And they, the Pramathas of many kinds of shapes, great tormentors, went forth with terrible lion-roars and with the din of musical instruments.
AI translation rendered from the Sanskrit, not a published edition
MtP 140.4
ततो वादितवादित्रैश् चातपत्रैर्महाद्रुमैः बभूव तद्बलं दिव्यं वनं प्रचलितं यथा
tato vāditavāditraiś cātapatrairmahādrumaiḥ babhūva tadbalaṃ divyaṃ vanaṃ pracalitaṃ yathā
Then, with its instruments sounding and its parasols like great trees, that divine army became like a forest on the move.
AI translation rendered from the Sanskrit, not a published edition
MtP 140.5
तदापतन्तं सम्प्रेक्ष्य रौद्रं रुद्रबलं महत् संक्षोभो दानवेन्द्राणां समुद्रप्रतिमो बभौ
tadāpatantaṃ samprekṣya raudraṃ rudrabalaṃ mahat saṃkṣobho dānavendrāṇāṃ samudrapratimo babhau
Seeing that great and fearsome army of Rudra falling upon them, the agitation of the Dānava lords was like (that of) the ocean.
AI translation rendered from the Sanskrit, not a published edition
MtP 140.6
ते चासीन्पट्टिशाञ्शक्तीः शूलदण्डपरश्वधान् शरासनानि वज्राणि गुरूणि मुसलानि च
te cāsīnpaṭṭiśāñśaktīḥ śūladaṇḍaparaśvadhān śarāsanāni vajrāṇi gurūṇi musalāni ca
And they, taking up swords, paṭṭiśas, spears, tridents, staves, axes, bows, thunderbolts and heavy clubs,
AI translation rendered from the Sanskrit, not a published edition
MtP 140.7
प्रगृह्य कोपरक्ताक्षाः सपक्षा इव पर्वताः निजघ्नुः पर्वतघ्नाय घना इव तपात्यये
pragṛhya koparaktākṣāḥ sapakṣā iva parvatāḥ nijaghnuḥ parvataghnāya ghanā iva tapātyaye
with eyes red with rage, like mountains with wings, struck at the mountain-slayer (Indra) as clouds do at the close of the hot season.
AI translation rendered from the Sanskrit, not a published edition — the model flagged this verse as uncertain
MtP 140.8
सविद्युन्मालिनस्ते वै समया दितिनन्दनाः मोदमानाः समासेदुर् देवदेवैः सुरारयः
savidyunmālinaste vai samayā ditinandanāḥ modamānāḥ samāsedur devadevaiḥ surārayaḥ
Those sons of Diti, with Vidyunmālin among them, exulting, drew near — the foes of the gods (came) close upon the gods of gods.
AI translation rendered from the Sanskrit, not a published edition — the model flagged this verse as uncertain
MtP 140.9
मर्तव्यकृतबुद्धीनां जये चानिश्चितात्मनाम् अबलानां चमूर्ह्यासीद् अबलावयवा इव
martavyakṛtabuddhīnāṃ jaye cāniścitātmanām abalānāṃ camūrhyāsīd abalāvayavā iva
Of those whose minds were resolved on dying and who were uncertain of victory, of the weak ones, the army was like the limbs of a feeble creature.
AI translation rendered from the Sanskrit, not a published edition — the model flagged this verse as uncertain
MtP 140.10
विगर्जन्त इवाम्भोदा अम्भोदसदृशत्विषः प्रयुध्य युद्धकुशलाः परस्परकृतागसः
vigarjanta ivāmbhodā ambhodasadṛśatviṣaḥ prayudhya yuddhakuśalāḥ parasparakṛtāgasaḥ
Like thundering rain-clouds, with a sheen like that of rain-clouds, skilled in battle, having done violence to one another, they fought on.
AI translation rendered from the Sanskrit, not a published edition
MtP 140.11
धूमायन्तो ज्वलद्भिश्च आयुधैश्चन्द्रवर्चसैः कोपाद्वा युद्धलुब्धाश्च कुट्टयन्ते परस्परम्
dhūmāyanto jvaladbhiśca āyudhaiścandravarcasaiḥ kopādvā yuddhalubdhāśca kuṭṭayante parasparam
Smoking, and with blazing weapons of moonlike brilliance, out of rage or from greed for battle, they pound one another.
AI translation rendered from the Sanskrit, not a published edition
MtP 140.12
वज्राहताः पतन्त्यन्ये बाणैरन्ये विदारिताः अन्ये विदारिताश्चक्रैः पतन्ति ह्युदधेर्जले
vajrāhatāḥ patantyanye bāṇairanye vidāritāḥ anye vidāritāścakraiḥ patanti hyudadherjale
Some fall struck by the thunderbolt, others are torn open by arrows, and others, cut apart by discuses, fall into the water of the ocean.
AI translation rendered from the Sanskrit, not a published edition
MtP 140.13
छिन्नस्रग्दामहाराश्च प्रमृष्टाम्बरभूषणाः तिमिनक्रगणे चैव पतन्ति प्रमथाः सुराः
chinnasragdāmahārāśca pramṛṣṭāmbarabhūṣaṇāḥ timinakragaṇe caiva patanti pramathāḥ surāḥ
With their garlands, cords and necklaces severed, their garments and ornaments stripped away, the Pramathas and the gods fall among the shoals of sea-monsters and crocodiles.
AI translation rendered from the Sanskrit, not a published edition
MtP 140.14
गदानां मुसलानां च तोमराणां परश्वधाम् वज्रशूलर्ष्टिपातानां पट्टिशानां च सर्वतः
gadānāṃ musalānāṃ ca tomarāṇāṃ paraśvadhām vajraśūlarṣṭipātānāṃ paṭṭiśānāṃ ca sarvataḥ
Of maces and clubs and lances and axes, of falling thunderbolts, spears and pikes, and of paṭṭiśa-blades on every side —
AI translation rendered from the Sanskrit, not a published edition
MtP 140.15
गिरिशृङ्गोपलानां च प्रेरितानां प्रमन्युभिः सजवानां दानवानां सधूमानां रवित्विषाम् आयुधानां महानोघः सागरौघे पतत्यपि
giriśṛṅgopalānāṃ ca preritānāṃ pramanyubhiḥ sajavānāṃ dānavānāṃ sadhūmānāṃ ravitviṣām āyudhānāṃ mahānoghaḥ sāgaraughe patatyapi
— and of mountain peaks and boulders hurled by the greatly enraged, of the swift, smoking, sun-bright weapons of the Dānavas, a great flood too falls into the flood of the sea.
AI translation rendered from the Sanskrit, not a published edition — the model flagged this verse as uncertain
MtP 140.16
प्रवृद्धवेगैस्तैस्तत्र सुरासुरकरेरितैः आयुधैस्त्रस्तनक्षत्रः क्रियते संक्षयो महान्
pravṛddhavegaistaistatra surāsurakareritaiḥ āyudhaistrastanakṣatraḥ kriyate saṃkṣayo mahān
There, by those weapons of swollen speed hurled by the hands of gods and Asuras, with the constellations terrified, a great destruction is wrought.
AI translation rendered from the Sanskrit, not a published edition
MtP 140.17
क्षुद्राणां गजयोर्युद्धे यथा भवति संक्षयः देवासुरगणैस् तद्वत् तिमिनक्रक्षयो ऽभवत्
kṣudrāṇāṃ gajayoryuddhe yathā bhavati saṃkṣayaḥ devāsuragaṇais tadvat timinakrakṣayo 'bhavat
As in the fight of two elephants there is destruction of small creatures, so by the hosts of gods and Asuras came about the destruction of the sea-monsters and crocodiles.
AI translation rendered from the Sanskrit, not a published edition
MtP 140.18
विद्युन्माली च वेगेन विद्युन्माली इवाम्बुदः विद्युर्मालघनोन्नादो नन्दीश्वरमभिद्रुतः
vidyunmālī ca vegena vidyunmālī ivāmbudaḥ vidyurmālaghanonnādo nandīśvaramabhidrutaḥ
And Vidyunmālin, swift as a lightning-garlanded raincloud, roaring loud like a thundercloud wreathed in lightning, rushed upon Nandīśvara.
AI translation rendered from the Sanskrit, not a published edition
MtP 140.19
स तं तमोरिवदनं प्रणदन्वदतां वरः उवाच युधि शैलादिं दानवो ऽम्बुधिनिःस्वनः
sa taṃ tamorivadanaṃ praṇadanvadatāṃ varaḥ uvāca yudhi śailādiṃ dānavo 'mbudhiniḥsvanaḥ
That Dānava, best of speakers, with a voice like the ocean's, roaring, said in the battle to that son of Śilāda whose face was like darkness:
AI translation rendered from the Sanskrit, not a published edition
MtP 140.20
युद्धाकाङ्क्षी तु बलवान् विद्युन्माल्यहमागतः यदि त्विदानीं मे जीवन् मुच्यसे नन्दिकेश्वर न विद्युन्मालिहननं वचोभिर्युधि दानव
yuddhākāṅkṣī tu balavān vidyunmālyahamāgataḥ yadi tvidānīṃ me jīvan mucyase nandikeśvara na vidyunmālihananaṃ vacobhiryudhi dānava
"I, the mighty Vidyunmālin, have come craving battle; but if you now escape from me alive, O Nandikeśvara —" "The slaying of Vidyunmālin is not brought about by words in battle, O Dānava!"
AI translation rendered from the Sanskrit, not a published edition — the model flagged this verse as uncertain
MtP 140.21
तम् एवंवादिनं दैत्यं नन्दीशस्तपतां वरः उवाच प्रहरंस्तत्र वाक्यालंकारकोविदः
tam evaṃvādinaṃ daityaṃ nandīśastapatāṃ varaḥ uvāca praharaṃstatra vākyālaṃkārakovidaḥ
To that Daitya who spoke thus, Nandīśa, best of the ascetics, skilled in the ornaments of speech, said, striking at him there:
AI translation rendered from the Sanskrit, not a published edition
MtP 140.22
दानवा धर्मकामाणां नैषो ऽवसर इत्युत शक्तो हन्तुं किमात्मानं जातिदोषाद् विबृंहसि
dānavā dharmakāmāṇāṃ naiṣo 'vasara ityuta śakto hantuṃ kimātmānaṃ jātidoṣād vibṛṃhasi
"Dānava, this is not the occasion for those who desire dharma. Being able to kill, why do you swell yourself up over the defect of your birth?"
AI translation rendered from the Sanskrit, not a published edition — the model flagged this verse as uncertain
MtP 140.23
यदि तावन्मया पूर्वं हतो ऽसि पशुवद्यथा इदानीं वा कथं नाम न हिंस्ये क्रतुदूषणम्
yadi tāvanmayā pūrvaṃ hato 'si paśuvadyathā idānīṃ vā kathaṃ nāma na hiṃsye kratudūṣaṇam
"If you were slain by me before, like a beast, then how now should I not slay the defiler of the sacrifice?"
AI translation rendered from the Sanskrit, not a published edition — the model flagged this verse as uncertain
MtP 140.24
सागरं तरते दोर्भ्यां पातयेद्यो दिवाकरम् सो ऽपि मां शक्नुयान्नैव चक्षुर्भ्यां समवेक्षितुम्
sāgaraṃ tarate dorbhyāṃ pātayedyo divākaram so 'pi māṃ śaknuyānnaiva cakṣurbhyāṃ samavekṣitum
"Even he who crosses the ocean with his two arms and could bring down the sun would not be able to look at me with his eyes."
AI translation rendered from the Sanskrit, not a published edition
MtP 140.25
इत्येवंवादिनं तत्र नन्दिनं तन्निभो बले बिभेदैकेषुणा दैत्यः करेणार्क इवाम्बुदम्
ityevaṃvādinaṃ tatra nandinaṃ tannibho bale bibhedaikeṣuṇā daityaḥ kareṇārka ivāmbudam
As Nandin spoke thus there, the Daitya, his equal in strength, pierced him with a single arrow, as the sun (pierces) a cloud with its ray.
AI translation rendered from the Sanskrit, not a published edition
MtP 140.26
वक्षसः स शरस्तस्य पपौ रुधिरमुत्तमम् सूर्यस्त्वात्मप्रभावेण नद्यर्णवजलं यथा
vakṣasaḥ sa śarastasya papau rudhiramuttamam sūryastvātmaprabhāveṇa nadyarṇavajalaṃ yathā
That arrow drank the excellent blood from his chest, as the sun by its own power (drinks up) the water of rivers and seas.
AI translation rendered from the Sanskrit, not a published edition
MtP 140.27
स तेन सुप्रहारेण प्रथमं चातिरोपितः हस्तेन वृक्षमुत्पाट्य चिक्षेप गजराडिव
sa tena suprahāreṇa prathamaṃ cātiropitaḥ hastena vṛkṣamutpāṭya cikṣepa gajarāḍiva
He, provoked by that heavy blow at the outset, tore up a tree with his hand and hurled it, like a lord of elephants.
AI translation rendered from the Sanskrit, not a published edition
MtP 140.28
वायुनुन्नः स च तरुः शीर्णपुष्पो महारवः विद्युन्मालिशरैश्छिन्नः पपात पतगेशवत्
vāyununnaḥ sa ca taruḥ śīrṇapuṣpo mahāravaḥ vidyunmāliśaraiśchinnaḥ papāta patageśavat
And that tree, driven by the wind, its blossoms scattered, roaring loudly, cut apart by Vidyunmālin's arrows, fell like the lord of birds.
AI translation rendered from the Sanskrit, not a published edition
MtP 140.29
वृक्षमालोक्य तं छिन्नं दानवेन वरेषुभिः रोषमाहारयत्तीव्रं नन्दीश्वरः सुविग्रहः
vṛkṣamālokya taṃ chinnaṃ dānavena vareṣubhiḥ roṣamāhārayattīvraṃ nandīśvaraḥ suvigrahaḥ
Seeing that tree cut down by the Dānava with his excellent arrows, Nandīśvara of goodly form took on a fierce rage.
AI translation rendered from the Sanskrit, not a published edition
MtP 140.30
सोद्यम्य करमारावे रविशक्रकरप्रभम् दुद्राव हन्तुं स क्रूरं महिषं गजराडिव
sodyamya karamārāve raviśakrakaraprabham dudrāva hantuṃ sa krūraṃ mahiṣaṃ gajarāḍiva
Raising in the din (of battle) his hand, radiant as the rays of the sun and of Indra, he rushed to kill the cruel Mahiṣa, like a lordly elephant.
AI translation rendered from the Sanskrit, not a published edition — the model flagged this verse as uncertain
MtP 140.31
तमापतन्तं वेगेन वेगवान्प्रसभं बलात् विद्युन्माली शरशतैः पूरयामास नन्दिनम्
tamāpatantaṃ vegena vegavānprasabhaṃ balāt vidyunmālī śaraśataiḥ pūrayāmāsa nandinam
As he rushed on with speed, swift Vidyunmālī violently and forcibly filled Nandin with hundreds of arrows.
AI translation rendered from the Sanskrit, not a published edition
MtP 140.32
शरकण्टकिताङ्गो वै शैलादिः सो ऽभवत्पुनः अरेर्गृह्य रथं तस्य महतः प्रययौ जवात्
śarakaṇṭakitāṅgo vai śailādiḥ so 'bhavatpunaḥ arergṛhya rathaṃ tasya mahataḥ prayayau javāt
Śailādi (Nandin), his body thus made bristly with arrows, again seized the chariot of that great foe and went off swiftly.
AI translation rendered from the Sanskrit, not a published edition
MtP 140.33
विलम्बिताश्वो विशिरो भ्रमितश्च रणे रथः पपात मुनिशापेन सादित्यो ऽर्करथो यथा
vilambitāśvo viśiro bhramitaśca raṇe rathaḥ papāta muniśāpena sādityo 'rkaratho yathā
Its horses dragged along, its top (or: head) gone, and whirled about, the chariot fell in the battle, as the sun's chariot with the sun by a sage's curse.
AI translation rendered from the Sanskrit, not a published edition — the model flagged this verse as uncertain
MtP 140.34
अन्तरान्निर्गतश्चैव मायया स दितेः सुतः आजघान तदा शक्त्या शैलादिं समवस्थितम्
antarānnirgataścaiva māyayā sa diteḥ sutaḥ ājaghāna tadā śaktyā śailādiṃ samavasthitam
And that son of Diti, having come out from within by magic, then struck Śailādi, who was standing firm, with a spear.
AI translation rendered from the Sanskrit, not a published edition
MtP 140.35
तामेव तु विनिष्क्रम्य शक्तिं शोणितभूषिताम् विद्युन्मालिनमुद्दिश्य चिक्षेप प्रमथाग्रणीर्
tāmeva tu viniṣkramya śaktiṃ śoṇitabhūṣitām vidyunmālinamuddiśya cikṣepa pramathāgraṇīr
But the foremost of the Pramathas, drawing out that very spear, adorned with blood, hurled it aiming at Vidyunmālin.
AI translation rendered from the Sanskrit, not a published edition
MtP 140.36
तया भिन्नतनुत्राणो विभिन्नहृदयस्त्वपि विद्युन्माल्यपतद्भूमौ वज्राहत इवाचलः
tayā bhinnatanutrāṇo vibhinnahṛdayastvapi vidyunmālyapatadbhūmau vajrāhata ivācalaḥ
His armour split by it, and his heart cleft as well, Vidyunmālī fell to the earth like a mountain struck by the thunderbolt.
AI translation rendered from the Sanskrit, not a published edition
MtP 140.37
विद्युन्मालिनि निहते सिद्धचारणकिंनराः साधु साध्विति चोक्त्वा ते पूजयन्त उमापतिम्
vidyunmālini nihate siddhacāraṇakiṃnarāḥ sādhu sādhviti coktvā te pūjayanta umāpatim
When Vidyunmālin was slain, the Siddhas, Cāraṇas and Kinnaras, crying "Well done, well done!", honoured the lord of Umā.
AI translation rendered from the Sanskrit, not a published edition
MtP 140.38
नन्दिना सादिते दैत्ये विद्युन्मालौ हते मयः ददाह प्रमथानीकं वनमग्निरिवोद्धतः
nandinā sādite daitye vidyunmālau hate mayaḥ dadāha pramathānīkaṃ vanamagnirivoddhataḥ
When the Daitya had been laid low by Nandin, when Vidyunmālin was killed, Maya burned the Pramatha army as a blazing fire burns a forest.
AI translation rendered from the Sanskrit, not a published edition
MtP 140.39
शूलनिर्दारितोरस्का गदाचूर्णितमस्तकाः इषुभिर्गाढविद्धाश्च पतन्ति प्रमथार्णवे
śūlanirdāritoraskā gadācūrṇitamastakāḥ iṣubhirgāḍhaviddhāśca patanti pramathārṇave
With chests torn open by spears, heads crushed to powder by maces, and deeply pierced by arrows, they fall in the ocean of Pramathas.
AI translation rendered from the Sanskrit, not a published edition
MtP 140.41
नागं तु नागाधिपतेः शताक्षं मयो विदार्येषुवरेण तूर्णम् यमं च वित्ताधिपतिं च विद्ध्वा ररास मत्ताम्बुदवत्तदानीम्
nāgaṃ tu nāgādhipateḥ śatākṣaṃ mayo vidāryeṣuvareṇa tūrṇam yamaṃ ca vittādhipatiṃ ca viddhvā rarāsa mattāmbudavattadānīm
But Maya, quickly splitting the hundred-eyed(?) elephant of the lord of elephants with a choice arrow, and having pierced Yama and the lord of wealth, then roared like a rutting thundercloud.
AI translation rendered from the Sanskrit, not a published edition — the model flagged this verse as uncertain
MtP 140.42
ततः शरैः प्रमथगणैश्च दानवा दृढाहताश्चोत्तमवेगविक्रमाः भृशानुविद्धास्त्रिपुरं प्रवेशिता यथा शिवश्चक्रधरेण संयुगे
tataḥ śaraiḥ pramathagaṇaiśca dānavā dṛḍhāhatāścottamavegavikramāḥ bhṛśānuviddhāstripuraṃ praveśitā yathā śivaścakradhareṇa saṃyuge
Then the Dānavas, of the highest speed and prowess, hard struck by arrows and by the hosts of Pramathas, sorely pierced, were driven into Tripura, as Śiva was (driven?) by the disc-bearer in battle.
AI translation rendered from the Sanskrit, not a published edition — the model flagged this verse as uncertain
MtP 140.43
ततस्तु शङ्खानकभेरिमर्दलाः ससिंहनादा दनुपुत्रभङ्गदाः कपर्दिसैन्ये प्रबभुः समन्ततो निपात्यमाना युधि वज्रसंनिभाः
tatastu śaṅkhānakabherimardalāḥ sasiṃhanādā danuputrabhaṅgadāḥ kapardisainye prababhuḥ samantato nipātyamānā yudhi vajrasaṃnibhāḥ
Then conches, drums, kettledrums and mardala-drums, together with lion-roars, bringing defeat upon the sons of Danu, resounded on every side in Kapardin's army, being beaten in the fight, like thunderbolts.
AI translation rendered from the Sanskrit, not a published edition
MtP 140.44
अथ दैत्यपुराभावे पुष्ययोगो बभूव ह बभूव चापि संयुक्तं तद्योगेन पुरत्रयम्
atha daityapurābhāve puṣyayogo babhūva ha babhūva cāpi saṃyuktaṃ tadyogena puratrayam
Now, at the (time of the) destruction of the Daityas' city, the Puṣya conjunction occurred, and by that conjunction the three cities became joined together.
AI translation rendered from the Sanskrit, not a published edition
MtP 140.45
ततो बाणं त्रिधा देवस् त्रिदैवतमयं हरः मुमोच त्रिपुरे तूर्णं त्रिनेत्रस्त्रिपथाधिपः
tato bāṇaṃ tridhā devas tridaivatamayaṃ haraḥ mumoca tripure tūrṇaṃ trinetrastripathādhipaḥ
Then the god Hara, three-eyed lord of the three paths, quickly released against Tripura the arrow that was threefold, composed of the three deities.
AI translation rendered from the Sanskrit, not a published edition
MtP 140.46
तेन मुक्तेन बाणेन बाणपुष्पसमप्रभम् आकाशं स्वर्णसंकाशं कृतं सूर्येण रञ्जितम्
tena muktena bāṇena bāṇapuṣpasamaprabham ākāśaṃ svarṇasaṃkāśaṃ kṛtaṃ sūryeṇa rañjitam
By that released arrow, whose brilliance was like the bāṇa flower, the sky was made gold-coloured, as though dyed by the sun.
AI translation rendered from the Sanskrit, not a published edition
MtP 140.47
मुक्त्वा त्रिदैवतमयं त्रिपुरे त्रिदशः शरम् धिग्धिङ् मामिति चक्रन्द कष्टं कष्टमिति ब्रुवन्
muktvā tridaivatamayaṃ tripure tridaśaḥ śaram dhigdhiṅ māmiti cakranda kaṣṭaṃ kaṣṭamiti bruvan
Having released against Tripura the arrow composed of the three deities, the god cried out, "Fie, fie upon me!", saying, "Alas, alas!"
AI translation rendered from the Sanskrit, not a published edition — the model flagged this verse as uncertain
MtP 140.48
वैधुर्यं दैवतं दृष्ट्वा शैलादिर्गजवद्गतः किमिदं त्विति पप्रच्छ शूलपाणिं महेश्वरम्
vaidhuryaṃ daivataṃ dṛṣṭvā śailādirgajavadgataḥ kimidaṃ tviti papraccha śūlapāṇiṃ maheśvaram
Seeing the god's distress, Śailādi, who moved like an elephant, asked Maheśvara the trident-bearer, "What is this?"
AI translation rendered from the Sanskrit, not a published edition
MtP 140.49
ततः शशाङ्कतिलकः कपर्दी परमार्तवत् उवाच नन्दिनं भक्तः स मयो ऽद्य विनङ्क्ष्यति
tataḥ śaśāṅkatilakaḥ kapardī paramārtavat uvāca nandinaṃ bhaktaḥ sa mayo 'dya vinaṅkṣyati
Then the crescent-marked Kapardin, as if deeply pained, said to Nandin the devoted one: "That Maya will perish today."
AI translation rendered from the Sanskrit, not a published edition
MtP 140.50
अथ नन्दीश्वरस्तूर्णं मनोमारुतवद्बली शरे त्रिपुरमायाति त्रिपुरं प्रविवेश सः
atha nandīśvarastūrṇaṃ manomārutavadbalī śare tripuramāyāti tripuraṃ praviveśa saḥ
Then Nandīśvara, mighty, swift as wind and thought, went to Tripura in the arrow, and he entered Tripura.
AI translation rendered from the Sanskrit, not a published edition
MtP 140.51
स मयं प्रेक्ष्य गणपः प्राह काञ्चनसंनिभः विनाशस्त्रिपुरस्यास्य प्राप्तो मय सुदारुणः अनेनैव गृहेण त्वम् अपक्राम ब्रवीम्यहम्
sa mayaṃ prekṣya gaṇapaḥ prāha kāñcanasaṃnibhaḥ vināśastripurasyāsya prāpto maya sudāruṇaḥ anenaiva gṛheṇa tvam apakrāma bravīmyaham
Seeing Maya, that lord of the hosts, resembling gold (in hue), said: "Maya, a most terrible destruction of this Tripura has arrived; withdraw with this very house—so I tell you."
AI translation rendered from the Sanskrit, not a published edition
MtP 140.52
श्रुत्वा तन्नन्दिवचनं दृढभक्तो महेश्वरे तेनैव गृहमुख्येण त्रिपुराद् अपसर्पितः
śrutvā tannandivacanaṃ dṛḍhabhakto maheśvare tenaiva gṛhamukhyeṇa tripurād apasarpitaḥ
Hearing that speech of Nandin, he, being firmly devoted to Maheśvara, slipped away from Tripura with that very chief house.
AI translation rendered from the Sanskrit, not a published edition
MtP 140.53
सो ऽपीषुः पत्त्रपुटवद् दग्ध्वा तन्नगरत्रयम् त्रिधा इव हुताशश्च सोमो नारायणस्तथा
so 'pīṣuḥ pattrapuṭavad dagdhvā tannagaratrayam tridhā iva hutāśaśca somo nārāyaṇastathā
And that arrow too, having burnt that triple city as (one burns) a leaf-cup, (became) threefold, as it were: the fire, the moon, and Nārāyaṇa.
AI translation rendered from the Sanskrit, not a published edition — the model flagged this verse as uncertain
MtP 140.54
शरतेजःपरीतानि पुराणि द्विजपुंगवाः दुष्पुत्रदोषाद्दह्यन्ते कुलान्यूर्ध्वं यथा तथा
śaratejaḥparītāni purāṇi dvijapuṃgavāḥ duṣputradoṣāddahyante kulānyūrdhvaṃ yathā tathā
O bulls among the twice-born, the cities, enveloped by the arrow's heat, burn, just as families above (i.e. ancestral lines) are burnt through the fault of a bad son.
AI translation rendered from the Sanskrit, not a published edition — the model flagged this verse as uncertain
MtP 140.55
मेरुकैलासकल्पानि मन्दराग्रनिभानि च सकपाटगवाक्षाणि बलिभिः शोभितानि च
merukailāsakalpāni mandarāgranibhāni ca sakapāṭagavākṣāṇi balibhiḥ śobhitāni ca
(Houses) like Meru and Kailāsa and resembling the peak of Mandara, with doors and lattice-windows, and adorned with offerings—
AI translation rendered from the Sanskrit, not a published edition
MtP 140.56
सप्रासादानि रम्याणि कूटागारोत्कटानि च सजलानि समाख्यानि सावलोकनकानि च
saprāsādāni ramyāṇi kūṭāgārotkaṭāni ca sajalāni samākhyāni sāvalokanakāni ca
pleasant, with upper terraces, towering with pinnacled chambers, supplied with water, well-proportioned, and provided with viewing-galleries—
AI translation rendered from the Sanskrit, not a published edition — the model flagged this verse as uncertain
MtP 140.57
बद्धध्वजपताकानि स्वर्णरौप्यमयानि च गृहाणि तस्मिंस्त्रिपुरे दानवानामुपद्रवे दह्यन्ते दहनाभानि दहनेन सहस्रशः
baddhadhvajapatākāni svarṇaraupyamayāni ca gṛhāṇi tasmiṃstripure dānavānāmupadrave dahyante dahanābhāni dahanena sahasraśaḥ
houses with banners and flags bound (upon them), made of gold and silver—these in that Tripura, in the calamity of the Dānavas, burn by the thousands with the fire, looking like fire itself.
AI translation rendered from the Sanskrit, not a published edition
MtP 140.58
प्रासादाग्रेषु रम्येषु वनेषूपवनेषु च वातायनगताश्चान्याश् चाकाशस्य तलेषु च
prāsādāgreṣu ramyeṣu vaneṣūpavaneṣu ca vātāyanagatāścānyāś cākāśasya taleṣu ca
(Women) on the pleasant tops of the mansions, in the woods and pleasure-groves, and others standing at the windows and on the floors of the open sky—
AI translation rendered from the Sanskrit, not a published edition
MtP 140.59
रमणैरुपगूढाश्च रमन्त्यो रमणैः सह दह्यन्ते दानवेन्द्राणाम् अग्निना ह्यपि ताः स्त्रियः
ramaṇairupagūḍhāśca ramantyo ramaṇaiḥ saha dahyante dānavendrāṇām agninā hyapi tāḥ striyaḥ
and (women) embraced by their lovers, taking pleasure together with their lovers—those women of the Dānava lords too are burnt by the fire.
AI translation rendered from the Sanskrit, not a published edition
MtP 140.60
काचित्प्रियं परित्यज्य अशक्ता गन्तुमन्यतः पुरः प्रियस्य पञ्चत्वं गताग्निवदने क्षयम्
kācitpriyaṃ parityajya aśaktā gantumanyataḥ puraḥ priyasya pañcatvaṃ gatāgnivadane kṣayam
Some woman, unable to go elsewhere, having abandoned her beloved—her beloved's death being before her—(met) destruction in the mouth of the fire.
AI translation rendered from the Sanskrit, not a published edition — the model flagged this verse as uncertain
MtP 140.61
उवाच शतपत्त्राक्षी सास्राक्षीव कृताञ्जलिः हव्यवाहन भार्याहं परस्य परतापन धर्मसाक्षी त्रिलोकस्य न मां स्प्रष्टुमिहार्हसि
uvāca śatapattrākṣī sāsrākṣīva kṛtāñjaliḥ havyavāhana bhāryāhaṃ parasya paratāpana dharmasākṣī trilokasya na māṃ spraṣṭumihārhasi
A hundred-petalled-lotus-eyed woman, her eyes as if full of tears, with folded hands, said: "O bearer of oblations, I am another's wife, O scorcher of foes; you are the witness of dharma for the three worlds—you ought not to touch me here."
AI translation rendered from the Sanskrit, not a published edition
MtP 140.62
शायितं च मया देव शिवया च शिवप्रभ परेण प्रैहि मुक्त्वेदं गृहं च दयितं हि मे
śāyitaṃ ca mayā deva śivayā ca śivaprabha pareṇa praihi muktvedaṃ gṛhaṃ ca dayitaṃ hi me
"And by me, O god, and by Śivā, it has been laid down (as a rule), O you of auspicious splendour: pass on, leaving this house belonging to another—for it is dear to me."
AI translation rendered from the Sanskrit, not a published edition — the model flagged this verse as uncertain
MtP 140.63
एका पुत्रमुपादाय बालकं दानवाङ्गना हुताशनसमीपस्था इत्युवाच हुताशनम्
ekā putramupādāya bālakaṃ dānavāṅganā hutāśanasamīpasthā ityuvāca hutāśanam
One Dānava woman, taking up her infant son, standing near the fire, spoke thus to the fire:
AI translation rendered from the Sanskrit, not a published edition
MtP 140.64
बालो ऽयं दुःखलब्धश्च मया पावक पुत्रकः नार्हस्येनमुपादातुं दयितं षण्मुखप्रिय
bālo 'yaṃ duḥkhalabdhaśca mayā pāvaka putrakaḥ nārhasyenamupādātuṃ dayitaṃ ṣaṇmukhapriya
"O Pāvaka, this boy, my little son, was won by me with pain; you ought not to take him, who is dear (to me), O friend of the six-faced one."
AI translation rendered from the Sanskrit, not a published edition
MtP 140.65
काश्चित्प्रियान्परित्यज्य पीडिता दानवाङ्गनाः निपतन्त्यर्णवजले सिञ्जमानविभूषणाः
kāścitpriyānparityajya pīḍitā dānavāṅganāḥ nipatantyarṇavajale siñjamānavibhūṣaṇāḥ
Some Dānava women, tormented, abandoning their beloveds, fall into the water of the ocean, their ornaments jingling.
AI translation rendered from the Sanskrit, not a published edition
MtP 140.66
तात पुत्रेति मातेति मातुलेति च विह्वलम् चक्रन्दुस्त्रिपुरे नार्यः पावकज्वालवेपिताः
tāta putreti māteti mātuleti ca vihvalam cakrandustripure nāryaḥ pāvakajvālavepitāḥ
"Father!" "Son!" "Mother!" "Uncle!"—thus distraughtly the women in Tripura wailed, trembling in the flames of the fire.
AI translation rendered from the Sanskrit, not a published edition
MtP 140.67
यथा दहति शैलाग्निः साम्बुजं जलजाकरम् तथा स्त्रीवक्त्रपद्मानि चादहत्त्रिपुरे ऽनलः
yathā dahati śailāgniḥ sāmbujaṃ jalajākaram tathā strīvaktrapadmāni cādahattripure 'nalaḥ
As a mountain fire burns up a lotus-pool together with its lotuses, so did the fire in Tripura burn up the lotus-faces of the women.
AI translation rendered from the Sanskrit, not a published edition
MtP 140.68
तुषारराशिः कमलाकराणां यथा दहत्यम्बुजकानि शीते तथैव सो ऽग्निस्त्रिपुराङ्गनानां ददाह वक्त्रेक्षणपङ्कजानि
tuṣārarāśiḥ kamalākarāṇāṃ yathā dahatyambujakāni śīte tathaiva so 'gnistripurāṅganānāṃ dadāha vaktrekṣaṇapaṅkajāni
As a mass of frost burns the lotuses of lotus-ponds in the cold season, just so that fire burnt the face-and-eye lotuses of the women of Tripura.
AI translation rendered from the Sanskrit, not a published edition
MtP 140.69
शराग्निपातात् समभिद्रुतानां तत्राङ्गनानाम् अतिकोमलानाम् बभूव काञ्चीगुणनूपुराणाम् आक्रन्दितानां च रवो ऽतिमिश्रः
śarāgnipātāt samabhidrutānāṃ tatrāṅganānām atikomalānām babhūva kāñcīguṇanūpurāṇām ākranditānāṃ ca ravo 'timiśraḥ
There arose a greatly mingled sound of those very delicate women, rushing about together because of the fall of the arrow's fire, wailing, with their girdle-strings and anklets (jingling).
AI translation rendered from the Sanskrit, not a published edition
MtP 140.70
दग्धार्धचन्द्राणि सवेदिकानि विशीर्णहर्म्याणि सतोरणानि दग्धानि दग्धानि गृहाणि तत्र पतन्ति रक्षार्थमिवार्णवौघे
dagdhārdhacandrāṇi savedikāni viśīrṇaharmyāṇi satoraṇāni dagdhāni dagdhāni gṛhāṇi tatra patanti rakṣārthamivārṇavaughe
With their crescent-arches burnt, with their terraces, the mansions shattered along with their gateways — burnt and burnt again, the houses fall there into the flood of the ocean, as if for protection.
AI translation rendered from the Sanskrit, not a published edition — the model flagged this verse as uncertain
MtP 140.71
गृहैः पतद्भिर्ज्वलनावलीढैर् आसीत्समुद्रे सलिलं प्रतप्तम् कुपुत्रदोषैः प्रहतानुविद्धं यथा कुलं याति धनान्वितस्य
gṛhaiḥ patadbhirjvalanāvalīḍhair āsītsamudre salilaṃ prataptam kuputradoṣaiḥ prahatānuviddhaṃ yathā kulaṃ yāti dhanānvitasya
With the houses falling, licked by fire, the water in the ocean became scalded — as the family of a wealthy man is stricken and pierced through by the faults of bad sons.
AI translation rendered from the Sanskrit, not a published edition
MtP 140.72
गृहप्रतापैः क्वथितं समन्तात् तदार्णवे तोयमुदीर्णवेगम् वित्रासयामास तिमीन्सनक्रांस् तिमिङ्गिलांस्तत्क्वथितांस्तथान्यान्
gṛhapratāpaiḥ kvathitaṃ samantāt tadārṇave toyamudīrṇavegam vitrāsayāmāsa timīnsanakrāṃs timiṅgilāṃstatkvathitāṃstathānyān
That water in the ocean, boiled all around by the heat of the houses, its currents surging, terrified the fish and the crocodiles, and the timiṅgila whales, and others too, being thus boiled.
AI translation rendered from the Sanskrit, not a published edition
MtP 140.73
सगोपुरो मन्दरपादकल्पः प्राकारवर्यस्त्रिपुरे च सो ऽथ तैरेव सार्धं भवनैः पपात शब्दं महान्तं जनयन्समुद्रे
sagopuro mandarapādakalpaḥ prākāravaryastripure ca so 'tha taireva sārdhaṃ bhavanaiḥ papāta śabdaṃ mahāntaṃ janayansamudre
And that finest of ramparts in Tripura, with its gate-towers, resembling the foot of Mount Mandara, then fell together with those very dwellings, making a great noise in the ocean.
AI translation rendered from the Sanskrit, not a published edition
MtP 140.74
सहस्रशृङ्गैर् भवनैर् यदासीत् सहस्रशृङ्गः स इवाचलेशः नामावशेषं त्रिपुरं प्रजज्ञे हुताशनाहारबलिप्रयुक्तम्
sahasraśṛṅgair bhavanair yadāsīt sahasraśṛṅgaḥ sa ivācaleśaḥ nāmāvaśeṣaṃ tripuraṃ prajajñe hutāśanāhārabaliprayuktam
Tripura, which with its thousand-peaked buildings was like that thousand-peaked lord of mountains, became a mere name remaining, having been offered up as food and oblation to the fire.
AI translation rendered from the Sanskrit, not a published edition
MtP 140.75
प्रदह्यमानेन पुरेण तेन जगत् सपातालदिवं प्रतप्तम् दुःखं महत्प्राप्य जलावमग्नं यस्मिन्महान्सौधवरो मयस्य
pradahyamānena pureṇa tena jagat sapātāladivaṃ prataptam duḥkhaṃ mahatprāpya jalāvamagnaṃ yasminmahānsaudhavaro mayasya
By that city being burnt up, the world together with the netherworld and heaven was scorched; having come to great suffering it sank into the water — in which (city) stood Maya's great and excellent palace.
AI translation rendered from the Sanskrit, not a published edition — the model flagged this verse as uncertain
MtP 140.76
तद्देवेशो वचः श्रुत्वा इन्द्रो वज्रधरस्तदा शशाप तद्गृहं चापि मयस्यादितिनन्दनः
taddeveśo vacaḥ śrutvā indro vajradharastadā śaśāpa tadgṛhaṃ cāpi mayasyāditinandanaḥ
Then, having heard that speech, Indra, the lord of the gods, the wielder of the thunderbolt, the son of Aditi, cursed that house of Maya as well.
AI translation rendered from the Sanskrit, not a published edition
MtP 140.77
असेव्यमप्रतिष्ठं च भयेन च समावृतम् भविष्यति मयगृहं नित्यमेव यथानलः
asevyamapratiṣṭhaṃ ca bhayena ca samāvṛtam bhaviṣyati mayagṛhaṃ nityameva yathānalaḥ
"Maya's house shall be unfit to dwell in, without standing, and surrounded by fear, always, like fire.
AI translation rendered from the Sanskrit, not a published edition
MtP 140.78
यस्य यस्य तु देशस्य भविष्यति पराभवः द्रक्ष्यन्ति त्रिपुरं खण्डं तत्रेदं नाशगा जनाः तदेतदद्यापि गृहं मयस्यामयवर्जितम्
yasya yasya tu deśasya bhaviṣyati parābhavaḥ drakṣyanti tripuraṃ khaṇḍaṃ tatredaṃ nāśagā janāḥ tadetadadyāpi gṛhaṃ mayasyāmayavarjitam
And whichever land is to suffer defeat, there the people who are going to destruction will see this piece of Tripura." That very house of Maya exists even today, free of disease.
AI translation rendered from the Sanskrit, not a published edition
MtP 140.79
भगवन्स मयो येन गृहेण प्रपलायितः तस्य नो गतिमाख्याहि मयस्य चमसोद्भव
bhagavansa mayo yena gṛheṇa prapalāyitaḥ tasya no gatimākhyāhi mayasya camasodbhava
"Reverend one, that Maya who fled away with his house — tell us the course of that Maya, O you born from the ladle."
AI translation rendered from the Sanskrit, not a published edition
MtP 140.80
दृश्यते दृश्यते यत्र ध्रुवस्तत्र मयास्पदम् देवद्विट् तु मयश्चातः स तदा खिन्नमानसः ततश्च्युतो ऽन्यलोके ऽस्मिंस् त्राणार्थं वै चकार सः
dṛśyate dṛśyate yatra dhruvastatra mayāspadam devadviṭ tu mayaścātaḥ sa tadā khinnamānasaḥ tataścyuto 'nyaloke 'smiṃs trāṇārthaṃ vai cakāra saḥ
"Wherever the pole star is seen, there is Maya's seat. But Maya was a hater of the gods, and hence he was then dejected in mind; fallen from there, he made (a dwelling) in this other world for the sake of protection.
AI translation rendered from the Sanskrit, not a published edition — the model flagged this verse as uncertain
MtP 140.81
तत्रापि देवताः सन्ति आप्तोर्यामाः सुरोत्तमाः तत्राशक्तं ततो गन्तुं तं चैकं पुरमुत्तमम्
tatrāpi devatāḥ santi āptoryāmāḥ surottamāḥ tatrāśaktaṃ tato gantuṃ taṃ caikaṃ puramuttamam
There too are deities, the Āptoryāmas, the best of gods; therefore he was unable to go there, and (there was) that one excellent city.
AI translation rendered from the Sanskrit, not a published edition — the model flagged this verse as uncertain
MtP 140.82
शिवः सृष्ट्वा गृहं प्रादान् मयायैव गृहार्थिने विरराम सहस्राक्षः पूजयामास चेश्वरम् पूज्यमानं च भूतेशं सर्वे तुष्टुवुरीश्वरम्
śivaḥ sṛṣṭvā gṛhaṃ prādān mayāyaiva gṛhārthine virarāma sahasrākṣaḥ pūjayāmāsa ceśvaram pūjyamānaṃ ca bhūteśaṃ sarve tuṣṭuvurīśvaram
Śiva, having created a house, gave it to Maya himself, who desired a house. The thousand-eyed one desisted and worshipped the Lord; and as the lord of beings was being worshipped, all praised the Lord.
AI translation rendered from the Sanskrit, not a published edition
MtP 140.83
सम्पूज्यमानं त्रिदशैः समीक्ष्य गणैर्गणेशाधिपतिं तु मुख्यम् हर्षाद् ववल्गुर् जहसुश्च देवा जग्मुर्ननर्दुस्तु विषक्तहस्ताः
sampūjyamānaṃ tridaśaiḥ samīkṣya gaṇairgaṇeśādhipatiṃ tu mukhyam harṣād vavalgur jahasuśca devā jagmurnanardustu viṣaktahastāḥ
Seeing the chief lord of the lords of hosts being worshipped by the thirty gods together with his hosts, the gods leapt about for joy and laughed, and they went along roaring with their hands clasped together.
AI translation rendered from the Sanskrit, not a published edition — the model flagged this verse as uncertain
MtP 140.84
पितामहं वन्द्य ततो महेशं प्रगृह्य चापं प्रविमृज्य भूतान् रथाच्च संपत्य हरेषुदग्धं क्षिप्तं पुरं तन्मकरालये च
pitāmahaṃ vandya tato maheśaṃ pragṛhya cāpaṃ pravimṛjya bhūtān rathācca saṃpatya hareṣudagdhaṃ kṣiptaṃ puraṃ tanmakarālaye ca
Then, having saluted the Grandfather (and) Maheśa, taking up his bow, having wiped clean (dismissed) the beings, and having leapt down from the chariot — and that city burnt by Hara's arrow was cast into the abode of sea-monsters.
AI translation rendered from the Sanskrit, not a published edition — the model flagged this verse as uncertain
MtP 140.85
य इमं रुद्रविजयं पठते विजयावहम् विजयं तस्य कृत्येषु ददाति वृषभध्वजः
ya imaṃ rudravijayaṃ paṭhate vijayāvaham vijayaṃ tasya kṛtyeṣu dadāti vṛṣabhadhvajaḥ
Whoever recites this victory of Rudra, which brings victory — to him the bull-bannered one grants victory in his undertakings.
AI translation rendered from the Sanskrit, not a published edition
MtP 140.86
पितॄणां वापि श्राद्धेषु य इमं श्रावयिष्यति अनन्तं तस्य पुण्यं स्यात् सर्वयज्ञफलप्रदम्
pitṝṇāṃ vāpi śrāddheṣu ya imaṃ śrāvayiṣyati anantaṃ tasya puṇyaṃ syāt sarvayajñaphalapradam
And whoever will cause this to be heard at the śrāddha rites for the ancestors, his merit shall be endless, granting the fruit of all sacrifices.
AI translation rendered from the Sanskrit, not a published edition
MtP 140.87
इदं स्वस्त्ययनं पुण्यम् इदं पुंसवनं महत् इदं श्रुत्वा पठित्वा च यान्ति रुद्रसलोकताम्
idaṃ svastyayanaṃ puṇyam idaṃ puṃsavanaṃ mahat idaṃ śrutvā paṭhitvā ca yānti rudrasalokatām
This is an auspicious, meritorious rite; this is a great rite for begetting a son; having heard and recited this, (people) attain to sharing Rudra's world.
AI translation rendered from the Sanskrit, not a published edition