Matsya Purana — Chapter 130
MtP 130.1
इति चिन्तायुतो दैत्यो दिव्योपायप्रभावजम् चकार त्रिपुरं दुर्गं मनःसंचारचारितम्
iti cintāyuto daityo divyopāyaprabhāvajam cakāra tripuraṃ durgaṃ manaḥsaṃcāracāritam
Thus engaged in thought, the Daitya made Tripura, a fortress born of the power of divine means, moving as thought moves.
AI translation rendered from the Sanskrit, not a published edition
MtP 130.2
प्राकारो ऽनेन मार्गेण इह वामुत्र गोपुरम् इह चाट्टालकद्वारम् इह चाट्टालगोपुरम्
prākāro 'nena mārgeṇa iha vāmutra gopuram iha cāṭṭālakadvāram iha cāṭṭālagopuram
"The rampart along this line; here, or over there, the gate-tower; and here a watchtower-gate; and here a watchtower-gateway;
AI translation rendered from the Sanskrit, not a published edition
MtP 130.3
राजमार्ग इतश्चापि विपुलो भवतामिति रथ्योपरथ्याः सत्त्रिका इह चत्वर एव च
rājamārga itaścāpi vipulo bhavatāmiti rathyoparathyāḥ sattrikā iha catvara eva ca
and from here let there be a broad royal highway"—thus (he said)—"and here the main streets and the side streets, the halls, and the squares as well;
AI translation rendered from the Sanskrit, not a published edition — the model flagged this verse as uncertain
MtP 130.4
इदमन्तःपुरस्थानं रुद्रायतनमत्र च सवटानि तडागानि ह्य् अत्र वाप्यः सरांसि च
idamantaḥpurasthānaṃ rudrāyatanamatra ca savaṭāni taḍāgāni hy atra vāpyaḥ sarāṃsi ca
here is the site of the inner palace, and here the sanctuary of Rudra; and here the tanks with their banyan trees, the step-wells and the lakes;
AI translation rendered from the Sanskrit, not a published edition
MtP 130.5
आरामाश्च सभाश्चात्र उद्यानान्यत्र वा तथा उपनिर्गमो दानवानां भवत्यत्र मनोहरः
ārāmāśca sabhāścātra udyānānyatra vā tathā upanirgamo dānavānāṃ bhavatyatra manoharaḥ
And here are pleasure-groves and assembly halls, and gardens too here; and here comes to be a charming outlet for the dānavas.
AI translation rendered from the Sanskrit, not a published edition
MtP 130.6
इत्येवं मानसं तत्राकल्पयत्पुरकल्पवित् मयेन तत्पुरं सृष्टं त्रिपुरं त्विति नः श्रुतम्
ityevaṃ mānasaṃ tatrākalpayatpurakalpavit mayena tatpuraṃ sṛṣṭaṃ tripuraṃ tviti naḥ śrutam
Thus the knower of city-construction laid it out there in his mind; by Maya that city was created — the Tripura (Triple City) — so we have heard.
AI translation rendered from the Sanskrit, not a published edition
MtP 130.7
कार्ष्णायसमयं यत्तु मयेन विहितं पुरम् तारकाख्यो ऽधिपस्तत्र कृतस्थानाधिपो ऽवसत्
kārṣṇāyasamayaṃ yattu mayena vihitaṃ puram tārakākhyo 'dhipastatra kṛtasthānādhipo 'vasat
The city that was built of black iron by Maya — there dwelt the ruler named Tāraka, made lord of that place.
AI translation rendered from the Sanskrit, not a published edition
MtP 130.8
यत्तु पूर्णेन्दुसंकाशं राजतं निर्मितं पुरम् विद्युन्माली प्रभुस्तत्र विद्युन्माली त्विवाम्बुदः
yattu pūrṇendusaṃkāśaṃ rājataṃ nirmitaṃ puram vidyunmālī prabhustatra vidyunmālī tvivāmbudaḥ
The city that was made of silver, resembling the full moon — there Vidyunmālin was lord, Vidyunmālin like a lightning-garlanded cloud.
AI translation rendered from the Sanskrit, not a published edition
MtP 130.9
सुवर्णाधिकृतं यच्च मयेन विहितं पुरम् स्वयमेव मयस्तत्र गतस्तदधिपः प्रभुः
suvarṇādhikṛtaṃ yacca mayena vihitaṃ puram svayameva mayastatra gatastadadhipaḥ prabhuḥ
And the city that was built by Maya chiefly of gold — Maya himself went there as its lord and master.
AI translation rendered from the Sanskrit, not a published edition
MtP 130.10
तारकस्य पुरं तत्र शतयोजनमन्तरम् विद्युन्मालिपुरं चापि शतयोजनके ऽन्तरे
tārakasya puraṃ tatra śatayojanamantaram vidyunmālipuraṃ cāpi śatayojanake 'ntare
There Tāraka's city stood at a distance of a hundred yojanas, and Vidyunmālin's city too at an interval of a hundred yojanas.
AI translation rendered from the Sanskrit, not a published edition
MtP 130.11
मेरुपर्वतसंकाशं मयस्यापि पुरं महत् पुष्यसंयोगमात्रेण कालेन स मयः पुरा
meruparvatasaṃkāśaṃ mayasyāpi puraṃ mahat puṣyasaṃyogamātreṇa kālena sa mayaḥ purā
Maya's own great city was like Mount Meru; in a span of time no longer than the conjunction (of the moon) with Puṣya, that Maya, of old,
AI translation rendered from the Sanskrit, not a published edition
MtP 130.12
कृतवांस्त्रिपुरं दैत्यस् त्रिनेत्रः पुष्पकं यथा येन येन मयो याति प्रकुर्वाणः पुरं पुरात्
kṛtavāṃstripuraṃ daityas trinetraḥ puṣpakaṃ yathā yena yena mayo yāti prakurvāṇaḥ puraṃ purāt
— the daitya made the Tripura, as the three-eyed one (made) the Puṣpaka. Wherever Maya goes, making city out of city,
AI translation rendered from the Sanskrit, not a published edition — the model flagged this verse as uncertain
MtP 130.13
प्रशस्तास्तत्र तत्रैव वारुण्यामालयाः स्वयम् रुक्मरूप्यायसानां च शतशो ऽथ सहस्रशः
praśastāstatra tatraiva vāruṇyāmālayāḥ svayam rukmarūpyāyasānāṃ ca śataśo 'tha sahasraśaḥ
there and there, of their own accord, excellent dwellings (arise) in the western quarter, of gold, silver and iron, by hundreds and by thousands.
AI translation rendered from the Sanskrit, not a published edition — the model flagged this verse as uncertain
MtP 130.14
रत्नाचितानि शोभन्ते पुराण्यमरविद्विषाम् प्रासादशतजुष्टानि कूटागारोत्कटानि च
ratnācitāni śobhante purāṇyamaravidviṣām prāsādaśatajuṣṭāni kūṭāgārotkaṭāni ca
The cities of the foes of the immortals shine, inlaid with jewels, provided with hundreds of palaces and lofty with pinnacled halls.
AI translation rendered from the Sanskrit, not a published edition
MtP 130.15
सर्वेषां कामगानि स्युः सर्वलोकातिगानि च सोद्यानवापीकूपानि सपद्मसरवन्ति च
sarveṣāṃ kāmagāni syuḥ sarvalokātigāni ca sodyānavāpīkūpāni sapadmasaravanti ca
They would go at the will of all and travel beyond all the worlds, having gardens, tanks and wells, and having lotus-ponds.
AI translation rendered from the Sanskrit, not a published edition
MtP 130.16
अशोकवनभूतानि कोकिलारुतवन्ति च चित्रशालाविशालानि चतुःशालोत्तमानि च
aśokavanabhūtāni kokilārutavanti ca citraśālāviśālāni catuḥśālottamāni ca
They have aśoka groves and the cries of cuckoos, they are spacious with picture-galleries and excellent with quadrangular halls.
AI translation rendered from the Sanskrit, not a published edition
MtP 130.17
सप्ताष्टदशभौमानि सत्कृतानि मयेन च बहुध्वजपताकानि स्रग्दामालंकृतानि च
saptāṣṭadaśabhaumāni satkṛtāni mayena ca bahudhvajapatākāni sragdāmālaṃkṛtāni ca
They have seven, eight and ten storeys and were well made by Maya; they have many banners and pennants and are adorned with wreaths and garlands.
AI translation rendered from the Sanskrit, not a published edition
MtP 130.18
किङ्किणीजालशब्दानि गन्धवन्ति महान्ति च सुसंयुक्तोपलिप्तानि पुष्पनैवेद्यवन्ति च
kiṅkiṇījālaśabdāni gandhavanti mahānti ca susaṃyuktopaliptāni puṣpanaivedyavanti ca
They resound with networks of little bells, they are fragrant and vast, well jointed and plastered, and furnished with flowers and food-offerings.
AI translation rendered from the Sanskrit, not a published edition
MtP 130.19
यज्ञधूमान्धकाराणि संपूर्णकलशानि च गगनावरणाभानि हंसपङ्क्तिनिभानि च
yajñadhūmāndhakārāṇi saṃpūrṇakalaśāni ca gaganāvaraṇābhāni haṃsapaṅktinibhāni ca
They are darkened with the smoke of sacrifices and have brimming water-jars; they look as if they veil the sky and resemble rows of geese.
AI translation rendered from the Sanskrit, not a published edition
MtP 130.20
पङ्क्तीकृतानि राजन्ते गृहाणि त्रिपुरे पुरे मुक्ताकलापैर्लम्बद्भिर् हसन्तीव शशिश्रियम्
paṅktīkṛtāni rājante gṛhāṇi tripure pure muktākalāpairlambadbhir hasantīva śaśiśriyam
Set in rows, the houses shine in the city of Tripura, seeming with their hanging clusters of pearls to mock the beauty of the moon.
AI translation rendered from the Sanskrit, not a published edition
MtP 130.21
मल्लिकाजातिपुष्पाद्यैर् गन्धधूपाधिवासितैः पञ्चेन्द्रियसुखैर्नित्यं समैः सत्पुरुषैरिव
mallikājātipuṣpādyair gandhadhūpādhivāsitaiḥ pañcendriyasukhairnityaṃ samaiḥ satpuruṣairiva
(They are) perfumed with jasmine and jāti flowers and the like, with scents and incense, ever furnished with the pleasures of the five senses, like good men of even temper.
AI translation rendered from the Sanskrit, not a published edition — the model flagged this verse as uncertain
MtP 130.22
हेमराजतलोहाद्यमणिरत्नाञ्जनाङ्किताः प्राकारास्त्रिपुरे तस्मिन् गिरिप्राकारसंनिभाः
hemarājatalohādyamaṇiratnāñjanāṅkitāḥ prākārāstripure tasmin giriprākārasaṃnibhāḥ
In that Tripura the ramparts, marked with gold, silver, copper and the rest, with gems, jewels and dark pigment, were like the ramparts of mountains.
AI translation rendered from the Sanskrit, not a published edition
MtP 130.23
एकैकस्मिन्पुरे तस्मिन् गोपुराणां शतं शतम् सपताकाध्वजवतां दृश्यन्ते गिरिशृङ्गवत्
ekaikasminpure tasmin gopurāṇāṃ śataṃ śatam sapatākādhvajavatāṃ dṛśyante giriśṛṅgavat
In each single city there, hundreds upon hundreds of gate-towers, bearing pennants and banners, are seen like mountain peaks.
AI translation rendered from the Sanskrit, not a published edition
MtP 130.24
नूपुरारावरम्याणि त्रिपुरे तत्पुराण्यपि स्वर्गातिरिक्तश्रीकाणि तत्र कन्यापुराणि च
nūpurārāvaramyāṇi tripure tatpurāṇyapi svargātiriktaśrīkāṇi tatra kanyāpurāṇi ca
In the Tripura those cities too are lovely with the jingling of anklets, and the maidens' quarters there have a splendour surpassing heaven's.
AI translation rendered from the Sanskrit, not a published edition
MtP 130.25
आरामैश्च विहारैश्च तडागवटचत्वरैः सरोभिश्च सरिद्भिश्च वनैश्चोपवनैरपि
ārāmaiśca vihāraiśca taḍāgavaṭacatvaraiḥ sarobhiśca saridbhiśca vanaiścopavanairapi
(and) with pleasure-groves and pleasure-halls, with tanks, banyan trees and courtyards, with lakes and with rivers, and with forests and parks as well,
AI translation rendered from the Sanskrit, not a published edition
MtP 130.26
दिव्यभोगोपभोगानि नानारत्नयुतानि च पुष्पोत्करैश्च सुभगास् त्रिपुरस्योपनिर्गमाः परिखाशतगम्भीराः कृता मायानिवारणैः
divyabhogopabhogāni nānāratnayutāni ca puṣpotkaraiśca subhagās tripurasyopanirgamāḥ parikhāśatagambhīrāḥ kṛtā māyānivāraṇaiḥ
The exits of Tripura had divine enjoyments and means of enjoyment, were furnished with various jewels, and were lovely with heaps of flowers; they were made deep with hundreds of moats, (guarded) by illusions that warded (attackers) off.
AI translation rendered from the Sanskrit, not a published edition — the model flagged this verse as uncertain
MtP 130.27
निशम्य तद्दुर्गविधानमुत्तमं कृतं मयेनाद्भुतवीर्यकर्मणा दितेः सुता दैवतराजवैरिणः सहस्रशः प्रापुरनन्तविक्रमाः
niśamya taddurgavidhānamuttamaṃ kṛtaṃ mayenādbhutavīryakarmaṇā diteḥ sutā daivatarājavairiṇaḥ sahasraśaḥ prāpuranantavikramāḥ
Hearing of that excellent construction of the fortress, made by Maya of wondrous valour and deeds, the sons of Diti, foes of the king of the gods, of boundless might, arrived there by thousands.
AI translation rendered from the Sanskrit, not a published edition
MtP 130.28
तदासुरैर्दर्पितवैरिमर्दनैर् जनार्दनैः शैलकरीन्द्रसंनिभैः बभूव पूर्णं त्रिपुरं तथा पुरा यथाम्बरं भूरिजलैर् जलप्रदैः
tadāsurairdarpitavairimardanair janārdanaiḥ śailakarīndrasaṃnibhaiḥ babhūva pūrṇaṃ tripuraṃ tathā purā yathāmbaraṃ bhūrijalair jalapradaiḥ
Then Tripura became filled with those asuras, crushers of arrogant foes, tormentors of men, resembling mountains and great elephants, just as of old the sky (was filled) with rain-giving clouds abundant with water.
AI translation rendered from the Sanskrit, not a published edition