Matsya Purana — Chapter 13
MtP 13.1
भगवञ्श्रोतुमिच्छामि पितॄणां वंशमुत्तमम् रवेश्च श्राद्धदेवत्वं सोमस्य च विशेषतः
bhagavañśrotumicchāmi pitṝṇāṃ vaṃśamuttamam raveśca śrāddhadevatvaṃ somasya ca viśeṣataḥ
Reverend one, I wish to hear the excellent lineage of the Fathers, and how the sun became a deity of the śrāddha, and especially the moon.
AI translation rendered from the Sanskrit, not a published edition
MtP 13.2
हन्त ते कथयिष्यामि पितॄणां वंशमुत्तमम् स्वर्गे पितृगणाः सप्त त्रयस्तेषाममूर्तयः
hanta te kathayiṣyāmi pitṝṇāṃ vaṃśamuttamam svarge pitṛgaṇāḥ sapta trayasteṣāmamūrtayaḥ
Very well, I shall relate to you the excellent lineage of the Fathers. In heaven there are seven hosts of Fathers; three of them are without form,
AI translation rendered from the Sanskrit, not a published edition
MtP 13.3
मूर्तिमन्तो ऽथ चत्वारः सर्वेषाममितौजसः अमूर्तयः पितृगणा वैराजस्य प्रजापतेः
mūrtimanto 'tha catvāraḥ sarveṣāmamitaujasaḥ amūrtayaḥ pitṛgaṇā vairājasya prajāpateḥ
and then four possess form; all of them are of measureless energy. The formless hosts of Fathers (belong) to Vairāja, the lord of creatures.
AI translation rendered from the Sanskrit, not a published edition
MtP 13.4
जयन्ति यान्देवगणा वैराजा इति विश्रुताः ये चैते योगविभ्रष्टाः प्राप्य लोकान्सनातनान्
jayanti yāndevagaṇā vairājā iti viśrutāḥ ye caite yogavibhraṣṭāḥ prāpya lokānsanātanān
whom the god-hosts renowned as the Vairājas conquer(?); and those who, having fallen from yoga, having reached the eternal worlds,
AI translation rendered from the Sanskrit, not a published edition — the model flagged this verse as uncertain
MtP 13.5
पुनर्ब्रह्मदिनान्ते तु जायन्ते ब्रह्मवादिनः सम्प्राप्य तां स्मृतिं भूयो योगं सांख्यमनुत्तमम्
punarbrahmadinānte tu jāyante brahmavādinaḥ samprāpya tāṃ smṛtiṃ bhūyo yogaṃ sāṃkhyamanuttamam
are born again at the end of Brahmā's day as expounders of brahman, having recovered that memory and once more the unsurpassed yoga and Sāṃkhya;
AI translation rendered from the Sanskrit, not a published edition
MtP 13.6
सिद्धिं प्रयान्ति योगेन पुनरावृत्तिदुर्लभाम् योगिनामेव देयानि तस्माच्छ्राद्धानि दातृभिः
siddhiṃ prayānti yogena punarāvṛttidurlabhām yogināmeva deyāni tasmācchrāddhāni dātṛbhiḥ
they go by yoga to that perfection from which return is hard to come by. Therefore śrāddha offerings are to be given by donors to yogins alone.
AI translation rendered from the Sanskrit, not a published edition — the model flagged this verse as uncertain
MtP 13.7
एतेषां मानसी कन्या पत्नी हिमवतो मता मैनाकस्तस्य दायादः क्रौञ्चस्तस्याग्रजो ऽभवत् क्रौञ्चद्वीपः स्मृतो येन चतुर्थो घृतसंवृतः
eteṣāṃ mānasī kanyā patnī himavato matā mainākastasya dāyādaḥ krauñcastasyāgrajo 'bhavat krauñcadvīpaḥ smṛto yena caturtho ghṛtasaṃvṛtaḥ
A mind-born daughter of these is held to be the wife of Himavat; Maināka (was) his heir, and Krauñca was that one's elder brother, by whom the fourth continent, Krauñcadvīpa, surrounded by ghee, is known (i.e. named).
AI translation rendered from the Sanskrit, not a published edition — the model flagged this verse as uncertain
MtP 13.8
मेना च सुषुवे तिस्रः कन्या योगवतीस्ततः उमैकपर्णापर्णा च तीव्रव्रतपरायणाः
menā ca suṣuve tisraḥ kanyā yogavatīstataḥ umaikaparṇāparṇā ca tīvravrataparāyaṇāḥ
And Menā then bore three daughters endowed with yoga: Umā, Ekaparṇā and Aparṇā, devoted to severe vows.
AI translation rendered from the Sanskrit, not a published edition
MtP 13.9
रुद्रस्यैका सितस्यैका जैगीषव्यस्य चापरा दत्ता हिमवता बालाः सर्वा लोके तपो ऽधिकाः
rudrasyaikā sitasyaikā jaigīṣavyasya cāparā dattā himavatā bālāḥ sarvā loke tapo 'dhikāḥ
One was given by Himavat to Rudra, one to Sita, and the other to Jaigīṣavya — girls all of whom surpassed (others) in the world in ascetic power.
AI translation rendered from the Sanskrit, not a published edition
MtP 13.10
कस्माद्दाक्षायणी पूर्वं ददाहात्मानमात्मना हिमवद्दुहिता तद्वत् कथं जाता महीतले
kasmāddākṣāyaṇī pūrvaṃ dadāhātmānamātmanā himavadduhitā tadvat kathaṃ jātā mahītale
Why did the daughter of Dakṣa formerly burn herself by her own (act)? And how, in like manner, was she born on the surface of the earth as the daughter of Himavat?
AI translation rendered from the Sanskrit, not a published edition
MtP 13.11
संहरन्ती किमुक्तासौ सुता वा ब्रह्मसूनुना दक्षेण लोकजननी सूत विस्तरतो वद
saṃharantī kimuktāsau sutā vā brahmasūnunā dakṣeṇa lokajananī sūta vistarato vada
What was said to her, as she was destroying (herself), or to the daughter, by Dakṣa the son of Brahmā — she, the mother of the worlds? Sūta, tell it in full.
AI translation rendered from the Sanskrit, not a published edition — the model flagged this verse as uncertain
MtP 13.12
दक्षस्य यज्ञे वितते प्रभूतवरदक्षिणे समाहूतेषु देवेषु प्रोवाच पितरं सती
dakṣasya yajñe vitate prabhūtavaradakṣiṇe samāhūteṣu deveṣu provāca pitaraṃ satī
When Dakṣa's sacrifice was spread out, with abundant and excellent sacrificial gifts, and when the gods had been summoned, Satī spoke to her father:
AI translation rendered from the Sanskrit, not a published edition
MtP 13.13
किमर्थं तात भर्ता मे यज्ञे ऽस्मिन्नाभिमन्त्रितः अयोग्य इति तामाह दक्षो यज्ञेषु शूलभृत्
kimarthaṃ tāta bhartā me yajñe 'sminnābhimantritaḥ ayogya iti tāmāha dakṣo yajñeṣu śūlabhṛt
"Father, why has my husband not been invited to this sacrifice?" Dakṣa said to her: "The bearer of the trident is unfit at sacrifices.
AI translation rendered from the Sanskrit, not a published edition
MtP 13.14
उपसंहारकृद्रुद्रस् तेनामङ्गलभागयम् चुकोपाथ सती देहं त्यक्ष्यामीति त्वदुद्भवम्
upasaṃhārakṛdrudras tenāmaṅgalabhāgayam cukopātha satī dehaṃ tyakṣyāmīti tvadudbhavam
Rudra is the maker of dissolution; therefore his portion is inauspicious." Then Satī grew angry: "I shall cast off this body that arose from you.
AI translation rendered from the Sanskrit, not a published edition
MtP 13.15
दशानां त्वं च भविता पितॄणामेकपुत्रकः क्षत्रियत्वे ऽश्वमेधे च रुद्रात्त्वं नाशमेष्यसि
daśānāṃ tvaṃ ca bhavitā pitṝṇāmekaputrakaḥ kṣatriyatve 'śvamedhe ca rudrāttvaṃ nāśameṣyasi
"And you shall become the sole son of the ten Fathers; and in your kṣatriya state, at a horse-sacrifice, you will meet destruction at Rudra's hands."
AI translation rendered from the Sanskrit, not a published edition
MtP 13.16
इत्युक्त्वा योगमास्थाय स्वदेहोद्भवतेजसा निर्दहन्ती तदात्मानं सदेवासुरकिंनरैः
ityuktvā yogamāsthāya svadehodbhavatejasā nirdahantī tadātmānaṃ sadevāsurakiṃnaraiḥ
Having said this, she took up yoga and, with the fiery power arisen from her own body, burned herself up then, together with (before) the gods, asuras and kiṃnaras.
AI translation rendered from the Sanskrit, not a published edition
MtP 13.17
किं किमेतदिति प्रोक्ता गन्धर्वगणगुह्यकैः उपगम्याब्रवीद्दक्षः प्रणिपत्याथ दुःखितः
kiṃ kimetaditi proktā gandharvagaṇaguhyakaiḥ upagamyābravīddakṣaḥ praṇipatyātha duḥkhitaḥ
"What is this, what is this?" was said by the throngs of gandharvas and guhyakas; and Dakṣa, grieving, approached, bowed down, and spoke.
AI translation rendered from the Sanskrit, not a published edition
MtP 13.18
त्वमस्य जगतो माता जगत्सौभाग्यदेवता दुहितृत्वं गता देवि ममानुग्रहकाम्यया
tvamasya jagato mātā jagatsaubhāgyadevatā duhitṛtvaṃ gatā devi mamānugrahakāmyayā
"You are the mother of this world, the deity of the world's good fortune; you have taken the state of a daughter, O goddess, out of a wish to favour me.
AI translation rendered from the Sanskrit, not a published edition
MtP 13.19
न त्वया रहितं किंचिद् ब्रह्माण्डे सचराचरम् प्रसादं कुरु धर्मज्ञे न मां त्यक्तुमिहार्हसि
na tvayā rahitaṃ kiṃcid brahmāṇḍe sacarācaram prasādaṃ kuru dharmajñe na māṃ tyaktumihārhasi
"Nothing in the egg of Brahmā, with its moving and unmoving beings, is devoid of you. Show favour, O knower of dharma; you ought not to abandon me here."
AI translation rendered from the Sanskrit, not a published edition
MtP 13.20
प्राह देवी यदारब्धं तत्कार्यं मे न संशयः किंत्ववश्यं त्वया मर्त्ये हतयज्ञेन शूलिना
prāha devī yadārabdhaṃ tatkāryaṃ me na saṃśayaḥ kiṃtvavaśyaṃ tvayā martye hatayajñena śūlinā
The goddess said: "What has been begun by me must be carried through, no doubt; but the sacrifice of yours will inevitably be destroyed by the trident-bearer, and you will (become) mortal."
AI translation rendered from the Sanskrit, not a published edition — the model flagged this verse as uncertain
MtP 13.21
प्रसादे लोकसृष्ट्यर्थं तपः कार्यं ममान्तिके प्रजापतिस्त्वं भविता दशानामङ्गजो ऽप्यलम्
prasāde lokasṛṣṭyarthaṃ tapaḥ kāryaṃ mamāntike prajāpatistvaṃ bhavitā daśānāmaṅgajo 'pyalam
"As a favour, for the sake of the creation of the worlds, austerity is to be performed by you near me; you will become a Prajāpati, and indeed the bodily begetter of ten (sons)."
AI translation rendered from the Sanskrit, not a published edition — the model flagged this verse as uncertain
MtP 13.22
मदंशेनाङ्गना षष्टिर् भविष्यन्त्यङ्गजास्तव मत्संनिधौ तपः कुर्वन् प्राप्स्यसे योगमुत्तमम्
madaṃśenāṅganā ṣaṣṭir bhaviṣyantyaṅgajāstava matsaṃnidhau tapaḥ kurvan prāpsyase yogamuttamam
"By a portion of me, sixty women will come to be, born of your body; performing austerity in my presence, you will attain the highest yoga."
AI translation rendered from the Sanskrit, not a published edition
MtP 13.23
एवमुक्तो ऽब्रवीद्दक्षः केषु केषु मयानघे तीर्थेषु च त्वं द्रष्टव्या स्तोतव्या कैश्च नामभिः
evamukto 'bravīddakṣaḥ keṣu keṣu mayānaghe tīrtheṣu ca tvaṃ draṣṭavyā stotavyā kaiśca nāmabhiḥ
Addressed thus, Dakṣa said: "In which and which sacred places, O sinless one, are you to be seen by me, and by what names are you to be praised?"
AI translation rendered from the Sanskrit, not a published edition
MtP 13.24
सर्वदा सर्वभूतेषु द्रष्टव्या सर्वतो भुवि सर्वलोकेषु यत्किंचिद् रहितं न मया विना
sarvadā sarvabhūteṣu draṣṭavyā sarvato bhuvi sarvalokeṣu yatkiṃcid rahitaṃ na mayā vinā
"I am always to be seen in all beings, everywhere on earth; in all the worlds there is nothing at all that is void, without me.
AI translation rendered from the Sanskrit, not a published edition
MtP 13.25
तथापि येषु स्थानेषु द्रष्टव्या सिद्धिमीप्सुभिः स्मर्तव्या भूतिकामैर् वा तानि वक्ष्यामि तत्त्वतः
tathāpi yeṣu sthāneṣu draṣṭavyā siddhimīpsubhiḥ smartavyā bhūtikāmair vā tāni vakṣyāmi tattvataḥ
"Even so, I shall tell truly those places in which I am to be seen by those seeking accomplishment, or to be remembered by those desiring prosperity.
AI translation rendered from the Sanskrit, not a published edition
MtP 13.26
वाराणस्यां विशालाक्षी नैमिषे लिङ्गधारिणी प्रयागे ललिता देवी कामाक्षी गन्धमादने मानसे कुमुदा नाम विश्वकाया तथाम्बरे
vārāṇasyāṃ viśālākṣī naimiṣe liṅgadhāriṇī prayāge lalitā devī kāmākṣī gandhamādane mānase kumudā nāma viśvakāyā tathāmbare
"In Vārāṇasī, Viśālākṣī; in Naimiṣa, Liṅgadhāriṇī; in Prayāga, the goddess Lalitā; in Gandhamādana, Kāmākṣī; in Mānasa, Kumudā by name; and in Ambara, Viśvakāyā.
AI translation rendered from the Sanskrit, not a published edition
MtP 13.27
गोमन्ते गोमती नाम मन्दरे कामचारिणी मदोत्कटा चैत्ररथे जयन्ती हस्तिनापुरे
gomante gomatī nāma mandare kāmacāriṇī madotkaṭā caitrarathe jayantī hastināpure
"In Gomanta, Gomatī by name; in Mandara, Kāmacāriṇī; in Caitraratha, Madotkaṭā; in Hastināpura, Jayantī.
AI translation rendered from the Sanskrit, not a published edition
MtP 13.28
कान्यकुब्जे तथा गौरी रम्भा मलयपर्वते एकाम्भके कीर्तिमती विश्वां विश्वेश्वरे विदुः
kānyakubje tathā gaurī rambhā malayaparvate ekāmbhake kīrtimatī viśvāṃ viśveśvare viduḥ
"In Kānyakubja, Gaurī; on the Malaya mountain, Rambhā; in Ekāmbhaka, Kīrtimatī; in Viśveśvara they know her as Viśvā.
AI translation rendered from the Sanskrit, not a published edition
MtP 13.29
पुष्करे पुरुहूतेति केदारे मार्गदायिनी नन्दा हिमवतः पृष्ठे गोकर्णे भद्रकर्णिका
puṣkare puruhūteti kedāre mārgadāyinī nandā himavataḥ pṛṣṭhe gokarṇe bhadrakarṇikā
"In Puṣkara, Puruhūtā; in Kedāra, Mārgadāyinī; on the back of Himavat, Nandā; in Gokarṇa, Bhadrakarṇikā.
AI translation rendered from the Sanskrit, not a published edition
MtP 13.30
स्थानेश्वरे भवानी तु बिल्वले बिल्वपत्त्रिका श्रीशैले माधवी नाम भद्रा भद्रेश्वरे तथा
sthāneśvare bhavānī tu bilvale bilvapattrikā śrīśaile mādhavī nāma bhadrā bhadreśvare tathā
"In Sthāneśvara, Bhavānī; in Bilvala, Bilvapattrikā; in Śrīśaila, Mādhavī by name; and in Bhadreśvara, Bhadrā.
AI translation rendered from the Sanskrit, not a published edition
MtP 13.31
जया वराहशैले तु कामला कमलालये रुद्रकोट्यां च रुद्राणी काली कालञ्जरे गिरौ
jayā varāhaśaile tu kāmalā kamalālaye rudrakoṭyāṃ ca rudrāṇī kālī kālañjare girau
"On the Varāha mountain, Jayā; in Kamalālaya, Kāmalā; in Rudrakoṭi, Rudrāṇī; on the Kālañjara mountain, Kālī.
AI translation rendered from the Sanskrit, not a published edition
MtP 13.32
महालिङ्गे तु कपिला मर्कोटे मुकुटेश्वरी शालग्रामे महादेवी शिवलिङ्गे जलप्रिया
mahāliṅge tu kapilā markoṭe mukuṭeśvarī śālagrāme mahādevī śivaliṅge jalapriyā
"In Mahāliṅga, Kapilā; in Markoṭa, Mukuṭeśvarī; in Śālagrāma, Mahādevī; in Śivaliṅga, Jalapriyā.
AI translation rendered from the Sanskrit, not a published edition
MtP 13.33
मायापुर्यां कुमारी तु संताने ललिता तथा उत्पलाक्षी सहस्राक्षे कमलाक्षे महोत्पला
māyāpuryāṃ kumārī tu saṃtāne lalitā tathā utpalākṣī sahasrākṣe kamalākṣe mahotpalā
"In Māyāpurī, Kumārī; and in Saṃtāna, Lalitā; in Sahasrākṣa, Utpalākṣī; in Kamalākṣa, Mahotpalā.
AI translation rendered from the Sanskrit, not a published edition
MtP 13.34
गङ्गायां मङ्गला नाम विमिला पुरुषोत्तमे विपाशायाम् अमोघाक्षी पाटला पुण्ड्रवर्धने
gaṅgāyāṃ maṅgalā nāma vimilā puruṣottame vipāśāyām amoghākṣī pāṭalā puṇḍravardhane
"On the Gaṅgā, Maṅgalā by name; in Puruṣottama, Vimalā; on the Vipāśā, Amoghākṣī; in Puṇḍravardhana, Pāṭalā.
AI translation rendered from the Sanskrit, not a published edition
MtP 13.35
नारायणी सुपार्श्वे तु विकूटे भद्रसुन्दरी विपुले विपुला नाम कल्याणी मलयाचले
nārāyaṇī supārśve tu vikūṭe bhadrasundarī vipule vipulā nāma kalyāṇī malayācale
At Supārśva (she is) Nārāyaṇī, at Vikūṭa Bhadrasundarī, at Vipula (she is) named Vipulā, and Kalyāṇī on the Malaya mountain.
AI translation rendered from the Sanskrit, not a published edition
MtP 13.36
कोटवी कोटितीर्थे तु सुगन्धा माधवे वने गोदाश्रमे त्रिसंध्या तु गङ्गाद्वारे रतिप्रिया
koṭavī koṭitīrthe tu sugandhā mādhave vane godāśrame trisaṃdhyā tu gaṅgādvāre ratipriyā
At Koṭitīrtha (she is) Koṭavī, in the Mādhava forest Sugandhā, at Godāśrama Trisaṃdhyā, and at Gaṅgādvāra Ratipriyā.
AI translation rendered from the Sanskrit, not a published edition
MtP 13.37
शिवकुण्डे शिवानन्दा नन्दिनी देविकातटे रुक्मिणी द्वारवत्यां तु राधा वृन्दावने वने
śivakuṇḍe śivānandā nandinī devikātaṭe rukmiṇī dvāravatyāṃ tu rādhā vṛndāvane vane
At Śivakuṇḍa (she is) Śivānandā, on the bank of the Devikā Nandinī, at Dvāravatī Rukmiṇī, and in the Vṛndāvana forest Rādhā.
AI translation rendered from the Sanskrit, not a published edition
MtP 13.38
देवकी मथुरायां तु पाताले परमेश्वरी चित्रकूटे तथा सीता विन्ध्ये विन्ध्याधिवासिनी
devakī mathurāyāṃ tu pātāle parameśvarī citrakūṭe tathā sītā vindhye vindhyādhivāsinī
At Mathurā (she is) Devakī, in the underworld Parameśvarī, at Citrakūṭa likewise Sītā, and in the Vindhya (range) Vindhyādhivāsinī.
AI translation rendered from the Sanskrit, not a published edition
MtP 13.39
सह्याद्राव् एकवीरा तु हरिश्चन्द्रे तु चन्द्रिका रमणा रामतीर्थे तु यमुनायां मृगावती
sahyādrāv ekavīrā tu hariścandre tu candrikā ramaṇā rāmatīrthe tu yamunāyāṃ mṛgāvatī
On the Sahya mountain (she is) Ekavīrā, at Hariścandra Candrikā, at Rāmatīrtha Ramaṇā, and on the Yamunā Mṛgāvatī.
AI translation rendered from the Sanskrit, not a published edition
MtP 13.40
करवीरे महालक्ष्मीर् उमा देवी विनायके अरोगा वैद्यनाथे तु महाकाले महेश्वरी
karavīre mahālakṣmīr umā devī vināyake arogā vaidyanāthe tu mahākāle maheśvarī
At Karavīra (she is) Mahālakṣmī, at Vināyaka the goddess Umā, at Vaidyanātha Arogā, and at Mahākāla Maheśvarī.
AI translation rendered from the Sanskrit, not a published edition
MtP 13.41
अभयेत्युष्णतीर्थेषु चामृता विन्ध्यकन्दरे माण्डव्ये माण्डवी नाम स्वाहा माहेश्वरे पुरे
abhayetyuṣṇatīrtheṣu cāmṛtā vindhyakandare māṇḍavye māṇḍavī nāma svāhā māheśvare pure
At the hot springs (she is) Abhayā, and in the Vindhya cave Amṛtā, at Māṇḍavya (she is) named Māṇḍavī, and in the city of Māheśvara Svāhā.
AI translation rendered from the Sanskrit, not a published edition
MtP 13.42
छागलाण्डे प्रचण्डा तु चण्डिका मकरन्दके सोमेश्वरे वरारोहा प्रभासे पुष्करावती
chāgalāṇḍe pracaṇḍā tu caṇḍikā makarandake someśvare varārohā prabhāse puṣkarāvatī
At Chāgalāṇḍa (she is) Pracaṇḍā, at Makarandaka Caṇḍikā, at Someśvara Varārohā, at Prabhāsa Puṣkarāvatī.
AI translation rendered from the Sanskrit, not a published edition
MtP 13.43
देवमाता सरस्वत्यां पारावारतटे मता महालये महाभागा पयोष्ण्यां पिङ्गलेश्वरी
devamātā sarasvatyāṃ pārāvārataṭe matā mahālaye mahābhāgā payoṣṇyāṃ piṅgaleśvarī
On the Sarasvatī (she is) held to be Devamātā, on the shore of the ocean (Pārāvāra), at Mahālaya Mahābhāgā, on the Payoṣṇī Piṅgaleśvarī.
AI translation rendered from the Sanskrit, not a published edition
MtP 13.44
सिंहिका कृतशौचे तु कार्त्तिकेये यशस्करी उत्पलावर्तके लोला सुभद्रा शोणसंगमे
siṃhikā kṛtaśauce tu kārttikeye yaśaskarī utpalāvartake lolā subhadrā śoṇasaṃgame
At Kṛtaśauca (she is) Siṃhikā, at Kārttikeya Yaśaskarī, at Utpalāvartaka Lolā, at the confluence of the Śoṇa Subhadrā.
AI translation rendered from the Sanskrit, not a published edition
MtP 13.45
माता सिद्धपुरे लक्ष्मीर् अङ्गना भरताश्रमे जालंधरे विश्वमुखी तारा किष्किन्धपर्वते
mātā siddhapure lakṣmīr aṅganā bharatāśrame jālaṃdhare viśvamukhī tārā kiṣkindhaparvate
At Siddhapura (she is) Mātā, at Bharatāśrama Lakṣmī Aṅganā, at Jālaṃdhara Viśvamukhī, on the Kiṣkindha mountain Tārā.
AI translation rendered from the Sanskrit, not a published edition
MtP 13.46
देवदारुवने पुष्टिर् मेधा काश्मीरमण्डले भीमा देवी हिमाद्रौ तु पुष्टिर्विश्वेश्वरे तथा
devadāruvane puṣṭir medhā kāśmīramaṇḍale bhīmā devī himādrau tu puṣṭirviśveśvare tathā
In the Devadāru forest (she is) Puṣṭi, in the region of Kaśmīr Medhā, on the Himālaya the goddess Bhīmā, and likewise Puṣṭi at Viśveśvara.
AI translation rendered from the Sanskrit, not a published edition
MtP 13.47
कपालमोचने शुद्धिर् माता कायावरोहणे शङ्खोद्धारे ध्वनिर्नाम धृतिः पिण्डारके तथा
kapālamocane śuddhir mātā kāyāvarohaṇe śaṅkhoddhāre dhvanirnāma dhṛtiḥ piṇḍārake tathā
At Kapālamocana (she is) Śuddhi, at Kāyāvarohaṇa Mātā, at Śaṅkhoddhāra (she is) named Dhvani, and likewise Dhṛti at Piṇḍāraka.
AI translation rendered from the Sanskrit, not a published edition
MtP 13.48
काला तु चन्द्रभागायाम् अच्छोदे शिवकारिणी वेणायाममृता नाम बदर्यामुर्वशी तथा
kālā tu candrabhāgāyām acchode śivakāriṇī veṇāyāmamṛtā nāma badaryāmurvaśī tathā
On the Candrabhāgā (she is) Kālā, at Acchoda Śivakāriṇī, on the Veṇā (she is) named Amṛtā, and likewise Urvaśī at Badarī.
AI translation rendered from the Sanskrit, not a published edition
MtP 13.49
ओषधी चोत्तरकुरौ कुशद्वीपे कुशोदका मन्मथा हेमकूटे तु मुकुटे सत्यवादिनी
oṣadhī cottarakurau kuśadvīpe kuśodakā manmathā hemakūṭe tu mukuṭe satyavādinī
And in Uttarakuru (she is) Oṣadhī, on Kuśadvīpa Kuśodakā, on Hemakūṭa Manmathā, and on Mukuṭa Satyavādinī.
AI translation rendered from the Sanskrit, not a published edition
MtP 13.50
अश्वत्थे वन्दनीया तु निधिर्वैश्रवणालये गायत्री वेदवदने पार्वती शिवसंनिधौ
aśvatthe vandanīyā tu nidhirvaiśravaṇālaye gāyatrī vedavadane pārvatī śivasaṃnidhau
In the aśvattha tree (she is) Vandanīyā, in the abode of Vaiśravaṇa Nidhi, in the mouth of the Veda Gāyatrī, in Śiva's presence Pārvatī.
AI translation rendered from the Sanskrit, not a published edition
MtP 13.51
देवलोके तथेन्द्राणी ब्रह्मास्येषु सरस्वती सूर्यबिम्बे प्रभा नाम मातॄणां वैष्णवी मता
devaloke tathendrāṇī brahmāsyeṣu sarasvatī sūryabimbe prabhā nāma mātṝṇāṃ vaiṣṇavī matā
So too in the world of the gods (she is) Indrāṇī, in the mouths of Brahmā Sarasvatī, in the sun's orb (she is) named Prabhā, and among the Mothers she is held to be Vaiṣṇavī.
AI translation rendered from the Sanskrit, not a published edition
MtP 13.52
अरुन्धती सतीनां तु रामासु च तिलोत्तमा चित्ते ब्रह्मकला नाम शक्तिः सर्वशरीरिणाम्
arundhatī satīnāṃ tu rāmāsu ca tilottamā citte brahmakalā nāma śaktiḥ sarvaśarīriṇām
Among chaste wives (she is) Arundhatī, and among beautiful women Tilottamā; in the mind (she is) called Brahmakalā, the power of all embodied beings.
AI translation rendered from the Sanskrit, not a published edition
MtP 13.53
एतदुद्देशतः प्रोक्तं नामाष्टशतमुत्तमम् अष्टोत्तरं च तीर्थानां शतमेतदुदाहृतम्
etaduddeśataḥ proktaṃ nāmāṣṭaśatamuttamam aṣṭottaraṃ ca tīrthānāṃ śatametadudāhṛtam
This excellent set of one hundred and eight names has been declared summarily, and this hundred and eight of holy places has been recited.
AI translation rendered from the Sanskrit, not a published edition
MtP 13.54
यः स्मरेच्छृणुयाद् वापि सर्वपापैः प्रमुच्यते एषु तीर्थेषु यः कृत्वा स्नानं पश्यति मां नरः
yaḥ smarecchṛṇuyād vāpi sarvapāpaiḥ pramucyate eṣu tīrtheṣu yaḥ kṛtvā snānaṃ paśyati māṃ naraḥ
Whoever remembers or even hears (it) is released from all sins; and the man who, having bathed at these holy places, looks upon me—
AI translation rendered from the Sanskrit, not a published edition
MtP 13.55
सर्वपापविनिर्मुक्तः कल्पं शिवपुरे वसेत् यस्तु मत्परमं कालं करोत्येतेषु मानवः
sarvapāpavinirmuktaḥ kalpaṃ śivapure vaset yastu matparamaṃ kālaṃ karotyeteṣu mānavaḥ
Freed from all sins, he shall dwell for a kalpa in Śiva's city. And the man who, at these (holy places), makes an end of his time with me as his highest (goal)—
AI translation rendered from the Sanskrit, not a published edition
MtP 13.56
स भित्त्वा ब्रह्मसदनं पदमभ्येति शांकरम् नाम्नामष्टशतं यस्तु श्रावयेच्छिवसंनिधौ
sa bhittvā brahmasadanaṃ padamabhyeti śāṃkaram nāmnāmaṣṭaśataṃ yastu śrāvayecchivasaṃnidhau
he, breaking through Brahmā's abode, goes to Śaṃkara's state. And whoever causes the hundred and eight names to be heard in Śiva's presence—
AI translation rendered from the Sanskrit, not a published edition
MtP 13.57
तृतीयायामथाष्टम्यां बहुपुत्रो भवेन्नरः गोदाने श्राद्धदाने वा अहन्य् अहनि वा बुधः
tṛtīyāyāmathāṣṭamyāṃ bahuputro bhavennaraḥ godāne śrāddhadāne vā ahany ahani vā budhaḥ
on the third or on the eighth (lunar day), a man becomes one with many sons; or at the giving of a cow or the giving of a śrāddha, or day after day, the wise man,
AI translation rendered from the Sanskrit, not a published edition
MtP 13.58
देवार्चनविधौ विद्वान् पठन् ब्रह्माधिगच्छति एवं वदन्ती सा तत्र ददाहात्मानम् आत्मना
devārcanavidhau vidvān paṭhan brahmādhigacchati evaṃ vadantī sā tatra dadāhātmānam ātmanā
learned, reciting (them) in the rite of worshipping the god, attains brahman. Saying this, she there burned up herself by herself.
AI translation rendered from the Sanskrit, not a published edition
MtP 13.59
स्वायम्भुवो ऽपि कालेन दक्षः प्राचेतसो ऽभवत् पार्वती साभवद्देवी शिवदेहार्धधारिणी
svāyambhuvo 'pi kālena dakṣaḥ prācetaso 'bhavat pārvatī sābhavaddevī śivadehārdhadhāriṇī
In time the (daughter) of the Self-existent one became (the daughter) of Dakṣa Prācetasa; she became the goddess Pārvatī, who bears half of Śiva's body.
AI translation rendered from the Sanskrit, not a published edition — the model flagged this verse as uncertain
MtP 13.60
मेनागर्भसमुत्पन्ना भुक्तमुक्तिफलप्रदा अरुन्धती जपन्त्येतत् प्राप योगमनुत्तमम्
menāgarbhasamutpannā bhuktamuktiphalapradā arundhatī japantyetat prāpa yogamanuttamam
born from Menā's womb, granting the fruit of enjoyment and of liberation. Arundhatī, murmuring this, obtained the unsurpassed yoga.
AI translation rendered from the Sanskrit, not a published edition
MtP 13.61
पुरूरवाश्च राजर्षिलोके व्यजेयताम् अगात् ययातिः पुत्रलाभं च धनलाभं च भार्गवः
purūravāśca rājarṣiloke vyajeyatām agāt yayātiḥ putralābhaṃ ca dhanalābhaṃ ca bhārgavaḥ
And Purūravas attained invincibility in the world of royal sages; Yayāti (obtained) the gaining of sons, and Bhārgava the gaining of wealth.
AI translation rendered from the Sanskrit, not a published edition — the model flagged this verse as uncertain
MtP 13.62
तथान्ये देवदैत्याश्च ब्राह्मणाः क्षत्रियास्तथा वैश्याः शूद्राश्च बहवः सिद्धिमीयुर्यथेप्सिताम्
tathānye devadaityāśca brāhmaṇāḥ kṣatriyāstathā vaiśyāḥ śūdrāśca bahavaḥ siddhimīyuryathepsitām
So too others—gods and demons, brahmins and kṣatriyas, vaiśyas and śūdras, many of them—attained the accomplishment they desired.
AI translation rendered from the Sanskrit, not a published edition
MtP 13.63
यत्रैतल्लिखितं तिष्ठेत् पूज्यते देवसंनिधौ न तत्र शोको दौर्गत्यं कदाचिदपि जायते
yatraitallikhitaṃ tiṣṭhet pūjyate devasaṃnidhau na tatra śoko daurgatyaṃ kadācidapi jāyate
Where this stands written and is worshipped in the presence of the god, there neither grief nor misfortune ever arises.
AI translation rendered from the Sanskrit, not a published edition