Matsya Purana — Chapter 123
MtP 123.1
गोमेदकं प्रवक्ष्यामि षष्ठं द्वीपं तपोधनाः सुरोदकसमुद्रस्तु गोमेदेन समावृतः
gomedakaṃ pravakṣyāmi ṣaṣṭhaṃ dvīpaṃ tapodhanāḥ surodakasamudrastu gomedena samāvṛtaḥ
I shall now declare Gomedaka, the sixth island, O you whose wealth is austerity: the ocean of liquor is encircled by Gomeda.
AI translation rendered from the Sanskrit, not a published edition
MtP 123.2
शाल्मलस्य तु विस्ताराद् द्विगुणस्तस्य विस्तरः तस्मिन्द्वीपे तु विज्ञेयौ पर्वतौ द्वौ समाहितौ
śālmalasya tu vistārād dviguṇastasya vistaraḥ tasmindvīpe tu vijñeyau parvatau dvau samāhitau
Its extent is twice the extent of Śālmala. On that island two mountains are to be known, set firmly (there).
AI translation rendered from the Sanskrit, not a published edition
MtP 123.3
प्रथमः सुमना नाम जात्यञ्जनमयो गिरिः द्वितीयः कुमुदो नाम सर्वौषधिसमन्वितः
prathamaḥ sumanā nāma jātyañjanamayo giriḥ dvitīyaḥ kumudo nāma sarvauṣadhisamanvitaḥ
The first is the mountain named Sumanas, made of fine black antimony; the second is named Kumuda, furnished with every healing herb.
AI translation rendered from the Sanskrit, not a published edition
MtP 123.4
शातकौम्भमयः श्रीमान् विज्ञेयः सुमहाचितः समुद्रेक्षुरसोदेन वृतो गोमेदकश्च सः
śātakaumbhamayaḥ śrīmān vijñeyaḥ sumahācitaḥ samudrekṣurasodena vṛto gomedakaśca saḥ
Made of gold, glorious, it is to be known as very greatly heaped up; and that Gomedaka is encircled by the ocean of sugarcane juice.
AI translation rendered from the Sanskrit, not a published edition — the model flagged this verse as uncertain
MtP 123.5
षष्ठेन तु समुद्रेण सुरोदाद्द्विगुणेन च धातकीकुमुदश्चैव हव्यपुत्रौ सुविस्तृतौ
ṣaṣṭhena tu samudreṇa surodāddviguṇena ca dhātakīkumudaścaiva havyaputrau suvistṛtau
and by the sixth ocean, twice (the size) of the liquor-ocean. Dhātakī and Kumuda, the two sons of Havya, are of great extent.
AI translation rendered from the Sanskrit, not a published edition — the model flagged this verse as uncertain
MtP 123.6
सौमनं प्रथमं वर्षं धातकीखण्डमुच्यते धातकिनः स्मृतं तद्वै प्रथमं प्रथमस्य तु
saumanaṃ prathamaṃ varṣaṃ dhātakīkhaṇḍamucyate dhātakinaḥ smṛtaṃ tadvai prathamaṃ prathamasya tu
The first region (varṣa) is Saumana; it is called Dhātakīkhaṇḍa. That first (region) is indeed recorded as belonging to Dhātaki, the first (son).
AI translation rendered from the Sanskrit, not a published edition — the model flagged this verse as uncertain
MtP 123.7
गोमेदं यत्स्मृतं वर्षं नाम्ना सर्वसुखं तु तत् कुमुदस्य द्वितीयस्य द्वितीयं कुमुदं ततः
gomedaṃ yatsmṛtaṃ varṣaṃ nāmnā sarvasukhaṃ tu tat kumudasya dvitīyasya dvitīyaṃ kumudaṃ tataḥ
The region that is recorded as Gomeda—that one is by name Sarvasukha; and the second, Kumuda, belongs to Kumuda, the second (son).
AI translation rendered from the Sanskrit, not a published edition — the model flagged this verse as uncertain
MtP 123.8
एतौ द्वौ पर्वतौ वृत्तौ शेषौ सर्वसमुच्छ्रितौ पूर्वेण तस्य द्वीपस्य सुमनाः पर्वतः स्थितः
etau dvau parvatau vṛttau śeṣau sarvasamucchritau pūrveṇa tasya dvīpasya sumanāḥ parvataḥ sthitaḥ
These two mountains are round, while the rest are lofty on all sides. On the eastern side of that island stands mount Sumanas.
AI translation rendered from the Sanskrit, not a published edition
MtP 123.9
प्राक्पश्चिमायतैः पादैर् आसमुद्रादिति स्थितः पश्चार्धे कुमुदस्तस्य एवमेव स्थितस्तु वै
prākpaścimāyataiḥ pādair āsamudrāditi sthitaḥ paścārdhe kumudastasya evameva sthitastu vai
With its foothills stretching east and west it stands thus, reaching as far as the ocean; and in the western half Kumuda stands in just the same way.
AI translation rendered from the Sanskrit, not a published edition
MtP 123.10
एतैः पर्वतपादैस्तु स देशो वै द्विधाकृतः दक्षिणार्धं तु द्वीपस्य धातकीखण्डमुच्यते
etaiḥ parvatapādaistu sa deśo vai dvidhākṛtaḥ dakṣiṇārdhaṃ tu dvīpasya dhātakīkhaṇḍamucyate
By these mountain-feet that land is made twofold: the southern half of the island is called Dhātakīkhaṇḍa,
AI translation rendered from the Sanskrit, not a published edition
MtP 123.11
कुमुदं तूत्तरे तस्य द्वितीयं वर्षमुत्तमम् एतौ जनपदौ द्वौ तु गोमेदस्य तु विस्तृतौ
kumudaṃ tūttare tasya dvitīyaṃ varṣamuttamam etau janapadau dvau tu gomedasya tu vistṛtau
and Kumuda in its northern (half) is the second, excellent region. These are the two extensive inhabited lands of Gomeda.
AI translation rendered from the Sanskrit, not a published edition
MtP 123.12
अतः परं प्रवक्ष्यामि सप्तमं द्वीपमुत्तमम् समुद्रेक्षुरसं चैव गोमेदाद्द्विगुणं हि सः
ataḥ paraṃ pravakṣyāmi saptamaṃ dvīpamuttamam samudrekṣurasaṃ caiva gomedāddviguṇaṃ hi saḥ
Next I shall declare the seventh, most excellent island, and the ocean of sugarcane juice; for that (island) is twice (the size) of Gomeda.
AI translation rendered from the Sanskrit, not a published edition
MtP 123.13
आवृत्य तिष्ठति द्वीपः पुष्करः पुष्करैर्वृतः पुष्करेण वृतः श्रीमांश् चित्रसानुमहागिरिः
āvṛtya tiṣṭhati dvīpaḥ puṣkaraḥ puṣkarairvṛtaḥ puṣkareṇa vṛtaḥ śrīmāṃś citrasānumahāgiriḥ
The island Puṣkara stands enclosing (it), covered with lotuses; encircled by Puṣkara is the glorious great mountain Citrasānu,
AI translation rendered from the Sanskrit, not a published edition
MtP 123.14
कूटैश्चित्रैर्मणिमयैः शिलाजालसमुद्भवैः द्वीपस्यैव तु पूर्वार्धे चित्रसानुः स्थितो महान्
kūṭaiścitrairmaṇimayaiḥ śilājālasamudbhavaiḥ dvīpasyaiva tu pūrvārdhe citrasānuḥ sthito mahān
with variegated peaks made of gems, risen up from masses of rock. In the eastern half of the island stands the great Citrasānu.
AI translation rendered from the Sanskrit, not a published edition
MtP 123.15
परिमण्डलसहस्राणि विस्तीर्णः सप्तविंशतिः ऊर्ध्वं स वै चतुर्विंशद्योजनानां महाबलः
parimaṇḍalasahasrāṇi vistīrṇaḥ saptaviṃśatiḥ ūrdhvaṃ sa vai caturviṃśadyojanānāṃ mahābalaḥ
It is twenty-seven thousand (yojanas) broad in circumference, and that mighty one is twenty-four thousand yojanas high.
AI translation rendered from the Sanskrit, not a published edition
MtP 123.16
द्वीपार्धस्य परिक्षिप्तः पश्चिमे मानसो गिरिः स्थितो वेलासमीपे तु पूर्वचन्द्र इवोदितः
dvīpārdhasya parikṣiptaḥ paścime mānaso giriḥ sthito velāsamīpe tu pūrvacandra ivoditaḥ
In the west, mount Mānasa lies spread around half the island; it stands near the shore, like the moon risen in the first (half of the month).
AI translation rendered from the Sanskrit, not a published edition
MtP 123.17
योजनानां सहस्राणि सार्धं पञ्चाशदुच्छ्रितः तस्य पुत्रो महावीतः पश्चिमार्धस्य रक्षिता
yojanānāṃ sahasrāṇi sārdhaṃ pañcāśaducchritaḥ tasya putro mahāvītaḥ paścimārdhasya rakṣitā
It rises fifty thousand yojanas and a half. His son Mahāvīta is the protector of the western half.
AI translation rendered from the Sanskrit, not a published edition
MtP 123.18
पूर्वार्धे पर्वतस्यापि द्विधा देशस्तु स स्मृतः स्वादूदकेनोदधिना पुष्करः परिवारितः
pūrvārdhe parvatasyāpi dvidhā deśastu sa smṛtaḥ svādūdakenodadhinā puṣkaraḥ parivāritaḥ
In the eastern half too the land of the mountain is recorded as twofold. Puṣkara is surrounded by the ocean of sweet water,
AI translation rendered from the Sanskrit, not a published edition
MtP 123.19
विस्तारान्मण्डलाच्चैव गोमेदाद्द्विगुणेन तु त्रिंशद्वर्षसहस्राणि तेषु जीवन्ति मानवाः
vistārānmaṇḍalāccaiva gomedāddviguṇena tu triṃśadvarṣasahasrāṇi teṣu jīvanti mānavāḥ
which in breadth and circumference is twice (that) of Gomeda. There human beings live thirty thousand years.
AI translation rendered from the Sanskrit, not a published edition
MtP 123.20
विपर्ययो न तेष्वस्ति एतत्स्वाभाविकं स्मृतम् आरोग्यं सुखबाहुल्यं मानसीं सिद्धिमास्थिताः
viparyayo na teṣvasti etatsvābhāvikaṃ smṛtam ārogyaṃ sukhabāhulyaṃ mānasīṃ siddhimāsthitāḥ
Among them there is no reversal (of this); this is recorded as their natural condition: health, abundance of pleasure; they abide in the perfection (attainable) by mind.
AI translation rendered from the Sanskrit, not a published edition — the model flagged this verse as uncertain
MtP 123.21
सुखमायुश्च रूपं च त्रिषु द्वीपेषु सर्वशः अधमोत्तमौ न तेष्वास्तां तुल्यास्ते वीर्यरूपतः
sukhamāyuśca rūpaṃ ca triṣu dvīpeṣu sarvaśaḥ adhamottamau na teṣvāstāṃ tulyāste vīryarūpataḥ
Happiness, lifespan and beauty are in all respects (the same) in the three continents; there is neither lowest nor highest among them: they are equal in strength and form.
AI translation rendered from the Sanskrit, not a published edition
MtP 123.22
न तत्र वध्यवधकौ नेर्ष्यासूया भयं तथा न लोभो न च दम्भो वा न च द्वेषः परिग्रहः
na tatra vadhyavadhakau nerṣyāsūyā bhayaṃ tathā na lobho na ca dambho vā na ca dveṣaḥ parigrahaḥ
There (are) no slayer and slain, nor envy, detraction or fear, nor greed, nor hypocrisy, nor hatred, nor possession.
AI translation rendered from the Sanskrit, not a published edition
MtP 123.23
सत्यानृते न तेष्वास्तां धर्माधर्मौ तथैव च वर्णाश्रमाणां वार्त्ता च पाशुपाल्यं वणिक्कृषिः
satyānṛte na teṣvāstāṃ dharmādharmau tathaiva ca varṇāśramāṇāṃ vārttā ca pāśupālyaṃ vaṇikkṛṣiḥ
Truth and falsehood do not exist among them, nor likewise right and wrong, nor (the system of) classes and life-stages, nor livelihood — cattle-keeping, trade, agriculture.
AI translation rendered from the Sanskrit, not a published edition
MtP 123.24
त्रयीविद्या दण्डनीतिः शुश्रूषा दण्ड एव च न तत्र वर्षं नद्यो वा शीतोष्णं च न विद्यते
trayīvidyā daṇḍanītiḥ śuśrūṣā daṇḍa eva ca na tatra varṣaṃ nadyo vā śītoṣṇaṃ ca na vidyate
(Nor) the threefold Veda-lore, the science of governance, service, or punishment; there is no rain there, nor rivers, nor is cold and heat found.
AI translation rendered from the Sanskrit, not a published edition
MtP 123.25
उद्भिदान्युदकानि स्युर् गिरिप्रस्रवणानि च तुल्योत्तरकुरूणां तु कालस्तत्र तु सर्वदा
udbhidānyudakāni syur giriprasravaṇāni ca tulyottarakurūṇāṃ tu kālastatra tu sarvadā
The waters there are welling up (from the ground) and (are) mountain streams; (those regions) are equal to the Northern Kurus, and the season there is always (the same).
AI translation rendered from the Sanskrit, not a published edition
MtP 123.26
सर्वतः सुखकालो ऽसौ जराक्लेशविवर्जितः सर्गस्तु धातकीखण्डे महावीते तथैव च
sarvataḥ sukhakālo 'sau jarākleśavivarjitaḥ sargastu dhātakīkhaṇḍe mahāvīte tathaiva ca
That time is in every way a happy time, free from old age and affliction; and the creation is the same in Dhātakīkhaṇḍa and in Mahāvīta.
AI translation rendered from the Sanskrit, not a published edition
MtP 123.27
एवं द्वीपाः समुद्रैस्तु सप्त सप्तभिरावृताः द्वीपस्यानन्तरो यस्तु समुद्रस्तत्समस्तु वै
evaṃ dvīpāḥ samudraistu sapta saptabhirāvṛtāḥ dvīpasyānantaro yastu samudrastatsamastu vai
Thus the seven continents are surrounded by the seven oceans; and the ocean that is next to a continent is equal to it (in extent).
AI translation rendered from the Sanskrit, not a published edition
MtP 123.28
एवं द्वीपसमुद्राणां वृद्धिर्ज्ञेया परस्परम् अपां चैव समुद्रेकात् समुद्र इति संज्ञितः
evaṃ dvīpasamudrāṇāṃ vṛddhirjñeyā parasparam apāṃ caiva samudrekāt samudra iti saṃjñitaḥ
Thus the increase of the continents and oceans, each in relation to the next, is to be known; and from the abundance (samudreka) of waters it is named 'samudra' (ocean).
AI translation rendered from the Sanskrit, not a published edition
MtP 123.29
ऋषद्वसन्त्यो वर्षेषु प्रजा यत्र चतुर्विधाः ऋषिरत्येव रमणे वर्षन्त्वेतेन तेषु वै
ṛṣadvasantyo varṣeṣu prajā yatra caturvidhāḥ ṛṣiratyeva ramaṇe varṣantvetena teṣu vai
(?) The dwellers... in the (sub)continents, where the creatures are of four kinds; 'ṛṣi' means 'to go' indeed, in pleasure — let them rain upon them by this.
AI translation rendered from the Sanskrit, not a published edition — the model flagged this verse as uncertain
MtP 123.30
उदयतीन्दौ पूर्वे तु समुद्रः पूर्यते सदा प्रक्षीयमाने बहुले क्षीयते ऽस्तमिते च वै
udayatīndau pūrve tu samudraḥ pūryate sadā prakṣīyamāne bahule kṣīyate 'stamite ca vai
When the moon rises in the east the ocean is always filled; and when (the moon) wanes greatly and sets, it diminishes.
AI translation rendered from the Sanskrit, not a published edition
MtP 123.31
आपूर्यमाणो ह्युदधिर् आत्मनैवाभिपूर्यते ततो वै क्षीयमाणे तु स्वात्मन्येव ह्य् अपां क्षयः
āpūryamāṇo hyudadhir ātmanaivābhipūryate tato vai kṣīyamāṇe tu svātmanyeva hy apāṃ kṣayaḥ
For the ocean, when being filled, is filled by its own self; and then, when it is diminishing, the loss of the waters is within its own self.
AI translation rendered from the Sanskrit, not a published edition
MtP 123.32
उदयात्पयसां योगात् पुष्पन्त्य् आपो यथा स्वयम् तथा स तु समुद्रो ऽपि वर्धते शशिनोदये
udayātpayasāṃ yogāt puṣpanty āpo yathā svayam tathā sa tu samudro 'pi vardhate śaśinodaye
As waters of themselves swell up from the rising and the conjunction of the fluids, so too that ocean increases at the moon's rising.
AI translation rendered from the Sanskrit, not a published edition — the model flagged this verse as uncertain
MtP 123.33
अन्यूनानतिरिक्तात्मा वर्धन्त्यापो ह्रसन्ति च उदये ऽस्तमये चेन्दोः पक्षयोः शुक्लकृष्णयोः
anyūnānatiriktātmā vardhantyāpo hrasanti ca udaye 'stamaye cendoḥ pakṣayoḥ śuklakṛṣṇayoḥ
Neither less nor more in its own measure, the waters increase and decrease at the rising and setting of the moon, in the bright and dark fortnights.
AI translation rendered from the Sanskrit, not a published edition
MtP 123.34
क्षयवृद्धी समुद्रस्य शशिवृद्धिक्षये तथा दशोत्तराणि पञ्चाहुर् अङ्गुलानां शतानि च
kṣayavṛddhī samudrasya śaśivṛddhikṣaye tathā daśottarāṇi pañcāhur aṅgulānāṃ śatāni ca
The decrease and increase of the ocean (occur) along with the waxing and waning of the moon; and they say (it amounts to) five hundred and ten aṅgulas.
AI translation rendered from the Sanskrit, not a published edition
MtP 123.35
अपां वृद्धिः क्षयो दृष्टः समुद्राणां तु पर्वसु द्विरापत्वात् स्मृतो द्वीपो दधनाच्चोदधिः स्मृतः
apāṃ vṛddhiḥ kṣayo dṛṣṭaḥ samudrāṇāṃ tu parvasu dvirāpatvāt smṛto dvīpo dadhanāccodadhiḥ smṛtaḥ
The increase and decrease of the waters of the oceans is observed at the parvan days. Because water is (on both sides) twice, it is called 'dvīpa'; and because it holds (waters) it is called 'udadhi'.
AI translation rendered from the Sanskrit, not a published edition — the model flagged this verse as uncertain
MtP 123.36
निगीर्णत्वाच्च गिरयः पर्वबन्धाच्च पर्वताः शाकद्वीपे तु वै शाकः पर्वतस्तेन चोच्यते
nigīrṇatvācca girayaḥ parvabandhācca parvatāḥ śākadvīpe tu vai śākaḥ parvatastena cocyate
And because they have swallowed (things) they are 'giri', and because of the binding of joints (parvan) they are 'parvata'. In Śākadvīpa there is the śāka tree, and the mountain is named from it.
AI translation rendered from the Sanskrit, not a published edition — the model flagged this verse as uncertain
MtP 123.37
कुशद्वीपे कुशस्तम्बो मध्ये जनपदस्य तु क्रौञ्चद्वीपे गिरिः क्रौञ्चस् तस्य नाम्ना निगद्यते
kuśadvīpe kuśastambo madhye janapadasya tu krauñcadvīpe giriḥ krauñcas tasya nāmnā nigadyate
In Kuśadvīpa there is a clump of kuśa grass in the middle of the inhabited region; in Krauñcadvīpa there is the mountain Krauñca, and (the continent) is called by its name.
AI translation rendered from the Sanskrit, not a published edition
MtP 123.38
शाल्मलिः शाल्मलद्वीपे पूज्यते स महाद्रुमः गोमेदके तु गोमेदः पर्वतस्तेन चोच्यते
śālmaliḥ śālmaladvīpe pūjyate sa mahādrumaḥ gomedake tu gomedaḥ parvatastena cocyate
In Śālmaladvīpa the śālmali, that great tree, is worshipped; in Gomedaka there is the gomeda, and the mountain is so called.
AI translation rendered from the Sanskrit, not a published edition
MtP 123.39
न्यग्रोधः पुष्करद्वीपे पद्मवत्तेन स स्मृतः पूज्यते स महादेवैर् ब्रह्मांशो ऽव्यक्तसम्भवः
nyagrodhaḥ puṣkaradvīpe padmavattena sa smṛtaḥ pūjyate sa mahādevair brahmāṃśo 'vyaktasambhavaḥ
In Puṣkaradvīpa there is the nyagrodha; it is thought of as lotus-like; it is worshipped by the great gods, being a portion of Brahmā, sprung from the Unmanifest.
AI translation rendered from the Sanskrit, not a published edition
MtP 123.40
तस्मिन्स वसति ब्रह्मा साध्यैः सार्धं प्रजापतिः तत्र देवा उपासन्ते त्रयस्त्रिंशन्महर्षिभिः
tasminsa vasati brahmā sādhyaiḥ sārdhaṃ prajāpatiḥ tatra devā upāsante trayastriṃśanmaharṣibhiḥ
In it dwells Brahmā the Lord of creatures, together with the Sādhyas; there the gods, thirty-three (in number), attend upon (him) along with the great seers.
AI translation rendered from the Sanskrit, not a published edition
MtP 123.41
स तत्र पूज्यते देवो देवैर्महर्षिसत्तमैः जम्बूद्वीपात्प्रवर्तन्ते रत्नानि विविधानि च
sa tatra pūjyate devo devairmaharṣisattamaiḥ jambūdvīpātpravartante ratnāni vividhāni ca
There that god is honoured by the gods and by the best of the great sages; and from Jambūdvīpa jewels of many kinds come forth.
AI translation rendered from the Sanskrit, not a published edition
MtP 123.42
द्वीपेषु तेषु सर्वेषु प्रजानां क्रमशस्तु वै आर्जवाद्ब्रह्मचर्येण सत्येन च दमेन च
dvīpeṣu teṣu sarveṣu prajānāṃ kramaśastu vai ārjavādbrahmacaryeṇa satyena ca damena ca
But in all those island-continents, among the peoples in due order, through uprightness, through chastity, through truth and through self-restraint —
AI translation rendered from the Sanskrit, not a published edition
MtP 123.43
आरोग्यायुःप्रमाणाभ्यां द्विगुणं द्विगुणं ततः द्वीपेषु तेषु सर्वेषु यथोक्तं वर्षकेषु च
ārogyāyuḥpramāṇābhyāṃ dviguṇaṃ dviguṇaṃ tataḥ dvīpeṣu teṣu sarveṣu yathoktaṃ varṣakeṣu ca
— (there is an increase) twofold and twofold again thereafter in the measure of health and of lifespan, in all those island-continents and in the varṣas, as has been stated.
AI translation rendered from the Sanskrit, not a published edition — the model flagged this verse as uncertain
MtP 123.44
गोपायन्ते प्रजास्तत्र सर्वैः सहजपण्डितैः भोजनं चाप्रयत्नेन सदा स्वयमुपस्थितम्
gopāyante prajāstatra sarvaiḥ sahajapaṇḍitaiḥ bhojanaṃ cāprayatnena sadā svayamupasthitam
There the peoples are protected by all who are wise from birth; and food, without any effort, is always present of itself.
AI translation rendered from the Sanskrit, not a published edition — the model flagged this verse as uncertain
MtP 123.45
षड्रसं तन्महावीर्यं तत्र ते भुञ्जते जनाः परेण पुष्करस्याथ आवृत्यावस्थितो महान्
ṣaḍrasaṃ tanmahāvīryaṃ tatra te bhuñjate janāḥ pareṇa puṣkarasyātha āvṛtyāvasthito mahān
That (food), of six flavours and of great potency, the people there eat. Beyond Puṣkara, again, the great (ocean) stands, encircling (it).
AI translation rendered from the Sanskrit, not a published edition
MtP 123.46
स्वादूदकसमुद्रस्तु स समन्ताद् अवेष्टयत् स्वादूदकस्य परितः शैलस्तु परिमण्डलः
svādūdakasamudrastu sa samantād aveṣṭayat svādūdakasya paritaḥ śailastu parimaṇḍalaḥ
And that ocean of sweet water enclosed it on every side; and all around the sweet-water (ocean) there is a circular mountain.
AI translation rendered from the Sanskrit, not a published edition
MtP 123.47
प्रकाशश्चाप्रकाशश्च लोकालोकः स उच्यते आलोकस्तत्र चार्वाक्च निरालोकस्ततः परम्
prakāśaścāprakāśaśca lokālokaḥ sa ucyate ālokastatra cārvākca nirālokastataḥ param
It is both lighted and unlighted, and so it is called Lokāloka; there is light on this side, and beyond that there is no light.
AI translation rendered from the Sanskrit, not a published edition
MtP 123.48
लोकविस्तारमात्रं तु पृथिव्यर्धं तु बाह्यतः प्रतिच्छिन्नं समन्तात्तु उदकेनावृतं महत्
lokavistāramātraṃ tu pṛthivyardhaṃ tu bāhyataḥ praticchinnaṃ samantāttu udakenāvṛtaṃ mahat
On the outside, half the earth is just the extent of the world (loka), cut off on all sides and covered by the great water.
AI translation rendered from the Sanskrit, not a published edition — the model flagged this verse as uncertain
MtP 123.49
भूमेर्दशगुणाश्चापः समन्तात्पालयन्ति गाम् अद्भ्यो दशगुणश्चाग्निः सर्वतो धारयत्य् अपः
bhūmerdaśaguṇāścāpaḥ samantātpālayanti gām adbhyo daśaguṇaścāgniḥ sarvato dhārayaty apaḥ
And the waters, ten times the earth, guard the earth all around; and fire, ten times the waters, sustains the waters on every side.
AI translation rendered from the Sanskrit, not a published edition
MtP 123.50
अग्नेर्दशगुणो वायुर् धारयञ्ज्योतिरास्थितः तिर्यक्च मण्डलो वायुर् भूतान्यावेष्ट्य धारयन्
agnerdaśaguṇo vāyur dhārayañjyotirāsthitaḥ tiryakca maṇḍalo vāyur bhūtānyāveṣṭya dhārayan
Wind, ten times the fire, stands sustaining the light; and the wind, a sphere (extending) crosswise, sustains the elements, enveloping them.
AI translation rendered from the Sanskrit, not a published edition
MtP 123.51
दशाधिकं तथाकाशं वायोर्भूतान्यधारयत् भूतादिर्धारयन्व्योम तस्माद्दशगुणस्तु वै
daśādhikaṃ tathākāśaṃ vāyorbhūtānyadhārayat bhūtādirdhārayanvyoma tasmāddaśaguṇastu vai
So too the ether, ten times greater, sustained the elemental (forms) of wind; and the bhūtādi (the origin of the elements), sustaining the ether, is indeed ten times that.
AI translation rendered from the Sanskrit, not a published edition — the model flagged this verse as uncertain
MtP 123.52
भूतादितो दशगुणं महद्भूतान्यधारयत् महत्तत्त्वं ह्यनन्तेन अव्यक्तेन तु धार्यते
bhūtādito daśaguṇaṃ mahadbhūtānyadhārayat mahattattvaṃ hyanantena avyaktena tu dhāryate
Ten times greater than the bhūtādi, the mahat sustained the elements; and the mahat-principle is sustained by the endless Unmanifest.
AI translation rendered from the Sanskrit, not a published edition
MtP 123.53
आधाराधेयभावेन विकारास्ते विकारिणाम् पृथ्व्यादयो विकारास्ते परिच्छिन्नाः परस्परम्
ādhārādheyabhāvena vikārāste vikāriṇām pṛthvyādayo vikārāste paricchinnāḥ parasparam
By the relation of support and supported, those are the modifications of the things subject to modification; earth and the rest are those modifications, mutually delimited.
AI translation rendered from the Sanskrit, not a published edition
MtP 123.54
परस्पराधिकाश्चैव प्रविष्टाश्च परस्परम् एवं परस्परोत्पन्ना धार्यन्ते च परस्परम्
parasparādhikāścaiva praviṣṭāśca parasparam evaṃ parasparotpannā dhāryante ca parasparam
And they exceed one another, and they have entered into one another; thus, arisen from one another, they are also sustained by one another.
AI translation rendered from the Sanskrit, not a published edition
MtP 123.55
यस्मात्प्रविष्टास्ते ऽन्योन्यं तस्मात्ते स्थिरतां गताः आसंस्ते ह्यविशेषाश्च विशेषा अन्यवेशनात्
yasmātpraviṣṭāste 'nyonyaṃ tasmātte sthiratāṃ gatāḥ āsaṃste hyaviśeṣāśca viśeṣā anyaveśanāt
Because they have entered into one another, therefore they have attained stability; for they were without distinguishing marks, and (became) distinguished through entering into the others.
AI translation rendered from the Sanskrit, not a published edition — the model flagged this verse as uncertain
MtP 123.56
पृथ्व्यादयस्तु वाय्वन्ताः परिच्छिन्नास्तु तत्र ते भूतेभ्यः परतस् तेभ्यो ह्य् अलोकः सर्वतः स्मृतः
pṛthvyādayastu vāyvantāḥ paricchinnāstu tatra te bhūtebhyaḥ paratas tebhyo hy alokaḥ sarvataḥ smṛtaḥ
But earth and the rest, up to wind, are delimited there; and beyond those elements, past them, there is said to be no-world (aloka) on every side.
AI translation rendered from the Sanskrit, not a published edition
MtP 123.57
तथा ह्यालोक आकाशे परिच्छिन्नानि सर्वशः पात्रे महति पात्राणि यथा ह्यन्तर्गतानि च
tathā hyāloka ākāśe paricchinnāni sarvaśaḥ pātre mahati pātrāṇi yathā hyantargatāni ca
For so light within ether: they are delimited in every direction, just as vessels within a great vessel are contained inside it.
AI translation rendered from the Sanskrit, not a published edition — the model flagged this verse as uncertain
MtP 123.58
भवन्त्यन्योन्यहीनानि परस्परसमाश्रयात् तथा ह्यालोक आकाशे भेदास्त्वन्तर्गतागताः
bhavantyanyonyahīnāni parasparasamāśrayāt tathā hyāloka ākāśe bhedāstvantargatāgatāḥ
They come to be less than one another because they depend on one another; so too light within ether: the divisions are those contained within and those not.
AI translation rendered from the Sanskrit, not a published edition — the model flagged this verse as uncertain
MtP 123.59
कृतान्येतानि तत्त्वानि अन्योन्यस्याधिकानि च यावदेतानि तत्त्वानि तावदुत्पत्तिरुच्यते
kṛtānyetāni tattvāni anyonyasyādhikāni ca yāvadetāni tattvāni tāvadutpattirucyate
These principles have been made, each exceeding the other; and as far as these principles extend, so far is origination spoken of.
AI translation rendered from the Sanskrit, not a published edition — the model flagged this verse as uncertain
MtP 123.60
जन्तूनामिह संस्कारो भूतेष्वन्तर्गतेषु वै प्रत्याख्यायेह भूतानि कार्योत्पत्तिर् न विद्यते
jantūnāmiha saṃskāro bhūteṣvantargateṣu vai pratyākhyāyeha bhūtāni kāryotpattir na vidyate
Here the shaping of creatures takes place in the elements when they have entered within; if one rejects the elements here, no production of effects is found.
AI translation rendered from the Sanskrit, not a published edition — the model flagged this verse as uncertain
MtP 123.61
तस्मात्परिमिता भेदाः स्मृताः कार्यात्मकास्तु वै ते कारणात्मकाश्चैव स्युर्भेदा महदादयः
tasmātparimitā bhedāḥ smṛtāḥ kāryātmakāstu vai te kāraṇātmakāścaiva syurbhedā mahadādayaḥ
Therefore the divisions are recorded as limited in number, those that are of the nature of effects; and the divisions beginning with mahat would be those of the nature of causes.
AI translation rendered from the Sanskrit, not a published edition — the model flagged this verse as uncertain
MtP 123.62
इत्येवं संनिवेशो ऽयं पृथ्व्याक्रान्तस्तु भागशः सप्तद्वीपसमुद्राणां याथातथ्येन वै मया
ityevaṃ saṃniveśo 'yaṃ pṛthvyākrāntastu bhāgaśaḥ saptadvīpasamudrāṇāṃ yāthātathyena vai mayā
Thus this arrangement, the extent of the earth, portion by portion, of the seven continents and oceans, (has been set forth) by me as it truly is.
AI translation rendered from the Sanskrit, not a published edition — the model flagged this verse as uncertain
MtP 123.63
विस्तारान्मण्डलाच्चैव प्रसंख्यानेन चैव हि विश्वरूपं प्रधानस्य परिमाणैकदेशिनः
vistārānmaṇḍalāccaiva prasaṃkhyānena caiva hi viśvarūpaṃ pradhānasya parimāṇaikadeśinaḥ
By breadth and by circumference and by enumeration too, (this is) the all-form of the primal matter (pradhāna), which is measured in but one of its parts.
AI translation rendered from the Sanskrit, not a published edition — the model flagged this verse as uncertain
MtP 123.64
एतावत्संनिवेशस्तु मया सम्यक्प्रकाशितः एतावदेव श्रोतव्यं संनिवेशस्य पार्थिव
etāvatsaṃniveśastu mayā samyakprakāśitaḥ etāvadeva śrotavyaṃ saṃniveśasya pārthiva
Just this much of the arrangement has been rightly set forth by me; just this much concerning the arrangement is to be heard, O king.
AI translation rendered from the Sanskrit, not a published edition