Matsya Purana — Chapter 120
MtP 120.1
स त्वाश्रमपदे रम्ये त्यक्ताहारपरिच्छदः क्रीडाविहारं गन्धर्वैः पश्यन्नप्सरसां सह
sa tvāśramapade ramye tyaktāhāraparicchadaḥ krīḍāvihāraṃ gandharvaiḥ paśyannapsarasāṃ saha
And he, in the lovely hermitage-ground, having given up food and belongings, watching the play and sport of the gandharvas together with the apsarases,
AI translation rendered from the Sanskrit, not a published edition
MtP 120.2
कृत्वा पुष्पोच्चयं भूरि ग्रन्थयित्वा तथा स्रजः अग्रं निवेद्य देवाय गन्धर्वेभ्यस्तदा ददौ
kṛtvā puṣpoccayaṃ bhūri granthayitvā tathā srajaḥ agraṃ nivedya devāya gandharvebhyastadā dadau
having gathered an abundant heap of flowers and having strung garlands, he offered the first (and best) to the god and then gave (the rest) to the gandharvas.
AI translation rendered from the Sanskrit, not a published edition
MtP 120.3
पुष्पोच्चयप्रसक्तानां क्रीडन्तीनां यथासुखम् चेष्टा नानाविधाकाराः पश्यन्नपि न पश्यति
puṣpoccayaprasaktānāṃ krīḍantīnāṃ yathāsukham ceṣṭā nānāvidhākārāḥ paśyannapi na paśyati
Though seeing the gestures, of many kinds, of those (women) engaged in gathering flowers and playing at their pleasure, he did not see (them).
AI translation rendered from the Sanskrit, not a published edition
MtP 120.4
काचित्पुष्पोच्चये सक्ता लताजालेन वेष्टिता सखीजनेन संत्यक्ता कान्तेनाभिसमुज्झिता
kācitpuṣpoccaye saktā latājālena veṣṭitā sakhījanena saṃtyaktā kāntenābhisamujjhitā
One woman, intent on gathering flowers, was entangled by a net of creepers, abandoned by her friends, and left behind by her lover;
AI translation rendered from the Sanskrit, not a published edition
MtP 120.5
काचित्कमलगन्धाभा निःश्वासपवनाहृतैः मधुपैराकुलमुखी कान्तेन परिमोचिता
kācitkamalagandhābhā niḥśvāsapavanāhṛtaiḥ madhupairākulamukhī kāntena parimocitā
one, radiant with the fragrance of a lotus, her face swarmed by bees drawn by the breeze of her breath, was freed (of them) by her lover;
AI translation rendered from the Sanskrit, not a published edition
MtP 120.6
मकरन्दसभाक्रान्तनयना काचिदङ्गना कान्तनिःश्वासवातेन नीरजस्ककृतेक्षणा
makarandasabhākrāntanayanā kācidaṅganā kāntaniḥśvāsavātena nīrajaskakṛtekṣaṇā
some woman, her eyes overrun by an assembly (of bees) at the nectar, had her eyes made free of dust by the wind of her lover's breath;
AI translation rendered from the Sanskrit, not a published edition — the model flagged this verse as uncertain
MtP 120.7
काचिद् उच्चीय पुष्पाणि ददौ कान्तस्य भामिनी कान्तसंग्रथितैः पुष्पै रराज कृतशेखरा
kācid uccīya puṣpāṇi dadau kāntasya bhāminī kāntasaṃgrathitaiḥ puṣpai rarāja kṛtaśekharā
one shining woman, having plucked flowers, gave them to her lover; with the flowers strung by her lover she shone, a crest-garland made for her;
AI translation rendered from the Sanskrit, not a published edition
MtP 120.8
उच्चीय स्वयम् उद्ग्रथ्य कान्तेन कृतशेखरा कृतकृत्यमिवात्मानं मेने मन्मथवर्धिनी
uccīya svayam udgrathya kāntena kṛtaśekharā kṛtakṛtyamivātmānaṃ mene manmathavardhinī
having plucked and strung them herself, with a crest-garland made by her lover, she, increasing love, thought herself as if her purpose were fulfilled;
AI translation rendered from the Sanskrit, not a published edition
MtP 120.9
अस्त्वस्मिन्गहने कुञ्जे विशिष्टकुसुमा लता काचिदेवं रहो नीता रमणेन रिरंसुना
astvasmingahane kuñje viśiṣṭakusumā latā kācidevaṃ raho nītā ramaṇena riraṃsunā
"Let there be, in this dense bower, a creeper with choice flowers"—thus some woman was led aside in private by her lover desiring pleasure;
AI translation rendered from the Sanskrit, not a published edition — the model flagged this verse as uncertain
MtP 120.10
कान्तसंनामितलता कुसुमानि विचिन्वती सर्वाभ्यः काचिदात्मानं मेने सर्वगुणाधिकम्
kāntasaṃnāmitalatā kusumāni vicinvatī sarvābhyaḥ kācidātmānaṃ mene sarvaguṇādhikam
one woman, the creeper bent down for her by her lover, gathering the blossoms, thought herself superior to all the others in every quality;
AI translation rendered from the Sanskrit, not a published edition
MtP 120.11
काश्चित्पश्यति भूपालं नलिनीषु पृथक्पृथक् क्रीडमानास्तु गन्धर्वैर् देवरामा मनोरमाः
kāścitpaśyati bhūpālaṃ nalinīṣu pṛthakpṛthak krīḍamānāstu gandharvair devarāmā manoramāḥ
He sees some of them, the charming women of the gods, sporting with the gandharvas in the lotus-ponds, each apart;
AI translation rendered from the Sanskrit, not a published edition
MtP 120.12
काचिद् आताडयत् कान्तम् उदकेन शुचिस्मिता ताड्यमानाथ कान्तेन प्रीतिं काचिदुपाययौ
kācid ātāḍayat kāntam udakena śucismitā tāḍyamānātha kāntena prītiṃ kācidupāyayau
one, bright of smile, struck her lover with water; and one, being struck in turn by her lover, came to delight;
AI translation rendered from the Sanskrit, not a published edition
MtP 120.13
कान्तं च ताडयामास जातखेदा वराङ्गना अदृश्यत वरारोहा श्वासनृत्यत्पयोधरा
kāntaṃ ca tāḍayāmāsa jātakhedā varāṅganā adṛśyata varārohā śvāsanṛtyatpayodharā
and a fair-limbed woman, grown weary, struck her lover; the shapely-hipped one was seen with her breasts dancing from her panting;
AI translation rendered from the Sanskrit, not a published edition
MtP 120.14
कान्ताम्बुताडनाकृष्टकेशपाशनिबन्धना केशाकुलमुखी भाति मधुपैरिव पद्मिनी
kāntāmbutāḍanākṛṣṭakeśapāśanibandhanā keśākulamukhī bhāti madhupairiva padminī
Her bound braid loosened by her lover's pulling at it in the water, her face covered with hair, she shines like a lotus-plant with bees (upon it).
AI translation rendered from the Sanskrit, not a published edition — the model flagged this verse as uncertain
MtP 120.15
स्वचक्षुःसदृशैः पुष्पैः संछन्ने नलिनीवने छन्ना काचिच् चिरात्प्राप्ता कान्तेनान्विष्य यत्नतः
svacakṣuḥsadṛśaiḥ puṣpaiḥ saṃchanne nalinīvane channā kācic cirātprāptā kāntenānviṣya yatnataḥ
In a lotus-grove covered over with flowers like her own eyes, one woman, hidden, was after a long time found by her lover, who sought her with effort.
AI translation rendered from the Sanskrit, not a published edition
MtP 120.16
स्नाता शीतापदेशेन काचित्प्राहाङ्गना भृशम् रमणालिङ्गनं चक्रे मनो ऽभिलषितं चिरम्
snātā śītāpadeśena kācitprāhāṅganā bhṛśam ramaṇāliṅganaṃ cakre mano 'bhilaṣitaṃ ciram
One woman, having bathed, said, on the pretext of the cold, (that she was) very (cold), and long embraced her lover as her heart desired.
AI translation rendered from the Sanskrit, not a published edition — the model flagged this verse as uncertain
MtP 120.17
जलार्द्रवसनं सूक्ष्मम् अङ्गलीनं शुचिस्मिता धारयन्ती जनं चक्रे काचित् तत्र समन्मथम्
jalārdravasanaṃ sūkṣmam aṅgalīnaṃ śucismitā dhārayantī janaṃ cakre kācit tatra samanmatham
There a certain woman, of bright smile, wearing a fine garment wet with water and clinging to her limbs, made the people (there) full of desire.
AI translation rendered from the Sanskrit, not a published edition
MtP 120.18
कण्ठमाल्यगुणैः काचित् कान्तेन कृष्यताम्भसि त्रुट्यत्स्रग्दामपतितं रमणं प्राहसच्चिरम्
kaṇṭhamālyaguṇaiḥ kācit kāntena kṛṣyatāmbhasi truṭyatsragdāmapatitaṃ ramaṇaṃ prāhasacciram
One woman, being pulled in the water by her lover by the cords of the garland at her neck, laughed long at her lover, who fell when the garland's string snapped.
AI translation rendered from the Sanskrit, not a published edition
MtP 120.19
काचिद्भुग्ना सखीदत्तजानुदेशे नखक्षता संभ्रान्ता कान्तशरणं मग्ना काचिद्गता चिरम्
kācidbhugnā sakhīdattajānudeśe nakhakṣatā saṃbhrāntā kāntaśaraṇaṃ magnā kācidgatā ciram
One woman, bent over, scratched by the nails (of her friend) on the knee offered by her friend; another, alarmed, sank and long went for refuge to her lover.
AI translation rendered from the Sanskrit, not a published edition — the model flagged this verse as uncertain
MtP 120.20
काचित्पृष्ठकृतादित्या केशनिस्तोयकारिणी शिलातलगता भर्त्रा दृष्टा कामार्तचक्षुषा
kācitpṛṣṭhakṛtādityā keśanistoyakāriṇī śilātalagatā bhartrā dṛṣṭā kāmārtacakṣuṣā
A certain woman, with her back turned to the sun, wringing the water out of her hair, seated on a slab of rock, was seen by her husband with eyes pained by desire.
AI translation rendered from the Sanskrit, not a published edition
MtP 120.21
कृत्तमाल्यं विलुलितं संक्रान्तकुचकुङ्कुमम् रतिक्रीडितकान्तेव रराज तत्सरोदकम्
kṛttamālyaṃ vilulitaṃ saṃkrāntakucakuṅkumam ratikrīḍitakānteva rarāja tatsarodakam
That lake-water, with garlands torn and tossed about and with the saffron from (women's) breasts transferred to it, shone like a beloved woman who has been enjoyed in love-play.
AI translation rendered from the Sanskrit, not a published edition
MtP 120.22
सुस्नातदेवगन्धर्वदेवरामागणेन च पूज्यमानं च ददृशे देवदेवं जनार्दनम्
susnātadevagandharvadevarāmāgaṇena ca pūjyamānaṃ ca dadṛśe devadevaṃ janārdanam
And (he) saw Janārdana, god of gods, being worshipped by the throng of gods, gandharvas, and celestial women who had duly bathed.
AI translation rendered from the Sanskrit, not a published edition
MtP 120.23
क्वचिच् च ददृशे राजा लतागृहगताः स्त्रियः मण्डयन्तीः स्वगात्राणि कान्तसंन्यस्तमानसाः
kvacic ca dadṛśe rājā latāgṛhagatāḥ striyaḥ maṇḍayantīḥ svagātrāṇi kāntasaṃnyastamānasāḥ
And in one place the king saw women in arbours of creepers adorning their own bodies, their minds set upon their lovers.
AI translation rendered from the Sanskrit, not a published edition
MtP 120.24
काचिद् आदर्शनकरा व्यग्रा दूतीमुखोद्गतम् शृण्वती कान्तवचनम् अधिका तु तथा बभौ
kācid ādarśanakarā vyagrā dūtīmukhodgatam śṛṇvatī kāntavacanam adhikā tu tathā babhau
A certain woman, mirror in hand, intent, listening to her lover's message that came from the mouth of the female messenger, shone the more for it.
AI translation rendered from the Sanskrit, not a published edition
MtP 120.25
काचित् सत्वरिता दूत्या भूषणानां विपर्ययम् कुर्वाणा नैव बुबुधे मन्मथाविष्टचेतना
kācit satvaritā dūtyā bhūṣaṇānāṃ viparyayam kurvāṇā naiva bubudhe manmathāviṣṭacetanā
A certain woman, hurried by the messenger, putting her ornaments on wrongly, did not even notice it, her mind possessed by love.
AI translation rendered from the Sanskrit, not a published edition
MtP 120.26
वायुनुन्नातिसुरभिकुसुमोत्करमण्डिते काचित्पिबन्ती ददृशे मैरेयं नीलशाद्वले
vāyununnātisurabhikusumotkaramaṇḍite kācitpibantī dadṛśe maireyaṃ nīlaśādvale
On green turf adorned with heaps of very fragrant flowers tossed up by the wind, a certain woman was seen drinking maireya wine.
AI translation rendered from the Sanskrit, not a published edition
MtP 120.27
पाययामास रमणं स्वयं काचिद्वराङ्गना काचित्पपौ वरारोहा कान्तपाणिसमर्पितम्
pāyayāmāsa ramaṇaṃ svayaṃ kācidvarāṅganā kācitpapau varārohā kāntapāṇisamarpitam
One fair-limbed woman herself made her lover drink; another, fair-hipped, drank what was handed to her by her lover's hand.
AI translation rendered from the Sanskrit, not a published edition
MtP 120.28
काचित्स्वनेत्रचपलनीलोत्पलयुतं पयः पीत्वा पप्रच्छ रमणं क्व गते ते ममोत्पले
kācitsvanetracapalanīlotpalayutaṃ payaḥ pītvā papraccha ramaṇaṃ kva gate te mamotpale
A certain woman, having drunk water in which lay two blue lotuses (as) fluttering (as) her own eyes, asked her lover: "Where have my two lotuses gone?"
AI translation rendered from the Sanskrit, not a published edition
MtP 120.29
त्वयैव पीतौ तौ नूनम् इत्युक्ता रमणेन सा तथा विदित्वा मुग्धत्वाद् बभूव व्रीडिता भृशम्
tvayaiva pītau tau nūnam ityuktā ramaṇena sā tathā viditvā mugdhatvād babhūva vrīḍitā bhṛśam
Told by her lover, "Surely you yourself have drunk them both," she, learning it was so, was greatly ashamed at her own naivety.
AI translation rendered from the Sanskrit, not a published edition
MtP 120.30
काचित्कान्तार्पितं सुभ्रूः कान्तपीतावशेषितम् सविशेषरसं पानं पपौ मन्मथवर्धनम्
kācitkāntārpitaṃ subhrūḥ kāntapītāvaśeṣitam saviśeṣarasaṃ pānaṃ papau manmathavardhanam
A certain fair-browed woman drank the drink offered by her lover, left over from his own drinking, of especially fine savour, increasing desire.
AI translation rendered from the Sanskrit, not a published edition
MtP 120.31
आपानगोष्ठीषु तथा तासां स नरपुंगवः शुश्राव विविधं गीतं तन्त्रीस्वरविमिश्रितम्
āpānagoṣṭhīṣu tathā tāsāṃ sa narapuṃgavaḥ śuśrāva vividhaṃ gītaṃ tantrīsvaravimiśritam
And so at their drinking-parties that bull among men heard manifold song mingled with the notes of stringed instruments.
AI translation rendered from the Sanskrit, not a published edition
MtP 120.32
प्रदोषसमये ताश्च देवदेवं जनार्दनम् राजन्सदोपनृत्यन्ति नानावाद्यपुरःसराः
pradoṣasamaye tāśca devadevaṃ janārdanam rājansadopanṛtyanti nānāvādyapuraḥsarāḥ
And at the hour of dusk, O king, they always dance before Janārdana, god of gods, preceded by various instruments.
AI translation rendered from the Sanskrit, not a published edition
MtP 120.33
याममात्रे गते रात्रौ विनिर्गत्य गुहामुखात् आवसन्संयुताः कान्तैः परर्द्धिरचितां गुहाम्
yāmamātre gate rātrau vinirgatya guhāmukhāt āvasansaṃyutāḥ kāntaiḥ pararddhiracitāṃ guhām
When just one watch of the night had passed, going out from the mouth of the cave, joined with their lovers, they dwelt in a cave fashioned with the utmost splendour.
AI translation rendered from the Sanskrit, not a published edition
MtP 120.34
नानागन्धान्वितलतां नानागन्धसुगन्धिनीम् नानाविचित्रशयनां कुसुमोत्करमण्डिताम्
nānāgandhānvitalatāṃ nānāgandhasugandhinīm nānāvicitraśayanāṃ kusumotkaramaṇḍitām
(a cave) whose creepers were endowed with many fragrances, sweet-smelling with many scents, having many varied couches, adorned with heaps of flowers.
AI translation rendered from the Sanskrit, not a published edition
MtP 120.35
एवम् अप्सरसां पश्यन् क्रीडितानि स पर्वते तपस्तेपे महाराजन् केशवार्पितमानसः
evam apsarasāṃ paśyan krīḍitāni sa parvate tapastepe mahārājan keśavārpitamānasaḥ
Thus, watching the sports of the apsarases on that mountain, O great king, he practised austerity with his mind fixed on Keśava.
AI translation rendered from the Sanskrit, not a published edition
MtP 120.36
तमूचुर्नृपतिं गत्वा गन्धर्वाप्सरसां गणाः राजन्स्वर्गोपमं देशम् इमं प्राप्तो ऽस्यरिंदम
tamūcurnṛpatiṃ gatvā gandharvāpsarasāṃ gaṇāḥ rājansvargopamaṃ deśam imaṃ prāpto 'syariṃdama
The hosts of gandharvas and apsarases went to that king and said to him: "O king, subduer of foes, you have reached this region that is like heaven.
AI translation rendered from the Sanskrit, not a published edition
MtP 120.37
वयं हि ते प्रदास्यामो मनसः काङ्क्षितान्वरान् तानादाय गृहं गच्छ तिष्ठेह यदि वा पुनः
vayaṃ hi te pradāsyāmo manasaḥ kāṅkṣitānvarān tānādāya gṛhaṃ gaccha tiṣṭheha yadi vā punaḥ
"For we shall grant you the boons desired by your mind; take them and go home, or else remain here."
AI translation rendered from the Sanskrit, not a published edition
MtP 120.38
अमोघदर्शनाः सर्वे भवन्तस्त्वमितौजसः वरं वितरताद्यैव प्रसादं मधुसूदनात्
amoghadarśanāḥ sarve bhavantastvamitaujasaḥ varaṃ vitaratādyaiva prasādaṃ madhusūdanāt
"You all are of immeasurable might, and the sight of you is not fruitless; bestow this very day the boon of the grace of Madhusūdana."
AI translation rendered from the Sanskrit, not a published edition
MtP 120.39
एवमस्त्वित्यथोक्तस्तैः स तु राजा पुरूरवाः तत्रोवास सुखी मासं पूजयानो जनार्दनम्
evamastvityathoktastaiḥ sa tu rājā purūravāḥ tatrovāsa sukhī māsaṃ pūjayāno janārdanam
When they had said "So be it," that king Purūravas dwelt there happily for a month, worshipping Janārdana.
AI translation rendered from the Sanskrit, not a published edition
MtP 120.40
प्रिय एव सदैवासीद् गन्धर्वाप्सरसां नृपः तुतोष स जनो राज्ञस् तस्यालौल्येन कर्मणा
priya eva sadaivāsīd gandharvāpsarasāṃ nṛpaḥ tutoṣa sa jano rājñas tasyālaulyena karmaṇā
The king was always dear to the gandharvas and apsarases; those people were pleased with that king by his unfickle conduct.
AI translation rendered from the Sanskrit, not a published edition
MtP 120.42
फाल्गुनामलपक्षान्ते राजा स्वप्ने पुरूरवाः तस्यैव देवदेवस्य श्रुतवान्गदितं शुभम्
phālgunāmalapakṣānte rājā svapne purūravāḥ tasyaiva devadevasya śrutavāngaditaṃ śubham
At the end of the bright fortnight of Phālguna, king Purūravas in a dream heard the auspicious words spoken by that very God of gods.
AI translation rendered from the Sanskrit, not a published edition
MtP 120.43
रात्र्यामस्यां व्यतीतायाम् अत्रिणा त्वं समेष्यसि तेन राजन्समागम्य कृतकृत्यो भविष्यसि
rātryāmasyāṃ vyatītāyām atriṇā tvaṃ sameṣyasi tena rājansamāgamya kṛtakṛtyo bhaviṣyasi
"When this night has passed you will meet with Atri; having met with him, O king, you will have accomplished your purpose."
AI translation rendered from the Sanskrit, not a published edition
MtP 120.44
स्वप्नमेवं स राजर्षिर् दृष्ट्वा देवेन्द्रविक्रमः प्रत्यूषकाले विधिवत् स्नातः स प्रयतेन्द्रियः
svapnamevaṃ sa rājarṣir dṛṣṭvā devendravikramaḥ pratyūṣakāle vidhivat snātaḥ sa prayatendriyaḥ
Having seen such a dream, that royal sage, of valour like Indra's, bathed at dawn according to rule, his senses restrained,
AI translation rendered from the Sanskrit, not a published edition
MtP 120.45
कृतकृत्यो यथाकामं पूजयित्वा जनार्दनम् ददर्शात्रिं मुनिं राजा प्रत्यक्षं तपसां निधिम्
kṛtakṛtyo yathākāmaṃ pūjayitvā janārdanam dadarśātriṃ muniṃ rājā pratyakṣaṃ tapasāṃ nidhim
and, his purpose accomplished, having worshipped Janārdana as he wished, the king saw before his eyes the sage Atri, a treasury of austerities.
AI translation rendered from the Sanskrit, not a published edition
MtP 120.46
स्वप्नं तु देवदेवस्य न्यवेदयत धार्मिकः ततः शुश्राव वचनं देवतानां समीरितम्
svapnaṃ tu devadevasya nyavedayata dhārmikaḥ tataḥ śuśrāva vacanaṃ devatānāṃ samīritam
The righteous one reported the dream of the God of gods; then he heard the utterance spoken by the deities:
AI translation rendered from the Sanskrit, not a published edition
MtP 120.47
एवमेतन्महीपाल नात्र कार्या विचारणा एवं प्रसादं सम्प्राप्य देवदेवाज्जनार्दनात्
evametanmahīpāla nātra kāryā vicāraṇā evaṃ prasādaṃ samprāpya devadevājjanārdanāt
"It is so, O protector of the earth; no doubt is to be entertained here, since you have thus obtained the grace of the God of gods, Janārdana."
AI translation rendered from the Sanskrit, not a published edition
MtP 120.48
कृतदेवार्चनो राजा तथा हुतहुताशनः सर्वान्कामानवाप्तो ऽसौ वरदानेन केशवात्
kṛtadevārcano rājā tathā hutahutāśanaḥ sarvānkāmānavāpto 'sau varadānena keśavāt
The king, having performed worship of the god and having offered oblations into the fire, obtained all his desires through the granting of boons by Keśava.
AI translation rendered from the Sanskrit, not a published edition