Matsya Purana — Chapter 12
MtP 12.1
अथान्विषन्तो राजानं भ्रातरस् तस्य मानवाः इक्ष्वाकुप्रमुखा जग्मुस् तदा शरवणान्तिकम्
athānviṣanto rājānaṃ bhrātaras tasya mānavāḥ ikṣvākupramukhā jagmus tadā śaravaṇāntikam
Then his brothers, the sons of Manu, headed by Ikṣvāku, searching for the king, went to the neighbourhood of the reed thicket.
AI translation rendered from the Sanskrit, not a published edition
MtP 12.2
ततस्ते ददृशुः सर्वे वडबाम् अग्रतः स्थिताम् रत्नपर्याणकिरणदीप्तकायाम् अनुत्तमाम्
tataste dadṛśuḥ sarve vaḍabām agrataḥ sthitām ratnaparyāṇakiraṇadīptakāyām anuttamām
Then they all saw a mare standing before them, peerless, her body shining with the rays of a jewelled saddle.
AI translation rendered from the Sanskrit, not a published edition
MtP 12.3
पर्याणप्रत्यभिज्ञानात् सर्वे विस्मयम् आगताः अयं चन्द्रप्रभो नाम वाजी तस्य महात्मनः
paryāṇapratyabhijñānāt sarve vismayam āgatāḥ ayaṃ candraprabho nāma vājī tasya mahātmanaḥ
From recognizing the saddle they were all filled with wonder: "This is that great one's steed named Candraprabha.
AI translation rendered from the Sanskrit, not a published edition
MtP 12.4
अगमद् वडबारूपम् उत्तमं केन हेतुना ततस् तु मैत्रावरुणिं पप्रच्छुस्ते पुरोधसम्
agamad vaḍabārūpam uttamaṃ kena hetunā tatas tu maitrāvaruṇiṃ papracchuste purodhasam
For what reason has it gone into this surpassing form of a mare?" Then they asked their chaplain, the son of Mitra and Varuṇa:
AI translation rendered from the Sanskrit, not a published edition
MtP 12.5
किमित्येतदभूच्चित्रं वद योगविदां वर वसिष्ठश्चाब्रवीत् सर्वं दृष्ट्वा तद्ध्यानचक्षुषा
kimityetadabhūccitraṃ vada yogavidāṃ vara vasiṣṭhaścābravīt sarvaṃ dṛṣṭvā taddhyānacakṣuṣā
"Why has this marvel come about? Tell us, best of those who know yoga." And Vasiṣṭha, having seen the whole matter with the eye of meditation, said:
AI translation rendered from the Sanskrit, not a published edition
MtP 12.6
समयः शम्भुदयिताकृतः शरवणे पुरा यः पुमान्प्रविशेद् अत्र स नारीत्वमवाप्स्यति
samayaḥ śambhudayitākṛtaḥ śaravaṇe purā yaḥ pumānpraviśed atra sa nārītvamavāpsyati
"A stipulation was made long ago in the reed thicket by Śambhu's beloved: whatever man should enter here, he will attain womanhood.
AI translation rendered from the Sanskrit, not a published edition
MtP 12.7
अयमश्वो ऽपि नारीत्वम् अगाद्राज्ञा सहैव तु पुनः पुरुषतामेति यथासौ धनदोपमः
ayamaśvo 'pi nārītvam agādrājñā sahaiva tu punaḥ puruṣatāmeti yathāsau dhanadopamaḥ
This horse too has attained womanhood, together with the king; and he who is the equal of Kubera (the king) will attain manhood again, and so will it.
AI translation rendered from the Sanskrit, not a published edition — the model flagged this verse as uncertain
MtP 12.8
तथैव यत्नः कर्तव्यश् चाराध्यैव पिनाकिनम् ततस्ते मानवा जग्मुर् यत्र देवो महेश्वरः
tathaiva yatnaḥ kartavyaś cārādhyaiva pinākinam tataste mānavā jagmur yatra devo maheśvaraḥ
Just so must the effort be made, by propitiating the bearer of the Pināka." Then those descendants of Manu went to where the god Maheśvara was.
AI translation rendered from the Sanskrit, not a published edition
MtP 12.9
तुष्टुवुर् विविधैः स्तोत्रैः पार्वतीपरमेश्वरौ ताव् ऊचतुर् अलङ्घ्यो ऽयं समयः किंतु साम्प्रतम्
tuṣṭuvur vividhaiḥ stotraiḥ pārvatīparameśvarau tāv ūcatur alaṅghyo 'yaṃ samayaḥ kiṃtu sāmpratam
They praised Pārvatī and the Supreme Lord with various hymns. The two said: "This stipulation cannot be transgressed; but now,
AI translation rendered from the Sanskrit, not a published edition
MtP 12.10
इक्ष्वाकोरश्वमेधेन यत्फलं स्यात्तदावयोः दत्त्वा किम्पुरुषो वीरः स भविष्यत्यसंशयम्
ikṣvākoraśvamedhena yatphalaṃ syāttadāvayoḥ dattvā kimpuruṣo vīraḥ sa bhaviṣyatyasaṃśayam
if the fruit that would come from Ikṣvāku's horse sacrifice is given to us two, that hero will without doubt become a kimpuruṣa (part man, part woman)."
AI translation rendered from the Sanskrit, not a published edition
MtP 12.11
तथेत्युक्तास्ततस्ते तु जग्मुर् वैवस्वतात्मजाः इक्ष्वाकोश्चाश्वमेधेन चेलः किम्पुरुषो ऽभवत्
tathetyuktāstataste tu jagmur vaivasvatātmajāḥ ikṣvākoścāśvamedhena celaḥ kimpuruṣo 'bhavat
Being told "so be it," the sons of Vivasvat then departed; and by Ikṣvāku's horse sacrifice Ila became a kimpuruṣa.
AI translation rendered from the Sanskrit, not a published edition — the model flagged this verse as uncertain
MtP 12.12
मासमेकं पुमान्वीरः स्त्री च मासमभूत्पुनः बुधस्य भवने तिष्ठन् निलो गर्भधरो ऽभवत्
māsamekaṃ pumānvīraḥ strī ca māsamabhūtpunaḥ budhasya bhavane tiṣṭhan nilo garbhadharo 'bhavat
For one month the hero was a man, and for a month again became a woman; dwelling in Budha's house, Ila became the bearer of an embryo.
AI translation rendered from the Sanskrit, not a published edition
MtP 12.13
अजीजनत्पुत्रमेकम् अनेकगुणसंयुतम् बुधश्चोत्पाद्य तं पुत्रं स्वर्लोकम् अगमत्ततः
ajījanatputramekam anekaguṇasaṃyutam budhaścotpādya taṃ putraṃ svarlokam agamattataḥ
(Ila) gave birth to a single son, endowed with many virtues; and Budha, having begotten that son, thereupon went to the world of heaven.
AI translation rendered from the Sanskrit, not a published edition
MtP 12.14
इलस्य नाम्ना तद्वर्षम् इलावृतम् अभूत्तदा सोमार्कवंशयोर् आदाव् इलो ऽभून्मनुनन्दनः
ilasya nāmnā tadvarṣam ilāvṛtam abhūttadā somārkavaṃśayor ādāv ilo 'bhūnmanunandanaḥ
By Ila's name that region then came to be called Ilāvṛta; at the beginning of both the lunar and the solar lines stood Ila, the son of Manu.
AI translation rendered from the Sanskrit, not a published edition
MtP 12.15
एवं पुरूरवाः पुंसोर् अभवद् वंशवर्धनः इक्ष्वाकुर् अर्कवंशस्य तथैवोक्तस्तपोधनाः
evaṃ purūravāḥ puṃsor abhavad vaṃśavardhanaḥ ikṣvākur arkavaṃśasya tathaivoktastapodhanāḥ
Thus Purūravas, (born) of the male (Ila), became the increaser of the line; and Ikṣvāku was likewise declared (the increaser) of the solar line, O you rich in austerity.
AI translation rendered from the Sanskrit, not a published edition — the model flagged this verse as uncertain
MtP 12.16
इलः किम्पुरुषत्वे च सुद्युम्न इति चोच्यते पुनः पुत्रत्रयमभूत् सुद्युम्नस्यापराजितम्
ilaḥ kimpuruṣatve ca sudyumna iti cocyate punaḥ putratrayamabhūt sudyumnasyāparājitam
And Ila, in his state as a Kimpuruṣa, is also called Sudyumna; further, Sudyumna had three unvanquished sons.
AI translation rendered from the Sanskrit, not a published edition
MtP 12.17
उत्कलो वै गहस् तद्वद् धरिताश्वश् च वीर्यवान् उत्कलस्योत्कला नाम गयस्य तु गया मता
utkalo vai gahas tadvad dharitāśvaś ca vīryavān utkalasyotkalā nāma gayasya tu gayā matā
Utkala indeed, and likewise Gaha (Gaya), and the valiant Haritāśva. Utkala's (land) is named Utkalā, while Gaya's is held to be Gayā.
AI translation rendered from the Sanskrit, not a published edition
MtP 12.18
हरिताश्वस्य दिक्पूर्वा विश्रुता कुरुभिः सह प्रतिष्ठाने ऽभिषिच्याथ स पुरूरवसं सुतम्
haritāśvasya dikpūrvā viśrutā kurubhiḥ saha pratiṣṭhāne 'bhiṣicyātha sa purūravasaṃ sutam
Haritāśva's is the renowned eastern region, together with the Kurus. Then, having consecrated his son Purūravas at Pratiṣṭhāna,
AI translation rendered from the Sanskrit, not a published edition
MtP 12.19
जगामेलावृतं भोक्तुं वर्षं दिव्यफलाशनम् इक्ष्वाकुर्ज्येष्ठदायादो मध्यदेशमवाप्तवान्
jagāmelāvṛtaṃ bhoktuṃ varṣaṃ divyaphalāśanam ikṣvākurjyeṣṭhadāyādo madhyadeśamavāptavān
he went to enjoy Ilāvṛta, the region whose food is divine fruit; and Ikṣvāku, the eldest heir, obtained the middle country.
AI translation rendered from the Sanskrit, not a published edition
MtP 12.20
नरिष्यन्तस्य पुत्रो ऽभूच् छुचो नाम महाबलः नाभागस्याम्बरीषस्तु धृष्टस्य च सुतत्रयम्
nariṣyantasya putro 'bhūc chuco nāma mahābalaḥ nābhāgasyāmbarīṣastu dhṛṣṭasya ca sutatrayam
Nariṣyanta's son was one of great strength, Śuca by name; Nābhāga's (son) was Ambarīṣa, and Dhṛṣṭa had three sons.
AI translation rendered from the Sanskrit, not a published edition
MtP 12.21
धृतकेतुश्चित्रनाथो रणधृष्टश्च वीर्यवान् आनर्तो नाम शर्यातेः सुकन्या चैव दारिका
dhṛtaketuścitranātho raṇadhṛṣṭaśca vīryavān ānarto nāma śaryāteḥ sukanyā caiva dārikā
Dhṛtaketu, Citranātha, and the valiant Raṇadhṛṣṭa. Śaryāti's (son) was named Ānarta, and (his) girl-child was Sukanyā.
AI translation rendered from the Sanskrit, not a published edition
MtP 12.22
आनर्तस्याभवत्पुत्रो रोचमानः प्रतापवान् आनर्तो नाभ देशो ऽभून् नगरी च कुशस्थली
ānartasyābhavatputro rocamānaḥ pratāpavān ānarto nābha deśo 'bhūn nagarī ca kuśasthalī
Ānarta had a son, the majestic Rocamāna; the country came to be Ānarta, and the city Kuśasthalī.
AI translation rendered from the Sanskrit, not a published edition — the model flagged this verse as uncertain
MtP 12.23
रोचमानस्य पुत्रो ऽभूद् रेवो रैवत एव च ककुद्मी चापरं नाम ज्येष्ठः पुत्रशतस्य च
rocamānasya putro 'bhūd revo raivata eva ca kakudmī cāparaṃ nāma jyeṣṭhaḥ putraśatasya ca
Rocamāna's sons were Reva and Raivata; and another name (of his) was Kakudmī, the eldest of a hundred sons.
AI translation rendered from the Sanskrit, not a published edition
MtP 12.24
रेवती तस्य सा कन्या भार्या रामस्य विश्रुता करूषस्य तु कारूषा बहवः प्रथिता भुवि
revatī tasya sā kanyā bhāryā rāmasya viśrutā karūṣasya tu kārūṣā bahavaḥ prathitā bhuvi
That daughter of his, Revatī, was renowned as Rāma's wife; and of Karūṣa the many Kārūṣas became famous on earth.
AI translation rendered from the Sanskrit, not a published edition
MtP 12.25
पृषध्रो गोवधाच्छूद्रो गुरुशापादजायत इक्ष्वाकुवंशं वक्ष्यामि शृणुध्वमृषिसत्तमाः
pṛṣadhro govadhācchūdro guruśāpādajāyata ikṣvākuvaṃśaṃ vakṣyāmi śṛṇudhvamṛṣisattamāḥ
Pṛṣadhra, on account of killing a cow, was born a Śūdra through his teacher's curse. I shall now relate the line of Ikṣvāku; hear it, O best of seers.
AI translation rendered from the Sanskrit, not a published edition
MtP 12.26
इक्ष्वाकोः पुत्रताम् आप विकुक्षिर् नाम देवराट् ज्येष्ठः पुत्रशतस्यासीद् दश पञ्च च तत्सुताः
ikṣvākoḥ putratām āpa vikukṣir nāma devarāṭ jyeṣṭhaḥ putraśatasyāsīd daśa pañca ca tatsutāḥ
One named Vikukṣi, a ruler among the gods, attained sonship of Ikṣvāku; he was the eldest of a hundred sons, and his own sons were fifteen.
AI translation rendered from the Sanskrit, not a published edition
MtP 12.27
मेरोरुत्तरतस्ते तु जाताः पार्थिवसत्तमाः चतुर्दशोत्तरं चान्यच् छतमस्य तथाभवत्
meroruttarataste tu jātāḥ pārthivasattamāḥ caturdaśottaraṃ cānyac chatamasya tathābhavat
Those most excellent of kings were born to the north of Meru; and another hundred and fourteen of his (sons) likewise came to be.
AI translation rendered from the Sanskrit, not a published edition
MtP 12.28
मेरोर्दक्षिणतो ये ये राजानः संप्रकीर्तिताः ज्येष्ठः ककुत्स्थो नाम्नाभूत् तत्सुतस्तु सुयोधनः
merordakṣiṇato ye ye rājānaḥ saṃprakīrtitāḥ jyeṣṭhaḥ kakutstho nāmnābhūt tatsutastu suyodhanaḥ
Whatever kings have been proclaimed to the south of Meru — the eldest of them was Kakutstha by name, and his son was Suyodhana.
AI translation rendered from the Sanskrit, not a published edition
MtP 12.29
तस्य पुत्रः पृथुर्नाम विश्वगश्चपृथोः सुतः इन्दुस्तस्य च पुत्रो ऽभूद् युवनाश्वस्ततो ऽभवत्
tasya putraḥ pṛthurnāma viśvagaścapṛthoḥ sutaḥ industasya ca putro 'bhūd yuvanāśvastato 'bhavat
His son was named Pṛthu; Viśvagaśva was Pṛthu's son; and his son was Indu, from whom came Yuvanāśva.
AI translation rendered from the Sanskrit, not a published edition
MtP 12.30
श्रावस्तश्च महातेजा वत्सकस्तत्सुतो ऽभवत् निर्मिता येन श्रावस्ती गौडदेशे द्विजोत्तमाः
śrāvastaśca mahātejā vatsakastatsuto 'bhavat nirmitā yena śrāvastī gauḍadeśe dvijottamāḥ
And Śrāvasta of great splendour; Vatsaka was his son. By him was Śrāvastī built in the land of Gauḍa, O best of the twice-born.
AI translation rendered from the Sanskrit, not a published edition
MtP 12.31
श्रावस्ताद्बृहदश्वो ऽभूत् कुवलाश्वस् ततो ऽभवत् धुन्धुमारत्वमगमद् धुन्धुनाम्ना हतः पुरा
śrāvastādbṛhadaśvo 'bhūt kuvalāśvas tato 'bhavat dhundhumāratvamagamad dhundhunāmnā hataḥ purā
From Śrāvasta came Bṛhadaśva, and from him Kuvalāśva; he acquired the title Dhundhumāra, since one named Dhundhu was slain (by him) of old.
AI translation rendered from the Sanskrit, not a published edition
MtP 12.32
तस्य पुत्रास् त्रयो जाता दृढाश्वो दण्ड एव च कपिलाश्वश्च विख्यातो धौन्धुमारिः प्रतापवान्
tasya putrās trayo jātā dṛḍhāśvo daṇḍa eva ca kapilāśvaśca vikhyāto dhaundhumāriḥ pratāpavān
Three sons were born to him: Dṛḍhāśva, Daṇḍa, and the renowned Kapilāśva — (all) sons of the slayer of Dhundhu, mighty in valour.
AI translation rendered from the Sanskrit, not a published edition
MtP 12.33
दृढाश्वस्य प्रमोदश्च हर्यश्वस्तस्य चात्मजः हर्यश्वस्य निकुम्भो ऽभूत् संहताश्वस् ततो ऽभवत्
dṛḍhāśvasya pramodaśca haryaśvastasya cātmajaḥ haryaśvasya nikumbho 'bhūt saṃhatāśvas tato 'bhavat
Dṛḍhāśva's (son) was Pramoda, and his son Haryaśva; Haryaśva's (son) was Nikumbha, and from him came Saṃhatāśva.
AI translation rendered from the Sanskrit, not a published edition
MtP 12.34
अकृताश्वो रणाश्वश्च संहताश्वसुताव् उभौ युवनाश्वो रणाश्वस्य मान्धाता च ततो ऽभवत्
akṛtāśvo raṇāśvaśca saṃhatāśvasutāv ubhau yuvanāśvo raṇāśvasya māndhātā ca tato 'bhavat
Akṛtāśva and Raṇāśva were both sons of Saṃhatāśva; Raṇāśva's (son) was Yuvanāśva, and from him came Māndhātā.
AI translation rendered from the Sanskrit, not a published edition
MtP 12.35
मान्धातुः पुरुकुत्सो ऽभूद् धर्मसेनश्च पार्थिवः मुचुकुन्दश्च विख्यातः शत्रुजिच्च प्रतापवान्
māndhātuḥ purukutso 'bhūd dharmasenaśca pārthivaḥ mucukundaśca vikhyātaḥ śatrujicca pratāpavān
Of Māndhātā (the sons) were Purukutsa, and the king Dharmasena, and the renowned Mucukunda, and the valorous Śatrujit.
AI translation rendered from the Sanskrit, not a published edition
MtP 12.36
पुरुकुत्सस्य पुत्रो ऽभूद् वसुदो नर्मदापतिः सम्भूतिस्तस्य पुत्रो ऽभूत् त्रिधन्वा च ततो ऽभवत्
purukutsasya putro 'bhūd vasudo narmadāpatiḥ sambhūtistasya putro 'bhūt tridhanvā ca tato 'bhavat
Purukutsa's son was Vasuda, lord of the Narmadā; his son was Sambhūti, and from him came Tridhanvā.
AI translation rendered from the Sanskrit, not a published edition
MtP 12.37
त्रिधन्वनः सुतो जातस् त्रय्यारुण इति स्मृतः तस्मात्सत्यव्रतो नाम तस्मात्सत्यरथः स्मृतः
tridhanvanaḥ suto jātas trayyāruṇa iti smṛtaḥ tasmātsatyavrato nāma tasmātsatyarathaḥ smṛtaḥ
A son was born to Tridhanvā, known as Trayyāruṇa; from him (came) one named Satyavrata, and from him, it is said, Satyaratha.
AI translation rendered from the Sanskrit, not a published edition
MtP 12.38
तस्य पुत्रो हरिश्चन्द्रो हरिश्चन्द्राच्च रोहितः रोहिताच्च वृको जातो वृकाद्बाहुरजायत
tasya putro hariścandro hariścandrācca rohitaḥ rohitācca vṛko jāto vṛkādbāhurajāyata
His son was Hariścandra, and from Hariścandra (came) Rohita; from Rohita was born Vṛka, and from Vṛka Bāhu was born.
AI translation rendered from the Sanskrit, not a published edition
MtP 12.39
सगरस्तस्य पुत्रो ऽभूद् राजा परमधार्मिकः द्वे भार्ये सगरस्यापि प्रभा भानुमती तथा
sagarastasya putro 'bhūd rājā paramadhārmikaḥ dve bhārye sagarasyāpi prabhā bhānumatī tathā
His son was Sagara, a king supremely righteous; Sagara too had two wives, Prabhā and Bhānumatī.
AI translation rendered from the Sanskrit, not a published edition
MtP 12.40
ताभ्यामाराधितः पूर्वम् और्वो ऽग्निः पुत्रकाम्यया और्वस्तुष्टस्तयोः प्रादाद् यथेष्टं वरमुत्तमम्
tābhyāmārādhitaḥ pūrvam aurvo 'gniḥ putrakāmyayā aurvastuṣṭastayoḥ prādād yatheṣṭaṃ varamuttamam
Formerly the fire Aurva was propitiated by those two out of desire for sons; Aurva, pleased, granted them an excellent boon according to their wish.
AI translation rendered from the Sanskrit, not a published edition
MtP 12.41
एका षष्टिसहस्राणि सुतमेकं तथापरा गृह्णातु वंशकर्तारं प्रभागृह्णाद् बहूंस्तदा
ekā ṣaṣṭisahasrāṇi sutamekaṃ tathāparā gṛhṇātu vaṃśakartāraṃ prabhāgṛhṇād bahūṃstadā
"Let one take sixty thousand (sons), and the other one son, the continuer of the line." Then Prabhā took the many.
AI translation rendered from the Sanskrit, not a published edition
MtP 12.42
एकं भानुमती पुत्रम् अगृह्णादसमञ्जसम् ततः षष्टिसहस्राणि सुषुवे यादवी प्रभा
ekaṃ bhānumatī putram agṛhṇādasamañjasam tataḥ ṣaṣṭisahasrāṇi suṣuve yādavī prabhā
Bhānumatī took one son, Asamañjas; then Prabhā, the Yādava woman, bore sixty thousand.
AI translation rendered from the Sanskrit, not a published edition
MtP 12.43
खनन्तः पृथिवीं दग्धा विष्णुना ये ऽश्वमार्गणे असमञ्जसस्तु तनयो यो ऽंशुमान्नाम विश्रुतः
khanantaḥ pṛthivīṃ dagdhā viṣṇunā ye 'śvamārgaṇe asamañjasastu tanayo yo 'ṃśumānnāma viśrutaḥ
They, digging up the earth in search of the horse, were burnt by Viṣṇu. But Asamañjas's son was the one renowned by the name Aṃśumān.
AI translation rendered from the Sanskrit, not a published edition
MtP 12.44
तस्य पुत्रो दिलीपस् तु दिलीपात्तु भगीरथः येन भागीरथी गङ्गा तपः कृत्वावतारिता
tasya putro dilīpas tu dilīpāttu bhagīrathaḥ yena bhāgīrathī gaṅgā tapaḥ kṛtvāvatāritā
His son was Dilīpa, and from Dilīpa (came) Bhagīratha, by whom, after performing austerities, the Ganges was brought down as the Bhāgīrathī.
AI translation rendered from the Sanskrit, not a published edition
MtP 12.45
भगीरथस्य तनयो नाभाग इति विश्रुतः नाभागस्याम्बरीषो ऽभूत् सिन्धुद्वीपस् ततो ऽभवत्
bhagīrathasya tanayo nābhāga iti viśrutaḥ nābhāgasyāmbarīṣo 'bhūt sindhudvīpas tato 'bhavat
Bhagīratha's son was renowned as Nābhāga; Nābhāga's (son) was Ambarīṣa, and from him came Sindhudvīpa.
AI translation rendered from the Sanskrit, not a published edition
MtP 12.46
तस्यायुतायुः पुत्रो ऽभूद् ऋतुपर्णस्ततो ऽभवत् तस्य कल्माषपादस्तु सर्वकर्मा ततः स्मृतः
tasyāyutāyuḥ putro 'bhūd ṛtuparṇastato 'bhavat tasya kalmāṣapādastu sarvakarmā tataḥ smṛtaḥ
His son was Ayutāyus, and from him came Ṛtuparṇa; his (son) was Kalmāṣapāda, and from him, it is said, Sarvakarmā.
AI translation rendered from the Sanskrit, not a published edition
MtP 12.47
तस्यानरण्यः पुत्रो ऽभून् निघ्नस्तस्य सुतो ऽभवत् निघ्नपुत्राव् उभौ जाताव् अनमित्ररघू नृपौ
tasyānaraṇyaḥ putro 'bhūn nighnastasya suto 'bhavat nighnaputrāv ubhau jātāv anamitraraghū nṛpau
His son was Anaraṇya, and his son was Nighna; two sons of Nighna were born, the kings Anamitra and Raghu.
AI translation rendered from the Sanskrit, not a published edition
MtP 12.48
अनामित्रो वनमगाद् भविता स कृते नृपः रघोर् अभूद्दिलीपस्तु दिलीपादजकस्तथा
anāmitro vanamagād bhavitā sa kṛte nṛpaḥ raghor abhūddilīpastu dilīpādajakastathā
Anāmitra went to the forest; he will be king in the Kṛta (age). Of Raghu (the son) was Dilīpa, and from Dilīpa likewise Ajaka.
AI translation rendered from the Sanskrit, not a published edition
MtP 12.49
दीर्घबाहुरजाज्जातश् चाजपालस्ततो नृपः तस्माद्दशरथो जातस् तस्य पुत्रचतुष्टयम्
dīrghabāhurajājjātaś cājapālastato nṛpaḥ tasmāddaśaratho jātas tasya putracatuṣṭayam
Dīrghabāhu was born from Aja, and from him the king Ajapāla; from him was born Daśaratha, whose sons were four.
AI translation rendered from the Sanskrit, not a published edition
MtP 12.50
नारायणात्मकाः सर्वे रामस्तेष्वग्रजो ऽभवत् रावणान्तकरस्तद्वद् रघूणां वंशवर्धनः
nārāyaṇātmakāḥ sarve rāmasteṣvagrajo 'bhavat rāvaṇāntakarastadvad raghūṇāṃ vaṃśavardhanaḥ
All of them had the nature of Nārāyaṇa; Rāma was the eldest among them, the one who made an end of Rāvaṇa, and likewise the increaser of the lineage of the Raghus.
AI translation rendered from the Sanskrit, not a published edition
MtP 12.51
वाल्मीकिस्तस्य चरितं चक्रे भार्गवसत्तमः तस्य पुत्रौ कुशलवाव् इक्ष्वाकुकुलवर्धनौ
vālmīkistasya caritaṃ cakre bhārgavasattamaḥ tasya putrau kuśalavāv ikṣvākukulavardhanau
Vālmīki, best of the Bhārgavas, composed his deeds. His two sons were Kuśa and Lava, increasers of the Ikṣvāku family.
AI translation rendered from the Sanskrit, not a published edition
MtP 12.52
अतिथिस्तु कुशाज्जज्ञे निषधस्तस्य चात्मजः नलस्तु नैषधस्तस्मान् नभास्तस्मादजायत
atithistu kuśājjajñe niṣadhastasya cātmajaḥ nalastu naiṣadhastasmān nabhāstasmādajāyata
From Kuśa was born Atithi, and Niṣadha (was) his son; from him (came) Nala the Niṣadhan, and from him Nabhas was born.
AI translation rendered from the Sanskrit, not a published edition
MtP 12.53
नभसः पुण्डरीको ऽभूत् क्षेमधन्वा ततः स्मृतः तस्य पुत्रो ऽभवद्वीरो देवानीकः प्रतापवान्
nabhasaḥ puṇḍarīko 'bhūt kṣemadhanvā tataḥ smṛtaḥ tasya putro 'bhavadvīro devānīkaḥ pratāpavān
Of Nabhas there was Puṇḍarīka, and after him Kṣemadhanvā is recorded; his son was the valiant, mighty Devānīka.
AI translation rendered from the Sanskrit, not a published edition
MtP 12.54
अहीनगुस्तस्य सुतः सहस्राश्वस्ततः परः ततश्चन्द्रावलोकस्तु तारापीडस्ततो ऽभवत्
ahīnagustasya sutaḥ sahasrāśvastataḥ paraḥ tataścandrāvalokastu tārāpīḍastato 'bhavat
Ahīnagu (was) his son, next after him Sahasrāśva, then Candrāvaloka, and after him came Tārāpīḍa.
AI translation rendered from the Sanskrit, not a published edition
MtP 12.55
तस्यात्मजश् चन्द्रगिरिर् भानुश् चन्द्रस्ततो ऽभवत् श्रुतायुर् अभवत्तस्माद् भारते यो निपातितः
tasyātmajaś candragirir bhānuś candrastato 'bhavat śrutāyur abhavattasmād bhārate yo nipātitaḥ
His son (was) Candragiri, then came Bhānu, then Candra; from him was born Śrutāyu, who was struck down in the Bhārata (war).
AI translation rendered from the Sanskrit, not a published edition
MtP 12.56
नलौ द्वाव् एव विख्यातौ वंशे कश्यपसम्भवे वीरसेनसुतस्तद्वन् नैषधश्च नराधिपः
nalau dvāv eva vikhyātau vaṃśe kaśyapasambhave vīrasenasutastadvan naiṣadhaśca narādhipaḥ
In the lineage sprung from Kaśyapa just two Nalas are renowned: the son of Vīrasena, and likewise the king of Niṣadha.
AI translation rendered from the Sanskrit, not a published edition
MtP 12.57
एते वैवस्वते वंशे राजानो भूरिदक्षिणाः इक्ष्वाकुवंशप्रभवाः प्राधान्येन प्रकीर्तिताः
ete vaivasvate vaṃśe rājāno bhūridakṣiṇāḥ ikṣvākuvaṃśaprabhavāḥ prādhānyena prakīrtitāḥ
These kings, of abundant sacrificial gifts, arisen in the lineage of Ikṣvāku, in the line of the son of Vivasvat, have been proclaimed in their principal (members).
AI translation rendered from the Sanskrit, not a published edition