Matsya Purana — Chapter 112
MtP 112.1
भ्रातृभिः सहितः सर्वैर् द्रौपद्या सह भार्यया ब्राह्मणेभ्यो नमस्कृत्य गुरून्देवानतर्पयत्
bhrātṛbhiḥ sahitaḥ sarvair draupadyā saha bhāryayā brāhmaṇebhyo namaskṛtya gurūndevānatarpayat
Together with all his brothers and with his wife Draupadī, having made obeisance to the brahmins, he gratified the elders and the gods.
AI translation rendered from the Sanskrit, not a published edition
MtP 112.2
वासुदेवो ऽपि तत्रैव क्षणेनाभ्यागतस्तदा पाण्डवैः सहितैः सर्वैः पूज्यमानस्तु माधवः
vāsudevo 'pi tatraiva kṣaṇenābhyāgatastadā pāṇḍavaiḥ sahitaiḥ sarvaiḥ pūjyamānastu mādhavaḥ
Vāsudeva too came there in that very moment, and Mādhava was honoured by all the Pāṇḍavas together.
AI translation rendered from the Sanskrit, not a published edition
MtP 112.3
कृष्णेन सहितैः सर्वैः पुनरेव महात्मभिः अभिषिक्तः स्वराज्ये च धर्मपुत्रो युधिष्ठिरः
kṛṣṇena sahitaiḥ sarvaiḥ punareva mahātmabhiḥ abhiṣiktaḥ svarājye ca dharmaputro yudhiṣṭhiraḥ
By all those great-souled ones together with Kṛṣṇa, Yudhiṣṭhira the son of Dharma was consecrated once again in his own kingdom.
AI translation rendered from the Sanskrit, not a published edition
MtP 112.4
एतस्मिन्नन्तरे चैव मार्कण्डेयो महामुनिः ततः स्वस्तीति चोक्त्वा तु क्षणादाश्रममागमत्
etasminnantare caiva mārkaṇḍeyo mahāmuniḥ tataḥ svastīti coktvā tu kṣaṇādāśramamāgamat
Meanwhile the great sage Mārkaṇḍeya, having said "May it be well," went in an instant to his hermitage.
AI translation rendered from the Sanskrit, not a published edition
MtP 112.5
युधिष्ठिरो ऽपि धर्मात्मा भ्रातृभिः सहितो ऽवसत् महादानं ततो दत्त्वा धर्मपुत्रो महामनाः
yudhiṣṭhiro 'pi dharmātmā bhrātṛbhiḥ sahito 'vasat mahādānaṃ tato dattvā dharmaputro mahāmanāḥ
And Yudhiṣṭhira, righteous in soul, dwelt (there) with his brothers; then the high-minded son of Dharma, having given a great gift—
AI translation rendered from the Sanskrit, not a published edition
MtP 112.6
यस्त्विदं कल्य उत्थाय माहात्म्यं पठते नरः प्रयागं स्मरते नित्यं स याति परमं पदम् मुच्यते सर्वपापेभ्यो रुद्रलोकं स गच्छति
yastvidaṃ kalya utthāya māhātmyaṃ paṭhate naraḥ prayāgaṃ smarate nityaṃ sa yāti paramaṃ padam mucyate sarvapāpebhyo rudralokaṃ sa gacchati
But the man who, rising at dawn, recites this account of the greatness (of Prayāga) and constantly remembers Prayāga, goes to the highest station; he is freed from all sins and goes to the world of Rudra.
AI translation rendered from the Sanskrit, not a published edition
MtP 112.7
मम वाक्यं च कर्तव्यं महाराज ब्रवीम्यहम् नित्यं जपस्व जुह्वस्व प्रयागे विगतज्वरः
mama vākyaṃ ca kartavyaṃ mahārāja bravīmyaham nityaṃ japasva juhvasva prayāge vigatajvaraḥ
And my word should be carried out, great king — I tell you: constantly recite and constantly offer oblations at Prayāga, free of fever (of distress).
AI translation rendered from the Sanskrit, not a published edition
MtP 112.8
प्रयागं स्मर वै नित्यं सहास्माभिर्युधिष्ठिर स्वयं प्राप्स्यसि राजेन्द्र स्वर्गलोकं न संशयः
prayāgaṃ smara vai nityaṃ sahāsmābhiryudhiṣṭhira svayaṃ prāpsyasi rājendra svargalokaṃ na saṃśayaḥ
Remember Prayāga always, Yudhiṣṭhira, together with us; you yourself will attain the world of heaven, lord of kings — there is no doubt.
AI translation rendered from the Sanskrit, not a published edition
MtP 112.9
प्रयागमनुगच्छेद्वा वसते वापि यो नरः सर्वपापविशुद्धात्मा रुद्रलोकं स गच्छति
prayāgamanugacchedvā vasate vāpi yo naraḥ sarvapāpaviśuddhātmā rudralokaṃ sa gacchati
Whatever man goes to Prayāga, or dwells there, his self purified of all sins, he goes to the world of Rudra.
AI translation rendered from the Sanskrit, not a published edition
MtP 112.10
प्रतिग्रहादुपावृत्तः संतुष्टो नियतः शुचिः अहंकारनिवृत्तश्च स तीर्थफलमश्नुते
pratigrahādupāvṛttaḥ saṃtuṣṭo niyataḥ śuciḥ ahaṃkāranivṛttaśca sa tīrthaphalamaśnute
He who has turned away from accepting gifts, content, restrained, pure, and freed from egotism — he obtains the fruit of the sacred ford.
AI translation rendered from the Sanskrit, not a published edition
MtP 112.11
अकोपनश्च सत्यश्च सत्यवादी दृढव्रतः आत्मोपमश्च भूतेषु स तीर्थफलमश्नुते
akopanaśca satyaśca satyavādī dṛḍhavrataḥ ātmopamaśca bhūteṣu sa tīrthaphalamaśnute
And he who is free of anger, truthful, a speaker of truth, firm in his vows, and who regards (all) beings as like himself — he obtains the fruit of the sacred ford.
AI translation rendered from the Sanskrit, not a published edition
MtP 112.12
ऋषिभिः क्रतवः प्रोक्ता देवैश्चापि यथाक्रमम् न हि शक्या दरिद्रेण यज्ञाः प्राप्तुं महीपते
ṛṣibhiḥ kratavaḥ proktā devaiścāpi yathākramam na hi śakyā daridreṇa yajñāḥ prāptuṃ mahīpate
Sacrificial rites have been declared by the seers and by the gods too, each in due order; but sacrifices cannot be attained by a poor man, lord of the earth.
AI translation rendered from the Sanskrit, not a published edition
MtP 112.13
बहूपकरणा यज्ञा नानासम्भारविस्तराः प्राप्यन्ते पार्थिवैरेतैः समृद्धैर्वै नरैः क्वचित्
bahūpakaraṇā yajñā nānāsambhāravistarāḥ prāpyante pārthivairetaiḥ samṛddhairvai naraiḥ kvacit
Sacrifices requiring much equipment, with their extensive and varied paraphernalia, are attained by these kings, and sometimes by wealthy men.
AI translation rendered from the Sanskrit, not a published edition
MtP 112.14
यो दरिद्रैरपि विधिः शक्यः प्राप्तुं नरेश्वर तुल्यो यज्ञफलैः पुण्यैस् तन्निबोध युधिष्ठिर
yo daridrairapi vidhiḥ śakyaḥ prāptuṃ nareśvara tulyo yajñaphalaiḥ puṇyais tannibodha yudhiṣṭhira
That observance which even the poor are able to attain, lord of men, and which equals the meritorious fruits of sacrifices — learn that, Yudhiṣṭhira.
AI translation rendered from the Sanskrit, not a published edition
MtP 112.15
ऋषीणां परमं गुह्यम् इदं भरतसत्तम तीर्थानुगमनं पुण्यं यज्ञेभ्यो ऽपि विशिष्यते
ṛṣīṇāṃ paramaṃ guhyam idaṃ bharatasattama tīrthānugamanaṃ puṇyaṃ yajñebhyo 'pi viśiṣyate
This is the highest secret of the seers, best of the Bharatas: the meritorious visiting of sacred fords is even superior to sacrifices.
AI translation rendered from the Sanskrit, not a published edition
MtP 112.16
दश तीर्थसहस्राणि तिस्रः कोट्यस्तथापगाः माघमासे गमिष्यन्ति गङ्गायां भरतर्षभ
daśa tīrthasahasrāṇi tisraḥ koṭyastathāpagāḥ māghamāse gamiṣyanti gaṅgāyāṃ bharatarṣabha
Ten thousand sacred fords, and three crores of rivers, will go to the Gaṅgā in the month of Māgha, O bull of the Bharatas.
AI translation rendered from the Sanskrit, not a published edition
MtP 112.17
स्वस्थो भव महाराज भुङ्क्ष्व राज्यमकण्टकम् पुनर्द्रक्ष्यसि राजेन्द्र यजमानो विशेषतः
svastho bhava mahārāja bhuṅkṣva rājyamakaṇṭakam punardrakṣyasi rājendra yajamāno viśeṣataḥ
Be at ease, great king; enjoy a kingdom free of thorns. You will see (this) again, lord of kings, especially as a sacrificer.
AI translation rendered from the Sanskrit, not a published edition
MtP 112.18
इत्युक्त्वा स महाभागो मार्कण्डेयो महातपाः युधिष्ठिरस्य नृपतेस् तत्रैवान्तरधीयत
ityuktvā sa mahābhāgo mārkaṇḍeyo mahātapāḥ yudhiṣṭhirasya nṛpates tatraivāntaradhīyata
Having said this, that greatly fortunate Mārkaṇḍeya of great austerity vanished right there from (the sight of) King Yudhiṣṭhira.
AI translation rendered from the Sanskrit, not a published edition
MtP 112.19
ततस्तत्र समाप्लाव्य गात्राणि सगणो नृपः यथोक्तेनाथ विधिना परां निर्वृतिमागमत्
tatastatra samāplāvya gātrāṇi sagaṇo nṛpaḥ yathoktenātha vidhinā parāṃ nirvṛtimāgamat
Then the king, with his retinue, having bathed his limbs there according to the prescribed rite, attained supreme contentment.
AI translation rendered from the Sanskrit, not a published edition
MtP 112.20
तथा त्वमपि देवर्षे प्रयागाभिमुखो भव अभिषेकं तु कृत्वाद्य कृतकृत्यो भविष्यसि
tathā tvamapi devarṣe prayāgābhimukho bhava abhiṣekaṃ tu kṛtvādya kṛtakṛtyo bhaviṣyasi
So you too, divine seer, set your face toward Prayāga; and having performed the ablution today, you will have accomplished what is to be done.
AI translation rendered from the Sanskrit, not a published edition
MtP 112.21
एवमुक्त्वाथ नन्दीशस् तत्रैवान्तरधीयत नारदो ऽपि जगामाशु प्रयागाभिमुखस्तथा
evamuktvātha nandīśas tatraivāntaradhīyata nārado 'pi jagāmāśu prayāgābhimukhastathā
Having spoken thus, Nandīśa vanished right there; and Nārada too went swiftly, with his face set toward Prayāga.
AI translation rendered from the Sanskrit, not a published edition
MtP 112.22
तत्र स्नात्वा च जप्त्वा च विधिदृष्टेन कर्मणा दानं दत्त्वा द्विजाग्र्येभ्यो गतः स्वभवनं तदा
tatra snātvā ca japtvā ca vidhidṛṣṭena karmaṇā dānaṃ dattvā dvijāgryebhyo gataḥ svabhavanaṃ tadā
There, having bathed and recited, with the rite as prescribed, and having given a gift to the foremost of brahmins, he then went to his own abode.
AI translation rendered from the Sanskrit, not a published edition