Matsya Purana — Chapter 110
MtP 110.1
शृणु राजन्प्रयागस्य माहात्म्यं पुनरेव तु नैमिषं पुष्करं चैव गोतीर्थं सिन्धुसागरम्
śṛṇu rājanprayāgasya māhātmyaṃ punareva tu naimiṣaṃ puṣkaraṃ caiva gotīrthaṃ sindhusāgaram
Hear, O king, once again the greatness of Prayāga, and of Naimiṣa, and Puṣkara, and Gotīrtha, and Sindhusāgara.
AI translation rendered from the Sanskrit, not a published edition
MtP 110.2
गया च चैत्रकं चैव गङ्गासागरमेव च एते चान्ये च बहवो ये च पुण्याः शिलोच्चयाः
gayā ca caitrakaṃ caiva gaṅgāsāgarameva ca ete cānye ca bahavo ye ca puṇyāḥ śiloccayāḥ
And Gayā, and Caitraka, and the Gaṅgā-ocean (confluence), and these and many others, and whatever holy mountains there are —
AI translation rendered from the Sanskrit, not a published edition
MtP 110.3
दश तीर्थसहस्राणि त्रिंशत्कोट्यस्तथा पराः प्रयागे संस्थिता नित्यम् एवमाहुर्मनीषिणः
daśa tīrthasahasrāṇi triṃśatkoṭyastathā parāḥ prayāge saṃsthitā nityam evamāhurmanīṣiṇaḥ
Ten thousand sacred fords, and thirty crores besides, abide always at Prayāga: so say the wise.
AI translation rendered from the Sanskrit, not a published edition
MtP 110.4
त्रीणि चाप्यग्निकुण्डानि येषां मध्ये तु जाह्नवी प्रयागादभिनिष्क्रान्ता सर्वतीर्थनमस्कृता
trīṇi cāpyagnikuṇḍāni yeṣāṃ madhye tu jāhnavī prayāgādabhiniṣkrāntā sarvatīrthanamaskṛtā
And three fire-pits, in the midst of which the Jāhnavī (flows), issuing forth from Prayāga, saluted by all the sacred fords.
AI translation rendered from the Sanskrit, not a published edition
MtP 110.5
तपनस्य सुता देवी त्रिषु लोकेषु विश्रुता यमुना गङ्गया सार्धं संगता लोकभाविनी
tapanasya sutā devī triṣu lokeṣu viśrutā yamunā gaṅgayā sārdhaṃ saṃgatā lokabhāvinī
The goddess who is the daughter of the sun (Tapana), renowned in the three worlds, the Yamunā, joined together with the Gaṅgā, sustaining the world.
AI translation rendered from the Sanskrit, not a published edition
MtP 110.6
गङ्गायमुनयोर्मध्ये पृथिव्या जघनं स्मृतम् प्रयागं राजशार्दूल कलां नार्हति षोडशीम्
gaṅgāyamunayormadhye pṛthivyā jaghanaṃ smṛtam prayāgaṃ rājaśārdūla kalāṃ nārhati ṣoḍaśīm
Between the Gaṅgā and the Yamunā is held to be the loins of the earth; (all else,) O tiger among kings, is not worth a sixteenth part of Prayāga.
AI translation rendered from the Sanskrit, not a published edition
MtP 110.7
तिस्रः कोट्यो ऽर्धकोटिश्च तीर्थानां वायुरब्रवीत् दिवि भुव्यन्तरिक्षे च तत्सर्वं जाह्नवी स्मृता
tisraḥ koṭyo 'rdhakoṭiśca tīrthānāṃ vāyurabravīt divi bhuvyantarikṣe ca tatsarvaṃ jāhnavī smṛtā
Three crores and a half of sacred fords, said Vāyu, are in heaven, on earth, and in the intermediate space; all that is held to be the Jāhnavī.
AI translation rendered from the Sanskrit, not a published edition
MtP 110.8
प्रयागं समधिष्ठानं कम्बलाश्वतरावुभौ भोगवत्यथ या चैषा वेदिरेषा प्रजापतेः
prayāgaṃ samadhiṣṭhānaṃ kambalāśvatarāvubhau bhogavatyatha yā caiṣā vedireṣā prajāpateḥ
Prayāga is the seat (of them); both Kambala and Aśvatara (are there), and Bhogavatī too; and this is the altar of Prajāpati.
AI translation rendered from the Sanskrit, not a published edition — the model flagged this verse as uncertain
MtP 110.9
तत्र वेदाश्च यज्ञाश्च मूर्तिमन्तो युधिष्ठिर प्रजापतिम् उपासन्ते ऋषयश्च तपोधनाः
tatra vedāśca yajñāśca mūrtimanto yudhiṣṭhira prajāpatim upāsante ṛṣayaśca tapodhanāḥ
There the Vedas and the sacrifices, embodied, O Yudhiṣṭhira, wait upon Prajāpati, and the seers whose wealth is austerity.
AI translation rendered from the Sanskrit, not a published edition
MtP 110.10
यजन्ते क्रतुभिर् देवास् तथा चक्रधरा नृपाः ततः पुण्यतमं नास्ति त्रिषु लोकेषु भारत
yajante kratubhir devās tathā cakradharā nṛpāḥ tataḥ puṇyatamaṃ nāsti triṣu lokeṣu bhārata
There the gods sacrifice with rites, and likewise kings who wield the discus; there is nothing more holy than that in the three worlds, O Bhārata.
AI translation rendered from the Sanskrit, not a published edition
MtP 110.11
प्रभावात्सर्वतीर्थेभ्यः प्रभवत्यधिकं विभो दश तीर्थसहस्राणि तिस्रः कोट्यस्तथा पराः
prabhāvātsarvatīrthebhyaḥ prabhavatyadhikaṃ vibho daśa tīrthasahasrāṇi tisraḥ koṭyastathā parāḥ
In power it surpasses all the sacred fords, and more, O lord: ten thousand fords and three crores besides.
AI translation rendered from the Sanskrit, not a published edition — the model flagged this verse as uncertain
MtP 110.12
यत्र गङ्गा महाभागा स देशस्तत्तपोधनम् सिद्धक्षेत्रं च विज्ञेयं गङ्गातीरसमन्वितम्
yatra gaṅgā mahābhāgā sa deśastattapodhanam siddhakṣetraṃ ca vijñeyaṃ gaṅgātīrasamanvitam
Wherever the greatly blessed Gaṅgā is, that region is a place of austerity, and (the land) bordering the Gaṅgā's bank is to be known as a field of perfection.
AI translation rendered from the Sanskrit, not a published edition
MtP 110.13
इदं सत्यं विजानीयात् साधूनामात्मनश्च वै सुहृदश्च जपेत्कर्णे शिष्यस्यानुगतस्य च
idaṃ satyaṃ vijānīyāt sādhūnāmātmanaśca vai suhṛdaśca japetkarṇe śiṣyasyānugatasya ca
One should recognize this as true for good men and for oneself; and one may whisper it into the ear of a friend and of an obedient pupil.
AI translation rendered from the Sanskrit, not a published edition
MtP 110.14
इदं धन्यमिदं स्वर्ग्यम् इदं सत्यमिदं सुखम् इदं पुण्यमिदं धर्म्यं पावनं धर्ममुत्तमम्
idaṃ dhanyamidaṃ svargyam idaṃ satyamidaṃ sukham idaṃ puṇyamidaṃ dharmyaṃ pāvanaṃ dharmamuttamam
This is wealth-giving, this leads to heaven, this is true, this is happiness; this is meritorious, this is righteous, purifying, the highest dharma.
AI translation rendered from the Sanskrit, not a published edition
MtP 110.15
महर्षीणामिदं गुह्यं सर्वपापप्रणाशनम् अधीत्य च द्विजो ऽप्येतन् निर्मलः स्वर्गमाप्नुयात्
maharṣīṇāmidaṃ guhyaṃ sarvapāpapraṇāśanam adhītya ca dvijo 'pyetan nirmalaḥ svargamāpnuyāt
This is the secret of the great seers, destroying all sins; and a twice-born who has recited it becomes stainless and would attain heaven.
AI translation rendered from the Sanskrit, not a published edition
MtP 110.16
य इदं शृणुयान्नित्यं तीर्थं पुण्यं सदा शुचिः जातिस्मरत्वं लभते नाकपृष्ठे च मोदते
ya idaṃ śṛṇuyānnityaṃ tīrthaṃ puṇyaṃ sadā śuciḥ jātismaratvaṃ labhate nākapṛṣṭhe ca modate
He who, ever pure, constantly listens to this holy sacred ford (account) obtains the memory of his (past) births and rejoices on the vault of heaven.
AI translation rendered from the Sanskrit, not a published edition
MtP 110.17
प्राप्यन्ते तानि तीर्थानि सद्भिः शिष्टानुदर्शिभिः स्नाहि तीर्थेषु कौरव्य न च वक्रमतिर्भव
prāpyante tāni tīrthāni sadbhiḥ śiṣṭānudarśibhiḥ snāhi tīrtheṣu kauravya na ca vakramatirbhava
Those sacred fords are reached by the good who follow the ways of the well-taught. Bathe at the fords, O Kaurava, and do not be crooked of mind.
AI translation rendered from the Sanskrit, not a published edition
MtP 110.18
त्वया च सम्यक्पृष्टेन कथितं वै मया विभो पितरस्तारिताः सर्वे तथैव च पितामहाः
tvayā ca samyakpṛṣṭena kathitaṃ vai mayā vibho pitarastāritāḥ sarve tathaiva ca pitāmahāḥ
And since you asked rightly, it has indeed been told by me, O lord; all your fathers and likewise your grandfathers have been carried across.
AI translation rendered from the Sanskrit, not a published edition
MtP 110.19
व्रतं दानं तपस्तीर्थं यागाः सर्वे सदक्षिणाः योगाः सांख्यं सदाचारो ये चान्ये ज्ञानहेतवः प्रयागस्य तु सर्वे ते कलां नार्हन्ति षोडशीम्
vrataṃ dānaṃ tapastīrthaṃ yāgāḥ sarve sadakṣiṇāḥ yogāḥ sāṃkhyaṃ sadācāro ye cānye jñānahetavaḥ prayāgasya tu sarve te kalāṃ nārhanti ṣoḍaśīm
Vows, giving, austerity, pilgrimage, all sacrifices with their priestly fees, the yogas, Sāṃkhya, good conduct, and whatever other means of knowledge there are — all these are not worth a sixteenth part of Prayāga.
AI translation rendered from the Sanskrit, not a published edition
MtP 110.20
एवं ज्ञानं च योगश्च तीर्थं चैव युधिष्ठिर बहुक्लेशेन युज्यन्ते तेन यान्ति परां गतिम् त्रिकालं जायते ज्ञानं स्वर्गलोकं गमिष्यति
evaṃ jñānaṃ ca yogaśca tīrthaṃ caiva yudhiṣṭhira bahukleśena yujyante tena yānti parāṃ gatim trikālaṃ jāyate jñānaṃ svargalokaṃ gamiṣyati
Thus knowledge and yoga and pilgrimage, O Yudhiṣṭhira, are achieved with much hardship; by that men go to the highest goal. Knowledge arises at (all) three times; he will go to the world of heaven.
AI translation rendered from the Sanskrit, not a published edition — the model flagged this verse as uncertain