Matsya Purana — Chapter 106
MtP 106.1
यथा यथा प्रयागस्य माहात्म्यं कथ्यते त्वया तथा तथा प्रमुच्ये ऽहं सर्वपापैर्न संशयः
yathā yathā prayāgasya māhātmyaṃ kathyate tvayā tathā tathā pramucye 'haṃ sarvapāpairna saṃśayaḥ
The more the greatness of Prayāga is told by you, the more I am freed from all sins — there is no doubt.
AI translation rendered from the Sanskrit, not a published edition
MtP 106.2
भगवन्केन विधिना गन्तव्यं धर्मनिश्चयैः प्रयागे यो विधिः प्रोक्तस् तन्मे ब्रूहि महामुने
bhagavankena vidhinā gantavyaṃ dharmaniścayaiḥ prayāge yo vidhiḥ proktas tanme brūhi mahāmune
Lord, by what rule should (Prayāga) be gone to by those resolved upon dharma? Tell me, great sage, the rule that is declared for Prayāga.
AI translation rendered from the Sanskrit, not a published edition
MtP 106.3
कथयिष्यामि ते राजंस् तीर्थयात्राविधिक्रमम् आर्षेण विधिनानेन यथादृष्टं यथाश्रुतम्
kathayiṣyāmi te rājaṃs tīrthayātrāvidhikramam ārṣeṇa vidhinānena yathādṛṣṭaṃ yathāśrutam
I shall tell you, O king, the sequence of the rule for pilgrimage to sacred fords, according to this rule of the seers, as it has been seen and as it has been heard.
AI translation rendered from the Sanskrit, not a published edition
MtP 106.4
प्रयागतीर्थयात्रार्थी यः प्रयाति नरः क्वचित् बलीवर्दसमारूढः शृणु तस्यापि यत्फलम्
prayāgatīrthayātrārthī yaḥ prayāti naraḥ kvacit balīvardasamārūḍhaḥ śṛṇu tasyāpi yatphalam
When a man, desiring the pilgrimage to the ford of Prayāga, travels anywhere mounted on a bullock — hear what fruit is his too.
AI translation rendered from the Sanskrit, not a published edition
MtP 106.5
नरके वसते घोरे गवां क्रोष्टा हि दारुणे सलिलं न च गृह्णन्ति पितरस्तस्य देहिनः
narake vasate ghore gavāṃ kroṣṭā hi dāruṇe salilaṃ na ca gṛhṇanti pitarastasya dehinaḥ
He dwells in a terrible, dreadful hell, a tormentor of cows; and the ancestors of that embodied one do not accept his water-offering.
AI translation rendered from the Sanskrit, not a published edition
MtP 106.6
यस्तु पुत्रांस्तथा बालान् स्नापयेत् पाययेत्तथा यथात्मना तथा सर्वं दानं विप्रेषु दापयेत्
yastu putrāṃstathā bālān snāpayet pāyayettathā yathātmanā tathā sarvaṃ dānaṃ vipreṣu dāpayet
But he who bathes his sons and the children and likewise gives them to drink, just as (he does) for himself, should have every gift given to the brahmins in that same way.
AI translation rendered from the Sanskrit, not a published edition — the model flagged this verse as uncertain
MtP 106.7
ऐश्वर्यलोभमोहाद्वा गच्छेद्यानेन यो नरः निष्फलं तस्य तत्सर्वं तस्माद्यानं विवर्जयेत्
aiśvaryalobhamohādvā gacchedyānena yo naraḥ niṣphalaṃ tasya tatsarvaṃ tasmādyānaṃ vivarjayet
But the man who, out of greed and delusion for lordship, would travel by a vehicle — all that of his is fruitless; therefore he should avoid a vehicle.
AI translation rendered from the Sanskrit, not a published edition
MtP 106.8
गङ्गायमुनयोर्मध्ये यस्तु कन्यां प्रयच्छति आर्षेणैव विवाहेन यथाविभवसम्भवम्
gaṅgāyamunayormadhye yastu kanyāṃ prayacchati ārṣeṇaiva vivāhena yathāvibhavasambhavam
And he who, between the Gaṅgā and the Yamunā, bestows a maiden by the ārṣa form of marriage, as far as his wealth allows —
AI translation rendered from the Sanskrit, not a published edition
MtP 106.9
न स पश्यति तं घोरं नरकं तेन कर्मणा उत्तरान्स कुरून्गत्वा मोदते कालमक्षयम् पुत्रान्दारांश्च लभते धार्मिकान्रूपसंयुतान्
na sa paśyati taṃ ghoraṃ narakaṃ tena karmaṇā uttarānsa kurūngatvā modate kālamakṣayam putrāndārāṃśca labhate dhārmikānrūpasaṃyutān
he does not see that terrible hell, by reason of that act; having gone to the Northern Kurus he rejoices for endless time, and he obtains sons and a wife, righteous and endowed with beauty.
AI translation rendered from the Sanskrit, not a published edition
MtP 106.10
तत्र दानं प्रकर्तव्यं यथाविभवसम्भवम् तेन तीर्थफलं चैव वर्धते नात्र संशयः स्वर्गे तिष्ठति राजेन्द्र यावदाभूतसंप्लवम्
tatra dānaṃ prakartavyaṃ yathāvibhavasambhavam tena tīrthaphalaṃ caiva vardhate nātra saṃśayaḥ svarge tiṣṭhati rājendra yāvadābhūtasaṃplavam
There a gift should be made as far as one's wealth allows; by that the fruit of the sacred ford increases — there is no doubt here; he abides in heaven, O lord of kings, until the dissolution of beings.
AI translation rendered from the Sanskrit, not a published edition
MtP 106.11
वटमूलं समासाद्य यस्तु प्राणान्विमुञ्चति सर्वलोकानतिक्रम्य रुद्रलोकं स गच्छति
vaṭamūlaṃ samāsādya yastu prāṇānvimuñcati sarvalokānatikramya rudralokaṃ sa gacchati
And he who, having reached the root of the banyan tree, gives up his life-breaths, passing beyond all the worlds, goes to the world of Rudra.
AI translation rendered from the Sanskrit, not a published edition
MtP 106.12
तत्र ते द्वादशादित्यास् तपन्ति रुद्रसंश्रिताः निर्दहन्ति जगत्सर्वं वटमूलं न दह्यते
tatra te dvādaśādityās tapanti rudrasaṃśritāḥ nirdahanti jagatsarvaṃ vaṭamūlaṃ na dahyate
There the twelve suns, attached to Rudra, blaze; they burn up the whole world, (but) the root of the banyan is not burned.
AI translation rendered from the Sanskrit, not a published edition
MtP 106.13
नष्टचन्द्रार्कभुवनं यदा चैकार्णवं जगत् स्थीयते तत्र वै विष्णुर् यजमानः पुनः पुनः
naṣṭacandrārkabhuvanaṃ yadā caikārṇavaṃ jagat sthīyate tatra vai viṣṇur yajamānaḥ punaḥ punaḥ
When the world, with moon, sun and dwellings destroyed, becomes a single ocean, there indeed Viṣṇu abides as the sacrificer, again and again.
AI translation rendered from the Sanskrit, not a published edition
MtP 106.14
देवदानवगन्धर्वा ऋषयः सिद्धचारणाः सदा सेवन्ति तत्तीर्थं गङ्गायमुनसंगमम्
devadānavagandharvā ṛṣayaḥ siddhacāraṇāḥ sadā sevanti tattīrthaṃ gaṅgāyamunasaṃgamam
Gods, dānavas, gandharvas, seers, siddhas and cāraṇas always frequent that sacred ford, the confluence of the Gaṅgā and the Yamunā.
AI translation rendered from the Sanskrit, not a published edition
MtP 106.15
ततो गच्छेत राजेन्द्र प्रयागं संस्तुवंश्च यत् यत्र ब्रह्मादयो देवा ऋषयः सिद्धचारणाः
tato gaccheta rājendra prayāgaṃ saṃstuvaṃśca yat yatra brahmādayo devā ṛṣayaḥ siddhacāraṇāḥ
Then, O lord of kings, one should go, praising, to Prayāga, where the gods headed by Brahmā, the seers, the siddhas and cāraṇas (are),
AI translation rendered from the Sanskrit, not a published edition
MtP 106.16
लोकपालाश्च साध्याश्च पितरो लोकसंमताः सनत्कुमारप्रमुखास् तथैव परमर्षयः
lokapālāśca sādhyāśca pitaro lokasaṃmatāḥ sanatkumārapramukhās tathaiva paramarṣayaḥ
and the world-guardians and the sādhyas and the ancestors honoured by the world, and likewise the supreme seers headed by Sanatkumāra,
AI translation rendered from the Sanskrit, not a published edition
MtP 106.17
अङ्गिरःप्रमुखाश्चैव तथा ब्रह्मर्षयः परे तथा नागाः सुपर्णाश्च सिद्धाश्च खेचराश्च ये
aṅgiraḥpramukhāścaiva tathā brahmarṣayaḥ pare tathā nāgāḥ suparṇāśca siddhāśca khecarāśca ye
and those headed by Aṅgiras and the other brahmin-seers, and likewise the nāgas and the suparṇas and the siddhas and those who move in the sky,
AI translation rendered from the Sanskrit, not a published edition
MtP 106.18
सागराः सरितः शैला नागा विद्याधराश्च ये हरिश्च भगवनास्ते प्रजापतिपुरःसरः
sāgarāḥ saritaḥ śailā nāgā vidyādharāśca ye hariśca bhagavanāste prajāpatipuraḥsaraḥ
the oceans, the rivers, the mountains, the nāgas and the vidyādharas, and the Lord Hari abides (there), with Prajāpati going before him.
AI translation rendered from the Sanskrit, not a published edition
MtP 106.19
गङ्गायमुनयोर्मध्ये पृथिव्या जघनं स्मृतम् प्रयागं राजशार्दूल त्रिषु लोकेषु विश्रुतम् ततः पुण्यतमं नास्ति त्रिषु लोकेषु भारत
gaṅgāyamunayormadhye pṛthivyā jaghanaṃ smṛtam prayāgaṃ rājaśārdūla triṣu lokeṣu viśrutam tataḥ puṇyatamaṃ nāsti triṣu lokeṣu bhārata
Between the Gaṅgā and the Yamunā lies what is called the loins of the earth: Prayāga, O tiger among kings, renowned in the three worlds. There is nothing more holy than that in the three worlds, O Bhārata.
AI translation rendered from the Sanskrit, not a published edition
MtP 106.20
श्रवणात्तस्य तीर्थस्य नामसंकीर्तनादपि मृत्तिकालम्भनाद्वापि नरः पापात्प्रमुच्यते
śravaṇāttasya tīrthasya nāmasaṃkīrtanādapi mṛttikālambhanādvāpi naraḥ pāpātpramucyate
By hearing of that sacred ford, and even by the utterance of its name, or by touching (its) earth, a man is released from sin.
AI translation rendered from the Sanskrit, not a published edition
MtP 106.21
तत्राभिषेकं यः कुर्यात् संगमे शंसितव्रतः तुल्यं फलमवाप्नोति राजसूयाश्वमेधयोः
tatrābhiṣekaṃ yaḥ kuryāt saṃgame śaṃsitavrataḥ tulyaṃ phalamavāpnoti rājasūyāśvamedhayoḥ
He who, of firm vow, performs his ablution there at the confluence obtains a fruit equal to (that of) the Rājasūya and the Aśvamedha.
AI translation rendered from the Sanskrit, not a published edition
MtP 106.22
न देववचनात्तात न लोकवचनात्तथा मतिर् उत्क्रमणीया ते प्रयागगमनं प्रति
na devavacanāttāta na lokavacanāttathā matir utkramaṇīyā te prayāgagamanaṃ prati
Not at the word of a god, my dear, nor likewise at the word of men, should your intention regarding the journey to Prayāga be given up.
AI translation rendered from the Sanskrit, not a published edition
MtP 106.23
दश तीर्थसहस्राणि षष्टिकोट्यस्तथा पराः तेषां सांनिध्यमत्रैव ततस्तु कुरुनन्दन
daśa tīrthasahasrāṇi ṣaṣṭikoṭyastathā parāḥ teṣāṃ sāṃnidhyamatraiva tatastu kurunandana
Ten thousand sacred fords, and sixty crores more besides — their presence is right here, O delight of the Kurus.
AI translation rendered from the Sanskrit, not a published edition
MtP 106.24
या गतिर् योगयुक्तस्य सत्यस्थस्य मनीषिणः सा गतिस्त्यजतः प्राणान् गङ्गायमुनसंगमे
yā gatir yogayuktasya satyasthasya manīṣiṇaḥ sā gatistyajataḥ prāṇān gaṅgāyamunasaṃgame
Whatever the goal of a wise man established in truth and joined to yoga, that same goal belongs to one who gives up his life-breaths at the confluence of the Gaṅgā and the Yamunā.
AI translation rendered from the Sanskrit, not a published edition
MtP 106.25
न ते जीवन्ति लोके ऽस्मिंस् तत्र तत्र युधिष्ठिर ये प्रयागं न सम्प्राप्तास् त्रिषु लोकेषु वञ्चिताः
na te jīvanti loke 'smiṃs tatra tatra yudhiṣṭhira ye prayāgaṃ na samprāptās triṣu lokeṣu vañcitāḥ
They do not (truly) live in this world, here and there, O Yudhiṣṭhira, who have not reached Prayāga — they are cheated in the three worlds.
AI translation rendered from the Sanskrit, not a published edition
MtP 106.26
एवं दृष्ट्वा तु तत्तीर्थं प्रयागं परमं पदम् मुच्यते सर्वपापेभ्यः शशाङ्क इव राहुणा
evaṃ dṛṣṭvā tu tattīrthaṃ prayāgaṃ paramaṃ padam mucyate sarvapāpebhyaḥ śaśāṅka iva rāhuṇā
Having thus seen that sacred ford Prayāga, the highest station, one is freed from all sins, like the moon from Rāhu.
AI translation rendered from the Sanskrit, not a published edition
MtP 106.27
कम्बलाश्वतरौ नागौ विपुले यमुनातटे तत्र स्नात्वा च पीत्वा च सर्वपापैः प्रमुच्यते
kambalāśvatarau nāgau vipule yamunātaṭe tatra snātvā ca pītvā ca sarvapāpaiḥ pramucyate
The two Nāgas Kambala and Aśvatara are on the broad bank of the Yamunā; having bathed and drunk there, one is released from all sins.
AI translation rendered from the Sanskrit, not a published edition
MtP 106.28
तत्र गत्वा च संस्थानं महादेवस्य विश्रुतम् नरस्तारयते सर्वान् दश पूर्वान्दशापरान्
tatra gatvā ca saṃsthānaṃ mahādevasya viśrutam narastārayate sarvān daśa pūrvāndaśāparān
And going there to the famed abode of Mahādeva, a man carries across all (his forebears), the ten before and the ten after.
AI translation rendered from the Sanskrit, not a published edition
MtP 106.29
कृत्वाभिषेकं तु नरः सो ऽश्वमेधफलं लभेत् स्वर्गलोकमवाप्नोति यावदाभूतसंप्लवम्
kṛtvābhiṣekaṃ tu naraḥ so 'śvamedhaphalaṃ labhet svargalokamavāpnoti yāvadābhūtasaṃplavam
Having performed the ablution, that man would obtain the fruit of an Aśvamedha; he attains the world of heaven until the dissolution of beings.
AI translation rendered from the Sanskrit, not a published edition
MtP 106.30
पूर्वपार्श्वे तु गङ्गायास् त्रिषु लोकेषु भारत कूपं चैव तु सामुद्रं प्रतिष्ठानं च विश्रुतम्
pūrvapārśve tu gaṅgāyās triṣu lokeṣu bhārata kūpaṃ caiva tu sāmudraṃ pratiṣṭhānaṃ ca viśrutam
On the eastern side of the Gaṅgā, O Bhārata, (there is) the Sāmudra well and Pratiṣṭhāna, famed in the three worlds.
AI translation rendered from the Sanskrit, not a published edition
MtP 106.31
ब्रह्मचारी जितक्रोधस् त्रिरात्रं यदि तिष्ठति सर्वपापविशुद्धात्मा सो ऽश्वमेधफलं लभेत्
brahmacārī jitakrodhas trirātraṃ yadi tiṣṭhati sarvapāpaviśuddhātmā so 'śvamedhaphalaṃ labhet
If, chaste and having conquered anger, one stays (there) for three nights, his self purified of all sin, he obtains the fruit of an Aśvamedha.
AI translation rendered from the Sanskrit, not a published edition
MtP 106.32
उत्तरेण प्रतिष्ठानाद् भागीरथ्यास्तु पूर्वतः हंसप्रपतनं नाम तीर्थं त्रैलोक्यविश्रुतम्
uttareṇa pratiṣṭhānād bhāgīrathyāstu pūrvataḥ haṃsaprapatanaṃ nāma tīrthaṃ trailokyaviśrutam
To the north of Pratiṣṭhāna and to the east of the Bhāgīrathī is the sacred ford named Haṃsaprapatana, famed in the three worlds.
AI translation rendered from the Sanskrit, not a published edition
MtP 106.33
अश्वमेधफलं तस्मिन् स्नानमात्रेण भारत यावच्चन्द्रश्च सूर्यश्च तावत्स्वर्गे महीयते
aśvamedhaphalaṃ tasmin snānamātreṇa bhārata yāvaccandraśca sūryaśca tāvatsvarge mahīyate
There, merely by bathing, (one gains) the fruit of an Aśvamedha, O Bhārata; as long as the moon and the sun (endure), so long is he honoured in heaven.
AI translation rendered from the Sanskrit, not a published edition
MtP 106.34
उर्वशीरमणे पुण्ये विपुले हंसपाण्डुरे परित्यजति यः प्राणाञ् शृणु तस्यापि यत्फलम्
urvaśīramaṇe puṇye vipule haṃsapāṇḍure parityajati yaḥ prāṇāñ śṛṇu tasyāpi yatphalam
At the holy, broad, swan-white Urvaśīramaṇa, whoever gives up his life-breaths — hear what fruit is his too.
AI translation rendered from the Sanskrit, not a published edition
MtP 106.35
षष्टिवर्षसहस्राणि षष्टिवर्षशतानि च सेव्यते पितृभिः सार्धं स्वर्गलोके नराधिप
ṣaṣṭivarṣasahasrāṇi ṣaṣṭivarṣaśatāni ca sevyate pitṛbhiḥ sārdhaṃ svargaloke narādhipa
For sixty thousand years and sixty hundred years he is served, together with his forefathers, in the world of heaven, O lord of men.
AI translation rendered from the Sanskrit, not a published edition
MtP 106.36
उर्वशीं तु सदा पश्येत् स्वर्गलोके नरोत्तम पूज्यते सततं पुत्र ऋषिगन्धर्वकिंनरैः
urvaśīṃ tu sadā paśyet svargaloke narottama pūjyate satataṃ putra ṛṣigandharvakiṃnaraiḥ
And he would always behold Urvaśī in the world of heaven, O best of men; he is constantly honoured, my son, by seers, gandharvas and kiṃnaras.
AI translation rendered from the Sanskrit, not a published edition
MtP 106.37
ततः स्वर्गात्परिभ्रष्टः क्षीणकर्मा दिवश्च्युतः उर्वशीसदृशीनां तु कन्यानां लभते शतम्
tataḥ svargātparibhraṣṭaḥ kṣīṇakarmā divaścyutaḥ urvaśīsadṛśīnāṃ tu kanyānāṃ labhate śatam
Then, fallen from heaven, his merit exhausted, dropped from the sky, he obtains a hundred maidens like Urvaśī.
AI translation rendered from the Sanskrit, not a published edition
MtP 106.38
मध्ये नारीसहस्राणां बहूनां च पतिर्भवेत् दशग्रामसहस्राणां भोक्ता भवति भूमिपः
madhye nārīsahasrāṇāṃ bahūnāṃ ca patirbhavet daśagrāmasahasrāṇāṃ bhoktā bhavati bhūmipaḥ
He would become the husband amid many thousands of women, and he becomes a king enjoying ten thousand villages.
AI translation rendered from the Sanskrit, not a published edition
MtP 106.39
काञ्चीनूपुरशब्देन सुप्तो ऽसौ प्रतिबुध्यते भुक्त्वा तु विपुलान् भोगांस् तत्तीर्थं भजते पुनः
kāñcīnūpuraśabdena supto 'sau pratibudhyate bhuktvā tu vipulān bhogāṃs tattīrthaṃ bhajate punaḥ
By the sound of girdles and anklets he, though asleep, is awakened; and having enjoyed abundant pleasures, he resorts again to that sacred ford.
AI translation rendered from the Sanskrit, not a published edition
MtP 106.40
शुक्लाम्बरधरो नित्यं नियतः संयतेन्द्रियः एकं कालं तु भुञ्जानो मासं भूमिपतिर्भवेत्
śuklāmbaradharo nityaṃ niyataḥ saṃyatendriyaḥ ekaṃ kālaṃ tu bhuñjāno māsaṃ bhūmipatirbhavet
Ever wearing white garments, disciplined, his senses restrained, eating at one time (of day) only for a month, he becomes a lord of the earth.
AI translation rendered from the Sanskrit, not a published edition
MtP 106.41
सुवर्णालंकृतानां तु नारीणां लभते शतम् पृथिव्याम् आसमुद्रायां महाभूमिपतिर्भवेत्
suvarṇālaṃkṛtānāṃ tu nārīṇāṃ labhate śatam pṛthivyām āsamudrāyāṃ mahābhūmipatirbhavet
He obtains a hundred women adorned with gold; he becomes a great lord of the earth (extending) up to the ocean.
AI translation rendered from the Sanskrit, not a published edition
MtP 106.42
धनधान्यसमायुक्तो दाता भवति नित्यशः भुक्त्वा तु विपुलान्भोगांस् तत्तीर्थं लभते पुनः
dhanadhānyasamāyukto dātā bhavati nityaśaḥ bhuktvā tu vipulānbhogāṃs tattīrthaṃ labhate punaḥ
He is endowed with wealth and grain and is ever a giver; and having enjoyed abundant pleasures, he attains that sacred ford again.
AI translation rendered from the Sanskrit, not a published edition
MtP 106.43
अथ संध्यावटे रम्ये ब्रह्मचारी जितेन्द्रियः उपवासी शुचिः संध्यां ब्रह्मलोकमवाप्नुयात्
atha saṃdhyāvaṭe ramye brahmacārī jitendriyaḥ upavāsī śuciḥ saṃdhyāṃ brahmalokamavāpnuyāt
Then, at the lovely Saṃdhyā banyan, a chaste student with his senses conquered, fasting and pure, would attain the world of Brahmā at twilight.
AI translation rendered from the Sanskrit, not a published edition — the model flagged this verse as uncertain
MtP 106.44
कोटितीर्थं समासाद्य यस्तु प्राणान्परित्यजेत् कोटिवर्षसहस्राणां स्वर्गलोके महीयते
koṭitīrthaṃ samāsādya yastu prāṇānparityajet koṭivarṣasahasrāṇāṃ svargaloke mahīyate
He who, having reached Koṭitīrtha, gives up his life-breaths, is honoured in the world of heaven for a thousand crores of years.
AI translation rendered from the Sanskrit, not a published edition
MtP 106.45
ततः स्वर्गात्परिभ्रष्टः क्षीणकर्मा दिवश्च्युतः सुवर्णमणिमुक्ताढ्यकुले जायेत रूपवान्
tataḥ svargātparibhraṣṭaḥ kṣīṇakarmā divaścyutaḥ suvarṇamaṇimuktāḍhyakule jāyeta rūpavān
Then, fallen from heaven, his merit exhausted, dropped from the sky, he would be born handsome in a family rich in gold, gems and pearls.
AI translation rendered from the Sanskrit, not a published edition
MtP 106.46
ततो भोगवतीं गत्वा वासुकेरुत्तरेण तु दशाश्वमेधकं नाम तीर्थं तत्रापरं भवेत्
tato bhogavatīṃ gatvā vāsukeruttareṇa tu daśāśvamedhakaṃ nāma tīrthaṃ tatrāparaṃ bhavet
Then, going to Bhogavatī, to the north of (the serpent) Vāsuki, there would be another sacred ford there named Daśāśvamedhaka.
AI translation rendered from the Sanskrit, not a published edition
MtP 106.47
कृताभिषेकस्तु नरः सो ऽश्वमेधफलं लभेत् धनाढ्यो रूपवान्दक्षो दाता भवति धार्मिकः
kṛtābhiṣekastu naraḥ so 'śvamedhaphalaṃ labhet dhanāḍhyo rūpavāndakṣo dātā bhavati dhārmikaḥ
A man who has bathed there would obtain the fruit of a horse-sacrifice; he becomes rich in wealth, handsome, capable, a giver, and righteous.
AI translation rendered from the Sanskrit, not a published edition
MtP 106.48
चतुर्वेदेषु यत्पुण्यं यत्पुण्यं सत्यवादिषु अहिंसायां तु यो धर्मो गमनादेव तत्फलम्
caturvedeṣu yatpuṇyaṃ yatpuṇyaṃ satyavādiṣu ahiṃsāyāṃ tu yo dharmo gamanādeva tatphalam
Whatever merit lies in the four Vedas, whatever merit in truth-speakers, and whatever righteousness lies in non-injury — that fruit (comes) merely from going (there).
AI translation rendered from the Sanskrit, not a published edition
MtP 106.49
कुरुक्षेत्रसमा गङ्गा यत्र यत्रावगाह्यते कुरुक्षेत्राद्दशगुणा यत्र विन्ध्येन संगता
kurukṣetrasamā gaṅgā yatra yatrāvagāhyate kurukṣetrāddaśaguṇā yatra vindhyena saṃgatā
The Ganges is equal to Kurukṣetra wherever one bathes in her; ten times Kurukṣetra where she is joined with the Vindhya.
AI translation rendered from the Sanskrit, not a published edition
MtP 106.50
यत्र गङ्गा महाभागा बहुतीर्था तपोधना सिद्धक्षेत्रं हि तज्ज्ञेयं नात्र कार्या विचारणा
yatra gaṅgā mahābhāgā bahutīrthā tapodhanā siddhakṣetraṃ hi tajjñeyaṃ nātra kāryā vicāraṇā
Where the greatly blessed Ganges is, with many fords, rich in ascetic power, that is to be known as a field of perfection; no deliberation is to be made about this.
AI translation rendered from the Sanskrit, not a published edition
MtP 106.51
क्षितौ तारयते मर्त्यान् नागांस्तारयते ऽप्यधः दिवि तारयते देवांस् तेन त्रिपथगा स्मृता
kṣitau tārayate martyān nāgāṃstārayate 'pyadhaḥ divi tārayate devāṃs tena tripathagā smṛtā
On earth she carries mortals across, and below she carries the Nāgas across; in heaven she carries the gods across — therefore she is called the one who goes by three paths.
AI translation rendered from the Sanskrit, not a published edition
MtP 106.52
यावदस्थीनि गङ्गायां तिष्ठन्ति हि शरीरिणः तावद्वर्षसहस्राणि स्वर्गलोके महीयते
yāvadasthīni gaṅgāyāṃ tiṣṭhanti hi śarīriṇaḥ tāvadvarṣasahasrāṇi svargaloke mahīyate
As long as the bones of embodied beings remain in the Ganges, for that many thousands of years he is honoured in the world of heaven.
AI translation rendered from the Sanskrit, not a published edition
MtP 106.53
ततः स्वर्गात्परिभ्रष्टो जम्बूद्वीपपतिर्भवेत् तीर्थानां तु परं तीर्थं नदीनां तु महानदी मोक्षदा सर्वभूतानां महापातकिनामपि
tataḥ svargātparibhraṣṭo jambūdvīpapatirbhavet tīrthānāṃ tu paraṃ tīrthaṃ nadīnāṃ tu mahānadī mokṣadā sarvabhūtānāṃ mahāpātakināmapi
Then, fallen from heaven, he becomes lord of Jambūdvīpa. Of sacred fords she is the highest ford, of rivers the great river, giving release to all beings, even to those guilty of great sins.
AI translation rendered from the Sanskrit, not a published edition
MtP 106.54
सर्वत्र सुलभा गङ्गा त्रिषु स्थानेषु दुर्लभा गङ्गाद्वारे प्रयागे च गङ्गासागरसंगमे तत्र स्नात्वा दिवं यान्ति ये मृतास्ते ऽपुनर्भवाः
sarvatra sulabhā gaṅgā triṣu sthāneṣu durlabhā gaṅgādvāre prayāge ca gaṅgāsāgarasaṃgame tatra snātvā divaṃ yānti ye mṛtāste 'punarbhavāḥ
Everywhere the Ganges is easy to reach, (but) in three places hard to reach: at Gaṅgādvāra, at Prayāga, and at the meeting of the Ganges with the ocean. Having bathed there they go to heaven; those who die (there) are not born again.
AI translation rendered from the Sanskrit, not a published edition
MtP 106.55
सर्वेषामेव भूतानां पापोपहतचेतसाम् गतिम् अन्विष्यमाणानां नास्ति गङ्गासमा गतिः
sarveṣāmeva bhūtānāṃ pāpopahatacetasām gatim anviṣyamāṇānāṃ nāsti gaṅgāsamā gatiḥ
For all beings whatsoever, whose minds are stricken by sin and who are seeking a refuge, there is no refuge equal to the Ganges.
AI translation rendered from the Sanskrit, not a published edition
MtP 106.56
पवित्राणां पवित्रं च मङ्गलानां च मङ्गलम् महेश्वरशिरोभ्रष्टा सर्वपापहरा शुभा
pavitrāṇāṃ pavitraṃ ca maṅgalānāṃ ca maṅgalam maheśvaraśirobhraṣṭā sarvapāpaharā śubhā
She is the purity of pure things and the auspiciousness of auspicious things; fallen from the head of Maheśvara, she is the auspicious remover of all sins.
AI translation rendered from the Sanskrit, not a published edition
MtP 106.57
कृते तु नैमिषं क्षेत्रं त्रेतायां पुष्करं परम् द्वापरे तु कुरुक्षेत्रं कलौ गङ्गा विशिष्यते
kṛte tu naimiṣaṃ kṣetraṃ tretāyāṃ puṣkaraṃ param dvāpare tu kurukṣetraṃ kalau gaṅgā viśiṣyate
In the Kṛta age the field of Naimiṣa, in the Tretā Puṣkara is highest, in the Dvāpara Kurukṣetra, but in the Kali the Ganges is preeminent.
AI translation rendered from the Sanskrit, not a published edition
MtP 106.58
गङ्गामेव निषेवेत प्रयागं तु विशेषतः नान्यत्कलियुगे घोरे भेषजं नृप विद्यते
gaṅgāmeva niṣeveta prayāgaṃ tu viśeṣataḥ nānyatkaliyuge ghore bheṣajaṃ nṛpa vidyate
One should attend upon the Ganges, and Prayāga especially; in the dreadful Kali age, O king, no other remedy exists.
AI translation rendered from the Sanskrit, not a published edition