Markandeya Purana — Chapter 83
MkP 83.1
निहन्यमानं तत्सैन्यमवलाक्य महासुरः । सेनानीश्चिक्षुरः कोपाद्ययौ योद्धुमथाम्बिकाम्
nihanyamānaṃ tatsainyamavalākya mahāsuraḥ / senānīścikṣuraḥ kopādyayau yoddhumathāmbikām
Seeing that army being slaughtered, the great asura Cikṣura, the general, went in anger to fight Ambikā.
AI translation rendered from the Sanskrit, not a published edition
MkP 83.2
स देवीं शरवर्षेण ववर्ष समरे ऽसुरः । यथा मेरुगिरेः शृङ्गं तोयवर्षेण तोयदः
sa devīṃ śaravarṣeṇa vavarṣa samare 'suraḥ / yathā merugireḥ śṛṅgaṃ toyavarṣeṇa toyadaḥ
That asura rained upon the Goddess in battle a rain of arrows, as a cloud (rains) with a downpour of water upon the peak of Mount Meru.
AI translation rendered from the Sanskrit, not a published edition
MkP 83.3
तस्य च्छित्त्वा ततो देवी लीलयैव शरोत्करान् । जघान तुरगान् बाणैर्यन्तारं चैव वाजिनाम्
tasya cchittvā tato devī līlayaiva śarotkarān / jaghāna turagān bāṇairyantāraṃ caiva vājinām
Then the Goddess, cutting apart his masses of arrows as if in play, killed his horses with her shafts, and the driver of the horses as well.
AI translation rendered from the Sanskrit, not a published edition
MkP 83.4
चिच्छेद च धनुः सद्यो ध्वजं चातिसमुच्छ्रितम् । विव्याध चैव गात्रेषु च्छिन्नधन्वानमाशुगैः
ciccheda ca dhanuḥ sadyo dhvajaṃ cātisamucchritam / vivyādha caiva gātreṣu cchinnadhanvānamāśugaiḥ
And at once she cut his bow and his very lofty banner, and pierced in the limbs with her swift arrows him whose bow was broken.
AI translation rendered from the Sanskrit, not a published edition
MkP 83.5
स च्छिन्नधन्वा विरथो हताश्वो हतसारथिः । अभ्यधावत तां देवीं खड्ग-चर्मधरो ऽसुरः
sa cchinnadhanvā viratho hatāśvo hatasārathiḥ / abhyadhāvata tāṃ devīṃ khaḍga-carmadharo 'suraḥ
His bow broken, his chariot gone, his horses killed, his charioteer slain, that asura, bearing sword and shield, rushed at the Goddess.
AI translation rendered from the Sanskrit, not a published edition
MkP 83.6
सिंहमाहत्य खड्गेन तीक्ष्णधारेण मूर्धनि । आजघान भुजे सव्ये देवीमप्यतिवेगवान्
siṃhamāhatya khaḍgena tīkṣṇadhāreṇa mūrdhani / ājaghāna bhuje savye devīmapyativegavān
Striking the lion on the head with his sharp-edged sword, he, moving with great speed, struck the Goddess too on the left arm.
AI translation rendered from the Sanskrit, not a published edition
MkP 83.7
तस्याः खड्गो भुजं प्राप्य पफाल नृपनन्दन । ततो जग्राह शूलं स कोपादरुणलोचनः
tasyāḥ khaḍgo bhujaṃ prāpya paphāla nṛpanandana / tato jagrāha śūlaṃ sa kopādaruṇalocanaḥ
His sword, on reaching her arm, shattered, O son of the king; then he, his eyes red with rage, took up a spear.
AI translation rendered from the Sanskrit, not a published edition
MkP 83.8
चिक्षेप च ततस्तत्तु भद्रकाल्यां महासुरः । जाज्वल्यमानं तेजोभी रविबिम्बमिवाम्बरात्
cikṣepa ca tatastattu bhadrakālyāṃ mahāsuraḥ / jājvalyamānaṃ tejobhī ravibimbamivāmbarāt
And then the great demon hurled it at Bhadrakālī — blazing with its fiery radiance, like the orb of the sun (falling) from the sky.
AI translation rendered from the Sanskrit, not a published edition
MkP 83.9
दृष्ट्वा तदापतच्छूलं देवी शूलममुञ्चत । तच्छूलं शतधा तेन नीतं स च महासुरः
dṛṣṭvā tadāpatacchūlaṃ devī śūlamamuñcata / tacchūlaṃ śatadhā tena nītaṃ sa ca mahāsuraḥ
Seeing that spear coming on, the Goddess released her own spear; by it that spear was reduced to a hundred pieces, and so was that great demon.
AI translation rendered from the Sanskrit, not a published edition
MkP 83.10
हते तस्मिन् महावीर्ये महिषस्य चमूपतौ । आजगाम गजारूढश्चामरस्त्रिदशार्दनः
hate tasmin mahāvīrye mahiṣasya camūpatau / ājagāma gajārūḍhaścāmarastridaśārdanaḥ
When that general of Mahiṣa's army, of great valour, had been slain, Cāmara, the tormentor of the thirty (gods), came riding on an elephant.
AI translation rendered from the Sanskrit, not a published edition
MkP 83.11
सो ऽपि शक्तिं मुमोचाथ देव्यास्तामम्बिका द्रुतम् । हुङ्काराभिहतां भूमौ पातयामास निष्प्रभाम्
so 'pi śaktiṃ mumocātha devyāstāmambikā drutam / huṅkārābhihatāṃ bhūmau pātayāmāsa niṣprabhām
He too then hurled his spear at the Goddess, but Ambikā swiftly struck it down with a roar of "hum" and made it fall to the ground, its lustre gone.
AI translation rendered from the Sanskrit, not a published edition
MkP 83.12
भग्नां शक्तिं निपतितां दृष्ट्वा क्रोधसमन्वितः । चिक्षेप चामरः शूलं बाणैस्तदपि साच्छिनत्
bhagnāṃ śaktiṃ nipatitāṃ dṛṣṭvā krodhasamanvitaḥ / cikṣepa cāmaraḥ śūlaṃ bāṇaistadapi sācchinat
Seeing his spear broken and fallen, Cāmara, filled with rage, hurled his trident; that too she cut down with arrows.
AI translation rendered from the Sanskrit, not a published edition
MkP 83.13
ततः सिंहः समुत्पत्य गजकुम्भान्तरे स्थितः । बाहुयुद्धेन युयुधे तेनोच्चैस्त्रिदशारिणा
tataḥ siṃhaḥ samutpatya gajakumbhāntare sthitaḥ / bāhuyuddhena yuyudhe tenoccaistridaśāriṇā
Then the lion leapt up and, positioned on the elephant's forehead-boss, fought hand to hand at close quarters with that enemy of the thirty (gods).
AI translation rendered from the Sanskrit, not a published edition
MkP 83.14
युधायमानो ततस्तौ तु तस्मान्नागान्महीं गतौ । युयुधाते ऽतिसंरब्धौ प्रहारैरतिदारुणैः
yudhāyamāno tatastau tu tasmānnāgānmahīṃ gatau / yuyudhāte 'tisaṃrabdhau prahārairatidāruṇaiḥ
Then those two, fighting, came down from that elephant to the ground, and in great fury fought on with most terrible blows.
AI translation rendered from the Sanskrit, not a published edition
MkP 83.15
ततो वेगात्खमुत्पत्य निपत्य च मृगारिणा । करप्रहारेण शिरश्चामरस्य पृथक्कृतम्
tato vegātkhamutpatya nipatya ca mṛgāriṇā / karaprahāreṇa śiraścāmarasya pṛthakkṛtam
Then the lion, springing up violently into the sky and coming down again, with a blow of his paw severed Cāmara's head (from his body).
AI translation rendered from the Sanskrit, not a published edition
MkP 83.16
उदग्रश्च रणे देव्या शिलावृक्षादिभिर्हतः । दन्तमुष्टितलैश्चैव करालश्च निपातितः
udagraśca raṇe devyā śilāvṛkṣādibhirhataḥ / dantamuṣṭitalaiścaiva karālaśca nipātitaḥ
And Udagra was slain in the battle by the Goddess with rocks, trees and the like; and Karāla too was struck down by her teeth, fists and palms.
AI translation rendered from the Sanskrit, not a published edition
MkP 83.17
देवी क्रुद्धा गदापातैश्चूर्णयामास चोद्धतम् । वाष्कलं भिन्दिपालेन बाणैस्ताम्रं तथान्धकम्
devī kruddhā gadāpātaiścūrṇayāmāsa coddhatam / vāṣkalaṃ bhindipālena bāṇaistāmraṃ tathāndhakam
The enraged Goddess ground Uddhata to powder with blows of her club, Vāṣkala with a javelin, and Tāmra and Andhaka with arrows.
AI translation rendered from the Sanskrit, not a published edition
MkP 83.18
उग्रास्यमुग्रवीर्यञ्च तथैव च महाहनुम् । त्रिनेत्रा च त्रिशूलेन जघान परमेश्वरी
ugrāsyamugravīryañca tathaiva ca mahāhanum / trinetrā ca triśūlena jaghāna parameśvarī
And the supreme sovereign lady, the three-eyed one, slew with her trident Ugrāsya and Ugravīrya and likewise Mahāhanu.
AI translation rendered from the Sanskrit, not a published edition
MkP 83.19
बिडालस्यासिना कायात् पातयामास वै शिरः । दुर्धरं दुर्मुखं चोभौ शरैर्निन्ये यमक्षयम् । कालं च कालदण्डेन कालरात्रिरपातयत्
biḍālasyāsinā kāyāt pātayāmāsa vai śiraḥ / durdharaṃ durmukhaṃ cobhau śarairninye yamakṣayam / kālaṃ ca kāladaṇḍena kālarātrirapātayat
With her sword she made Biḍāla's head fall from his body; both Durdhara and Durmukha she sent with arrows to the abode of Yama; and Kālarātri felled Kāla with the staff of death.
AI translation rendered from the Sanskrit, not a published edition
MkP 83.20
अग्रदर्शनमत्युग्रैः खड्गपातैरताडयत् । असिनैवासिलोमानमच्छिदत् सा रणोत्सवे । गणैः सिंहेन देव्या च जयक्ष्वेडाकृतोत्सवैः
agradarśanamatyugraiḥ khaḍgapātairatāḍayat / asinaivāsilomānamacchidat sā raṇotsave / gaṇaiḥ siṃhena devyā ca jayakṣveḍākṛtotsavaiḥ
She struck Agradarśana with terrible strokes of her sword, and with her blade she cut down Asiloman in that festival of battle — a festival made joyous by the shouts of victory of the gaṇas, the lion, and the Goddess.
AI translation rendered from the Sanskrit, not a published edition — the model flagged this verse as uncertain
MkP 83.21
एवं संक्षीयमाणे तु स्वसैन्ये महिषासुरः । माहिषेण स्वरूपेण त्रासयामास तान् गणान्
evaṃ saṃkṣīyamāṇe tu svasainye mahiṣāsuraḥ / māhiṣeṇa svarūpeṇa trāsayāmāsa tān gaṇān
As his own army was thus being destroyed, Mahiṣāsura terrified those gaṇas in his own buffalo form.
AI translation rendered from the Sanskrit, not a published edition
MkP 83.22
कांश्चित्तुण्डप्रिहारेण खुरक्षेपैस्तथापरान् । लाङ्गूलताडितांश्चान्यान् शृङ्गाभ्याञ्च विदारितान्
kāṃścittuṇḍaprihāreṇa khurakṣepaistathāparān / lāṅgūlatāḍitāṃścānyān śṛṅgābhyāñca vidāritān
Some (he struck) with a blow of his muzzle, others with kicks of his hooves, others were lashed with his tail, and others torn open by his two horns.
AI translation rendered from the Sanskrit, not a published edition
MkP 83.23
वेगेन कांश्चिदपरान् नादेन भ्रमणेन च । निश्वासपवनेनान्यान् पातयामास भूतले
vegena kāṃścidaparān nādena bhramaṇena ca / niśvāsapavanenānyān pātayāmāsa bhūtale
Some by his rush, others by his bellowing and his whirling about, and others by the wind of his breath — he brought them down upon the ground.
AI translation rendered from the Sanskrit, not a published edition
MkP 83.24
निपात्य प्रमथानीकमभ्यधावत सो ऽसुरः । सिंहं हन्तुं महादेव्याः कोपं चक्रे ततो ऽम्बिका
nipātya pramathānīkamabhyadhāvata so 'suraḥ / siṃhaṃ hantuṃ mahādevyāḥ kopaṃ cakre tato 'mbikā
Having laid low the host of Pramathas, that demon rushed on to kill the great Goddess's lion; at that Ambikā grew angry.
AI translation rendered from the Sanskrit, not a published edition
MkP 83.25
सो ऽपि कोपान्महावीर्यः खुरक्षुण्णमहीतलः । शृङ्गाभ्यां पर्वतानुच्चैश्चिक्षेप च ननाद च
so 'pi kopānmahāvīryaḥ khurakṣuṇṇamahītalaḥ / śṛṅgābhyāṃ parvatānuccaiścikṣepa ca nanāda ca
He too, of great valour, in his fury tore up the surface of the earth with his hooves, hurled high mountains with his two horns, and bellowed.
AI translation rendered from the Sanskrit, not a published edition
MkP 83.26
वेगभ्रमणविक्षुण्णा मही तस्य व्यशीर्यत । लाङ्गूलेनाहतश्चाब्धिः प्लावयामास सर्वतः
vegabhramaṇavikṣuṇṇā mahī tasya vyaśīryata / lāṅgūlenāhataścābdhiḥ plāvayāmāsa sarvataḥ
The earth, crushed by his violent whirling, broke apart; and the sea, lashed by his tail, flooded everywhere.
AI translation rendered from the Sanskrit, not a published edition
MkP 83.27
धुतशृङ्गविभिन्नाश्च खण्डं खण्डं ययुर्घना । श्वासानिलास्ताः शतशो निपेतुर्नभसो ऽचलाः
dhutaśṛṅgavibhinnāśca khaṇḍaṃ khaṇḍaṃ yayurghanā / śvāsānilāstāḥ śataśo nipeturnabhaso 'calāḥ
The clouds, split by his shaking horns, went to pieces bit by bit; and mountains, (struck) by the winds of his breath, fell by the hundreds from the sky.
AI translation rendered from the Sanskrit, not a published edition
MkP 83.28
इति क्रोधसमाध्मातमापतान्तं महासुरम् । दृष्ट्वा सा चण्डिका कोपं तद्वधाय तदाकरोत्
iti krodhasamādhmātamāpatāntaṃ mahāsuram / dṛṣṭvā sā caṇḍikā kopaṃ tadvadhāya tadākarot
Seeing the great demon thus swollen with rage rushing upon (her), Caṇḍikā then gave way to wrath in order to slay him.
AI translation rendered from the Sanskrit, not a published edition
MkP 83.29
सा क्षिप्त्वा तस्य वै पाशं तं बबन्ध महासुरम् । तत्याज माहिषं रूपं सो ऽपि बद्धो महामृधे
sā kṣiptvā tasya vai pāśaṃ taṃ babandha mahāsuram / tatyāja māhiṣaṃ rūpaṃ so 'pi baddho mahāmṛdhe
She, casting her noose over him, bound that great demon; and he too, bound in the great battle, abandoned the buffalo form.
AI translation rendered from the Sanskrit, not a published edition
MkP 83.30
ततः सिंहो ऽभवत् सद्यो यावत्तस्याम्बिका शिरः । छिनत्ति तावत्पुरुषः खड्गपाणिरदृश्यत
tataḥ siṃho 'bhavat sadyo yāvattasyāmbikā śiraḥ / chinatti tāvatpuruṣaḥ khaḍgapāṇiradṛśyata
Then at once he became a lion; and while Ambikā was cutting off its head, he appeared as a man with a sword in his hand.
AI translation rendered from the Sanskrit, not a published edition
MkP 83.31
तत एवाशु पुरुषं देवी चिच्छेद सायकैः । तं खड्गचर्मणा सार्धं ततः सो ऽभून्महागजः
tata evāśu puruṣaṃ devī ciccheda sāyakaiḥ / taṃ khaḍgacarmaṇā sārdhaṃ tataḥ so 'bhūnmahāgajaḥ
Straightway the Goddess cut down that man with her arrows, together with his sword and shield; then he became a great elephant.
AI translation rendered from the Sanskrit, not a published edition
MkP 83.32
करेण च महासिंहं तं चकर्ष जगर्ज च । कर्षतस्तु करं देवी खड्गेन निरकृन्तत
kareṇa ca mahāsiṃhaṃ taṃ cakarṣa jagarja ca / karṣatastu karaṃ devī khaḍgena nirakṛntata
And with his trunk he dragged that great lion and roared; but as he was dragging, the Goddess severed the trunk with her sword.
AI translation rendered from the Sanskrit, not a published edition
MkP 83.33
ततो महासुरो भूयो माहिषं वपुरास्थितः । तथैव क्षोभयामास त्रैलोक्यं सचराचरम्
tato mahāsuro bhūyo māhiṣaṃ vapurāsthitaḥ / tathaiva kṣobhayāmāsa trailokyaṃ sacarācaram
Then the great demon once more took on the buffalo body and, just as before, convulsed the three worlds with all that moves and does not move.
AI translation rendered from the Sanskrit, not a published edition
MkP 83.34
ततः क्रुद्धा जगन्माता चण्डिका पानमुत्तमम् । पपौ पुनः पुनश्चैव जहासारुणलोचना
tataḥ kruddhā jaganmātā caṇḍikā pānamuttamam / papau punaḥ punaścaiva jahāsāruṇalocanā
Then Caṇḍikā, the mother of the world, enraged, drank the choicest drink again and again, and laughed, her eyes reddened.
AI translation rendered from the Sanskrit, not a published edition
MkP 83.35
ननर्द चासुरः सो ऽपि बलवीर्यमदोद्धतः । विषाणाब्याञ्च चिक्षेप चण्डिकां प्रति भूधरान्
nanarda cāsuraḥ so 'pi balavīryamadoddhataḥ / viṣāṇābyāñca cikṣepa caṇḍikāṃ prati bhūdharān
And that demon too roared, puffed up with the intoxication of his strength and valour, and with his horns he hurled mountains at Caṇḍikā.
AI translation rendered from the Sanskrit, not a published edition
MkP 83.36
सा च तान् प्रहितांस्तेन चूर्णयन्ती शरोत्करैः । उवाच तं मदोद्धूतमुखरागाकुलाक्षरम्
sā ca tān prahitāṃstena cūrṇayantī śarotkaraiḥ / uvāca taṃ madoddhūtamukharāgākulākṣaram
And she, pulverizing with masses of arrows those (mountains) hurled by him, said to him, her syllables faltering, her face flushed and lifted with intoxication:
AI translation rendered from the Sanskrit, not a published edition
MkP 83.37
गर्ज गर्ज क्षणं मूढ मधु यावत्पिबाम्यहम् । मया त्वयि हते ऽत्रैव गर्जिष्यन्त्याशु देवताः
garja garja kṣaṇaṃ mūḍha madhu yāvatpibāmyaham / mayā tvayi hate 'traiva garjiṣyantyāśu devatāḥ
"Roar, roar for a moment, fool, while I drink the wine! When you have been slain by me right here, the gods will soon be roaring."
AI translation rendered from the Sanskrit, not a published edition
MkP 83.38
एवमुक्त्वा समुत्पत्य सारूढा तं महासुरम् । पादेनाक्रम्य कण्ठे च शूलेनैनमताडयत्
evamuktvā samutpatya sārūḍhā taṃ mahāsuram / pādenākramya kaṇṭhe ca śūlenainamatāḍayat
Having spoken thus, she sprang up and mounted upon that great demon, and pressing his neck with her foot she struck him with her spear.
AI translation rendered from the Sanskrit, not a published edition
MkP 83.39
ततः सो ऽपि पदाक्रान्तस्तया निजमुखात्ततः । अर्धनिष्क्रान्त एवासीद् देव्या वीर्येण संवृतः
tataḥ so 'pi padākrāntastayā nijamukhāttataḥ / ardhaniṣkrānta evāsīd devyā vīryeṇa saṃvṛtaḥ
Then he too, pressed down by her foot, came out only halfway from his own mouth, hemmed in by the Goddess's might.
AI translation rendered from the Sanskrit, not a published edition
MkP 83.40
अर्धनिष्क्रान्त एवासौ युध्यमानो महासुरः । तया महासिना देव्या शिरश्छित्त्वा निपातितः
ardhaniṣkrānta evāsau yudhyamāno mahāsuraḥ / tayā mahāsinā devyā śiraśchittvā nipātitaḥ
While still only half emerged and still fighting, that great demon was struck down by the Goddess, his head cut off with her great sword.
AI translation rendered from the Sanskrit, not a published edition
MkP 83.41
एवं स महिषो नाम ससैन्यः ससुहृद्गणः । त्रैलोक्यं मोहयित्वा तु तया देव्या विनाशितः
evaṃ sa mahiṣo nāma sasainyaḥ sasuhṛdgaṇaḥ / trailokyaṃ mohayitvā tu tayā devyā vināśitaḥ
Thus he named Mahiṣa, with his army and his band of comrades, after bewildering the three worlds, was destroyed by that Goddess.
AI translation rendered from the Sanskrit, not a published edition
MkP 83.42
त्रैलोक्यस्थैस्तदा भूतैर्महिषे विनिपातिते । जयेत्युक्तं ततः सर्वैः सदेवासुरमानवैः
trailokyasthaistadā bhūtairmahiṣe vinipātite / jayetyuktaṃ tataḥ sarvaiḥ sadevāsuramānavaiḥ
Then, when Mahiṣa had been struck down, "Victory!" was cried by all the beings dwelling in the three worlds, gods, demons and men alike.
AI translation rendered from the Sanskrit, not a published edition
MkP 83.43
ततो हाहाकृतं सर्वं दैत्यसैन्यं ननाश तत् । प्रहर्षञ्च परं जग्मुः सकला देवतागणाः
tato hāhākṛtaṃ sarvaṃ daityasainyaṃ nanāśa tat / praharṣañca paraṃ jagmuḥ sakalā devatāgaṇāḥ
Then the whole army of the demons, crying "alas, alas," perished; and all the hosts of the gods went to the highest joy.
AI translation rendered from the Sanskrit, not a published edition
MkP 83.44
तुष्टुवुस्तां सुरा देवीं सह दिव्यैर्महर्षिभिः । जगुर्गन्धर्वपतयो ननृतुश्चाप्सरोगणाः
tuṣṭuvustāṃ surā devīṃ saha divyairmaharṣibhiḥ / jagurgandharvapatayo nanṛtuścāpsarogaṇāḥ
The gods, together with the divine great seers, praised her, the Goddess; the lords of the gandharvas sang and the throngs of apsarases danced.
AI translation rendered from the Sanskrit, not a published edition