Markandeya Purana — Chapter 82
MkP 82.1
देवासुरमभूद् युद्धं पूर्णमब्दशतं पुरा । महिषे ऽसुराणामधिपे देवानां च पुरन्दरे
devāsuramabhūd yuddhaṃ pūrṇamabdaśataṃ purā / mahiṣe 'surāṇāmadhipe devānāṃ ca purandare
Formerly there was a war between the gods and the asuras for a full hundred years, when Mahiṣa was lord of the asuras and Purandara (Indra) of the gods.
AI translation rendered from the Sanskrit, not a published edition
MkP 82.2
तत्रासुरैर्महावीर्यैर्देवसैन्यं पराजितम् । जित्वा च सकलान् देवानिन्द्रो ऽबून्महिषासुरः
tatrāsurairmahāvīryairdevasainyaṃ parājitam / jitvā ca sakalān devānindro 'būnmahiṣāsuraḥ
There the army of the gods was defeated by the asuras of great valour; and having conquered all the gods, Mahiṣāsura became Indra.
AI translation rendered from the Sanskrit, not a published edition
MkP 82.3
ततः पराजिता देवाः पद्मयोनिं प्रजापतिम् । पुरस्कृत्य गतास्तत्र यत्रेश-गरुडध्वजौ
tataḥ parājitā devāḥ padmayoniṃ prajāpatim / puraskṛtya gatāstatra yatreśa-garuḍadhvajau
Then the defeated gods, putting the lotus-born Prajāpati (Brahmā) at their head, went there where the Lord (Śiva) and the Garuḍa-bannered one (Viṣṇu) were.
AI translation rendered from the Sanskrit, not a published edition
MkP 82.4
यथावृत्तं तयोस्तद्वन्महिषासुरचेष्टितम् । त्रिदशाः कथयामासुर्देवाभिभवविस्तरम्
yathāvṛttaṃ tayostadvanmahiṣāsuraceṣṭitam / tridaśāḥ kathayāmāsurdevābhibhavavistaram
The thirty (gods) related to those two just as it had happened the doings of Mahiṣāsura, at length, the overpowering of the gods.
AI translation rendered from the Sanskrit, not a published edition
MkP 82.5
सूर्येन्द्रग्न्यनिलेन्दूनां यमस्य वरुणस्य च । अन्येषां चाधिकारान् स स्वयमेवाधितिष्ठिति
sūryendragnyanilendūnāṃ yamasya varuṇasya ca / anyeṣāṃ cādhikārān sa svayamevādhitiṣṭhiti
“The offices of the Sun, Indra, Fire, Wind and Moon, of Yama and of Varuṇa, and of the others, he occupies himself.
AI translation rendered from the Sanskrit, not a published edition
MkP 82.6
स्वर्गान्निराकृताः सर्वे तेन देवगणा भुवि । विचरन्ति यथा मर्त्या महिषेण दुरात्मना
svargānnirākṛtāḥ sarve tena devagaṇā bhuvi / vicaranti yathā martyā mahiṣeṇa durātmanā
Cast out from heaven by him, all the hosts of gods wander on the earth like mortals, (driven out) by the evil-souled Mahiṣa.
AI translation rendered from the Sanskrit, not a published edition
MkP 82.7
एतद्वः कथितं सर्वममरारिविचेष्टितम् । शरणं वः प्रपन्नाः स्मो वधस्तस्य विचिन्त्यताम्
etadvaḥ kathitaṃ sarvamamarāriviceṣṭitam / śaraṇaṃ vaḥ prapannāḥ smo vadhastasya vicintyatām
All this doing of the enemy of the immortals has been told to you. We have come to you for refuge; let his slaying be devised.”
AI translation rendered from the Sanskrit, not a published edition
MkP 82.8
इत्थं निशम्य देवानां वचांसि मधुसूदनः । चकार कोपं शम्भुश्च भ्रुकुटीकुटिलाननौ
itthaṃ niśamya devānāṃ vacāṃsi madhusūdanaḥ / cakāra kopaṃ śambhuśca bhrukuṭīkuṭilānanau
Having thus heard the words of the gods, Madhusūdana (Viṣṇu) and Śambhu (Śiva) grew angry, their faces crooked with knitted brows.
AI translation rendered from the Sanskrit, not a published edition
MkP 82.9
ततो ऽतिकोपपूर्णस्य चक्रिणो वदनात्ततः । निश्चक्राम महत्तेजो ब्रह्मणः शङ्करस्य च
tato 'tikopapūrṇasya cakriṇo vadanāttataḥ / niścakrāma mahattejo brahmaṇaḥ śaṅkarasya ca
Then from the mouth of the discus-bearer, who was filled with extreme wrath, and from (that) of Brahmā and of Śaṅkara, a great radiance issued forth.
AI translation rendered from the Sanskrit, not a published edition
MkP 82.10
अन्येषाञ्चैव देवानां शक्रादीनां शरीरतः । निर्गतं सुमहत्तेजस्तच्चैक्यं समगच्छत
anyeṣāñcaiva devānāṃ śakrādīnāṃ śarīrataḥ / nirgataṃ sumahattejastaccaikyaṃ samagacchata
And from the bodies of the other gods, Śakra and the rest, there came forth a very great radiance, and that came together into one.
AI translation rendered from the Sanskrit, not a published edition
MkP 82.11
अतीव तेजसः कूटं ज्वलन्तमिव पर्वतम् । ददृशुस्ते सुरास्तत्र ज्वालाव्याप्तदिगन्तरम्
atīva tejasaḥ kūṭaṃ jvalantamiva parvatam / dadṛśuste surāstatra jvālāvyāptadigantaram
There the gods saw a peak of exceeding radiance, like a blazing mountain, whose flames filled the quarters of the horizon.
AI translation rendered from the Sanskrit, not a published edition
MkP 82.12
अतुलं तत्र तत्तेजः सर्वदेवशरीरजम् । एकस्थं तदभून्नारी व्याप्तलोकत्रयं त्विषा
atulaṃ tatra tattejaḥ sarvadevaśarīrajam / ekasthaṃ tadabhūnnārī vyāptalokatrayaṃ tviṣā
That incomparable radiance there, born from the bodies of all the gods, gathered in one place, became a woman, pervading the three worlds with its brilliance.
AI translation rendered from the Sanskrit, not a published edition
MkP 82.13
यदभूच्छाम्भवं तेजस्तेनाजायत तन्मुखम् । याम्येन चाभवन् केशा बहवो विष्णुतेजसा
yadabhūcchāmbhavaṃ tejastenājāyata tanmukham / yāmyena cābhavan keśā bahavo viṣṇutejasā
The radiance that was Śambhu's—by that her face came into being; and by Yama's the hair, abundant; by Viṣṇu's radiance the arms.
AI translation rendered from the Sanskrit, not a published edition
MkP 82.14
सौम्येन स्तनयोर्युग्मं मध्यं चैन्द्रेण चाभवत् । वारुणेन च जङ्घोरू नितम्बस्तेजसा भुवः
saumyena stanayoryugmaṃ madhyaṃ caindreṇa cābhavat / vāruṇena ca jaṅghorū nitambastejasā bhuvaḥ
By the Moon's the pair of breasts, and by Indra's the waist came to be; by Varuṇa's the shanks and thighs, and the buttocks by the radiance of Earth.
AI translation rendered from the Sanskrit, not a published edition
MkP 82.15
ब्रह्मणस्तेजसा पादौ तदङ्गुल्योर्ऽकतेजसा । वसूनाञ्च कराङ्गुल्यः कौबेरेण च नासिका
brahmaṇastejasā pādau tadaṅgulyor'katejasā / vasūnāñca karāṅgulyaḥ kaubereṇa ca nāsikā
By Brahmā's radiance the feet, their toes by the Sun's radiance, and the fingers of the hands by the Vasus', and the nose by Kubera's.
AI translation rendered from the Sanskrit, not a published edition
MkP 82.16
तस्यास्तु दन्ताः सम्भूताः प्राजापत्येन तेजसा । नयनत्रितयं जज्ञे तथा पावकतेजसा
tasyāstu dantāḥ sambhūtāḥ prājāpatyena tejasā / nayanatritayaṃ jajñe tathā pāvakatejasā
Her teeth arose from Prajāpati's radiance, and the triad of eyes was born from the radiance of Fire.
AI translation rendered from the Sanskrit, not a published edition
MkP 82.17
भ्रुवौ च सन्ध्ययोस्तेजः श्रवणावनिलस्य च । अन्येषां चैव देवानां सम्भवस्तेजसां शिवा
bhruvau ca sandhyayostejaḥ śravaṇāvanilasya ca / anyeṣāṃ caiva devānāṃ sambhavastejasāṃ śivā
And the two brows were the radiance of the two twilights, and the ears that of the Wind; and the auspicious one came into being from the radiances of the other gods as well.
AI translation rendered from the Sanskrit, not a published edition
MkP 82.18
ततः समस्तदेवानां तेजोराशिसमुद्भवाम् । तां विलोक्य मुदं प्रापुरमरा महिषार्दिताः
tataḥ samastadevānāṃ tejorāśisamudbhavām / tāṃ vilokya mudaṃ prāpuramarā mahiṣārditāḥ
Then, seeing her who had arisen from the mass of the fiery energies of all the gods, the immortals, tormented by Mahiṣa, felt joy.
AI translation rendered from the Sanskrit, not a published edition
MkP 82.19
ततो देवा ददुस्तस्यै स्वानि स्वान्यायुधानि च । ऊचुर्जयजयेत्युच्चैर्जयन्तीं ते जयैषिणः
tato devā dadustasyai svāni svānyāyudhāni ca / ūcurjayajayetyuccairjayantīṃ te jayaiṣiṇaḥ
Then the gods gave her their own several weapons, and, desiring victory, they cried aloud "Victory! Victory!" to her who was victorious.
AI translation rendered from the Sanskrit, not a published edition
MkP 82.20
शूलं शूलाद्विनिष्कृष्य ददौ तस्यै पिनाकधृक् । चक्रं च दत्तवान् कृष्णः समुत्पाद्य स्वचक्रतः
śūlaṃ śūlādviniṣkṛṣya dadau tasyai pinākadhṛk / cakraṃ ca dattavān kṛṣṇaḥ samutpādya svacakrataḥ
The bearer of the Pināka (Śiva) drew a trident out of his own trident and gave it to her; and Kṛṣṇa gave her a discus, producing it from his own discus.
AI translation rendered from the Sanskrit, not a published edition
MkP 82.21
शङ्खञ्च वरुणः शक्तिं ददौ तस्यै हुताशनः । मारुतो दत्तवांश्चापं बाणपूर्णे तथेषुधी
śaṅkhañca varuṇaḥ śaktiṃ dadau tasyai hutāśanaḥ / māruto dattavāṃścāpaṃ bāṇapūrṇe tatheṣudhī
And Varuṇa gave her a conch, and the fire-god a spear; the Wind gave a bow, and likewise two quivers full of arrows.
AI translation rendered from the Sanskrit, not a published edition
MkP 82.22
वज्रमिन्द्रः समुत्पाद्य कुलिशादमराधिपः । ददौ तस्यै सहस्राक्षो घण्टामैरावताद् गजात्
vajramindraḥ samutpādya kuliśādamarādhipaḥ / dadau tasyai sahasrākṣo ghaṇṭāmairāvatād gajāt
Indra, lord of the immortals, the thousand-eyed, produced a thunderbolt from his own bolt and gave it to her, and a bell from the elephant Airāvata.
AI translation rendered from the Sanskrit, not a published edition
MkP 82.23
कालदण्डाद्यमो दण्डं माशं चाम्बुपतिर्ददौ । प्रजापतिश्चाक्षमालां ददौ ब्रह्मा कमण्डलुम्
kāladaṇḍādyamo daṇḍaṃ māśaṃ cāmbupatirdadau / prajāpatiścākṣamālāṃ dadau brahmā kamaṇḍalum
Yama gave a staff from his staff of death, and the lord of the waters a noose; and Prajāpati gave a rosary of beads, Brahmā a water-pot.
AI translation rendered from the Sanskrit, not a published edition
MkP 82.24
समस्तरोमकूपेषु निजरश्मीन् दिवाकरः । कालख्च दत्तवान् खड्गं तस्याश्चर्म च निर्मलम्
samastaromakūpeṣu nijaraśmīn divākaraḥ / kālakhca dattavān khaḍgaṃ tasyāścarma ca nirmalam
The sun (placed) his own rays in all the pores of her skin; and Kāla gave a sword and a spotless shield for her.
AI translation rendered from the Sanskrit, not a published edition
MkP 82.25
क्षीरोदश्चामलं हारमजरे च तथाम्बरे । चूडामणिं तथा दिव्यं कुण्डले कटकानि च
kṣīrodaścāmalaṃ hāramajare ca tathāmbare / cūḍāmaṇiṃ tathā divyaṃ kuṇḍale kaṭakāni ca
And the milk-ocean (gave) a spotless necklace, and likewise two garments that do not age, a divine crest-jewel, a pair of earrings, and bracelets,
AI translation rendered from the Sanskrit, not a published edition
MkP 82.26
अर्धचन्द्रं तथा शुभ्रं केयूरान् सर्वबाहुषु । नूपुरौ विमलौ तद्वद् ग्रैवेयकमनुत्तमम् । अङ्गुलीयकरत्नानि समस्तास्वङ्गुलीषु च
ardhacandraṃ tathā śubhraṃ keyūrān sarvabāhuṣu / nūpurau vimalau tadvad graiveyakamanuttamam / aṅgulīyakaratnāni samastāsvaṅgulīṣu ca
and a bright half-moon, armlets for all her arms, likewise two spotless anklets, a surpassing necklace for the throat, and jewelled rings for all her fingers.
AI translation rendered from the Sanskrit, not a published edition
MkP 82.27
विश्वकर्मा ददौ तस्यै परशुञ्चातिनिर्मलम् । अस्त्राण्यनेकरूपाणि तथाभेद्यं च दंशनम्
viśvakarmā dadau tasyai paraśuñcātinirmalam / astrāṇyanekarūpāṇi tathābhedyaṃ ca daṃśanam
Viśvakarman gave her an exceedingly bright axe, weapons of many kinds, and an impenetrable coat of mail.
AI translation rendered from the Sanskrit, not a published edition
MkP 82.28
अम्लानपङ्कजां मालां शिरस्युरसि चापराम् । अददज्जलधिस्तस्यै पङ्कजं चातिशोभनम्
amlānapaṅkajāṃ mālāṃ śirasyurasi cāparām / adadajjaladhistasyai paṅkajaṃ cātiśobhanam
The ocean gave her a garland of unfading lotuses for her head and another for her breast, and an exceedingly beautiful lotus.
AI translation rendered from the Sanskrit, not a published edition
MkP 82.29
हिमवान् वाहनं सिंहं रत्नानि विविधानि च । ददावशून्यं सुरया पानपात्रं धनाधिपः
himavān vāhanaṃ siṃhaṃ ratnāni vividhāni ca / dadāvaśūnyaṃ surayā pānapātraṃ dhanādhipaḥ
Himavat gave a lion as her mount and jewels of various kinds; the lord of wealth gave a drinking-cup never empty of wine.
AI translation rendered from the Sanskrit, not a published edition
MkP 82.30
शेषश्च सर्वनागेशो महामणिविभूषितम् । नागहारं ददौ तस्यै धत्ते यः पृथिवीमिमाम्
śeṣaśca sarvanāgeśo mahāmaṇivibhūṣitam / nāgahāraṃ dadau tasyai dhatte yaḥ pṛthivīmimām
And Śeṣa, the lord of all serpents, who upholds this earth, gave her a serpent-necklace adorned with great gems.
AI translation rendered from the Sanskrit, not a published edition
MkP 82.31
अन्यैरपि सुरैर्देवी भूषणैरायुधैस्तथा । संमानिता ननादोच्चैः साट्टहासं मुहुर्मुहुः
anyairapi surairdevī bhūṣaṇairāyudhaistathā / saṃmānitā nanādoccaiḥ sāṭṭahāsaṃ muhurmuhuḥ
Honoured by the other gods too with ornaments and weapons, the Goddess roared aloud again and again with a loud laugh.
AI translation rendered from the Sanskrit, not a published edition
MkP 82.32
तस्या नादेन घोरेण कृत्स्त्रमापूरितं नभः । अमायतातिमहता प्रतिशब्दो महानभूत्
tasyā nādena ghoreṇa kṛtstramāpūritaṃ nabhaḥ / amāyatātimahatā pratiśabdo mahānabhūt
By her terrible roar the whole sky was filled; and from the immensely vast (roar) there arose a great echo.
AI translation rendered from the Sanskrit, not a published edition — the model flagged this verse as uncertain
MkP 82.33
चुक्षुभुः सकला लोकाः समुद्राश्च चकम्पिरे । चचाल वसुधा चेलुः सकलाश्च महीधराः
cukṣubhuḥ sakalā lokāḥ samudrāśca cakampire / cacāla vasudhā celuḥ sakalāśca mahīdharāḥ
All the worlds were shaken and the oceans trembled; the earth quaked and all the mountains moved.
AI translation rendered from the Sanskrit, not a published edition
MkP 82.34
जयेति देवाश्च मुदा तामूचुः सिंहवाहिनीम् । तुष्टुवुर्मुनयश्चैनां भक्तिनम्रात्ममूर्तयः
jayeti devāśca mudā tāmūcuḥ siṃhavāhinīm / tuṣṭuvurmunayaścaināṃ bhaktinamrātmamūrtayaḥ
And the gods joyfully said "Victory!" to her who rides the lion, and the sages, their bodies bowed in devotion, praised her.
AI translation rendered from the Sanskrit, not a published edition
MkP 82.35
दृष्ट्वा समस्तं संक्षुब्धं त्रैलोक्यममरारयः । सन्नद्धाखिलसैन्यास्ते समुत्तस्थुरुदायुधाः
dṛṣṭvā samastaṃ saṃkṣubdhaṃ trailokyamamarārayaḥ / sannaddhākhilasainyāste samuttasthurudāyudhāḥ
Seeing the whole triple world convulsed, the enemies of the gods, with all their armies armed, rose up with weapons uplifted.
AI translation rendered from the Sanskrit, not a published edition
MkP 82.36
आः किमेतदिति क्रोधादाभाष्य महिषासुरः । अभ्यधावत तं शब्दमशेषैरसुरैर्वृतः
āḥ kimetaditi krodhādābhāṣya mahiṣāsuraḥ / abhyadhāvata taṃ śabdamaśeṣairasurairvṛtaḥ
"Ah, what is this!" cried Mahiṣāsura in anger, and, surrounded by all the demons, he rushed toward that sound.
AI translation rendered from the Sanskrit, not a published edition
MkP 82.37
स ददर्श ततो देवीं व्याप्तलोकत्रयां त्विषा । पादाक्रान्त्या नतभुवं किरीटोल्लिखिताम्बराम्
sa dadarśa tato devīṃ vyāptalokatrayāṃ tviṣā / pādākrāntyā natabhuvaṃ kirīṭollikhitāmbarām
Then he saw the Goddess, pervading the three worlds with her radiance, the earth bowed down by the tread of her feet, the sky scratched by her diadem,
AI translation rendered from the Sanskrit, not a published edition
MkP 82.38
क्षोभिताशेषपातालां धनुर्ज्यानिः स्वनेन ताम् । दिशो भुजसहस्रेण समन्ताद् व्याप्य संस्थिताम्
kṣobhitāśeṣapātālāṃ dhanurjyāniḥ svanena tām / diśo bhujasahasreṇa samantād vyāpya saṃsthitām
(He saw) her, who had set all the nether worlds trembling with the twang of her bowstring, standing there filling the quarters all around with her thousand arms.
AI translation rendered from the Sanskrit, not a published edition
MkP 82.39
ततः प्रववृते युद्धं तया देव्या सुरद्विषाम् । शस्त्रास्त्रैर्बहुधा मुक्तैरादीपितदिगन्तरम्
tataḥ pravavṛte yuddhaṃ tayā devyā suradviṣām / śastrāstrairbahudhā muktairādīpitadigantaram
Then began the battle of that Goddess with the enemies of the gods, in which the horizons were set ablaze by the many weapons and missiles they hurled.
AI translation rendered from the Sanskrit, not a published edition
MkP 82.40
महिषासुरसेनानीश्चिक्षुराख्यो महासुरः । युयुधे चामरश्चान्यैश्चतुरङ्गबलान्वितः
mahiṣāsurasenānīścikṣurākhyo mahāsuraḥ / yuyudhe cāmaraścānyaiścaturaṅgabalānvitaḥ
The great demon named Cikṣura, the general of Mahiṣāsura, fought, and Cāmara too, accompanied by an army of four divisions, along with others.
AI translation rendered from the Sanskrit, not a published edition
MkP 82.41
रथानामयुतैः षड्भिरुदग्राख्यो महासुरः । अयुध्यतायुतानाञ्च सहस्रेण महाहनुः
rathānāmayutaiḥ ṣaḍbhirudagrākhyo mahāsuraḥ / ayudhyatāyutānāñca sahasreṇa mahāhanuḥ
The great demon named Udagra fought with sixty thousand chariots, and Mahāhanu with ten million.
AI translation rendered from the Sanskrit, not a published edition
MkP 82.42
पञ्चाशद्भिश्च नियुतैरसिलोमा महासुरः । अयुतानां शतैः षड्भिर्वाष्कलो युयुधे रणे
pañcāśadbhiśca niyutairasilomā mahāsuraḥ / ayutānāṃ śataiḥ ṣaḍbhirvāṣkalo yuyudhe raṇe
And the great demon Asiloma with fifty niyutas (five million), and Vāṣkala fought in the battle with six hundred myriads (six million).
AI translation rendered from the Sanskrit, not a published edition
MkP 82.43
गजवाजिसहस्रौघैरनेकैरुग्रदर्शनः । वृतो रथानां कोट्या च युद्धे तस्मिन्नयुध्यत
gajavājisahasraughairanekairugradarśanaḥ / vṛto rathānāṃ koṭyā ca yuddhe tasminnayudhyata
Ugradarśana, surrounded by many thousandfold floods of elephants and horses and by ten million chariots, fought in that battle.
AI translation rendered from the Sanskrit, not a published edition
MkP 82.44
बिडालाक्षो ऽयुतानाञ्च पञ्चाशद्भिरथायुतैः । युयुधे संयुगे तत्र रथानां परिवारितः
biḍālākṣo 'yutānāñca pañcāśadbhirathāyutaiḥ / yuyudhe saṃyuge tatra rathānāṃ parivāritaḥ
And Biḍālākṣa fought there in the encounter, encircled by five hundred thousand chariots — fifty times ten thousand.
AI translation rendered from the Sanskrit, not a published edition — the model flagged this verse as uncertain
MkP 82.45
वृतः कालो रथानाञ्च रणे पञ्चाशतायुतैः । युयुधे संयुगे तत्र तावद्भिः परिवारितः
vṛtaḥ kālo rathānāñca raṇe pañcāśatāyutaiḥ / yuyudhe saṃyuge tatra tāvadbhiḥ parivāritaḥ
And Kāla, surrounded in the fight by five hundred thousand chariots, fought there in the encounter, encircled by just that many.
AI translation rendered from the Sanskrit, not a published edition
MkP 82.46
अन्ये च तत्रायुतशो रथनागहयैर्वृताः । युयुधुः संयुगे देव्या सह तत्र महासुराः
anye ca tatrāyutaśo rathanāgahayairvṛtāḥ / yuyudhuḥ saṃyuge devyā saha tatra mahāsurāḥ
And other great demons there by the myriad, surrounded by chariots, elephants and horses, fought there in the encounter with the Goddess.
AI translation rendered from the Sanskrit, not a published edition
MkP 82.47
कोटिकोटिसहस्रैस्तु रथानां दन्तिनां तथा । हयानाञ्च वृतो युद्धे तत्राभून्महिषासुरः
koṭikoṭisahasraistu rathānāṃ dantināṃ tathā / hayānāñca vṛto yuddhe tatrābhūnmahiṣāsuraḥ
But Mahiṣāsura was there in the battle surrounded by thousands of tens of millions of chariots, and of tusked elephants, and of horses.
AI translation rendered from the Sanskrit, not a published edition
MkP 82.48
तोमरैर्भिन्दिपालैश्च शक्तिभिर्मुसलैस्तथा । युयुधुः संयुगे देव्या खड्गैः परशुपट्टिशैः
tomarairbhindipālaiśca śaktibhirmusalaistathā / yuyudhuḥ saṃyuge devyā khaḍgaiḥ paraśupaṭṭiśaiḥ
They fought in the encounter with the Goddess using lances, javelins, spears, and clubs, and with swords, axes, and pikes.
AI translation rendered from the Sanskrit, not a published edition
MkP 82.49
केचिच्च चिक्षिपुः शक्तीः केचित् पाशांस्तथापरे । देवीं खड्गप्रहारैस्तु ते तां हन्तुं प्रचक्रमुः
kecicca cikṣipuḥ śaktīḥ kecit pāśāṃstathāpare / devīṃ khaḍgaprahāraistu te tāṃ hantuṃ pracakramuḥ
Some hurled spears, and others nooses; and they set about killing the Goddess with strokes of the sword.
AI translation rendered from the Sanskrit, not a published edition
MkP 82.50
सापि देवी ततस्तानि शस्त्राण्यस्त्राणि चण्डिका । लीलयैव प्रचिच्छेद निजशस्त्रास्त्रवर्षिणी
sāpi devī tatastāni śastrāṇyastrāṇi caṇḍikā / līlayaiva praciccheda nijaśastrāstravarṣiṇī
And that Goddess Caṇḍikā, raining down her own weapons and missiles, cut those weapons and missiles apart as if in play.
AI translation rendered from the Sanskrit, not a published edition
MkP 82.51
अनायस्तानना देवी स्तूयमाना सुरर्षिभिः । मुमोचासुरदेहेषु शस्त्राण्यस्त्राणि चेश्वरी
anāyastānanā devī stūyamānā surarṣibhiḥ / mumocāsuradeheṣu śastrāṇyastrāṇi ceśvarī
With her face unstrained, praised by the gods and the sages, the Goddess, the Mistress, loosed weapons and missiles into the bodies of the demons.
AI translation rendered from the Sanskrit, not a published edition
MkP 82.52
सो ऽपि क्रुद्धो धुतसटो देव्या वाहनकेशरी । चचारासुरसैन्येषु वनेष्विव हुताशनः
so 'pi kruddho dhutasaṭo devyā vāhanakeśarī / cacārāsurasainyeṣu vaneṣviva hutāśanaḥ
And he too, the lion that was the Goddess's mount, enraged, shaking his mane, ranged among the demon armies like fire among forests.
AI translation rendered from the Sanskrit, not a published edition
MkP 82.53
निश्वसान्मुमुचे यांश्च युध्यमाना रणे ऽम्बिका । त एव सद्यः सम्भूता गणाः शतसहस्रशः
niśvasānmumuce yāṃśca yudhyamānā raṇe 'mbikā / ta eva sadyaḥ sambhūtā gaṇāḥ śatasahasraśaḥ
And whatever (breaths) Ambikā released from her breathing while fighting in the battle, those very ones became at once hosts (of attendants) by the hundred thousand.
AI translation rendered from the Sanskrit, not a published edition
MkP 82.54
युयुधुस्ते परशुभिर्भिन्दिपालासिपट्टिशैः । नाशयन्तो ऽसुरगणान् देवीशक्त्युपबृंहिताः
yuyudhuste paraśubhirbhindipālāsipaṭṭiśaiḥ / nāśayanto 'suragaṇān devīśaktyupabṛṃhitāḥ
They fought with axes, javelins, swords, and pikes, destroying the hosts of demons, strengthened by the power of the Goddess.
AI translation rendered from the Sanskrit, not a published edition
MkP 82.55
अवादयन्त पटहान् गणाः शङ्खांस्तथापरे । मृदङ्गांश्च तथैवान्ये तस्मिन् युद्धमहोत्सवे
avādayanta paṭahān gaṇāḥ śaṅkhāṃstathāpare / mṛdaṅgāṃśca tathaivānye tasmin yuddhamahotsave
Some of the hosts sounded war-drums, others conches, and still others tabors, at that great festival of battle.
AI translation rendered from the Sanskrit, not a published edition
MkP 82.56
ततो देवी त्रिशूलेन गदया शक्तिवृष्टिभिः । शड्गादिभिश्च शतशो निजघान महासुरान्
tato devī triśūlena gadayā śaktivṛṣṭibhiḥ / śaḍgādibhiśca śataśo nijaghāna mahāsurān
Then the Goddess slew great demons by the hundred with her trident, her mace, showers of spears, and with swords and the rest.
AI translation rendered from the Sanskrit, not a published edition
MkP 82.57
पातयामास चैवान्यान् घण्टास्वनविमोहितान् । असुरान् भुवि पाशेन बद्ध्वा चान्यानकर्षयत्
pātayāmāsa caivānyān ghaṇṭāsvanavimohitān / asurān bhuvi pāśena baddhvā cānyānakarṣayat
And she felled others, the demons bewildered by the sound of her bell, to the ground; and others she bound with her noose and dragged along.
AI translation rendered from the Sanskrit, not a published edition
MkP 82.58
केचिद् द्विधा कृतास्तीक्ष्णैः खड्गपातैस्तथापरे । विपोथिता निपातेन गदया भुवि शेरते
kecid dvidhā kṛtāstīkṣṇaiḥ khaḍgapātaistathāpare / vipothitā nipātena gadayā bhuvi śerate
Some were cut in two by sharp sword-strokes, and others, crushed by the fall of the mace, lie upon the ground.
AI translation rendered from the Sanskrit, not a published edition
MkP 82.59
वेमुश्च केचिद्रुधिरं मुसले भृशं हताः । केचिन्नपातिता भूमौ भिन्नाः शूलेन वक्षसि
vemuśca kecidrudhiraṃ musale bhṛśaṃ hatāḥ / kecinnapātitā bhūmau bhinnāḥ śūlena vakṣasi
Some, struck hard with the pestle, vomited blood; and some, felled to the earth, were pierced in the chest by the spear.
AI translation rendered from the Sanskrit, not a published edition
MkP 82.60
निरन्तराः शरौघेण कृताः केचिद्रणाजिरे । शैलानुकारिणः प्राणान् मुमुचुस्त्रिदशार्दनाः
nirantarāḥ śaraugheṇa kṛtāḥ kecidraṇājire / śailānukāriṇaḥ prāṇān mumucustridaśārdanāḥ
Some on the battlefield were made one solid mass by the flood of arrows, and, resembling mountains (bristling with shafts), those tormentors of the gods gave up their lives.
AI translation rendered from the Sanskrit, not a published edition
MkP 82.61
केषाञ्चिद्वाहवश्छिन्नाश्छिन्नग्रीवास्तथापरे । शिरांसि पेतुरन्येषामन्ये मध्ये विदारिताः
keṣāñcidvāhavaśchinnāśchinnagrīvāstathāpare / śirāṃsi peturanyeṣāmanye madhye vidāritāḥ
The arms of some were severed, others had their necks cut; the heads of others fell, and others were split through the middle.
AI translation rendered from the Sanskrit, not a published edition
MkP 82.62
विच्छिन्नजङ्घास्त्वपरे पेतुरुर्व्यां महासुराः । एकबाह्वक्षिचरणाः केचिद्देव्या द्विधा कृताः
vicchinnajaṅghāstvapare petururvyāṃ mahāsurāḥ / ekabāhvakṣicaraṇāḥ keciddevyā dvidhā kṛtāḥ
Others, great asuras, fell to the ground with their legs cut off; some were made two-fold by the Goddess, (left) with a single arm, eye and foot.
AI translation rendered from the Sanskrit, not a published edition
MkP 82.63
छिन्ने ऽपि चान्ये शिरसि पतिताः पुनरुत्थिताः । कबन्धा युयुधुर्देव्या गृहीतपरमायुधाः
chinne 'pi cānye śirasi patitāḥ punarutthitāḥ / kabandhā yuyudhurdevyā gṛhītaparamāyudhāḥ
And others, though their heads were cut off, having fallen rose up again: the trunks, grasping the best of weapons, fought with the Goddess.
AI translation rendered from the Sanskrit, not a published edition
MkP 82.64
ननृतुश्चापरे तत्र युद्धे तूर्यलयाश्रिताः । कबन्धाश्छिन्नखिरसः खड्ग-शक्त्यृष्टिपाणयः
nanṛtuścāpare tatra yuddhe tūryalayāśritāḥ / kabandhāśchinnakhirasaḥ khaḍga-śaktyṛṣṭipāṇayaḥ
And others danced there in the battle, keeping to the rhythm of the drums — trunks with their heads cut off, with swords, spears and lances in their hands.
AI translation rendered from the Sanskrit, not a published edition
MkP 82.65
तिष्ठ तिष्ठेति भाषन्तो देवीमन्ये महासुराः। रुधिरौघविलुप्ताङ्गाः संग्रामे लोमहर्षणे
tiṣṭha tiṣṭheti bhāṣanto devīmanye mahāsurāḥ/ rudhiraughaviluptāṅgāḥ saṃgrāme lomaharṣaṇe
Other great asuras, their limbs smeared with floods of blood, kept saying to the Goddess "Stand! Stand!" in that hair-raising battle.
AI translation rendered from the Sanskrit, not a published edition
MkP 82.66
पातितै रथनागाश्वैरसुरैश्च वसुन्धरा । अगम्या साभवत् तत्र यत्राभूत् स महारणः
pātitai rathanāgāśvairasuraiśca vasundharā / agamyā sābhavat tatra yatrābhūt sa mahāraṇaḥ
With the chariots, elephants, horses and asuras brought down, the earth became impassable there, where that great battle took place.
AI translation rendered from the Sanskrit, not a published edition
MkP 82.67
शोणितौघा महानद्यः सद्यस्तत्र विसुस्त्रुवुः । मध्ये चासुरसैन्यस्य वारणासुरवाजिनाम्
śoṇitaughā mahānadyaḥ sadyastatra visustruvuḥ / madhye cāsurasainyasya vāraṇāsuravājinām
At once great rivers, floods of blood, streamed forth there in the midst of the asura army, (from) the elephants, asuras and horses.
AI translation rendered from the Sanskrit, not a published edition
MkP 82.68
क्षणेन तन्महासैन्यमसुराणां तथाम्बिका । निन्ये क्षयं यथा वह्निस्तृणदारुमहाचयम्
kṣaṇena tanmahāsainyamasurāṇāṃ tathāmbikā / ninye kṣayaṃ yathā vahnistṛṇadārumahācayam
And in a moment Ambikā brought that great army of the asuras to destruction, as fire (does) a great heap of grass and wood.
AI translation rendered from the Sanskrit, not a published edition
MkP 82.69
स च सिंहो महानादमुत्सृजन् धुतकेसरः । शरीरेभ्यो ऽमरारीणामसूनिव विचिन्वति
sa ca siṃho mahānādamutsṛjan dhutakesaraḥ / śarīrebhyo 'marārīṇāmasūniva vicinvati
And that lion, uttering a great roar, its mane shaken out, went about as if searching out the life-breaths from the bodies of the enemies of the gods.
AI translation rendered from the Sanskrit, not a published edition
MkP 82.70
देव्या गणैश्च तैस्तत्र कृतं युद्धं तथासुरैः । यथैषां तुतुषुर्देवाः पुष्पवृष्टिमुचो दिवि
devyā gaṇaiśca taistatra kṛtaṃ yuddhaṃ tathāsuraiḥ / yathaiṣāṃ tutuṣurdevāḥ puṣpavṛṣṭimuco divi
Such a battle was fought there by the Goddess and by those hosts with the asuras that the gods, releasing showers of flowers in heaven, were delighted with them.
AI translation rendered from the Sanskrit, not a published edition