Markandeya Purana — Chapter 77
MkP 77.1
मार्तण्ड रस्यवेर्भार्या तनया विश्वकर्मणः । संज्ञा नाम महाभाग तस्यां भानुरजीजनत्
mārtaṇḍa rasyaverbhāryā tanayā viśvakarmaṇaḥ / saṃjñā nāma mahābhāga tasyāṃ bhānurajījanat
The wife of Mārtaṇḍa the Sun was a daughter of Viśvakarman, named Saṃjñā, O greatly fortunate one; upon her the Shining One begot —
AI translation rendered from the Sanskrit, not a published edition — the model flagged this verse as uncertain
MkP 77.2
मनुं प्रख्यातयशसमनेकज्ञानपारगम् । विवस्वतः सुतो यस्मात्तस्माद्वैवस्वतस्तु सः
manuṃ prakhyātayaśasamanekajñānapāragam / vivasvataḥ suto yasmāttasmādvaivasvatastu saḥ
— Manu, of famed renown, master of many branches of knowledge; since he was the son of Vivasvat, therefore he is Vaivasvata.
AI translation rendered from the Sanskrit, not a published edition
MkP 77.3
संज्ञा च रविणा दृष्टा निमीलयति लोचने । यतस्ततः सरोषोर्ऽकः संज्ञां निष्ठुरमब्रवीत्
saṃjñā ca raviṇā dṛṣṭā nimīlayati locane / yatastataḥ saroṣor'kaḥ saṃjñāṃ niṣṭhuramabravīt
And Saṃjñā, when looked at by the Sun, would shut her eyes; therefore the Sun in anger spoke harshly to Saṃjñā.
AI translation rendered from the Sanskrit, not a published edition
MkP 77.4
मयि दृष्टे सदा यस्मात् कुरुषे नेत्रसंयमम् । तस्माज्जनिष्यसे मूढे प्रजासंयमनं यमम्
mayi dṛṣṭe sadā yasmāt kuruṣe netrasaṃyamam / tasmājjaniṣyase mūḍhe prajāsaṃyamanaṃ yamam
"Since, whenever I am looked upon, you always restrain your eyes, therefore, foolish woman, you shall give birth to Yama, the restrainer of creatures."
AI translation rendered from the Sanskrit, not a published edition
MkP 77.5
ततः सा चपलां दृष्टिं देवी चक्रे भयाकुला । विलोलितदृशं दृष्ट्वा पुनराह च तां रविः
tataḥ sā capalāṃ dṛṣṭiṃ devī cakre bhayākulā / vilolitadṛśaṃ dṛṣṭvā punarāha ca tāṃ raviḥ
Then that goddess, agitated with fear, made her gaze unsteady; and seeing her eyes rolling about, the Sun spoke to her again.
AI translation rendered from the Sanskrit, not a published edition
MkP 77.6
यस्माद्विलोलिता दृष्टिर्मयि दृष्टे त्वयाधुना । तस्माद्विलोलां तनयां नदीं त्वं प्रसविष्यसि
yasmādvilolitā dṛṣṭirmayi dṛṣṭe tvayādhunā / tasmādvilolāṃ tanayāṃ nadīṃ tvaṃ prasaviṣyasi
"Since now your gaze rolled about when I was looked upon by you, therefore you shall bring forth a rolling daughter, a river."
AI translation rendered from the Sanskrit, not a published edition
MkP 77.7
ततस्तस्यान्तु संजज्ञे भर्तृशापेन तेन वै । यमश्च यमुना चेयं प्रख्याता सुमहानदी
tatastasyāntu saṃjajñe bhartṛśāpena tena vai / yamaśca yamunā ceyaṃ prakhyātā sumahānadī
Then, indeed, by that curse of her husband, there were born of her Yama and this Yamunā, the famed and very great river.
AI translation rendered from the Sanskrit, not a published edition
MkP 77.8
सापि संज्ञा रवेस्तेजः सेहे दुः खेन भामिनी । असहन्ती च सा तेजश्चिन्तयामास वै तदा
sāpi saṃjñā ravestejaḥ sehe duḥ khena bhāminī / asahantī ca sā tejaścintayāmāsa vai tadā
And that Saṃjñā, the lovely woman, bore the Sun's heat with difficulty; and unable to bear that heat, she then reflected:
AI translation rendered from the Sanskrit, not a published edition
MkP 77.9
किङ्करोमि क्व गच्छामि क्व गतायाश्च निर्वृतिः । भवेन्मम कथं भर्ता कोपमर्कश्च नैष्यति
kiṅkaromi kva gacchāmi kva gatāyāśca nirvṛtiḥ / bhavenmama kathaṃ bhartā kopamarkaśca naiṣyati
"What shall I do? Where shall I go? And where, having gone, would there be peace for me? And how will my husband the Sun not come to anger?"
AI translation rendered from the Sanskrit, not a published edition
MkP 77.10
इति संचिन्त्य बहुधा प्रजापतिसुता तदा । बहु मेने महाभागा पितृसंश्रयमेव सा
iti saṃcintya bahudhā prajāpatisutā tadā / bahu mene mahābhāgā pitṛsaṃśrayameva sā
Having thus reflected in many ways, the daughter of the Prajāpati, the greatly fortunate one, then thought highly of nothing but taking refuge with her father.
AI translation rendered from the Sanskrit, not a published edition
MkP 77.11
ततः पितृगृहे गन्तुं कृतबुद्धिर्यशस्विनी । छायामयीमात्मतनुं निर्ममे दयितां रवेः
tataḥ pitṛgṛhe gantuṃ kṛtabuddhiryaśasvinī / chāyāmayīmātmatanuṃ nirmame dayitāṃ raveḥ
Then the illustrious woman, having made up her mind to go to her father's house, fashioned a body of her own made of shadow, dear to the Sun.
AI translation rendered from the Sanskrit, not a published edition
MkP 77.12
ताञ्चोवाच त्वया वेश्मन्यत्र भानोर्यथा मया । तथा सम्यगपत्येषु वर्तितव्यं यथा रवौ
tāñcovāca tvayā veśmanyatra bhānoryathā mayā / tathā samyagapatyeṣu vartitavyaṃ yathā ravau
And she said to her: "By you, here in the Sun's house, just as by me, so must you conduct yourself properly toward the children, and toward the Sun."
AI translation rendered from the Sanskrit, not a published edition
MkP 77.13
पृष्टयापि न वाच्यन्ते तथैतद्गमनं मम । सैवास्मि नाम संज्ञेति वाच्यमेतत्सदा वचः
pṛṣṭayāpi na vācyante tathaitadgamanaṃ mama / saivāsmi nāma saṃjñeti vācyametatsadā vacaḥ
"Even if you are asked, this going of mine is not to be spoken of thus; 'I am that very one, Saṃjñā by name' — this is the speech always to be uttered."
AI translation rendered from the Sanskrit, not a published edition
MkP 77.14
आकेशग्रहणाद् देवि ! आशापाच्च वचस्तव । करिष्ये कथयिष्यामि वृत्तन्तु शापकर्षणात्
ākeśagrahaṇād devi ! āśāpācca vacastava / kariṣye kathayiṣyāmi vṛttantu śāpakarṣaṇāt
"Until (my) hair is seized, O goddess, and until a curse, (I shall keep) your word; I shall do it — but I shall tell what happened if pressed by a curse."
AI translation rendered from the Sanskrit, not a published edition — the model flagged this verse as uncertain
MkP 77.15
इत्युक्ता सा तदा देवी जगाम भवनं पितुः । ददर्श तत्र त्वष्टारं तपसा धूतकल्मषम्
ityuktā sā tadā devī jagāma bhavanaṃ pituḥ / dadarśa tatra tvaṣṭāraṃ tapasā dhūtakalmaṣam
Being thus addressed, that goddess then went to her father's house; there she saw Tvaṣṭṛ, his impurity shaken off by austerity.
AI translation rendered from the Sanskrit, not a published edition
MkP 77.16
बहुमानाच्च तेनापि पूजिता विश्वकर्मणा । तस्थौ पितृगृहे सा तु कञ्चित्कालमनिन्दिता
bahumānācca tenāpi pūjitā viśvakarmaṇā / tasthau pitṛgṛhe sā tu kañcitkālamaninditā
And honoured with great respect by him, Viśvakarman, she, blameless, stayed for some time in her father's house.
AI translation rendered from the Sanskrit, not a published edition
MkP 77.17
ततस्तां प्राह चार्वङ्गी पिता नातिचिरोषिताम् । स्तुत्वा च तनयां प्रेमबहुमानपुरः सरम्
tatastāṃ prāha cārvaṅgī pitā nāticiroṣitām / stutvā ca tanayāṃ premabahumānapuraḥ saram
Then her father, having praised his fair-limbed daughter who had not stayed very long, spoke to her with affection and great regard foremost.
AI translation rendered from the Sanskrit, not a published edition
MkP 77.18
त्वान्तु मे पश्यतो वत्से दिनानि सुबहून्यपि । मुहूर्तार्धसमानि स्युः किन्तु धर्मो विलुप्यते
tvāntu me paśyato vatse dināni subahūnyapi / muhūrtārdhasamāni syuḥ kintu dharmo vilupyate
"But for me, looking at you, my child, even very many days would be like half a moment; yet duty is being transgressed."
AI translation rendered from the Sanskrit, not a published edition
MkP 77.19
बान्धवेषु चिरं वासो नारीणां न यशस्करः । मनोरथो बान्धवानां नार्या भर्तृगृहे स्थितिः
bāndhaveṣu ciraṃ vāso nārīṇāṃ na yaśaskaraḥ / manoratho bāndhavānāṃ nāryā bhartṛgṛhe sthitiḥ
"A long stay among relatives does not bring women renown; the relatives' own wish is that a woman abide in her husband's house."
AI translation rendered from the Sanskrit, not a published edition
MkP 77.20
सा त्वं त्रैलोक्यनाथेन भर्त्रा सूर्येण सङ्गता । पितृगेहे चिरं कालं वस्तुं नार्हसि पुत्रिके
sā tvaṃ trailokyanāthena bhartrā sūryeṇa saṅgatā / pitṛgehe ciraṃ kālaṃ vastuṃ nārhasi putrike
"You, being joined with the lord of the three worlds, the Sun, as your husband, ought not to dwell a long time in your father's house, daughter."
AI translation rendered from the Sanskrit, not a published edition
MkP 77.21
सा त्वं भर्तृगृहं गच्छ तुष्टो ऽहं पूजितासि मे । पुनरागमनं कार्यं दर्शनाय शुभे मम
sā tvaṃ bhartṛgṛhaṃ gaccha tuṣṭo 'haṃ pūjitāsi me / punarāgamanaṃ kāryaṃ darśanāya śubhe mama
"So go to your husband's house; I am pleased, I have been honoured by you. But you must come again, to be seen by me, good lady."
AI translation rendered from the Sanskrit, not a published edition
MkP 77.22
इत्युक्ता सा तदा पित्रा तथेत्युक्त्वा च सा मुने । संपूजयित्वा पितरं जगामाथोत्तरान् कुरून्
ityuktā sā tadā pitrā tathetyuktvā ca sā mune / saṃpūjayitvā pitaraṃ jagāmāthottarān kurūn
Being thus addressed by her father, she then said "So be it," O sage, and having duly honoured her father she went to the Northern Kurus.
AI translation rendered from the Sanskrit, not a published edition
MkP 77.23
सूर्यतापमनिच्छन्ती तेजसस्तस्य बिभ्यती । तपश्चचार तत्रापि वडवारूपधारिणी
sūryatāpamanicchantī tejasastasya bibhyatī / tapaścacāra tatrāpi vaḍavārūpadhāriṇī
Not wanting the Sun's heat, and afraid of his fiery energy, she practised austerity there too, bearing the form of a mare.
AI translation rendered from the Sanskrit, not a published edition
MkP 77.24
संज्ञेयमिति मन्वानो द्वितीयायामहस्पतिः । जनयामास तनयौ कन्याञ्चैकां मनोरमाम्
saṃjñeyamiti manvāno dvitīyāyāmahaspatiḥ / janayāmāsa tanayau kanyāñcaikāṃ manoramām
Thinking "this is Saṃjñā," the lord of day begot on the second (wife) two sons and one delightful daughter.
AI translation rendered from the Sanskrit, not a published edition
MkP 77.25
छायासंज्ञा त्वपत्येषु यथा स्वेष्वतिवत्सला । तथा न संज्ञाकन्यायां पुत्रयोश्चान्ववर्तत
chāyāsaṃjñā tvapatyeṣu yathā sveṣvativatsalā / tathā na saṃjñākanyāyāṃ putrayoścānvavartata
But Chāyā-Saṃjñā, being exceedingly fond of her own offspring, did not behave in the same way toward Saṃjñā's daughter and her two sons.
AI translation rendered from the Sanskrit, not a published edition
MkP 77.26
लालनाद्युपभोगेषु विशेषमनुवासरम् । मनुस्तत् क्षान्तवानस्य यमस्तस्या न चक्षमे
lālanādyupabhogeṣu viśeṣamanuvāsaram / manustat kṣāntavānasya yamastasyā na cakṣame
Manu bore that daily distinction in petting and other indulgences, but Yama did not put up with it from her.
AI translation rendered from the Sanskrit, not a published edition
MkP 77.27
ताडनाय च वै कोपात् पादस्तेन समुद्यतः । तस्याः पुनः क्षान्तिमता न तु देहे निपातितः
tāḍanāya ca vai kopāt pādastena samudyataḥ / tasyāḥ punaḥ kṣāntimatā na tu dehe nipātitaḥ
And out of anger his foot was raised by him to strike her; but again, being forbearing, it was not brought down on her body.
AI translation rendered from the Sanskrit, not a published edition
MkP 77.28
ततः शशाप तं कोपाच्छायासंज्ञा यमं द्विज । किञ्चित् प्रस्फुरमाणौष्ठी विचलत्पाणिपल्लवा
tataḥ śaśāpa taṃ kopācchāyāsaṃjñā yamaṃ dvija / kiñcit prasphuramāṇauṣṭhī vicalatpāṇipallavā
Then, O twice-born, Chāyā-Saṃjñā in anger cursed that Yama, her lips trembling somewhat, her tender hands shaking.
AI translation rendered from the Sanskrit, not a published edition
MkP 77.29
पितुः पत्नीममर्यादं यन्मां तर्जयसे पदा । भुवि तस्मादयं पदास्तवाद्यैव पतिष्यति
pituḥ patnīmamaryādaṃ yanmāṃ tarjayase padā / bhuvi tasmādayaṃ padāstavādyaiva patiṣyati
"Since you threaten me with your foot—your father's wife—transgressing propriety, therefore this foot of yours shall fall to the ground this very day."
AI translation rendered from the Sanskrit, not a published edition
MkP 77.30
इत्याकर्ण्य यमः शापं मात्रा दत्तं भयातुरः । अभ्येत्य पितरं प्राह प्रणिपातपुरः सरम्
ityākarṇya yamaḥ śāpaṃ mātrā dattaṃ bhayāturaḥ / abhyetya pitaraṃ prāha praṇipātapuraḥ saram
Having heard this curse given by his mother, Yama, stricken with fear, went to his father and spoke, with a prostration foremost.
AI translation rendered from the Sanskrit, not a published edition
MkP 77.31
तातैतन्महदाश्चर्यं न दृष्टमिति केनचित् । माता वात्सल्यमुत्सृज्य शापं पुत्रे प्रयच्छति
tātaitanmahadāścaryaṃ na dṛṣṭamiti kenacit / mātā vātsalyamutsṛjya śāpaṃ putre prayacchati
"Father, this is a great wonder, such as has been seen by no one: that a mother, abandoning her tenderness, bestows a curse upon her son."
AI translation rendered from the Sanskrit, not a published edition
MkP 77.32
यथा मनुर्ममाचष्टे नेयं मता तथा मम । विगुणेष्वपि पुत्रेषु न माता विगुणा भवेत्
yathā manurmamācaṣṭe neyaṃ matā tathā mama / viguṇeṣvapi putreṣu na mātā viguṇā bhavet
"As Manu tells me, she is not my mother in that way; even when sons are faulty, a mother would not become faulty (toward them)."
AI translation rendered from the Sanskrit, not a published edition
MkP 77.33
यमस्यैतद्वचः श्रुत्वा भगवांस्तिमिरापहः । छायासंज्ञां समाहूय पप्रच्छ क्व गतेति सा
yamasyaitadvacaḥ śrutvā bhagavāṃstimirāpahaḥ / chāyāsaṃjñāṃ samāhūya papraccha kva gateti sā
Hearing this speech of Yama, the lord who dispels darkness called Chāyā-Saṃjñā and asked, "Where has she gone?"
AI translation rendered from the Sanskrit, not a published edition
MkP 77.34
सा चाह तनया त्वष्टुरहं संज्ञा विभावसो । पत्नी तव त्वयापत्यान्येतानि जनितानि मे
sā cāha tanayā tvaṣṭurahaṃ saṃjñā vibhāvaso / patnī tava tvayāpatyānyetāni janitāni me
And she said: "I am Saṃjñā, Tvaṣṭṛ's daughter, O radiant one, your wife; by you these children were begotten of me."
AI translation rendered from the Sanskrit, not a published edition
MkP 77.35
इत्थं विवस्वतः सा तु बहुशः पृच्छतो यदा । नाचचक्षे ततः क्रुद्धो भास्वांस्तां शप्तुमुद्यतः
itthaṃ vivasvataḥ sā tu bahuśaḥ pṛcchato yadā / nācacakṣe tataḥ kruddho bhāsvāṃstāṃ śaptumudyataḥ
When, being thus asked repeatedly by Vivasvat, she did not tell, then the Shining One in anger was about to curse her.
AI translation rendered from the Sanskrit, not a published edition
MkP 77.36
ततः सा कथयामास यथावृत्तं विवस्वतः । विदितार्थश्च भगवान् जगाम त्वष्टुरालयम्
tataḥ sā kathayāmāsa yathāvṛttaṃ vivasvataḥ / viditārthaśca bhagavān jagāma tvaṣṭurālayam
Then she told Vivasvat what had happened; and the lord, knowing the matter, went to Tvaṣṭṛ's dwelling.
AI translation rendered from the Sanskrit, not a published edition
MkP 77.37
ततः स पूजयामास तदा त्रैलोक्यपूजितम् । भास्वन्तं परया भक्त्या निजगेहमुपागतम्
tataḥ sa pūjayāmāsa tadā trailokyapūjitam / bhāsvantaṃ parayā bhaktyā nijagehamupāgatam
Then he worshipped with the highest devotion the Shining One, honoured in the three worlds, who had come to his own house.
AI translation rendered from the Sanskrit, not a published edition
MkP 77.38
संज्ञां पृष्टस्तदा तस्मै कथयामास विश्वकृत् । आगतैवेह मे वेश्म भवतः प्रेषितेति वै
saṃjñāṃ pṛṣṭastadā tasmai kathayāmāsa viśvakṛt / āgataiveha me veśma bhavataḥ preṣiteti vai
Then, asked about Saṃjñā, the Maker of all told him: "She did indeed come here to my house, sent by you."
AI translation rendered from the Sanskrit, not a published edition
MkP 77.39
दिवाकरः समाधिस्थो वडवारूपधारिणीम् । तपश्चरन्तीं ददृशे उत्तरेषु कुरुष्वथ
divākaraḥ samādhistho vaḍavārūpadhāriṇīm / tapaścarantīṃ dadṛśe uttareṣu kuruṣvatha
Then the Day-maker, settled in meditation, saw her in the northern Kurus, bearing the form of a mare and practising austerity.
AI translation rendered from the Sanskrit, not a published edition
MkP 77.40
सौम्यमूर्तिः शुभाकारो मम भर्ता भवेदिति । अभिसन्धिञ्च तपसो बुबुधे ऽस्या दिवाकरः
saumyamūrtiḥ śubhākāro mama bhartā bhavediti / abhisandhiñca tapaso bubudhe 'syā divākaraḥ
"May my husband be of gentle form and fair aspect" — the Day-maker understood this to be the intention of her austerity.
AI translation rendered from the Sanskrit, not a published edition
MkP 77.41
शातनं तेजसो मे ऽद्य क्रियतामिति भास्करः । तञ्चाह विश्वकर्माणं संज्ञायाः पितरं द्विज
śātanaṃ tejaso me 'dya kriyatāmiti bhāskaraḥ / tañcāha viśvakarmāṇaṃ saṃjñāyāḥ pitaraṃ dvija
"Let a blunting of my fiery energy be effected today" — thus the Light-maker said to Viśvakarman, the father of Saṃjñā, O twice-born one.
AI translation rendered from the Sanskrit, not a published edition
MkP 77.42
संवत्सरभ्रमेस्तस्य विश्वकर्मा करवेस्ततः । तेजसः शातनञ्चक्रे स्तूयमानश्च दैवतैः
saṃvatsarabhramestasya viśvakarmā karavestataḥ / tejasaḥ śātanañcakre stūyamānaśca daivataiḥ
Then Viśvakarman, the craftsman, effected the blunting of the fiery energy of him whose revolution is the year, and he was praised by the gods.
AI translation rendered from the Sanskrit, not a published edition — the model flagged this verse as uncertain