Markandeya Purana — Chapter 76
MkP 76.1
इत्येतत् कथितं तुभ्यं पञ्च मन्वन्तरं तव । चाक्षुषस्य मनोः षष्ठं श्रूयतामिदमन्तरम्
ityetat kathitaṃ tubhyaṃ pañca manvantaraṃ tava / cākṣuṣasya manoḥ ṣaṣṭhaṃ śrūyatāmidamantaram
Thus these five Manu-intervals have been told to you; now let this sixth interval, of Manu Cākṣuṣa, be heard.
AI translation rendered from the Sanskrit, not a published edition
MkP 76.2
अन्यजन्मनि जातो ऽसौ चक्षुषः परमेष्ठिनः । चाक्षुषत्वमतस्तस्य जन्मन्यस्मिन्नपि द्विज
anyajanmani jāto 'sau cakṣuṣaḥ parameṣṭhinaḥ / cākṣuṣatvamatastasya janmanyasminnapi dvija
In another birth he was born of Cakṣus, the highest lord; hence his being called Cākṣuṣa in this birth too, O twice-born.
AI translation rendered from the Sanskrit, not a published edition
MkP 76.3
जातं माता निजोत्सङ्गे स्थितमुल्लाप्य तं पुनः । परिष्वजति हार्देन पुनरुल्लापयत्यथ
jātaṃ mātā nijotsaṅge sthitamullāpya taṃ punaḥ / pariṣvajati hārdena punarullāpayatyatha
When he was born and lay in her own lap, his mother, calling out to him again, embraces him out of affection and then calls out to him again.
AI translation rendered from the Sanskrit, not a published edition
MkP 76.4
जातिस्मरः स जातो वै मातुरुत्सङ्गमास्थितः । जहास तं तदा माता संक्रुद्धा वाक्यमब्रवीत्
jātismaraḥ sa jāto vai māturutsaṅgamāsthitaḥ / jahāsa taṃ tadā mātā saṃkruddhā vākyamabravīt
Born remembering his former births, seated in his mother's lap, he laughed; then his mother, greatly angered, spoke these words:
AI translation rendered from the Sanskrit, not a published edition
MkP 76.5
भीतास्मि किमिदं वत्स ! हासो यद्वदने तव । अकालबोधः सञ्जातः कच्चित् पश्यसि शोभनम्
bhītāsmi kimidaṃ vatsa ! hāso yadvadane tava / akālabodhaḥ sañjātaḥ kaccit paśyasi śobhanam
"I am afraid — what is this, child, this laughter on your face? An awareness has arisen out of season: do you perchance see something auspicious?"
AI translation rendered from the Sanskrit, not a published edition
MkP 76.6
मामत्तुमिच्छति पुरो मार्जारी किम न पश्यसि । अन्तर्धानगता चेयं द्वितीया जातहारिणी
māmattumicchati puro mārjārī kima na paśyasi / antardhānagatā ceyaṃ dvitīyā jātahāriṇī
"A cat in front of me wants to eat me — do you not see? And this second one, who has become invisible, is a snatcher of newborns.
AI translation rendered from the Sanskrit, not a published edition
MkP 76.7
पुत्रप्रीत्या च भवती सहार्दा मामवेक्षती । उल्लाप्योल्लाप्य बहुशः परिष्वजति मां यतः
putraprītyā ca bhavatī sahārdā māmavekṣatī / ullāpyollāpya bahuśaḥ pariṣvajati māṃ yataḥ
And you, out of love for a son, affectionate, gazing at me, calling out again and again, embrace me many times,
AI translation rendered from the Sanskrit, not a published edition
MkP 76.8
उद्भूतपुलका स्नेहसम्भवास्त्राविलेक्षणा । ततो ममागतो हासः शृणु चाप्यत्र कारणम्
udbhūtapulakā snehasambhavāstrāvilekṣaṇā / tato mamāgato hāsaḥ śṛṇu cāpyatra kāraṇam
with the hairs of your body bristling and your eyes clouded with tears born of tenderness. From that my laughter came; hear the reason for it here.
AI translation rendered from the Sanskrit, not a published edition
MkP 76.9
स्वार्थे प्रसक्ता मार्जारी प्रसक्तं मामवेक्षते । तथान्तर्धानगा चैव द्वितीया जातहारिणी
svārthe prasaktā mārjārī prasaktaṃ māmavekṣate / tathāntardhānagā caiva dvitīyā jātahāriṇī
The cat, intent on her own interest, looks at me who am (thus) intent upon; and so too the second one, the snatcher of newborns, gone invisible.
AI translation rendered from the Sanskrit, not a published edition — the model flagged this verse as uncertain
MkP 76.10
स्वार्थाय स्निग्धहृदया यथैवैते ममोपरि । प्रवृत्ते स्वार्थमास्थाय तथैव प्रतिभासि मे
svārthāya snigdhahṛdayā yathaivaite mamopari / pravṛtte svārthamāsthāya tathaiva pratibhāsi me
Just as these two are tender-hearted toward me for their own interest, engaged as they are, resting on self-interest, so exactly do you appear to me.
AI translation rendered from the Sanskrit, not a published edition
MkP 76.11
किन्तु मदुपभोगाय मार्जारी जातहारिणी । त्वन्तु क्रमेणोपभोग्यं मत्तः फलमभीप्ससि
kintu madupabhogāya mārjārī jātahāriṇī / tvantu krameṇopabhogyaṃ mattaḥ phalamabhīpsasi
But the cat and the newborn-snatcher (want me) for devouring me, whereas you desire from me a fruit to be enjoyed in due course.
AI translation rendered from the Sanskrit, not a published edition
MkP 76.12
न मां जानासि को ऽप्येष न चैवापकृतं मया । सङ्गतं नातिकालीनं पञ्चसप्तदिनात्मकम्
na māṃ jānāsi ko 'pyeṣa na caivāpakṛtaṃ mayā / saṅgataṃ nātikālīnaṃ pañcasaptadinātmakam
You do not know me at all, whoever this one is, nor has any service been done by me; our association is not of long standing, being of five or seven days.
AI translation rendered from the Sanskrit, not a published edition
MkP 76.13
तथापि स्त्रिह्यसे सास्त्रा परिष्वजसि चाप्यति । तातेति वत्स ! भद्रेति निर्व्यलीकं ब्रवीषि माम्
tathāpi strihyase sāstrā pariṣvajasi cāpyati / tāteti vatsa ! bhadreti nirvyalīkaṃ bravīṣi mām
Yet you soften toward me with tears and embrace me exceedingly, and call me sincerely 'father', 'child', 'my good one'."
AI translation rendered from the Sanskrit, not a published edition
MkP 76.14
मातोवाच न त्वाहमुपकारार्थं वत्स ! प्रीत्या परिष्वजे । न चेदेतद्भवत्प्रीत्यै परित्यक्तास्म्यहं त्वया
mātovāca na tvāhamupakārārthaṃ vatsa ! prītyā pariṣvaje / na cedetadbhavatprītyai parityaktāsmyahaṃ tvayā
The mother said: "It is not for the sake of gain, child, that I embrace you with love; and if this is not to your liking, then I am cast off by you.
AI translation rendered from the Sanskrit, not a published edition
MkP 76.15
स्वार्थो मया परित्यक्तो यस्त्वत्तो मे भविष्यति । इत्युक्त्वा सा तमुत्सृज्य निष्क्रान्ता सूतिकागृहात्
svārtho mayā parityakto yastvatto me bhaviṣyati / ityuktvā sā tamutsṛjya niṣkrāntā sūtikāgṛhāt
"My own interest, which would have come to me from you, has been given up by me." Having said this, she abandoned him and went out of the birth-chamber.
AI translation rendered from the Sanskrit, not a published edition
MkP 76.16
जडाङ्गबाह्यकरणं शुद्धान्तः करणात्मकम् । जहार तं परित्यक्तं सा तदा जातहारिणी
jaḍāṅgabāhyakaraṇaṃ śuddhāntaḥ karaṇātmakam / jahāra taṃ parityaktaṃ sā tadā jātahāriṇī
Him, whose outer organs were inert but whose inner organ was pure, the child-snatcher (Jātahāriṇī) then carried off, abandoned (as he was).
AI translation rendered from the Sanskrit, not a published edition
MkP 76.17
सा हृत्वा तं तदा बालं विक्रान्तस्य महीभृतः । प्रसूतपत्नीशयने न्यस्य तस्याददे सुतम्
sā hṛtvā taṃ tadā bālaṃ vikrāntasya mahībhṛtaḥ / prasūtapatnīśayane nyasya tasyādade sutam
Having then carried off that boy, she laid him on the bed of the newly delivered wife of king Vikrānta, and took away her son.
AI translation rendered from the Sanskrit, not a published edition
MkP 76.18
तमप्यन्यगृहे नीत्वा गृहीत्वा तस्य चात्मजम् । तृतीयं भक्षयामास सा क्रमाज्जातहारिणी
tamapyanyagṛhe nītvā gṛhītvā tasya cātmajam / tṛtīyaṃ bhakṣayāmāsa sā kramājjātahāriṇī
Carrying him too to another house, and taking that (householder's) own son, she, the child-snatcher, devoured the third one in turn.
AI translation rendered from the Sanskrit, not a published edition
MkP 76.19
हृत्वा हृत्वा तृतीयन्तु भक्षयत्यतिनिर्घृणा । करोत्यनुदिनं सा नु परिवर्तन्तथान्ययोः
hṛtvā hṛtvā tṛtīyantu bhakṣayatyatinirghṛṇā / karotyanudinaṃ sā nu parivartantathānyayoḥ
Stealing again and again, the utterly pitiless one devours the third; and day by day she thus makes an exchange of the other two.
AI translation rendered from the Sanskrit, not a published edition
MkP 76.20
विक्रान्तो ऽपि ततस्तस्य सुतस्यैव महीपतिः । कारयामास संस्कारान् राजन्यस्य भवन्ति ये
vikrānto 'pi tatastasya sutasyaiva mahīpatiḥ / kārayāmāsa saṃskārān rājanyasya bhavanti ye
Then King Vikrānta too had the rites performed for that son as if he were his own, those which are prescribed for a member of the royal class.
AI translation rendered from the Sanskrit, not a published edition
MkP 76.21
आनन्देति च नामास्य पिता चक्रे विधानतः । मुदा परमया युक्तो विक्रान्तः स नराधिपः
ānandeti ca nāmāsya pitā cakre vidhānataḥ / mudā paramayā yukto vikrāntaḥ sa narādhipaḥ
And his father, that king Vikrānta, filled with the greatest joy, gave him the name "Ānanda" according to the rule.
AI translation rendered from the Sanskrit, not a published edition
MkP 76.22
कृतोपनयनं तन्तु गुरुराह कुमारकम् । जनन्याः प्रागुपस्थानं क्रियताञ्चाभिवादनम्
kṛtopanayanaṃ tantu gururāha kumārakam / jananyāḥ prāgupasthānaṃ kriyatāñcābhivādanam
But when the boy's initiation had been performed, the teacher said to him: "First there should be attendance upon your mother, and salutation should be made."
AI translation rendered from the Sanskrit, not a published edition
MkP 76.23
स गुरोस्तद्वचः श्रुत्वा विहस्यैवमथाब्रवीत् । वन्द्या मे कतमा माता जननी पालनी नु किम्
sa gurostadvacaḥ śrutvā vihasyaivamathābravīt / vandyā me katamā mātā jananī pālanī nu kim
Hearing that word of the teacher, he laughed and then spoke thus: "Which mother of mine is to be saluted — the one who bore me, or the one who reared me?"
AI translation rendered from the Sanskrit, not a published edition
MkP 76.24
न त्वियं ते महाभाग ! जनयित्री रुथात्मजा । विक्रान्तस्याग्रमहिषी हैमिनी नाम नामतः
na tviyaṃ te mahābhāga ! janayitrī ruthātmajā / vikrāntasyāgramahiṣī haiminī nāma nāmataḥ
"But this woman, greatly fortunate one, is not she who bore you: she is the daughter of Rutha, the chief queen of Vikrānta, Haiminī by name."
AI translation rendered from the Sanskrit, not a published edition
MkP 76.25
इयं जनित्री चैत्रस्य विशालग्रमवासिनः । विप्राग्र्यबोधपुत्रस्य यो ऽस्यां जातो ऽन्यतो वचम्
iyaṃ janitrī caitrasya viśālagramavāsinaḥ / viprāgryabodhaputrasya yo 'syāṃ jāto 'nyato vacam
"She is the mother of Caitra, who dwells in the great village, the son of Bodha, the foremost of brahmins — he who was born of her ... elsewhere ..."
AI translation rendered from the Sanskrit, not a published edition — the model flagged this verse as uncertain
MkP 76.26
कुतस्त्वं कथयानन्द ! चैत्रः को वा त्वयोच्यते । सङ्कटं महदाभाति क्व जातो ऽत्र ब्रवीषि किम्
kutastvaṃ kathayānanda ! caitraḥ ko vā tvayocyate / saṅkaṭaṃ mahadābhāti kva jāto 'tra bravīṣi kim
"Where are you from? Tell me, Ānanda! And who is this Caitra spoken of by you? A great difficulty seems to appear here. Where were you born? What are you saying in this matter?"
AI translation rendered from the Sanskrit, not a published edition
MkP 76.27
जातो ऽहमवनीन्द्रस्य क्षत्रियस्य गृहे द्विज । तत्पत्न्यां गिरिभद्रायामाददे जातहारिणी
jāto 'hamavanīndrasya kṣatriyasya gṛhe dvija / tatpatnyāṃ giribhadrāyāmādade jātahāriṇī
"I was born, O brahmin, in the house of the kṣatriya lord of the earth, of his wife Giribhadrā; (and) the child-snatcher took me away.
AI translation rendered from the Sanskrit, not a published edition
MkP 76.28
तयात्र मुक्तो हैमिन्या गृहीत्वा च सुतञ्च सा । बोधस्य द्विजमुख्यस्य गृहे नीतवती पुनः
tayātra mukto haiminyā gṛhītvā ca sutañca sā / bodhasya dvijamukhyasya gṛhe nītavatī punaḥ
By her I was released here (in the house) of Haiminī, and taking her son she carried him again to the house of Bodha, the chief of brahmins.
AI translation rendered from the Sanskrit, not a published edition
MkP 76.29
भक्षयामास च सुतं तस्य बोधद्विजन्मनः । स तत्र द्विजसंस्कारैः संस्कृतो हैमिनीसुतः
bhakṣayāmāsa ca sutaṃ tasya bodhadvijanmanaḥ / sa tatra dvijasaṃskāraiḥ saṃskṛto haiminīsutaḥ
And she devoured the son of that brahmin Bodha. There Haiminī's son was consecrated with the rites of the twice-born.
AI translation rendered from the Sanskrit, not a published edition
MkP 76.30
वयमत्र महाभाग ! संस्कृता गुरुणा त्वया । मया तव वचः कार्यमुपैमि कतमां गुरो
vayamatra mahābhāga ! saṃskṛtā guruṇā tvayā / mayā tava vacaḥ kāryamupaimi katamāṃ guro
"We have here been consecrated by you as our teacher, greatly fortunate one; your word must be carried out by me — which one, O teacher, am I to approach?"
AI translation rendered from the Sanskrit, not a published edition
MkP 76.31
अतीव गहनं वत्स ! सङ्कटं महदागतम् । न वेद्मि किञ्चिन्मोहेन भ्रमन्तीव हि बुद्धयः
atīva gahanaṃ vatsa ! saṅkaṭaṃ mahadāgatam / na vedmi kiñcinmohena bhramantīva hi buddhayaḥ
"Exceedingly obscure, my child, is the great difficulty that has arisen. I know nothing; through bewilderment my thoughts seem to whirl about."
AI translation rendered from the Sanskrit, not a published edition
MkP 76.32
मोहस्यावसरः को ऽत्र जगत्येवं व्यवस्थिते । कः कस्य पुत्रो विप्रर्षे ! को वा कस्य नु बान्धवः
mohasyāvasaraḥ ko 'tra jagatyevaṃ vyavasthite / kaḥ kasya putro viprarṣe ! ko vā kasya nu bāndhavaḥ
"What occasion is there for bewilderment here, when the world is so constituted? Who is whose son, O brahmin sage, and who indeed is whose kinsman?
AI translation rendered from the Sanskrit, not a published edition
MkP 76.33
आरभ्य जन्मनो नॄणां सम्बन्धित्वमुपैति यः । अन्ये सम्बन्धिनो विप्र ! मृत्युना सन्निवर्तिताः
ārabhya janmano nṝṇāṃ sambandhitvamupaiti yaḥ / anye sambandhino vipra ! mṛtyunā sannivartitāḥ
He who, beginning from birth, enters into relationship with men — other relations, O brahmin, are cut off by death.
AI translation rendered from the Sanskrit, not a published edition
MkP 76.34
अत्रापि जातस्य सतः सम्बन्धोयो ऽस्य बान्धवैः । सो ऽप्यस्तङ्गते देहे प्रयात्येषो ऽखिलक्रमः
atrāpi jātasya sataḥ sambandhoyo 'sya bāndhavaiḥ / so 'pyastaṅgate dehe prayātyeṣo 'khilakramaḥ
Even here, for one who has been born, that relationship which he has with kinsmen — that too departs when the body has set; such is the whole course (of things).
AI translation rendered from the Sanskrit, not a published edition
MkP 76.35
अतो ब्रवीमि संसारे वसतः को न बान्धवः । को वापि सततं बन्धुः किं वो विभ्राम्यते मतिः
ato bravīmi saṃsāre vasataḥ ko na bāndhavaḥ / ko vāpi satataṃ bandhuḥ kiṃ vo vibhrāmyate matiḥ
Therefore I say: for one dwelling in the round of rebirth, who is not a kinsman? Or who is a kinsman for all time? Why is your mind confused?
AI translation rendered from the Sanskrit, not a published edition
MkP 76.36
पितृद्वयं मया प्राप्तमस्मिन्नेव हि जन्मनि । मातृद्वयञ्च किञ्चित्रं यदन्यद् देहसम्भवे
pitṛdvayaṃ mayā prāptamasminneva hi janmani / mātṛdvayañca kiñcitraṃ yadanyad dehasambhave
In this very birth I have obtained two fathers, and two mothers — so what is remarkable in anything else, when it comes to embodiment?
AI translation rendered from the Sanskrit, not a published edition
MkP 76.37
सो ऽहं तपः करिष्यामि त्वया यो ह्यस्य भूपतेः । विशालग्रामतः पुत्रश्चैत्र आनीयतामिह
so 'haṃ tapaḥ kariṣyāmi tvayā yo hyasya bhūpateḥ / viśālagrāmataḥ putraścaitra ānīyatāmiha
So I shall perform austerity. Let the son of this king (born) of you, Caitra, be brought here from the village of Viśāla.
AI translation rendered from the Sanskrit, not a published edition — the model flagged this verse as uncertain
MkP 76.38
ततः स विस्मितो राजा सभार्यः सह बन्धुभिः । तस्मान्निवर्त्य ममतामनुमेने वनाय तम्
tataḥ sa vismito rājā sabhāryaḥ saha bandhubhiḥ / tasmānnivartya mamatāmanumene vanāya tam
Then that king, astonished, together with his wife and with his kinsmen, turning back his sense of possession toward him, consented to his going to the forest.
AI translation rendered from the Sanskrit, not a published edition
MkP 76.39
चैत्रमानीय तनयं राज्ययोग्यं चकार सः । संमान्य ब्राह्मणं येन पुत्रबुद्ध्या स पालितः
caitramānīya tanayaṃ rājyayogyaṃ cakāra saḥ / saṃmānya brāhmaṇaṃ yena putrabuddhyā sa pālitaḥ
He brought Caitra and made (that) son fit for kingship, having honoured the brahmin by whom he had been reared in the belief that he was his son.
AI translation rendered from the Sanskrit, not a published edition
MkP 76.40
सो ऽप्यानन्दस्तपस्तेपे बाल एव महावने । कर्मणां क्षुपणार्थाय विमुक्तेः परिपन्थिनाम्
so 'pyānandastapastepe bāla eva mahāvane / karmaṇāṃ kṣupaṇārthāya vimukteḥ paripanthinām
And that Ānanda, while still a boy, performed austerity in the great forest, in order to wear away the deeds that obstruct liberation.
AI translation rendered from the Sanskrit, not a published edition
MkP 76.41
तपस्यन्तं ततस्तञ्च प्राह देवः प्रजापतिः । किमर्थं तप्यसे वत्स ! तपस्तीव्रं वदस्व तत्
tapasyantaṃ tatastañca prāha devaḥ prajāpatiḥ / kimarthaṃ tapyase vatsa ! tapastīvraṃ vadasva tat
Then the god Prajāpati said to him as he practised austerity: "For what purpose do you practise fierce austerity, child? Tell that."
AI translation rendered from the Sanskrit, not a published edition
MkP 76.42
आत्मनः शुद्धिकामो ऽहं करोमि भगवंस्तपः । बन्धाय मम कर्माणि यानि तत्क्षपणोन्मुखः
ātmanaḥ śuddhikāmo 'haṃ karomi bhagavaṃstapaḥ / bandhāya mama karmāṇi yāni tatkṣapaṇonmukhaḥ
"Desiring the purification of myself, O Lord, I perform austerity; intent upon wearing away those deeds of mine which are for (my) bondage."
AI translation rendered from the Sanskrit, not a published edition
MkP 76.43
क्षीणाधिकारो भवति मुक्तियोग्यो न कर्मवान् । सत्त्वाधिकारवान् मुक्तिमवाप्स्यति ततो भवान्
kṣīṇādhikāro bhavati muktiyogyo na karmavān / sattvādhikāravān muktimavāpsyati tato bhavān
"One whose (karmic) entitlement is exhausted becomes fit for liberation; not one who has deeds (remaining). Having an entitlement of goodness, you will therefore attain liberation.
AI translation rendered from the Sanskrit, not a published edition — the model flagged this verse as uncertain
MkP 76.44
भवता मनुना भाव्यं षष्ठेन व्रज तत् कुरु । अलन्ते तपसा तस्मिन् कृते मुक्तिमवाप्स्यसि
bhavatā manunā bhāvyaṃ ṣaṣṭhena vraja tat kuru / alante tapasā tasmin kṛte muktimavāpsyasi
You are to become the sixth Manu; go, do that. Enough of austerity for you — when that is done you will attain liberation."
AI translation rendered from the Sanskrit, not a published edition
MkP 76.45
इत्युक्तो ब्रह्मणा सो ऽपि तथेत्युक्त्वा महामतिः । तत्कर्माभिमुखो यातस्तपसो विरराम ह
ityukto brahmaṇā so 'pi tathetyuktvā mahāmatiḥ / tatkarmābhimukho yātastapaso virarāma ha
Thus addressed by Brahmā, he too, the greatly wise one, said "So be it," and went off facing that task, and ceased from austerity.
AI translation rendered from the Sanskrit, not a published edition
MkP 76.46
चाक्षुषेत्याह तं ब्रह्मा तपसो विनिवर्तयन् । पूर्वनाम्ना बभूवाथ प्रख्यातश्चाक्षुषो मनुः
cākṣuṣetyāha taṃ brahmā tapaso vinivartayan / pūrvanāmnā babhūvātha prakhyātaścākṣuṣo manuḥ
"Cākṣuṣa," said Brahmā to him, turning him back from austerity; and thereafter he became known by that former name as Cākṣuṣa Manu.
AI translation rendered from the Sanskrit, not a published edition — the model flagged this verse as uncertain
MkP 76.47
उपयेमे विदर्भां स सुतामुग्रस्य भूभृतः । तस्याञ्चोत्पादयामास पुत्रान् प्रख्यातविक्रमान्
upayeme vidarbhāṃ sa sutāmugrasya bhūbhṛtaḥ / tasyāñcotpādayāmāsa putrān prakhyātavikramān
He married Vidarbhā, the daughter of the king Ugra, and on her he begot sons of renowned valour.
AI translation rendered from the Sanskrit, not a published edition
MkP 76.48
तस्य मन्वन्तरेशस्य ये ऽन्तरे त्रिदशा द्विज । ये चर्षयस्तथैवेन्द्रो ये सुताश्चास्य तान् शृणु
tasya manvantareśasya ye 'ntare tridaśā dvija / ye carṣayastathaivendro ye sutāścāsya tān śṛṇu
Hear, O twice-born, who the gods were in the interval of that lord of a Manu-period, and who the sages, likewise who the Indra, and who his sons.
AI translation rendered from the Sanskrit, not a published edition
MkP 76.49
आप्या नाम सुरास्तत्र तेषामेको ऽष्टको गणः । प्रख्यातकर्मणां विप्र ! यज्ञे हव्यभुजामयम्
āpyā nāma surāstatra teṣāmeko 'ṣṭako gaṇaḥ / prakhyātakarmaṇāṃ vipra ! yajñe havyabhujāmayam
There the gods named Āpyas — of them one group is of eight, of renowned deeds, O brahmin, who eat the oblation at the sacrifice.
AI translation rendered from the Sanskrit, not a published edition
MkP 76.50
प्रख्यातबलवीर्याणां प्रभामण्डलदुर्दृशाम् । द्वितीयश्च प्रसूताख्यो देवानामष्टको गणः
prakhyātabalavīryāṇāṃ prabhāmaṇḍaladurdṛśām / dvitīyaśca prasūtākhyo devānāmaṣṭako gaṇaḥ
And the second group of eight gods, named Prasūtas, of renowned strength and heroism, hard to look at because of their circle of radiance.
AI translation rendered from the Sanskrit, not a published edition
MkP 76.51
तथैवाष्टक एवान्यो भव्याख्यो देवतागणः । चतुर्थश्च गणस्तत्र यूथगाख्यस्तथाष्टकः
tathaivāṣṭaka evānyo bhavyākhyo devatāgaṇaḥ / caturthaśca gaṇastatra yūthagākhyastathāṣṭakaḥ
Likewise another group of deities, also of eight, named Bhavyas; and the fourth group there, named Yūthagas, likewise of eight.
AI translation rendered from the Sanskrit, not a published edition
MkP 76.52
लेखसंज्ञास्तथैवान्ये तत्र मन्वन्तरे द्विज । पञ्चमे च गणे देवास्तत्संज्ञा ह्यमृताशिनः
lekhasaṃjñāstathaivānye tatra manvantare dvija / pañcame ca gaṇe devāstatsaṃjñā hyamṛtāśinaḥ
Likewise others named Lekhas in that Manu-period, O twice-born; and in the fifth group the gods of that name, who eat the nectar.
AI translation rendered from the Sanskrit, not a published edition
MkP 76.53
शतं क्रतूनामाहृत्य यस्तेषामधिपो ऽभवत् । मनोजवस्तथैवेन्द्रः संख्यातो यज्ञभागभुक्
śataṃ kratūnāmāhṛtya yasteṣāmadhipo 'bhavat / manojavastathaivendraḥ saṃkhyāto yajñabhāgabhuk
He who, having performed a hundred sacrifices, became their overlord is reckoned as the Indra, Manojava, who consumes his share of the sacrifice.
AI translation rendered from the Sanskrit, not a published edition
MkP 76.54
सुमेधा विरजाश्चैव हविष्मानुन्नतो मधुः । अतिनामा सहिष्णुश्च सप्तासन्निति चर्षयः
sumedhā virajāścaiva haviṣmānunnato madhuḥ / atināmā sahiṣṇuśca saptāsanniti carṣayaḥ
Sumedhas, Virajas, Haviṣmān, Unnata, Madhu, Atināmā and Sahiṣṇu — these seven were the sages.
AI translation rendered from the Sanskrit, not a published edition
MkP 76.55
ऊरु-पुरु-शतद्युम्नप्रमुखाः सुमहाबलाः । चाक्षुषस्य मनोः पुत्राः पृथिवीपतयो ऽभवन्
ūru-puru-śatadyumnapramukhāḥ sumahābalāḥ / cākṣuṣasya manoḥ putrāḥ pṛthivīpatayo 'bhavan
Headed by Ūru, Puru and Śatadyumna, of very great strength, the sons of Manu Cākṣuṣa became lords of the earth.
AI translation rendered from the Sanskrit, not a published edition
MkP 76.56
एतत्ते कथितं षष्ठं मया मन्वन्तरं द्विज । चाक्षुषस्य तथा जन्म चरितञ्च महात्मनः
etatte kathitaṃ ṣaṣṭhaṃ mayā manvantaraṃ dvija / cākṣuṣasya tathā janma caritañca mahātmanaḥ
This sixth Manu-period has been told to you by me, O twice-born, and likewise the birth and deeds of the great-souled Cākṣuṣa.
AI translation rendered from the Sanskrit, not a published edition
MkP 76.57
साम्प्रतं वर्तते यो ऽयं नाम्ना वैवस्वतो मनुः । सप्तमीये ऽन्तरे तस्य देवाद्यास्तान् शृणुष्व मे
sāmprataṃ vartate yo 'yaṃ nāmnā vaivasvato manuḥ / saptamīye 'ntare tasya devādyāstān śṛṇuṣva me
He who is now current, the Manu named Vaivasvata — in his seventh interval, hear from me of the gods and the rest.
AI translation rendered from the Sanskrit, not a published edition
MkP 76.58
य इदं कीर्तयेद् धीमान् चाक्षुषस्यान्तरं भुवि । शृणुते च लभेत् पुत्रानारोग्यसुखसम्पदम्
ya idaṃ kīrtayed dhīmān cākṣuṣasyāntaraṃ bhuvi / śṛṇute ca labhet putrānārogyasukhasampadam
The wise man who recites on earth this interval of Cākṣuṣa, and who hears it, obtains sons, health, happiness and prosperity.
AI translation rendered from the Sanskrit, not a published edition