Markandeya Purana — Chapter 75
MkP 75.1
पञ्चमो ऽपि मनुर्ब्रह्मन् रैवतो नाम विश्रुतः । तस्योत्पत्तिं विस्तरशः शृणुष्व कथयामि ते
pañcamo 'pi manurbrahman raivato nāma viśrutaḥ / tasyotpattiṃ vistaraśaḥ śṛṇuṣva kathayāmi te
The fifth Manu too, O brahman, is renowned by the name Raivata; hear of his origin in detail—I shall tell it to you.
AI translation rendered from the Sanskrit, not a published edition
MkP 75.2
ऋषिरासीन्महाभाग ऋतवागिति विश्रुतः । तस्यापुत्रस्य पुत्रो ऽभूद्रेवत्यन्ते महात्मनः
ṛṣirāsīnmahābhāga ṛtavāgiti viśrutaḥ / tasyāputrasya putro 'bhūdrevatyante mahātmanaḥ
There was a greatly fortunate seer, renowned as Ṛtavāc; to that great soul, who was sonless, a son was born at the end of (the asterism) Revatī.
AI translation rendered from the Sanskrit, not a published edition
MkP 75.3
स तस्य विधिवच्चक्रे जातकर्मादिकाः क्रियाः । तथोपनयनादींश्च स चाशीलो ऽभवन्मुने
sa tasya vidhivaccakre jātakarmādikāḥ kriyāḥ / tathopanayanādīṃśca sa cāśīlo 'bhavanmune
He performed for him, according to rule, the rites beginning with the birth-ceremony, and likewise the initiation and the rest; but he turned out to be of bad character, O sage.
AI translation rendered from the Sanskrit, not a published edition
MkP 75.4
यतः प्रभृति जातो ऽसौ ततः प्रभृति सो ऽप्यृषिः । दीर्घरोगपरामर्शमवाप मुनिपुङ्गवः
yataḥ prabhṛti jāto 'sau tataḥ prabhṛti so 'pyṛṣiḥ / dīrgharogaparāmarśamavāpa munipuṅgavaḥ
From the time that one was born, from that time on that seer too, the bull among sages, suffered the affliction of a long illness.
AI translation rendered from the Sanskrit, not a published edition
MkP 75.5
माता तस्य परामार्ति कुष्ठरोगादिपीडिता । जगाम स पिता चास्य चिन्तयामास दुः खितः
mātā tasya parāmārti kuṣṭharogādipīḍitā / jagāma sa pitā cāsya cintayāmāsa duḥ khitaḥ
His mother, tormented by leprosy and other diseases, came to extreme distress; and his father, made wretched, pondered:
AI translation rendered from the Sanskrit, not a published edition
MkP 75.6
किमेतदिति सो ऽप्यस्य पुत्रो ऽप्यत्यन्तदुर्मतिः । जग्राह भार्यामन्यस्य मुनिपुत्रस्य संमुखीम्
kimetaditi so 'pyasya putro 'pyatyantadurmatiḥ / jagrāha bhāryāmanyasya muniputrasya saṃmukhīm
"What is this?"—and that son of his, exceedingly evil-minded, seized the wife of another sage's son as she came before him.
AI translation rendered from the Sanskrit, not a published edition
MkP 75.7
ततो विषण्णमनसा ऋतवागिदमुक्तवान् । अपुत्रता मनुष्याणां श्रेयसे न कुपुत्रता
tato viṣaṇṇamanasā ṛtavāgidamuktavān / aputratā manuṣyāṇāṃ śreyase na kuputratā
Then, with dejected mind, Ṛtavāc said this: "For the good of men, sonlessness (is better), not having a bad son."
AI translation rendered from the Sanskrit, not a published edition
MkP 75.8
कुपुत्रो हृदयायासं सर्वदा कुरुते पितुः । मातुश्च स्वर्गसंस्थांश्च स्वपितॄन् पातयत्यधः
kuputro hṛdayāyāsaṃ sarvadā kurute pituḥ / mātuśca svargasaṃsthāṃśca svapitṝn pātayatyadhaḥ
A bad son always causes anguish of heart to his father and mother, and makes his own forefathers, established in heaven, fall down.
AI translation rendered from the Sanskrit, not a published edition
MkP 75.9
सुहृदां नोपकाराय पितॄणाञ्च न तृप्तये । पित्रोर्दुः खाय धिग् जन्म तस्य दुष्कृतकर्मणः
suhṛdāṃ nopakārāya pitṝṇāñca na tṛptaye / pitrorduḥ khāya dhig janma tasya duṣkṛtakarmaṇaḥ
Not for the benefit of friends, nor for the satisfaction of the ancestors, but for the sorrow of his parents—a curse on the birth of that doer of evil deeds!
AI translation rendered from the Sanskrit, not a published edition
MkP 75.10
धन्यास्ते तनया येषां सर्वलोकाभिसंमताः । परोपकारिणः शान्ताः साधुकर्मण्यनुव्रताः
dhanyāste tanayā yeṣāṃ sarvalokābhisaṃmatāḥ / paropakāriṇaḥ śāntāḥ sādhukarmaṇyanuvratāḥ
Blessed are those whose sons are esteemed by all the world, benefactors of others, tranquil, devoted to good works.
AI translation rendered from the Sanskrit, not a published edition
MkP 75.11
अनिर्वृतं तथा मन्दं परलोकपराङ्मुखम् । नरकाय न सद्गत्यै कुपुत्रालम्बि जन्मनः
anirvṛtaṃ tathā mandaṃ paralokaparāṅmukham / narakāya na sadgatyai kuputrālambi janmanaḥ
A birth that rests on a bad son—joyless, dull, turned away from the other world—leads to hell, not to a good destiny.
AI translation rendered from the Sanskrit, not a published edition — the model flagged this verse as uncertain
MkP 75.12
करोति सुहृदां दैन्यमहितानां तथा मुदम् । अकाले च जरां पित्रोः कुपुत्रः कुरुते ध्रुवम्
karoti suhṛdāṃ dainyamahitānāṃ tathā mudam / akāle ca jarāṃ pitroḥ kuputraḥ kurute dhruvam
A bad son brings misery to his friends and, likewise, joy to his enemies; and he surely brings old age upon his parents before its time.
AI translation rendered from the Sanskrit, not a published edition
MkP 75.13
एवं सो ऽत्यन्तदुष्टस्य पुत्रस्य चरितैर्मुनिः । दह्यमानमनोवृत्तिर्वृत्तं गर्गमपृच्छत
evaṃ so 'tyantaduṣṭasya putrasya caritairmuniḥ / dahyamānamanovṛttirvṛttaṃ gargamapṛcchata
Thus that sage, his mind burning at the deeds of his utterly wicked son, asked Garga what had happened.
AI translation rendered from the Sanskrit, not a published edition
MkP 75.14
सुव्रतेन पुरा वेदा गृहीता विधिवन्मया । समप्य वेदान् विधिवत् कृतो दारपरिग्रहः
suvratena purā vedā gṛhītā vidhivanmayā / samapya vedān vidhivat kṛto dāraparigrahaḥ
"Formerly, keeping good vows, I received the Vedas according to rule; having completed the Vedas, I duly took a wife.
AI translation rendered from the Sanskrit, not a published edition
MkP 75.15
सदारेण क्रियाः कार्याः श्रौताः स्मार्ता वषट्क्रियाः । न मे न्यूनाः कृताः काश्चिद्यावदद्य महामुने
sadāreṇa kriyāḥ kāryāḥ śrautāḥ smārtā vaṣaṭkriyāḥ / na me nyūnāḥ kṛtāḥ kāścidyāvadadya mahāmune
With my wife the rites are to be performed — those of śruti and of smṛti, and the vaṣaṭ offerings; not one of them have I done deficiently, up to this day, O great sage.
AI translation rendered from the Sanskrit, not a published edition
MkP 75.16
गर्भाधानविधानेन न काममनुरुध्यता । पुत्रार्थं जनितश्चायं पुन्नाम्नो बिभ्यता मुने
garbhādhānavidhānena na kāmamanurudhyatā / putrārthaṃ janitaścāyaṃ punnāmno bibhyatā mune
And by the rule of impregnation, not yielding to desire, this one was begotten for the sake of a son, out of fear of (the hell named) Put, O sage.
AI translation rendered from the Sanskrit, not a published edition — the model flagged this verse as uncertain
MkP 75.17
सो ऽयं किमात्मदोषेण मम दोषण वा मुने । अस्मद्दुः खवहो जातो दौः शील्याद् बन्धुशोकदः
so 'yaṃ kimātmadoṣeṇa mama doṣaṇa vā mune / asmadduḥ khavaho jāto dauḥ śīlyād bandhuśokadaḥ
So, is this one — who has been born as a bearer of sorrow to us, and who by his bad character gives grief to his kin — (so) through his own fault or through mine, O sage?
AI translation rendered from the Sanskrit, not a published edition
MkP 75.18
रेवत्यन्ते मुनिश्रेष्ठ ! जातो ऽयं तनयस्तव । तेन दुः खाय ते दुष्टे काले यस्मादजायत
revatyante muniśreṣṭha ! jāto 'yaṃ tanayastava / tena duḥ khāya te duṣṭe kāle yasmādajāyata
"O best of sages, this son of yours was born at the end of (the asterism) Revatī; therefore he is (a cause) of sorrow to you, since he was born at an evil time.
AI translation rendered from the Sanskrit, not a published edition
MkP 75.19
न ते ऽपचारो नैवास्य मातुर्नायं कुलस्य ते । तस्य दौः शील्यहेतुस्तु रेवत्यन्तमुपागतम्
na te 'pacāro naivāsya māturnāyaṃ kulasya te / tasya dauḥ śīlyahetustu revatyantamupāgatam
It is no transgression of yours, nor of his mother, nor is he (a fault) of your lineage; but the cause of his bad character is the arrival of the end of Revatī."
AI translation rendered from the Sanskrit, not a published edition
MkP 75.20
यस्मान्ममैकपुत्रस्य रेवत्यन्तसमुद्भवम् । दौः शील्यमेतत् सा तस्मात् पततामाशु रेवती
yasmānmamaikaputrasya revatyantasamudbhavam / dauḥ śīlyametat sā tasmāt patatāmāśu revatī
"Since this bad character of my only son arises from the end of Revatī, therefore let that Revatī fall at once!"
AI translation rendered from the Sanskrit, not a published edition
MkP 75.21
तेनैवं व्याहृते शापे रेवत्यृक्षं पपात ह । पश्यतः सर्वलोकस्य विस्मयाविष्टचेतसः
tenaivaṃ vyāhṛte śāpe revatyṛkṣaṃ papāta ha / paśyataḥ sarvalokasya vismayāviṣṭacetasaḥ
When the curse had been uttered by him thus, the asterism Revatī fell indeed, while all the world looked on with minds seized by amazement.
AI translation rendered from the Sanskrit, not a published edition
MkP 75.22
रेवत्यृक्षञ्च पतितं कुमुदाद्रौ समन्ततः । भावयामास सहसा वनकन्दरनिर्झरम्
revatyṛkṣañca patitaṃ kumudādrau samantataḥ / bhāvayāmāsa sahasā vanakandaranirjharam
And the fallen asterism Revatī all around illumined Mount Kumuda at once — its woods, caverns and waterfalls.
AI translation rendered from the Sanskrit, not a published edition
MkP 75.23
कुमुदाद्रिश्च तत्पातात् ख्यातो रैवतको ऽभवत् । अतीव रम्यः सर्वस्यां पृथिव्यां पृथिवीधरः
kumudādriśca tatpātāt khyāto raivatako 'bhavat / atīva ramyaḥ sarvasyāṃ pṛthivyāṃ pṛthivīdharaḥ
And Mount Kumuda, from that fall, became known as Raivataka — a mountain exceedingly lovely, (the loveliest) in all the earth.
AI translation rendered from the Sanskrit, not a published edition
MkP 75.24
तस्यर्क्षस्य तु या कान्तिर्जाता पङ्कजिनी सरः । ततो जज्ञे तदा कन्या रूपेणातीव शोभना
tasyarkṣasya tu yā kāntirjātā paṅkajinī saraḥ / tato jajñe tadā kanyā rūpeṇātīva śobhanā
But that radiance of the asterism became a lotus-lake; and from it there was then born a girl exceedingly beautiful in form.
AI translation rendered from the Sanskrit, not a published edition
MkP 75.25
रेवतीकान्तिसम्भूतां तां दृष्ट्वा प्रमुचो मुनिः । तस्या नाम चकारेत्थं रेवती नाम भागुरे
revatīkāntisambhūtāṃ tāṃ dṛṣṭvā pramuco muniḥ / tasyā nāma cakāretthaṃ revatī nāma bhāgure
Seeing her, sprung from the radiance of Revatī, the sage Pramuca gave her a name thus: "Revatī by name," O Bhāguri.
AI translation rendered from the Sanskrit, not a published edition
MkP 75.26
पोषयामास चैवैतां स्वाश्रमाभ्याससम्भवाम् । प्रमुचः स महाभागस्तस्मिन्नेव महाचले
poṣayāmāsa caivaitāṃ svāśramābhyāsasambhavām / pramucaḥ sa mahābhāgastasminneva mahācale
And that greatly fortunate Pramuca reared her, born near his own hermitage, on that very great mountain.
AI translation rendered from the Sanskrit, not a published edition
MkP 75.27
तान्तु यौवनिनीं दृष्ट्वा कान्यकां रूपशालिनीम् । स मुनिश्चिन्तमामास को ऽस्या भर्ता भवेदिति
tāntu yauvaninīṃ dṛṣṭvā kānyakāṃ rūpaśālinīm / sa muniścintamāmāsa ko 'syā bhartā bhavediti
But seeing that maiden come to youth and endowed with beauty, the sage thought: "Who should be her husband?"
AI translation rendered from the Sanskrit, not a published edition
MkP 75.28
एवं चिन्तयतस्तस्य ययौ कालो महान् मुने । न चाससाद सदृशं वरं तस्या महामुनिः
evaṃ cintayatastasya yayau kālo mahān mune / na cāsasāda sadṛśaṃ varaṃ tasyā mahāmuniḥ
While he was thinking thus, a long time passed, O sage, and the great sage did not find a suitable bridegroom for her.
AI translation rendered from the Sanskrit, not a published edition
MkP 75.29
ततस्तस्या वरं प्रष्टुमग्निं स प्रमुचो मुनिः । विवेश वह्निशालां वै प्रष्टारं प्राह हव्यभुक्
tatastasyā varaṃ praṣṭumagniṃ sa pramuco muniḥ / viveśa vahniśālāṃ vai praṣṭāraṃ prāha havyabhuk
Then, to ask about a bridegroom for her, the sage Pramuca entered the fire-hall (to ask) Agni; and the eater of oblations spoke to the questioner:
AI translation rendered from the Sanskrit, not a published edition
MkP 75.30
महाबलो महावीर्यः प्रियवाग् धर्मवत्सलः । दुर्गमो नाम भविता भर्ता ह्यस्य महीपतिः
mahābalo mahāvīryaḥ priyavāg dharmavatsalaḥ / durgamo nāma bhavitā bhartā hyasya mahīpatiḥ
"One of great strength, great valour, kindly of speech, devoted to dharma — a king named Durgama shall be her husband."
AI translation rendered from the Sanskrit, not a published edition
MkP 75.31
अनन्तरञ्च मृगयाप्रसङ्गेनागतो मुने । तस्याश्रमपदं धीमान् दुर्गमः स नराधिपः
anantarañca mṛgayāprasaṅgenāgato mune / tasyāśramapadaṃ dhīmān durgamaḥ sa narādhipaḥ
And soon after, in the course of a hunt, that wise king Durgama came, O sage, to the site of his hermitage —
AI translation rendered from the Sanskrit, not a published edition
MkP 75.32
प्रियव्रतान्वयभवो महाबलपराक्रमः । पुत्रो विक्रमशीलस्य कालिन्दीजठरोद्भवः
priyavratānvayabhavo mahābalaparākramaḥ / putro vikramaśīlasya kālindījaṭharodbhavaḥ
(He was) born in the line of Priyavrata, of great strength and valour, the son of Vikramaśīla, sprung from the womb of Kālindī.
AI translation rendered from the Sanskrit, not a published edition
MkP 75.33
स प्रविश्याश्रमपदं तां तन्वीं जगतीपतिः । अपश्यमानस्तमृषिं प्रियेत्यामन्त्र्य पृष्टवान्
sa praviśyāśramapadaṃ tāṃ tanvīṃ jagatīpatiḥ / apaśyamānastamṛṣiṃ priyetyāmantrya pṛṣṭavān
Having entered the hermitage, that lord of the earth, not seeing the sage, addressed that slender lady as "beloved" and asked (her):
AI translation rendered from the Sanskrit, not a published edition
MkP 75.34
क्व गतो भगवानस्मादाश्रमान्मुनिपुङ्गवः । तं प्रणेतुमिहेच्छामि तत् त्वं प्रब्रूहि शोभने
kva gato bhagavānasmādāśramānmunipuṅgavaḥ / taṃ praṇetumihecchāmi tat tvaṃ prabrūhi śobhane
"Where has the reverend one, that bull among sages, gone from this hermitage? I wish to conduct him here; so tell me that, O fair one."
AI translation rendered from the Sanskrit, not a published edition
MkP 75.35
मार्कण्डेय उवाच अग्निसालां गतो विप्रस्तच्छ्रुत्वा तस्य भाषितम् । प्रियेत्यामन्त्रणञ्चैव निश्चक्राम त्वरान्वितः
mārkaṇḍeya uvāca agnisālāṃ gato viprastacchrutvā tasya bhāṣitam / priyetyāmantraṇañcaiva niścakrāma tvarānvitaḥ
Mārkaṇḍeya said: The brahmin had gone to the fire-hall; hearing that speech of his, and the address "beloved," he came out in haste.
AI translation rendered from the Sanskrit, not a published edition
MkP 75.36
स ददर्श महात्मानं राजानं दुर्गमं मुनिः । नरेन्द्रचिह्नसहितं प्रश्रयावनतं पुरः
sa dadarśa mahātmānaṃ rājānaṃ durgamaṃ muniḥ / narendracihnasahitaṃ praśrayāvanataṃ puraḥ
The sage saw the great-souled king Durgama before (him), bearing the marks of a king, bowed down in deference.
AI translation rendered from the Sanskrit, not a published edition
MkP 75.37
तस्मिन् दृष्टे ततः शिष्यमुवाच स तु गौतमम् । गौतमानीयतां शीघ्रमर्घो ऽस्य जगतीपतेः
tasmin dṛṣṭe tataḥ śiṣyamuvāca sa tu gautamam / gautamānīyatāṃ śīghramargho 'sya jagatīpateḥ
When he had been seen, he said to his pupil Gautama: "Gautama, let the guest-offering for this lord of the earth be brought quickly.
AI translation rendered from the Sanskrit, not a published edition
MkP 75.38
एकस्तावदयं भूपश्चिरकालादुपागतः। जामाता च विशेषेण योग्योर्ऽघस्य मतो मम
ekastāvadayaṃ bhūpaścirakālādupāgataḥ. jāmātā ca viśeṣeṇa yogyor'ghasya mato mama
For one thing, this king has come after a long time; and, especially, as (my) son-in-law he is in my judgment worthy of the guest-offering."
AI translation rendered from the Sanskrit, not a published edition
MkP 75.39
ततः स चिन्तयामास राजा जामातृकारणम् । विवेद च न तन्मौनी जगृहेर्ऽघञ्च तं नृपः
tataḥ sa cintayāmāsa rājā jāmātṛkāraṇam / viveda ca na tanmaunī jagṛher'ghañca taṃ nṛpaḥ
Then the king pondered the reason for (being called) son-in-law, and did not understand it; keeping silent, the king accepted that guest-offering.
AI translation rendered from the Sanskrit, not a published edition
MkP 75.40
तमासनगतं विप्रो गृहीतार्घं महामुनिः । स्वागतं प्राह राजेन्द्रमपि ते कुशलं गृहे
tamāsanagataṃ vipro gṛhītārghaṃ mahāmuniḥ / svāgataṃ prāha rājendramapi te kuśalaṃ gṛhe
To him, seated and having received the offering, the brahmin, the great sage, said "Welcome, best of kings! Is (all) well with you at home,
AI translation rendered from the Sanskrit, not a published edition
MkP 75.41
कोषे बले ऽथ मित्रेषु भृत्यामात्ये नरेश्वर । तथात्मनि महाबाहो यत्र सर्वं प्रतिष्ठितम्
koṣe bale 'tha mitreṣu bhṛtyāmātye nareśvara / tathātmani mahābāho yatra sarvaṃ pratiṣṭhitam
in the treasury, in the army, and among allies, in servants and ministers, O lord of men, and likewise in yourself, O mighty-armed one, in whom everything rests?
AI translation rendered from the Sanskrit, not a published edition
MkP 75.42
पत्नी च ते कुशलिनी यत एवानुतिष्ठति । पृच्छाम्यस्यास्ततो नाहं कुशलिन्यो ऽपरास्तव
patnī ca te kuśalinī yata evānutiṣṭhati / pṛcchāmyasyāstato nāhaṃ kuśalinyo 'parāstava
And is your wife well, since it is upon her that (all) depends? I ask about her; therefore I do not (ask whether) your other (wives) are well."
AI translation rendered from the Sanskrit, not a published edition — the model flagged this verse as uncertain
MkP 75.43
त्वत्प्रसादादकुशलं न क्वचिन्मम सुव्रत । जातकौतूहलश्चास्मि मम भार्यात्र का मुने
tvatprasādādakuśalaṃ na kvacinmama suvrata / jātakautūhalaścāsmi mama bhāryātra kā mune
"By your grace nothing is amiss with me anywhere, O you of good vows. But curiosity has arisen in me: who is my wife here, O sage?"
AI translation rendered from the Sanskrit, not a published edition
MkP 75.44
रेवती सुमहाभागा त्रैलोक्यस्यापि सुन्दरी । तव भर्या वरारोहा तां त्वं राजन्न वेत्सि किम्
revatī sumahābhāgā trailokyasyāpi sundarī / tava bharyā varārohā tāṃ tvaṃ rājanna vetsi kim
"Revatī, most greatly blessed, beautiful even for the three worlds, is your wife, with lovely hips — do you not know her, O king?"
AI translation rendered from the Sanskrit, not a published edition
MkP 75.45
सुभद्रां शान्ततनयां कावेरीतनयां विभो । सुराष्ट्रजां सुजाताञ्च कदम्बाञ्च वरूथजाम्
subhadrāṃ śāntatanayāṃ kāverītanayāṃ vibho / surāṣṭrajāṃ sujātāñca kadambāñca varūthajām
"Subhadrā, Śānta's daughter, Kāverī's daughter, O lord, the girl born in Surāṣṭra, and Sujātā, and Kadambā born of Varūtha,
AI translation rendered from the Sanskrit, not a published edition
MkP 75.46
विपाठां नन्दिनीञ्चैव वेद्मि भार्यां गृहे द्विज । तिष्ठन्ति मे न भगवन् रेवतीं वेद्मि कान्वियम्
vipāṭhāṃ nandinīñcaiva vedmi bhāryāṃ gṛhe dvija / tiṣṭhanti me na bhagavan revatīṃ vedmi kānviyam
and Vipāṭhā and Nandinī — these I know as wives, O twice-born; they abide in my house, O reverend one. I know no Revatī: who then is she?"
AI translation rendered from the Sanskrit, not a published edition
MkP 75.47
ऋषिरुवाच प्रियेति साम्प्रतं येयं त्वयोक्ता वरवर्णिनी । किं विस्मृतन्ते भूपाल ! श्लाघ्येयं गृहिणी तव
ṛṣiruvāca priyeti sāmprataṃ yeyaṃ tvayoktā varavarṇinī / kiṃ vismṛtante bhūpāla ! ślāghyeyaṃ gṛhiṇī tava
The sage said: This lady of fair complexion whom you just now addressed as "beloved" — have you forgotten, O king? She is your praiseworthy housewife.
AI translation rendered from the Sanskrit, not a published edition
MkP 75.48
सत्यमुक्तं मया किन्तु भावो दुष्टो न मे मुने । नात्र कोपं भवान् कर्तुमर्हत्यस्मासु याचितः
satyamuktaṃ mayā kintu bhāvo duṣṭo na me mune / nātra kopaṃ bhavān kartumarhatyasmāsu yācitaḥ
"It is true that it was said by me, but my intent was not wicked, O sage. You ought not to be angry with us in this matter — (we) beg (you)."
AI translation rendered from the Sanskrit, not a published edition
MkP 75.49
तत्त्वं ब्रवीषि भूपाल ! न भावस्तव दूषितः । व्याजहार भवानेतद्वह्निना नृप चोदितः
tattvaṃ bravīṣi bhūpāla ! na bhāvastava dūṣitaḥ / vyājahāra bhavānetadvahninā nṛpa coditaḥ
"You speak the truth, O king; your intent was not corrupt. You uttered this, O king, impelled by Fire.
AI translation rendered from the Sanskrit, not a published edition
MkP 75.50
मया पृष्टो हुतवहः को ऽस्या भर्तेति पार्थिव । भविता तेन चाप्युक्तो भवानेवाद्य वै वरः
mayā pṛṣṭo hutavahaḥ ko 'syā bharteti pārthiva / bhavitā tena cāpyukto bhavānevādya vai varaḥ
Fire was asked by me, 'Who will be her husband, O prince?' and by him it was said: 'You yourself are indeed today the bridegroom.'
AI translation rendered from the Sanskrit, not a published edition
MkP 75.51
तद्गृह्यतां मया दत्ता तुभ्यं कन्या नराधिप । प्रियेत्यामन्त्रिता चेयं विचारं कुरुषे कथम्
tadgṛhyatāṃ mayā dattā tubhyaṃ kanyā narādhipa / priyetyāmantritā ceyaṃ vicāraṃ kuruṣe katham
So let the girl, given by me to you, be accepted, O lord of men; and she has been addressed by you as 'beloved' — why do you hesitate?"
AI translation rendered from the Sanskrit, not a published edition
MkP 75.52
ततो ऽसावभवन्मौनी तेनोक्तः पृथिवीपतिः । ऋषिस्तथोद्यतः कर्तुं तस्या वैवाहिकं विधिम्
tato 'sāvabhavanmaunī tenoktaḥ pṛthivīpatiḥ / ṛṣistathodyataḥ kartuṃ tasyā vaivāhikaṃ vidhim
Then that lord of the earth, thus addressed by him, fell silent; and the seer likewise set about performing the marriage rite for her.
AI translation rendered from the Sanskrit, not a published edition
MkP 75.53
तमुद्यतं सा पितरं विवाहाय महामुने । उवाच कन्या यत्किञ्चित् प्रश्रयावनतानना
tamudyataṃ sā pitaraṃ vivāhāya mahāmune / uvāca kanyā yatkiñcit praśrayāvanatānanā
To her father, thus set upon the marriage, O great sage, the maiden said something, her face bowed in deference:
AI translation rendered from the Sanskrit, not a published edition
MkP 75.54
यदि मे प्रीतिमांस्तात प्रिसादं कर्तुमर्हसि । रेवत्यृक्षे विवाहं मे तत्करोतु प्रसादितः
yadi me prītimāṃstāta prisādaṃ kartumarhasi / revatyṛkṣe vivāhaṃ me tatkarotu prasāditaḥ
"If you are pleased with me, father, you should do me a favour: being gracious, let (him) perform my marriage under the asterism Revatī."
AI translation rendered from the Sanskrit, not a published edition
MkP 75.55
रेवत्यृक्षं न वै भद्रे चन्द्रयोगि व्यवस्थितम् । अन्यानि सन्ति ऋक्षाणि सुभ्रु वैवाहिकानि ते
revatyṛkṣaṃ na vai bhadre candrayogi vyavasthitam / anyāni santi ṛkṣāṇi subhru vaivāhikāni te
"The asterism Revatī, good lady, does not stand in conjunction with the moon; there are other asterisms fit for your marriage, fair-browed one."
AI translation rendered from the Sanskrit, not a published edition
MkP 75.56
तात तेन विना कालो विफलः प्रतिभाति मे । विवाहो विफले काले मद्विधायाः कथं भवेत्
tāta tena vinā kālo viphalaḥ pratibhāti me / vivāho viphale kāle madvidhāyāḥ kathaṃ bhavet
"Father, without that, the time seems fruitless to me; and how could there be a marriage at a fruitless time for one such as I?"
AI translation rendered from the Sanskrit, not a published edition
MkP 75.57
ऋतवागिति विख्यातस्तपस्वी रेवतीं प्रति । चकार कोपं क्रुद्धेन तेनर्क्षं विनिपातितम्
ṛtavāgiti vikhyātastapasvī revatīṃ prati / cakāra kopaṃ kruddhena tenarkṣaṃ vinipātitam
"The ascetic renowned as Ṛtavāk grew angry with Revatī, and by him in his wrath the asterism was cast down.
AI translation rendered from the Sanskrit, not a published edition
MkP 75.58
मया चास्मै प्रतिज्ञाता भर्येति मदिरेक्षणा । न चेच्छसि विवाहं त्वं सङ्कटं नः समागतम्
mayā cāsmai pratijñātā bharyeti madirekṣaṇā / na cecchasi vivāhaṃ tvaṃ saṅkaṭaṃ naḥ samāgatam
And by me you, the wine-eyed girl, were promised to him as his wife; but you do not want the marriage — a difficulty has come upon us."
AI translation rendered from the Sanskrit, not a published edition
MkP 75.59
ऋतवाक् स मुनिस्तात किमेवं तप्तवांस्तपः । न त्वया मम तातेन ब्रह्मबन्धोः सुतास्मि किम्
ṛtavāk sa munistāta kimevaṃ taptavāṃstapaḥ / na tvayā mama tātena brahmabandhoḥ sutāsmi kim
"That sage Ṛtavāk, father — why did he practise such austerity? Am I not your daughter, father — the daughter of a mere nominal brahmin?"
AI translation rendered from the Sanskrit, not a published edition — the model flagged this verse as uncertain
MkP 75.60
ब्रह्मबन्धोः सुता न त्वं बाले नैव तपस्विनः । सुता त्वं मम यो देवान् कर्तुमन्यान् समुत्सहे
brahmabandhoḥ sutā na tvaṃ bāle naiva tapasvinaḥ / sutā tvaṃ mama yo devān kartumanyān samutsahe
"You are not the daughter of a nominal brahmin, child, nor of a (mere) ascetic; you are my daughter — I who am able to make other gods."
AI translation rendered from the Sanskrit, not a published edition
MkP 75.61
तपस्वी यदि मे तातस्तत्किमृक्षमिदं दिवि । समारोप्य विवाहो मे तदृक्षे क्रियते न तु
tapasvī yadi me tātastatkimṛkṣamidaṃ divi / samāropya vivāho me tadṛkṣe kriyate na tu
"If my father is an ascetic, then why is this asterism not raised up in the sky and my marriage performed under that asterism?"
AI translation rendered from the Sanskrit, not a published edition
MkP 75.62
एवं भवतु भद्रन्ते भद्रे प्रीतिमती भव । आरोपयामीन्दुमार्गे रेवत्यृक्षं कृते तव
evaṃ bhavatu bhadrante bhadre prītimatī bhava / āropayāmīndumārge revatyṛkṣaṃ kṛte tava
"So let it be; blessings on you, good lady — be pleased. For your sake I will set the asterism Revatī on the moon's path."
AI translation rendered from the Sanskrit, not a published edition
MkP 75.63
ततस्तपः प्रभावेण रेवत्यृक्षं महामुनिः । यथापूर्वन्तथा चक्रे सोमयोगि द्विजोत्तम
tatastapaḥ prabhāveṇa revatyṛkṣaṃ mahāmuniḥ / yathāpūrvantathā cakre somayogi dvijottama
Then by the power of his austerity the great sage made the asterism Revatī as it had been before, in conjunction with the moon, O best of the twice-born.
AI translation rendered from the Sanskrit, not a published edition
MkP 75.64
विवाहञ्चैव दुहितुर्विधिवद् मन्त्रयोगिनम् । निष्पाद्य प्रीतिमान् भूयो जामातारमथाब्रवीत्
vivāhañcaiva duhiturvidhivad mantrayoginam / niṣpādya prītimān bhūyo jāmātāramathābravīt
And having accomplished his daughter's marriage duly, with the (proper) mantras, the pleased (sage) then spoke again to his son-in-law:
AI translation rendered from the Sanskrit, not a published edition
MkP 75.65
औद्वाहिकन्ते भूपाल कथ्यतां किं ददाम्यहम् । दुर्लभ्यमपि दास्यामि ममाप्रतिहतन्तपः
audvāhikante bhūpāla kathyatāṃ kiṃ dadāmyaham / durlabhyamapi dāsyāmi mamāpratihatantapaḥ
"Let your wedding gift be named, O king — what shall I give? Even what is hard to obtain I will give; my austerity is unimpeded."
AI translation rendered from the Sanskrit, not a published edition
MkP 75.66
मनोः स्वयम्भुवस्याहमुत्पन्नः सन्ततौ मुने । मन्वन्तराधिपं पुत्रं त्वत्प्रसादाद् वृणोम्यहम्
manoḥ svayambhuvasyāhamutpannaḥ santatau mune / manvantarādhipaṃ putraṃ tvatprasādād vṛṇomyaham
"I am born in the lineage of Manu Svāyambhuva, O sage; by your grace I choose a son who shall be lord of a manvantara."
AI translation rendered from the Sanskrit, not a published edition
MkP 75.67
भविष्यत्येष ते कामो मनुस्त्वत्तनयो महीम् । सकलां भोक्ष्यते भूप धर्मविच्च भविष्यति
bhaviṣyatyeṣa te kāmo manustvattanayo mahīm / sakalāṃ bhokṣyate bhūpa dharmavicca bhaviṣyati
"This desire of yours shall be fulfilled: your son, a Manu, will enjoy the whole earth, O king, and he will be a knower of dharma."
AI translation rendered from the Sanskrit, not a published edition
MkP 75.68
तामादाय ततो भूपः स्वमेव नगरं ययौ । तस्मादजायत सुतो रेवत्या रैवतो मनुः
tāmādāya tato bhūpaḥ svameva nagaraṃ yayau / tasmādajāyata suto revatyā raivato manuḥ
Then the king took her and went to his own city; and from him was born of Revatī a son, Raivata the Manu,
AI translation rendered from the Sanskrit, not a published edition
MkP 75.69
समेतः सकलैर्धर्मैर्मानवैरपराजितः । विज्ञाताखिलशास्त्रार्थो वेदविद्यार्थशास्त्रवित्
sametaḥ sakalairdharmairmānavairaparājitaḥ / vijñātākhilaśāstrārtho vedavidyārthaśāstravit
endowed with all the virtues, unconquered by men, one who understood the meaning of every treatise, knowing the Vedas, the sciences, and the treatises on statecraft.
AI translation rendered from the Sanskrit, not a published edition
MkP 75.70
तस्य मन्वन्तरे देवान् मुनिदेवेन्द्रपार्थिवान् । कथ्यमानान् मया ब्रह्मन् निबोध सुसमाहितः
tasya manvantare devān munidevendrapārthivān / kathyamānān mayā brahman nibodha susamāhitaḥ
Hear attentively, O brahmin, the gods, sages, Indras and kings of his manvantara, as they are told by me.
AI translation rendered from the Sanskrit, not a published edition
MkP 75.71
सुमेधसस्तत्र देवास्तथा भूपतयो द्विज । वैकुण्ठश्चामिताभश्च चतुर्दश चतुर्दश
sumedhasastatra devāstathā bhūpatayo dvija / vaikuṇṭhaścāmitābhaśca caturdaśa caturdaśa
There the gods were the Sumedhasas, and likewise the kings, O twice-born, the Vaikuṇṭhas and the Amitābhas — fourteen and fourteen.
AI translation rendered from the Sanskrit, not a published edition
MkP 75.72
तेषां देवगणानान्तु चतुर्णामपि चेश्चरः । नाम्ना विभुरभूदिन्द्रः शतयज्ञोपलक्षकः
teṣāṃ devagaṇānāntu caturṇāmapi ceścaraḥ / nāmnā vibhurabhūdindraḥ śatayajñopalakṣakaḥ
And the lord of those four classes of gods was an Indra named Vibhu, marked out by a hundred sacrifices.
AI translation rendered from the Sanskrit, not a published edition
MkP 75.73
हिरण्यलोमा वेदश्रीरूर्ध्वबाहुस्तथापरः । वेदबाहुः सुधामा च पर्जन्यश्च महामुनिः
hiraṇyalomā vedaśrīrūrdhvabāhustathāparaḥ / vedabāhuḥ sudhāmā ca parjanyaśca mahāmuniḥ
Hiraṇyaloman, Vedaśrī, and likewise Ūrdhvabāhu, Vedabāhu, Sudhāman, and the great sage Parjanya,
AI translation rendered from the Sanskrit, not a published edition
MkP 75.74
वसिष्ठश्च महाभागो वेदवेदान्तपारगः । एते सप्तर्षयश्चासन् रैवतस्यान्तरे मनोः
vasiṣṭhaśca mahābhāgo vedavedāntapāragaḥ / ete saptarṣayaścāsan raivatasyāntare manoḥ
and the greatly blessed Vasiṣṭha, who had mastered the Veda and the Vedānta — these were the seven seers in the interval of Manu Raivata.
AI translation rendered from the Sanskrit, not a published edition
MkP 75.75
बलबन्धुर्महावीर्यः सुयष्टव्यस्तथापरः । सत्यकाद्यास्तथैवासन् रैवतस्य मनोः सुताः
balabandhurmahāvīryaḥ suyaṣṭavyastathāparaḥ / satyakādyāstathaivāsan raivatasya manoḥ sutāḥ
Balabandhu, Mahāvīrya, and likewise Suyaṣṭavya, and Satyaka and the rest were the sons of Manu Raivata.
AI translation rendered from the Sanskrit, not a published edition
MkP 75.76
रैवतान्तास्तु मनवः कथिता ये मया तव । स्वायम्भुवाश्रया ह्येते स्वारोचिषमृते मनुम्
raivatāntāstu manavaḥ kathitā ye mayā tava / svāyambhuvāśrayā hyete svārociṣamṛte manum
The Manus down to Raivata, whom I have recounted to you — these indeed have Svāyambhuva for their base, except for Manu Svārociṣa.
AI translation rendered from the Sanskrit, not a published edition
MkP 75.77
(य एषां शृणुयान्नित्यं पठेदाख्यानमुत्तमम् । विमुक्तः सर्वपापेभ्यो लोकं प्राप्नोत्यभीप्सितम्
(ya eṣāṃ śṛṇuyānnityaṃ paṭhedākhyānamuttamam / vimuktaḥ sarvapāpebhyo lokaṃ prāpnotyabhīpsitam
Whoever constantly hears or recites this excellent narrative of them, freed from all sins, attains the world he desires.
AI translation rendered from the Sanskrit, not a published edition