Markandeya Purana — Chapter 74
MkP 74.1
राजाभूद् विख्यातः स्वराष्ट्रो नाम वीर्यवान् । अनेकयज्ञकृत् प्राज्ञः संग्रामेष्वपराजितः
rājābhūd vikhyātaḥ svarāṣṭro nāma vīryavān / anekayajñakṛt prājñaḥ saṃgrāmeṣvaparājitaḥ
There was a renowned king named Svarāṣṭra, valiant, performer of many sacrifices, wise, unconquered in battles.
AI translation rendered from the Sanskrit, not a published edition
MkP 74.2
तस्यायुः सुमहत्प्रादात् मन्त्रिणाराधितो रविः । पत्नीनाञ्च शतन्तस्य धन्यानामभवद् द्विज
tasyāyuḥ sumahatprādāt mantriṇārādhito raviḥ / patnīnāñca śatantasya dhanyānāmabhavad dvija
The Sun, propitiated by his minister, granted him a very great span of life; and he had a hundred wives, fortunate ones, O twice-born.
AI translation rendered from the Sanskrit, not a published edition
MkP 74.3
तस्य दीर्घायुषः पत्न्यो नातिदीर्घायुषो मुने । कालेन जग्मुर्निधनं भृत्यमन्त्रिजनास्तथा
tasya dīrghāyuṣaḥ patnyo nātidīrghāyuṣo mune / kālena jagmurnidhanaṃ bhṛtyamantrijanāstathā
While he was long-lived, his wives were not of very long life, O sage; in time they came to their end, and so did his servants and ministers.
AI translation rendered from the Sanskrit, not a published edition
MkP 74.4
स भार्याभिस्तथायुक्तो भृत्यैश्च सहजन्मभिः । उद्विग्नचेताः संप्राप वीर्यहानिमहर्निशम्
sa bhāryābhistathāyukto bhṛtyaiśca sahajanmabhiḥ / udvignacetāḥ saṃprāpa vīryahānimaharniśam
Thus bereft of his wives and of the servants born along with him, with agitated mind he suffered day and night a loss of his vigour.
AI translation rendered from the Sanskrit, not a published edition — the model flagged this verse as uncertain
MkP 74.5
तं वीर्यहीनं निभृतैर्भृत्यैस्त्यक्तं सुदुः खितम् । अनन्तरो विमर्दाख्यो राज्याच्च्यावितवांस्तदा
taṃ vīryahīnaṃ nibhṛtairbhṛtyaistyaktaṃ suduḥ khitam / anantaro vimardākhyo rājyāccyāvitavāṃstadā
Him, drained of vigour, abandoned in secret by his servants, deeply sorrowful, the next (in line), named Vimarda, then cast down from the kingdom.
AI translation rendered from the Sanskrit, not a published edition
MkP 74.6
राज्याच्च्युतः सो ऽपि वनं गत्वा निर्विण्णमानसः । तपस्तेपे महाभागे वितस्तापुलिने स्थितः
rājyāccyutaḥ so 'pi vanaṃ gatvā nirviṇṇamānasaḥ / tapastepe mahābhāge vitastāpuline sthitaḥ
Fallen from the kingdom, he too went to the forest with a disgusted mind and practised austerity, O greatly fortunate one, stationed on a sandbank of the Vitastā.
AI translation rendered from the Sanskrit, not a published edition
MkP 74.7
ग्रीष्मे पञ्चतमा भूत्वा वर्षास्वभ्रावकाशिकः । जलशायी च शिशिरे निराहारो यतव्रतः
grīṣme pañcatamā bhūtvā varṣāsvabhrāvakāśikaḥ / jalaśāyī ca śiśire nirāhāro yatavrataḥ
In the hot season becoming one with five fires, in the rains staying under the open sky, and in the cold season lying in water, without food, holding firm to his vow.
AI translation rendered from the Sanskrit, not a published edition
MkP 74.8
ततस्तपस्यतस्तस्य प्रावृट्काले महाप्लवः । बभूवानुदिनं मेघैर्वर्षद्भिरनुसन्ततम्
tatastapasyatastasya prāvṛṭkāle mahāplavaḥ / babhūvānudinaṃ meghairvarṣadbhiranusantatam
Then, as he was practising austerity, in the rainy season there came a great flood, continuous day after day from the raining clouds.
AI translation rendered from the Sanskrit, not a published edition
MkP 74.9
न दिग्विज्ञायते पूर्वा दक्षिणा वा न पश्चिमा । नोत्तरा तमसा सर्वमनुलिप्तमिवाभवत्
na digvijñāyate pūrvā dakṣiṇā vā na paścimā / nottarā tamasā sarvamanuliptamivābhavat
No direction could be made out, neither east nor south nor west nor north; everything became as if smeared over with darkness.
AI translation rendered from the Sanskrit, not a published edition
MkP 74.10
ततो ऽतिपूरेण नृपः स नद्याः प्रेरितस्तटम् । प्रार्थयन्नापि नावाप ह्रियमाणो महीपतिः
tato 'tipūreṇa nṛpaḥ sa nadyāḥ preritastaṭam / prārthayannāpi nāvāpa hriyamāṇo mahīpatiḥ
Then the king, driven along by the excessive flooding of the river, though he tried for the bank, did not reach it, being swept away, that lord of the earth.
AI translation rendered from the Sanskrit, not a published edition
MkP 74.11
अथ दूरे जलौघेन ह्रियमाणो महीपतिः । आससाद जले रौहीं स पुच्छे जगृहे च ताम्
atha dūre jalaughena hriyamāṇo mahīpatiḥ / āsasāda jale rauhīṃ sa pucche jagṛhe ca tām
Then the lord of the earth, being carried far off by the mass of water, came upon a rohita fish in the water, and seized it by the tail.
AI translation rendered from the Sanskrit, not a published edition
MkP 74.12
तेन प्लवेन स ययावूह्यमानो महीतले । इतश्चेतश्चान्धकारे आससाद तटन्ततः
tena plavena sa yayāvūhyamāno mahītale / itaścetaścāndhakāre āsasāda taṭantataḥ
Borne along by that float he went over the surface of the earth, this way and that in the darkness, and at last he reached a shore.
AI translation rendered from the Sanskrit, not a published edition
MkP 74.13
विस्तारि पङ्कमत्यर्थं दुस्तरं स नृपस्तरन् । तथैव कृष्यमाणो ऽन्यद्रम्यं वनमवाप सः
vistāri paṅkamatyarthaṃ dustaraṃ sa nṛpastaran / tathaiva kṛṣyamāṇo 'nyadramyaṃ vanamavāpa saḥ
Crossing the mud, which was spread out very widely and hard to get through, that king, being dragged along in that same way, reached another delightful forest.
AI translation rendered from the Sanskrit, not a published edition
MkP 74.14
तत्रान्धकारे सा रौही चकर्ष वसुधाधिपम् । पुच्छे लग्नं महाभागं कृशं धमनिसन्ततौ
tatrāndhakāre sā rauhī cakarṣa vasudhādhipam / pucche lagnaṃ mahābhāgaṃ kṛśaṃ dhamanisantatau
There in the darkness that red doe dragged the lord of the earth, the greatly fortunate one, clinging to her tail, emaciated so that his veins stood out.
AI translation rendered from the Sanskrit, not a published edition
MkP 74.15
तस्याश्च स्पर्शसंभूतामवापमुदमुत्तमाम् । सो ऽन्धकारे भ्रमन् भूयो मदनाकृष्टमानसः
tasyāśca sparśasaṃbhūtāmavāpamudamuttamām / so 'ndhakāre bhraman bhūyo madanākṛṣṭamānasaḥ
And he obtained the highest delight, arising from her touch; wandering in the darkness again, his mind drawn on by desire—
AI translation rendered from the Sanskrit, not a published edition
MkP 74.16
विज्ञाय सानुरागं तं पृष्ठस्पर्शनतत्परम् । नरेन्द्रं तद्वनस्यान्तः सा मृगी तमुवाच ह
vijñāya sānurāgaṃ taṃ pṛṣṭhasparśanatatparam / narendraṃ tadvanasyāntaḥ sā mṛgī tamuvāca ha
Recognizing him, the king of men, to be full of love and intent on touching her back, that doe spoke to him there within that forest:
AI translation rendered from the Sanskrit, not a published edition
MkP 74.17
किं पृष्ठं वेपथुमता करेण स्पृशसे मम । अन्यथैवास्य कार्यस्य सञ्जाता नृपते गतिः
kiṃ pṛṣṭhaṃ vepathumatā kareṇa spṛśase mama / anyathaivāsya kāryasya sañjātā nṛpate gatiḥ
"Why do you touch my back with a trembling hand? This business has taken quite another turn, O king.
AI translation rendered from the Sanskrit, not a published edition
MkP 74.18
नास्थाने वो मनो यातं नागम्याहं तवेश्वर । किन्तु त्वत्सङ्गमे विघ्नमेष लोलः करोति मे
nāsthāne vo mano yātaṃ nāgamyāhaṃ taveśvara / kintu tvatsaṅgame vighnameṣa lolaḥ karoti me
"Your mind has not gone to an improper object, nor am I one you may not approach, O lord; but this fickle one causes an obstacle to my union with you."
AI translation rendered from the Sanskrit, not a published edition
MkP 74.19
इति श्रुत्वा वचस्तस्या मृग्याश्च जगतीपतिः । जातकौतूहलो रौहीमिदं वचनमब्रवीत्
iti śrutvā vacastasyā mṛgyāśca jagatīpatiḥ / jātakautūhalo rauhīmidaṃ vacanamabravīt
Having heard that speech of hers, of the doe, the lord of the earth, curiosity having arisen in him, spoke this word to the red doe:
AI translation rendered from the Sanskrit, not a published edition
MkP 74.20
का त्वं ब्रूहि मृगी वाक्यं कथं मानुषवद्वदेत् । कश्चैव लोलो यो विघ्नं त्वत्सङ्गे कुरुते मम
kā tvaṃ brūhi mṛgī vākyaṃ kathaṃ mānuṣavadvadet / kaścaiva lolo yo vighnaṃ tvatsaṅge kurute mama
"Tell me, who are you? How would a doe utter speech like a human? And who is this fickle one who makes an obstacle to my union with you?"
AI translation rendered from the Sanskrit, not a published edition
MkP 74.21
अहन्ते दयिता भूप ! प्रागासमुत्पलावती । भर्या शताग्रमहिषी दुहिता दृढधन्वनः
ahante dayitā bhūpa ! prāgāsamutpalāvatī / bharyā śatāgramahiṣī duhitā dṛḍhadhanvanaḥ
"I am dear to you, O king! Formerly I was Utpalāvatī, a wife, the chief queen among a hundred, the daughter of Dṛḍhadhanvan.
AI translation rendered from the Sanskrit, not a published edition
MkP 74.22
किन्तु यावत् कृतं कर्म येनेमां योनिमागता । पतिव्रता धर्मपरा सा चेत्थं सथमीदृशी
kintu yāvat kṛtaṃ karma yenemāṃ yonimāgatā / pativratā dharmaparā sā cetthaṃ sathamīdṛśī
"But (hear) what deed was done, by which I came to this womb—she who was devoted to her husband and intent on dharma, and yet such and so deceitful in this way.
AI translation rendered from the Sanskrit, not a published edition — the model flagged this verse as uncertain
MkP 74.23
अहं पितृगृहे बाला सखीभिः सहिता वनम् । रन्तुं गता ददर्शैकं मृगं मृग्या समागतम्
ahaṃ pitṛgṛhe bālā sakhībhiḥ sahitā vanam / rantuṃ gatā dadarśaikaṃ mṛgaṃ mṛgyā samāgatam
"As a girl in my father's house, having gone to the forest with my friends to play, I saw a stag come together with a doe.
AI translation rendered from the Sanskrit, not a published edition
MkP 74.24
ततः समीपवर्तिन्या मया सा ताडिता मृगी । मया त्रस्ता गतान्यत्र क्रुद्धः प्राह ततो मृगः
tataḥ samīpavartinyā mayā sā tāḍitā mṛgī / mayā trastā gatānyatra kruddhaḥ prāha tato mṛgaḥ
"Then, standing nearby, I struck that doe; frightened by me she went elsewhere, and thereupon the stag said angrily:
AI translation rendered from the Sanskrit, not a published edition
MkP 74.25
मूढे किमेवं मत्तासि धिक्ते दौः शील्यमीदृशम् । आधानकालो येनायं त्वया मे विफलीकृतः
mūḍhe kimevaṃ mattāsi dhikte dauḥ śīlyamīdṛśam / ādhānakālo yenāyaṃ tvayā me viphalīkṛtaḥ
"'Foolish woman, why are you so intoxicated? Shame on such bad conduct of yours, since by you this my time of impregnation has been made fruitless!'
AI translation rendered from the Sanskrit, not a published edition
MkP 74.26
वाचं श्रुत्वा ततस्तस्य मानुषस्येव भाषतः । भीता तमब्रुवं को ऽसीत्येतां योनिमुपागतः
vācaṃ śrutvā tatastasya mānuṣasyeva bhāṣataḥ / bhītā tamabruvaṃ ko 'sītyetāṃ yonimupāgataḥ
"Then, hearing that speech of his, who spoke as a human does, frightened, I said to him: 'Who are you, who have come to this womb?'
AI translation rendered from the Sanskrit, not a published edition
MkP 74.27
ततः स प्राह पुत्रो ऽहमृषेर्निर्वृतिचक्षुषः । सुतपा नाम मृग्यान्तु साभिलाषो मृगो ऽभवम्
tataḥ sa prāha putro 'hamṛṣernirvṛticakṣuṣaḥ / sutapā nāma mṛgyāntu sābhilāṣo mṛgo 'bhavam
"Then he said: 'I am the son of the seer Nirvṛticakṣus, Sutapas by name; but desiring a doe, I became a stag.
AI translation rendered from the Sanskrit, not a published edition
MkP 74.28
इमाञ्चानुगतः प्रेम्णा वाञ्छितश्चानया वने । त्वया वियोजिता दुष्टे तस्माच्छापं ददामि ते
imāñcānugataḥ premṇā vāñchitaścānayā vane / tvayā viyojitā duṣṭe tasmācchāpaṃ dadāmi te
"'And I followed this one out of love, and was desired by her in the forest; she has been separated (from me) by you, wicked woman—therefore I lay a curse on you.'
AI translation rendered from the Sanskrit, not a published edition
MkP 74.29
मया चोक्तं तवाज्ञानादपराधः कृतो मुने । प्रसादं कुरु शापं मे न भवान् दातुमर्हति
mayā coktaṃ tavājñānādaparādhaḥ kṛto mune / prasādaṃ kuru śāpaṃ me na bhavān dātumarhati
"And I said: 'Out of ignorance the offense was committed against you, O sage; be gracious—you ought not to lay a curse on me.'
AI translation rendered from the Sanskrit, not a published edition
MkP 74.30
इत्युक्तः प्राह मां सो ऽपि मुनिरित्थं महीपते । न प्रयच्छामि शापं ते यद्यात्मानं ददासि मे
ityuktaḥ prāha māṃ so 'pi muniritthaṃ mahīpate / na prayacchāmi śāpaṃ te yadyātmānaṃ dadāsi me
"Addressed thus, that sage too said to me thus, O king: 'I will not lay a curse on you, if you give yourself to me.'
AI translation rendered from the Sanskrit, not a published edition
MkP 74.31
मया चोक्तं मृगी नाहं मृगरूपधरा वने । लप्स्यसे ऽन्यां मृगीन्तावन्मयि भावो निवर्त्यताम्
mayā coktaṃ mṛgī nāhaṃ mṛgarūpadharā vane / lapsyase 'nyāṃ mṛgīntāvanmayi bhāvo nivartyatām
"And I said: 'I am not a doe, bearing a doe's form in the forest; you will get another doe—so let your feeling for me be turned back.'
AI translation rendered from the Sanskrit, not a published edition
MkP 74.32
इत्युक्तः कोपरक्ताक्षः स प्राह स्फुरिताधरः । नाहं मृगी त्वयेत्युक्तं मृगी मूढे भविष्यसि
ityuktaḥ koparaktākṣaḥ sa prāha sphuritādharaḥ / nāhaṃ mṛgī tvayetyuktaṃ mṛgī mūḍhe bhaviṣyasi
"Addressed thus, with eyes red with anger and quivering lip, he said: 'It was said by you "I am not a doe"—a doe, foolish woman, you shall become!'
AI translation rendered from the Sanskrit, not a published edition
MkP 74.33
ततो भृशं प्रव्यथिता प्रणम्य मुनिमब्रुवम् । स्वरूपस्थमतिक्रुद्धं प्रसीदेति पुनः पुनः
tato bhṛśaṃ pravyathitā praṇamya munimabruvam / svarūpasthamatikruddhaṃ prasīdeti punaḥ punaḥ
Then, greatly distressed, I bowed and said to the sage, who stood there in his own form, exceedingly angry: "Be gracious!" again and again.
AI translation rendered from the Sanskrit, not a published edition
MkP 74.34
बालानभैज्ञा वाक्यानां ततः प्रोक्तमिदं मया । पितर्यसति नारीभिर्व्रियते हि पतिः स्वयम्
bālānabhaijñā vākyānāṃ tataḥ proktamidaṃ mayā / pitaryasati nārībhirvriyate hi patiḥ svayam
(But we) girls are ignorant of (proper) words; and so this was said by me: "When a father is not living, women indeed choose a husband themselves."
AI translation rendered from the Sanskrit, not a published edition
MkP 74.35
सति ताते कथञ्चाहं वृणोमि मुनिसत्तम । सापराधाथवा पादौ प्रसीदेश नमाम्यहम्
sati tāte kathañcāhaṃ vṛṇomi munisattama / sāparādhāthavā pādau prasīdeśa namāmyaham
"But when my father is living, how could I choose (one), O best of sages? Or (if) I am guilty, (I bow at) your feet — be gracious, lord, I bow to you."
AI translation rendered from the Sanskrit, not a published edition
MkP 74.36
प्रसीदेति प्रसीदेति प्रणताया महामते । इत्थं लालप्यमानायाः स प्राह मुनिपुङ्गवः
prasīdeti prasīdeti praṇatāyā mahāmate / itthaṃ lālapyamānāyāḥ sa prāha munipuṅgavaḥ
As she bowed and lamented thus, "Be gracious, be gracious," O great-minded one, that bull among sages said:
AI translation rendered from the Sanskrit, not a published edition
MkP 74.37
न भवत्यन्यथा प्रोक्तं मम वाक्यं कदाचन । मृगी भविष्यसि मृता वने ऽस्मिन्नेव जन्मनि
na bhavatyanyathā proktaṃ mama vākyaṃ kadācana / mṛgī bhaviṣyasi mṛtā vane 'sminneva janmani
"My spoken word never turns out otherwise. You shall die and become a doe in this very forest, in this very birth.
AI translation rendered from the Sanskrit, not a published edition
MkP 74.38
मृगत्वे च महाबाहुस्तव गर्भमुपैष्यति । लोलो नाम मुनेः पुत्रः सिद्धवीर्यस्य भामिनि
mṛgatve ca mahābāhustava garbhamupaiṣyati / lolo nāma muneḥ putraḥ siddhavīryasya bhāmini
And while you are in the state of a doe, a mighty-armed one will enter your womb — the son of the sage Siddhavīrya, Lola by name, O lady of spirit.
AI translation rendered from the Sanskrit, not a published edition
MkP 74.39
जीतिस्मरा भवित्री त्वं तस्मिन् गर्भमुपागते । स्मृतिं प्राप्य तथा वाचं मानुषीमीरयिष्यसि
jītismarā bhavitrī tvaṃ tasmin garbhamupāgate / smṛtiṃ prāpya tathā vācaṃ mānuṣīmīrayiṣyasi
When he has entered the womb you will come to remember your (former) birth; and having regained memory, you will likewise utter human speech.
AI translation rendered from the Sanskrit, not a published edition
MkP 74.40
त्समिन् जाते मृगीत्वात् त्वं विमुक्ता पतिनार्चिता । लोकानवाप्स्यसि प्राप्या ये न दुष्कृतकर्मभिः
tsamin jāte mṛgītvāt tvaṃ vimuktā patinārcitā / lokānavāpsyasi prāpyā ye na duṣkṛtakarmabhiḥ
When he is born, you, released from the state of a doe and honoured by your husband, will attain those worlds which are not to be reached by those of evil deeds.
AI translation rendered from the Sanskrit, not a published edition
MkP 74.41
सो ऽपि लोलो महावीर्यः पितृशत्रून् निपात्य वै । जित्वा वसुन्दरां कृत्स्त्रां भविष्यति ततो मनुः
so 'pi lolo mahāvīryaḥ pitṛśatrūn nipātya vai / jitvā vasundarāṃ kṛtstrāṃ bhaviṣyati tato manuḥ
And that Lola, of great valour, having struck down his father's enemies and conquered the whole earth, will thereafter become a Manu."
AI translation rendered from the Sanskrit, not a published edition
MkP 74.42
एवं शापमहं लब्ध्वा मृता तिर्यक्त्वमागता । त्वत्संस्पर्शाच्च गर्भो ऽसौ संभूतो जठरे मम
evaṃ śāpamahaṃ labdhvā mṛtā tiryaktvamāgatā / tvatsaṃsparśācca garbho 'sau saṃbhūto jaṭhare mama
Thus, having received the curse, I died and came to the state of an animal; and by contact with you this embryo has come into being in my womb.
AI translation rendered from the Sanskrit, not a published edition
MkP 74.43
अतो ब्रवीमि नास्थाने तव यातं मनो मयि । न चाप्यगम्या गर्भस्थो लोलो विघ्नं करोत्यसौ
ato bravīmi nāsthāne tava yātaṃ mano mayi / na cāpyagamyā garbhastho lolo vighnaṃ karotyasau
Therefore I say: your mind has not gone toward me out of place, nor am I one not to be approached; it is this Lola in the womb who makes the obstruction.
AI translation rendered from the Sanskrit, not a published edition
MkP 74.44
एवमुक्तस्ततः सो ऽपि राजा प्राप्य परां मुदम् । पुत्रो ममारीञ्जित्वेति पृथिव्यां भविता मनुः
evamuktastataḥ so 'pi rājā prāpya parāṃ mudam / putro mamārīñjitveti pṛthivyāṃ bhavitā manuḥ
Addressed thus, that king too attained the highest joy: "My son, having conquered my enemies, will be a Manu on earth."
AI translation rendered from the Sanskrit, not a published edition
MkP 74.45
ततस्तं सुषुवे पुत्रं सा मृगी लक्षणान्वितम् । तस्मिन् जाते च भूतानि सर्वाणि प्रययुर्मुदम्
tatastaṃ suṣuve putraṃ sā mṛgī lakṣaṇānvitam / tasmin jāte ca bhūtāni sarvāṇi prayayurmudam
Then that doe bore that son, endowed with (auspicious) marks; and when he was born all beings went to joy.
AI translation rendered from the Sanskrit, not a published edition
MkP 74.46
विशेषतश्च राजासौ पुत्रे जाते महाबले । सा विमुक्ता मृगी शापात् प्राप लोकाननुत्तमान्
viśeṣataśca rājāsau putre jāte mahābale / sā vimuktā mṛgī śāpāt prāpa lokānanuttamān
And especially that king, when the son of great strength was born; and she, the doe, released from the curse, attained the most excellent worlds.
AI translation rendered from the Sanskrit, not a published edition
MkP 74.47
ततस्तस्यर्षयः सर्वे समेत्य मुनिसत्तम । अवेक्ष्य भाविनीमृद्धिं नाम चक्रुर्महात्मनः
tatastasyarṣayaḥ sarve sametya munisattama / avekṣya bhāvinīmṛddhiṃ nāma cakrurmahātmanaḥ
Then all the sages came together, O best of sages, and, considering the prosperity that was to be, gave the great-souled one a name:
AI translation rendered from the Sanskrit, not a published edition
MkP 74.48
तामसीं भजमानायां योनिं मातर्यजायत । तमसा चावृते लोके तामसो ऽयं भविष्यति
tāmasīṃ bhajamānāyāṃ yoniṃ mātaryajāyata / tamasā cāvṛte loke tāmaso 'yaṃ bhaviṣyati
"He was born when his mother was inhabiting a dark (tāmasī) womb, and in a world covered by darkness (tamas); therefore he shall be Tāmasa."
AI translation rendered from the Sanskrit, not a published edition — the model flagged this verse as uncertain
MkP 74.49
ततः स तामसस्तेन पित्रा संवर्धितो वने । जातबुद्धिरुवाचेदं पितरं मुनिसत्तम
tataḥ sa tāmasastena pitrā saṃvardhito vane / jātabuddhiruvācedaṃ pitaraṃ munisattama
Then that Tāmasa, reared in the forest by that father, when his understanding had arisen, said this to his father, O best of sages:
AI translation rendered from the Sanskrit, not a published edition
MkP 74.50
कस्त्वं तात कथं वाहं पुत्रो माता च का मम । किमर्थमागतश्च त्वमेतत् सत्यं ब्रवीहि मे
kastvaṃ tāta kathaṃ vāhaṃ putro mātā ca kā mama / kimarthamāgataśca tvametat satyaṃ bravīhi me
"Who are you, father? And how am I (your) son? And who is my mother? And for what purpose have you come? Tell me this truly."
AI translation rendered from the Sanskrit, not a published edition
MkP 74.51
ततः पिता यथावृत्तं स्वराज्यच्यावनादिकम् । तस्याचष्टे महाबहुः पुत्रस्य जगतीपतिः
tataḥ pitā yathāvṛttaṃ svarājyacyāvanādikam / tasyācaṣṭe mahābahuḥ putrasya jagatīpatiḥ
Then the father, the mighty-armed lord of the earth, related to his son what had happened, beginning with his fall from his own kingdom.
AI translation rendered from the Sanskrit, not a published edition
MkP 74.52
श्रुत्वा तत् सकलं सो ऽपि समाराध्य च भारस्करम् । अवाच दिव्यान्यस्त्राणि ससंहाराण्यशेषतः
śrutvā tat sakalaṃ so 'pi samārādhya ca bhāraskaram / avāca divyānyastrāṇi sasaṃhārāṇyaśeṣataḥ
Having heard all that, he too propitiated the Sun and obtained the divine weapons, entirely, together with (the formulas for) their withdrawal.
AI translation rendered from the Sanskrit, not a published edition
MkP 74.53
कृतास्त्रस्तानरीन् जित्वा पितुरानीय चान्तिकम् । अनुज्ञातान् मुनोचाथ तेन स्वं धर्ममास्थितः
kṛtāstrastānarīn jitvā piturānīya cāntikam / anujñātān munocātha tena svaṃ dharmamāsthitaḥ
Skilled in weapons, he conquered those enemies and brought (them) into his father's presence; then, when they had been granted leave by him, he released them, abiding in his own duty.
AI translation rendered from the Sanskrit, not a published edition
MkP 74.54
पितापि तस्य स्वान् लोकांस्तपोयज्ञसमार्जितान् । विसृष्टदेहः संप्राप्तो दृष्ट्वा पुत्रमुखं सुखम्
pitāpi tasya svān lokāṃstapoyajñasamārjitān / visṛṣṭadehaḥ saṃprāpto dṛṣṭvā putramukhaṃ sukham
His father too, having seen his son's face, happily gave up his body and attained his own worlds, won by austerity and sacrifice.
AI translation rendered from the Sanskrit, not a published edition
MkP 74.55
जित्वा समस्तां पृथिवीं तामसाख्यः स पार्थिवः । तामसाख्यो मनुरभुत्तस्य मन्वन्तरं शृणु
jitvā samastāṃ pṛthivīṃ tāmasākhyaḥ sa pārthivaḥ / tāmasākhyo manurabhuttasya manvantaraṃ śṛṇu
Having conquered the whole earth, that king named Tāmasa became the Manu called Tāmasa; hear (the account of) his manvantara.
AI translation rendered from the Sanskrit, not a published edition
MkP 74.56
ये देवा यत्पतिर्यश्च देवेन्द्रो ये तथर्षयः । ये पुत्राश्च मनोस्तस्य पृथिवीपरिपालकाः
ye devā yatpatiryaśca devendro ye tatharṣayaḥ / ye putrāśca manostasya pṛthivīparipālakāḥ
Which the gods were, and who their lord, and who the Indra of the gods, and likewise who the seers, and who the sons of that Manu who guarded the earth—
AI translation rendered from the Sanskrit, not a published edition
MkP 74.57
सत्यास्तथान्ये सुधियः सुरूपा हरयस्तथा । एते देवगणास्तत्र सप्तविंशतिका मुने
satyāstathānye sudhiyaḥ surūpā harayastathā / ete devagaṇāstatra saptaviṃśatikā mune
The Satyas, and the others, the Sudhīs, the Surūpas, and likewise the Haris—these were the classes of gods there, twenty-seven (in number), O sage.
AI translation rendered from the Sanskrit, not a published edition
MkP 74.58
महाबलो महावीर्यः शतयज्ञोपलक्षितः । शिखिरिन्द्रस्तथा तेषां देवानामभवद्विभुः
mahābalo mahāvīryaḥ śatayajñopalakṣitaḥ / śikhirindrastathā teṣāṃ devānāmabhavadvibhuḥ
Śikhin, of great strength and great valour, distinguished by a hundred sacrifices, became the Indra, the mighty lord of those gods.
AI translation rendered from the Sanskrit, not a published edition
MkP 74.59
ज्योतिर्धर्मा पृथुः काव्यश्चैत्रो ऽग्निर्वलकस्तथा । पीवरश्च तथा ब्रह्मन् ! सप्त गप्तर्षयो ऽभवन्
jyotirdharmā pṛthuḥ kāvyaścaitro 'gnirvalakastathā / pīvaraśca tathā brahman ! sapta gaptarṣayo 'bhavan
Jyotirdharman, Pṛthu, Kāvya, Caitra, Agni, and Valaka, and likewise Pīvara, O brahman, were the seven seers.
AI translation rendered from the Sanskrit, not a published edition
MkP 74.60
नरः क्षान्तिः शान्तदान्तजानुजङ्घादयस्तथा । पुत्रास्तु तामसस्यासन् राजानः सुमहाबलाः
naraḥ kṣāntiḥ śāntadāntajānujaṅghādayastathā / putrāstu tāmasasyāsan rājānaḥ sumahābalāḥ
Nara, Kṣānti, Śāntadānta, Jānujaṅgha and the rest were the sons of Tāmasa, kings of very great strength.
AI translation rendered from the Sanskrit, not a published edition
MkP 74.61
इत्येतत्तामसं विप्र मन्वन्तरमुदाहृतम् । यः पठेत् शृणुयाद्वापि तमसा सन बाध्यते
ityetattāmasaṃ vipra manvantaramudāhṛtam / yaḥ paṭhet śṛṇuyādvāpi tamasā sana bādhyate
Thus this Tāmasa manvantara has been recounted, O brahman; whoever reads or hears it is not oppressed by darkness (tamas).
AI translation rendered from the Sanskrit, not a published edition