Markandeya Purana — Chapter 72
MkP 72.1
ततः स्वनगरं प्राप्य तं ददर्श द्विजं नृपः । समेतं भार्यया चैव शीलवत्या मुदान्वितम्
tataḥ svanagaraṃ prāpya taṃ dadarśa dvijaṃ nṛpaḥ / sametaṃ bhāryayā caiva śīlavatyā mudānvitam
Then, having reached his own city, the king saw that brahmin, united with his wife Śīlavatī and filled with joy.
AI translation rendered from the Sanskrit, not a published edition
MkP 72.2
राजवर्य ! कृतार्थो ऽस्मि यतो धर्मो हि रक्षितः । धर्मज्ञनेह भवता भार्यामानयता मम
rājavarya ! kṛtārtho 'smi yato dharmo hi rakṣitaḥ / dharmajñaneha bhavatā bhāryāmānayatā mama
"Best of kings! I have attained my aim, since dharma has indeed been preserved here by you, a knower of dharma, in bringing back my wife."
AI translation rendered from the Sanskrit, not a published edition
MkP 72.3
कृतार्थस्त्वं द्विजश्रेष्ठ ! निजधर्मानुपालनात् । वयं सङ्कटिनो विप्र ! येषां पत्नी न वेश्मनि
kṛtārthastvaṃ dvijaśreṣṭha ! nijadharmānupālanāt / vayaṃ saṅkaṭino vipra ! yeṣāṃ patnī na veśmani
"You have attained your aim, best of the twice-born, by the keeping of your own duty; but we are in straits, brahmin — we in whose house there is no wife."
AI translation rendered from the Sanskrit, not a published edition
MkP 72.4
नरेन्द्र ! सा हि विपिने भक्षिता श्वनापदैर्यदि । अलन्तया किमन्यस्या न पाणिर्गृह्यते त्वया । क्रोधस्य वशमागम्य धर्मो न रक्षितस्त्वया
narendra ! sā hi vipine bhakṣitā śvanāpadairyadi / alantayā kimanyasyā na pāṇirgṛhyate tvayā / krodhasya vaśamāgamya dharmo na rakṣitastvayā
"O lord of men! If she has been devoured in the forest by beasts of prey, then enough of her — why is the hand of another woman not taken by you? Having fallen under the power of anger, you have not preserved dharma."
AI translation rendered from the Sanskrit, not a published edition
MkP 72.5
न भक्षिता मे दयिता श्वापदैः सा हि जीवति । अविदूषितचारित्रा कथमेतत्करोम्यहम्
na bhakṣitā me dayitā śvāpadaiḥ sā hi jīvati / avidūṣitacāritrā kathametatkaromyaham
"My beloved has not been devoured by beasts of prey; she is indeed alive, her conduct unsullied — how can I do this?"
AI translation rendered from the Sanskrit, not a published edition
MkP 72.6
यदि जीवति ते भार्या न चैव व्यभिचारिणी । तदपत्नीकताजन्म किं पापं क्रियते त्वया
yadi jīvati te bhāryā na caiva vyabhicāriṇī / tadapatnīkatājanma kiṃ pāpaṃ kriyate tvayā
"If your wife is alive and is not unfaithful, then why is this sin of a wifeless life committed by you?"
AI translation rendered from the Sanskrit, not a published edition
MkP 72.7
आनीतापि हि सा विप्र ! प्रतिकूला सदैव मे । दुः खाय न सुखायालं तस्या मैत्री न वै मयि । तथा त्वं कुरु यत्नं मे यथा सा वशगामिनी
ānītāpi hi sā vipra ! pratikūlā sadaiva me / duḥ khāya na sukhāyālaṃ tasyā maitrī na vai mayi / tathā tvaṃ kuru yatnaṃ me yathā sā vaśagāminī
"Even when brought back, brahmin, she is always hostile to me; she suffices for sorrow, not for happiness; there is no friendliness in her toward me. So make an effort for me, so that she may become obedient."
AI translation rendered from the Sanskrit, not a published edition
MkP 72.8
तव संप्रीतये तस्या वरेष्टिरुपकारिणी । क्रियते मित्रकामैर्या मित्रविन्दां करोमि ताम्
tava saṃprītaye tasyā vareṣṭirupakāriṇī / kriyate mitrakāmairyā mitravindāṃ karomi tām
"For your satisfaction (I shall perform) for her the beneficial vara-iṣṭi, which is performed by those who desire friends: I shall make her one who finds a friend (mitravindā)."
AI translation rendered from the Sanskrit, not a published edition — the model flagged this verse as uncertain
MkP 72.9
अप्रीतयोः प्रीतिकरो सा हि संजननी परम् । भार्यापत्योर्मनुष्येन्द्र ! तान्तवेष्टिं करोम्यहम्
aprītayoḥ prītikaro sā hi saṃjananī param / bhāryāpatyormanuṣyendra ! tāntaveṣṭiṃ karomyaham
"For it, above all, produces affection in two who are unloving and generates it in wife and husband, O lord of men: I shall perform that tāntava-iṣṭi."
AI translation rendered from the Sanskrit, not a published edition — the model flagged this verse as uncertain
MkP 72.10
यत्र तिष्ठति सा सुभ्रूस्तव भार्या महीपते । तस्मादानोयतां सा ते परां प्रीतिमुपैष्यति
yatra tiṣṭhati sā subhrūstava bhāryā mahīpate / tasmādānoyatāṃ sā te parāṃ prītimupaiṣyati
"Wherever that fair-browed wife of yours is staying, O king, let her be brought from there; she will come to feel the highest affection for you."
AI translation rendered from the Sanskrit, not a published edition
MkP 72.11
इत्युक्तः स तु सम्भारानशेषानवनीपतिः । आनिनाय चकारेष्टिं स च तां द्विजसत्तमः
ityuktaḥ sa tu sambhārānaśeṣānavanīpatiḥ / ānināya cakāreṣṭiṃ sa ca tāṃ dvijasattamaḥ
Thus addressed, the king brought all the requisites without exception, and that best of the twice-born performed the sacrifice.
AI translation rendered from the Sanskrit, not a published edition
MkP 72.12
सप्तकृत्वः स तु तदा चकारेष्टिं पुनः पुनः । तस्य राज्ञो द्विजश्रेष्ठो भार्यासम्पादनाय वै
saptakṛtvaḥ sa tu tadā cakāreṣṭiṃ punaḥ punaḥ / tasya rājño dvijaśreṣṭho bhāryāsampādanāya vai
Seven times then that best of brahmins performed the sacrifice, again and again, for the sake of securing a wife for that king.
AI translation rendered from the Sanskrit, not a published edition
MkP 72.13
यदारोपितमैत्रीन्ताममन्यत महामुनिः । स्वभर्तरि तदा विप्रस्तमुवाच नराधिपम्
yadāropitamaitrīntāmamanyata mahāmuniḥ / svabhartari tadā viprastamuvāca narādhipam
When the great sage judged that her affection had been transferred to her own husband, then the brahmin said to that ruler of men:
AI translation rendered from the Sanskrit, not a published edition
MkP 72.14
आनीयतां नरश्रेष्ठ ! या तवेष्टात्मनो ऽन्तिकम् । भुङ्क्ष्व भोगांस्तया सार्धं यज यज्ञांस्तथादृतः
ānīyatāṃ naraśreṣṭha ! yā taveṣṭātmano 'ntikam / bhuṅkṣva bhogāṃstayā sārdhaṃ yaja yajñāṃstathādṛtaḥ
"Let her who is dear to you be brought into your presence, O best of men; enjoy pleasures together with her, and likewise perform sacrifices with due reverence."
AI translation rendered from the Sanskrit, not a published edition
MkP 72.15
इत्युक्तस्तेन विप्रेण भूपालो विस्मितस्तदा । सस्मार तं महावीर्यं सत्यसन्धं निशाचरम्
ityuktastena vipreṇa bhūpālo vismitastadā / sasmāra taṃ mahāvīryaṃ satyasandhaṃ niśācaram
Thus addressed by that brahmin, the king, astonished, then called to mind that night-roamer of great might, true to his word.
AI translation rendered from the Sanskrit, not a published edition
MkP 72.16
स्मृतस्तेन तदा सद्यः समुपेत्य नराधिपम् । किं करोमीति सो ऽप्याह प्रणिपत्य महामुने
smṛtastena tadā sadyaḥ samupetya narādhipam / kiṃ karomīti so 'pyāha praṇipatya mahāmune
Being thus remembered by him, he at once came to the king and, bowing down, said, "What shall I do, O great sage?"
AI translation rendered from the Sanskrit, not a published edition — the model flagged this verse as uncertain
MkP 72.17
ततस्तेन नरेन्द्रेण विस्तरेण निवेदिते । गत्वा पातालमादाय राजपत्नीमुपाययौ
tatastena narendreṇa vistareṇa nivedite / gatvā pātālamādāya rājapatnīmupāyayau
Then, when the king had informed him in detail, he went to Pātāla, took the king's wife, and returned.
AI translation rendered from the Sanskrit, not a published edition
MkP 72.18
आनीता चातिहार्देन सा ददर्श तदा पतिम् । उवाच च प्रसीदेति भूयोभूयो मुदान्विता
ānītā cātihārdena sā dadarśa tadā patim / uvāca ca prasīdeti bhūyobhūyo mudānvitā
Brought (there) with great affection, she then beheld her husband, and, filled with joy, said again and again, "Be gracious (to me)."
AI translation rendered from the Sanskrit, not a published edition
MkP 72.19
ततः स राजा रभसा परिष्वज्याह मानिनीम् । प्रिये ! प्रसन्न एवाहं भूयो ऽप्येवं ब्रवीषि किम्
tataḥ sa rājā rabhasā pariṣvajyāha māninīm / priye ! prasanna evāhaṃ bhūyo 'pyevaṃ bravīṣi kim
Then that king, embracing the proud woman impetuously, said: "Beloved, I am indeed gracious; why do you keep saying this over and over?"
AI translation rendered from the Sanskrit, not a published edition
MkP 72.20
यदि प्रिसादप्रवणं नरेन्द्र ! मयि ते मनः । तदेतदभियाचे त्वां तत् कुरुष्व ममार्हणम्
yadi prisādapravaṇaṃ narendra ! mayi te manaḥ / tadetadabhiyāce tvāṃ tat kuruṣva mamārhaṇam
"If, O king, your mind is inclined to favour towards me, then I ask this of you: do that as an honour to me."
AI translation rendered from the Sanskrit, not a published edition
MkP 72.21
निः शङ्कं ब्रूहि मत्तो यद्भवात्या किञ्चिदीप्सितम् । तदलभ्यं न ते भीरु ! तवायत्तो ऽस्मि नान्यथा
niḥ śaṅkaṃ brūhi matto yadbhavātyā kiñcidīpsitam / tadalabhyaṃ na te bhīru ! tavāyatto 'smi nānyathā
"Say without hesitation whatever is desired by you from me; that is not unattainable for you, timid one; I am subject to you, and not otherwise."
AI translation rendered from the Sanskrit, not a published edition
MkP 72.22
मदर्थं तेन नागेन सुता शप्ता सखी मम । मूका भविष्यसीत्याह सा च मूकत्वमागता
madarthaṃ tena nāgena sutā śaptā sakhī mama / mūkā bhaviṣyasītyāha sā ca mūkatvamāgatā
"On my account that nāga cursed his own daughter, my friend: 'You shall be dumb,' he said, and she came to dumbness."
AI translation rendered from the Sanskrit, not a published edition
MkP 72.23
तस्याः प्रतिक्रियां प्रीत्या मम शक्नोति चेद्भवान् । वाग्विघातप्रशान्त्यर्थं ततः किं न कृतं मम
tasyāḥ pratikriyāṃ prītyā mama śaknoti cedbhavān / vāgvighātapraśāntyarthaṃ tataḥ kiṃ na kṛtaṃ mama
"If out of affection you can bring about a remedy for her, to allay the blocking of her speech, then what has not been done for me?"
AI translation rendered from the Sanskrit, not a published edition
MkP 72.24
ततः स राजा तं विप्रमाहास्मिन् कीदृशी क्रिया । तन्मूकतापनोदाय स च तं प्राह पार्थिवम्
tataḥ sa rājā taṃ vipramāhāsmin kīdṛśī kriyā / tanmūkatāpanodāya sa ca taṃ prāha pārthivam
Then that king said to the brahmin, "What rite is there in this matter to dispel her dumbness?" And he replied to the king:
AI translation rendered from the Sanskrit, not a published edition
MkP 72.25
ब्राह्मण उवाच भूप ! सारस्वतीमिष्टिं करोमि वचनात्तव । पत्नी तवेयमानृण्यं यातु तद्वाक्प्रवर्तनात्
brāhmaṇa uvāca bhūpa ! sārasvatīmiṣṭiṃ karomi vacanāttava / patnī taveyamānṛṇyaṃ yātu tadvākpravartanāt
The brahmin said: O king, at your word I shall perform the Sārasvata sacrifice; let this wife of yours be freed of her debt by (the girl's) speech being set going.
AI translation rendered from the Sanskrit, not a published edition
MkP 72.26
इष्टिं सारस्वतीं चक्रे तदर्थं स द्विजोत्तमः । सारस्वतानि सूक्तानि जजाप च समाहितः
iṣṭiṃ sārasvatīṃ cakre tadarthaṃ sa dvijottamaḥ / sārasvatāni sūktāni jajāpa ca samāhitaḥ
For that purpose that best of the twice-born performed the Sārasvata sacrifice, and with concentrated mind he recited the hymns to Sarasvatī.
AI translation rendered from the Sanskrit, not a published edition
MkP 72.27
ततः प्रवृत्तवाक्यान्तां गर्गः प्राह रसातले । उपकारः सखीभर्त्रा कृतो ऽयमतिदुष्करः
tataḥ pravṛttavākyāntāṃ gargaḥ prāha rasātale / upakāraḥ sakhībhartrā kṛto 'yamatiduṣkaraḥ
Then, in Rasātala, Garga said to her whose speech had begun (again): "This exceedingly difficult service has been rendered by your friend's husband."
AI translation rendered from the Sanskrit, not a published edition — the model flagged this verse as uncertain
MkP 72.28
इत्थं ज्ञानं समासाद्य नन्दा शीघ्रगतिः पुरम् । ततो राज्ञीं परिष्वज्य स्वसखीमुरगात्मजा
itthaṃ jñānaṃ samāsādya nandā śīghragatiḥ puram / tato rājñīṃ pariṣvajya svasakhīmuragātmajā
Having thus obtained the knowledge, Nandā, swift of movement, (went) to the city; then the serpent's daughter embraced the queen, her own friend.
AI translation rendered from the Sanskrit, not a published edition
MkP 72.29
तञ्च संस्तूय भूपालं कल्याणोक्त्या पुनः पुनः । उवाच मधुरं नागी कृतासनपरिग्रहा
tañca saṃstūya bhūpālaṃ kalyāṇoktyā punaḥ punaḥ / uvāca madhuraṃ nāgī kṛtāsanaparigrahā
And having praised that king again and again with auspicious words, the nāga woman, after accepting a seat, spoke sweetly:
AI translation rendered from the Sanskrit, not a published edition
MkP 72.30
उपकारः कृतो वीर ! भवता यो ममाधुना । तेनास्म्याकृष्टहृदया यद्ब्रवीमि शृणुष्व तत्
upakāraḥ kṛto vīra ! bhavatā yo mamādhunā / tenāsmyākṛṣṭahṛdayā yadbravīmi śṛṇuṣva tat
"The service that has now been done for me by you, O hero — by it my heart is drawn (to you); hear what I say."
AI translation rendered from the Sanskrit, not a published edition
MkP 72.31
तव पुत्रो महावीर्यो भविष्यति नराधिप । तस्माप्रतिहतं चक्रमस्यां भुवि भविष्यति
tava putro mahāvīryo bhaviṣyati narādhipa / tasmāpratihataṃ cakramasyāṃ bhuvi bhaviṣyati
Your son will be of great might, O lord of men, and his sovereign wheel will be unobstructed upon this earth.
AI translation rendered from the Sanskrit, not a published edition
MkP 72.32
सर्वार्थशास्त्रतत्त्वज्ञो धर्मानुष्ठानतत्परः । मन्वन्तरेश्वरो धीमान् ! भविष्यति स वै मनुः
sarvārthaśāstratattvajño dharmānuṣṭhānatatparaḥ / manvantareśvaro dhīmān ! bhaviṣyati sa vai manuḥ
Knowing the truth of all the sciences of the (four) aims, devoted to the practice of dharma, wise, a lord of a Manu-period—he indeed will be a Manu.
AI translation rendered from the Sanskrit, not a published edition
MkP 72.33
इति दत्वा वरं तस्मै नागराजसुता ततः । सखीं तां संपरिष्वज्य पातालमगमन्मुने
iti datvā varaṃ tasmai nāgarājasutā tataḥ / sakhīṃ tāṃ saṃpariṣvajya pātālamagamanmune
Having thus granted him the boon, the daughter of the Nāga king then embraced her friend and went to Pātāla, O sage.
AI translation rendered from the Sanskrit, not a published edition
MkP 72.34
तत्र तस्य तया सार्धं रमतः पृथिवीपतेः । जगाम कालः सुमहान् प्रजाः पालयतस्तथा
tatra tasya tayā sārdhaṃ ramataḥ pṛthivīpateḥ / jagāma kālaḥ sumahān prajāḥ pālayatastathā
There, as that lord of the earth took pleasure with her and likewise protected his subjects, a very long time passed.
AI translation rendered from the Sanskrit, not a published edition
MkP 72.35
ततः स तस्यान्तनयो जज्ञे राज्ञो महात्मनः । पौर्णमास्यां यथा कान्तश्चन्द्रः संपूर्णमण्डलः
tataḥ sa tasyāntanayo jajñe rājño mahātmanaḥ / paurṇamāsyāṃ yathā kāntaścandraḥ saṃpūrṇamaṇḍalaḥ
Then a son was born to that great-souled king, lovely as the moon with its full orb on the night of the full moon.
AI translation rendered from the Sanskrit, not a published edition
MkP 72.36
तस्मिन् जाते मुदं प्रापुः प्रजाः सर्वा महात्मनि । देवदुन्दुभयो नेदुः पुष्पवृष्टिः पपात च
tasmin jāte mudaṃ prāpuḥ prajāḥ sarvā mahātmani / devadundubhayo neduḥ puṣpavṛṣṭiḥ papāta ca
When that great-souled one was born, all the subjects felt joy; the drums of the gods sounded and a rain of flowers fell.
AI translation rendered from the Sanskrit, not a published edition
MkP 72.37
तस्य दृष्ट्वा वपुः कान्तं भविष्यं शीलमेव च । औत्तमश्चेति मुनयो नाम चक्रुः समागताः
tasya dṛṣṭvā vapuḥ kāntaṃ bhaviṣyaṃ śīlameva ca / auttamaśceti munayo nāma cakruḥ samāgatāḥ
Seeing his lovely form and also his future character, the sages who had assembled made his name "Auttama."
AI translation rendered from the Sanskrit, not a published edition
MkP 72.38
जातो ऽयमुत्तमे वंशे तत्र काले तथोत्तमे । उत्तमावयवस्तेन औत्तमो ऽयं भविष्यति
jāto 'yamuttame vaṃśe tatra kāle tathottame / uttamāvayavastena auttamo 'yaṃ bhaviṣyati
"He is born in an excellent (uttama) lineage, and at that time too an excellent one; his limbs are excellent—therefore he will be Auttama."
AI translation rendered from the Sanskrit, not a published edition
MkP 72.39
उत्तमस्य सुतः सो ऽथ नाम्ना ख्यातस्तथौत्तमः । मनुरासीत्तत्प्रभावो भागुरे श्रूयतां मम
uttamasya sutaḥ so 'tha nāmnā khyātastathauttamaḥ / manurāsīttatprabhāvo bhāgure śrūyatāṃ mama
He then was the son of Uttama, renowned by the name Auttama accordingly; he became a Manu—hear from me of his power, O Bhāguri.
AI translation rendered from the Sanskrit, not a published edition
MkP 72.40
उत्तमाख्यानमखिलं जन्म चैवोत्तमस्य च । नित्यं शृणोति विद्वेषं स कदाचिन्न गच्छति
uttamākhyānamakhilaṃ janma caivottamasya ca / nityaṃ śṛṇoti vidveṣaṃ sa kadācinna gacchati
Whoever constantly hears the whole story of Uttama and the birth of Uttama, he never comes to enmity.
AI translation rendered from the Sanskrit, not a published edition
MkP 72.41
इष्टैर्दारैस्तथा पुत्रैर्बन्धुभिर्वा कदाचन । वियोगो नास्य भविता शृण्वतः पठतो ऽपि वा
iṣṭairdāraistathā putrairbandhubhirvā kadācana / viyogo nāsya bhavitā śṛṇvataḥ paṭhato 'pi vā
For one who hears or even recites it, there will never be separation from beloved wives, from sons, or from kinsmen.
AI translation rendered from the Sanskrit, not a published edition
MkP 72.42
तस्य मन्वन्तरं ब्रह्मन् ! वदतो मे निशामय । श्रूयतां तत्र यश्चेन्द्रो ये च देवास्तथर्षयः
tasya manvantaraṃ brahman ! vadato me niśāmaya / śrūyatāṃ tatra yaścendro ye ca devāstatharṣayaḥ
Listen, O brahmin, as I tell of his Manu-period; let it be heard who was Indra therein, and which the gods and the seers.
AI translation rendered from the Sanskrit, not a published edition