Markandeya Purana — Chapter 45
MkP 45.1
सम्यगेतन्ममाख्यातं भवदिभर्द्विजसत्तमाः । प्रवृत्तं च निवृत्तं च द्विविधं कर्म वैदिकम्
samyagetanmamākhyātaṃ bhavadibhardvijasattamāḥ / pravṛttaṃ ca nivṛttaṃ ca dvividhaṃ karma vaidikam
This has been well explained to me by you, O best of the twice-born: the twofold Vedic action, both the active (pravṛtta) and the withdrawn (nivṛtta).
AI translation rendered from the Sanskrit, not a published edition
MkP 45.2
अहो पितृप्रसादेन भवतां ज्ञानमीदृशम् । येन तिर्यक्त्वमप्येतत् प्राप्य मोहस्तिरस्कृतः
aho pitṛprasādena bhavatāṃ jñānamīdṛśam / yena tiryaktvamapyetat prāpya mohastiraskṛtaḥ
Ah, by the grace of the (departed) fathers such is your knowledge, by which, though you have attained this state of animals, delusion has been thrust aside.
AI translation rendered from the Sanskrit, not a published edition
MkP 45.3
धन्या भवन्तः संसिद्ध्यै प्रागवस्थास्थितं यतः । भवतां विषयोद्भूतैर्न मोहैश्चाल्यते मनः
dhanyā bhavantaḥ saṃsiddhyai prāgavasthāsthitaṃ yataḥ / bhavatāṃ viṣayodbhūtairna mohaiścālyate manaḥ
Blessed are you, since (you stand) in the prior state for full perfection, for your minds are not shaken by the delusions arising from the objects of sense.
AI translation rendered from the Sanskrit, not a published edition
MkP 45.4
दिष्ट्या भगवता तेन मार्कण्डेयेन धीमता । भवन्तो वै समाख्याताः सर्वसन्देहहृत्तमाः
diṣṭyā bhagavatā tena mārkaṇḍeyena dhīmatā / bhavanto vai samākhyātāḥ sarvasandehahṛttamāḥ
By good fortune you were named to me by that wise and venerable Mārkaṇḍeya as the best removers of all doubt.
AI translation rendered from the Sanskrit, not a published edition
MkP 45.5
संसारे ऽस्मिन् मनुष्याणां भ्रमतामतिसङ्कटे । भवद्विधैः समं सङ्गो जायते नातपस्विनाम्
saṃsāre 'smin manuṣyāṇāṃ bhramatāmatisaṅkaṭe / bhavadvidhaiḥ samaṃ saṅgo jāyate nātapasvinām
In this exceedingly perilous round of rebirth, for men who wander (in it), association with those like you does not come about, save for those who practise austerity.
AI translation rendered from the Sanskrit, not a published edition
MkP 45.6
यद्यहं सङ्गमासाद्य भवदिभर्ज्ञानदृष्टिभिः । न स्यां कृतार्थस्तन्नूनं न मे ऽन्यत्र कृतार्थता
yadyahaṃ saṅgamāsādya bhavadibharjñānadṛṣṭibhiḥ / na syāṃ kṛtārthastannūnaṃ na me 'nyatra kṛtārthatā
If, having gained association with you who have the vision of knowledge, I should not become one whose purpose is accomplished, then surely there is no accomplishment of my purpose anywhere else.
AI translation rendered from the Sanskrit, not a published edition
MkP 45.7
प्रवृते च निवृत्ते च भवतां ज्ञानकर्मणि । मतिमस्तमलां मन्ये यथा नान्यस्य कस्यचित्
pravṛte ca nivṛtte ca bhavatāṃ jñānakarmaṇi / matimastamalāṃ manye yathā nānyasya kasyacit
In the matter of knowledge and action, both active and withdrawn, I consider your understanding to be free of taint, such as no one else's is.
AI translation rendered from the Sanskrit, not a published edition
MkP 45.8
यदि त्वनुग्रहवती मयी बुद्धिर्द्विजोत्तमाः । भवतां तत्समाख्यातुमर्हतेदमशेषतः
yadi tvanugrahavatī mayī buddhirdvijottamāḥ / bhavatāṃ tatsamākhyātumarhatedamaśeṣataḥ
But if your mind is favourably disposed towards me, O best of the twice-born, then you ought to explain this to me completely.
AI translation rendered from the Sanskrit, not a published edition
MkP 45.9
कथमेतत्समुद्भूतं जगत् स्थावरजङ्गमम् । कथञ्च प्रलयङ्काले पुनर्यास्यति सत्तमाः
kathametatsamudbhūtaṃ jagat sthāvarajaṅgamam / kathañca pralayaṅkāle punaryāsyati sattamāḥ
How did this world, with its moving and unmoving (beings), come into being, and how, at the time of dissolution, will it go (to its end) again, O best of beings?
AI translation rendered from the Sanskrit, not a published edition
MkP 45.10
कथञ्च वंशाः देवर्षि-पितृभूतादिसम्भवाः । मन्वन्तराणि च कथं वंशानुचरितञ्च यत्
kathañca vaṃśāḥ devarṣi-pitṛbhūtādisambhavāḥ / manvantarāṇi ca kathaṃ vaṃśānucaritañca yat
And how (arose) the lineages originating from the gods, the seers, the fathers, the elemental beings and the rest; and how the manvantaras, and what the deeds of the lineages are;
AI translation rendered from the Sanskrit, not a published edition
MkP 45.11
यावत्यः सृष्टयश्चैव यावन्तः प्रलयास्तथा । यथा कल्पविभागश्च या च मन्वन्तरस्थितिः
yāvatyaḥ sṛṣṭayaścaiva yāvantaḥ pralayāstathā / yathā kalpavibhāgaśca yā ca manvantarasthitiḥ
how many creations there are, and likewise how many dissolutions, and how the division of the kalpas (is made), and what the duration of a manvantara is;
AI translation rendered from the Sanskrit, not a published edition
MkP 45.12
यथा च क्षितिसंस्थानं यत् प्रमाणञ्च वै भुवः । यथास्थिति समुद्राद्रि-निम्नगाः काननानि च
yathā ca kṣitisaṃsthānaṃ yat pramāṇañca vai bhuvaḥ / yathāsthiti samudrādri-nimnagāḥ kānanāni ca
and how the earth is constituted, and what the measure of the earth is, and how the oceans, mountains, rivers and forests are situated;
AI translation rendered from the Sanskrit, not a published edition
MkP 45.13
भूर्लोकादिस्वर्लोकानां गणः पातालसंश्रयः । गतिस्तथार्कसोमादि-ग्रहर्क्षज्योतिषामपि
bhūrlokādisvarlokānāṃ gaṇaḥ pātālasaṃśrayaḥ / gatistathārkasomādi-graharkṣajyotiṣāmapi
the array of the worlds from Bhūrloka up to Svarloka, and (the array) resting on the netherworlds; and likewise the courses of the sun, moon and the rest — the planets, the lunar mansions and the luminaries.
AI translation rendered from the Sanskrit, not a published edition
MkP 45.14
श्रोतुमिच्छाम्यहं सर्वमेतदाहूतसंप्लवम् । उपसंहृते च यच्छेषं जगत्यस्मिन् भविष्यति
śrotumicchāmyahaṃ sarvametadāhūtasaṃplavam / upasaṃhṛte ca yaccheṣaṃ jagatyasmin bhaviṣyati
All this I wish to hear, together with the (great) flood that is summoned; and what will remain in this world when it has been withdrawn.
AI translation rendered from the Sanskrit, not a published edition — the model flagged this verse as uncertain
MkP 45.15
प्रश्नभारो ऽयमतुलो यस्त्वया मुनिसत्तम । पृष्टस्तं ते प्रवक्ष्यामस्तत् शृणुष्वेह जैमिने
praśnabhāro 'yamatulo yastvayā munisattama / pṛṣṭastaṃ te pravakṣyāmastat śṛṇuṣveha jaimine
This is an incomparable weight of questions which has been asked by you, O best of sages; that I shall declare to you — hear it here, Jaimini.
AI translation rendered from the Sanskrit, not a published edition
MkP 45.16
मार्कण्डेयेन कथितं पुरा क्रौष्टुकये यथा । द्विजपुत्राय शान्ताय व्रतस्त्राताय धीमते
mārkaṇḍeyena kathitaṃ purā krauṣṭukaye yathā / dvijaputrāya śāntāya vratastrātāya dhīmate
as it was formerly told by Mārkaṇḍeya to Krauṣṭukī, the son of a brahman, tranquil, wise, and protected by his vows,
AI translation rendered from the Sanskrit, not a published edition
MkP 45.17
मार्कण्डेयं महात्मानमुपासीनं द्विजोत्तमैः । क्रौष्टुकिः परिपप्रच्छ यदेतत् पृष्टवान् प्रभो
mārkaṇḍeyaṃ mahātmānamupāsīnaṃ dvijottamaiḥ / krauṣṭukiḥ paripapraccha yadetat pṛṣṭavān prabho
Krauṣṭukī questioned the great-souled Mārkaṇḍeya, who was seated attended by the best of the twice-born, (asking) just what you have asked, lord.
AI translation rendered from the Sanskrit, not a published edition
MkP 45.18
तस्य चाकथयत् प्रीत्या यन्मुनिर्भृगुनन्दनः । तत्ते प्रकथयिष्यामः शृणु त्वं द्विजसत्तम
tasya cākathayat prītyā yanmunirbhṛgunandanaḥ / tatte prakathayiṣyāmaḥ śṛṇu tvaṃ dvijasattama
And what the sage, the son of Bhṛgu, told him out of affection, that we shall relate to you: listen, O best of the twice-born.
AI translation rendered from the Sanskrit, not a published edition
MkP 45.19
प्रणिपत्य जगन्नाथं पद्मयोनिं पितामहम् । जगद्योनिं स्थितं सृष्टौ स्थितौ विष्णुस्वरूपिणम् । प्रलये चान्तकर्तारं रौद्रं रुद्रस्वरूपिणम्
praṇipatya jagannāthaṃ padmayoniṃ pitāmaham / jagadyoniṃ sthitaṃ sṛṣṭau sthitau viṣṇusvarūpiṇam / pralaye cāntakartāraṃ raudraṃ rudrasvarūpiṇam
Having bowed to the lord of the world, the grandfather born from the lotus, the womb of the world, who stands in creation, who in (the phase of) maintenance has the form of Viṣṇu, and who in dissolution is the maker of the end, terrible, having the form of Rudra —
AI translation rendered from the Sanskrit, not a published edition
MkP 45.20
उत्पन्नमात्रस्य पुरा ब्रह्मणो ऽव्यक्तजन्मनः । पुराणमेतद्वेदाश्च मुखेभ्यो ऽनुविनिः सृताः
utpannamātrasya purā brahmaṇo 'vyaktajanmanaḥ / purāṇametadvedāśca mukhebhyo 'nuviniḥ sṛtāḥ
Formerly, from Brahmā, whose birth is from the unmanifest, as soon as he had come into being, this Purāṇa and the Vedas issued forth from his mouths.
AI translation rendered from the Sanskrit, not a published edition
MkP 45.21
पुराणसंहिताश्चक्रुर्बहुलाः परमर्षयः । वेदानां प्रविभागश्च कृतस्तैस्तु सहस्रशः
purāṇasaṃhitāścakrurbahulāḥ paramarṣayaḥ / vedānāṃ pravibhāgaśca kṛtastaistu sahasraśaḥ
The supreme seers composed abundant Purāṇa-collections, and by them the division of the Vedas was made a thousandfold.
AI translation rendered from the Sanskrit, not a published edition
MkP 45.22
धर्मज्ञानञ्च वैराग्यमैश्वर्यञ्च महात्मनः । तस्योपदेशेन विना न हि सिद्धं चतुष्टयम्
dharmajñānañca vairāgyamaiśvaryañca mahātmanaḥ / tasyopadeśena vinā na hi siddhaṃ catuṣṭayam
Dharma, knowledge, dispassion and lordship — these four of the great-souled one are not attained without his instruction.
AI translation rendered from the Sanskrit, not a published edition
MkP 45.23
वेदान् सप्तर्षयस्तस्माज्जगृहुस्तस्य मानसाः । पुराणं जगृहुश्चाद्या मुनयस्तस्य मानसाः
vedān saptarṣayastasmājjagṛhustasya mānasāḥ / purāṇaṃ jagṛhuścādyā munayastasya mānasāḥ
From him the seven seers, his mind-born (sons), received the Vedas; and the first sages, his mind-born (sons), received the Purāṇa.
AI translation rendered from the Sanskrit, not a published edition
MkP 45.24
भृगोः सकाशाच्च्यवनस्तेनोक्तञ्च द्विजन्मनाम् । ऋषिभिश्चापि दक्षाय प्रोक्तमेतन्महात्मभिः
bhṛgoḥ sakāśāccyavanastenoktañca dvijanmanām / ṛṣibhiścāpi dakṣāya proktametanmahātmabhiḥ
Cyavana (received it) from Bhṛgu's presence, and by him it was told to the twice-born; and by those great-souled seers this was declared to Dakṣa.
AI translation rendered from the Sanskrit, not a published edition
MkP 45.25
दक्षेण चापि कथितमिदमासीत्तदा मम । तत्तुभ्यं कथयाम्यद्य कलिकल्मषनाशनम्
dakṣeṇa cāpi kathitamidamāsīttadā mama / tattubhyaṃ kathayāmyadya kalikalmaṣanāśanam
And by Dakṣa too this was then told to me; that I now tell to you — (this Purāṇa) which destroys the taint of the Kali age.
AI translation rendered from the Sanskrit, not a published edition
MkP 45.26
सर्वमेतन्महाभग ! श्रूयतां मे समाधिना । यथाश्रुतं मया पूर्वं दक्षस्य गदतो मुने
sarvametanmahābhaga ! śrūyatāṃ me samādhinā / yathāśrutaṃ mayā pūrvaṃ dakṣasya gadato mune
Let all this be heard from me with concentration, O greatly fortunate one, as it was formerly heard by me from Dakṣa as he spoke, O sage.
AI translation rendered from the Sanskrit, not a published edition
MkP 45.27
प्रणिपत्य जगद्योनिमजमव्ययमाश्रयम् । चराचरस्य जगतोधातारं परमं पदम्
praṇipatya jagadyonimajamavyayamāśrayam / carācarasya jagatodhātāraṃ paramaṃ padam
Having bowed to the womb of the world, unborn, unchanging, the support, the ordainer of the moving and unmoving world, the supreme abode,
AI translation rendered from the Sanskrit, not a published edition
MkP 45.28
ब्रह्माणमादिपुरुषमुत्पत्ति-स्थिति-संयमे । यत्कारणमनौपम्यं यत्र सर्वं प्रतिष्ठितम्
brahmāṇamādipuruṣamutpatti-sthiti-saṃyame / yatkāraṇamanaupamyaṃ yatra sarvaṃ pratiṣṭhitam
(and) to Brahmā, the primal Person, in origination, maintenance and dissolution — who is the cause, beyond comparison, in whom all is established:
AI translation rendered from the Sanskrit, not a published edition
MkP 45.29
तस्मै हिरण्यगर्भाय लोकतन्त्राय धीमते । प्रणम्य सम्यग्वक्ष्यामि भूतवर्गमनुत्तमम्
tasmai hiraṇyagarbhāya lokatantrāya dhīmate / praṇamya samyagvakṣyāmi bhūtavargamanuttamam
having bowed to that Hiraṇyagarbha, the wise (ruler), the ordering principle of the worlds, I shall duly declare the unsurpassed array of beings —
AI translation rendered from the Sanskrit, not a published edition
MkP 45.30
महदाद्यं विशेषान्तं सवैरुप्यं सलक्षणम् । प्रमाणैः पञ्चभिर्गम्यं स्त्रोतोभिः षड्भिरन्वितम्
mahadādyaṃ viśeṣāntaṃ savairupyaṃ salakṣaṇam / pramāṇaiḥ pañcabhirgamyaṃ strotobhiḥ ṣaḍbhiranvitam
beginning with mahat and ending with the particulars, together with its diversity and its marks, approachable by the five means of knowledge, joined with the six streams,
AI translation rendered from the Sanskrit, not a published edition — the model flagged this verse as uncertain
MkP 45.31
पुरुषाधिष्ठितं नित्यमनित्यमिव च स्थितम् । तच्छ्रूयतां महाभाग ! परमेण समाधिना
puruṣādhiṣṭhitaṃ nityamanityamiva ca sthitam / tacchrūyatāṃ mahābhāga ! parameṇa samādhinā
presided over by the Person, eternal yet standing as though non-eternal — let that be heard, O greatly fortunate one, with the utmost concentration.
AI translation rendered from the Sanskrit, not a published edition
MkP 45.32
प्रधानं कारणं यत्तदव्यक्ताख्यं महर्षयः । यदाहुः प्रकृतिं सूक्ष्मां नित्यां सदसदात्मिकाम्
pradhānaṃ kāraṇaṃ yattadavyaktākhyaṃ maharṣayaḥ / yadāhuḥ prakṛtiṃ sūkṣmāṃ nityāṃ sadasadātmikām
That cause which is the pradhāna, named the unmanifest, which the great seers call the subtle prakṛti, eternal, having the nature of both the existent and the non-existent,
AI translation rendered from the Sanskrit, not a published edition
MkP 45.33
ध्रुवमक्षय्यमजरममेयं नान्यसंश्रयम् । गन्धरूपरसैर्हेनं शब्दस्पर्शविवर्जितम्
dhruvamakṣayyamajaramameyaṃ nānyasaṃśrayam / gandharūparasairhenaṃ śabdasparśavivarjitam
fixed, indestructible, unaging, immeasurable, dependent on nothing else, devoid of smell, form and taste, free of sound and touch,
AI translation rendered from the Sanskrit, not a published edition
MkP 45.34
अनाद्यन्तं जगद्योनि त्रिगुणप्रभवाप्ययम् । असाम्प्रतमविज्ञेयं ब्रह्माग्रे समवर्तत
anādyantaṃ jagadyoni triguṇaprabhavāpyayam / asāmpratamavijñeyaṃ brahmāgre samavartata
without beginning or end, the womb of the world, the arising and passing away of the three qualities, not present (to perception), unknowable — Brahman existed in the beginning.
AI translation rendered from the Sanskrit, not a published edition — the model flagged this verse as uncertain
MkP 45.35
प्रलयस्यानु तेनेदं व्याप्तमासीदशेषतः । गुणसाम्यात्ततस्तस्मात् क्षेत्रज्ञाधिष्ठितान्मुने
pralayasyānu tenedaṃ vyāptamāsīdaśeṣataḥ / guṇasāmyāttatastasmāt kṣetrajñādhiṣṭhitānmune
After the dissolution, this (all) was pervaded by it without remainder; then from that, by reason of the equilibrium of the qualities, (and) it being presided over by the knower of the field, O sage,
AI translation rendered from the Sanskrit, not a published edition
MkP 45.36
गुणभावात् सृज्यमानात् सर्गकाले ततः पुनः । प्रधानं तत्त्वमुद्भूतं महान्तं तत् समावृणोत्
guṇabhāvāt sṛjyamānāt sargakāle tataḥ punaḥ / pradhānaṃ tattvamudbhūtaṃ mahāntaṃ tat samāvṛṇot
again at the time of creation, from the pradhāna, the qualities being brought into being, the principle mahat arose; and that (unmanifest) enveloped the mahat.
AI translation rendered from the Sanskrit, not a published edition — the model flagged this verse as uncertain
MkP 45.37
यथा बीजं त्वचा तद्वदव्यक्तेनावृतो महान् । सात्त्विको राजसश्चैव तामसश्च त्रिधोदितः
yathā bījaṃ tvacā tadvadavyaktenāvṛto mahān / sāttviko rājasaścaiva tāmasaśca tridhoditaḥ
As a seed is covered by its husk, so mahat is covered by the unmanifest; it arose in three ways: as sāttvika, as rājasa, and as tāmasa.
AI translation rendered from the Sanskrit, not a published edition
MkP 45.38
ततस्तस्मादहङ्कारस्त्रिविधो वै व्यजायत । वैकारिकस्तैजसश्च भूतादिश्च सतामसः
tatastasmādahaṅkārastrividho vai vyajāyata / vaikārikastaijasaśca bhūtādiśca satāmasaḥ
Then from that, ego-sense was born, threefold indeed: the vaikārika, the taijasa, and the tāmasa, the origin of the elements.
AI translation rendered from the Sanskrit, not a published edition
MkP 45.39
महता चावृतः सो ऽपि यथाव्यरक्तेन वै महान् । भूतादिस्तु विकुर्वाणः शब्दतन्मात्रकन्ततः
mahatā cāvṛtaḥ so 'pi yathāvyaraktena vai mahān / bhūtādistu vikurvāṇaḥ śabdatanmātrakantataḥ
And that too was covered by mahat, just as mahat was by the unmanifest; then the origin of the elements, undergoing transformation, (produced) the subtle element sound.
AI translation rendered from the Sanskrit, not a published edition
MkP 45.40
ससर्ज शब्दतन्मात्रादाकाशं शब्दलक्षणम् । आकाशं शब्दमात्रन्तु भूतादिश्चावृणोत्ततः
sasarja śabdatanmātrādākāśaṃ śabdalakṣaṇam / ākāśaṃ śabdamātrantu bhūtādiścāvṛṇottataḥ
From the subtle element of sound (he) created ether, whose defining mark is sound; and then the origin of the elements enveloped the ether, which is nothing but sound.
AI translation rendered from the Sanskrit, not a published edition
MkP 45.41
स्पर्शतन्मात्रमेवेह जायते नात्र संशयः । बलवान् जायते वायुस्तस्य स्पर्शगुणो मतः
sparśatanmātrameveha jāyate nātra saṃśayaḥ / balavān jāyate vāyustasya sparśaguṇo mataḥ
Just here the subtle element of touch is born — of this there is no doubt; and from it arises the mighty wind, whose quality is held to be touch.
AI translation rendered from the Sanskrit, not a published edition
MkP 45.42
वायुश्चापि विकुर्वाणो रुपमात्रं ससर्ज ह । ज्योतिरुत्पद्यते वायोस्तद्रूपगुणमुच्यते
vāyuścāpi vikurvāṇo rupamātraṃ sasarja ha / jyotirutpadyate vāyostadrūpaguṇamucyate
And the wind, undergoing modification, brought forth the subtle element of form; from the wind light arises, and its quality is said to be form.
AI translation rendered from the Sanskrit, not a published edition
MkP 45.43
स्पर्शमात्रस्तु वै वायूरूपमात्रं समावृणोत् । ज्योतिश्चापि विकुर्वाणं रसमात्रं ससर्ज ह
sparśamātrastu vai vāyūrūpamātraṃ samāvṛṇot / jyotiścāpi vikurvāṇaṃ rasamātraṃ sasarja ha
But the wind, which is mere touch, enveloped the (element of) mere form; and light too, undergoing modification, brought forth the subtle element of taste.
AI translation rendered from the Sanskrit, not a published edition
MkP 45.44
सम्भवन्ति ततो ह्यापश्चासन् वै ता रसात्मिकाः । रसमात्रन्तु ताह्यापो रूपमात्रं समावृणोत्
sambhavanti tato hyāpaścāsan vai tā rasātmikāḥ / rasamātrantu tāhyāpo rūpamātraṃ samāvṛṇot
Thereupon the waters come into being, and they were of the nature of taste; and those waters, which are mere taste, enveloped the (element of) mere form.
AI translation rendered from the Sanskrit, not a published edition
MkP 45.45
आपश्चापि विकुर्वत्यो गन्धमात्रं ससर्जिरे । सङ्घातो जायते तस्मात्तस्य गन्धो गुणो मतः
āpaścāpi vikurvatyo gandhamātraṃ sasarjire / saṅghāto jāyate tasmāttasya gandho guṇo mataḥ
And the waters, undergoing modification, brought forth the subtle element of smell; from that arises the aggregate (solid mass), whose quality is held to be smell.
AI translation rendered from the Sanskrit, not a published edition
MkP 45.46
तस्मिंस्तस्मिंस्तु तन्मात्रं तेन तन्मात्रता स्मृता । अविशेषवाचकत्वादविशेषास्ततश्च ते
tasmiṃstasmiṃstu tanmātraṃ tena tanmātratā smṛtā / aviśeṣavācakatvādaviśeṣāstataśca te
In each of these there is just that much (tanmātra), and for that reason their being 'tanmātras' is taught; and because they express nothing particular, they are therefore called the non-particularized ones.
AI translation rendered from the Sanskrit, not a published edition
MkP 45.47
न शान्ता नापि घोरास्ते न मूढाश्चाविशेषतः । भूततन्मात्रसर्गो ऽयमहङ्कारात्तु तामसात्
na śāntā nāpi ghorāste na mūḍhāścāviśeṣataḥ / bhūtatanmātrasargo 'yamahaṅkārāttu tāmasāt
They are neither tranquil nor terrible nor dull, since they are without particularity. This is the creation of the elements and subtle elements, from the dark (tāmasa) I-principle.
AI translation rendered from the Sanskrit, not a published edition
MkP 45.48
वैकारिकादहङ्कारात् सत्त्वोद्रिक्तात्तु सात्त्विकात् । वैकारिकः स सर्गस्तु युगपत् सम्प्रवर्तते
vaikārikādahaṅkārāt sattvodriktāttu sāttvikāt / vaikārikaḥ sa sargastu yugapat sampravartate
From the modificatory I-principle, which is sāttvika through the preponderance of sattva, that modificatory creation proceeds simultaneously.
AI translation rendered from the Sanskrit, not a published edition
MkP 45.49
बुद्धीन्द्रियाणि पञ्चैव पञ्च कर्मेन्द्रियाणि च । तैजसानीन्द्रियाण्याहुर्देवा वैकारिका दश
buddhīndriyāṇi pañcaiva pañca karmendriyāṇi ca / taijasānīndriyāṇyāhurdevā vaikārikā daśa
The five organs of knowledge and the five organs of action — these organs they call taijasa (born of the fiery principle); the ten deities are modificatory.
AI translation rendered from the Sanskrit, not a published edition
MkP 45.50
एकादशं मनस्तत्र देवा वैकारिकाः स्मृताः । श्रोतं त्वक्चक्षुषी जिह्वा नासिका चैव पञ्चमी
ekādaśaṃ manastatra devā vaikārikāḥ smṛtāḥ / śrotaṃ tvakcakṣuṣī jihvā nāsikā caiva pañcamī
The eleventh among them is mind; the deities are remembered as modificatory. Ear, skin, the two eyes, tongue, and the nose as the fifth —
AI translation rendered from the Sanskrit, not a published edition
MkP 45.51
शब्दादीनामवाप्त्यर्थं बुद्धियुक्तानि वक्ष्यते । पादौ पायुरुपस्थश्च हस्तौ वाक् पञ्चमी भवेत्
śabdādīnāmavāptyarthaṃ buddhiyuktāni vakṣyate / pādau pāyurupasthaśca hastau vāk pañcamī bhavet
these are declared to be joined with intellect, for the sake of grasping sound and the rest. The two feet, the anus, the generative organ, the two hands, and speech as the fifth —
AI translation rendered from the Sanskrit, not a published edition
MkP 45.52
गतिर्विसर्गो ह्यानन्दः शिल्पं वाक्यञ्च कर्म तत् । आकाशं शब्दमात्रन्तु स्पर्शमात्रं समाविशत्
gatirvisargo hyānandaḥ śilpaṃ vākyañca karma tat / ākāśaṃ śabdamātrantu sparśamātraṃ samāviśat
movement, excretion, pleasure, craftwork and speech: that is their action. But the ether, which is mere sound, entered into the (element of) mere touch.
AI translation rendered from the Sanskrit, not a published edition
MkP 45.53
द्विगुणो जायते वायुस्तस्य स्पर्शो गुणो मतः । रूपन्तथैवाविशतः शब्दस्पर्शगुणावुभौ
dviguṇo jāyate vāyustasya sparśo guṇo mataḥ / rūpantathaivāviśataḥ śabdasparśaguṇāvubhau
The wind arises possessing two qualities, and touch is held to be its (own) quality. In the same way both, having sound and touch as their qualities, entered into form.
AI translation rendered from the Sanskrit, not a published edition
MkP 45.54
द्विगुणस्तु ततश्चाग्निः स शब्दस्पर्शरूपवान् । शब्दः स्पर्शश्च रूपञ्च रसमात्रं समाविशत्
dviguṇastu tataścāgniḥ sa śabdasparśarūpavān / śabdaḥ sparśaśca rūpañca rasamātraṃ samāviśat
Then fire has two qualities in addition, possessing sound, touch and form; and sound, touch and form entered into the (element of) mere taste.
AI translation rendered from the Sanskrit, not a published edition
MkP 45.55
तस्माच्चतुर्गुणा ह्यापो विज्ञेयास्ता रसात्मिकाः । शब्दः स्पर्शश्च रूपञ्च रसो गन्धं समाविशत्
tasmāccaturguṇā hyāpo vijñeyāstā rasātmikāḥ / śabdaḥ sparśaśca rūpañca raso gandhaṃ samāviśat
Therefore the waters are to be known as having four qualities, being of the nature of taste; and sound, touch, form and taste entered into smell.
AI translation rendered from the Sanskrit, not a published edition
MkP 45.56
संहता गन्धमात्रेण आवृण्वंस्ते महीमिमाम् । तस्मात् पञ्चगुणा भूमिः स्थूला भूतेषु दृश्यते
saṃhatā gandhamātreṇa āvṛṇvaṃste mahīmimām / tasmāt pañcaguṇā bhūmiḥ sthūlā bhūteṣu dṛśyate
Combined with the (element of) mere smell, they enveloped this earth; therefore earth, having five qualities, is seen to be the gross one among the elements.
AI translation rendered from the Sanskrit, not a published edition
MkP 45.57
शान्ता घोराश्च मूढाश्च विशेषास्तेन ते स्मृताः । परस्परानुप्रवेशाद्धारयन्ति परस्परम्
śāntā ghorāśca mūḍhāśca viśeṣāstena te smṛtāḥ / parasparānupraveśāddhārayanti parasparam
Tranquil, terrible and dull — for that reason they are called the particularized ones; by mutually entering one another they support one another.
AI translation rendered from the Sanskrit, not a published edition
MkP 45.58
भूमेरन्तस्त्विदं सर्वं लोकालोकं घनावृतम् । विशेषाश्चेन्द्रियग्राह्या नियतत्वाच्च ते स्मृताः
bhūmerantastvidaṃ sarvaṃ lokālokaṃ ghanāvṛtam / viśeṣāścendriyagrāhyā niyatatvācca te smṛtāḥ
All this, the world and the world-less region, is within the earth, enveloped by (that) dense mass. And the particularized ones are graspable by the senses, and they are so called because they are fixed (in their nature).
AI translation rendered from the Sanskrit, not a published edition — the model flagged this verse as uncertain
MkP 45.59
गुणं पूर्वस्य पूर्वस्य प्राप्नुवन्त्युत्तरोत्तरम् । नानावीर्याः पृथग्भूताः सप्तैते संहतिं विना
guṇaṃ pūrvasya pūrvasya prāpnuvantyuttarottaram / nānāvīryāḥ pṛthagbhūtāḥ saptaite saṃhatiṃ vinā
Each succeeding one acquires the quality of the one preceding it. These seven, of diverse potencies, being separate, without combination,
AI translation rendered from the Sanskrit, not a published edition
MkP 45.60
नाशक्नुवन् प्रजाः स्त्रष्टुमसमागम्य कृत्स्नशः । समेत्यान्योन्यसंयोगमन्योन्याश्रयिणश्च ते
nāśaknuvan prajāḥ straṣṭumasamāgamya kṛtsnaśaḥ / sametyānyonyasaṃyogamanyonyāśrayiṇaśca te
Not having come together, they were unable to create the creatures completely; but having met, entering into mutual conjunction and depending on one another,
AI translation rendered from the Sanskrit, not a published edition
MkP 45.61
एकसङ्घातचिह्नाश्च संप्राप्यैक्यमशेषतः । पुरुषाधिष्ठितत्वाच्च अव्यक्तानुग्रहेण च
ekasaṅghātacihnāśca saṃprāpyaikyamaśeṣataḥ / puruṣādhiṣṭhitatvācca avyaktānugraheṇa ca
and bearing the mark of a single aggregate, having attained unity entirely, and because they were presided over by the Person, and by the grace of the Unmanifest,
AI translation rendered from the Sanskrit, not a published edition
MkP 45.62
महदाद्या विशेषान्ता ह्यण्डमुत्पादयन्ति ते । जलबुद्बुदवत्तत्र क्रमाद्वै वृद्धिमागतम्
mahadādyā viśeṣāntā hyaṇḍamutpādayanti te / jalabudbudavattatra kramādvai vṛddhimāgatam
they — beginning with the Great (mahat) and ending with the particulars — produce the Egg, which there, like a water-bubble, gradually came to growth.
AI translation rendered from the Sanskrit, not a published edition
MkP 45.63
भूतेभ्यो ऽण्डं महाबुद्धे ! वृहत्तदुदकेशयम् । प्राकृते ऽण्डे विवृद्धः सन् क्षेत्रज्ञो ब्रह्मसंज्ञितः
bhūtebhyo 'ṇḍaṃ mahābuddhe ! vṛhattadudakeśayam / prākṛte 'ṇḍe vivṛddhaḥ san kṣetrajño brahmasaṃjñitaḥ
From the elements (arose) the egg, O greatly wise one — that vast (egg) resting on the water; and, having grown within the primordial egg, the knower of the field (is) the one named Brahmā.
AI translation rendered from the Sanskrit, not a published edition
MkP 45.64
स वै शरीरी प्रथमः स वै पुरुष उच्यते । आदिकर्ता च भूतानां ब्रह्माग्रे समवर्तत
sa vai śarīrī prathamaḥ sa vai puruṣa ucyate / ādikartā ca bhūtānāṃ brahmāgre samavartata
He indeed is the first embodied one, he indeed is called the Person; and Brahmā, the first maker of beings, came into being at the beginning.
AI translation rendered from the Sanskrit, not a published edition
MkP 45.65
तेन सर्वमिदं व्याप्तं त्रैलोक्यं सचराचरम् । मेरुस्तस्यानुसम्भूतो जरायुश्चापि पर्वताः
tena sarvamidaṃ vyāptaṃ trailokyaṃ sacarācaram / merustasyānusambhūto jarāyuścāpi parvatāḥ
By him all this triple world with its moving and unmoving (beings) is pervaded; Meru arose from him, and the mountains are the outer membrane;
AI translation rendered from the Sanskrit, not a published edition
MkP 45.66
समुदा गर्भसलिलं तस्याण्डस्य महात्मनः । तस्मिन्नण्डे जगत् सर्वं सदेवासुरमानुषम्
samudā garbhasalilaṃ tasyāṇḍasya mahātmanaḥ / tasminnaṇḍe jagat sarvaṃ sadevāsuramānuṣam
the oceans are the amniotic fluid of that egg of the great-souled one; in that egg is the whole world with gods, demons and men,
AI translation rendered from the Sanskrit, not a published edition
MkP 45.67
दीपाद्यद्रिसमुद्राश्च राज्योतिर्लोकसंग्रहः । जलानिलानलाकाशैस्ततो भूतादिना बहिः
dīpādyadrisamudrāśca rājyotirlokasaṃgrahaḥ / jalānilānalākāśaistato bhūtādinā bahiḥ
and the islands, mountains and seas, and the aggregate of realms of royal light(?); then, outside, by water, wind, fire and ether, by the elements and the rest,
AI translation rendered from the Sanskrit, not a published edition — the model flagged this verse as uncertain
MkP 45.68
वृतमण्डं दशगुणैरेकेकैकत्वेन तैः पुनः । महता तत्प्रमाणेन सहैवानेन वेष्टितः
vṛtamaṇḍaṃ daśaguṇairekekaikatvena taiḥ punaḥ / mahatā tatpramāṇena sahaivānena veṣṭitaḥ
the egg is enveloped, again by those each tenfold one by one; and by that great (principle), together with this, of that same measure, it is encompassed.
AI translation rendered from the Sanskrit, not a published edition — the model flagged this verse as uncertain
MkP 45.69
महांस्तैः सहितः सर्वैरव्यक्तेन समावृतः । एभिरावरणैरण्डं सप्तभैः प्राकृतैर्वृतम्
mahāṃstaiḥ sahitaḥ sarvairavyaktena samāvṛtaḥ / ebhirāvaraṇairaṇḍaṃ saptabhaiḥ prākṛtairvṛtam
The Great one, joined with all of them, is enclosed by the Unmanifest; by these seven coverings belonging to prakṛti the egg is enveloped.
AI translation rendered from the Sanskrit, not a published edition
MkP 45.70
अन्योन्यमावृत्य च ता अष्टौ प्रकृतयः स्थिताः । एषा सा प्रकृतिर्नित्या यदन्तः पुरुषश्च सः
anyonyamāvṛtya ca tā aṣṭau prakṛtayaḥ sthitāḥ / eṣā sā prakṛtirnityā yadantaḥ puruṣaśca saḥ
And those eight primary principles stand covering one another. This is that eternal prakṛti, and he who is within (it) is the Person.
AI translation rendered from the Sanskrit, not a published edition
MkP 45.71
ब्रह्माख्यः कथितो यस्ते समासात् श्रू यतां पुनः । यथा मग्नो जले कश्चिदुन्मज्जन् जलसम्भवः
brahmākhyaḥ kathito yaste samāsāt śrū yatāṃ punaḥ / yathā magno jale kaścidunmajjan jalasambhavaḥ
He who has been declared to you as named Brahmā — hear again in brief: as someone submerged in water, rising up, being born of the water,
AI translation rendered from the Sanskrit, not a published edition — the model flagged this verse as uncertain
MkP 45.72
जलञ्च क्षिपति ब्रह्मा स तथा प्रकृतिर्विभु । अव्यक्तं क्षेत्रमुदिष्टं ब्रह्मा क्षेत्रज्ञ उच्यते
jalañca kṣipati brahmā sa tathā prakṛtirvibhu / avyaktaṃ kṣetramudiṣṭaṃ brahmā kṣetrajña ucyate
and Brahmā casts forth water — so too is prakṛti mighty. The Unmanifest is declared to be the field, Brahmā is called the knower of the field.
AI translation rendered from the Sanskrit, not a published edition — the model flagged this verse as uncertain
MkP 45.73
एतत्समस्तं जानीयात् क्षेत्रक्षेत्रज्ञलक्षणम् । इत्येष प्राकृतः सर्गः क्षेत्रज्ञाधिष्ठितस्तु सः । अबुद्धिपूर्वः प्रथमः प्रादुर्भूतस्तडिद्यथा
etatsamastaṃ jānīyāt kṣetrakṣetrajñalakṣaṇam / ityeṣa prākṛtaḥ sargaḥ kṣetrajñādhiṣṭhitastu saḥ / abuddhipūrvaḥ prathamaḥ prādurbhūtastaḍidyathā
All this one should know as the characterization of the field and the knower of the field. Thus this is the creation from prakṛti, and it is presided over by the knower of the field; not preceded by intelligence, it was the first, manifesting like lightning.
AI translation rendered from the Sanskrit, not a published edition