Markandeya Purana — Chapter 1
MkP 1.1
तपः स्वाध्यायनिरतं मार्कण्डेयं महामुनिम् । व्यासशिष्यो महातेजा जैमिनिः पर्यपृच्छत
tapaḥ svādhyāyanirataṃ mārkaṇḍeyaṃ mahāmunim / vyāsaśiṣyo mahātejā jaiminiḥ paryapṛcchata
Jaimini of great splendour, the pupil of Vyāsa, questioned the great sage Mārkaṇḍeya, who was devoted to austerity and to the recitation of the Veda.
AI translation rendered from the Sanskrit, not a published edition
MkP 1.2
भगवन् भारताख्यानं व्यासेनोक्तं महात्मना । पूर्णमस्तमलैः शुभ्रैर्नानाशास्त्रसमुच्चयैः
bhagavan bhāratākhyānaṃ vyāsenoktaṃ mahātmanā / pūrṇamastamalaiḥ śubhrairnānāśāstrasamuccayaiḥ
"Reverend sir, the narrative called the Bhārata was uttered by the great-souled Vyāsa, complete, (filled) with bright, spotless collections of the various sciences,
AI translation rendered from the Sanskrit, not a published edition
MkP 1.3
जातिशुद्धिसमायुक्तं साधुशब्दोपशोभितम् । पूर्वपक्षोक्तिसिद्धान्तपरिनिष्ठासमन्वितम्
jātiśuddhisamāyuktaṃ sādhuśabdopaśobhitam / pūrvapakṣoktisiddhāntapariniṣṭhāsamanvitam
provided with purity of class (of words), adorned with correct expressions, furnished with the full establishment of the settled conclusion after the statement of the opposing view,
AI translation rendered from the Sanskrit, not a published edition
MkP 1.4
त्रिदशानां यथा विष्णुर्द्विपदां ब्राह्मणो यथा । भूषणानाञ्च सर्वेषां यथा चूडामणिर्वरः
tridaśānāṃ yathā viṣṇurdvipadāṃ brāhmaṇo yathā / bhūṣaṇānāñca sarveṣāṃ yathā cūḍāmaṇirvaraḥ
As Viṣṇu among the thirty (gods), as the brahmin among two-footed beings, and as the crest-jewel is the best of all ornaments,
AI translation rendered from the Sanskrit, not a published edition
MkP 1.5
यथायुधानां कुलिशमिन्द्रियाणां यथा मनः । तथेह सर्वशास्त्रणां महाभारतमुत्तमम्
yathāyudhānāṃ kuliśamindriyāṇāṃ yathā manaḥ / tatheha sarvaśāstraṇāṃ mahābhāratamuttamam
as the thunderbolt among weapons, as the mind among the senses, so here the Mahābhārata is the highest of all treatises.
AI translation rendered from the Sanskrit, not a published edition
MkP 1.6
अत्रार्थश्चैव धर्मश्च कामो मोक्षश्च वर्ण्यते । परस्परानुबन्धाश्च सानुबन्धाश्च ते पृथक्
atrārthaścaiva dharmaśca kāmo mokṣaśca varṇyate / parasparānubandhāśca sānubandhāśca te pṛthak
In it are set forth wealth and duty, pleasure and liberation, both as bound up with one another and each with its own consequences separately.
AI translation rendered from the Sanskrit, not a published edition
MkP 1.7
धर्मशास्त्रमिदं श्रेष्ठमर्थशास्त्रमिदं परम् । कामशास्त्रमिदं चाग्र्यं मोक्षशास्त्रं तथोत्तमम्
dharmaśāstramidaṃ śreṣṭhamarthaśāstramidaṃ param / kāmaśāstramidaṃ cāgryaṃ mokṣaśāstraṃ tathottamam
This is the best treatise on duty, this the highest treatise on wealth, this too the foremost treatise on pleasure, and likewise the supreme treatise on liberation.
AI translation rendered from the Sanskrit, not a published edition
MkP 1.8
चतुराश्रमधर्माणामाचारस्थितिसाधनम् । प्रोक्तमेतन्महाभाग वेदव्यासेन धीमता
caturāśramadharmāṇāmācārasthitisādhanam / proktametanmahābhāga vedavyāsena dhīmatā
O greatly fortunate one, this was declared by the wise Vedavyāsa as the means for the conduct and the establishment of the duties of the four stages of life.
AI translation rendered from the Sanskrit, not a published edition
MkP 1.9
तथा तात कृतं ह्येतद् व्यासेनोदारकर्मणा । यथा व्याप्तं महाशास्त्रं विरोधैर्नाभिभूयते
tathā tāta kṛtaṃ hyetad vyāsenodārakarmaṇā / yathā vyāptaṃ mahāśāstraṃ virodhairnābhibhūyate
For it was so made, my friend, by Vyāsa of noble deeds that this great treatise, comprehensive as it is, is not overcome by contradictions.
AI translation rendered from the Sanskrit, not a published edition
MkP 1.10
व्यासवाक्यजलौघेन कुतर्कतरुहारिणा । वेदशैलावतीर्णेन नीरजस्का मही कृता
vyāsavākyajalaughena kutarkataruhāriṇā / vedaśailāvatīrṇena nīrajaskā mahī kṛtā
By the flood of the waters of Vyāsa's words, which sweeps away the trees of false reasoning and has descended from the mountain of the Veda, the earth has been made free of dust.
AI translation rendered from the Sanskrit, not a published edition
MkP 1.11
कलशब्दमहाहंसं माख्यानपराम्बुजम् । कथाविस्तीर्णसलिलं कार्ष्ण वेदमहाह्रदम्
kalaśabdamahāhaṃsaṃ mākhyānaparāmbujam / kathāvistīrṇasalilaṃ kārṣṇa vedamahāhradam
(...) the great lake that is the Veda of Kṛṣṇa (Vyāsa), whose great swans are the murmuring sounds, whose lotuses are the (many) narratives, whose water is spread wide with tales —
AI translation rendered from the Sanskrit, not a published edition — the model flagged this verse as uncertain
MkP 1.12
तदिदं भारताख्यानं बह्विर्थं श्रुतिविस्तरम् । तत्त्वतो ज्ञातुकामो ऽहं भगवंस्त्वामुपस्थितः
tadidaṃ bhāratākhyānaṃ bahvirthaṃ śrutivistaram / tattvato jñātukāmo 'haṃ bhagavaṃstvāmupasthitaḥ
This narrative of the Bhārata, then, rich in meaning and extensive as scripture — desiring to know it as it truly is, reverend sir, I have come to you.
AI translation rendered from the Sanskrit, not a published edition
MkP 1.13
कस्मान्मानुषतां प्राप्तो निर्गुणो ऽपि जनार्दनः । वासुदेवो जगत्सूति-स्थिति-संयमकारणम्
kasmānmānuṣatāṃ prāpto nirguṇo 'pi janārdanaḥ / vāsudevo jagatsūti-sthiti-saṃyamakāraṇam
Why did Janārdana, though free of the qualities, attain human condition — Vāsudeva, who is the cause of the world's generation, maintenance and restraint?
AI translation rendered from the Sanskrit, not a published edition
MkP 1.14
कस्माच्च पाण्डुपुत्त्राणामेका सा द्रुपदात्मजा । पञ्चानां महीषी कृष्णा ह्यत्र नः संशयो महान्
kasmācca pāṇḍuputtrāṇāmekā sā drupadātmajā / pañcānāṃ mahīṣī kṛṣṇā hyatra naḥ saṃśayo mahān
And why was Kṛṣṇā, that single daughter of Drupada, the queen of five, the sons of Pāṇḍu? On this we have great doubt.
AI translation rendered from the Sanskrit, not a published edition
MkP 1.16
भेषजं ब्रह्महत्याया बलदेवो महाबलः । तीर्थयात्राप्रसङ्गेन कस्माच्चक्रे हलायुधः ॥ मर्क्प्_१।१५ ॥ कथञ्च द्रौपदेयास्ते ऽकृतदारा महारथाः । पाण्डुनाथा महात्मानो वधमापुरनाथवत्
bheṣajaṃ brahmahatyāyā baladevo mahābalaḥ / tīrthayātrāprasaṅgena kasmāccakre halāyudhaḥ // markp_1.15 // kathañca draupadeyāste 'kṛtadārā mahārathāḥ / pāṇḍunāthā mahātmāno vadhamāpuranāthavat
Why did the mighty Baladeva, the plough-armed, in the course of his pilgrimage to the sacred fords, provide the remedy for the slaying of a brahmin? [1.15] And how did those sons of Draupadī, great chariot-warriors, great-souled and having the Pāṇḍavas as their protectors, meet death as though they had no protector, without having taken wives?
AI translation rendered from the Sanskrit, not a published edition
MkP 1.17
एतत्सर्वं विस्तरशो ममाख्यातुमिहार्हसि । भवन्तो मूढबुद्धीनामवबोधकराः सदा
etatsarvaṃ vistaraśo mamākhyātumihārhasi / bhavanto mūḍhabuddhīnāmavabodhakarāḥ sadā
All this you ought here to relate to me in full; you (sages) are always the awakeners of those of dull understanding.
AI translation rendered from the Sanskrit, not a published edition
MkP 1.18
इति तस्य वचः श्रुत्वा मार्कण्डेयो माहमुनिः । दशाष्टदोषरहितो वक्तुं समुपचक्रमे
iti tasya vacaḥ śrutvā mārkaṇḍeyo māhamuniḥ / daśāṣṭadoṣarahito vaktuṃ samupacakrame
Having heard his words, the great sage Mārkaṇḍeya, free of the eighteen faults, began to speak.
AI translation rendered from the Sanskrit, not a published edition
MkP 1.19
क्रियाकालो ऽयमस्माकं समप्राप्तो मुनिसत्तम । विस्तरे चापि वक्तव्ये नैष कालः प्रशस्यते
kriyākālo 'yamasmākaṃ samaprāpto munisattama / vistare cāpi vaktavye naiṣa kālaḥ praśasyate
"This, best of sages, is the time that has come for our ritual duties; and this is not a time to be commended for speaking at length."
AI translation rendered from the Sanskrit, not a published edition
MkP 1.20
ये तु वक्ष्यन्ति वक्ष्ये ऽद्य तानहं जैमिने तव । तथा च नष्टसन्देहं त्वां करिष्यन्ति पक्षिणः
ye tu vakṣyanti vakṣye 'dya tānahaṃ jaimine tava / tathā ca naṣṭasandehaṃ tvāṃ kariṣyanti pakṣiṇaḥ
"But I will tell you today, Jaimini, of those who will tell you: birds will make you free of doubt."
AI translation rendered from the Sanskrit, not a published edition
MkP 1.22
पिङ्गाक्षश्च विबोधश्च सुपुत्त्रः सुमुखस्तथा । द्रोणपुत्राः खगश्रेष्ठास्तत्त्वज्ञाः शास्त्रचिन्तकाः ॥ मर्क्प्_१।२१ ॥ वेदशास्त्रार्थविज्ञाने येषामव्याहता मतिः । विन्ध्यकन्दरमध्यस्थास्तानुपास्य च पृच्छ च
piṅgākṣaśca vibodhaśca suputtraḥ sumukhastathā / droṇaputrāḥ khagaśreṣṭhāstattvajñāḥ śāstracintakāḥ // markp_1.21 // vedaśāstrārthavijñāne yeṣāmavyāhatā matiḥ / vindhyakandaramadhyasthāstānupāsya ca pṛccha ca
"Piṅgākṣa, Vibodha, Suputra and Sumukha, the sons of Droṇa, best of birds, knowers of truth, ponderers of the treatises, whose understanding is unhindered in the discernment of the meaning of the Vedas and the treatises — they dwell in the midst of a cave in the Vindhya; wait upon them and ask."
AI translation rendered from the Sanskrit, not a published edition
MkP 1.23
एवमुक्तस्तदा तेन मार्कण्डेयेन धीमता । प्रत्युवाचर्षिशार्दूलो विस्मयोत्फुल्ललोचनः
evamuktastadā tena mārkaṇḍeyena dhīmatā / pratyuvācarṣiśārdūlo vismayotphullalocanaḥ
Addressed thus then by the wise Mārkaṇḍeya, that tiger among sages replied, his eyes wide open with astonishment.
AI translation rendered from the Sanskrit, not a published edition
MkP 1.24
अत्यद्भुतमिदं ब्रह्मन् खगवागिव मानुषी । यत् पक्षिणस्ते विज्ञानमापुरत्यन्तदुर्लभम्
atyadbhutamidaṃ brahman khagavāgiva mānuṣī / yat pakṣiṇaste vijñānamāpuratyantadurlabham
"This is most wonderful, brahman — that a bird's speech should be like a human's, and that birds have attained that knowledge of yours which is exceedingly hard to get."
AI translation rendered from the Sanskrit, not a published edition
MkP 1.25
तिर्यग्योन्यां यदि भवस्तेषां ज्ञानं कुतो ऽभवत् । कथञ्च द्रोणतनयाः प्रोच्यन्ते ते पतत्रिणः
tiryagyonyāṃ yadi bhavasteṣāṃ jñānaṃ kuto 'bhavat / kathañca droṇatanayāḥ procyante te patatriṇaḥ
"If they exist in an animal birth, from where did their knowledge come? And how are those birds called the sons of Droṇa?"
AI translation rendered from the Sanskrit, not a published edition
MkP 1.26
कश्च द्रोणः प्रविख्यातो यस्य पुत्रचतुष्टयम् । जातं गुणवतां तेषां धर्मज्ञानं महात्मनाम्
kaśca droṇaḥ pravikhyāto yasya putracatuṣṭayam / jātaṃ guṇavatāṃ teṣāṃ dharmajñānaṃ mahātmanām
"And who is that renowned Droṇa, whose four sons were born, those virtuous great-souled ones possessing knowledge of dharma?"
AI translation rendered from the Sanskrit, not a published edition
MkP 1.27
शृणुष्वावहितो भूत्वा यद्वृत्तं नन्दने पुरा । शक्रस्याप्यसरसां चैव नारदस्य च सङ्गमे
śṛṇuṣvāvahito bhūtvā yadvṛttaṃ nandane purā / śakrasyāpyasarasāṃ caiva nāradasya ca saṅgame
"Listen attentively to what happened long ago in the Nandana grove, at the meeting of Śakra and the apsarases and Nārada."
AI translation rendered from the Sanskrit, not a published edition
MkP 1.28
नारदो नन्दने ऽपश्यत् पुंश्चलीगणमध्यगम् । शक्रं सुराधिराजानं तन्मुखासक्तलोचनम्
nārado nandane 'paśyat puṃścalīgaṇamadhyagam / śakraṃ surādhirājānaṃ tanmukhāsaktalocanam
Nārada saw in the Nandana grove Śakra, the overlord of the gods, seated in the midst of a troop of wantons, his eyes fixed on their faces.
AI translation rendered from the Sanskrit, not a published edition
MkP 1.29
स तेनर्षिवरिष्ठेन दृष्टमात्रः शचीपतिः । समुत्तस्थौ स्वकं चास्मै ददावासनमादरात्
sa tenarṣivariṣṭhena dṛṣṭamātraḥ śacīpatiḥ / samuttasthau svakaṃ cāsmai dadāvāsanamādarāt
That husband of Śacī, the moment he was seen by that best of sages, rose up and respectfully gave him his own seat.
AI translation rendered from the Sanskrit, not a published edition
MkP 1.30
तं दृष्ट्वा बलवृत्रघ्नमुत्थितं त्रिदशाङ्गनाः । प्रणेमुस्ताश्च देवर्षि विनयावनताः स्थिताः
taṃ dṛṣṭvā balavṛtraghnamutthitaṃ tridaśāṅganāḥ / praṇemustāśca devarṣi vinayāvanatāḥ sthitāḥ
Seeing him, the slayer of Bala and Vṛtra, risen, the women of the thirty gods bowed down, and they stood bent low in deference to the divine sage.
AI translation rendered from the Sanskrit, not a published edition
MkP 1.31
ताभिरभ्यर्चितः सो ऽथ उपविष्टे शतक्रतौ । यथार्हं कृतसम्भाषः कथाश्चक्रे मनोरमाः
tābhirabhyarcitaḥ so 'tha upaviṣṭe śatakratau / yathārhaṃ kṛtasambhāṣaḥ kathāścakre manoramāḥ
Then, honoured by them, once the god of a hundred rites was seated, he exchanged such words as were fitting and made pleasing conversation.
AI translation rendered from the Sanskrit, not a published edition
MkP 1.32
ततः कथान्तरे शक्रस्तमुवाच महामुनिम् । देह्याज्ञां नृत्यतामासां तव याभिमतेति वै
tataḥ kathāntare śakrastamuvāca mahāmunim / dehyājñāṃ nṛtyatāmāsāṃ tava yābhimateti vai
Then, in the course of the conversation, Śakra said to that great sage: "Give the order for whichever of these women you prefer to dance."
AI translation rendered from the Sanskrit, not a published edition
MkP 1.33
रम्भा वा कर्कशा वाथ उर्वश्यथ तिलोत्तमा । घृताची मेनका वापि यत्र वा भवतो रुचिः
rambhā vā karkaśā vātha urvaśyatha tilottamā / ghṛtācī menakā vāpi yatra vā bhavato ruciḥ
"Rambhā, or Karkaśā, or Urvaśī, or Tilottamā, or Ghṛtācī, or Menakā — whichever is your pleasure."
AI translation rendered from the Sanskrit, not a published edition
MkP 1.34
एतच्छ्रुत्वा द्विजश्रेष्ठो वचो शक्रस्य नारदः । विचिन्त्याप्सरसः प्राह विनयावनताः स्थिताः
etacchrutvā dvijaśreṣṭho vaco śakrasya nāradaḥ / vicintyāpsarasaḥ prāha vinayāvanatāḥ sthitāḥ
Hearing this speech of Śakra's, Nārada, best of the twice-born, reflected and spoke to the apsarases, who stood bent low in deference:
AI translation rendered from the Sanskrit, not a published edition
MkP 1.35
युष्माकमिह सर्वासां रूपौदार्यगुणाधिकम् । आत्मानं मन्यते या तु सा नृत्यतु ममाग्रतः
yuṣmākamiha sarvāsāṃ rūpaudāryaguṇādhikam / ātmānaṃ manyate yā tu sā nṛtyatu mamāgrataḥ
"Whichever among all of you here considers herself superior in beauty, nobility and merits — let her dance before me."
AI translation rendered from the Sanskrit, not a published edition
MkP 1.36
गुणरूपविहीनायाः सिद्धिर्नाट्यस्य नास्ति वै । चार्वधिष्ठानवन्नृत्यं नृत्यमन्यद्विडम्बनम्
guṇarūpavihīnāyāḥ siddhirnāṭyasya nāsti vai / cārvadhiṣṭhānavannṛtyaṃ nṛtyamanyadviḍambanam
"For one lacking merit and beauty there is no success in dramatic performance; dance has a lovely basis — other dance is mere mockery."
AI translation rendered from the Sanskrit, not a published edition — the model flagged this verse as uncertain
MkP 1.37
तद्वाक्यसमकालं च एकैकास्ता नतास्ततः । अहं गुणाधिका न त्वं न त्वं चान्याब्रवीदिदम्
tadvākyasamakālaṃ ca ekaikāstā natāstataḥ / ahaṃ guṇādhikā na tvaṃ na tvaṃ cānyābravīdidam
And at the very moment of that speech, each one of them, bowing, said this: "I am superior in merits, not you, and not you" — so said each of the others.
AI translation rendered from the Sanskrit, not a published edition
MkP 1.38
तासां संभ्रममालोक्य भगवान् पाकशासनः । पृच्छ्यतां मुनिरित्याह वक्ता यां वो गुणाधिकाम्
tāsāṃ saṃbhramamālokya bhagavān pākaśāsanaḥ / pṛcchyatāṃ munirityāha vaktā yāṃ vo guṇādhikām
Seeing their agitation, the lord, the chastiser of Pāka, said: "Let the sage be asked — he will say which of you is superior in merits."
AI translation rendered from the Sanskrit, not a published edition
MkP 1.39
शक्रच्छन्दानुयाताभिः पृष्टस्ताभिः सनारदः । प्रोवाच यत् तदा वाक्यं जैमिने तन्निबोध मे
śakracchandānuyātābhiḥ pṛṣṭastābhiḥ sanāradaḥ / provāca yat tadā vākyaṃ jaimine tannibodha me
Asked by them, who fell in with Śakra's wish, Nārada spoke words then: hear them from me, Jaimini.
AI translation rendered from the Sanskrit, not a published edition
MkP 1.40
तपस्यन्तं नगेन्द्रस्थं या वः क्षोभयते बलात् । दुर्वाससं मुनिश्रेष्ठं तां वो मन्ये गुणाधिकाम्
tapasyantaṃ nagendrasthaṃ yā vaḥ kṣobhayate balāt / durvāsasaṃ muniśreṣṭhaṃ tāṃ vo manye guṇādhikām
"Whichever of you can by force agitate Durvāsas, best of sages, practising austerity on the lord of mountains — her I deem the most excellent among you in quality."
AI translation rendered from the Sanskrit, not a published edition
MkP 1.41
तस्य तद्वचनं श्रुत्वा सर्वा वेपतकन्धराः । अशक्यमेतदस्माकमिति ताश्चक्रिरे कथाः
tasya tadvacanaṃ śrutvā sarvā vepatakandharāḥ / aśakyametadasmākamiti tāścakrire kathāḥ
Hearing that speech of his, all of them, their necks trembling, made this talk: "This is beyond our power."
AI translation rendered from the Sanskrit, not a published edition
MkP 1.42
तत्राप्सरा वपुर्नाम मुनिक्षोभणगर्विता । प्रत्युवाचाद्य यास्यामि यत्रासौ संस्थितो मुनिः
tatrāpsarā vapurnāma munikṣobhaṇagarvitā / pratyuvācādya yāsyāmi yatrāsau saṃsthito muniḥ
Thereupon an apsaras named Vapus, proud of (her power of) agitating sages, replied: "This very day I shall go where that sage abides.
AI translation rendered from the Sanskrit, not a published edition
MkP 1.43
अद्य तं देहयन्तारं प्रयुक्तेन्द्रियवाजिनम् । स्मरशस्त्रगलद्रश्मिं करिष्यामि कुसारथिम्
adya taṃ dehayantāraṃ prayuktendriyavājinam / smaraśastragaladraśmiṃ kariṣyāmi kusārathim
This day I shall make him, the driver of the body(-chariot), whose harnessed horses are the senses, a poor charioteer, the reins slipping (from his hands) at the weapon of Love.
AI translation rendered from the Sanskrit, not a published edition
MkP 1.44
ब्रह्मा जनार्दनो वापि यदि वा नीललोहितः । तमप्यद्य करिष्यामि कामबाणक्षतान्तरम्
brahmā janārdano vāpi yadi vā nīlalohitaḥ / tamapyadya kariṣyāmi kāmabāṇakṣatāntaram
Be it Brahmā, or Janārdana, or the blue-and-red one (Śiva) — him too I shall this day make one whose insides are wounded by Kāma's arrow."
AI translation rendered from the Sanskrit, not a published edition
MkP 1.45
इत्युक्त्वा प्रजगामाथ प्रालेयाद्रिं वपुस्तदा । मुनेस्तपः प्रभावेण प्रशान्तश्वापदाश्रमम्
ityuktvā prajagāmātha prāleyādriṃ vapustadā / munestapaḥ prabhāveṇa praśāntaśvāpadāśramam
Having said this, Vapus then went to the snow-mountain, to the hermitage where the beasts of prey had been made peaceful by the power of the sage's austerity.
AI translation rendered from the Sanskrit, not a published edition
MkP 1.46
स पुंस्कोकिलमाधुर्या यत्रास्ते स महामुनिः । क्रोशमात्रं स्थिता तस्मादगायत वराप्सराः
sa puṃskokilamādhuryā yatrāste sa mahāmuniḥ / krośamātraṃ sthitā tasmādagāyata varāpsarāḥ
Standing but a krośa away from where that great sage was, that excellent apsaras sang with the sweetness of a male cuckoo.
AI translation rendered from the Sanskrit, not a published edition
MkP 1.47
तद्गीतध्वनिमाकर्ण्य मुनिर्विस्मितमानसः । जगाम तत्र यत्रास्ते सा बाला रुचिरानना
tadgītadhvanimākarṇya munirvismitamānasaḥ / jagāma tatra yatrāste sā bālā rucirānanā
Hearing the sound of that song, the sage, his mind amazed, went there where that maiden of lovely face was.
AI translation rendered from the Sanskrit, not a published edition
MkP 1.50
तां दृष्ट्वा चारुसर्वाङ्गीं मुनिः संस्तभ्य मानसम् । क्षोभणायागतां ज्ञात्वा कोपामर्षसन्वितः ॥ मर्क्प्_१।४८ ॥ उवाचेदं ततो वाक्यं महर्षिस्तां महातपाः ॥ मर्क्प्_१।४९ ॥ यस्माद्दुः खार्जितस्येह तपसो विध्नकारणात् । आगतासि मदोन्मत्ते मम दुः खाय खेचरि
tāṃ dṛṣṭvā cārusarvāṅgīṃ muniḥ saṃstabhya mānasam / kṣobhaṇāyāgatāṃ jñātvā kopāmarṣasanvitaḥ // markp_1.48 // uvācedaṃ tato vākyaṃ maharṣistāṃ mahātapāḥ // markp_1.49 // yasmādduḥ khārjitasyeha tapaso vidhnakāraṇāt / āgatāsi madonmatte mama duḥ khāya khecari
Seeing her, fair in every limb, the sage steadied his mind, and knowing that she had come to agitate him, filled with anger and indignation (48), the great seer of great austerity then spoke this speech to her (49): "Since you have come here to obstruct the austerity I have painfully amassed, for my pain, O you maddened with passion, O sky-goer —
AI translation rendered from the Sanskrit, not a published edition
MkP 1.51
तस्मात् सुपर्णगोत्रे त्वं मत्क्रोधकलुषीकृता । जन्म प्राप्स्यसि दुष्प्रज्ञे यावद्वर्षाणि षोडश
tasmāt suparṇagotre tvaṃ matkrodhakaluṣīkṛtā / janma prāpsyasi duṣprajñe yāvadvarṣāṇi ṣoḍaśa
therefore, defiled by my anger, you shall obtain birth in the lineage of Suparṇa (Garuḍa), O foolish one, for sixteen years.
AI translation rendered from the Sanskrit, not a published edition
MkP 1.52
निजरूपं परित्यज्य पक्षिणीरूपधारिणी । चत्वारस्ते च तनया जनिष्यन्ते ऽधमाप्सराः
nijarūpaṃ parityajya pakṣiṇīrūpadhāriṇī / catvāraste ca tanayā janiṣyante 'dhamāpsarāḥ
Abandoning your own form, bearing the form of a hen-bird, four sons shall be born to you, O basest of apsarases.
AI translation rendered from the Sanskrit, not a published edition
MkP 1.53
अप्राप्य तेषु च प्रीतिं शस्त्रपूता पुनर्दिवि । वासमाप्स्यसि वक्तव्यं नोत्तरं ते कथञ्चन
aprāpya teṣu ca prītiṃ śastrapūtā punardivi / vāsamāpsyasi vaktavyaṃ nottaraṃ te kathañcana
And not obtaining affection in them, purified by a weapon, you shall again gain your dwelling in heaven; no reply whatever is to be spoken by you."
AI translation rendered from the Sanskrit, not a published edition
MkP 1.54
इति वचनमसह्यं कोपसंरक्तदृष्टिश् चलकलबलयां तां मानिनीं श्रावयित्वा । तरलतरतरङ्गां गां परित्यज्य विप्रः प्रथितगुणगणौघां संप्रयाताः खगङ्गाम्
iti vacanamasahyaṃ kopasaṃraktadṛṣṭiś calakalabalayāṃ tāṃ māninīṃ śrāvayitvā / taralatarataraṅgāṃ gāṃ parityajya vipraḥ prathitaguṇagaṇaughāṃ saṃprayātāḥ khagaṅgām
Having made that proud woman, whose bracelets moved with a tinkling, hear this unbearable speech, his eyes red with rage, the brahmin left the earth with its very quivering waves and set out for the heavenly Gaṅgā with its renowned flood of hosts of virtues.
AI translation rendered from the Sanskrit, not a published edition — the model flagged this verse as uncertain