Markandeya Purana (chapters 94–134) — Chapter 95
MkP 95.1
मालिनीपरिणयवर्णनम् मार्कण्डेय उवाच ततस्तस्मान्नदीमध्यात्समुत्तस्थौ मनोरमा । प्रम्लोचा नाम तन्वङ्गी तत्समीपे वराप्सराः
mālinīpariṇayavarṇanam mārkaṇḍeya uvāca tatastasmānnadīmadhyātsamuttasthau manoramā | pramlocā nāma tanvaṅgī tatsamīpe varāpsarāḥ
Description of Mālinī's marriage. Mārkaṇḍeya said: Then out of the middle of that river there rose up near him a delightful, slender-limbed excellent apsaras named Pramlocā.
AI translation rendered from the Sanskrit, not a published edition
MkP 95.2
सा चोवाच महात्मानं रुचिं सुमधुराक्षरम् । प्रश्रयावनता सुभूः प्रम्लोचा वै वराप्सराः
sā covāca mahātmānaṃ ruciṃ sumadhurākṣaram | praśrayāvanatā subhūḥ pramlocā vai varāpsarāḥ
And she, the fair-browed Pramlocā, that excellent apsaras, bowed low in deference, spoke to the great-souled Ruci in very sweet syllables:
AI translation rendered from the Sanskrit, not a published edition
MkP 95.3
अतीव रूपिणी कन्या मत्सुता तपतां वर । जाता वरुणपुत्रेण पुष्करेण महात्मना
atīva rūpiṇī kanyā matsutā tapatāṃ vara | jātā varuṇaputreṇa puṣkareṇa mahātmanā
"O best of ascetics, I have a daughter of surpassing beauty, born of Varuṇa's son, the great-souled Puṣkara.
AI translation rendered from the Sanskrit, not a published edition
MkP 95.4
तां गृहाण मया दत्तां भार्यार्थे वरवर्णिनीम् । मनुर्महामतिस्तस्यां समुत्पस्यति ते सुतः
tāṃ gṛhāṇa mayā dattāṃ bhāryārthe varavarṇinīm | manurmahāmatistasyāṃ samutpasyati te sutaḥ
Take her, of lovely complexion, given by me, to be your wife; a Manu of great wisdom will be born of her as your son."
AI translation rendered from the Sanskrit, not a published edition
MkP 95.5
मार्कण्डेय उवाच तथेति तेन साऽप्युक्ता तस्मात्तोयाद्वपुष्मतीम् । उज्जहार ततः कन्यां मालिनी नाम नामतः
mārkaṇḍeya uvāca tatheti tena sā'pyuktā tasmāttoyādvapuṣmatīm | ujjahāra tataḥ kanyāṃ mālinī nāma nāmataḥ
Mārkaṇḍeya said: She, being answered by him with "So be it," then drew up out of that water the shapely maiden, Mālinī by name.
AI translation rendered from the Sanskrit, not a published edition
MkP 95.6
नद्याश्च पुलिने तस्मिन्स रुचिर्मुनिसत्तमः । जग्राह पाणिं विधिवत्समानाय्य महामुनीन्
nadyāśca puline tasminsa rucirmunisattamaḥ | jagrāha pāṇiṃ vidhivatsamānāyya mahāmunīn
And on the bank of that river, Ruci, the best of sages, having assembled the great sages, took her hand according to the rules.
AI translation rendered from the Sanskrit, not a published edition
MkP 95.7
तस्यां तस्य सुतो जज्ञे महावीर्यो महामतिः । रौच्योऽभवत्पितुर्नाम्ना ख्यातोऽत्र वसुधातले
tasyāṃ tasya suto jajñe mahāvīryo mahāmatiḥ | raucyo'bhavatpiturnāmnā khyāto'tra vasudhātale
Of her his son was born, of great vigour and great wisdom; he became known here on the surface of the earth as Raucya, by his father's name.
AI translation rendered from the Sanskrit, not a published edition
MkP 95.8
तस्य मन्वन्तरे देवास्तथा सप्तर्षयश्च ये । तनयाश्च नृपाश्चैव ते सम्यक्कथितास्तव
tasya manvantare devāstathā saptarṣayaśca ye | tanayāśca nṛpāścaiva te samyakkathitāstava
The gods in his manvantara, and the seven seers who were there, and his sons and the kings — these have been properly related to you.
AI translation rendered from the Sanskrit, not a published edition
MkP 95.9
धर्मवृद्धिस्तथारोग्यं धनधान्यसुतोद्भवः । नृणां भवत्यसन्दिग्धमस्मिन्मन्वन्तरे श्रुते
dharmavṛddhistathārogyaṃ dhanadhānyasutodbhavaḥ | nṛṇāṃ bhavatyasandigdhamasminmanvantare śrute
Increase of merit, and health, and the arising of wealth, grain and sons come to men, without doubt, when this manvantara has been heard.
AI translation rendered from the Sanskrit, not a published edition
MkP 95.95
पितृस्तवं तथा श्रुत्वा पितॄणां च तथा गणान् । सर्वान्कामानवाप्नोति तत्प्रसादान्महामुने इति श्रीमार्कण्डेयपुराणे मालिनीपरिणयो नाम पञ्चनवतितमोऽध्यायः
pitṛstavaṃ tathā śrutvā pitṝṇāṃ ca tathā gaṇān | sarvānkāmānavāpnoti tatprasādānmahāmune iti śrīmārkaṇḍeyapurāṇe mālinīpariṇayo nāma pañcanavatitamo'dhyāyaḥ
And having heard the hymn to the ancestors and likewise the hosts of ancestors, one obtains all one's desires by their favour, O great sage. Thus the ninety-fifth chapter, called "The Marriage of Mālinī," in the venerable Mārkaṇḍeya Purāṇa.
AI translation rendered from the Sanskrit, not a published edition