Mahabharata — Volume IX (Dutt edition) — Chapter 51
MBh 9 51.1
भीष्म उवाच नहुषस्तु ततः श्रुत्वा च्यवनं तं तथागतम्। वरितः प्रययौ तत्र सहामात्यपुरोहितः॥
bhīṣma uvāca nahuṣastu tataḥ śrutvā cyavanaṃ taṃ tathāgatam| varitaḥ prayayau tatra sahāmātyapurohitaḥ||
Bhishma said Hearing the strait into which Chyavana was reduced, King Nahusha speedily went there, accompanied by his ministers and priest.
— tr. M.N. Dutt (1891–96) (public domain)
MBh 9 51.2
शौचं कृत्वा यथान्यायं प्राञ्जलिः प्रयतो नृपः। आत्मानमाचचक्षे च च्यवनाय महात्मने॥
śaucaṃ kṛtvā yathānyāyaṃ prāñjaliḥ prayato nṛpaḥ| ātmānamācacakṣe ca cyavanāya mahātmane||
Having purified himself duly, the king, with joined hands and rapt attention, introduced himself to the great Chyavana.
— tr. M.N. Dutt (1891–96) (public domain)
MBh 9 51.3
अर्चयामास तं चापि तस्य राज्ञः पुरोहितः। सत्यव्रतं महात्मानं देवकल्पं विशाम्पते॥
arcayāmāsa taṃ cāpi tasya rājñaḥ purohitaḥ| satyavrataṃ mahātmānaṃ devakalpaṃ viśāmpate||
The king's priest then adored with due ceremonies that Rishi, O king, who was observant of the vow of truth and gifted with a great soul, and who resembled a god himself.
— tr. M.N. Dutt (1891–96) (public domain)
MBh 9 51.4
नहुष उवाच करवाणि प्रियं किं ते तन्मे ब्रूहि द्विजोत्तम। सर्वं कर्तास्मि भगवान् यद्यपि स्यात् सुदुष्करम्॥
nahuṣa uvāca karavāṇi priyaṃ kiṃ te tanme brūhi dvijottama| sarvaṃ kartāsmi bhagavān yadyapi syāt suduṣkaram||
Nahusha said Tell, me, O best of twiceborn ones, what act shall we do that may be pleasing to you? However difficult that deed may be, there is nothing, O holy one, that I shall not be able to do at your command.
— tr. M.N. Dutt (1891–96) (public domain)
MBh 9 51.5
च्यवन उवाच श्रमेण महता युक्ताः कैवर्ता मत्स्यजीविनः। मम मूल्यं प्रयच्छेभ्यो मत्स्यानां विक्रयैः सह॥
cyavana uvāca śrameṇa mahatā yuktāḥ kaivartā matsyajīvinaḥ| mama mūlyaṃ prayacchebhyo matsyānāṃ vikrayaiḥ saha||
Chyavana said These men who live by catching fish, have all been exhausted with fatigue. Do you pay them the price that may be fixed upon me along with value of these fish.
— tr. M.N. Dutt (1891–96) (public domain)
MBh 9 51.6
हुष उवाच सहस्रं दीयतां मूल्यं निषादेभ्यः पुरोहित। निष्क्रयार्थे भगवतो यथाऽऽह भृगुनन्दनः॥
huṣa uvāca sahasraṃ dīyatāṃ mūlyaṃ niṣādebhyaḥ purohita| niṣkrayārthe bhagavato yathā''ha bhṛgunandanaḥ||
Nahusha said Let my priest give to these Nishadas a thousand coins as price for buying this sacred one as he himself has ordered.
— tr. M.N. Dutt (1891–96) (public domain)
MBh 9 51.7
च्यवन उवाच सहस्रं नाहमर्हामि किं वा त्वं मन्यसे नृप। सदृशं दीयतां मूल्यं स्वबुद्ध्या निश्चयं कुरु॥
cyavana uvāca sahasraṃ nāhamarhāmi kiṃ vā tvaṃ manyase nṛpa| sadṛśaṃ dīyatāṃ mūlyaṃ svabuddhyā niścayaṃ kuru||
Chyavana said A thousand coins is not my price. The question depends upon your discretion. Give them a fair price, setting with your discretion. Give them a fair price, settling with your own intelligence what it should be.
— tr. M.N. Dutt (1891–96) (public domain)
MBh 9 51.8
नहुष उवाच सहस्राणां शतं विप्र निषादेभ्यः प्रदीयताम्। स्यादिदं भगवन् मूल्यं किं वान्यन्मन्यते भवान्॥
nahuṣa uvāca sahasrāṇāṃ śataṃ vipra niṣādebhyaḥ pradīyatām| syādidaṃ bhagavan mūlyaṃ kiṃ vānyanmanyate bhavān||
Nahusha said Let, О learned Brahmana, a hundred thousand coins be given to these Nishadas. Shall this be your price, O holy one, or do you think otherwise.
— tr. M.N. Dutt (1891–96) (public domain)
MBh 9 51.9
च्यवन उवाच नाहं शतसहस्रेण निमेयः पार्थिवर्षभ। दीयतां सदृशं मूल्यममात्यैः सह चिन्तय॥
cyavana uvāca nāhaṃ śatasahasreṇa nimeyaḥ pārthivarṣabha| dīyatāṃ sadṛśaṃ mūlyamamātyaiḥ saha cintaya||
Chyavana said I should not be bought with a hundred thousand coins, O best of kings! Let a proper price be given to these! Do you consult with your ministers.
— tr. M.N. Dutt (1891–96) (public domain)
MBh 9 51.10
नहुष उवाच कोटिः प्रदीयतां मूल्यं निषादेभ्यः पुरोहित। यदेतदपि नो मूल्यमतो भूयः प्रदीयताम्॥
nahuṣa uvāca koṭiḥ pradīyatāṃ mūlyaṃ niṣādebhyaḥ purohita| yadetadapi no mūlyamato bhūyaḥ pradīyatām||
Nabusha said Let my priest give to these Nishadas a crore of coins. If even this does not cover your value, let more be paid to them.
— tr. M.N. Dutt (1891–96) (public domain)
MBh 9 51.11
च्यवन उवाच राजन् नार्हाम्यहं कोटि भूयो वापि महाद्युते। सदृशं दीयतां मूल्यं ब्राह्मणैः सह चिन्तय॥
cyavana uvāca rājan nārhāmyahaṃ koṭi bhūyo vāpi mahādyute| sadṛśaṃ dīyatāṃ mūlyaṃ brāhmaṇaiḥ saha cintaya||
Chyavana said O king, I am not with a crore of coins or even more. Let that price be given to these men which would be fair or proper. Do you consult with the Brahmanas.
— tr. M.N. Dutt (1891–96) (public domain)
MBh 9 51.12
नहुष उवाच अर्धं राज्यं समग्रं वा निषादेभ्यः प्रदीयताम्। एतन्मूल्यमहं मन्ये किं वान्यन्मन्यसे द्विज॥
nahuṣa uvāca ardhaṃ rājyaṃ samagraṃ vā niṣādebhyaḥ pradīyatām| etanmūlyamahaṃ manye kiṃ vānyanmanyase dvija||
Nahusha said Let half my kingdom or even the whole be given away to these Nishadas. I think that would be your price. What, however, do you think twiceborn one?
— tr. M.N. Dutt (1891–96) (public domain)
MBh 9 51.13
च्यवन उवाच अर्धं राज्यं समग्रं च मूल्यं नार्हामि पार्थिव। सदृशं दीयतां मूल्यमृषिभिः सह चिन्त्यताम्॥
cyavana uvāca ardhaṃ rājyaṃ samagraṃ ca mūlyaṃ nārhāmi pārthiva| sadṛśaṃ dīyatāṃ mūlyamṛṣibhiḥ saha cintyatām||
Chyavana said I do not deserve to be purchased with half your kingdom or even the whole of it, O king! Let that price which is proper be given to these men. Do you consult with the Rishis!
— tr. M.N. Dutt (1891–96) (public domain)
MBh 9 51.14
भीष्म उवाच महर्षेर्वचनं श्रुत्वा नहुषो दुःखकर्शितः। स चिन्तयामास तदा सहामात्यपुरोहितः॥
bhīṣma uvāca maharṣervacanaṃ śrutvā nahuṣo duḥkhakarśitaḥ| sa cintayāmāsa tadā sahāmātyapurohitaḥ||
Bhishma continued Hearing these words of the great Rishi, Nahusha became stricken with great sorrow. With his ministers and priest he began to think on the matter.
— tr. M.N. Dutt (1891–96) (public domain)
MBh 9 51.15
तत्र त्वन्यो वनचरः कश्चिन्मूलफलाशनः। नहुषस्य समीपस्थो गविजातोऽभवन्मुनिः॥
tatra tvanyo vanacaraḥ kaścinmūlaphalāśanaḥ| nahuṣasya samīpastho gavijāto'bhavanmuniḥ||
There then came to king Nahusha an ascetic living in the forest and subsisting upon fruit and roots and born of cow.
— tr. M.N. Dutt (1891–96) (public domain)
MBh 9 51.16
स तमाभाष्य राजानमब्रवीद् द्विजसत्तमः। तोषमिपम्यहं क्षिप्रं यथा तुष्टो भविष्यति॥
sa tamābhāṣya rājānamabravīd dvijasattamaḥ| toṣamipamyahaṃ kṣipraṃ yathā tuṣṭo bhaviṣyati||
That best of twiceborn persons, addressing the king, O monarch, said these words-I shall soon satisfy you. The Rishi also will be satisfied.
— tr. M.N. Dutt (1891–96) (public domain)
MBh 9 51.17
नाहं मिथ्यावचो ब्रूयां स्वैरेष्वपि कुतोऽन्यथा। भवतो यदहं ब्रूयां तत्कार्यमविशङ्कया॥
nāhaṃ mithyāvaco brūyāṃ svaireṣvapi kuto'nyathā| bhavato yadahaṃ brūyāṃ tatkāryamaviśaṅkayā||
I shall never speak a falsehood, no, not even in jest, what then need I say of other occasions? You should unhesitatingly do what I bid you.
— tr. M.N. Dutt (1891–96) (public domain)
MBh 9 51.18
नहुष उवाच ब्रवीतु भगवान् मूल्यं महर्षेः सदृशं भृगोः। परित्रायस्व मामस्मद्विषयं च कुलं च मे॥
nahuṣa uvāca bravītu bhagavān mūlyaṃ maharṣeḥ sadṛśaṃ bhṛgoḥ| paritrāyasva māmasmadviṣayaṃ ca kulaṃ ca me||
Nahusha said Do you, O illustrious one, say what the value is of that great Rishi of Bhrigu's race. O, save me from this terrible difficulty, save my kingdom and save my family
— tr. M.N. Dutt (1891–96) (public domain)
MBh 9 51.19
हन्याद्धि भगवान् क्रुद्धस्त्रैलोक्यमपि केवलम्। किं पुनर्मां तपोहीनं बाहुवीर्यपरायणम्॥
hanyāddhi bhagavān kruddhastrailokyamapi kevalam| kiṃ punarmāṃ tapohīnaṃ bāhuvīryaparāyaṇam||
If the holy Chyavana become angry, he would destroy the three worlds; what need I say then of my poor self who is destitute of penances and who depends upon the power only of his arms.
— tr. M.N. Dutt (1891–96) (public domain)
MBh 9 51.20
अगाधाम्भसि मग्नस्य सामात्यस्य सऋत्विजः। प्लवो भव महर्षे त्वं कुरु मूल्यविनिश्चयम्॥
agādhāmbhasi magnasya sāmātyasya saṛtvijaḥ| plavo bhava maharṣe tvaṃ kuru mūlyaviniścayam||
O great Rishi, do you become the raft to us who have all fallen into a fathomless deep with all our counsellors and our priest. Do you settle what the value should be of the Rishi!
— tr. M.N. Dutt (1891–96) (public domain)
MBh 9 51.21
भीष्म उवाच गविजातः प्रतापवान्। नहुषस्य वचः श्रुत्वा उवाच हर्षयन् सर्वानमात्यान् पार्थिवं च तम्॥
bhīṣma uvāca gavijātaḥ pratāpavān| nahuṣasya vacaḥ śrutvā uvāca harṣayan sarvānamātyān pārthivaṃ ca tam||
Bhishma said Hearing these words of Nahusha, the ascetic born of a cow and gifted with great energy spoke thus, gladdening the monarch with all his counsellors:
— tr. M.N. Dutt (1891–96) (public domain)
MBh 9 51.22
अनया महाराज द्विजा वर्णेषु चोत्तमाः। गावश्च पुरुषव्याघ्र गौर्मूल्यं परिकल्प्यताम्॥
anayā mahārāja dvijā varṇeṣu cottamāḥ| gāvaśca puruṣavyāghra gaurmūlyaṃ parikalpyatām||
Brahmanas, O king, belong to the foremost of the four castes. No value, however great, can be fixed upon them. Kine also are invaluable. Therefore, O king, do you regard a cow as the value of the Rishi!
— tr. M.N. Dutt (1891–96) (public domain)
MBh 9 51.23
नहुषस्तु ततः श्रुत्वा महर्षेर्वचनं नृप। हर्षेण महता युक्तः सहामात्यपुरोहितः॥
nahuṣastu tataḥ śrutvā maharṣervacanaṃ nṛpa| harṣeṇa mahatā yuktaḥ sahāmātyapurohitaḥ||
Hearing these words of the great Rishi, Nahusha became, O king, filled with joy along with all his counsellors and priest.
— tr. M.N. Dutt (1891–96) (public domain)
MBh 9 51.24
अभिगम्य भृगोः पुत्रं च्यवनं संशितव्रतम्। इदं प्रोवाच नृपते वाचा संतर्पयन्निव॥
abhigamya bhṛgoḥ putraṃ cyavanaṃ saṃśitavratam| idaṃ provāca nṛpate vācā saṃtarpayanniva||
Proceeding then to Bhrigu's son Chyavana of rigid vows, he addressed him thus O monarch, for satisfying him to the best of his power.
— tr. M.N. Dutt (1891–96) (public domain)
MBh 9 51.25
नहुष उवाच उत्तिष्ठोत्तिष्ठ विप्रर्षे गवा क्रीतोऽसि भार्गव। एतन्मूल्यमहं मन्ये तव धर्मभृतां वर॥
nahuṣa uvāca uttiṣṭhottiṣṭha viprarṣe gavā krīto'si bhārgava| etanmūlyamahaṃ manye tava dharmabhṛtāṃ vara||
Nahusha said Rise, rise, O twiceborn Rishi, you have been purchased, O son of Bhrigu, with a cow as your price! O foremost of righteous persons, even this, I think, is your price!
— tr. M.N. Dutt (1891–96) (public domain)
MBh 9 51.26
च्यवन उवाच उत्तिष्ठाम्येष राजेन्द्र सम्यक् क्रीतोऽस्मि तेऽनघ। गोभिस्तुल्यं न पश्यामि धनं किंचिदिहाच्युत॥
cyavana uvāca uttiṣṭhāmyeṣa rājendra samyak krīto'smi te'nagha| gobhistulyaṃ na paśyāmi dhanaṃ kiṃcidihācyuta||
Chyavana said Yes, O king of kings, I do rise up. I have been properly purchased by you, O sinless ore. I do not, O you of unfading glory, see any riches that is equal to kine.
— tr. M.N. Dutt (1891–96) (public domain)
MBh 9 51.27
कीर्तनं श्रवणं दानं दर्शनं चापि पार्थिव। गवां प्रशस्यते वीर सर्वपापहरं शिवम्॥
kīrtanaṃ śravaṇaṃ dānaṃ darśanaṃ cāpi pārthiva| gavāṃ praśasyate vīra sarvapāpaharaṃ śivam||
To speak of kine, to hear others speak of then, to make gifts of kine, and to see kine, O king, are acts, that are all praised, O hero, and that are highly auspicious and purifying.
— tr. M.N. Dutt (1891–96) (public domain)
MBh 9 51.28
गावो लक्ष्म्याः सदा मूलं गोषु पाप्मा न विद्यते। अन्नमेव सदा गावो देवानां परमं हविः॥
gāvo lakṣmyāḥ sadā mūlaṃ goṣu pāpmā na vidyate| annameva sadā gāvo devānāṃ paramaṃ haviḥ||
Kine are always the root of prosperity. There is no fault in kine. Kine always give the best food, in the form of Havi, to the deities.
— tr. M.N. Dutt (1891–96) (public domain)
MBh 9 51.29
स्वाहाकारवषट्कारौ गोषु नित्यं प्रतिष्ठितौ। गावो यज्ञस्य नेत्र्यो वै तथा यज्ञस्य ता मुखम्॥
svāhākāravaṣaṭkārau goṣu nityaṃ pratiṣṭhitau| gāvo yajñasya netryo vai tathā yajñasya tā mukham||
The sacred Mantras, Svaha and Vashat, are always established upon kine. Kine are the chief conductresses of Sacrifices. They form the mouth of Sacrifice.
— tr. M.N. Dutt (1891–96) (public domain)
MBh 9 51.30
अमृतं ह्यव्ययं दिव्यं क्षरन्ति च वहन्ति च। अमृतायतनं चैताः सर्वलोकनमस्कृताः॥
amṛtaṃ hyavyayaṃ divyaṃ kṣaranti ca vahanti ca| amṛtāyatanaṃ caitāḥ sarvalokanamaskṛtāḥ||
They bear and yield excellent and strength giving ambrosia. They receive the adoration of all the worlds and are considered as the source of nectar.
— tr. M.N. Dutt (1891–96) (public domain)
MBh 9 51.31
तेजसा वपुषा चैव गावो वह्निसमा भुवि। गावो हि सुमहत् तेजः प्राणिनां च सुखप्रदाः॥
tejasā vapuṣā caiva gāvo vahnisamā bhuvi| gāvo hi sumahat tejaḥ prāṇināṃ ca sukhapradāḥ||
On Earth, kine resemble fire in energy and form. Indeed, kine represent high energy, and are conferreres of great happiness upon all creatures.
— tr. M.N. Dutt (1891–96) (public domain)
MBh 9 51.32
निविष्टं गोकुलं यत्र श्वासं मुञ्चति निर्भयम्। विराजयति तं देशं पापं चास्यापकर्षति॥
niviṣṭaṃ gokulaṃ yatra śvāsaṃ muñcati nirbhayam| virājayati taṃ deśaṃ pāpaṃ cāsyāpakarṣati||
That country where, kine placed by their owners, breathe fearlessly, shines in beauty. The sins also of that country are all removed.
— tr. M.N. Dutt (1891–96) (public domain)
MBh 9 51.33
गावः स्वर्गस्य सोपानं गावः स्वर्गेऽपि पूजिताः। गाव: कामदुहो देव्यो नान्यत् किंचित् परं स्मृतम्।।
gāvaḥ svargasya sopānaṃ gāvaḥ svarge'pi pūjitāḥ| gāva: kāmaduho devyo nānyat kiṃcit paraṃ smṛtam||
Kine form the stairs leading to Heaven. Kine are worshipped in Heaven itself. Kine are goddesses that can give everything and grant every wish. There is nothing else in the world that is so high or so superior.
— tr. M.N. Dutt (1891–96) (public domain)
MBh 9 51.34
भीष्म उवाच इत्येतद् गोषु मे प्रोक्तं माहात्म्यं भरतर्षभ। गुणैकदेशवचनं शक्यं पारायणं न तु॥
bhīṣma uvāca ityetad goṣu me proktaṃ māhātmyaṃ bharatarṣabha| guṇaikadeśavacanaṃ śakyaṃ pārāyaṇaṃ na tu||
Bhishma said This is what I say to you on the subject of the glory and superiority of kine, O chief of Bharata's race. I am competent to describe a part only of the merits of the kine. I have not the ability to exhaust the subject.
— tr. M.N. Dutt (1891–96) (public domain)
MBh 9 51.35
निषाद उवाच दर्शनं कथनं चैव सहास्माभिः कृतं मुने। सतां साप्तपदं मैत्रं प्रसादं नः कुरु प्रभो॥
niṣāda uvāca darśanaṃ kathanaṃ caiva sahāsmābhiḥ kṛtaṃ mune| satāṃ sāptapadaṃ maitraṃ prasādaṃ naḥ kuru prabho||
The Nishadas said O ascetic, you have seen us and have also spoken with us, It has been said that friendship, with the good, depends upon only seven words. Do you then, O lord, show us your favour.
— tr. M.N. Dutt (1891–96) (public domain)
MBh 9 51.36
हवींषि सर्वाणि यथा [पभुङ्क्ते हुताशनः। एवं त्वमपि धर्मात्मन् पुरुषाग्निः प्रतापवान्॥
havīṃṣi sarvāṇi yathā [pabhuṅkte hutāśanaḥ| evaṃ tvamapi dharmātman puruṣāgniḥ pratāpavān||
The blazing sacrificial fire eats all the oblations of clarified butter poured upon it. Of pious soul, and gifted with great energy, you are among men, a blazing fire in energy.
— tr. M.N. Dutt (1891–96) (public domain)
MBh 9 51.37
प्रसादयामहे विद्वन् भवन्तं प्रणता वयम्। अनुग्रहार्थमस्माकमियं गौः प्रतिगृह्यताम्॥
prasādayāmahe vidvan bhavantaṃ praṇatā vayam| anugrahārthamasmākamiyaṃ gauḥ pratigṛhyatām||
We propitiate you, O you of great learning. We surrender ourselves to you. Do you, for showing us favour, take back from us this cow.
— tr. M.N. Dutt (1891–96) (public domain)
MBh 9 51.38
च्यवन उवाच कृपणस्य च यच्चक्षुर्मुनेराशीविषस्य च। नरं समूलं दहति कक्षमग्निरिव ज्वलन्।॥
cyavana uvāca kṛpaṇasya ca yaccakṣurmunerāśīviṣasya ca| naraṃ samūlaṃ dahati kakṣamagniriva jvalan|||
Chyavana said The eye of a poor or distressed person, the eye of an ascetic, or the eye of a snake of dreadful poison, consume a man with his very roots even as a fire, that burning with the aid of the wind and consumes a stack of dry grass or straw.
— tr. M.N. Dutt (1891–96) (public domain)
MBh 9 51.39
प्रतिगृह्णामि वो धेनुं कैवर्ता मुक्तकिल्बिषाः। दिवं गच्छत वै क्षिप्रं मत्स्यैः सह जलोद्भवैः॥
pratigṛhṇāmi vo dhenuṃ kaivartā muktakilbiṣāḥ| divaṃ gacchata vai kṣipraṃ matsyaiḥ saha jalodbhavaiḥ||
I shall accept the cow that you wish to present me-You fishermen, freed from every sin, go ye to heaven forthwith, with these fishes also that you have caught with your nets.
— tr. M.N. Dutt (1891–96) (public domain)
MBh 9 51.40
भीष्म उवाच ततस्तस्य प्रभावात् ते महर्षेर्भावितात्मनः। निषादास्तेन वाक्येन सह मत्स्यैर्दिवं ययुः॥
bhīṣma uvāca tatastasya prabhāvāt te maharṣerbhāvitātmanaḥ| niṣādāstena vākyena saha matsyairdivaṃ yayuḥ||
Bhishma said After this, on account of the energy of that great Rishi of purified soul, those fishermen along with all those fish, through virtue of those words that he had uttered, went to heaven.
— tr. M.N. Dutt (1891–96) (public domain)
MBh 9 51.41
ततः स राजा नहुषो विस्मितः प्रेक्ष्य धीवरान्। आरोहमाणांस्त्रिदिवं मत्स्यांश्च भरतर्षभ॥
tataḥ sa rājā nahuṣo vismitaḥ prekṣya dhīvarān| ārohamāṇāṃstridivaṃ matsyāṃśca bharatarṣabha||
Seeing the fishermen ascending to heaven with those fishes in their company, became filled with wonder, O chief of Bharata's race.
— tr. M.N. Dutt (1891–96) (public domain)
MBh 9 51.42
ततस्तौ गविजश्चैव च्यवनश्च भृगूद्वहः। वराभ्यामनुरूपाभ्यां छन्दयामासतु पम्॥
tatastau gavijaścaiva cyavanaśca bhṛgūdvahaḥ| varābhyāmanurūpābhyāṃ chandayāmāsatu pam||
After this, the two Rishis, viz., the one born of a cow and the other who was Chyavana of Bhrigu's race, pleased king Nahusha by granting him many boons.
— tr. M.N. Dutt (1891–96) (public domain)
MBh 9 51.43
ततो राजा महावीर्यो नहुषः पृथिवीपतिः। परमित्यब्रवीत् प्रीतस्तदा भरतसत्तम॥
tato rājā mahāvīryo nahuṣaḥ pṛthivīpatiḥ| paramityabravīt prītastadā bharatasattama||
Then the highly energetic king Nahusha that lord of all the Earth, filled with joy, O best of the Bharatas, said-Sufficient.
— tr. M.N. Dutt (1891–96) (public domain)
MBh 9 51.44
ततो जग्राह धर्मे स स्थितिमिन्द्रनिभो नृपः। तथेति चोदितः प्रीतस्तावृषी प्रत्यपूजयत्॥
tato jagrāha dharme sa sthitimindranibho nṛpaḥ| tatheti coditaḥ prītastāvṛṣī pratyapūjayat||
Like a second, Indra the king of the celestials, he accepted the boon about his own steadiness in virtue. The Rishis having granted him the boon, the delighted king adored them both with great respect.
— tr. M.N. Dutt (1891–96) (public domain)
MBh 9 51.45
समाप्तदीक्षश्च्यवनस्ततोऽगच्छत् स्वमाश्रमम्। गविजश्च महातेजाः स्वमाश्रमपदं ययौ॥
samāptadīkṣaścyavanastato'gacchat svamāśramam| gavijaśca mahātejāḥ svamāśramapadaṃ yayau||
As regards Chyavana, his vow having been completed, he returned to his own hermitage. The Rishi who had taken his birth from the cow, and who was gifted with great energy, also proceeded to his own hermitage.
— tr. M.N. Dutt (1891–96) (public domain)
MBh 9 51.46
निषादाश्च दिवं जग्मुस्ते च मत्स्या जनाधिप। नहुषोऽपि वरं लब्वा प्रविवेश स्वकं पुरम्॥
niṣādāśca divaṃ jagmuste ca matsyā janādhipa| nahuṣo'pi varaṃ labvā praviveśa svakaṃ puram||
The Nishadas all ascended to heaven, as also the fishes they had caught, O king, king Nahusha too, having got those valuable boons, entered his own city.
— tr. M.N. Dutt (1891–96) (public domain)
MBh 9 51.47
एतत्ते कथितं तात यन्मां त्वं परिपृच्छसि। दर्शने यादृशः स्नेहः संवासे वा युधिष्ठिर॥ महाभाग्यं गवां चैव तथा धर्मविनिश्चयम्। किं भूयः कथ्यतां वीर किं ते हदि विवक्षितम्॥
etatte kathitaṃ tāta yanmāṃ tvaṃ paripṛcchasi| darśane yādṛśaḥ snehaḥ saṃvāse vā yudhiṣṭhira|| mahābhāgyaṃ gavāṃ caiva tathā dharmaviniścayam| kiṃ bhūyaḥ kathyatāṃ vīra kiṃ te hadi vivakṣitam||
I have thus, O son, told you everything about what you had asked me. The affection that is caught by the sight alone of others as also by the fact of living with them, O Yudhishthira, and the high blessedness of kine too, and the ascertainment of true virtue, are the subject I have described. Tell me, O hero what else is in your mind.
— tr. M.N. Dutt (1891–96) (public domain)