Mahabharata — Volume IX (Dutt edition) — Chapter 306
MBh 9 306.1
वैशम्पायन उवाच एवमुक्तः स बीभत्सुर्मातुलेन परंतप। दुर्मना दीनवदनो वसुदेवमुवाच ह॥ नाहं वृष्णिप्रवीरेण बन्धुभिश्चैव मातुल। विहीनां पुथिवीं द्रष्टुं शक्यामीह कथंचन।॥
vaiśampāyana uvāca evamuktaḥ sa bībhatsurmātulena paraṃtapa| durmanā dīnavadano vasudevamuvāca ha|| nāhaṃ vṛṣṇipravīreṇa bandhubhiścaiva mātula| vihīnāṃ puthivīṃ draṣṭuṃ śakyāmīha kathaṃcana|||
Vaishampayana said, That scorcher of enemies, viz., Bibhatsu, thus addressed by his maternal uncle, replied, with great cheerlessness of heart, to Vasudeva who was equally cheerless, saying, 'O uncle, I ma unable to look at this Earth when she is reft of that hero of Vrishni' rare and those my other kinsmen.
— tr. M.N. Dutt (1891–96) (public domain)
MBh 9 306.2
राजा च भीमसेनश्च सहदेवश्च पाण्डवः। नकुलो याज्ञसेनी च षडेकमनसो वयम्॥
rājā ca bhīmasenaśca sahadevaśca pāṇḍavaḥ| nakulo yājñasenī ca ṣaḍekamanaso vayam||
The king and Bhimasena and Sahadeva and Nakula and Yajnaseni, are of the same mind with myself in this matter.
— tr. M.N. Dutt (1891–96) (public domain)
MBh 9 306.3
राज्ञः संक्रमणे चापि कालोऽयं वर्तते ध्रुवम्। तमिमं विद्धि सम्प्राप्तं कालं कालविदां वर॥
rājñaḥ saṃkramaṇe cāpi kālo'yaṃ vartate dhruvam| tamimaṃ viddhi samprāptaṃ kālaṃ kālavidāṃ vara||
The time has come for the departure of the king also. Know this that the hour of our departure too is near. You are the foremost of those who are well conversant with the course of time.
— tr. M.N. Dutt (1891–96) (public domain)
MBh 9 306.4
सर्वथा वृष्णिदारास्तु बालं वृद्धं तथैव च। नयिष्ये परिगृह्याहमिन्द्रप्रस्थमरिंदम॥
sarvathā vṛṣṇidārāstu bālaṃ vṛddhaṃ tathaiva ca| nayiṣye parigṛhyāhamindraprasthamariṃdama||
I shall, however, O chastiser of enemies, first remove to Indraprastha the women of the Vrishni race as also the children and the aged.'
— tr. M.N. Dutt (1891–96) (public domain)
MBh 9 306.5
इत्युक्त्वा दारुकमिदं वाक्यमाह धनञ्जयः। अमात्यान् वृष्णिवीराणां द्रष्टुमिच्छामि मा चिरम्।।६।
ityuktvā dārukamidaṃ vākyamāha dhanañjayaḥ| amātyān vṛṣṇivīrāṇāṃ draṣṭumicchāmi mā ciram||6|
Having said so to his uncle, Arjuna, next addressed Daruka, saying, I wish to see forthwith the chief officers of the Vrishni heroes.
— tr. M.N. Dutt (1891–96) (public domain)
MBh 9 306.6
शक्रप्रस्थमहं नेष्ये इत्येवमुक्त्वा वचनं सुधर्मं यादवी सभाम्। प्रविवेशार्जुनः शूरः शोचमानो महारथान्॥
śakraprasthamahaṃ neṣye ityevamuktvā vacanaṃ sudharmaṃ yādavī sabhām| praviveśārjunaḥ śūraḥ śocamāno mahārathān||
Having uttered these words, the heroic Arjuna, grieving for those great car-warriors, entered the great hall of the Yadavas, called Sudharma.
— tr. M.N. Dutt (1891–96) (public domain)
MBh 9 306.7
तमासनगतं तत्र सर्वाः प्रकृतयस्तथा। ब्राह्मणा नैगमास्तत्र परिवार्योपतस्थिरे।॥
tamāsanagataṃ tatra sarvāḥ prakṛtayastathā| brāhmaṇā naigamāstatra parivāryopatasthire|||
When he had taken his seat here, all the citizens, including the Brahmanas, and all the ministers of state, came and stood surrounding him.
— tr. M.N. Dutt (1891–96) (public domain)
MBh 9 306.8
तान् दीनमनसः सर्वान् विमूढान् गतचेतसः। उवाचेदं वचः काले पार्थो दीनतरस्तथा॥
tān dīnamanasaḥ sarvān vimūḍhān gatacetasaḥ| uvācedaṃ vacaḥ kāle pārtho dīnatarastathā||
Then Partha, more grieved than they, addressed those grieving and cheerless citizens and officers who were more dead than alive, and said these words which were well suited to the occasion.
— tr. M.N. Dutt (1891–96) (public domain)
MBh 9 306.9
वृष्ण्यन्धकजनं स्वयम्। इदं तु नगरं सर्वं समुद्रः प्लावयिष्यति॥
vṛṣṇyandhakajanaṃ svayam| idaṃ tu nagaraṃ sarvaṃ samudraḥ plāvayiṣyati||
I shall take away with me the remnants of the Vrishnis and the Andhakas! The sea will soon engulf this city.
— tr. M.N. Dutt (1891–96) (public domain)
MBh 9 306.10
सज्जीकुरुत यानानि रत्नानि विविधानि च। वज्रोऽयं भवतां राजा शक्रप्रस्थे भविष्यति॥
sajjīkuruta yānāni ratnāni vividhāni ca| vajro'yaṃ bhavatāṃ rājā śakraprasthe bhaviṣyati||
Equip all your cars and place on them all your riches. This Vajra will be your king at Shakraprastha.
— tr. M.N. Dutt (1891–96) (public domain)
MBh 9 306.11
सप्तपे दिवसे चैव रवौ विमल उद्गते। बहिर्वत्स्यामहे सर्वे सज्जीभवत मा चिरम्॥
saptape divase caiva ravau vimala udgate| bahirvatsyāmahe sarve sajjībhavata mā ciram||
On the seventh day from this, at sunrise, we shall start. Make your preparations immediately.
— tr. M.N. Dutt (1891–96) (public domain)
MBh 9 306.12
इत्युक्तास्तेन ते सर्वे पार्थेनाक्लिष्टकर्मणा। सज्जमाशु ततश्चक्रुः स्वसिद्ध्यर्थं समुत्सुकाः॥
ityuktāstena te sarve pārthenākliṣṭakarmaṇā| sajjamāśu tataścakruḥ svasiddhyarthaṃ samutsukāḥ||
Thus addressed by Pritha's son of Pure deeds, all of them hastened their preparations with eagerness for securing their safety.
— tr. M.N. Dutt (1891–96) (public domain)
MBh 9 306.13
तां रात्रिमवसत् पार्थः केशवस्य निवेशने। महता शोकमोहेन सहसाभिपरिप्लुतः॥
tāṃ rātrimavasat pārthaḥ keśavasya niveśane| mahatā śokamohena sahasābhipariplutaḥ||
Arjuna passed that night in the palaces of Keshava. He was suddenly overwhelmed with great sorrow and stupefaction.
— tr. M.N. Dutt (1891–96) (public domain)
MBh 9 306.14
श्वोभूतेऽथ ततः शौरिर्वसुदेवः प्रतापवान। युक्त्वाऽऽत्मानं महातेजा जगाम गतिमुत्तमाम्॥
śvobhūte'tha tataḥ śaurirvasudevaḥ pratāpavāna| yuktvā''tmānaṃ mahātejā jagāma gatimuttamām||
When morning dawned, Vasudeva of great energy and prowess attained, through the help of Yoga, to the highest end.
— tr. M.N. Dutt (1891–96) (public domain)
MBh 9 306.15
ततः शब्दो महानासीद् वसुदेवनिवेशने। दारुणः क्रोशतीनां च रुदतीनां च योषिताम्॥
tataḥ śabdo mahānāsīd vasudevaniveśane| dāruṇaḥ krośatīnāṃ ca rudatīnāṃ ca yoṣitām||
A loud and heart-rendering sound of wailing was heard in Vasudeva's palace, uttered by the weeping ladies.
— tr. M.N. Dutt (1891–96) (public domain)
MBh 9 306.16
प्रकीर्णमूर्धजाः सर्वा विमुक्ताभरणस्रजः। उरांसि पाणिभिर्जन्त्यो व्यलपन् करुणं स्त्रियः॥
prakīrṇamūrdhajāḥ sarvā vimuktābharaṇasrajaḥ| urāṃsi pāṇibhirjantyo vyalapan karuṇaṃ striyaḥ||
They were seen with disheveled hair and divested of ornaments and garlands Beating their breasts with their hands, the indulged in heart-rendering lamentations.
— tr. M.N. Dutt (1891–96) (public domain)
MBh 9 306.17
तं देवकी च भद्रा च रोहिणी मदिरा तथा। अन्वारोहन्त च तदा भर्तारं योषितां वराः॥
taṃ devakī ca bhadrā ca rohiṇī madirā tathā| anvārohanta ca tadā bhartāraṃ yoṣitāṃ varāḥ||
Those foremost of women, viz., Devaki and Bhadra and Rohini and Madira threw themselves on the bodies of threw themselves on the bodies of their lord.
— tr. M.N. Dutt (1891–96) (public domain)
MBh 9 306.18
ततः शौरि नृयुक्तेन बहुमूल्येन भारत। यानेन महता पार्थो बहिर्निष्क्रामयत् तदा॥
tataḥ śauri nṛyuktena bahumūlyena bhārata| yānena mahatā pārtho bahirniṣkrāmayat tadā||
Then Partha caused the body of his uncle lo be carried out on a rich vehicle borne on the shoulders of men.
— tr. M.N. Dutt (1891–96) (public domain)
MBh 9 306.19
तमन्वयुस्तत्र तत्र दुःखशोकसमन्विताः। द्वारकावासिनः सर्वे पौरजानपदा हिताः॥
tamanvayustatra tatra duḥkhaśokasamanvitāḥ| dvārakāvāsinaḥ sarve paurajānapadā hitāḥ||
It was followed by all the citizens of Dwraka and the people of the provinces all of whom greatly stricken with grief, had been disposed towards the deceased hero.
— tr. M.N. Dutt (1891–96) (public domain)
MBh 9 306.20
तस्याश्वमेधिकं छत्रं दीप्यमानाश्च पावकाः। पुरस्तात् तस्य यानस्य याजकाश्च ततो ययुः॥
tasyāśvamedhikaṃ chatraṃ dīpyamānāśca pāvakāḥ| purastāt tasya yānasya yājakāśca tato yayuḥ||
Before that vehicle were born the umbrella which had been held over his head at the conclusion of the horse-sacrifice he had performed while living and also the burning fires he had daily adored, with the priests who had used to attend to them.
— tr. M.N. Dutt (1891–96) (public domain)
MBh 9 306.21
अनुजग्मुश्च तं वीरं देव्यस्ता वै स्वलंकृताः। स्त्रीसहस्रः परिवृता वधूभिश्च सहस्रशः॥
anujagmuśca taṃ vīraṃ devyastā vai svalaṃkṛtāḥ| strīsahasraḥ parivṛtā vadhūbhiśca sahasraśaḥ||
The body of the hero was followed by his wives decked in ornaments and surrounded by thousands of women and thousands of their daughter-in-law.
— tr. M.N. Dutt (1891–96) (public domain)
MBh 9 306.22
यस्तु देशः प्रियस्तस्य जीवतोऽभून्महात्मनः। तत्रैनमुपसंकल्प्य पितृमेधं प्रचक्रिरे॥
yastu deśaḥ priyastasya jīvato'bhūnmahātmanaḥ| tatrainamupasaṃkalpya pitṛmedhaṃ pracakrire||
The last rites were then performed at that spot which he liked while he was alive
— tr. M.N. Dutt (1891–96) (public domain)
MBh 9 306.23
तं चिताग्निगतं वीरं शूरपुत्रं वराङ्गनाः। ततोऽन्वारुरुहुः पत्न्यश्चतस्रः पतिलोकगाः॥
taṃ citāgnigataṃ vīraṃ śūraputraṃ varāṅganāḥ| tato'nvāruruhuḥ patnyaścatasraḥ patilokagāḥ||
The four wives of that heroic son of Shura ascended the funeral pyre and were consumed with the body of their husband. All of them attained to those happy regions which were his.
— tr. M.N. Dutt (1891–96) (public domain)
MBh 9 306.24
तं वै चतसृभिः स्त्रीभिरन्वितं पाण्डुनन्दनः। अदाहयच्चदनैश्च गन्धैरुच्चावचैरपि।॥
taṃ vai catasṛbhiḥ strībhiranvitaṃ pāṇḍunandanaḥ| adāhayaccadanaiśca gandhairuccāvacairapi|||
The son of Pandu burnt the body of his uncle together with those four wives of his, using various kinds of scents and perfumed wood.
— tr. M.N. Dutt (1891–96) (public domain)
MBh 9 306.25
ततः प्रादुरभूच्छब्दः समिद्धस्य विभावसोः। सामगानां च निर्घोषो नराणां रुदतामपि॥
tataḥ prādurabhūcchabdaḥ samiddhasya vibhāvasoḥ| sāmagānāṃ ca nirghoṣo narāṇāṃ rudatāmapi||
As the funeral pyre blazed up, a loud sound was heard of the burning wood and other combustible materials, along with the clear chant of Samans and the lamentation of the citizens and others who saw the rite.
— tr. M.N. Dutt (1891–96) (public domain)
MBh 9 306.26
ततो वज्रप्रधानास्ते वृष्ण्यन्धककुमारकाः। सर्वे चैवोदकं चक्रुः स्त्रियश्चैव महात्मनः॥
tato vajrapradhānāste vṛṣṇyandhakakumārakāḥ| sarve caivodakaṃ cakruḥ striyaścaiva mahātmanaḥ||
After it was all over, the boys of the Vrishnis and Andhaka races, headed by Vajra, as also the ladies, offered oblations of water to the great hero.
— tr. M.N. Dutt (1891–96) (public domain)
MBh 9 306.27
अलुप्तधर्मस्तं धर्मं कारयित्वा स फाल्गुनः। जगाम वृष्णयो यत्र विनष्टा भरतर्षभ।॥
aluptadharmastaṃ dharmaṃ kārayitvā sa phālgunaḥ| jagāma vṛṣṇayo yatra vinaṣṭā bharatarṣabha|||
Phalguna, who was careful in observing every duty having caused this duty to be performed, went. O chief of Bharata's race, next to the place where the Vrishnis were killed.
— tr. M.N. Dutt (1891–96) (public domain)
MBh 9 306.28
स तान् दृष्ट्वा निपतितान् कदने भृशदुः :खितः। बभूवातीव कौरव्यः प्राप्तकालं चकार ह॥
sa tān dṛṣṭvā nipatitān kadane bhṛśaduḥ :khitaḥ| babhūvātīva kauravyaḥ prāptakālaṃ cakāra ha||
The Kuru prince, seeing them lying killed all around, became exceedingly cheerless. He, however did what required to be done in view of that which had taken place.
— tr. M.N. Dutt (1891–96) (public domain)
MBh 9 306.29
यथा प्रधानतश्चैव चक्रे सर्वास्तथा क्रियाः। ये हता ब्रह्मशापेन मुसलैरेरकोद्भवैः॥
yathā pradhānataścaiva cakre sarvāstathā kriyāḥ| ye hatā brahmaśāpena musalairerakodbhavaiḥ||
The last rites were performed, according to the order of seniority, to the bodies of those heroes killed by the iron bolts born, by virtue of the curse denounced by the Brahmanas, of the blades of Eraka grass.
— tr. M.N. Dutt (1891–96) (public domain)
MBh 9 306.30
ततः शरीरे रामस्य वासुदेवस्य चोभयोः। अन्विष्य दाहयामास पुरुषैराप्तकारिभिः॥
tataḥ śarīre rāmasya vāsudevasya cobhayoḥ| anviṣya dāhayāmāsa puruṣairāptakāribhiḥ||
Searching out the bodies then of Rama and Vasudeva, Arjuna caused them to be burnt by expert persons.
— tr. M.N. Dutt (1891–96) (public domain)
MBh 9 306.31
स तेषां विधिवत् कृत्वा प्रेतकार्याणि पाण्डवः। सप्तमे दिवसे प्रायाद् रथमारुह्य सत्वरः॥
sa teṣāṃ vidhivat kṛtvā pretakāryāṇi pāṇḍavaḥ| saptame divase prāyād rathamāruhya satvaraḥ||
The son of Pandu, having next perforined duly those rites that are done to the manes of the dead, quickly started on the seventh day, mounting on his car.
— tr. M.N. Dutt (1891–96) (public domain)
MBh 9 306.32
अश्वयुक्तै रथैश्चापि गोखरोष्ट्रयुतैरपि। स्त्रियस्ता वृष्णिवीराणां रुदत्यः शोककर्शिताः॥
aśvayuktai rathaiścāpi gokharoṣṭrayutairapi| striyastā vṛṣṇivīrāṇāṃ rudatyaḥ śokakarśitāḥ||
The windows of the Vrishni heroes wailing aloud, followed the great son of Pandu, viz., Dhananjaya, on cars drawn by bullocks and mules and camels.
— tr. M.N. Dutt (1891–96) (public domain)
MBh 9 306.33
अनुजग्मुर्महात्मानं पाण्डुपुत्रं धनञ्जयम्। भृत्याश्चान्धकवृष्णीनां सादिनो रथिनश्च ये॥
anujagmurmahātmānaṃ pāṇḍuputraṃ dhanañjayam| bhṛtyāścāndhakavṛṣṇīnāṃ sādino rathinaśca ye||
All were in deep sorrow. The servants of the Vrishnis, their horsemen, and their carwarriors too, followed the procession.
— tr. M.N. Dutt (1891–96) (public domain)
MBh 9 306.34
वीरहीनं वृद्धबालं पौरजानपदास्तथा। ययुस्ते परिवार्याथ कलत्रं पार्थशासनात्॥
vīrahīnaṃ vṛddhabālaṃ paurajānapadāstathā| yayuste parivāryātha kalatraṃ pārthaśāsanāt||
The citizens and the inhabitants of the country, at the command of Pritha's son, started at the same time and proceeded, surrounding that cavalcade destitute of heroes and numbering only women and the aged and the children.
— tr. M.N. Dutt (1891–96) (public domain)
MBh 9 306.35
कुञ्जरैश्च गजारोहा ययुः शैलनिभैस्तथा। सपादरक्षैः संयुक्ताः सान्तरायुधिका ययुः॥
kuñjaraiśca gajārohā yayuḥ śailanibhaistathā| sapādarakṣaiḥ saṃyuktāḥ sāntarāyudhikā yayuḥ||
The warriors who fought from the backs of elephants proceeded on elephants as huge as hills. The infanty also set out, together with the reserves.
— tr. M.N. Dutt (1891–96) (public domain)
MBh 9 306.36
पुत्राश्चान्धकवृष्णीनां सर्वे पार्थमनुव्रताः। ब्राह्मणाः क्षत्रिया: वैश्याः शूद्राश्चैव महाधनाः॥ दश षट् च सहस्राणि वासुदेवावरोधनम्। पुरस्कृत्य ययुर्वजं पौत्रं कृणस्य धीमतः॥
putrāścāndhakavṛṣṇīnāṃ sarve pārthamanuvratāḥ| brāhmaṇāḥ kṣatriyā: vaiśyāḥ śūdrāścaiva mahādhanāḥ|| daśa ṣaṭ ca sahasrāṇi vāsudevāvarodhanam| puraskṛtya yayurvajaṃ pautraṃ kṛṇasya dhīmataḥ||
The children of the Andhaka, and the Vrishni races, all followed Arjuna. The Brahmanas and Kshatriyas and Vaishyas, and rich Shudras, started keeping before them the sixteen thousand women who had formed Vasudeva's harem and Vajra, the grandson of the intelligent Krishna.
— tr. M.N. Dutt (1891–96) (public domain)
MBh 9 306.37
बहूनि च सहस्राणि प्रयुतान्यर्बुदानि च। भोजवृष्ण्यन्धकस्त्रीणां हतनाथानि निर्ययुः॥
bahūni ca sahasrāṇi prayutānyarbudāni ca| bhojavṛṣṇyandhakastrīṇāṃ hatanāthāni niryayuḥ||
The widows of the other heroes of the Bhoja, the Vrishni and the Andhaka races, lordless now, that started with Arjuna, numbered many millions.
— tr. M.N. Dutt (1891–96) (public domain)
MBh 9 306.38
तत्सागरसमप्रख्यं वृष्णिचक्रं महर्धिमत्। उवाह रथिनां श्रेष्ठः पार्थः परपुरंजयः॥
tatsāgarasamaprakhyaṃ vṛṣṇicakraṃ mahardhimat| uvāha rathināṃ śreṣṭhaḥ pārthaḥ parapuraṃjayaḥ||
That foremost of car-warriors, that conqueror of hostile towns viz., the son of Pritha, escorted this huge procession of Vrishnis, which still abounded with wealth, and which looked like a veritable ocean.
— tr. M.N. Dutt (1891–96) (public domain)
MBh 9 306.39
निर्याते तु जने तस्मिन् सागरो मकरालयः। द्वारकां रत्नसम्पूर्णो जलेनाप्लावयत् तदा॥
niryāte tu jane tasmin sāgaro makarālayaḥ| dvārakāṃ ratnasampūrṇo jalenāplāvayat tadā||
After all the people had started, the ocean, the home of sharks, and alligators, flooded Dwraka, which still teemed with riches of every kind, with its waters.
— tr. M.N. Dutt (1891–96) (public domain)
MBh 9 306.40
यद् यद्धि पुरुषव्याघ्रो भूमेस्तस्या व्यमुञ्चत। तत् तत् सम्लावयामास सलिलेन स सागरः॥
yad yaddhi puruṣavyāghro bhūmestasyā vyamuñcata| tat tat samlāvayāmāsa salilena sa sāgaraḥ||
Whatever portion of the ground was passed over, ocean immediately flooded over with his waters.
— tr. M.N. Dutt (1891–96) (public domain)
MBh 9 306.41
तदद्भुतमभिप्रेक्ष्य द्वारकावासिनो जनाः। तूर्णात् तूर्णतरं जग्मुरहो दैवमिति ब्रुवन्॥
tadadbhutamabhiprekṣya dvārakāvāsino janāḥ| tūrṇāt tūrṇataraṃ jagmuraho daivamiti bruvan||
Seeing this wonderful spectacle, the inhabitants of Dwraka walked faster and faster, saying. Wonderful is the course of fate.'
— tr. M.N. Dutt (1891–96) (public domain)
MBh 9 306.42
काननेषु च रम्येषु पर्वतेषु नदीषु च। निवसन्नानयामास वृष्णिदारान् धनञ्जयः॥
kānaneṣu ca ramyeṣu parvateṣu nadīṣu ca| nivasannānayāmāsa vṛṣṇidārān dhanañjayaḥ||
Dhananjaya, after abandoning Dwraka, proceeded by slow marches, causing the Vrishni women to rest in charming forests and mountain and by the sides of delightful rivers.
— tr. M.N. Dutt (1891–96) (public domain)
MBh 9 306.43
स पञ्चनदमासाद्य धीमानतिसमृद्धिमत्। देशे गोपशुधान्याढ्ये निवासमकरोत् प्रभुः॥
sa pañcanadamāsādya dhīmānatisamṛddhimat| deśe gopaśudhānyāḍhye nivāsamakarot prabhuḥ||
Arrived at the country of the five waters, the powerful Dhananjaya encamped in the midst of a land that abounded with corn and kine and other animals.
— tr. M.N. Dutt (1891–96) (public domain)
MBh 9 306.44
ततो लोभः समभवद् दस्यूनां निहतेश्वराः। दृष्ट्वा स्त्रियो नीयमानाः पार्थेनैकेन भारत॥
tato lobhaḥ samabhavad dasyūnāṃ nihateśvarāḥ| dṛṣṭvā striyo nīyamānāḥ pārthenaikena bhārata||
Seeing those widows escorted by Pritha's son alone, O Bharata, the robbers felt a great temptation.
— tr. M.N. Dutt (1891–96) (public domain)
MBh 9 306.45
ततस्ते पामकर्माणो लोभोपहतचेतसः। आभीरा मन्त्रयामासुः समेत्याशुभदर्शनाः॥
tataste pāmakarmāṇo lobhopahatacetasaḥ| ābhīrā mantrayāmāsuḥ sametyāśubhadarśanāḥ||
Then those sinful wretches, with hearts possessed by cupidity, viz., those Abhiras of ill omen, assembled together and held consultation.
— tr. M.N. Dutt (1891–96) (public domain)
MBh 9 306.46
अयमेकोऽर्जुनो धन्वी वृद्धबालं हतेश्वरम्। नयत्यस्मानतिक्रम्य योधाश्चमे हतौजसः॥
ayameko'rjuno dhanvī vṛddhabālaṃ hateśvaram| nayatyasmānatikramya yodhāścame hataujasaḥ||
They said, 'Here there is only one bowman, viz., Arjuna. The party consists of children and the old. He escorts them alone. The warriors (of the Vrishnis) are without energy.
— tr. M.N. Dutt (1891–96) (public domain)
MBh 9 306.47
ततो यष्टिप्रहरणा दस्यवस्ते सहस्रशः। अभ्यधावान्त वृष्णीनां तं जनं लोप्पहारिणः॥
tato yaṣṭipraharaṇā dasyavaste sahasraśaḥ| abhyadhāvānta vṛṣṇīnāṃ taṃ janaṃ loppahāriṇaḥ||
Then those robbers, numbering by thousands, and armed with clubs, rushed a towards the procession of the Vrishnis for looting them.
— tr. M.N. Dutt (1891–96) (public domain)
MBh 9 306.48
महता सिंहनादेन त्रासयन्तः पृथग्जनम्। अभिपेतुर्वधार्थं ते कालपर्यायचोदिताः॥
mahatā siṃhanādena trāsayantaḥ pṛthagjanam| abhipeturvadhārthaṃ te kālaparyāyacoditāḥ||
Urged by the perverse course of time, they fell upon that party, frightening it will loud leonine shouts and desirous of slaughter.
— tr. M.N. Dutt (1891–96) (public domain)
MBh 9 306.49
ततो निवृत्तः कौन्तेयः सहसा सपदानुगः। उवाच तान् महाबाहुरर्जुनः प्रहसन्निव॥ निवर्तध्वमधर्मज्ञा यदि जीवितुमिच्छथा इदानीं शरनिर्भिन्नाः शोचध्वं निहता मया॥
tato nivṛttaḥ kaunteyaḥ sahasā sapadānugaḥ| uvāca tān mahābāhurarjunaḥ prahasanniva|| nivartadhvamadharmajñā yadi jīvitumicchathā idānīṃ śaranirbhinnāḥ śocadhvaṃ nihatā mayā||
The son of Kunti, suddenly ceasing to advance along the path, turned, with his followers, towards the place where the robbers had attacked the party. Smiling the while, that mighty-armed warrior addressed the assailants, saying. “You sinful wretches, stop, if you love your lives! You will rue this when I cut your bodies with my arrows and take your lives.'
— tr. M.N. Dutt (1891–96) (public domain)
MBh 9 306.50
तथोक्तास्तेन वीरेण कद कृत्य तद्वचः। अभिपेतुर्जनं मूढा वार्यमाणाः पुनः पुनः॥
tathoktāstena vīreṇa kada kṛtya tadvacaḥ| abhipeturjanaṃ mūḍhā vāryamāṇāḥ punaḥ punaḥ||
Though thus addressed by that hero, they disregarded his words, and though repeatedly dissuaded, they fell upon Arjuna.
— tr. M.N. Dutt (1891–96) (public domain)
MBh 9 306.51
ततोऽर्जुनो धनुर्दिव्यं गाण्डीवमजरं महत्। आरोपयितुमारेभे यत्नादिव कथंचन॥
tato'rjuno dhanurdivyaṃ gāṇḍīvamajaraṃ mahat| āropayitumārebhe yatnādiva kathaṃcana||
Then Arjuna tried to string his large, indestructible, celestial bow with some effort.
— tr. M.N. Dutt (1891–96) (public domain)
MBh 9 306.52
चकार सज्जं कृछ्रेण सम्भ्रमे तुमुले सति। चिन्तयामास शस्त्राणि न च सस्मार तान्यपि॥
cakāra sajjaṃ kṛchreṇa sambhrame tumule sati| cintayāmāsa śastrāṇi na ca sasmāra tānyapi||
He succeeded with great difficulty in stringing it, when the battle had become furious. He then began to think of his celestial weapons but they would not come to his mind.
— tr. M.N. Dutt (1891–96) (public domain)
MBh 9 306.53
वैकृतं तन्महद् दृष्ट्वा भुजवीर्यं तथा युधि। दिव्यानां च महास्त्राणां विनाशाद् व्रीडितोऽभवत्॥५६
vaikṛtaṃ tanmahad dṛṣṭvā bhujavīryaṃ tathā yudhi| divyānāṃ ca mahāstrāṇāṃ vināśād vrīḍito'bhavat||56
Seeing that furious battle, the loss of the might of his arm, and the non appearance of his celestial weapons, Arjuna became greatly ashamed.
— tr. M.N. Dutt (1891–96) (public domain)
MBh 9 306.54
वृष्णियोधाश्च ते सर्वे गजाश्वरथयोधिनः। न शेकुरावर्तयितुं ह्रियमाणं च तं जनम्॥
vṛṣṇiyodhāśca te sarve gajāśvarathayodhinaḥ| na śekurāvartayituṃ hriyamāṇaṃ ca taṃ janam||
The Vrishni warriors including the infantry, the elephant-warriors, and the car-men, failed to rescue those Vrishni women who were being snatched away by the robbers.
— tr. M.N. Dutt (1891–96) (public domain)
MBh 9 306.55
कलत्रस्य बहुत्वाद्धि सम्पतत्सु ततस्ततः। प्रयत्नमकरोत् पार्थो जनस्य परिरक्षणे॥
kalatrasya bahutvāddhi sampatatsu tatastataḥ| prayatnamakarot pārtho janasya parirakṣaṇe||
The concourse was very large. The robbers attacked it, at different points. Arjuna tried his best to protect it, but could not succeed.
— tr. M.N. Dutt (1891–96) (public domain)
MBh 9 306.56
मिषतां सर्वयोधानां ततस्ताः प्रमदोत्तमाः। समन्ततोऽवकृष्यन्त कामाच्चान्याः प्रवव्रजुः॥
miṣatāṃ sarvayodhānāṃ tatastāḥ pramadottamāḥ| samantato'vakṛṣyanta kāmāccānyāḥ pravavrajuḥ||
Before the eyes of all the warriors, many foremost of ladies were dragged away, while others went away with the robbers of their own accord.
— tr. M.N. Dutt (1891–96) (public domain)
MBh 9 306.57
ततो गाण्डीवनिर्मुक्तैः शरैः पार्थो धनञ्जयः। जघान दस्यून् सोद्वेगो वृष्णिभृत्यैः सहस्रशः॥
tato gāṇḍīvanirmuktaiḥ śaraiḥ pārtho dhanañjayaḥ| jaghāna dasyūn sodvego vṛṣṇibhṛtyaiḥ sahasraśaḥ||
The powerful Arjuna, supported by the servants of the Vrishnis, struck the robbers with arrows shot off Gandiva.
— tr. M.N. Dutt (1891–96) (public domain)
MBh 9 306.58
क्षणेन तस्य ते राजन् क्षयं जग्मुरजिह्मगाः। अक्षयाहि पुरा भूत्वा क्षीणा: क्षतजभोजनाः॥
kṣaṇena tasya te rājan kṣayaṃ jagmurajihmagāḥ| akṣayāhi purā bhūtvā kṣīṇā: kṣatajabhojanāḥ||
Soon, however, O king, is arrows were exhausted. In former days his arrows had been inexhaustible. Now, however, they proved otherwise.
— tr. M.N. Dutt (1891–96) (public domain)
MBh 9 306.59
स शरक्षयमासाद्य दुःखशोकसमाहतः। धनुष्कोट्या तदा दस्यूनवधीत् पाकशासनिः॥
sa śarakṣayamāsādya duḥkhaśokasamāhataḥ| dhanuṣkoṭyā tadā dasyūnavadhīt pākaśāsaniḥ||
Finding his arrows exhausted, he became deeply afflicted with grief. The son of Indra then began to strike the robbers with the horns of his bow.
— tr. M.N. Dutt (1891–96) (public domain)
MBh 9 306.60
प्रेक्षतस्त्वेव पार्थस्य वृष्णयन्धकवरस्त्रियः। जग्मुरादाय ते म्लेच्छाः समन्ताज्जनमेजय॥
prekṣatastveva pārthasya vṛṣṇayandhakavarastriyaḥ| jagmurādāya te mlecchāḥ samantājjanamejaya||
Those Mlechcchas, however, O Janamejaya, in the very sight of Partha, retreated, taking away with the many foremost ladies of the Vrishnis and Andhakas.
— tr. M.N. Dutt (1891–96) (public domain)
MBh 9 306.61
धनञ्जयस्तु दैवं तन्मनसाऽचिन्तयत् प्रभुः। दुःखशोकसमाविष्टो निःश्वासपरमोऽभवत्॥ अस्त्राणां च प्रणाशेन बाहुवीर्यस्य संक्षयात्। धनुषश्चाविधेयत्वाच्छराणां संक्षयेण च॥
dhanañjayastu daivaṃ tanmanasā'cintayat prabhuḥ| duḥkhaśokasamāviṣṭo niḥśvāsaparamo'bhavat|| astrāṇāṃ ca praṇāśena bāhuvīryasya saṃkṣayāt| dhanuṣaścāvidheyatvāccharāṇāṃ saṃkṣayeṇa ca||
The powerful Dhananjaya considered it all as the work of destiny. Filled with sorrow he breathed heavy sights, at the thought of the non-appearance of his (celestial) weapons, the loss of the might of his arms, the refusal of his bow to obey him; and the exhaustion of his arrows.
— tr. M.N. Dutt (1891–96) (public domain)
MBh 9 306.62
बभूव विमनाः पार्थो दैवमित्यनुचिन्तयन्। न्यवर्तत ततो राजन् नेदमस्तीति चाब्रवीत्॥
babhūva vimanāḥ pārtho daivamityanucintayan| nyavartata tato rājan nedamastīti cābravīt||
Considering it all as the work of destiny, he became greatly cheerless. He then ceased, O king, to make further efforts, saying, he had not the power which he had before.
— tr. M.N. Dutt (1891–96) (public domain)
MBh 9 306.63
ततः शेषं समादाय कलत्रस्य महामतिः। हतभूयिष्ठरत्नस्य कुरुक्षेत्रमवातरत्॥
tataḥ śeṣaṃ samādāya kalatrasya mahāmatiḥ| hatabhūyiṣṭharatnasya kurukṣetramavātarat||
The high-souled one, taking with him the residue of the Vrishni women, and the wealth that was still with them, reached Kurukshetra,
— tr. M.N. Dutt (1891–96) (public domain)
MBh 9 306.64
एवं कलत्रमानीय वृष्णीनां हतशेषितम्। न्यवेशयत कौरव्यस्तत्र तत्र धनञ्जयः॥
evaṃ kalatramānīya vṛṣṇīnāṃ hataśeṣitam| nyaveśayata kauravyastatra tatra dhanañjayaḥ||
Thus bringing with him the remnant of the Vrishnis, Dhananjaya established them at different places.
— tr. M.N. Dutt (1891–96) (public domain)
MBh 9 306.65
हार्दिक्यतनयं पार्थो नगरे मार्तिकावतम्। भोजराजकलत्रं च हृतशेषं नरोत्तमः॥
hārdikyatanayaṃ pārtho nagare mārtikāvatam| bhojarājakalatraṃ ca hṛtaśeṣaṃ narottamaḥ||
He established the son of Kritavarman at the city called Marttikavat, with the remnant of the women of the Bhoja king.
— tr. M.N. Dutt (1891–96) (public domain)
MBh 9 306.66
ततो वृद्धांश्च बालांश्च स्त्रियश्चादाय पाण्डवः। वीरैर्विहीनान् सर्वांस्ताशक्रप्रस्थे न्यवेशयत्॥
tato vṛddhāṃśca bālāṃśca striyaścādāya pāṇḍavaḥ| vīrairvihīnān sarvāṃstāśakraprasthe nyaveśayat||
Escorting the remainder, with children and old men, and women, the son of Pandu established them, who were reft of heroes, in the city of Indraprastha.
— tr. M.N. Dutt (1891–96) (public domain)
MBh 9 306.67
यौयुधानि सरस्वत्यां पुत्रं सात्यकिन: प्रियम्। न्यवेशयत धर्मात्मा वृद्धबालपुरस्कृतम्॥
yauyudhāni sarasvatyāṃ putraṃ sātyakina: priyam| nyaveśayata dharmātmā vṛddhabālapuraskṛtam||
The dear son of Yuyudhana, with a number of old men and children and women, the righteous-souled Arjuna established on the banks of the Sarasvati.
— tr. M.N. Dutt (1891–96) (public domain)
MBh 9 306.68
इन्द्रप्रस्थे ददौ राज्यं वज्राय परवीरहा। वज्रेणाङ्करदारास्तु वार्यमाणाः प्रवव्रजुः॥
indraprasthe dadau rājyaṃ vajrāya paravīrahā| vajreṇāṅkaradārāstu vāryamāṇāḥ pravavrajuḥ||
The rule of Indraprastha was given to Vajra. The widows of Akrura then wished to retire into the forest. Vajra asked them repeatedly to desist, but they did not hear him.
— tr. M.N. Dutt (1891–96) (public domain)
MBh 9 306.69
रुक्मिणी त्वथ गान्धारी शैव्या हैमवतीत्यपि। देवी जाम्बवती चैव विविशुर्जातवेदसम्॥
rukmiṇī tvatha gāndhārī śaivyā haimavatītyapi| devī jāmbavatī caiva viviśurjātavedasam||
Rukmini, the princess of Gandhara, Shaivya. Haimavati, and queen Jambavati, ascended the funeral pyre.
— tr. M.N. Dutt (1891–96) (public domain)
MBh 9 306.70
सत्यभामा तथैवान्या देव्यः कृष्णस्य सम्मताः। वनं प्रविविशू राजस्तापस्ये कृतनिश्चयाः॥
satyabhāmā tathaivānyā devyaḥ kṛṣṇasya sammatāḥ| vanaṃ praviviśū rājastāpasye kṛtaniścayāḥ||
Satyabhama and the other dear wives of Krishna entered the forest, o king, resolved to practice penances.
— tr. M.N. Dutt (1891–96) (public domain)
MBh 9 306.71
द्वारकावासिनो ये तु पुरुषाः पार्थमभ्ययुः। यथार्ह संविभज्यैनान् वजे पर्यददज्जयः॥
dvārakāvāsino ye tu puruṣāḥ pārthamabhyayuḥ| yathārha saṃvibhajyainān vaje paryadadajjayaḥ||
Those men who had followed Arjuna from Dvaravati, were divided into groups, and bestowed upon Vajra.
— tr. M.N. Dutt (1891–96) (public domain)
MBh 9 306.72
स तत् कृत्वा प्राप्तकालं बाष्येणापिहितोऽर्जुनः। कृष्णद्वैपायनं व्यासं ददर्शासीनमाश्रमे॥
sa tat kṛtvā prāptakālaṃ bāṣyeṇāpihito'rjunaḥ| kṛṣṇadvaipāyanaṃ vyāsaṃ dadarśāsīnamāśrame||
Having done all these acts suited to the occasion. Arjuna, with eyes bathed in tears, then entered the hermitage of Vyasa. There he saw the Dvaipayana seated at his ease.
— tr. M.N. Dutt (1891–96) (public domain)