Mahabharata — Volume IX (Dutt edition) — Chapter 291

MBh 9 291.1

व्यास उवाच भद्रे द्रक्ष्यसि गान्धारि पुत्रान् भ्रातॄन् सखींस्तथा। वधूश्च पतिभिः सार्धं निशि सुप्तोत्थिता इव॥

vyāsa uvāca bhadre drakṣyasi gāndhāri putrān bhrātṝn sakhīṃstathā| vadhūśca patibhiḥ sārdhaṃ niśi suptotthitā iva||

Vyasa said Blessed be you, O Gandhari, you shall see your sons and brothers and friends and kinsmen along with your sires this night like men risen from sleep.

— tr. M.N. Dutt (1891–96) (public domain)

MBh 9 291.2

कर्णं द्रक्ष्यति कुन्ती च सौभद्रं चापि यादवी। द्रौपदी पञ्च पुत्रांश्च पितॄन् भ्रातूंस्तथैव च॥

karṇaṃ drakṣyati kuntī ca saubhadraṃ cāpi yādavī| draupadī pañca putrāṃśca pitṝn bhrātūṃstathaiva ca||

Kunti also shall see Karna, and she of Yadu's race shall see her son Abhimanyu. Draupadi shall see her five sons, her fathers and her brothers also.

— tr. M.N. Dutt (1891–96) (public domain)

MBh 9 291.3

पूर्वमेवैष हृदये व्यवसायोऽभवन्मम। यदास्मि चोदितो राज्ञा भवत्या पृथयैव च॥

pūrvamevaiṣa hṛdaye vyavasāyo'bhavanmama| yadāsmi codito rājñā bhavatyā pṛthayaiva ca||

Even before you had asked me, this was the thought in my mind. I entertained this purpose when I was urged to that effect by the king, by you, O Gandhari, and by Kunti:

— tr. M.N. Dutt (1891–96) (public domain)

MBh 9 291.4

न ते शोच्या महात्मानः सर्व एव नरर्षभाः। क्षत्रधर्मपराः सन्तस्तथा हि निधनं गताः॥

na te śocyā mahātmānaḥ sarva eva nararṣabhāḥ| kṣatradharmaparāḥ santastathā hi nidhanaṃ gatāḥ||

You should not grieve for those foremost of men. They met with death on account of their devotion to the practices of Kshatriyas.

— tr. M.N. Dutt (1891–96) (public domain)

MBh 9 291.5

भवितव्यमवश्यं तत् सुरकार्यमनिन्दिते। अवतेरुस्ततः सर्वे देवभागा महीतलम्॥

bhavitavyamavaśyaṃ tat surakāryamanindite| avaterustataḥ sarve devabhāgā mahītalam||

O faultless one, the work of the gods could not but be done. It was for accomplishing that object that those heroes came down on earth. They were all portions f the celestials.

— tr. M.N. Dutt (1891–96) (public domain)

MBh 9 291.6

गन्धर्वाप्सरसश्चैव पिशाचा गुह्मराक्षसाः। तथा पुण्यजनाश्चैव सिद्धा देवर्षयोऽपि च॥ देवाश्च दानवाश्चैव तथा देवर्षयोऽमलाः। त एते निधनं प्राप्ताः कुरुक्षेत्रे रणाजिरे॥

gandharvāpsarasaścaiva piśācā guhmarākṣasāḥ| tathā puṇyajanāścaiva siddhā devarṣayo'pi ca|| devāśca dānavāścaiva tathā devarṣayo'malāḥ| ta ete nidhanaṃ prāptāḥ kurukṣetre raṇājire||

Gandharvas, Apsaras, Pishachas, Guhyakas and Rakshasas, many pure persons, many individuals crowned with (of penances), celestial Rishis, deities ad Danavas, and heavenly Rishis of spotless character, met with death on the battle field of Kurukshetra.

— tr. M.N. Dutt (1891–96) (public domain)

MBh 9 291.7

गन्धर्वराजो यो धीमान् धृतराष्ट्र इति श्रुतः। स एव मानुषे लोके धृतराष्ट्र: पतिस्तव॥

gandharvarājo yo dhīmān dhṛtarāṣṭra iti śrutaḥ| sa eva mānuṣe loke dhṛtarāṣṭra: patistava||

It is heard that he who was the intelligent kings of the Gandharvas and named Dhritarashtra, took birth in the world of men as your lord Dhritarashtra,

— tr. M.N. Dutt (1891–96) (public domain)

MBh 9 291.8

पाण्डुं मरुद्गणाद् विद्धि विशिष्टतममच्युतम्। धर्मस्यांशोऽभवत् क्षत्ता राजा चैव युधिष्ठिरः॥

pāṇḍuṃ marudgaṇād viddhi viśiṣṭatamamacyutam| dharmasyāṃśo'bhavat kṣattā rājā caiva yudhiṣṭhiraḥ||

success Know that Pandu of unfading glory and distinguished above all others, originated from the Maruts, Kshatta and Yudhishthira are both portions of the deity of Virtue.

— tr. M.N. Dutt (1891–96) (public domain)

MBh 9 291.9

कलिं दुर्योधनं विद्धि शकुनि द्वापरं तथा। दुःशासनादीन् विद्धि त्वं राक्षसाशुभदर्शने॥

kaliṃ duryodhanaṃ viddhi śakuni dvāparaṃ tathā| duḥśāsanādīn viddhi tvaṃ rākṣasāśubhadarśane||

Know that Duryodhana was Kali, and Shakuni was Dvapara. O you of good features, know that Dushasana and others were all Rakshasas.

— tr. M.N. Dutt (1891–96) (public domain)

MBh 9 291.10

मरुद्गणाद् भीमसेनं बलवन्तमरिंदमम्। विद्धि त्वं तु नरमृषिमिमं पार्थं धनञ्जयम्॥

marudgaṇād bhīmasenaṃ balavantamariṃdamam| viddhi tvaṃ tu naramṛṣimimaṃ pārthaṃ dhanañjayam||

Bhimasena of great power that chastiser of enemies, is from the Maruts. Know that this Dhananjaya, the son of Pritha, is the ancient Rishi Nara.

— tr. M.N. Dutt (1891–96) (public domain)

MBh 9 291.11

नारायणं हृषीकेशमश्विनौ यमजौ तथा। यः स वैरार्थमुद्भूतः संघर्षजननस्तथा। तं कर्णं विद्धि कल्याणि भास्करं शुभदर्शने॥ यश्च पाण्डवदायादो हतः षड्भिर्महारथैः। स सोम इह सोभद्रो योगादेवाभवद् द्विधा॥ द्विधा कृत्वाऽऽत्मनो देहमादित्यं तपतां वरम्। लोकांश्च तापयानं वै विद्धि कर्णं च शोभने॥

nārāyaṇaṃ hṛṣīkeśamaśvinau yamajau tathā| yaḥ sa vairārthamudbhūtaḥ saṃgharṣajananastathā| taṃ karṇaṃ viddhi kalyāṇi bhāskaraṃ śubhadarśane|| yaśca pāṇḍavadāyādo hataḥ ṣaḍbhirmahārathaiḥ| sa soma iha sobhadro yogādevābhavad dvidhā|| dvidhā kṛtvā''tmano dehamādityaṃ tapatāṃ varam| lokāṃśca tāpayānaṃ vai viddhi karṇaṃ ca śobhane||

Hrishikesha is Narayana, and the wins are the Ashvins. That foremost of heat-giving ones, viz., Surya, having divided his body in two parts continued with one portion to give heat to the worlds and with another to live as Karna. He who was born as the son of Arjuna, that gladdener of all, that heir of the properties of the Pandavas, who was killed by six carwarriors (fighting together) was Soma. He was of born Subhadra. Through Yoga power he had divided himself in two parts.

— tr. M.N. Dutt (1891–96) (public domain)

MBh 9 291.12

द्रौपद्या सह सम्भूतं धृष्टद्युम्नं च पावकात्। अग्नेर्भागं शुभं विद्धि राक्षसं तु शिखण्डिनम्॥

draupadyā saha sambhūtaṃ dhṛṣṭadyumnaṃ ca pāvakāt| agnerbhāgaṃ śubhaṃ viddhi rākṣasaṃ tu śikhaṇḍinam||

Dhrishtadyumna who originated with Draupadi from the sacrificial fire, was an auspicious portion of the deity of fire, Shikhandin was a Rakshasa.

— tr. M.N. Dutt (1891–96) (public domain)

MBh 9 291.13

द्रोणं बृहस्पतेर्भागं विद्धि द्रौणिं च रुद्रजम्। भीष्मं च विद्धि गाङ्गेयं वसुं मानुषतां गतम्॥

droṇaṃ bṛhaspaterbhāgaṃ viddhi drauṇiṃ ca rudrajam| bhīṣmaṃ ca viddhi gāṅgeyaṃ vasuṃ mānuṣatāṃ gatam||

Know that Drona was a portion of Brihaspati, and that Drona's son is born of a portion of Rudra. Know that Ganga's son Bhishma was one of the Vasus who became born as a men.

— tr. M.N. Dutt (1891–96) (public domain)

MBh 9 291.14

एवमेते महाप्रज्ञे देवा मानुष्यमेत्य हि। ततः पुनर्गताः स्वर्गं कृते कर्मणि शोभने।॥

evamete mahāprajñe devā mānuṣyametya hi| tataḥ punargatāḥ svargaṃ kṛte karmaṇi śobhane|||

Thus, O you of great wisdom, the deities had taken birth as human beings, and after having accomplished their purposes have returned to the celestial region.

— tr. M.N. Dutt (1891–96) (public domain)

MBh 9 291.15

यच्च वै हृदि सर्वेषां दुःखमेतच्चिरं स्थितम्। तदद्य व्यपनेष्यामि परलोककृताद् भयात्॥

yacca vai hṛdi sarveṣāṃ duḥkhametacciraṃ sthitam| tadadya vyapaneṣyāmi paralokakṛtād bhayāt||

I shall today, dispel that sorrow which is in the hearts of you all, about the return of these to the other world.

— tr. M.N. Dutt (1891–96) (public domain)

MBh 9 291.16

सर्वे भवन्तो गच्छन्तु नदीं भागीरथी प्रति। तत्र द्रक्ष्यथ तान् सर्वान् ये हतास्तत्र संयुगे॥

sarve bhavanto gacchantu nadīṃ bhāgīrathī prati| tatra drakṣyatha tān sarvān ye hatāstatra saṃyuge||

Do you all go towards the Bhagirathi. You will then see all those who have been killed on the field of battle.

— tr. M.N. Dutt (1891–96) (public domain)

MBh 9 291.17

वैशम्पायन उवाच इति व्यासस्य वचनं श्रुत्वा सर्वो जनस्तदा। महता सिंहनादेन गङ्गामभिमुखो ययौ॥

vaiśampāyana uvāca iti vyāsasya vacanaṃ śrutvā sarvo janastadā| mahatā siṃhanādena gaṅgāmabhimukho yayau||

Vaishampayana said. All the persons there present having heard the words of Vyasa, raised a loud leonine shout and then went towards the Bhagirathi.

— tr. M.N. Dutt (1891–96) (public domain)

MBh 9 291.18

धृतराष्ट्राश्च सामात्यः प्रययौ सह पाण्डवैः। सहितो मुनिशार्दूलैर्गन्धर्वैश्च समागतैः॥

dhṛtarāṣṭrāśca sāmātyaḥ prayayau saha pāṇḍavaiḥ| sahito muniśārdūlairgandharvaiśca samāgataiḥ||

Dhritarashtra with all is ministers and the Pandavas, as also with all those foremost of Rishis and Gandharvas who had come there, started as directed.

— tr. M.N. Dutt (1891–96) (public domain)

MBh 9 291.19

ततो गङ्गां समासाद्य क्रमेण स जनार्णवः। निवासमकरोत् सर्वो यथाप्रीति यथासुखम्॥

tato gaṅgāṃ samāsādya krameṇa sa janārṇavaḥ| nivāsamakarot sarvo yathāprīti yathāsukham||

Arrived at the banks of Ganga, that sea of men look up their abode as pleased them.

— tr. M.N. Dutt (1891–96) (public domain)

MBh 9 291.20

राजा च पाण्डवैः सार्धमिष्टे देशे सहानुगः। निवासमकरोद् धीमान् सस्त्रीवृद्धपुरःसरः॥

rājā ca pāṇḍavaiḥ sārdhamiṣṭe deśe sahānugaḥ| nivāsamakarod dhīmān sastrīvṛddhapuraḥsaraḥ||

The endued with great intelligence, with the Pandavas, took up his abode in desirable spot, along with the ladies and the aged ones of his household.

— tr. M.N. Dutt (1891–96) (public domain)

MBh 9 291.21

जगाम तदहश्चापि तेषां वर्षशतं यथा। निशां प्रतीक्षमाणानां दिदृक्षूणां मृतान् नृपान्॥

jagāma tadahaścāpi teṣāṃ varṣaśataṃ yathā| niśāṃ pratīkṣamāṇānāṃ didṛkṣūṇāṃ mṛtān nṛpān||

They passed that day as if it were a whole year, waiting for the approach of the might when they would see the deceased princes.

— tr. M.N. Dutt (1891–96) (public domain)

MBh 9 291.22

अथ पुण्यं गिरिवरमस्तमभ्यगमद् रविः। ततः कृताभिषेकास्ते नैशं कर्म समाचरन्॥

atha puṇyaṃ girivaramastamabhyagamad raviḥ| tataḥ kṛtābhiṣekāste naiśaṃ karma samācaran||

The Sun then reached the sacred mountain in the west and all those persons, having bathed in the sacred river finished their evening rites.

— tr. M.N. Dutt (1891–96) (public domain)