Mahabharata — Volume IX (Dutt edition) — Chapter 288

MBh 9 288.1

वैशम्पायन उवाच ततः समुपविष्टेषु पाण्डवेषु महात्मसु। व्यासः सत्यवतीपुत्र इदं वचनमब्रवीत्॥ धृतराष्ट्र महाबाहो कच्चित् ते वर्तते तपः। कच्चिन्मनस्ते प्रीणाति वनवासे नराधिप॥

vaiśampāyana uvāca tataḥ samupaviṣṭeṣu pāṇḍaveṣu mahātmasu| vyāsaḥ satyavatīputra idaṃ vacanamabravīt|| dhṛtarāṣṭra mahābāho kaccit te vartate tapaḥ| kaccinmanaste prīṇāti vanavāse narādhipa||

Vaishampayana said, After the noble Pandavas had all been seated, Satyavati's son Vyasa said, 'O Dhritarashtra of mighty-arms, have you been able to achieve penances? Is your mind, O king, pleased with your living in the forest?

— tr. M.N. Dutt (1891–96) (public domain)

MBh 9 288.2

कच्चिद्धृदि न ते शोको राजन् पुत्रविनाशजः। कच्चिज्ज्ञानानि सर्वाणि सुप्रसन्नानि तेऽनघ॥

kacciddhṛdi na te śoko rājan putravināśajaḥ| kaccijjñānāni sarvāṇi suprasannāni te'nagha||

Has your grief begotten of the destruction of our sons in battle, disappeared from your heart? Are all your perceptions, O sinless one, now clear?

— tr. M.N. Dutt (1891–96) (public domain)

MBh 9 288.3

कच्चिद् बुद्धिं दृढां कृत्वा चरस्यारण्यकं विधिम्। कच्चिद् वधूश्च गान्धारी न शोकेनाभिभूयते॥

kaccid buddhiṃ dṛḍhāṃ kṛtvā carasyāraṇyakaṃ vidhim| kaccid vadhūśca gāndhārī na śokenābhibhūyate||

Do you practise the ordinances of forest-life after having made your heart firin? Does my daughter-in-law, Gandhari, suffer herself to be overwhelmed by grief?

— tr. M.N. Dutt (1891–96) (public domain)

MBh 9 288.4

महाप्रज्ञा बुद्धिमती देवी धर्मार्थदर्शिनी। आगमापायतत्त्वज्ञा कच्चिदेषा न शोचति॥

mahāprajñā buddhimatī devī dharmārthadarśinī| āgamāpāyatattvajñā kaccideṣā na śocati||

She is endued with great wisdom. Endued with intelligence, that queen understands both virtue and profit. She is well conversant with the truths which relate to both prosperity and adversity. Does not still grieve?

— tr. M.N. Dutt (1891–96) (public domain)

MBh 9 288.5

कच्चित् कुन्ती च राजंस्त्वां शुश्रूषत्यनहंकृता। या परित्यज्य स्वं पुत्रं गुरुशुश्रूषणे रता॥

kaccit kuntī ca rājaṃstvāṃ śuśrūṣatyanahaṃkṛtā| yā parityajya svaṃ putraṃ guruśuśrūṣaṇe ratā||

Does Kunti, o king, who for her devotion to the service of her seniors, left her children, attend to your wants and serve your with all humility?

— tr. M.N. Dutt (1891–96) (public domain)

MBh 9 288.6

कच्चिद् धर्मसुतो राजा त्वया प्रत्यभिनन्दितः। भीमार्जुनयमाश्चैव कच्चिदेतेऽपि सान्त्विताः॥

kaccid dharmasuto rājā tvayā pratyabhinanditaḥ| bhīmārjunayamāścaiva kaccidete'pi sāntvitāḥ||

Have the high-minded and great king Yudhishthira, the son of Dharma, and Bhima and Arjuna, and the twins, been sufficiently comforted?

— tr. M.N. Dutt (1891–96) (public domain)

MBh 9 288.7

कच्चिन्नन्दसि दृष्ट्वैतान् कच्चित् ते निर्मलं मनः। कच्चिच्च शुद्धभावोऽसि जातज्ञानो नराधिप॥

kaccinnandasi dṛṣṭvaitān kaccit te nirmalaṃ manaḥ| kaccicca śuddhabhāvo'si jātajñāno narādhipa||

Do you feel delight at seeing them? Has your mind become freed from every strain? Has your disposition, O king, become pure on account of he increase of your knowledge?

— tr. M.N. Dutt (1891–96) (public domain)

MBh 9 288.8

एतद्धि त्रितयं श्रेष्ठं सर्वभूतेषु भारत। निर्वैरता महाराज सत्यमक्रोध एव च॥

etaddhi tritayaṃ śreṣṭhaṃ sarvabhūteṣu bhārata| nirvairatā mahārāja satyamakrodha eva ca||

These three, O king, are the foremost of all concerns, O Bharata, viz., abstension from injury to any creation, truth, and freedom from anger.

— tr. M.N. Dutt (1891–96) (public domain)

MBh 9 288.9

कच्चित् तेन च मोहोऽस्ति वनवासेन भारत। स्ववशे वन्यमन्नं वा उपवासोऽपि वा भवेत्॥

kaccit tena ca moho'sti vanavāsena bhārata| svavaśe vanyamannaṃ vā upavāso'pi vā bhavet||

Does your forest-life any longer prove painful to you? Are you able to acquire with your own exertions the products of the forest for your food? Do fasts pain you now?

— tr. M.N. Dutt (1891–96) (public domain)

MBh 9 288.10

विदितं चापि राजेन्द्र विदुरस्य महात्मनः। गमनं विधिनाऽनेन धर्मस्य सुमहात्मनः॥

viditaṃ cāpi rājendra vidurasya mahātmanaḥ| gamanaṃ vidhinā'nena dharmasya sumahātmanaḥ||

Have you learnt 'o king, how the great Vidura, who was Dharma's self, left this world?

— tr. M.N. Dutt (1891–96) (public domain)

MBh 9 288.11

माण्डव्यशापाद्धि स वै धर्मो विदुरतां गतः। महाबुद्धिर्महायोगी महात्मा सुमहामनाः॥

māṇḍavyaśāpāddhi sa vai dharmo viduratāṃ gataḥ| mahābuddhirmahāyogī mahātmā sumahāmanāḥ||

Through the curse of Mandavya, the deity of Virtue became born as Vidura. He was gifted with great intelligence. Endued with high penances, he was great and high-minded.

— tr. M.N. Dutt (1891–96) (public domain)

MBh 9 288.12

बृहस्पतिर्वा देवेषु शुक्रो वाप्यसुरेषु च। न तथा बुद्धिसम्पन्नो यथा स पुरुषर्षभः॥

bṛhaspatirvā deveṣu śukro vāpyasureṣu ca| na tathā buddhisampanno yathā sa puruṣarṣabhaḥ||

Even Brihaspati among the celestials, and Shukra among the Asuras, had not intelligence like that foremost of persons.

— tr. M.N. Dutt (1891–96) (public domain)

MBh 9 288.13

तपोबलव्ययं कृत्वा सुचिरात् सम्भृतं तदा। माण्डव्येनर्षिणा धर्मो ह्यभिभूतः सनातनः॥

tapobalavyayaṃ kṛtvā sucirāt sambhṛtaṃ tadā| māṇḍavyenarṣiṇā dharmo hyabhibhūtaḥ sanātanaḥ||

The eternal deity of Virtue was stupefied by the Rishi Mandavya with an expenditure of his penances acquired for a long time with great care,

— tr. M.N. Dutt (1891–96) (public domain)

MBh 9 288.14

नियोगाद् ब्रह्मणः पूर्वे मया स्वेन बलेन च। वैचित्रवीर्यके क्षेत्रे जातः स सुमहामतिः॥

niyogād brahmaṇaḥ pūrve mayā svena balena ca| vaicitravīryake kṣetre jātaḥ sa sumahāmatiḥ||

At the command of the grandfather and through my own energy, the highly intelligent Vidura was procreated by me upon a soil owned by Vichitravirya.

— tr. M.N. Dutt (1891–96) (public domain)

MBh 9 288.15

भ्राता तव महाराज देवदेवः सनातनः। धारणान्मनसा ध्यानाद् यं धर्मं कवयो विदुः॥

bhrātā tava mahārāja devadevaḥ sanātanaḥ| dhāraṇānmanasā dhyānād yaṃ dharmaṃ kavayo viduḥ||

A deity of deities, and eternal, he was, O king, your brother. The learned know him to be Dharma on account of his practices of concentration and abstraction.

— tr. M.N. Dutt (1891–96) (public domain)

MBh 9 288.16

सत्येन संवर्धयति यो दमेन शमेन च। अहिंसया च दानेन तप्यमानः सनातनः॥

satyena saṃvardhayati yo damena śamena ca| ahiṃsayā ca dānena tapyamānaḥ sanātanaḥ||

He grows with truth, self-respect, tranquillity of heat, mercy, and gifts. He is always engaged in penances, and is eternal.

— tr. M.N. Dutt (1891–96) (public domain)

MBh 9 288.17

येन योगबलाज्जातः कुरुराजो युधिष्ठिरः। धर्म इत्येष नृपते प्राज्ञेनामितबुद्धिना॥

yena yogabalājjātaḥ kururājo yudhiṣṭhiraḥ| dharma ityeṣa nṛpate prājñenāmitabuddhinā||

From that deity of Virtue, through YogaPower, the Kuru king Yudhishthria also took his birth. Yudhishthira, therefore, O king, is Dharma of great wisdom and immeasurable intelligence.

— tr. M.N. Dutt (1891–96) (public domain)

MBh 9 288.18

यथा वह्निर्यथा वायुर्यथाऽऽपः पृथिवी यथा। यथाऽऽकाशं तथा धर्म इह चामुत्र च स्थितः॥

yathā vahniryathā vāyuryathā''paḥ pṛthivī yathā| yathā''kāśaṃ tathā dharma iha cāmutra ca sthitaḥ||

Dharma exists both in this world and in the next, and is like fire or wind or water or earth or space.

— tr. M.N. Dutt (1891–96) (public domain)

MBh 9 288.19

सर्वगश्चैव राजेन्द्र सर्वं व्याप्य चराचरम्। दृश्यते देवदेवैः स सिद्धैर्निर्मुक्तकल्मषैः॥

sarvagaścaiva rājendra sarvaṃ vyāpya carācaram| dṛśyate devadevaiḥ sa siddhairnirmuktakalmaṣaiḥ||

He is, o king of kings, capable of going everywhere and exists, pervading the entire universe. He is capable of being seen by only those who are the foremost of the deities and those who are purged of every sin and crowned with ascetic success.

— tr. M.N. Dutt (1891–96) (public domain)

MBh 9 288.20

यो हि धर्मः स विदुरो विदुरो यः स पाण्डवः। स एष राजन् दृश्यस्ते पाण्डवः प्रेष्यवत् स्थितः॥२१

yo hi dharmaḥ sa viduro viduro yaḥ sa pāṇḍavaḥ| sa eṣa rājan dṛśyaste pāṇḍavaḥ preṣyavat sthitaḥ||21

He who is Dharma, is Vidura and he who is Vidura is the (eldest) son of Pandu. That son of Pandu, O king, is capable of being perceived by you. He is before you as your servitor.

— tr. M.N. Dutt (1891–96) (public domain)

MBh 9 288.21

प्रविष्टः स महात्मानं भ्राता ते बुद्धिसत्तमः। दृष्ट्वा महात्मा कौन्तेयं महायोगबलान्वितः॥

praviṣṭaḥ sa mahātmānaṃ bhrātā te buddhisattamaḥ| dṛṣṭvā mahātmā kaunteyaṃ mahāyogabalānvitaḥ||

Gifted with great Yoga-Power, your highsouled brother, that foremost of intelligent men, seeing the high-souled Yudhishthira, the son of Kunti has entered into his body.

— tr. M.N. Dutt (1891–96) (public domain)

MBh 9 288.22

त्वां चापि श्रेयसा योक्ष्ये न चिराद् भरतर्षभ। संशयच्छेदनार्थाय प्राप्तं मां विद्धि पुत्रका॥

tvāṃ cāpi śreyasā yokṣye na cirād bharatarṣabha| saṃśayacchedanārthāya prāptaṃ māṃ viddhi putrakā||

O chief of Bharata's race, I shall unite you also with great benefit. Know, O son, that I am come here for removing your doubts.

— tr. M.N. Dutt (1891–96) (public domain)

MBh 9 288.23

न कृतं यैः पुरा कैश्चित् कर्म लोके महर्षिभिः। आश्चर्यभूतं तपसः फलं तद् दर्शयामि वः॥

na kṛtaṃ yaiḥ purā kaiścit karma loke maharṣibhiḥ| āścaryabhūtaṃ tapasaḥ phalaṃ tad darśayāmi vaḥ||

I shall show you some feat which has never been accomplished before by any of the great Rishis-some wonderful effect of my penances.

— tr. M.N. Dutt (1891–96) (public domain)

MBh 9 288.24

किमिच्छसि महीपाल मत्तः प्राप्तुमभीप्सितम्। द्रष्टुं स्प्रष्टुमथ श्रोतुं तत्कर्ताऽस्मि तवानघ।॥

kimicchasi mahīpāla mattaḥ prāptumabhīpsitam| draṣṭuṃ spraṣṭumatha śrotuṃ tatkartā'smi tavānagha|||

What object is that, O king, whose accomplishment you wish from me? Tell me what is that which you wish to see or ask or hear? O sinless one, I shall accomplish it.

— tr. M.N. Dutt (1891–96) (public domain)