Mahabharata — Volume IX (Dutt edition) — Chapter 284
MBh 9 284.1
वैशम्पायन उवाच ततस्ते पाण्डवा दूरादवतीर्य पदातयः। अभिजग्मुर्नरपतेराश्रमं विनयानताः॥
vaiśampāyana uvāca tataste pāṇḍavā dūrādavatīrya padātayaḥ| abhijagmurnarapaterāśramaṃ vinayānatāḥ||
Vaishampayana said The Pandavas got down at a distance, from their cars and proceeded on foot to the hermitage of the king, bending themselves in humility.
— tr. M.N. Dutt (1891–96) (public domain)
MBh 9 284.2
स च योधजनः सर्वो ये च राष्ट्रनिवासिनः। स्त्रियश्च कुरुमुख्यानां पद्भिरेवान्वयुस्तदा।॥
sa ca yodhajanaḥ sarvo ye ca rāṣṭranivāsinaḥ| striyaśca kurumukhyānāṃ padbhirevānvayustadā|||
All the combatants also, and the citizens and the wives of the Kuru chiefs, followed them on foot.
— tr. M.N. Dutt (1891–96) (public domain)
MBh 9 284.3
आश्रमं ते ततो जग्मुधृतराष्ट्रस्य पाण्डवाः। शून्यं मृगगणाकीर्णं कदलीवनशोभितम्॥
āśramaṃ te tato jagmudhṛtarāṣṭrasya pāṇḍavāḥ| śūnyaṃ mṛgagaṇākīrṇaṃ kadalīvanaśobhitam||
The Pandavas then reached the sacred hermitage of Dhritarashtra which abounded with herds of deer and which was adorned with plantain plants.
— tr. M.N. Dutt (1891–96) (public domain)
MBh 9 284.4
ततस्तत्र समाजग्मुस्तापसा नियतव्रताः। पाण्डवानागतान् द्रष्टुं कौतूहलसमन्विताः॥
tatastatra samājagmustāpasā niyatavratāḥ| pāṇḍavānāgatān draṣṭuṃ kautūhalasamanvitāḥ||
Many ascetics of rigid vows, filled with curiosity, came there for seeing the Pandavas who had arrived at the hermitage.
— tr. M.N. Dutt (1891–96) (public domain)
MBh 9 284.5
तानपृच्छत् ततो राजा क्वासौ कौरववंशभृत्। पिता ज्येष्ठो गतोऽस्माकमिति बाष्पपरिप्लुतः॥
tānapṛcchat tato rājā kvāsau kauravavaṃśabhṛt| pitā jyeṣṭho gato'smākamiti bāṣpapariplutaḥ||
The king, with tears in his eyes, asked them, saying, 'Where has my eldest sire the perpetuator of Kuru's race, gone?
— tr. M.N. Dutt (1891–96) (public domain)
MBh 9 284.6
ते तमूचुस्ततो वाक्यं यमुनामवगाहितुम्। युष्याणामुदकुम्भस्य चार्थे गत इति प्रभो॥
te tamūcustato vākyaṃ yamunāmavagāhitum| yuṣyāṇāmudakumbhasya cārthe gata iti prabho||
They answered, O monarch, telling him that he had gone to the Yamuna, for his ablutions, as also for fetching flowers and waters.
— tr. M.N. Dutt (1891–96) (public domain)
MBh 9 284.7
तैराख्यातेन मार्गेण ततस्ते जग्मुरञ्जसा। ददृशुश्चाविदूरे तान् सर्वानथ पदातयः॥
tairākhyātena mārgeṇa tataste jagmurañjasā| dadṛśuścāvidūre tān sarvānatha padātayaḥ||
Proceeding quickly on foot along the path pointed out by them, the Pandavas saw all of them from a distance.
— tr. M.N. Dutt (1891–96) (public domain)
MBh 9 284.8
ततस्ते सत्वरा जग्मुः पितुर्दर्शनकाक्षिणः। सहदेवस्तु वेगेन प्राधावद् यत्र सा पृथा।॥
tataste satvarā jagmuḥ piturdarśanakākṣiṇaḥ| sahadevastu vegena prādhāvad yatra sā pṛthā|||
Desirous of meeting with their sire they walked rapidly. Then Sahadeva ran quickly towards the spot where Pritha was.
— tr. M.N. Dutt (1891–96) (public domain)
MBh 9 284.9
सुस्वरं रुरुदे धीमान् मातुः पादावुपस्पृशन्। सा च बाष्पाकुलमुखी ददर्श दयितं सुतम्॥
susvaraṃ rurude dhīmān mātuḥ pādāvupaspṛśan| sā ca bāṣpākulamukhī dadarśa dayitaṃ sutam||
Touching the feet of his mother, he began to weep aloud. With tears running down her cheeks, she saw her darling child.
— tr. M.N. Dutt (1891–96) (public domain)
MBh 9 284.10
बाहुभ्यां सम्परिष्वज्य समुन्नाम्य च पुत्रकम्। गान्धार्याः कथयामास सहदेवमुपस्थितम्॥
bāhubhyāṃ sampariṣvajya samunnāmya ca putrakam| gāndhāryāḥ kathayāmāsa sahadevamupasthitam||
Raising her son up and embracing him with her arms she informed Gandhari of Sahadeva's arrival.
— tr. M.N. Dutt (1891–96) (public domain)
MBh 9 284.11
अनन्तरं च राजानं भीमसेनमथार्जुनम्। नकुलं च पृथा दृष्ट्वा त्वरमाणोपचक्रमे॥
anantaraṃ ca rājānaṃ bhīmasenamathārjunam| nakulaṃ ca pṛthā dṛṣṭvā tvaramāṇopacakrame||
Then seeing he king Bhimasena, Arjuna and Nakula, Pritha tried to advance quickly towards them.
— tr. M.N. Dutt (1891–96) (public domain)
MBh 9 284.12
सा ह्यग्रे गच्छति तयोर्दम्पत्योर्हतपुत्रयोः। कर्यन्ती तौ ततस्ते तां दृष्ट्वा संन्यपतन भुवि॥
sā hyagre gacchati tayordampatyorhataputrayoḥ| karyantī tau tataste tāṃ dṛṣṭvā saṃnyapatana bhuvi||
She was walking in advance of the childless old pair, and was dragging them forward. Seeing her, the Pandavas feel down on the earth.
— tr. M.N. Dutt (1891–96) (public domain)
MBh 9 284.13
राजा तान् स्वरयोगेन स्पर्शेन च महामनाः। प्रत्यभिज्ञाय मेधावी समाश्वासयत प्रभुः॥
rājā tān svarayogena sparśena ca mahāmanāḥ| pratyabhijñāya medhāvī samāśvāsayata prabhuḥ||
The powerful and the great monarch, gifted with great intelligence, recognising them by their voices ard also by touch, comforted them one after another.
— tr. M.N. Dutt (1891–96) (public domain)
MBh 9 284.14
ततस्ते बाष्पमुत्सृज्य गान्धारीसहितं नृपम्। उपतस्थुर्महात्मानो मातरं च यथाविधि॥
tataste bāṣpamutsṛjya gāndhārīsahitaṃ nṛpam| upatasthurmahātmāno mātaraṃ ca yathāvidhi||
Shedding tears, those great princes, with due formalities, approached the old king and Gandhari, as also their own mother.
— tr. M.N. Dutt (1891–96) (public domain)
MBh 9 284.15
सर्वेषां तोयकलशाजगृहुस्ते स्वयं तदा। पाण्डवा लब्धसंज्ञास्ते मात्रा चाश्वासिताः पुनः॥
sarveṣāṃ toyakalaśājagṛhuste svayaṃ tadā| pāṇḍavā labdhasaṃjñāste mātrā cāśvāsitāḥ punaḥ||
Indeed, regaining their senses, and once more consoled by their mother, the Pandavas took away from the king and their aunt and mother the jars full of water which they ha been carrying
— tr. M.N. Dutt (1891–96) (public domain)
MBh 9 284.16
तथा नार्यो नृसिंहानां सोऽवरोधजनस्तदा। पौरजानपदाश्चैव ददृशुस्तं जनाधिपम्॥
tathā nāryo nṛsiṃhānāṃ so'varodhajanastadā| paurajānapadāścaiva dadṛśustaṃ janādhipam||
The ladies of those leading men, and all the women of the royal household, as also all the inhabitants of the city and the provinces, then saw the old king.
— tr. M.N. Dutt (1891–96) (public domain)
MBh 9 284.17
निवेदयामास तदा जनं तन्नामगोत्रतः। युधिष्ठिरो नरपति: स चैनं प्रत्यपूजयत्॥
nivedayāmāsa tadā janaṃ tannāmagotrataḥ| yudhiṣṭhiro narapati: sa cainaṃ pratyapūjayat||
King Yudhishthira presented all those individuals one after another to the old king, repeating their names and families and then himself adored his eldest sire with respect.
— tr. M.N. Dutt (1891–96) (public domain)
MBh 9 284.18
स तैः परिवृत्तो मेने हर्षबाष्पाविलेक्षणः। राजाऽऽत्मानं गृहगतं पुरेव गजसाह्वये॥
sa taiḥ parivṛtto mene harṣabāṣpāvilekṣaṇaḥ| rājā''tmānaṃ gṛhagataṃ pureva gajasāhvaye||
Surrounded by them all, the old monarch, with eyes bathed in tears of joy, considered himself as once more staying in the midst of the city of Hastinapur.
— tr. M.N. Dutt (1891–96) (public domain)
MBh 9 284.19
अभिवादितो वधूभिश्च कृष्णाद्याभिः स पार्थिवः। गान्धार्या सहितो धीमान् कुन्त्या च प्रत्यनन्दत॥
abhivādito vadhūbhiśca kṛṣṇādyābhiḥ sa pārthivaḥ| gāndhāryā sahito dhīmān kuntyā ca pratyanandata||
Saluted with respect by all his daughters-inlaw headed by Krishna, king Dhritarashtra, gifted with great intelligence, with Gandhari and Kunti became filled with joy.
— tr. M.N. Dutt (1891–96) (public domain)
MBh 9 284.20
ततश्चाश्रममागच्छत् सिद्वयारणसेवितम्। दिदृक्षुभिः समाकीर्णं नमस्तारागणैरिव॥
tataścāśramamāgacchat sidvayāraṇasevitam| didṛkṣubhiḥ samākīrṇaṃ namastārāgaṇairiva||
He then reached his forest-retreat which was highly spoken of by Siddhas and Charanas, and that then was filled up with vast crowds of men all desirous of seeing him, like the sky teeming with my raids of stars.
— tr. M.N. Dutt (1891–96) (public domain)