Mahabharata — Volume IX (Dutt edition) — Chapter 276
MBh 9 276.1
तत: प्रासादहर्येषु वसुधायां च पार्थिव। नारीणां च नराणां च नि:स्वनः सुमहानभूत्॥
tata: prāsādaharyeṣu vasudhāyāṃ ca pārthiva| nārīṇāṃ ca narāṇāṃ ca ni:svanaḥ sumahānabhūt||
Great was the uproar, at that time, O king, of both men and women standing on the terraces of palaces or on the Earth.
— tr. M.N. Dutt (1891–96) (public domain)
MBh 9 276.2
स राजा राजमार्गेण नृनारीसंकुलेन च। कथंचिनिर्ययौ धीमान् वेपमानः कृताञ्जलिः॥
sa rājā rājamārgeṇa nṛnārīsaṃkulena ca| kathaṃciniryayau dhīmān vepamānaḥ kṛtāñjaliḥ||
Endued with great intelligence, the old king, with joined hands, and trembling with weakness, passed with difficulty along the principal street which was crowded with persons of both sexes.
— tr. M.N. Dutt (1891–96) (public domain)
MBh 9 276.3
स वर्द्धमानद्वारेण निर्ययौ गजसाह्वयात्। विसर्जयामास च तं जनौघं स मुहुर्मुहुः॥
sa varddhamānadvāreṇa niryayau gajasāhvayāt| visarjayāmāsa ca taṃ janaughaṃ sa muhurmuhuḥ||
He left the city of Hastinapur by the principal gate, and then repeatedly asked that crowd of people to return to their homes.
— tr. M.N. Dutt (1891–96) (public domain)
MBh 9 276.4
वनं गन्तुं च विदुरो राज्ञा सह कृतवणः । संजयश्च महामात्रः सूतो गावल्गणिस्तथा॥
vanaṃ gantuṃ ca viduro rājñā saha kṛtavaṇaḥ | saṃjayaśca mahāmātraḥ sūto gāvalgaṇistathā||
Vidura had made up his mind for going to the forest with the king. The Suta Sanjaya also, the son of Gavalgani, the chief minister of Dhritarashtra, was of the same heart.
— tr. M.N. Dutt (1891–96) (public domain)
MBh 9 276.5
कृपं निवर्तयामास युयुत्सुं च महारथम्। धृतराष्ट्रो महीपाल परिदाप्य युधिष्ठिरे॥
kṛpaṃ nivartayāmāsa yuyutsuṃ ca mahāratham| dhṛtarāṣṭro mahīpāla paridāpya yudhiṣṭhire||
King Dhritarashtra, however, caused Kripa and the powerful car-warrior Yuyutsu 10 refrain from following him. He made them over to Yudhishthira's hands.
— tr. M.N. Dutt (1891–96) (public domain)
MBh 9 276.6
निवृत्ते पौरवर्गे च राजा सान्त:पुरस्तदा। धृतराष्ट्राभ्यनुज्ञातो निवर्तितुमियेष ह॥
nivṛtte pauravarge ca rājā sānta:purastadā| dhṛtarāṣṭrābhyanujñāto nivartitumiyeṣa ha||
After the citizens had ceased following the monarch, king Yudhishthira, with the ladies of his house, prepared to stop, at the command of Dhritarashtra you desist.
— tr. M.N. Dutt (1891–96) (public domain)
MBh 9 276.7
सोऽब्रवीन्मातरं कुन्तीं वनं तमनुजग्मुषीम्। अहं राजानमन्विष्ये भवती विनिवर्तताम्॥
so'bravīnmātaraṃ kuntīṃ vanaṃ tamanujagmuṣīm| ahaṃ rājānamanviṣye bhavatī vinivartatām||
Seeing that his other Kunti was desirous of retiring into the forest, the king said to her, 'I shall follow the old king. Do
— tr. M.N. Dutt (1891–96) (public domain)
MBh 9 276.8
वधूपरिवृता राज्ञि नगरं गन्तुमर्हसि। राजा यात्वेष धर्मात्मा तापस्ये कृतनिश्चयः॥
vadhūparivṛtā rājñi nagaraṃ gantumarhasi| rājā yātveṣa dharmātmā tāpasye kṛtaniścayaḥ||
You should, O queen, return to the city, accompanied by these your daughters-in-law! This king, goes to the forest, determined upon practicing penances.
— tr. M.N. Dutt (1891–96) (public domain)
MBh 9 276.9
इत्युक्ता धर्मराजेन बाष्पव्याकुललोचना। जगामैव तदा कुन्ती गान्धारी परिगृह्य ह॥
ityuktā dharmarājena bāṣpavyākulalocanā| jagāmaiva tadā kuntī gāndhārī parigṛhya ha||
Though king Yudhishthira said these words to her, with his eyes bathed in tears, Kunti, however, without answering him, continued to go, catching hold of Gandhari.
— tr. M.N. Dutt (1891–96) (public domain)
MBh 9 276.10
कुन्ती उवाच सहदेवे महाराज माऽप्रसादं कृथाः क्वचित्। एष मामनुरक्तो हि राजंस्त्वां चैव सर्वदा॥
kuntī uvāca sahadeve mahārāja mā'prasādaṃ kṛthāḥ kvacit| eṣa māmanurakto hi rājaṃstvāṃ caiva sarvadā||
Kunti said O king, never neglect Sahadeva. He is very much attached to me, O monarch, and to you also always.
— tr. M.N. Dutt (1891–96) (public domain)
MBh 9 276.11
कर्णं स्मरेथाः सततं संग्रामेष्वपलायिनम्। अवकीर्णो हि समरे वीरो दुष्प्रज्ञया तदा॥
karṇaṃ smarethāḥ satataṃ saṃgrāmeṣvapalāyinam| avakīrṇo hi samare vīro duṣprajñayā tadā||
You should always bear in mind Karna who never retreated from battle. Through my folly that hero has been killed in the field of battle.
— tr. M.N. Dutt (1891–96) (public domain)
MBh 9 276.12
आयसं हृदयं नूनं मन्दाया मम पुत्रका यत् सूर्यजमपश्यन्त्याः शतधा न विदीर्यते॥
āyasaṃ hṛdayaṃ nūnaṃ mandāyā mama putrakā yat sūryajamapaśyantyāḥ śatadhā na vidīryate||
Surely, my son, this heart of mine is made of steel, since it does not break into a hundred pieces at not sceing that child born of the SunGod.
— tr. M.N. Dutt (1891–96) (public domain)
MBh 9 276.13
एवं गते तु किं शक्यं मया कर्तुमरिंदम। मम दोषोऽयमत्यर्थं ख्यापितो यन्न सूर्यजः॥
evaṃ gate tu kiṃ śakyaṃ mayā kartumariṃdama| mama doṣo'yamatyarthaṃ khyāpito yanna sūryajaḥ||
When such has been the case, O chastise of enemies, what can I now do? I am very much to blame for 1101 having said the truth about the birth of Surya's child.
— tr. M.N. Dutt (1891–96) (public domain)
MBh 9 276.14
तन्निमित्तं महाबाहो दानं दद्यास्त्वमुत्तमम्। सदैव भ्रातृभिः सार्धं सूर्यजस्यारिमर्दन॥
tannimittaṃ mahābāho dānaṃ dadyāstvamuttamam| sadaiva bhrātṛbhiḥ sārdhaṃ sūryajasyārimardana||
O crusher of enemies, I hope you will, with all your brothers, make excellent gifts for the sake of that son of the Sun-God.
— tr. M.N. Dutt (1891–96) (public domain)
MBh 9 276.15
द्रौपद्याश्च प्रिये नित्यं स्थातव्यमरिकर्शन। भीमसेनोऽर्जुनश्चैव नकुलश्च कुरूद्वह॥
draupadyāśca priye nityaṃ sthātavyamarikarśana| bhīmaseno'rjunaścaiva nakulaśca kurūdvaha||
O mower of enemies, you should always do what is agreeable to Draupadi. You should look after Bhimasena and Arjuna and Nakula and Sahadeva. The charge of the Kuru race have now fallen on you, O king.
— tr. M.N. Dutt (1891–96) (public domain)
MBh 9 276.16
समाधेयास्त्वया राजंस्त्वय्यद्य कुलधूर्गता। श्रश्रूश्वशुरयोः पादान् शुश्रूषन्ती वने त्वहम्॥
samādheyāstvayā rājaṃstvayyadya kuladhūrgatā| śraśrūśvaśurayoḥ pādān śuśrūṣantī vane tvaham||
I shall live in the forest with Gandhari, besmearing my body with fifth, engaged in the practice of penances, and devoted to the service of my father-in-law and mother-in-law.
— tr. M.N. Dutt (1891–96) (public domain)
MBh 9 276.17
वैशम्पायन उवाच गान्धारीसहिता वत्स्ये तापसी मलपङ्किनी। एवमुक्तः स धर्मात्मा भ्रातृभिः सहितो वशी। विषादमगपद् धीमान् न च किंचिदुवाच ह॥
vaiśampāyana uvāca gāndhārīsahitā vatsye tāpasī malapaṅkinī| evamuktaḥ sa dharmātmā bhrātṛbhiḥ sahito vaśī| viṣādamagapad dhīmān na ca kiṃciduvāca ha||
Vaishampayana said Thus addressed by her, the virtuous Yudhishthira, with passions under complete restraint, became, with all his brothers, plunged into great sorrow. Gifted with grcat intelligence, the king said not a word.
— tr. M.N. Dutt (1891–96) (public domain)
MBh 9 276.18
मुहूर्तमिव तु ध्यात्वा धर्मराजो युधिष्ठिरः। उवाच मातरं दीनश्चिन्ताशोकपरायणः॥
muhūrtamiva tu dhyātvā dharmarājo yudhiṣṭhiraḥ| uvāca mātaraṃ dīnaścintāśokaparāyaṇaḥ||
Having thought for a inoment, king Yudhishthira just, dispirited and plunged in anxiety and sorrow, said to his mother, saying,
— tr. M.N. Dutt (1891–96) (public domain)
MBh 9 276.19
किमिदं ते व्यवसितं नैव त्वं वक्तुमर्हसि। न त्वामभ्यनुजानामि प्रसादं कर्तुमर्हसि॥
kimidaṃ te vyavasitaṃ naiva tvaṃ vaktumarhasi| na tvāmabhyanujānāmi prasādaṃ kartumarhasi||
What, indeed, is your object? You should not do it. I can never grant you permission! you should show us mercy.
— tr. M.N. Dutt (1891–96) (public domain)
MBh 9 276.20
पुरोद्यतान् पुरा ह्यस्मानुत्साह्य प्रियदर्शने। विदुलाया वचोभिस्त्वं नास्मान् संत्यक्तुमर्हसि॥
purodyatān purā hyasmānutsāhya priyadarśane| vidulāyā vacobhistvaṃ nāsmān saṃtyaktumarhasi||
Formerly, when we were about to leave Hastinapur for the forest, O you of agreeable features, It was you who, reciting to us the story of Vidula's instructions to her son, stimulated us to exertion. You should not leave us now.
— tr. M.N. Dutt (1891–96) (public domain)
MBh 9 276.21
निहत्य पृथिवीपालान् राज्यं प्राप्तमिदं मया। तव प्रज्ञामुपश्रुत्य वासुदेवान्नरर्षभात्॥
nihatya pṛthivīpālān rājyaṃ prāptamidaṃ mayā| tava prajñāmupaśrutya vāsudevānnararṣabhāt||
Having killed the kings of Earth, I have acquired sovereignty, guided by your wise words communicated through Vasudeva.
— tr. M.N. Dutt (1891–96) (public domain)
MBh 9 276.22
क्व सा बुद्धिरियं चाद्य भवत्या यच्छुतं मया। क्षत्रधर्मे स्थितिं चोक्त्वा तस्याश्च्यवितुमिच्छसि॥
kva sā buddhiriyaṃ cādya bhavatyā yacchutaṃ mayā| kṣatradharme sthitiṃ coktvā tasyāścyavitumicchasi||
Where now is that understanding of yours about which I had heard from Vasudeva? Do you wish now to deviate from those Kshatriya practices about which you had instructed us?
— tr. M.N. Dutt (1891–96) (public domain)
MBh 9 276.23
अस्मानुत्सृज्य राज्यं च स्नुषा हीमा यशस्विनि। कथं वत्स्यसि दुर्गेषु वनेष्वद्य प्रसीद मे॥
asmānutsṛjya rājyaṃ ca snuṣā hīmā yaśasvini| kathaṃ vatsyasi durgeṣu vaneṣvadya prasīda me||
Leaving ourselves, this kingdom, and this illustrious daughter-in-law of yours, how will you live in the inaccessible forest? Do you relent.
— tr. M.N. Dutt (1891–96) (public domain)
MBh 9 276.24
इति बाष्पकला वाचः कुन्ती पुत्रस्य शृण्वती। सा जगामाश्रुपूर्णाश्री भीमस्तामिदमब्रवीत्॥
iti bāṣpakalā vācaḥ kuntī putrasya śṛṇvatī| sā jagāmāśrupūrṇāśrī bhīmastāmidamabravīt||
Kunti, with tears in her eyes, heard these words of her son, but continued to go her way. Then Bhima addressed her, saying,
— tr. M.N. Dutt (1891–96) (public domain)
MBh 9 276.25
यदा राज्यमिदं कुन्ति भोक्तव्यं पुत्रनिर्जितम्। प्राप्तव्या राजधर्माश्च तदेयं ते कुतो मतिः॥
yadā rājyamidaṃ kunti bhoktavyaṃ putranirjitam| prāptavyā rājadharmāśca tadeyaṃ te kuto matiḥ||
When, O Kunti, sovereignty has been acquired, and when the time has coine for you to enjoy that sovereignty thus acquired by your children, when the duties of royalty await discharge by you, whence has this desire entered into your mind?
— tr. M.N. Dutt (1891–96) (public domain)
MBh 9 276.26
किं वयं कारिताः पूर्वे भवत्या पृथिवीक्षयम्। कस्य हेतोः परित्यज्य वनं गन्तुमभीप्ससि॥
kiṃ vayaṃ kāritāḥ pūrve bhavatyā pṛthivīkṣayam| kasya hetoḥ parityajya vanaṃ gantumabhīpsasi||
Why then did you causc us to exterminate the Earth? Why would you leave all and wish to take up your residence in the forest?
— tr. M.N. Dutt (1891–96) (public domain)
MBh 9 276.27
वनाच्चापि किमानीता भवत्या बालका वयम्। दुःखशोकसमाविष्टौ माद्रीपुत्राविमौ तथा॥
vanāccāpi kimānītā bhavatyā bālakā vayam| duḥkhaśokasamāviṣṭau mādrīputrāvimau tathā||
We were born in the forest. Why then did you bring us from the forest while we were children? See, the two sons of Madri are overwhelmed with sorrow and grief.
— tr. M.N. Dutt (1891–96) (public domain)
MBh 9 276.28
प्रसीद मातर्मा गास्त्वं वनमद्य यशस्विनि। श्रियं यौधिष्ठिरी मात(क्ष्व तावद् बलार्जिताम्॥
prasīda mātarmā gāstvaṃ vanamadya yaśasvini| śriyaṃ yaudhiṣṭhirī māta(kṣva tāvad balārjitām||
Relent, O mother! O you of great fame, do not go into the forest now! Do you enjoy that prosperity which, acquired by power, has become Yudhishthira's today.
— tr. M.N. Dutt (1891–96) (public domain)
MBh 9 276.29
इति सा निश्चितैवाशु वनवासाय भाविनी। लालप्यतां बहुविधं पुत्राणां नाकरोद् वचः॥
iti sā niścitaivāśu vanavāsāya bhāvinī| lālapyatāṃ bahuvidhaṃ putrāṇāṃ nākarod vacaḥ||
Firmly resolved to retire into the forest, Kunti disregarded these lamentations of her sons.
— tr. M.N. Dutt (1891–96) (public domain)
MBh 9 276.30
द्रौपदी चान्वयाच्छ्वधू विषण्णवदना तदा। वनवासाय गच्छन्ती रुदती भद्रया सह॥
draupadī cānvayācchvadhū viṣaṇṇavadanā tadā| vanavāsāya gacchantī rudatī bhadrayā saha||
Then Draupadi, with a cheerless face, accompanied by Subhadra, followed her weeping mother-in-law who was proceeding on from desire of going into the forest.
— tr. M.N. Dutt (1891–96) (public domain)
MBh 9 276.31
सा पुत्रान् रुदतः सर्वान् मुहुर्मुहुरवेक्षती। जगामैव महाप्राज्ञा वनाय कृतनिश्चया॥
sā putrān rudataḥ sarvān muhurmuhuravekṣatī| jagāmaiva mahāprājñā vanāya kṛtaniścayā||
Highly wise and firmly resolved on retirement from the world, the blessed dame walked on, frequently loO king at her weeping children.
— tr. M.N. Dutt (1891–96) (public domain)
MBh 9 276.32
अन्वयुः पाण्डवास्तां तु सभृत्यान्तः पुरास्तथा। तत: प्रमृज्य साश्रूणि पुत्रान् वचनमब्रवीत्॥
anvayuḥ pāṇḍavāstāṃ tu sabhṛtyāntaḥ purāstathā| tata: pramṛjya sāśrūṇi putrān vacanamabravīt||
The Pandavas, with all their wives and servitors, continued to follow her. Restraining then her tears, she addressed her children in these words.
— tr. M.N. Dutt (1891–96) (public domain)