Mahabharata — Volume IX (Dutt edition) — Chapter 254
MBh 9 254.1
वैशम्पायन उवाच समागतान् वेदविदो राज्ञश्च पृथिवीश्वरान्। दृष्ट्वा युधिष्ठिरो राजा भीमसेनमभाषत॥ उपयाता नरव्याघ्रा य एते पृथिवीश्वराः एतेषां क्रियतां पूजा पूजार्हा हि नराधिपाः॥
vaiśampāyana uvāca samāgatān vedavido rājñaśca pṛthivīśvarān| dṛṣṭvā yudhiṣṭhiro rājā bhīmasenamabhāṣata|| upayātā naravyāghrā ya ete pṛthivīśvarāḥ eteṣāṃ kriyatāṃ pūjā pūjārhā hi narādhipāḥ||
Vaishampayana said Seeing those kings-lords of Earth-all conversant with the Vedas, arrive, king Yudhishthira, addressing Bhimasena, said, O chief of men, let proper honors be paid to these kings who have come, for these foremost of men are all worthy of the highest honors.
— tr. M.N. Dutt (1891–96) (public domain)
MBh 9 254.2
इत्युक्तः स तथा चक्रे नरेन्द्रेण यशस्विना। भीमसेनो महातेजा यमाभ्यां सह पाण्डवः॥
ityuktaḥ sa tathā cakre narendreṇa yaśasvinā| bhīmaseno mahātejā yamābhyāṃ saha pāṇḍavaḥ||
Thus addressed by the illustrious king Yudhishthira, Pandu's son Bhiinasena of mighty energy did as he was ordered, assisted by the twins.
— tr. M.N. Dutt (1891–96) (public domain)
MBh 9 254.3
अथाभ्यगच्छद्गोविन्दो वृष्णिभिः सह धर्मजम्। बलदेवं पुरस्कृत्य सर्वप्राणभृतां वरः॥
athābhyagacchadgovindo vṛṣṇibhiḥ saha dharmajam| baladevaṃ puraskṛtya sarvaprāṇabhṛtāṃ varaḥ||
The foremost of all men, viz., Govinda, came there, accompanied by the Vrishnis, and with Baladeva in the van.
— tr. M.N. Dutt (1891–96) (public domain)
MBh 9 254.4
युयुधानेन सहितः प्रद्युम्नेन गदेन च। निशठेनाथ साम्बेन तथैव कृतवर्मणा।॥
yuyudhānena sahitaḥ pradyumnena gadena ca| niśaṭhenātha sāmbena tathaiva kṛtavarmaṇā|||
He was accompanied by Yuyudhana and Pradyumna and Goda, and Nishatha and Shamba and Kritavarman.
— tr. M.N. Dutt (1891–96) (public domain)
MBh 9 254.5
तेषामपि परां पूजां चक्रे भीमो महारथः। विविशुस्ते च वेश्मानि रत्नवन्ति च सर्वशः॥
teṣāmapi parāṃ pūjāṃ cakre bhīmo mahārathaḥ| viviśuste ca veśmāni ratnavanti ca sarvaśaḥ||
The powerful car-warrior Bhima offered them the most respectful adoration. Those princes then entered the palaces, adorned with gems, which were assigned to them.
— tr. M.N. Dutt (1891–96) (public domain)
MBh 9 254.6
युधिष्ठिरसमीपे तु कथान्ते मधुसूदनः। अर्जुनं कथयामास बहुसंग्रामकर्षितम्॥
yudhiṣṭhirasamīpe tu kathānte madhusūdanaḥ| arjunaṃ kathayāmāsa bahusaṃgrāmakarṣitam||
At the end of a conversation he ad with Yudhishthira, the destroyer of Madhu referred to Arjuna who had been emaciated on account of many fights.
— tr. M.N. Dutt (1891–96) (public domain)
MBh 9 254.7
स तं पप्रच्छ कौन्तेयः पुनः पुनररिंदमम्। धर्मजः शक्रजं जिष्णुं समाचष्ट जगत्पतिः॥
sa taṃ papraccha kaunteyaḥ punaḥ punarariṃdamam| dharmajaḥ śakrajaṃ jiṣṇuṃ samācaṣṭa jagatpatiḥ||
The son of Kunti repeatedly asked Krishna, that chastiser of enemies, about Arjuna. To Dharma's son, the lord of all the universe began to speak about Jishnu, the son of Shakra.
— tr. M.N. Dutt (1891–96) (public domain)
MBh 9 254.8
आगमद् द्वारकावासी ममाप्तः पुरुषो नृप। योऽद्राक्षीत् पाण्डवश्रेष्ठ बहुसंग्रामकर्षितम्॥
āgamad dvārakāvāsī mamāptaḥ puruṣo nṛpa| yo'drākṣīt pāṇḍavaśreṣṭha bahusaṃgrāmakarṣitam||
O king, a confidential agent of mine living in Dwarka came to me. He had seen Arjuna, that foremost of Pandu's sons. Indeed, the latter has been very much emaciated with the fatigue of many battles,
— tr. M.N. Dutt (1891–96) (public domain)
MBh 9 254.9
समीपे च महाबाहुपाचष्ट च मम प्रभो। कुरु कार्याणि कौन्तेय हयमेधार्थसिद्धये॥
samīpe ca mahābāhupācaṣṭa ca mama prabho| kuru kāryāṇi kaunteya hayamedhārthasiddhaye||
powerful monarch, that agent of mine inforned me that the mighty-armed hero is very near to us. You begin to celebrate your Horse-Sacrifice.
— tr. M.N. Dutt (1891–96) (public domain)
MBh 9 254.10
इत्युक्तः प्रत्युवाचैनं धर्मराजो युधिष्ठिरः। दिष्ट्या स कुशली जिष्णुरुपायाति च माधव॥
ityuktaḥ pratyuvācainaṃ dharmarājo yudhiṣṭhiraḥ| diṣṭyā sa kuśalī jiṣṇurupāyāti ca mādhava||
Thus addressed, king Yudhishthira the just said him, By good luck, O Madhava, Arjuna comes back safely!
— tr. M.N. Dutt (1891–96) (public domain)
MBh 9 254.11
यदिदं संदिदेशास्मिन् पाण्डवानां बलाग्रणी: तदा ज्ञातुमिहेच्छामि भवता यदुनन्दन॥
yadidaṃ saṃdideśāsmin pāṇḍavānāṃ balāgraṇī: tadā jñātumihecchāmi bhavatā yadunandana||
I wish to ascertain from you, O delighter of the Yadavas, what has been said in this matter by that mightiest of heroes amongs the sons of Pandu!
— tr. M.N. Dutt (1891–96) (public domain)
MBh 9 254.12
इत्युक्तो धर्मराजेन वृष्ण्यन्धकपतिस्तदा। प्रोवाचेदं वचो वाग्मी धर्मात्मानं युधिष्ठिरम्॥ इदमाह महाराज पार्थवाक्यं स्मरन् नरः। वाच्यो युधिष्ठिरः कृष्ण काले वाक्यमिदं मम॥
ityukto dharmarājena vṛṣṇyandhakapatistadā| provācedaṃ vaco vāgmī dharmātmānaṃ yudhiṣṭhiram|| idamāha mahārāja pārthavākyaṃ smaran naraḥ| vācyo yudhiṣṭhiraḥ kṛṣṇa kāle vākyamidaṃ mama||
Thus addressed by king Yudhishthira the just, the lord of the Vrishnis and the Andhakas, that foremost of eloquent men, said these words to that inonarch of righteous soul, My agent, reported the words of Partha thus to me, O great king, Yudhishthira, O Krishna, should be told these words of mine when the time comes!
— tr. M.N. Dutt (1891–96) (public domain)
MBh 9 254.13
आगमिष्यन्ति राजानः सर्वे वै कौरवर्षभ। प्राप्तानां महतां पूजा कार्या ह्येतत् क्षमं हि नः॥
āgamiṣyanti rājānaḥ sarve vai kauravarṣabha| prāptānāṃ mahatāṃ pūjā kāryā hyetat kṣamaṃ hi naḥ||
O chief of the Kauravas, many kings will come (to your sacrifice)! When they arrive, high honours should be paid to them. This would, indeed, be worthy for us.
— tr. M.N. Dutt (1891–96) (public domain)
MBh 9 254.14
इत्येतद्वचनाद् राजा विज्ञाप्यो मम मानद। यथा चात्ययिकं न स्याद् यदाहरणऽभवत्॥ कर्तुमर्हति तद राजा भवांश्चाप्यनुमन्यताम्। राजद्वषान्न नश्येयुरिमा राजन् पुनः प्रजाः॥
ityetadvacanād rājā vijñāpyo mama mānada| yathā cātyayikaṃ na syād yadāharaṇa'bhavat|| kartumarhati tada rājā bhavāṃścāpyanumanyatām| rājadvaṣānna naśyeyurimā rājan punaḥ prajāḥ||
O giver of honours, the king should further be informed at iny request that he should do what is necessary for preventing a distinction similar to what occurred at the time of presenting the Arghya (on the occasion of the Rajasuya-Sacrifice). Let Krislina also approve of this. Let not, O king, through the ill-feeling of kings, the people be destroyed.
— tr. M.N. Dutt (1891–96) (public domain)
MBh 9 254.15
इदमन्यच्च कौन्तेय वचः स पुरुषोऽब्रवीत्। धनंजयस्य नृपते तन्मे निगदतः शृणु॥
idamanyacca kaunteya vacaḥ sa puruṣo'bravīt| dhanaṃjayasya nṛpate tanme nigadataḥ śṛṇu||
My man further reported, o king, these words of Dhananjaya, Listen as I repeat them.
— tr. M.N. Dutt (1891–96) (public domain)
MBh 9 254.16
उपायास्यति यज्ञं नो मणिपूरपतिर्नृपः। पुत्रो मम महातेजा दयितो बभ्रुवाहनः॥
upāyāsyati yajñaṃ no maṇipūrapatirnṛpaḥ| putro mama mahātejā dayito babhruvāhanaḥ||
O monarch, the king of Manipura, my dear son Babhruvahana, will come at the sacrifice.
— tr. M.N. Dutt (1891–96) (public domain)
MBh 9 254.17
तं भवान् मदपेश्चार्थ विधिवत् प्रतिपूजयेत्। स तु भक्तोऽनुरक्तश्च मम नित्यमिति प्रभो॥
taṃ bhavān madapeścārtha vidhivat pratipūjayet| sa tu bhakto'nuraktaśca mama nityamiti prabho||
Do you honour him duly for my sake, O powerful one, he is always attached and deeply devoted to me.
— tr. M.N. Dutt (1891–96) (public domain)
MBh 9 254.18
इत्येतद् वचनं श्रुत्वा धर्मराजो युधिष्ठिरः। आभनन्द्यास्य तद् वाक्यमिदं वचनमब्रवीत्॥
ityetad vacanaṃ śrutvā dharmarājo yudhiṣṭhiraḥ| ābhanandyāsya tad vākyamidaṃ vacanamabravīt||
Hearing these words, king Yudhishthira the just approved of them and said as follows.
— tr. M.N. Dutt (1891–96) (public domain)