Mahabharata — Volume IX (Dutt edition) — Chapter 251
MBh 9 251.1
वैशम्पायन उवाच मागधेनार्चितो राजन पाण्डवः श्वेतवाहनः। दक्षिणां दिशमास्थाय चारयामास तं हयम्॥
vaiśampāyana uvāca māgadhenārcito rājana pāṇḍavaḥ śvetavāhanaḥ| dakṣiṇāṃ diśamāsthāya cārayāmāsa taṃ hayam||
Vaishampayana continued : Adored by the king of Magadha, Pandu's son having white horses yoked to his car, proceeded along the south, following the (sacrificial) horse.
— tr. M.N. Dutt (1891–96) (public domain)
MBh 9 251.2
ततः स पुनरावर्त्य हयः कामचरो बली। आससाद पुरीरम्यां चेदीनां शुक्तिसाह्वयाम्॥
tataḥ sa punarāvartya hayaḥ kāmacaro balī| āsasāda purīramyāṃ cedīnāṃ śuktisāhvayām||
Turning round in course of his wanderings at will, the strong horse came upon the beautiful city of the Chedis called after the oyster.
— tr. M.N. Dutt (1891–96) (public domain)
MBh 9 251.3
शरभेणार्चितस्तत्र शिशुपालसुतेन सः। युद्धपूर्वं तदा तेन पूजया च महाबलः॥
śarabheṇārcitastatra śiśupālasutena saḥ| yuddhapūrvaṃ tadā tena pūjayā ca mahābalaḥ||
Sharabha, the son of Shishupala, gifted with great strength, first met Arjuna in battle and then adored him with due honours.
— tr. M.N. Dutt (1891–96) (public domain)
MBh 9 251.4
ततोऽर्चितो ययौ राजस्तदा स तुरगोत्तमः। काशीनगान् कोसलांश्च किरातानथ तेगणान्॥
tato'rcito yayau rājastadā sa turagottamaḥ| kāśīnagān kosalāṃśca kirātānatha tegaṇān||
Adored by him, O king, that best of horses then proceeded to the kingdom of the Kashis, the Angas, the Kosalas, the Kiratas, and the Tanganas.
— tr. M.N. Dutt (1891–96) (public domain)
MBh 9 251.5
पूजां तत्र यथान्यायं प्रतिगृह्य धनंजयः। पुनरावृत्य कौन्तेयो दशार्णानगमत् तदा॥
pūjāṃ tatra yathānyāyaṃ pratigṛhya dhanaṃjayaḥ| punarāvṛtya kaunteyo daśārṇānagamat tadā||
Receiving due honours in all those kingdoms Dhananjaya turned his course. Indeed, the son of Kunti then proceeded to the country of the Dasharnas,
— tr. M.N. Dutt (1891–96) (public domain)
MBh 9 251.6
तत्र चित्राङ्गदो नाम बलवानरिमर्दनः। तेन युद्धमभूत् तस्य विजयस्यातिभैरवम्॥
tatra citrāṅgado nāma balavānarimardanaḥ| tena yuddhamabhūt tasya vijayasyātibhairavam||
The ruler of that people was Chitrangada who was gifted with great strength and was a crusher of enemies. Between him and Vijaya took place a very dreadful battle.
— tr. M.N. Dutt (1891–96) (public domain)
MBh 9 251.7
तं चापि वशमानीय किरीटी पुरुषर्षभः। निषादराज्ञो विषयमेकलव्यस्य जग्मिवान्॥
taṃ cāpi vaśamānīya kirīṭī puruṣarṣabhaḥ| niṣādarājño viṣayamekalavyasya jagmivān||
Bringing him under his control the diademdecked Arjuna, that foremost of men, went to the kingdom of the Nishada king, viz., the son of Ekalavya.
— tr. M.N. Dutt (1891–96) (public domain)
MBh 9 251.8
एकलव्यसुतश्चैनं युद्धेन जगृहे तदा। तत्र चक्रे निषादैः स संग्राम लोमहर्षणम्॥
ekalavyasutaścainaṃ yuddhena jagṛhe tadā| tatra cakre niṣādaiḥ sa saṃgrāma lomaharṣaṇam||
The son of Ekalavya received Arjuna in battle! The encounter took place between the Kuru hero and the Nishadas was so furious as to make the hairs stand erect.
— tr. M.N. Dutt (1891–96) (public domain)
MBh 9 251.9
ततस्तमपि कौन्तेयः समरेष्वपराजितः। जिगाय युधि दुर्धर्षो यज्ञविघ्नार्थमागतम्॥
tatastamapi kaunteyaḥ samareṣvaparājitaḥ| jigāya yudhi durdharṣo yajñavighnārthamāgatam||
Unvanquished in battle, the brave son of Kunti defeated the Nishada king who proved an impediinent to the sacrifice.
— tr. M.N. Dutt (1891–96) (public domain)
MBh 9 251.10
स तं जित्वा महाराज नैषादि पाकशासनिः। अर्चितः प्रययौ भूयो दक्षिणं सलिलार्णवम्॥
sa taṃ jitvā mahārāja naiṣādi pākaśāsaniḥ| arcitaḥ prayayau bhūyo dakṣiṇaṃ salilārṇavam||
Having subjugated the son of Ekalavya, O king, the son of Indra, duly adored by the Nishadas, then proceeded towards the southern Ocean.
— tr. M.N. Dutt (1891–96) (public domain)
MBh 9 251.11
तत्रापि द्रविडैरान्नै रौद्रैर्माहिषकैरपि। तथा कोल्लगिरेयैश्च युद्धमासीत् किरीटिन:॥
tatrāpi draviḍairānnai raudrairmāhiṣakairapi| tathā kollagireyaiśca yuddhamāsīt kirīṭina:||
In those regions battles took place between the diadem-decked hero and the Dravidas and Andhras and the dreadful Mahishakas and the hillmen of Kolwa.
— tr. M.N. Dutt (1891–96) (public domain)
MBh 9 251.12
तांश्चापि विजयो जित्वा नातितीव्रण कर्मणा। तुरङ्गमवशेनाथ सुराष्ट्रानभितो ययौ॥
tāṃścāpi vijayo jitvā nātitīvraṇa karmaṇā| turaṅgamavaśenātha surāṣṭrānabhito yayau||
Subjugating those tribes without having to perform any terrific feats, Arjuna proceeded to the country of the Saurashtras, his footsteps guided by the horse.
— tr. M.N. Dutt (1891–96) (public domain)
MBh 9 251.13
गोकर्णमथ चायाद्य प्रभासमपि जग्मिवान्। ततो द्वारवती रम्यां वृष्णिवीराभिमालिताम्॥
gokarṇamatha cāyādya prabhāsamapi jagmivān| tato dvāravatī ramyāṃ vṛṣṇivīrābhimālitām||
Arrived at Gokarna, he went thence to Prabhasa. Then he proceeded to the beautiful city of Dvaravati protected by the heroes of the Vrishni race.
— tr. M.N. Dutt (1891–96) (public domain)
MBh 9 251.14
आससाद हयः श्रीमान् कुरुराजस्य यज्ञियः। तमुन्मथ्य हयश्रेष्ठं यादवानां कुमारकाः॥
āsasāda hayaḥ śrīmān kururājasya yajñiyaḥ| tamunmathya hayaśreṣṭhaṃ yādavānāṃ kumārakāḥ||
When the beautiful sacrificial horse of the Kuru king reached Dvaravati, the Yadava youths, used force against that foremost of horses.
— tr. M.N. Dutt (1891–96) (public domain)
MBh 9 251.15
प्रययुस्तांस्तदा राजन्नुग्रसेनो न्यवारयत्। ततः पुराद् विनिष्क्रम्य वृष्ण्यन्धकपतिस्तदा॥ सहितो वसुदेवेन मातुलेन किरीटिनः। तौ समेत्य कुरुश्रेष्ठ विधिवत्प्रीतिपूर्वकम्॥
prayayustāṃstadā rājannugraseno nyavārayat| tataḥ purād viniṣkramya vṛṣṇyandhakapatistadā|| sahito vasudevena mātulena kirīṭinaḥ| tau sametya kuruśreṣṭha vidhivatprītipūrvakam||
King Ugrasena, however, soon went out and forbade those youths from doing what they thought. Then the king of the Vrislinis and the Andhakas, issuing out of his palace, with Vasudeva, the maternal uncle of Arjuna, in his company, cheerfully met the Kuru hero and received him with due rites.
— tr. M.N. Dutt (1891–96) (public domain)
MBh 9 251.16
परया भारतश्रेष्ठ पूजया समवस्थितौ। ततस्ताभ्यामनुज्ञातो ययौ येन हयो गतः॥
parayā bhārataśreṣṭha pūjayā samavasthitau| tatastābhyāmanujñāto yayau yena hayo gataḥ||
The two elderly chiefs honoured Arjuna duly. Getting their permission, the Kuru prince then proceeded to where the horse he followed lied him.
— tr. M.N. Dutt (1891–96) (public domain)
MBh 9 251.17
ततः स पश्चिमं देशं समुद्रस्य तदा हयः। क्रमेण व्यचरत् स्फीतं ततः पञ्चनदं ययौ॥
tataḥ sa paścimaṃ deśaṃ samudrasya tadā hayaḥ| krameṇa vyacarat sphītaṃ tataḥ pañcanadaṃ yayau||
The sacrificial horse then proceeded along the coast of the western ocean and at last reached the country of the five waters full of population and prosperity.
— tr. M.N. Dutt (1891–96) (public domain)
MBh 9 251.18
तस्मादपि स कौरव्य गन्धारविषयं हयः। विचचार यथाकामं कौन्तेयानुगतस्तदा॥
tasmādapi sa kauravya gandhāraviṣayaṃ hayaḥ| vicacāra yathākāmaṃ kaunteyānugatastadā||
Thence, O king, the horse proceeded to the country of the Gandharas. Arrived there, it roamed at will, followed by the son of Kunti.
— tr. M.N. Dutt (1891–96) (public domain)
MBh 9 251.19
ततो गान्धारराजेन युद्धमासीत् किरीटिनः। घोरं शकुनिपुत्रेण पूर्ववैरानुसारिणा॥
tato gāndhārarājena yuddhamāsīt kirīṭinaḥ| ghoraṃ śakuniputreṇa pūrvavairānusāriṇā||
Then took place a dreadful battle between the diadem-decked hero and the king of the Gandharas, viz., the son of Shakuni, who had a bitter remembrance of the grudge his father bore to the Pandavas.
— tr. M.N. Dutt (1891–96) (public domain)