Mahabharata — Volume IX (Dutt edition) — Chapter 235
MBh 9 235.1
वैशम्पायन उवाच उत्थितायां पृथायां तु सुभद्रा भ्रातर तदा। दृष्ट्वा चुक्रोश दुःखार्ता वचनं चेदमब्रवीत्॥ पुण्डरीकाक्ष पश्य त्वं पौत्रं पार्थस्य धीमतः। परिक्षीणेषु कुरुषु परिक्षीणं गतायुषम्॥
vaiśampāyana uvāca utthitāyāṃ pṛthāyāṃ tu subhadrā bhrātara tadā| dṛṣṭvā cukrośa duḥkhārtā vacanaṃ cedamabravīt|| puṇḍarīkākṣa paśya tvaṃ pautraṃ pārthasya dhīmataḥ| parikṣīṇeṣu kuruṣu parikṣīṇaṃ gatāyuṣam||
Vaishampayana said After Kunti had sat up, Subhadra, seeing her brother, began to weep aloud, and stricken with excessive grief, said, O you having eyes like lotus-petals, look at the grandson of Arjuna of great intelligence! Alas, the Kururace having been thinned, a child has been born that is feeble and dead.
— tr. M.N. Dutt (1891–96) (public domain)
MBh 9 235.2
इषीका द्रोणपुत्रेण भीमसेनार्थमुद्यता। सोत्तरायां निपतिता विजये मयि चैव ह॥
iṣīkā droṇaputreṇa bhīmasenārthamudyatā| sottarāyāṃ nipatitā vijaye mayi caiva ha||
The blade of grass, uplifted by Drona's son for bringing about the destruction of Bhimasena, fell upon Uttara and Vijaya and myself.
— tr. M.N. Dutt (1891–96) (public domain)
MBh 9 235.3
सेयं विदीर्णे हृदये मयि तिष्ठति केशव। यन्न नश्यामि दुर्धर्ष सहपुत्रं तु तं प्रभो॥
seyaṃ vidīrṇe hṛdaye mayi tiṣṭhati keśava| yanna naśyāmi durdharṣa sahaputraṃ tu taṃ prabho||
Alas, that blade, O Keshava, is still existing (unexpected) in me, after having pierced my heart, since I do not, O irresistible hero, see this child with iny son.
— tr. M.N. Dutt (1891–96) (public domain)
MBh 9 235.4
किं नु वक्ष्यति धर्मात्मा धर्मराजो युधिष्ठिरः। भीमसेनार्जुनौ चापि माद्रवत्याः सुतौ च तौ॥
kiṃ nu vakṣyati dharmātmā dharmarājo yudhiṣṭhiraḥ| bhīmasenārjunau cāpi mādravatyāḥ sutau ca tau||
What will the righteous-souled king Yudhishthira the just say? What will Bhimasena and Arjuna, and the two sons of Madravati also say?
— tr. M.N. Dutt (1891–96) (public domain)
MBh 9 235.5
श्रुत्वाभिमन्योस्तनयं जातं च मृतमेव च। मुषिता इव वार्ष्णेय द्रोणपुत्रेण पाण्डवाः॥
śrutvābhimanyostanayaṃ jātaṃ ca mṛtameva ca| muṣitā iva vārṣṇeya droṇaputreṇa pāṇḍavāḥ||
Hearing that Abhimanyu's son was born and dead, the Pandavas, O you of Vrishni's race, will consider themselves as imposed upon by Ashvatthaman.
— tr. M.N. Dutt (1891–96) (public domain)
MBh 9 235.6
अभिमन्युः प्रियः कृष्ण भ्रातृणां नात्र संशयः। ते श्रुत्वा किं नु वक्ष्यन्ति द्रोणपुत्रास्त्रनिर्जिताः॥
abhimanyuḥ priyaḥ kṛṣṇa bhrātṛṇāṃ nātra saṃśayaḥ| te śrutvā kiṃ nu vakṣyanti droṇaputrāstranirjitāḥ||
Abhimanyu, O Krishna, was, forsooth, the minion of all the Pandava-brother. Hearing this intelligence, what will those heroes, defeated by the weapon of Drona's son say?
— tr. M.N. Dutt (1891–96) (public domain)
MBh 9 235.7
भवितातः परं दुःखं किं तदन्यज्जनार्दन। अभिमन्योः सुतात् कृष्ण मृताज्जातादरिंदम॥
bhavitātaḥ paraṃ duḥkhaṃ kiṃ tadanyajjanārdana| abhimanyoḥ sutāt kṛṣṇa mṛtājjātādariṃdama||
Bowing grief, O Janardana, can be greater than this, viz., that Abhimanyu's son should be born and dead?
— tr. M.N. Dutt (1891–96) (public domain)
MBh 9 235.8
साहं प्रसादये कृष्ण त्वामद्य शिरसा नता। पृथेयं द्रौपदी चैव ताः पश्य पुरुषोत्तम॥
sāhaṃ prasādaye kṛṣṇa tvāmadya śirasā natā| pṛtheyaṃ draupadī caiva tāḥ paśya puruṣottama||
Bowing to you with my head, O Krishna, I seek to please you today! See O foremost of men, these two standing here, viz., Pritha and Draupadi.
— tr. M.N. Dutt (1891–96) (public domain)
MBh 9 235.9
यदा द्रोणसुतो गर्भान् पाण्डूनां हन्ति माधव। तदा किल त्वया द्रौणिः क्रुद्धनोक्तोऽरिमर्दन॥ अकामं त्वां करिष्यामि ब्रह्मबन्धो नराधम। अहं संजीवयिष्यामि किरीटितनयात्मजम्॥
yadā droṇasuto garbhān pāṇḍūnāṃ hanti mādhava| tadā kila tvayā drauṇiḥ kruddhanokto'rimardana|| akāmaṃ tvāṃ kariṣyāmi brahmabandho narādhama| ahaṃ saṃjīvayiṣyāmi kirīṭitanayātmajam||
When, O Madhava, the son of Drona tried to destroy the embryos even in the wombs of the ladies of the Pandavas, at that time, O grinder of enemies, you said in anger to Dronas son (even these words). O wretch of a Brahmana, O vilest of men I shall disappoint your wish! I shall revive the son of Kiritin's son.
— tr. M.N. Dutt (1891–96) (public domain)
MBh 9 235.10
इत्येतद् वचनं श्रुत्वा जानानाहं बलं तव। प्रसादये त्वां दुर्धर्ष जीवतामभिमन्युजः॥
ityetad vacanaṃ śrutvā jānānāhaṃ balaṃ tava| prasādaye tvāṃ durdharṣa jīvatāmabhimanyujaḥ||
Hearing these words of yours and wellknowing your power, I seek to gratify you, O irresistible hero! Let the son of Abhimanyu be revived.
— tr. M.N. Dutt (1891–96) (public domain)
MBh 9 235.11
यद्येतत् त्वं प्रतिश्रुत्य न करोषि वचः शुभम्। सकलं वृष्णिशार्दूल मृतां मामवधारय॥
yadyetat tvaṃ pratiśrutya na karoṣi vacaḥ śubham| sakalaṃ vṛṣṇiśārdūla mṛtāṃ māmavadhāraya||
If having pledged yourself previously you do not accomplish your auspicious vow, do you then know for certain, O chief of the Vrishni race, that I shall put an end to my life.
— tr. M.N. Dutt (1891–96) (public domain)
MBh 9 235.12
अभिमन्योः सुतो वीर न संजीवति यद्ययम्। जीवति त्वयि दुर्धर्ष किं करिष्याम्यहं त्वया॥
abhimanyoḥ suto vīra na saṃjīvati yadyayam| jīvati tvayi durdharṣa kiṃ kariṣyāmyahaṃ tvayā||
If, O hero, this son of Abhimanyu does not revive when you, O irresistible one, are alive and near, of what other use will you be to me?
— tr. M.N. Dutt (1891–96) (public domain)
MBh 9 235.13
संजीवयैनं दुर्धर्ष मृतं त्वमभिमन्युजम्। सदृशाक्षसुतं वीर सस्यं वर्षन्निवाम्बुदः॥
saṃjīvayainaṃ durdharṣa mṛtaṃ tvamabhimanyujam| sadṛśākṣasutaṃ vīra sasyaṃ varṣannivāmbudaḥ||
Do you, therefore, O irresistible one, revive this son of Abhimanyu, this child who has eyes similar to his, even as a rain-charged cloud revives the lifeless crops (on a field).
— tr. M.N. Dutt (1891–96) (public domain)
MBh 9 235.14
त्वं हि केशव धर्मात्मा सत्यवान् सत्यविक्रमः। स तां वाचमृतां कर्तुमर्हसि त्वमरिंदम॥
tvaṃ hi keśava dharmātmā satyavān satyavikramaḥ| sa tāṃ vācamṛtāṃ kartumarhasi tvamariṃdama||
You, O Keshava, are righteous-souled, truthful, and of prowess incapable of being baffled. You should, O chastiser of enemies make your words truthful.
— tr. M.N. Dutt (1891–96) (public domain)
MBh 9 235.15
इच्छन्नापि हि लोकांस्त्री जीवयेथा मृतानिमान्। किं पुनर्दयितं जातं स्वस्रीयस्यात्मजं मृतम्॥
icchannāpi hi lokāṃstrī jīvayethā mṛtānimān| kiṃ punardayitaṃ jātaṃ svasrīyasyātmajaṃ mṛtam||
If only you wish it, you can revive the three worlds (of being) if dead! What need, I say, therefore, of this darling child, born but dead, of your sister's son?
— tr. M.N. Dutt (1891–96) (public domain)
MBh 9 235.16
प्रभावशास्मि ते कृष्ण तस्मात् त्वां याचयाम्यहम्। कुरुष्व पाण्डुपुत्राणामिमं परमनुग्रहम्॥
prabhāvaśāsmi te kṛṣṇa tasmāt tvāṃ yācayāmyaham| kuruṣva pāṇḍuputrāṇāmimaṃ paramanugraham||
I know your power, O Krishna! Therefore do I solicit you! Do you show this great favour to the sons of Pandu.
— tr. M.N. Dutt (1891–96) (public domain)
MBh 9 235.17
स्वसेति वा महाबाहो हतपुत्रेति वा पुनः। प्रपन्ना मामियं चेति दयां कर्तुमिहार्हसि॥
svaseti vā mahābāho hataputreti vā punaḥ| prapannā māmiyaṃ ceti dayāṃ kartumihārhasi||
You should, O mighty-armed one, show mercy to this Uttara, or to me, thinking that I am your sister or even a mother who has lost her son, and one who has thrown herself upon your protection.
— tr. M.N. Dutt (1891–96) (public domain)