Mahabharata — Volume IX (Dutt edition) — Chapter 230

MBh 9 230.1

एतच्छुत्वा तु पुत्रस्य वचः शूरात्मजस्तदा। विहाय शोकं धर्मात्मा ददौ श्राद्धमनुत्तमम्॥

etacchutvā tu putrasya vacaḥ śūrātmajastadā| vihāya śokaṃ dharmātmā dadau śrāddhamanuttamam||

Vaishampayana said Having heard these words of his son, Vasudeva, that descendant of Shura, of righteous soul renouncing grief, made excellent obsequial offerings (to Abhimanyu).

— tr. M.N. Dutt (1891–96) (public domain)

MBh 9 230.2

तथैव वासुदेवश्च स्वस्रीयस्य महात्मनः। दयितस्य पितुर्नित्यमकरोदौर्ध्वदेहिकम्॥

tathaiva vāsudevaśca svasrīyasya mahātmanaḥ| dayitasya piturnityamakarodaurdhvadehikam||

Vasudeva also performed those rites for the ascension (to Heaven) of his great nephew, that hero who was ever the darling of his father (Vasudeva).

— tr. M.N. Dutt (1891–96) (public domain)

MBh 9 230.3

षष्टिं शतसहस्राणि ब्राह्मणानां महौजसाम्। विधिवद् भोजयामास भोज्यं सर्वगुणान्वितम्॥

ṣaṣṭiṃ śatasahasrāṇi brāhmaṇānāṃ mahaujasām| vidhivad bhojayāmāsa bhojyaṃ sarvaguṇānvitam||

He duly fod six millions of Brahmanas, gifted with great energy, with edibles possessed of every recommendation.

— tr. M.N. Dutt (1891–96) (public domain)

MBh 9 230.4

आच्छाद्य च महाबाहुर्धनतृष्णामपानुदत्। ब्राह्मणानां तदा कृष्णस्तदभूल्लोमहर्षणम्॥ सुवर्णं चैव गाश्चैव शयनाच्छादनानि च। दीयमानं तदा विप्रा वर्धतामिति चाब्रुवन्॥

ācchādya ca mahābāhurdhanatṛṣṇāmapānudat| brāhmaṇānāṃ tadā kṛṣṇastadabhūllomaharṣaṇam|| suvarṇaṃ caiva gāścaiva śayanācchādanāni ca| dīyamānaṃ tadā viprā vardhatāmiti cābruvan||

Presenting many clothes to them, Krishna satisfied the thirst for wealth of those Brahmanas. Wonderful were the heaps of gold, the number of kine and of beds and cloths, that were then given away. The Brahmanas loudly declared, Let (Krishna's wealth) increase.

— tr. M.N. Dutt (1891–96) (public domain)

MBh 9 230.5

वासुदवोऽथ दाशार्हो बलदेवः ससात्यकिः। अभिमन्योस्तदा श्राद्धमकुर्वन् सत्यकस्तदा॥

vāsudavo'tha dāśārho baladevaḥ sasātyakiḥ| abhimanyostadā śrāddhamakurvan satyakastadā||

Then Vasudeva of Dasharha's race, and Baladeva, and Satyaki, and Satyaka, each performed the obsequial rites of Abhimanyu.

— tr. M.N. Dutt (1891–96) (public domain)

MBh 9 230.6

अतीत दुःखसंतप्ता न शमं चोपलेभिरे। तथैव पाण्डवा वीरा नगरे नागसाह्वये॥

atīta duḥkhasaṃtaptā na śamaṃ copalebhire| tathaiva pāṇḍavā vīrā nagare nāgasāhvaye||

Greatly stricken with grief, they could find no comfort. The same was the case with the sons of Pandu in the city of Hastinapure.

— tr. M.N. Dutt (1891–96) (public domain)

MBh 9 230.7

नोपगच्छन्त वै शान्तिमभिमन्युविनाकृताः। सुबहूनि च राजेन्द्र दिवसानि विराटजा॥ नाभुङ्क्त पतिदुःखार्ता तदभूत् करुणं महत्। कुक्षिस्थ एव तस्याथ गर्भो वै सम्प्रलीयत॥

nopagacchanta vai śāntimabhimanyuvinākṛtāḥ| subahūni ca rājendra divasāni virāṭajā|| nābhuṅkta patiduḥkhārtā tadabhūt karuṇaṃ mahat| kukṣistha eva tasyātha garbho vai sampralīyata||

Deprived of Abhimanyu, they could get no peace of mind. The daughter of Virata, O king, for many days, totally abstained from all food, greatly afflicted by grief on account of the death of her husband. At this all her relatives, became plunged into excess of grief. They were all afraid that the embryo in her womb might be destroyed.

— tr. M.N. Dutt (1891–96) (public domain)

MBh 9 230.8

आजगाम ततो व्यासो ज्ञात्वा दिव्येन चक्षुषा। समागम्याब्रवीद् धीमान् पृथां पृथुललोचनाम्॥ उत्तरां च महातेजाः शोकः संत्यज्यतामयम्। भविष्यति महातेजाः पुत्रस्तव यशस्विनि॥ प्रभावाद् वासुदेवस्य मम व्याहरणादपि। पाण्डवानामयं चान्ते पालयिष्यति मेदिनीम्॥

ājagāma tato vyāso jñātvā divyena cakṣuṣā| samāgamyābravīd dhīmān pṛthāṃ pṛthulalocanām|| uttarāṃ ca mahātejāḥ śokaḥ saṃtyajyatāmayam| bhaviṣyati mahātejāḥ putrastava yaśasvini|| prabhāvād vāsudevasya mama vyāharaṇādapi| pāṇḍavānāmayaṃ cānte pālayiṣyati medinīm||

Then Vyasa, ascertaining the state of things by his spiritual vision, arrived there. The highly intelligent Rishi, gifted with great energy, arrived (at the palace), addressed Pritha of large eyes, as also Uttara herself, saying, Let this grief be given up! O famous lady, a son gifted with great energy will be born to you, through the power of Vasudeva and at my word. That son will rule the Earth after the Pandavas.

— tr. M.N. Dutt (1891–96) (public domain)

MBh 9 230.9

धनंजयं च सम्प्रेक्ष्य धर्मराजस्य शृण्वतः। व्यासो वाक्यमुवाचेदं हर्षयन्निव भारत॥ पौत्रस्तव महाभागो जनिष्यति महामनाः। पृथ्वीं सागरपर्यन्तां पालयिष्यति धर्मतः॥

dhanaṃjayaṃ ca samprekṣya dharmarājasya śṛṇvataḥ| vyāso vākyamuvācedaṃ harṣayanniva bhārata|| pautrastava mahābhāgo janiṣyati mahāmanāḥ| pṛthvīṃ sāgaraparyantāṃ pālayiṣyati dharmataḥ||

Seeing Dhananjaya, he said to him in the hearing of king Yudhishthira, the just and pleasing him with his words, O Bharata, Your grandson, O highly blessed one, will become a great prince! He will righteously govem the whole Earth to the verge of the sea.

— tr. M.N. Dutt (1891–96) (public domain)

MBh 9 230.10

तस्माच्छोकं कुरुश्रेष्ठ जहि त्वमरिकर्शन। विचार्यमत्र न हि ते सत्यमेतद् भविष्यति॥

tasmācchokaṃ kuruśreṣṭha jahi tvamarikarśana| vicāryamatra na hi te satyametad bhaviṣyati||

Therefore, O foremost one of Kuru's race, renounce this grief, O mower of enemies! Do not doubt this! This will truly take place.

— tr. M.N. Dutt (1891–96) (public domain)

MBh 9 230.11

यच्चापि वृष्णिवीरेण कृष्णेन कुरुनन्दन। पुरोक्तं तत् तथा भावा मा तेऽत्रास्तु विचारणा॥

yaccāpi vṛṣṇivīreṇa kṛṣṇena kurunandana| puroktaṃ tat tathā bhāvā mā te'trāstu vicāraṇā||

That which was uttered by the Vrishni-hero on a former occasion, will, surely, happen! Do not think otherwise.

— tr. M.N. Dutt (1891–96) (public domain)

MBh 9 230.12

विबुधानां गतो लोकानक्षयानात्मनिर्जितान्। न स शोच्यस्त्वया वीरो न चान्यैः कुरुभिस्तथा॥

vibudhānāṃ gato lokānakṣayānātmanirjitān| na sa śocyastvayā vīro na cānyaiḥ kurubhistathā||

As regards Abhimanyu, he has gone to the regions of the celestials, conquered by him with his own deeds. That hero should be grieved for by you or, indeed, by the other Kurus.

— tr. M.N. Dutt (1891–96) (public domain)

MBh 9 230.13

एवं पितामहेनोक्तो धर्मात्मा स धनंजयः। त्यक्त्वा शोकं महाराज हृष्टरूपोऽभवत् तदा॥

evaṃ pitāmahenokto dharmātmā sa dhanaṃjayaḥ| tyaktvā śokaṃ mahārāja hṛṣṭarūpo'bhavat tadā||

Thus addressed by his grandfather, Dhananjaya of righteous soul, O king, renounced his grief and even became cheerful.

— tr. M.N. Dutt (1891–96) (public domain)

MBh 9 230.14

पितापि तव धर्मज्ञ गर्भे तस्मिन् महामते। अवर्धत यथाकामं शुक्लपक्षे यथा शशी॥

pitāpi tava dharmajña garbhe tasmin mahāmate| avardhata yathākāmaṃ śuklapakṣe yathā śaśī||

Your father, O prince, who are conversant with all duties, began to grow in that womb. O you of great intelligence, like the Moon, in the lighted fortnight.

— tr. M.N. Dutt (1891–96) (public domain)

MBh 9 230.15

ततः संचोदयामास व्यासो धर्मात्मजं नृपम्। अश्वमेघ प्रति तदा ततः सोऽन्तर्हितोऽभवत्॥

tataḥ saṃcodayāmāsa vyāso dharmātmajaṃ nṛpam| aśvamegha prati tadā tataḥ so'ntarhito'bhavat||

Then Vyasa urged the royal son of Dharma for celebrating the Horse-Sacrifice Having said so, he made himself invisible there and then.

— tr. M.N. Dutt (1891–96) (public domain)

MBh 9 230.16

धर्मराजोऽपि मेधावी श्रुत्वा व्यासस्य तद् वचः। वित्तस्यानयने तात चकार गमने मतिम्॥

dharmarājo'pi medhāvī śrutvā vyāsasya tad vacaḥ| vittasyānayane tāta cakāra gamane matim||

The intelligent king Yudhishthira, the just, hearing the words of Vyasa, set his mind on the journey for bringing wealth.

— tr. M.N. Dutt (1891–96) (public domain)