Mahabharata — Volume IX (Dutt edition) — Chapter 197
MBh 9 197.1
ब्राहाण उवाच अत्राप्युदाहरन्तीममितिहासं पुरातनम्। कार्तवीर्यस्य संवादं समुद्रस्य च भाविनि॥
brāhāṇa uvāca atrāpyudāharantīmamitihāsaṃ purātanam| kārtavīryasya saṃvādaṃ samudrasya ca bhāvini||
The Brahmana said About it is cited the ancient story O lady, of the discourse between Kartavirya and the Ocean.
— tr. M.N. Dutt (1891–96) (public domain)
MBh 9 197.2
कार्तवीर्यार्जुनो नाम राजा बाहुसहस्रवान्। येन सागरपर्यन्ता धनुषा निर्जिता मही॥
kārtavīryārjuno nāma rājā bāhusahasravān| yena sāgaraparyantā dhanuṣā nirjitā mahī||
There was a king named Kartavirya-Arjuna who had a thousand arms. He conquered, with his bow, the Earth extending to the ocean.
— tr. M.N. Dutt (1891–96) (public domain)
MBh 9 197.3
स कदाचित् समुद्रान्ते विचरन् बलदर्पितः। अवाकिरशरशतैः समुद्रमिति नः श्रुतम्॥
sa kadācit samudrānte vicaran baladarpitaḥ| avākiraśaraśataiḥ samudramiti naḥ śrutam||
We have heard that, once on a time, as he was walking on the shores of the sea, proud of his power, he showered hundreds of arrows on thal vast receptacle of water.
— tr. M.N. Dutt (1891–96) (public domain)
MBh 9 197.4
तं समुद्रो नमस्कृत्य कृताञ्जलिरुवाच हा मा मुञ्च वीर नाराचान् ब्रूहि किं करवाणि ते॥
taṃ samudro namaskṛtya kṛtāñjaliruvāca hā mā muñca vīra nārācān brūhi kiṃ karavāṇi te||
The Ocean, bowing down to him, said, with joined hands, Do not, O hero. discharged your arrows (at me)! Say, what shall I do to you.
— tr. M.N. Dutt (1891–96) (public domain)
MBh 9 197.5
मदाश्रयाणि भूतानि त्वद्विसृष्टैर्महेषुभिः। वध्यन्ते राजशार्दूल तेभ्यो देह्यभयं विभो॥
madāśrayāṇi bhūtāni tvadvisṛṣṭairmaheṣubhiḥ| vadhyante rājaśārdūla tebhyo dehyabhayaṃ vibho||
With these strong arrows shot by you, those creatures which have taken shelter in me are being killed, O foremost of kings! Do you, O lord, grant them security.
— tr. M.N. Dutt (1891–96) (public domain)
MBh 9 197.6
अर्जुन उवाच मत्समो यदि संग्रामे शरासनधरः क्वचित्। विद्यते तं समाचक्ष्व यः समासीत मां मृधे॥
arjuna uvāca matsamo yadi saṃgrāme śarāsanadharaḥ kvacit| vidyate taṃ samācakṣva yaḥ samāsīta māṃ mṛdhe||
If any holder of the bow exists that is equal to me in battle, and that would stand against mc in the field, do you name him to me.
— tr. M.N. Dutt (1891–96) (public domain)
MBh 9 197.7
समुद्र उवाच महर्षिर्जमदग्निस्ते यदि राजन् परिश्रुतः। तस्य पुत्रस्तवातिथ्यं यथावत् कर्तुमर्हति।॥
samudra uvāca maharṣirjamadagniste yadi rājan pariśrutaḥ| tasya putrastavātithyaṃ yathāvat kartumarhati|||
The Ocean said If you have heard, O king, of the great Rishi Jamadagni, his son is competent to duly receive you as a guest.
— tr. M.N. Dutt (1891–96) (public domain)
MBh 9 197.8
ततः स राजा प्रययौ क्रोधेन महता वृतः। स तमाश्रममागम्य राममेवान्वपद्यत॥
tataḥ sa rājā prayayau krodhena mahatā vṛtaḥ| sa tamāśramamāgamya rāmamevānvapadyata||
Then that king proceeded, becoming highly irate. Arrived at that hermitage, he found Rama himself.
— tr. M.N. Dutt (1891–96) (public domain)
MBh 9 197.9
स रामप्रतिकूलानि चकार सह बन्धुभिः। आयासं जनयामास रामस्य च महात्मनः॥
sa rāmapratikūlāni cakāra saha bandhubhiḥ| āyāsaṃ janayāmāsa rāmasya ca mahātmanaḥ||
With his kinsmen he began to do many deeds while were hostile to Rama, and caused much trouble to that grcat hero.
— tr. M.N. Dutt (1891–96) (public domain)
MBh 9 197.10
ततस्तेजः प्रजज्वाल रामस्यामिततेजसः। प्रदहन् रिपुसैन्यानि तदा कमललोचने।॥
tatastejaḥ prajajvāla rāmasyāmitatejasaḥ| pradahan ripusainyāni tadā kamalalocane|||
Then the energy, which was immeasurable, of Rama shone forth, burning the troops of the enemy, O lotus-eyed one.
— tr. M.N. Dutt (1891–96) (public domain)
MBh 9 197.11
ततः परशुमादाय स तं बाहुसहस्रिणम्। चिच्छेद सहसा रामो बहुशाखमिव दुमम्॥
tataḥ paraśumādāya sa taṃ bāhusahasriṇam| ciccheda sahasā rāmo bahuśākhamiva dumam||
Taking up his battle-axe, Rama suddenly displayed his power, and hacked that thousandarmed hero, like a tree of many branches.
— tr. M.N. Dutt (1891–96) (public domain)
MBh 9 197.12
तं हतं पतितं दृष्ट्वा समेताः सर्वबान्धवाः। असीनादाय शक्तीश्च भार्गवं पर्यधावयन्॥
taṃ hataṃ patitaṃ dṛṣṭvā sametāḥ sarvabāndhavāḥ| asīnādāya śaktīśca bhārgavaṃ paryadhāvayan||
Seeing him killed and laid low on the earth, all his kinsmen, collected in a body, and taking up their darts rushed at Rama, who was then scated, from all sides.
— tr. M.N. Dutt (1891–96) (public domain)
MBh 9 197.13
रामोऽपि धनुरादाय रथमारुह्य सत्वरः। विसृजशरवर्षाणि व्यधमत् पार्थिवं बलम्॥
rāmo'pi dhanurādāya rathamāruhya satvaraḥ| visṛjaśaravarṣāṇi vyadhamat pārthivaṃ balam||
Rama also, taking up his bow and quickly getting on his car, discharged showers of arrows and punished the army of the king.
— tr. M.N. Dutt (1891–96) (public domain)
MBh 9 197.14
ततस्तु क्षत्रियाः केचिज्जामदग्न्यभयार्दिताः। विविशुर्गिरिदुर्गाणि मृगाः सिंहार्दिता इव॥
tatastu kṣatriyāḥ kecijjāmadagnyabhayārditāḥ| viviśurgiridurgāṇi mṛgāḥ siṃhārditā iva||
Then, some of the Kshatriyas, stricken with the terror of Jamadagni's son, entered mountain fastnesses, like deer afflicted by the lion.
— tr. M.N. Dutt (1891–96) (public domain)
MBh 9 197.15
तेषां स्वविहितं कर्म तद्भयान्नानुतिष्ठताम्। प्रजा वृषलता प्राप्ता ब्राह्मणानामदर्शनात्॥
teṣāṃ svavihitaṃ karma tadbhayānnānutiṣṭhatām| prajā vṛṣalatā prāptā brāhmaṇānāmadarśanāt||
Of them that were unable, through feat of Rama, lo perform the duties ordained for their order, the progeny became Vrishalas owing to their inability to find Brahmanas.
— tr. M.N. Dutt (1891–96) (public domain)
MBh 9 197.16
एवं ते द्रविडाऽऽभीरा: पुण्ड्राश्च शबरैः सह। वृषलत्वं परिगता व्युत्थानात् क्षत्रधर्मिणः॥
evaṃ te draviḍā''bhīrā: puṇḍrāśca śabaraiḥ saha| vṛṣalatvaṃ parigatā vyutthānāt kṣatradharmiṇaḥ||
Thus the Dravidas and Adhiras and Pundars together with the Shavaras, became Vrishalas through those men who had Kshatriya duties assigned to them, following away (from them).
— tr. M.N. Dutt (1891–96) (public domain)
MBh 9 197.17
ततश्च हतवीरासु क्षत्रियासु पुनः पुनः। द्विजैरुत्पादितं क्षत्रं जामदग्न्यो न्यकृन्तत॥
tataśca hatavīrāsu kṣatriyāsu punaḥ punaḥ| dvijairutpāditaṃ kṣatraṃ jāmadagnyo nyakṛntata||
Then the Kshatriyas that were begotten by the Brahmanas upon Kshatriya women who had lost their heroic children, were repeatedly destroyed by Jamadagni's son.
— tr. M.N. Dutt (1891–96) (public domain)
MBh 9 197.18
एकविंशतिमेधान्ते रामं वागशरीरिणी। दिव्या प्रोवाच मधुरा सर्वलोकपरिश्रुता॥ राम राम निवर्तस्व के गुणं तात पश्यसि। क्षत्रबधूनिमान् प्राणैर्विप्रयोज्य पुनः पुनः॥
ekaviṃśatimedhānte rāmaṃ vāgaśarīriṇī| divyā provāca madhurā sarvalokapariśrutā|| rāma rāma nivartasva ke guṇaṃ tāta paśyasi| kṣatrabadhūnimān prāṇairviprayojya punaḥ punaḥ||
The destruction proceeded one and twenty times. At its conclusion a bodiless voice, sweet and coming from the celestial region, and which was heard by all people, spoke to Rama, O Rama, O Rama, stop! What merit do you see, O son, in thus destroying repeatedly these inferior Kshatriyas?
— tr. M.N. Dutt (1891–96) (public domain)
MBh 9 197.19
तथैव तं महात्मानमृचीकप्रमुखास्तदा। पितामहा महाभाग निवर्तस्वेत्यथाब्रुवन्॥
tathaiva taṃ mahātmānamṛcīkapramukhāstadā| pitāmahā mahābhāga nivartasvetyathābruvan||
Thus, O blessed dame, his grandsires, headed by Richika, addressed that great one, saying, Do you, desist.
— tr. M.N. Dutt (1891–96) (public domain)
MBh 9 197.20
पितुर्वधममृष्यंस्तु रामः प्रोवाच तानृषीन्। नार्हन्तीह भवन्तो मां निवारयितुमित्युत॥
piturvadhamamṛṣyaṃstu rāmaḥ provāca tānṛṣīn| nārhantīha bhavanto māṃ nivārayitumityuta||
Rama, however, unable to forgive the destruction of his father, replied to those Rishis, saying, you should not forbid me.
— tr. M.N. Dutt (1891–96) (public domain)
MBh 9 197.21
पितर ऊचुः नार्हसे क्षत्रबन्धुंस्त्वं निहन्तुं जयतां वरा नेह युक्तं त्वया हन्तुं ब्राह्मणेन सता नृपान्॥
pitara ūcuḥ nārhase kṣatrabandhuṃstvaṃ nihantuṃ jayatāṃ varā neha yuktaṃ tvayā hantuṃ brāhmaṇena satā nṛpān||
The departed manes then said, O foremost of all victorious men, you should not kill these inferior Kshatriyas! It is not proper that your self, being a Brahmanas should kill these kings.
— tr. M.N. Dutt (1891–96) (public domain)