Mahabharata — Volume IX (Dutt edition) — Chapter 182
MBh 9 182.1
वैशम्पायन उवाच एवं बहुविधैर्वाक्यैर्मुनिभिस्तैस्तपोधनैः। समाश्वस्यत राजर्षिर्हतबन्धुर्युधिष्ठिरः॥
vaiśampāyana uvāca evaṃ bahuvidhairvākyairmunibhistaistapodhanaiḥ| samāśvasyata rājarṣirhatabandhuryudhiṣṭhiraḥ||
Those great ascetics consoled the royal saint Yudhishthira, bereft of his friends with these words.
— tr. M.N. Dutt (1891–96) (public domain)
MBh 9 182.2
सोऽनुनीतो भगवता विष्टरश्रवसा स्वयम्। द्वैपायनेन कृष्णेन देवस्थानेन वा विभुः॥ नारदेनाथ भीमेन नकुलेन च पार्थिव। कृष्णया सहदेवेन विजयेन च धीमता॥ अन्यैश्च पुरुषव्याप्रैाह्मणैः शास्त्रदृष्टिभिः। व्यजहाच्छोक्जं दुःखं संतापं चैव मानसम्॥
so'nunīto bhagavatā viṣṭaraśravasā svayam| dvaipāyanena kṛṣṇena devasthānena vā vibhuḥ|| nāradenātha bhīmena nakulena ca pārthiva| kṛṣṇayā sahadevena vijayena ca dhīmatā|| anyaiśca puruṣavyāpraiāhmaṇaiḥ śāstradṛṣṭibhiḥ| vyajahācchokjaṃ duḥkhaṃ saṃtāpaṃ caiva mānasam||
And, O monarch, that king exhorted by the worshipful Vishtarashraba himself, and by Dvaipayana (Vyasa), Krishna, Devasthana. Narada, Bhima, Nakula, Krishna (Draupadi), Sahadeva, and the sharp-witted Vijaya, as well as by other great men, and Brahmanas versed in the scriptures, became relieved of all mental suffering and sorrow originating from the death of his dear relations.
— tr. M.N. Dutt (1891–96) (public domain)
MBh 9 182.3
अर्चयामास देवांश्च ब्राह्मणांश्च युधिष्टिाः। कृत्वाथ प्रेतकार्याणि बन्धूनां स पुनर्नृपः॥
arcayāmāsa devāṃśca brāhmaṇāṃśca yudhiṣṭiāḥ| kṛtvātha pretakāryāṇi bandhūnāṃ sa punarnṛpaḥ||
And that king Yudhishthira after performing the obsequial ceremonies of his departed friends, and honouring the Brahmanas and the celestials, brought the kingdom of the earth with its girdle of oceans, under his sway.
— tr. M.N. Dutt (1891–96) (public domain)
MBh 9 182.4
अन्वशासच्च धर्मात्मा पृथिवीं सागराम्बराम्। प्रशान्तचेताः कौरव्यः स्वराज्यं प्राप्य केवलम्। व्यासं च नारदं चैव तांश्चान्यानब्रवीन्नृपः॥
anvaśāsacca dharmātmā pṛthivīṃ sāgarāmbarām| praśāntacetāḥ kauravyaḥ svarājyaṃ prāpya kevalam| vyāsaṃ ca nāradaṃ caiva tāṃścānyānabravīnnṛpaḥ||
And having regained his kingdom, with a tranquil mind, that prince of Kuru's race thus addressed Vyasa, Narada and the other sages who were present.
— tr. M.N. Dutt (1891–96) (public domain)
MBh 9 182.5
आश्वासितोऽहं प्राग्वृद्धैर्भवद्भिर्मुनिपुङ्गवैः। न सूक्ष्ममपि मे किंचिद् व्यलीकमिह विद्यते॥
āśvāsito'haṃ prāgvṛddhairbhavadbhirmunipuṅgavaiḥ| na sūkṣmamapi me kiṃcid vyalīkamiha vidyate||
I have been consoled by the words of so great, ancient and aged saints as your solves, and I have now no cause left for the least sorrow.
— tr. M.N. Dutt (1891–96) (public domain)
MBh 9 182.6
अर्थश्च सुमहान् प्राप्तो येन यक्ष्यामि देवताः। पुरस्कृत्याद्य भवतः समानेष्यामहे मखम्॥
arthaśca sumahān prāpto yena yakṣyāmi devatāḥ| puraskṛtyādya bhavataḥ samāneṣyāmahe makham||
And likewise, I have attained great riches, with which I may adore the celestials, therefore, with your help, I shall now celebrate the sacrifice.
— tr. M.N. Dutt (1891–96) (public domain)
MBh 9 182.7
हिमवन्तं त्वया गुप्ता गमिष्यामः पितामह। बह्वाश्चर्यो हि देशः स श्रूयते द्विजसत्तम॥ तथा भगवता चित्रं कल्याणं बहुभाषितम्। देवर्षिणा नारदेन देवस्थानेन चैव ह॥
himavantaṃ tvayā guptā gamiṣyāmaḥ pitāmaha| bahvāścaryo hi deśaḥ sa śrūyate dvijasattama|| tathā bhagavatā citraṃ kalyāṇaṃ bahubhāṣitam| devarṣiṇā nāradena devasthānena caiva ha||
O the best of the twice-borms, we have heard that those (Himalayan) regions are full of wonders, therefore, O Brahmana saint and grandfather do you so ordain that under your protection we may safely reach the Himalaya, mountains, the performance of my sacrifice being entirely within your control, and then the worshipful celestial saint Narada and Devasthana have also addressed exquisite and well meaning words for our behoof.
— tr. M.N. Dutt (1891–96) (public domain)
MBh 9 182.8
नाभागधेयः पुरुषः कश्चिदेवंविधान् गुरून्। लभते व्यसनं प्राप्य सुहृदः साधुसम्मतान्॥
nābhāgadheyaḥ puruṣaḥ kaścidevaṃvidhān gurūn| labhate vyasanaṃ prāpya suhṛdaḥ sādhusammatān||
No unlucky man in times of great sorrow and distress, has ever the good fortune to secure the services of such preceptors and friends approved of all virtuous men.
— tr. M.N. Dutt (1891–96) (public domain)
MBh 9 182.9
एवमुक्तास्तु राज्ञा सर्व अभ्यनुज्ञाप्य राजानं तथोभौ कृष्णफाल्गुनौ॥१२॥ पश्यतामेव सर्वेषां तत्रैवादर्शनं ययुः। ततो धर्मसुतो राजा तत्रैवोपाविशत् प्रभुः॥
evamuktāstu rājñā sarva abhyanujñāpya rājānaṃ tathobhau kṛṣṇaphālgunau||12|| paśyatāmeva sarveṣāṃ tatraivādarśanaṃ yayuḥ| tato dharmasuto rājā tatraivopāviśat prabhuḥ||
Thus addressed by the king, those great saints, commending the king and Krishna and Arjuna to go the Himalayan regions, then and there vanished before the assembled multitude, and the king, the royal son of Dharma, then seated himself there for some time.
— tr. M.N. Dutt (1891–96) (public domain)
MBh 9 182.10
ते एव महर्षयः। एवं नातिमहान् कालः स तेषां संन्यवर्तत। कुर्वतां शौचकार्याणि भीष्मस्य निधने तदा॥ महादानानि विप्रेभ्यो ददतामौर्ध्वदेहिकम्। भीष्मकर्णपुरोगाणां कुरूणां कुरुसत्तम॥ सहितो धृतराष्ट्रेण स ददावौर्ध्वदेहिकम्। ततो दत्त्वा बहुधनं विप्रेभ्यः पाण्डवर्षभः॥ धृतराष्ट्रं पुरस्कृत्य विवेश गजसाह्वयम्। स समाश्वास्य पितरं प्रज्ञाचक्षुषमीश्वरम्। अन्वशाद् वै स धर्मात्मा पृथिवीं भ्रातृभिः सह॥
te eva maharṣayaḥ| evaṃ nātimahān kālaḥ sa teṣāṃ saṃnyavartata| kurvatāṃ śaucakāryāṇi bhīṣmasya nidhane tadā|| mahādānāni viprebhyo dadatāmaurdhvadehikam| bhīṣmakarṇapurogāṇāṃ kurūṇāṃ kurusattama|| sahito dhṛtarāṣṭreṇa sa dadāvaurdhvadehikam| tato dattvā bahudhanaṃ viprebhyaḥ pāṇḍavarṣabhaḥ|| dhṛtarāṣṭraṃ puraskṛtya viveśa gajasāhvayam| sa samāśvāsya pitaraṃ prajñācakṣuṣamīśvaram| anvaśād vai sa dharmātmā pṛthivīṃ bhrātṛbhiḥ saha||
And the Pandavas then on account of the death of Bhishma, were engaged in celebrating his funeral ceremonies. And their tine, while thus engaged, seemed too long in passing, and performing the last rites for the bodies of Bhishma, Karna and other foremost Kauravas, they gave away large presents to Brahmanas. And then the foremost descendants of Kuru, again performed with Dhritarashtra the funeral rites, and having distributed profusc riches amongst the Brahmanas, the Pandava chief with Dhritarashtra in advance, entered the city of Hastinapur, and consoling his uncle, having eyes of wisdom, that virtuous prince continued to govern the earth with his brothers.
— tr. M.N. Dutt (1891–96) (public domain)