Mahabharata — Volume IX (Dutt edition) — Chapter 122
MBh 9 122.1
भीष्म उवाच एवमुक्तः स भगवान् मैत्रेयं प्रत्यभाषत। दिष्ट्यैवं त्वं विजानासि दिष्ट्या ते बुद्धिरीदृशी॥
bhīṣma uvāca evamuktaḥ sa bhagavān maitreyaṃ pratyabhāṣata| diṣṭyaivaṃ tvaṃ vijānāsi diṣṭyā te buddhirīdṛśī||
Bhishma said Thus addressed, the Holy one replied to Maitreya, saying, By good luck you are gifted with knowledge. By good luck your understanding is of this kind.
— tr. M.N. Dutt (1891–96) (public domain)
MBh 9 122.2
लोको ह्यार्यगुणानेव भूयिष्ठं तु प्रशंसति। रूपमानवयोमानश्रीमानाचाप्यसंशयम्॥
loko hyāryaguṇāneva bhūyiṣṭhaṃ tu praśaṃsati| rūpamānavayomānaśrīmānācāpyasaṃśayam||
Good men highly speak of righteous qualities. By your good luck you are not overwhelmed by personal beauty, youth and prosperity.
— tr. M.N. Dutt (1891–96) (public domain)
MBh 9 122.3
दिष्ट्या नाभिभवन्ति त्वां दैवस्तेऽयमनुग्रहः। यत् ते भृशतरं दानाद् वर्तयिष्यामि तच्छृणु॥
diṣṭyā nābhibhavanti tvāṃ daivaste'yamanugrahaḥ| yat te bhṛśataraṃ dānād vartayiṣyāmi tacchṛṇu||
This favour done to you is due to kindness of the celestials. Listen to me, as I describe to you what is even superior to gift.
— tr. M.N. Dutt (1891–96) (public domain)
MBh 9 122.4
यानीहागमशास्त्राणि याश्च काश्चित् प्रवृत्तयः। तानि वेदं पुरस्कृत्य प्रवृत्तानि यथाक्रमम्॥
yānīhāgamaśāstrāṇi yāśca kāścit pravṛttayaḥ| tāni vedaṃ puraskṛtya pravṛttāni yathākramam||
All scriptures, religious treatises, and rites that are seen in the world, have all originated from the Vedas, according to their due order.
— tr. M.N. Dutt (1891–96) (public domain)
MBh 9 122.5
अहं दानं प्रशंसामि भवानपि तपःश्रुते। तपः पवित्रं वेदस्य तपः स्वर्गस्य साधनम्॥
ahaṃ dānaṃ praśaṃsāmi bhavānapi tapaḥśrute| tapaḥ pavitraṃ vedasya tapaḥ svargasya sādhanam||
Following them I highly speak of gift. You highly speak of penances and Vedic learning. Penances are sacred. Penances are the means by which one may acquire the Vedas and the celestial region.
— tr. M.N. Dutt (1891–96) (public domain)
MBh 9 122.6
तपसा महदाप्नोति विद्यया चेति नः श्रुतम्। तपसैव चापनुदेद् यच्चान्यदपि दुष्कृतम्॥
tapasā mahadāpnoti vidyayā ceti naḥ śrutam| tapasaiva cāpanuded yaccānyadapi duṣkṛtam||
With the help of penances and of knowledge one acquires the highest fruits.; It is by penances that onc dissipates his sins and all else that is evil.
— tr. M.N. Dutt (1891–96) (public domain)
MBh 9 122.7
यद् यद्धि किंचित् संधाय पुरुषस्तप्यते तपः। सर्वमेतदवाप्नोति विद्यया चेति नः श्रुतम्॥
yad yaddhi kiṃcit saṃdhāya puruṣastapyate tapaḥ| sarvametadavāpnoti vidyayā ceti naḥ śrutam||
We have heard that with whatever purpose in view one performs performs one acquires the fruition thereof on account of those penances. The same may be said of knowledge.
— tr. M.N. Dutt (1891–96) (public domain)
MBh 9 122.8
दुरन्वयं दुष्प्रधर्षं दुरापं दुरतिक्रमम्। सर्वे वै तपसाभ्येति तपो हि बलवत्तरम्॥
duranvayaṃ duṣpradharṣaṃ durāpaṃ duratikramam| sarve vai tapasābhyeti tapo hi balavattaram||
Whatever is difficult to do whatever is dificult to conquer whatever is difficult to attain, and whatever is difficult to cross, can all be done with the help of penances. Of all things, penaces are of very superior power.
— tr. M.N. Dutt (1891–96) (public domain)
MBh 9 122.9
सुरापोऽसम्मतादायी भ्रूणहा गुरुतल्पगः। तपसा तरते सर्वमेनसश्च प्रमुच्यते॥
surāpo'sammatādāyī bhrūṇahā gurutalpagaḥ| tapasā tarate sarvamenasaśca pramucyate||
The man who drinks alcohol, or he who takes forcibly other men's properties, or he who is guilty of focticide, or he who violates the bed of his preceptor, succeeds in crossing with the help of penances. Indeed, one becomes purged off of all these sins through penances.
— tr. M.N. Dutt (1891–96) (public domain)
MBh 9 122.10
सर्वविद्यस्तु चक्षुष्मानपि यादृशतादृशम्। तपस्विनं तथैवाहस्ताभ्यां कार्यं सदा नमः॥
sarvavidyastu cakṣuṣmānapi yādṛśatādṛśam| tapasvinaṃ tathaivāhastābhyāṃ kāryaṃ sadā namaḥ||
One gifted with all knowledge and therefore, having true vision and an ascetic of whatever kind, are equal. One should always bow to these two.
— tr. M.N. Dutt (1891–96) (public domain)
MBh 9 122.11
सर्वे पूज्याः श्रुतधनास्तथैव च तपस्विनः। दानप्रदाः सुखं प्रेत्य प्राप्नुवन्तीह च श्रियम्॥
sarve pūjyāḥ śrutadhanāstathaiva ca tapasvinaḥ| dānapradāḥ sukhaṃ pretya prāpnuvantīha ca śriyam||
All men who have the Vedas for their wealth should be adored. Likewise all men gifted with penances deserve to be adored. They who make gifts get happiness in the next world and much prosperity in this world.
— tr. M.N. Dutt (1891–96) (public domain)
MBh 9 122.12
इमं च ब्रह्मलोकं च लोकं च बलवत्तरम्। अन्नदानैः सुकृतिनः प्रतिपद्यन्ति लौकिकाः॥
imaṃ ca brahmalokaṃ ca lokaṃ ca balavattaram| annadānaiḥ sukṛtinaḥ pratipadyanti laukikāḥ||
By making gifts of food righteous men of this world obtain both this world and that of Brahiman himself with many other regions of superior happiness.
— tr. M.N. Dutt (1891–96) (public domain)
MBh 9 122.13
पूजिताः पूजयन्त्येते मानिता मानयन्ति च। स दाता यत्र यत्रैति सर्वतः सम्प्रणूयते॥
pūjitāḥ pūjayantyete mānitā mānayanti ca| sa dātā yatra yatraiti sarvataḥ sampraṇūyate||
Those men who are worshipped by all, theinselves worship him who makes gifts. Those men who are honoured everywhere, themselves honour him who makes gifts. Wherever the giver goes, he hears himself his own praise.
— tr. M.N. Dutt (1891–96) (public domain)
MBh 9 122.14
अकर्ता चैव कर्ता च लभते यस्य यादृशम्। यदि चोर्ध्वं यद्यधो वा स्वाल्लोकानभियास्यति॥
akartā caiva kartā ca labhate yasya yādṛśam| yadi cordhvaṃ yadyadho vā svāllokānabhiyāsyati||
He who docs acts and he who omits to do them, gets each what is proportionate to his acts and omissions. Whether one lives in the upper regions or in the nether, one always acquires those places to which one becomes entitled by his deeds.
— tr. M.N. Dutt (1891–96) (public domain)
MBh 9 122.15
प्राप्स्यसि त्वन्नपानानि यानि वाञ्छसि कानिचित्। मेधाव्यसि कुले जातः श्रुतवाननृशंसवान्॥
prāpsyasi tvannapānāni yāni vāñchasi kānicit| medhāvyasi kule jātaḥ śrutavānanṛśaṃsavān||
As regards yourself you will certainly obtain whatever food and drink you may covet, for you are gifted with intelligence, good birth, Vedic learning and mercy.
— tr. M.N. Dutt (1891–96) (public domain)
MBh 9 122.16
कौमारचारी व्रतवान् मैत्रेय निरतो भव। एतद् गृहाण प्रथमं प्रशस्तं गृहमेधिनाम्॥
kaumāracārī vratavān maitreya nirato bhava| etad gṛhāṇa prathamaṃ praśastaṃ gṛhamedhinām||
You are possessed of youth, O Maitreya! you are observant of vows. Be devoted to virtuc. Do you take instructions from me about thosc duties which you should first follow, the duties, viz., of householders.
— tr. M.N. Dutt (1891–96) (public domain)
MBh 9 122.17
यो भर्ता वासितातुष्टो भर्तुस्तुष्टा च वासिता। यस्मिन्नेवं कुले सर्वे कल्याणं तत्र वर्तते॥
yo bhartā vāsitātuṣṭo bhartustuṣṭā ca vāsitā| yasminnevaṃ kule sarve kalyāṇaṃ tatra vartate||
That house in which the husband is pleased with his married wife, and the wife pleased with her husband, all auspicious results ensue.
— tr. M.N. Dutt (1891–96) (public domain)
MBh 9 122.18
अद्भिर्गात्रान्मलमिव तमोऽग्निप्रभया यथा। दानेन तपसा चैव सर्वपापमपोहति॥
adbhirgātrānmalamiva tamo'gniprabhayā yathā| dānena tapasā caiva sarvapāpamapohati||
As filth is washed away from the body with water, as darkness is removed by the light of fire, so is sin washed off by gifts and penances.
— tr. M.N. Dutt (1891–96) (public domain)
MBh 9 122.19
स्वस्ति प्राप्नुहि मैत्रेय गृहान् साधु व्रजाम्यहम्। एतन्मनसि कर्तव्यं श्रेय एवं भविष्यति॥
svasti prāpnuhi maitreya gṛhān sādhu vrajāmyaham| etanmanasi kartavyaṃ śreya evaṃ bhaviṣyati||
Bless you, O Maitreya, may you have palaces! I depart hence in peace. Do you remember what I have said. You shall then be able to reap many advantages!
— tr. M.N. Dutt (1891–96) (public domain)
MBh 9 122.20
तं प्रणम्याथ मैत्रेयः कृत्वा चापि प्रदक्षिणम्। स्वस्ति प्राप्नोतु भगवाननित्युवाच कृताञ्जलिः॥
taṃ praṇamyātha maitreyaḥ kṛtvā cāpi pradakṣiṇam| svasti prāpnotu bhagavānanityuvāca kṛtāñjaliḥ||
Maitreya then walked round his illustrious guest and bowed his head to him, and joining his hands in respect said, Let blessing be to you also, O Holy one!
— tr. M.N. Dutt (1891–96) (public domain)