Mahabharata — Volume VIII (Dutt edition) — Chapter 54

MBh 8 54.1

युधिष्ठिर उवाच मग्नस्य व्यसने कृच्छ्रे किं श्रेयः पुरुषस्य हि। बन्धुनाशे महीपाल राज्यनाशेऽथवा पुनः॥

yudhiṣṭhira uvāca magnasya vyasane kṛcchre kiṃ śreyaḥ puruṣasya hi| bandhunāśe mahīpāla rājyanāśe'thavā punaḥ||

Yudhisthira said What, indeed, is good for a man who is sunk in dire distress, consequent on the loss of friends or kingdom, O king.

— tr. M.N. Dutt (1891–96) (public domain)

MBh 8 54.2

त्वं हि नः परमो वक्ता लोकेऽस्मिन् भरतर्षभ। एतद् भवन्तं पृच्छामि तन्मे तवं वक्तुमर्हसि॥

tvaṃ hi naḥ paramo vaktā loke'smin bharatarṣabha| etad bhavantaṃ pṛcchāmi tanme tavaṃ vaktumarhasi||

In this world, O foremost of Bharata's race, you are the greatest of our instructors! I ask you this. You should tell me what I ask."

— tr. M.N. Dutt (1891–96) (public domain)

MBh 8 54.3

भीष्म उवाच पुत्रदारैः सुखैश्चैव वियुक्तस्य धनेन वा। मग्नस्य व्यसने कृच्छ्रे धृतिः श्रेयस्करी नृप॥ धैर्येण युक्तस्य सत: शरीरं न विशीर्यते।

bhīṣma uvāca putradāraiḥ sukhaiścaiva viyuktasya dhanena vā| magnasya vyasane kṛcchre dhṛtiḥ śreyaskarī nṛpa|| dhairyeṇa yuktasya sata: śarīraṃ na viśīryate|

'Fortitude is of the greatest good, O king, for one who has been deprived of sons and wives and pleasures of every sort and wealth, and who has been plunged into dire distress. The body is never emaciated of one who is always endued with fortitude.

— tr. M.N. Dutt (1891–96) (public domain)

MBh 8 54.4

विशोकता सुखं धत्ते धत्ते चारोग्यमुत्तमम्॥ आरोग्याच्च शरीरस्य स पुनर्विन्दते श्रियम्।

viśokatā sukhaṃ dhatte dhatte cārogyamuttamam|| ārogyācca śarīrasya sa punarvindate śriyam|

Want of sorrow carries happiness with it, and also health which is a superior possession. Again, on account of this health, one may acquire prosperity.

— tr. M.N. Dutt (1891–96) (public domain)

MBh 8 54.5

यच्च प्राज्ञो नरस्तात सात्त्विकी वृत्तिमास्थितः॥ तस्यैश्वर्यं च धैर्यं च व्यवसायश्च कर्मसु।

yacca prājño narastāta sāttvikī vṛttimāsthitaḥ|| tasyaiśvaryaṃ ca dhairyaṃ ca vyavasāyaśca karmasu|

That wise man, O sire, who always follows righteous conduct succeeds in acquiring prosperity, patience, and perseverance in the accomplishment of all his objects.

— tr. M.N. Dutt (1891–96) (public domain)

MBh 8 54.6

अत्रैवोदाहरन्तीममितिहासं पुरातनम्॥ बलिवासवसंवादं पुनरेव युधिष्ठिर।

atraivodāharantīmamitihāsaṃ purātanam|| balivāsavasaṃvādaṃ punareva yudhiṣṭhira|

Regarding it is cited the old discourse between Vali and Vasava,OYudhisthira.

— tr. M.N. Dutt (1891–96) (public domain)

MBh 8 54.7

वृत्ते देवासुरे युद्धे दैत्यदानवसंक्षये॥ विष्णुक्रान्तेषु लोकेषु देवराजे शतक्रतो।

vṛtte devāsure yuddhe daityadānavasaṃkṣaye|| viṣṇukrānteṣu lokeṣu devarāje śatakrato|

After the battle between the gods and the demons in which a large number of Daityas and Danavas fell, had come to a close, Vali became king. He was deceived by Vishnu who once more established his supremacy over all the worlds. The god of a hundred sacrifices was once more invested with the sovereignty of the celestials.

— tr. M.N. Dutt (1891–96) (public domain)

MBh 8 54.8

इज्यमानेषु देवेषु चातुर्वर्ण्य व्यवस्थिते॥ समृद्धमात्रे त्रैलोक्ये प्रीतियुक्ते स्वयम्भुवि।

ijyamāneṣu deveṣu cāturvarṇya vyavasthite|| samṛddhamātre trailokye prītiyukte svayambhuvi|

After the celestial adininistration had thus been re-established, and the four orders of men had been re-established in performance of their respective duties, the three worlds once inore swelled with prosperty, and the Self-create . became glad of heart.

— tr. M.N. Dutt (1891–96) (public domain)

MBh 8 54.9

रुद्रैर्वसुभिरादित्यैरश्विभ्यामपि चर्षिभिः॥ गन्धर्वैर्भुजगेन्दैश्च सिद्धैश्चान्यैर्वृतः प्रभुः। चतुर्दन्तं सुदान्तं च वारणेन्द्रं श्रिया वृतम्। आरुरािवतं शक्रस्त्रैलोक्यमनुसंययौ॥

rudrairvasubhirādityairaśvibhyāmapi carṣibhiḥ|| gandharvairbhujagendaiśca siddhaiścānyairvṛtaḥ prabhuḥ| caturdantaṃ sudāntaṃ ca vāraṇendraṃ śriyā vṛtam| ārurāivataṃ śakrastrailokyamanusaṃyayau||

At that time, accompanied by the Rudras, the Vasus, the Adityas, the Ashvins, the celestial Rishis, the Gandharvas, the Siddhas, and other superior orders of beings, the powerful Shakra seated on his four-tusked prince of elephants, called Airavata, marched through all the worlds.

— tr. M.N. Dutt (1891–96) (public domain)

MBh 8 54.10

स कदाचित् समुद्रान्ते कस्मिश्चिद् गिरिगह्वरे। बलिं वैरोचनि वज्री ददर्शोपससर्य च॥

sa kadācit samudrānte kasmiścid girigahvare| baliṃ vairocani vajrī dadarśopasasarya ca||

One day, while thus engaged, the holder of the thunderbolt was Virochana's son Vali within a certain mountain cave on the seashore. Seeing the king of Danavas, he came near him.

— tr. M.N. Dutt (1891–96) (public domain)

MBh 8 54.11

तमैरावतमूर्धस्थं प्रेक्ष्य देवगणैर्वृतम्। सुरेन्द्रमिन्द्रं दैत्येन्द्रो न शुशोच न विव्यथे॥

tamairāvatamūrdhasthaṃ prekṣya devagaṇairvṛtam| surendramindraṃ daityendro na śuśoca na vivyathe||

Seeing the king of gods, viz., Indra, thus seated on the back of Airavata and surrounded by the several orders of the celestials, the king of the Daityas displayed no signs of sorrow or agitation.

— tr. M.N. Dutt (1891–96) (public domain)

MBh 8 54.12

दृष्ट्वा तमविकारस्थं तिष्ठन्तं निर्भयं बलिम्। अधिरूढो द्विपश्रेष्ठमित्युवाच शतक्रतुः॥

dṛṣṭvā tamavikārasthaṃ tiṣṭhantaṃ nirbhayaṃ balim| adhirūḍho dvipaśreṣṭhamityuvāca śatakratuḥ||

Seeing Vali unmoved and fearless, Indra also addressed him from the back of his king of elephants, saying,-

— tr. M.N. Dutt (1891–96) (public domain)

MBh 8 54.13

दैत्य न व्यथसे शौर्यादथवा वृद्धसेवया। तपसा भावितत्वाद् वा सर्वथैतत् सुदुष्करम्॥

daitya na vyathase śauryādathavā vṛddhasevayā| tapasā bhāvitatvād vā sarvathaitat suduṣkaram||

How is it, O Daitya, that you are so unmoved? Is it owning to your heroism or to your having waited reverentially upon elders? Is it owning to your mind having been purified by penances? To whatever cause it may be due, this mood of mind is surely very difficult to attain.

— tr. M.N. Dutt (1891–96) (public domain)

MBh 8 54.14

शत्रुभिर्वशमानीतो हीनः स्थानादनुत्तमात्। वैरोचने किमाश्रित्य शोचितव्ये न शोचसि॥

śatrubhirvaśamānīto hīnaḥ sthānādanuttamāt| vairocane kimāśritya śocitavye na śocasi||

Hurled from the highest position, you are now shorn of all your possessions and have been brought under the sway of your enemies. O Virochana's son what is that by adopting which you to do not grieve although it is time for grief.

— tr. M.N. Dutt (1891–96) (public domain)

MBh 8 54.15

श्रैष्ठ्यं प्राप्य स्वजातीनां महाभोगाननुत्तमान्। हतस्वरत्नराज्यस्त्वं ब्रूहि कस्मान्न शोचसि॥

śraiṣṭhyaṃ prāpya svajātīnāṃ mahābhogānanuttamān| hatasvaratnarājyastvaṃ brūhi kasmānna śocasi||

Formerly, when you were the king of your own order, you enjoyed matchless pleasures. Now, however, you are shorn of your riches and jewels and sovereignty. Tell us why you arc so unmoved.

— tr. M.N. Dutt (1891–96) (public domain)

MBh 8 54.16

ईश्वरो हि पुरा भूत्वा पितृपैतामहे पदे। तत्त्वमद्य हृतं दृष्ट्वा सपत्नैः किं न शोचसि॥

īśvaro hi purā bhūtvā pitṛpaitāmahe pade| tattvamadya hṛtaṃ dṛṣṭvā sapatnaiḥ kiṃ na śocasi||

You were ere this a god, seated on the throne of your father and grandfathers. Finding yourself deprived to-day by your enemies, why do you not grieve?

— tr. M.N. Dutt (1891–96) (public domain)

MBh 8 54.17

बद्धश्च वारुणैः पाशैर्वज्रेण च समाहतः। हतदारो हृतधनो ब्रूहि कस्मान्न शोचसि॥

baddhaśca vāruṇaiḥ pāśairvajreṇa ca samāhataḥ| hatadāro hṛtadhano brūhi kasmānna śocasi||

You are fettered with Varuna's noose and has been struck with my thunderbolt. Your wives and riches have been taken away. Tell us why you do not grieve.

— tr. M.N. Dutt (1891–96) (public domain)

MBh 8 54.18

नष्टश्रीविभवभ्रष्टो यन्न शोचसि दुष्करम्। त्रैलोक्यराज्यनाशे हि कोऽन्यो जीवितुमुत्सहेत्॥

naṣṭaśrīvibhavabhraṣṭo yanna śocasi duṣkaram| trailokyarājyanāśe hi ko'nyo jīvitumutsahet||

Shorn of prosperity and fallen away from affluence, you do not gricve. This indeed, is something very remarkable. Who else, O Vali, then one like you, could dare lives thus after being shorn of the sovereignty of the three worlds?

— tr. M.N. Dutt (1891–96) (public domain)

MBh 8 54.19

एतच्चान्यच्च परुषं ब्रुवन्तं परिभूय तम्। श्रुत्वा सुखमसम्भ्रान्तो बलिवैरोचनोऽब्रवीत्॥

etaccānyacca paruṣaṃ bruvantaṃ paribhūya tam| śrutvā sukhamasambhrānto balivairocano'bravīt||

Hearing without any pain these and other cutting words that Indra said asserting the while his own superiority over him. Vali the son of Virochana fearlessly answered him thus.

— tr. M.N. Dutt (1891–96) (public domain)

MBh 8 54.20

बलिरुवाच निगृहीते मयि भृशं शक्र किं कत्थितेन ते। वज्रमुद्यम्य तिष्ठन्तं पश्यामि त्वां पुरंदर॥

baliruvāca nigṛhīte mayi bhṛśaṃ śakra kiṃ katthitena te| vajramudyamya tiṣṭhantaṃ paśyāmi tvāṃ puraṃdara||

When calamities have assailed me, O Shakra, what do you gain by such brag now? To-day I see you, O Purandara stand before me with the thunder-bolt upraised in your hand.

— tr. M.N. Dutt (1891–96) (public domain)

MBh 8 54.21

अशक्तः पूर्वमासीस्त्वं कथञ्चिच्छक्ततां गतः। कस्त्वदन्य इमां वाचं सुत्रां वक्तुमर्हति॥

aśaktaḥ pūrvamāsīstvaṃ kathañcicchaktatāṃ gataḥ| kastvadanya imāṃ vācaṃ sutrāṃ vaktumarhati||

Formerly, however, you could not behave so. Now you have somehow gained that power. Indeed, who else save you could give vent to such cruel words?

— tr. M.N. Dutt (1891–96) (public domain)

MBh 8 54.22

यस्तु शत्रोर्वशस्थस्य शक्तोऽपि कुरुते दयाम्। हस्तप्राप्तस्य वीरस्य तं चैव पुरुषं विदुः॥

yastu śatrorvaśasthasya śakto'pi kurute dayām| hastaprāptasya vīrasya taṃ caiva puruṣaṃ viduḥ||

That person who, though able to punish, shows mercy towards a heroic enemies, defeated and brought under his control, is indeed a great man.

— tr. M.N. Dutt (1891–96) (public domain)

MBh 8 54.23

अनिश्चयो हि युद्धेषु द्वयोर्विवदमानयोः। एकः प्राप्नोति विजयमेकश्चैव पराजयम्॥

aniścayo hi yuddheṣu dvayorvivadamānayoḥ| ekaḥ prāpnoti vijayamekaścaiva parājayam||

When two persons fight, victory is indeed doubtful. One of the two surely becomes victorious, and the other is defeated.

— tr. M.N. Dutt (1891–96) (public domain)

MBh 8 54.24

मा च तेऽभूत् स्वभावोऽयमिति ते देवपुङ्गवा ईश्वरः सर्वभूतानां विक्रमेण जितो बलात्॥

mā ca te'bhūt svabhāvo'yamiti te devapuṅgavā īśvaraḥ sarvabhūtānāṃ vikrameṇa jito balāt||

O king of gods, let not your nature be so. Do not think that you have become the king of all creatures after having defeated all with your might and prowess.

— tr. M.N. Dutt (1891–96) (public domain)

MBh 8 54.25

नैतदस्मत्कृतं शक्र नैतच्छक कृतं त्वया। यत् त्वमेवंगतो वज्रिन् यद्वाप्येवंगता वयम्॥

naitadasmatkṛtaṃ śakra naitacchaka kṛtaṃ tvayā| yat tvamevaṃgato vajrin yadvāpyevaṃgatā vayam||

That we have become so is not, O Indra, the result of our acts. That you have become so, ) holder of the thunderbolt, is not the result of any act of yours.

— tr. M.N. Dutt (1891–96) (public domain)

MBh 8 54.26

अहमासं यथाद्य त्वं भविता त्वं यथा वयम्। मावमंस्था मया कर्म दुष्कृतं कृतमित्युत।॥

ahamāsaṃ yathādya tvaṃ bhavitā tvaṃ yathā vayam| māvamaṃsthā mayā karma duṣkṛtaṃ kṛtamityuta|||

What I am now you will be in time. Do not disregard me, thinking that you have performed a highly difficult feat.

— tr. M.N. Dutt (1891–96) (public domain)

MBh 8 54.27

सुखदुःखे हि पुरुषः पर्यायेणाधिगच्छति। पर्यायेणासि शक्रत्वं प्राप्तः शक्र न कर्मणा॥

sukhaduḥkhe hi puruṣaḥ paryāyeṇādhigacchati| paryāyeṇāsi śakratvaṃ prāptaḥ śakra na karmaṇā||

A person gets happiness and misery one after another in course of Time. You have, O Shakra, gained sovereignty of the universe in courses of Time but not by virtue of any particular merit in you.

— tr. M.N. Dutt (1891–96) (public domain)

MBh 8 54.28

काल: काले नयति मां त्वां च कालोनयत्ययम्। तेनाहं त्वं यथा नाद्यं त्वं चापि न यथा वयम्॥

kāla: kāle nayati māṃ tvāṃ ca kālonayatyayam| tenāhaṃ tvaṃ yathā nādyaṃ tvaṃ cāpi na yathā vayam||

It is Time that leads me on in his course. That same time leads you also onward. It is, therefore, that I am not what you are to-day, and you also are not what we are.

— tr. M.N. Dutt (1891–96) (public domain)

MBh 8 54.29

न मातृपितृशुश्रूषा न च दैवतपूजनम्। नान्यो गुणसमाचारः पुरुषस्य सुखावहः॥

na mātṛpitṛśuśrūṣā na ca daivatapūjanam| nānyo guṇasamācāraḥ puruṣasya sukhāvahaḥ||

Dutiful services to parents, respectful adoration of deities, due practice of any good quality,-none of these can confer happiness on any one.

— tr. M.N. Dutt (1891–96) (public domain)

MBh 8 54.30

न विद्या न तपो दानं न मित्राणि न बान्धवाः। शक्नुवन्ति परित्रातुं नरं कालेन पीडितम्॥

na vidyā na tapo dānaṃ na mitrāṇi na bāndhavāḥ| śaknuvanti paritrātuṃ naraṃ kālena pīḍitam||

Neither knowledge nor penances, nor gifts, nor friends, nor kinsmen, can save one who is afflicted by Time.

— tr. M.N. Dutt (1891–96) (public domain)

MBh 8 54.31

नागामिनमनर्थं हि प्रतिघातशतैरपि। शक्नुवन्ति प्रतिव्योढुमृते बुद्धिबलान्नराः॥

nāgāminamanarthaṃ hi pratighātaśatairapi| śaknuvanti prativyoḍhumṛte buddhibalānnarāḥ||

Even by a thousand means, men cannot avert an impending danger. Intelligence and strength are useless in such cases.

— tr. M.N. Dutt (1891–96) (public domain)

MBh 8 54.32

पर्यायैर्हन्यमानानां परित्राता न विद्यते। इदं तु दुःखं यच्छक कर्ताहमिति मन्यसे॥

paryāyairhanyamānānāṃ paritrātā na vidyate| idaṃ tu duḥkhaṃ yacchaka kartāhamiti manyase||

None can save men who are afflicted by Time's course. Because, O Shakra, you consider yourself as the actor therefore it is the root of all sorrow.

— tr. M.N. Dutt (1891–96) (public domain)

MBh 8 54.33

यदि कर्ता भवेत् कर्ता न क्रियेत कदाचन। यस्मात्तु क्रियते कर्ता तस्मात् कर्ताप्यनीश्वरः॥

yadi kartā bhavet kartā na kriyeta kadācana| yasmāttu kriyate kartā tasmāt kartāpyanīśvaraḥ||

If the seeming performner of an act is the real actor thereof, that doer then would not himself be the creation of some one else (viz., the God). Therefore, because the seeming doer is himself the creation of another, that another is the Supreme Being superior to whom there is nothing else.

— tr. M.N. Dutt (1891–96) (public domain)

MBh 8 54.34

कालेनाहं त्वामजयं कालेनाहं जितस्त्वया। गन्ता गतिमतां काल: कालः कलयति प्रजाः॥

kālenāhaṃ tvāmajayaṃ kālenāhaṃ jitastvayā| gantā gatimatāṃ kāla: kālaḥ kalayati prajāḥ||

Helped by Time I had defeated you. Helped by time you have defeated me. It is Time which moves all beings.

— tr. M.N. Dutt (1891–96) (public domain)

MBh 8 54.35

इन्द्र प्राकृतया बुद्ध्या प्रजलयं नावबुद्ध्यसे। केचित् त्वां बहु मन्यन्ते श्रेष्ठ्यं प्राप्तं स्वकर्मणा।॥

indra prākṛtayā buddhyā prajalayaṃ nāvabuddhyase| kecit tvāṃ bahu manyante śreṣṭhyaṃ prāptaṃ svakarmaṇā|||

O Indra, because your intelligence is very mean you do not see that destruction awaits all things! Some, indeed, respect you as one who has acquired by his own acts the sovereignty of the universe.

— tr. M.N. Dutt (1891–96) (public domain)

MBh 8 54.36

कथमस्मद्विधो नाम जानल्लोकप्रवृत्तयः। कालेनाभ्याहतः शोचेन्मुह्येद् वाप्यथ विभ्रमेत्॥

kathamasmadvidho nāma jānallokapravṛttayaḥ| kālenābhyāhataḥ śocenmuhyed vāpyatha vibhramet||

But, how can one like us who know the course of the world, grieve for having been afflicted by Time, or allow our understanding to be stupefied, or give way to the influence of error?

— tr. M.N. Dutt (1891–96) (public domain)

MBh 8 54.37

नित्यं कालपरीतस्य मम वा मद्विधस्य वा। बुद्धिर्व्यसनमासाद्य भिन्ना नौरिव सीदति॥

nityaṃ kālaparītasya mama vā madvidhasya vā| buddhirvyasanamāsādya bhinnā nauriva sīdati||

Even when we are possessed by Time, coming in contact with a calamity, shall my understanding or that of one like me allow itself to be destroyed like a wrecked vessel at sea.

— tr. M.N. Dutt (1891–96) (public domain)

MBh 8 54.38

अहं च त्वं च ये चान्ये भविष्यन्ति सुराधिपाः। ते सर्वे शक यास्यन्ति मार्गमिन्द्रशतैर्गतम्॥

ahaṃ ca tvaṃ ca ye cānye bhaviṣyanti surādhipāḥ| te sarve śaka yāsyanti mārgamindraśatairgatam||

Myself, yourself, and all those who will in future become the kings of the deities, shall have, O Shakra, to follow the way along which hundreds of Indras have gone before you.

— tr. M.N. Dutt (1891–96) (public domain)

MBh 8 54.39

त्वामप्येवं सुदुर्धर्षं ज्वलन्तं परया श्रिया। काले परिणते कालः कालयिष्यति मामिव॥

tvāmapyevaṃ sudurdharṣaṃ jvalantaṃ parayā śriyā| kāle pariṇate kālaḥ kālayiṣyati māmiva||

When your hour will be full, Time will surely destroy you like me,-who are now so invincible and who now shine with matchless splendour.

— tr. M.N. Dutt (1891–96) (public domain)

MBh 8 54.40

बहूनीन्द्रसहस्राणि दैवतानां युगे युगे। अभ्यतीतानि कालेन कालो हि दुरतिक्रमः॥

bahūnīndrasahasrāṇi daivatānāṃ yuge yuge| abhyatītāni kālena kālo hi duratikramaḥ||

In time's course many thousands of Indras and of gods have been swept off cycle after cycle. Time, Indeed, is irresistible.

— tr. M.N. Dutt (1891–96) (public domain)

MBh 8 54.41

इदं तु लब्ध्वा संस्थानमात्मानं बहु मन्यसे। सर्वभूतभवं देवं ब्रह्माणमिव शाश्वतम्॥

idaṃ tu labdhvā saṃsthānamātmānaṃ bahu manyase| sarvabhūtabhavaṃ devaṃ brahmāṇamiva śāśvatam||

Having secured your present position, you think too much of yourself, even as the Creator of all beings, the divine and eternal Brahman.

— tr. M.N. Dutt (1891–96) (public domain)

MBh 8 54.42

न चेदमचलं स्थानमनन्तं वापि कस्यचित्। त्वं तु बालिशया बुद्ध्या ममेदमिति मन्यसे॥

na cedamacalaṃ sthānamanantaṃ vāpi kasyacit| tvaṃ tu bāliśayā buddhyā mamedamiti manyase||

Having secured your present position of yours. With none did it last for ever. On account of a foolish understanding, you consider it immutable and eternal.

— tr. M.N. Dutt (1891–96) (public domain)

MBh 8 54.43

अविश्वस्ते विश्वसिषि मन्यसे वाध्रुवे ध्रुवम्। नित्यं कालपरीतात्मा भवत्येवं सुरेश्वर॥

aviśvaste viśvasiṣi manyase vādhruve dhruvam| nityaṃ kālaparītātmā bhavatyevaṃ sureśvara||

You trust in that which is not worthy of trust. You consider that to be eternal which is not eternal. O king of the gods, one who is possessed and stupefied by Time really considers himself thus.

— tr. M.N. Dutt (1891–96) (public domain)

MBh 8 54.44

ममेयमिति मोहात् त्वं राजश्रियमभीप्ससि। नेयं तव न चास्माकं न चान्येषां स्थिरा सदा॥

mameyamiti mohāt tvaṃ rājaśriyamabhīpsasi| neyaṃ tava na cāsmākaṃ na cānyeṣāṃ sthirā sadā||

Actuated by folly you consider your present regal prosperity as yours. Know, however, that it is not permanent either for me or for you or for others.

— tr. M.N. Dutt (1891–96) (public domain)

MBh 8 54.45

अतिक्रम्य बहूनन्यांस्त्वयि तावदियं गता। कंचित् कालमियं स्थित्वा त्वयि वासव चञ्चला॥ गौर्निपानमिवोत्सृज्य पुनरन्यं गमिष्यति।

atikramya bahūnanyāṃstvayi tāvadiyaṃ gatā| kaṃcit kālamiyaṃ sthitvā tvayi vāsava cañcalā|| gaurnipānamivotsṛjya punaranyaṃ gamiṣyati|

It had belonged to numberless persons before you. Passing over them it has now become yours. It will say with you, O Vasava, for sometime and then prove its fickleness. Like a cow leaving one drinking ditch for another, it will surely leave you for somebody else.

— tr. M.N. Dutt (1891–96) (public domain)

MBh 8 54.46

राजलोका ह्यतिक्रान्ता यान्न संख्यातुमुत्सहे॥ त्वत्तो बहुतराश्चान्ये भविष्यन्ति पुरंदर।

rājalokā hyatikrāntā yānna saṃkhyātumutsahe|| tvatto bahutarāścānye bhaviṣyanti puraṃdara|

So many kings have gone before you that I venture not to calculate them. In the future also, O Purandara, numberless sovereigns will rise after you.

— tr. M.N. Dutt (1891–96) (public domain)

MBh 8 54.47

सवृक्षौषधिरत्नेयं सहसत्त्ववनाकरा॥ तानिदानीं च पश्यामि यैर्भुक्तेयं पुरा मही।

savṛkṣauṣadhiratneyaṃ sahasattvavanākarā|| tānidānīṃ ca paśyāmi yairbhukteyaṃ purā mahī|

I do not see those kings now that had formerly enjoyed this Earth with her trees, plants, gems, living creatures, waters and mines.

— tr. M.N. Dutt (1891–96) (public domain)

MBh 8 54.48

पृथुरैलो मयो भीमो नरकः शम्बरस्तथा॥ अश्वग्रीवः पुलोमा च स्वर्भानुरमितध्वजः। प्रह्लादो नमुचिर्दक्षो विप्रचित्तिर्विरोचनः॥ ह्रीनिषेवः सुहोत्रश्च भूरिहा पुष्पवान वृषः। सत्येषुर्ऋषभो बाहुः कपिलाश्वो विरूपकः॥ बाणः कार्तस्वरो वह्निविश्वदंष्ट्रोऽथ नैऋतिः। संकोचोऽथ वरीताक्षो वराहाश्वो रुचिप्रभः॥ विश्वजित् प्रतिरूपश्च वृषाण्डो विष्करो मधुः। हिरण्यकशिपुश्चैव कैटभश्चैव दानवः॥ दैतेया दानवाश्चैव सर्वे ते नैर्ऋतैः सह। एते चान्ये च बहव पूर्वे पूर्वतराश्च ये॥ दैत्येन्द्रा दानवेन्द्राश्च यांश्चान्याननुशुश्रुम। बहवः पूर्वदैत्येन्द्राः संत्यज्य पृथिवीं गताः॥ कालेनाभ्याहताः सर्वे कालो हि बलवत्तरः।

pṛthurailo mayo bhīmo narakaḥ śambarastathā|| aśvagrīvaḥ pulomā ca svarbhānuramitadhvajaḥ| prahlādo namucirdakṣo vipracittirvirocanaḥ|| hrīniṣevaḥ suhotraśca bhūrihā puṣpavāna vṛṣaḥ| satyeṣurṛṣabho bāhuḥ kapilāśvo virūpakaḥ|| bāṇaḥ kārtasvaro vahniviśvadaṃṣṭro'tha naiṛtiḥ| saṃkoco'tha varītākṣo varāhāśvo ruciprabhaḥ|| viśvajit pratirūpaśca vṛṣāṇḍo viṣkaro madhuḥ| hiraṇyakaśipuścaiva kaiṭabhaścaiva dānavaḥ|| daiteyā dānavāścaiva sarve te nairṛtaiḥ saha| ete cānye ca bahava pūrve pūrvatarāśca ye|| daityendrā dānavendrāśca yāṃścānyānanuśuśruma| bahavaḥ pūrvadaityendrāḥ saṃtyajya pṛthivīṃ gatāḥ|| kālenābhyāhatāḥ sarve kālo hi balavattaraḥ|

Prithu, Aila, Maya, Bhima, Naraka, Shamvara, Ashvagriva, Puloman, Svarbhanu, whose standard was of immeasurable height, Prahrada, Namuchi, Daksha, Vipprachitti, Virochana, Hrinisheva, Suhotra, Bhurihan, Pushavat, Vrisha, Satyepsu, Rishava, Vahu, Kapilashva, Virupaka, Vana, Karttashvara, Vahni, Vishvadangshtra, Nairiti, Sankocha, Varitaksha, Varaha, Ashva, Ruchiprabha, Vishvajit, Pratirupa, Vrishanda, Vishkara, Madhu, Hiranyakashipu, the Danava Kaitabha, and many others that were Daityas and Danavas and Rakshasas, these and many more not named, of remote and remoter ages, great Daityas and foremost of Danavas, whose names we have heard,-indeed, many foremost of Daityas of former times,-have passed away, leaving the Earth. All of them were possessed by Time. Time proved mere powerful than all of them.

— tr. M.N. Dutt (1891–96) (public domain)

MBh 8 54.49

सर्वैः ऋतुशतैरिष्टं न त्वमेकः शतक्रतुः॥ सर्वे धर्मपराश्चासन् सर्वे सततसत्रिणः।

sarvaiḥ ṛtuśatairiṣṭaṃ na tvamekaḥ śatakratuḥ|| sarve dharmaparāścāsan sarve satatasatriṇaḥ|

All of them had adored the Creator in hundreds of sacrifices. You are not the only person that has done so. All of them were given to righteousness and all of them always celebrated great sacrifices.

— tr. M.N. Dutt (1891–96) (public domain)

MBh 8 54.50

अन्तरिक्षचराः सर्वे सर्वेऽभिमुखयोधिनः॥ सर्वे संहननोपेताः सर्वे परिघबाहवः।

antarikṣacarāḥ sarve sarve'bhimukhayodhinaḥ|| sarve saṃhananopetāḥ sarve parighabāhavaḥ|

All of them were capable of passing through the welkin and all were heroes that never retreated from the battle field. All of them had very strong bodies and all had arms resembling heavy bludgeons.

— tr. M.N. Dutt (1891–96) (public domain)

MBh 8 54.51

सर्वे मायाशतधराः सर्वे ते कामरूपिणः॥ सर्वे समरमासाद्य न श्रूयन्ते पराजिताः।

sarve māyāśatadharāḥ sarve te kāmarūpiṇaḥ|| sarve samaramāsādya na śrūyante parājitāḥ|

All of them were adepts in hundreds of illusions, and all could assume any form they liked. We have never heard that having undertaken a battle any of them had ever met with defeat.

— tr. M.N. Dutt (1891–96) (public domain)

MBh 8 54.52

सर्वे सत्यव्रतपराः सर्वे कामविहारिणः॥ सर्वे वेदव्रतपराः सर्वे चैव बहुश्रुताः।

sarve satyavrataparāḥ sarve kāmavihāriṇaḥ|| sarve vedavrataparāḥ sarve caiva bahuśrutāḥ|

All observed the vow of truth, and all of them sported as they wished. Devoted to the Vedas and Vedic rites, all of them were endued with great learning.

— tr. M.N. Dutt (1891–96) (public domain)

MBh 8 54.53

सर्वे सम्मतमैश्वर्यमीश्वराः प्रतिपेदिरे॥ न चैश्वर्यमदस्तेषां भूतपूर्वो महात्मनाम्।

sarve sammatamaiśvaryamīśvarāḥ pratipedire|| na caiśvaryamadasteṣāṃ bhūtapūrvo mahātmanām|

Endued with great might, all of them had gained the highest prosperity and affluence. But none of those great kings lead the pride of sovereignty.

— tr. M.N. Dutt (1891–96) (public domain)

MBh 8 54.54

सर्वे यथार्हदातारः सर्वे विगतमत्सराः॥ सर्वे सर्वेषु भूतेषु यथावत् प्रतिपेदिरे।

sarve yathārhadātāraḥ sarve vigatamatsarāḥ|| sarve sarveṣu bhūteṣu yathāvat pratipedire|

All of them were liberal giving to each what each deserved. All of them behaved properly and duly by all creatures.

— tr. M.N. Dutt (1891–96) (public domain)

MBh 8 54.55

सर्वे दाक्षायणीपुत्राः प्राजापत्या महाबलाः॥ ज्वलन्तः प्रतपन्तश्च कालेन प्रतिसंहृताः।

sarve dākṣāyaṇīputrāḥ prājāpatyā mahābalāḥ|| jvalantaḥ pratapantaśca kālena pratisaṃhṛtāḥ|

All of them were the offspring of Daksha's daughters. Gifted with great strength, all were lords of the creation. Burning all things with their energy, all of them shone greatly. Yet all of them were carried away by Time.

— tr. M.N. Dutt (1891–96) (public domain)

MBh 8 54.56

त्वं चैवेमां यदा भुक्त्वा पृथिवीं त्यक्षसे पुनः॥ न शक्ष्यसि तदा शक्र नियन्तुं शोकमात्मनः।

tvaṃ caivemāṃ yadā bhuktvā pṛthivīṃ tyakṣase punaḥ|| na śakṣyasi tadā śakra niyantuṃ śokamātmanaḥ|

As regards you. ( Shakra, it is clear that when you shall have, after enjoying the Earth, to leave her you will not be able to control your grief.

— tr. M.N. Dutt (1891–96) (public domain)

MBh 8 54.57

मुञ्चेञ्छां कामभोगेषु मुञ्चेमं श्रीभवं मदम्॥६४! एवं स्वराज्यनाशे त्वं शोकं सम्प्रसहिष्यसि।

muñceñchāṃ kāmabhogeṣu muñcemaṃ śrībhavaṃ madam||64! evaṃ svarājyanāśe tvaṃ śokaṃ samprasahiṣyasi|

Relinquish this desire for objects of affection and enjoyment. Relinquish this pride begotten by prosperity. If you act thus, you will then be able to bear the grief consequent on the loss of sovereignty.

— tr. M.N. Dutt (1891–96) (public domain)

MBh 8 54.58

शोककाले शुचो मा त्वं हर्षकाले च मा हृषः॥ अतीतानागतं हित्वा प्रत्युत्पन्नेन वर्तय।

śokakāle śuco mā tvaṃ harṣakāle ca mā hṛṣaḥ|| atītānāgataṃ hitvā pratyutpannena vartaya|

When the hour of sorrow comes, do not give way to it. Likewise, when the hour of joy comes, do not rejoice. Not thinking of both the past and the future, live contentedly with the present.

— tr. M.N. Dutt (1891–96) (public domain)

MBh 8 54.59

मां चेदभ्यागतः कालः सदा युक्तमतन्द्रितः॥ क्षमस्व नचिरादिन्द्र त्वामप्युपगमिष्यति।

māṃ cedabhyāgataḥ kālaḥ sadā yuktamatandritaḥ|| kṣamasva nacirādindra tvāmapyupagamiṣyati|

When Time that never sleeps came upon me that had always been mindful of my duties, bend you heart to the ways of peace, O Indra, for that same Time will very soon meet you.

— tr. M.N. Dutt (1891–96) (public domain)

MBh 8 54.60

त्रासयन्निव देवेन्द्र वाग्भिस्तक्षसि मामिह॥ संयते मयि नूनं त्वमात्मानं बहू मन्यसे।

trāsayanniva devendra vāgbhistakṣasi māmiha|| saṃyate mayi nūnaṃ tvamātmānaṃ bahū manyase|

You cut me to the quick with your words, and you seem deterinined to terrorise me. Indeed, finding me calm, you think very highly of you.

— tr. M.N. Dutt (1891–96) (public domain)

MBh 8 54.61

कालः प्रथममायान्मां पश्चात् त्वामनुधावति॥ तेन गर्जसि देवेन्द्र पूर्वं कालहते मयि।

kālaḥ prathamamāyānmāṃ paścāt tvāmanudhāvati|| tena garjasi devendra pūrvaṃ kālahate mayi|

Time had first attacked me. It is even now behind you. I was at first defeated by Time. It was therefore that you did afterwards succeed in defeating me for which you are bragging thus.

— tr. M.N. Dutt (1891–96) (public domain)

MBh 8 54.62

को हि स्थातुमलं लोके मम क्रुद्धस्य संयुगे॥ कालस्तु बलवान् प्राप्तस्तेन तिष्ठसि वासव। यत् तद् वर्षसम्रान्तं पूर्णं भवितुमर्हति॥ यथा मे सर्वगात्राणि न सुस्थानि महौजसः।

ko hi sthātumalaṃ loke mama kruddhasya saṃyuge|| kālastu balavān prāptastena tiṣṭhasi vāsava| yat tad varṣasamrāntaṃ pūrṇaṃ bhavitumarhati|| yathā me sarvagātrāṇi na susthāni mahaujasaḥ|

Formerly, when I used to become angry, what person was there on Earth who could stand before me in battle? Time however, is stronger. He has overwhelmed me. It is therefore, O Vasava, that you are able to stand before me. Those thousand celestial years, over which your reign extends will surely come to an end.

— tr. M.N. Dutt (1891–96) (public domain)

MBh 8 54.63

अहमैन्द्राच्च्युतः स्थानात् त्वमिन्द्रः प्रकृतोदिवि॥ सुचित्रे जीवलोकेऽस्मिन्नुपास्यः कालपर्ययात्। किं हि कृत्वा त्वमिन्द्रोऽद्य किं वा कृत्वा वयं च्युताः।

ahamaindrāccyutaḥ sthānāt tvamindraḥ prakṛtodivi|| sucitre jīvaloke'sminnupāsyaḥ kālaparyayāt| kiṃ hi kṛtvā tvamindro'dya kiṃ vā kṛtvā vayaṃ cyutāḥ|

You will then fall and your limbs will become as miserable as mine now even though I am endued with great energy. I have fallen away from the high place that is occupied by the king of the three worlds. You are not the real Indra in heaven.

— tr. M.N. Dutt (1891–96) (public domain)

MBh 8 54.64

त्वमेव हि पुरा काल: कर्ता विकर्ता च सर्वमन्यदकारणम्। नाशं विनाशमैश्वर्यं सुखं दुःखं भवाभवौ॥

tvameva hi purā kāla: kartā vikartā ca sarvamanyadakāraṇam| nāśaṃ vināśamaiśvaryaṃ sukhaṃ duḥkhaṃ bhavābhavau||

By virtue of Time's course, you are now an object of universal adoration in this charming world of living beings. Can you say what is that by having done which you have become Indra to-day and what also is that by having done which we have falls off from the position we had occupied.

— tr. M.N. Dutt (1891–96) (public domain)

MBh 8 54.65

विद्वान् प्राप्यैवमत्यर्थं न प्रहृष्येन्न च व्यथेत्। त्वमेव हीन्द्र वेत्थास्मान् वेदाहं त्वां च वासव॥

vidvān prāpyaivamatyarthaṃ na prahṛṣyenna ca vyathet| tvameva hīndra vetthāsmān vedāhaṃ tvāṃ ca vāsava||

Time is the one creator and destroyer. Nothing else is cause. By encountering any of these, viz.. decline, fall, sovereignty, happiness, misery, birth, and death a learned person neither rejoices nor grieves. You, O Indra, know us. We also, O Vasava, know you.

— tr. M.N. Dutt (1891–96) (public domain)

MBh 8 54.66

किं कत्थसे मां किं च त्वं कालेन निरपत्रपः। वेत्थ यत् तदा पौरुषं मम॥

kiṃ katthase māṃ kiṃ ca tvaṃ kālena nirapatrapaḥ| vettha yat tadā pauruṣaṃ mama||

Why then do you brag thus before me, forgetting, O shameless one, that it is Time that has made you what you are? You yourself saw what my prowess was in those days.

— tr. M.N. Dutt (1891–96) (public domain)

MBh 8 54.67

समरेषु च विक्रान्तं पर्याप्तं तन्निदर्शनम्। आदित्याश्चैव रुद्राश्च साध्याश्च वसुभिः सह॥ मया विनिर्जिताः पूर्वं मरुतश्च शचीपते। त्वमेव शक्र जानासि देवासुरसमागमे॥ नियतं कालपाशेन बद्धं शक्र विकस्थसे। समेता विबुधा भग्नास्तरसा समरे मया। पर्वताश्चासकृत् क्षिप्ताः सवनाः सवनौकसः॥

samareṣu ca vikrāntaṃ paryāptaṃ tannidarśanam| ādityāścaiva rudrāśca sādhyāśca vasubhiḥ saha|| mayā vinirjitāḥ pūrvaṃ marutaśca śacīpate| tvameva śakra jānāsi devāsurasamāgame|| niyataṃ kālapāśena baddhaṃ śakra vikasthase| sametā vibudhā bhagnāstarasā samare mayā| parvatāścāsakṛt kṣiptāḥ savanāḥ savanaukasaḥ||

The energy and might used to display in all my battles, prove it clearly. The Adityas, the Rudras, the Saddhyas, the Vasus, and the Maruts, O lord of Shachi, were all defeated by me. You know it well yourself, O Shakra, that in the great battle between the gods and the Asuras, the assembled gods were speedily। routed by me by the fury of my attack. Mountains with their forests and the denizens, were repeatedly hurled by us.

— tr. M.N. Dutt (1891–96) (public domain)

MBh 8 54.68

सटङ्कशिखरा भग्नाः समरे मूलि ते मया। किं नु शक्यं मया कर्तुं कालो हि दुरतिक्रमः॥

saṭaṅkaśikharā bhagnāḥ samare mūli te mayā| kiṃ nu śakyaṃ mayā kartuṃ kālo hi duratikramaḥ||

I broke on your head, many mountain summits with craggy edges. What, however, can I do now? Time cannot be resisted.

— tr. M.N. Dutt (1891–96) (public domain)

MBh 8 54.69

न हि त्वां नोत्सहे हन्तुं सवज्रमपि मुष्टिना। न त विक्रमकालोऽयं क्षमाकालोऽयमागतः॥

na hi tvāṃ notsahe hantuṃ savajramapi muṣṭinā| na ta vikramakālo'yaṃ kṣamākālo'yamāgataḥ||

If it were not so, do not think that I would not have dared to kill you with that thunderbolt of yours with even a blow of my fist. The present, however, is not the hour when I should display my prowess. The present hour is such that I should remain silent and tolerate everything.

— tr. M.N. Dutt (1891–96) (public domain)

MBh 8 54.70

तेन त्वां मर्षये शक्र दुर्मर्षणतरस्त्वया। तं मां परिणते काले परीतं कालवह्निना॥

tena tvāṃ marṣaye śakra durmarṣaṇatarastvayā| taṃ māṃ pariṇate kāle parītaṃ kālavahninā||

It is therefore, O Shakra, that I put up with all this insolence of yours. Know, however, that I am less able to bear insolence than even you.

— tr. M.N. Dutt (1891–96) (public domain)

MBh 8 54.71

अयं स पुरुषः श्यामो लोकस्य दुरतिक्रमः॥ बद्ध्वा तिष्ठति मां रौद्रः पशुं रशनया यथा।

ayaṃ sa puruṣaḥ śyāmo lokasya duratikramaḥ|| baddhvā tiṣṭhati māṃ raudraḥ paśuṃ raśanayā yathā|

There stands that dark individual who cannot be resisted by the world. There he of fierce form; stands, having bound me like an inferior animal bound with ropes.

— tr. M.N. Dutt (1891–96) (public domain)

MBh 8 54.72

लाभालाभौ सुखं दुःखं कामक्रोधौ भवाभवौ॥ वधबन्धप्रमोक्षं च सर्वं कालेन लभ्यते।

lābhālābhau sukhaṃ duḥkhaṃ kāmakrodhau bhavābhavau|| vadhabandhapramokṣaṃ ca sarvaṃ kālena labhyate|

Gain and loss, happiness and misery, lust and anger, birth and death, captivity and release,-these all one meets in Time's course.

— tr. M.N. Dutt (1891–96) (public domain)

MBh 8 54.73

नाहं कर्ता न कर्ता त्वं कर्ता यस्तु सदा प्रभुः॥ सोऽयं पचति कालो मां वृक्षे फलमिवागतम्।

nāhaṃ kartā na kartā tvaṃ kartā yastu sadā prabhuḥ|| so'yaṃ pacati kālo māṃ vṛkṣe phalamivāgatam|

I am not the actor. You are not the actor, He is the actor who is omnipotent. Time ripens me like a fruit that is on a tree.

— tr. M.N. Dutt (1891–96) (public domain)

MBh 8 54.74

यान्येव पुरुषः कुर्वन् सुखैः कालेन युज्यते॥ पुनस्तान्येव कुर्वाणो दुःखै कालेन युज्यते।

yānyeva puruṣaḥ kurvan sukhaiḥ kālena yujyate|| punastānyeva kurvāṇo duḥkhai kālena yujyate|

There are certain acts by doing which one person enjoys happiness in Time's course. By doing those very acts another reaps misery in the course of Time.

— tr. M.N. Dutt (1891–96) (public domain)

MBh 8 54.75

न च कालेन कालज्ञः स्पृष्टः शोचितुमर्हति॥ तेन शक्र न शोचामि नास्ति शोके सहायता। यदा हि शोचत: शोको व्यसनं नापकर्षति॥ सामर्थ्य शोचतो नास्तीत्यतोऽहं नाद्य शोचिमि।

na ca kālena kālajñaḥ spṛṣṭaḥ śocitumarhati|| tena śakra na śocāmi nāsti śoke sahāyatā| yadā hi śocata: śoko vyasanaṃ nāpakarṣati|| sāmarthya śocato nāstītyato'haṃ nādya śocimi|

Conversant as I am with the virtues of Time, I should not grieve when it is Time that has attacked me. It is therefore, O Shakra, that I do not grieve. Grief can do us no good. The grief of one that indulges in grief never dissipates his calamity. On the other hand, grief destroys his power. It is therefore that I do not grieve.

— tr. M.N. Dutt (1891–96) (public domain)

MBh 8 54.76

एवमुक्तः सहस्राक्षो भगवान् पाकशासनः॥ प्रतिसंहृत्य संरम्भमित्युवाच शतक्रतुः।

evamuktaḥ sahasrākṣo bhagavān pākaśāsanaḥ|| pratisaṃhṛtya saṃrambhamityuvāca śatakratuḥ|

Thus addressed by the kings of the Daityas, the god of a hundred sacrifices, viz., the powerful and thousand-eyed chastiser of Paka, checked his anger and said these words.'

— tr. M.N. Dutt (1891–96) (public domain)

MBh 8 54.77

सवज्रमुद्यतं बाहुं दृष्ट्वा पाशांश्च वारुणान्॥ कस्येह न व्यथेद् बुद्धिर्मृत्योरपि जिघांसतः।

savajramudyataṃ bāhuṃ dṛṣṭvā pāśāṃśca vāruṇān|| kasyeha na vyathed buddhirmṛtyorapi jighāṃsataḥ|

Shakra said Seeing this upraised arm of mine, equipt with the thunderbolt, and those nooses of Varuna, who is there whose understanding is not moved, including the very Destroyer himself who brings about the death of all beings.

— tr. M.N. Dutt (1891–96) (public domain)

MBh 8 54.78

सा ते न व्यथते बुद्धिरचला तत्त्वदर्शिनी॥ ध्रुवं न व्यथसेऽद्य त्वं धैर्यात् सत्यपराक्रम।

sā te na vyathate buddhiracalā tattvadarśinī|| dhruvaṃ na vyathase'dya tvaṃ dhairyāt satyaparākrama|

Your understanding, however, so firm and so endued with visions of the truth has not been moved. 0 you of invincible prowess, verily you are unmoved to-day on account of your fortitude.

— tr. M.N. Dutt (1891–96) (public domain)

MBh 8 54.79

को हि विश्वासमर्थेषु शरीरे वा शरीरभृत्॥ कर्तुमुत्सहते लोके दृष्ट्वा सम्प्रस्थितं जगत्।

ko hi viśvāsamartheṣu śarīre vā śarīrabhṛt|| kartumutsahate loke dṛṣṭvā samprasthitaṃ jagat|

Seeing all things in this universe as transient, who is there in it, endued with body, that would venture to place confidence on either his body or all the objects of his desire?

— tr. M.N. Dutt (1891–96) (public domain)

MBh 8 54.80

अहमप्येवमेवैनं लोकं जानाम्यशाश्वतम्॥ कालाग्नावाहितं घोरे गुह्ये सततगेऽक्षरे।

ahamapyevamevainaṃ lokaṃ jānāmyaśāśvatam|| kālāgnāvāhitaṃ ghore guhye satatage'kṣare|

Like yourself I also know that this universe is not eternal, and that it has been thrown into Time's fire that is dreadful though hidden from the view, that is perpetually burning, and that is indeed endless.

— tr. M.N. Dutt (1891–96) (public domain)

MBh 8 54.81

न चात्र परिहारोऽस्ति कालस्पृष्टस्य कस्यचित्॥ सूक्ष्माणां महतां चैव भूतानां परिपच्यताम्।

na cātra parihāro'sti kālaspṛṣṭasya kasyacit|| sūkṣmāṇāṃ mahatāṃ caiva bhūtānāṃ paripacyatām|

Every one is attacked here by Time. Nothing among subtile or gross beings can escape from Time's away. All things are being cooked in Time's pot.

— tr. M.N. Dutt (1891–96) (public domain)

MBh 8 54.82

अनीशस्याप्रमत्तस्य भूतानि पचत: सदा॥ अनिवृत्तस्य कालस्य क्षयं प्राप्तो न मुच्यते।

anīśasyāpramattasya bhūtāni pacata: sadā|| anivṛttasya kālasya kṣayaṃ prāpto na mucyate|

Time has no master. Time is ever vigilant. Time is always coO king every thing within itself. No one who has once entered the kingdom of Time which is perpetually going on, can escape therefrom.

— tr. M.N. Dutt (1891–96) (public domain)

MBh 8 54.83

अप्रमत्तः प्रमत्तेषु कालो जागर्ति देहिषु॥ प्रयत्नेनाप्यपक्रान्तो दृष्टपूर्वो न केनचित्।

apramattaḥ pramatteṣu kālo jāgarti dehiṣu|| prayatnenāpyapakrānto dṛṣṭapūrvo na kenacit|

All embodied beings may be careless of Time, but Time is careful and is wide awake behind them. No one has ever been seen to have driven off Time from him.

— tr. M.N. Dutt (1891–96) (public domain)

MBh 8 54.84

पुराण: शाश्वतो धर्मः सर्वप्राणभृतां समः॥ कालो न परिहार्यश्च न चास्यास्ति व्यतिक्रमः।

purāṇa: śāśvato dharmaḥ sarvaprāṇabhṛtāṃ samaḥ|| kālo na parihāryaśca na cāsyāsti vyatikramaḥ|

Ancient eternal and the embodiment of Justice, Time is always equal about all living creatures. Time cannot be shunned and there is no retrogression in its course.

— tr. M.N. Dutt (1891–96) (public domain)

MBh 8 54.85

अहोरात्रांश्च मासांश्च क्षणान् काष्ठा लवान् कलाः॥ सम्पीडयति यः कालो वृद्धिं वाधुषिको यथा।

ahorātrāṃśca māsāṃśca kṣaṇān kāṣṭhā lavān kalāḥ|| sampīḍayati yaḥ kālo vṛddhiṃ vādhuṣiko yathā|

Like a usurer summing up his interest, Time sums up its subtile portions represented by Kalas, lavas, Kashthas, Kshanas, months, and days and nights.

— tr. M.N. Dutt (1891–96) (public domain)

MBh 8 54.86

इदमद्य करिष्यामिश्वः कर्तास्मीति वादिनम्॥ कालो हरति सम्प्राप्तो नदीवेग इव दुमम्।

idamadya kariṣyāmiśvaḥ kartāsmīti vādinam|| kālo harati samprāpto nadīvega iva dumam|

Like the current of river washing away a tree whose roots it can get at time, approaching him who says,-This I will do to-day but this I will do tomorrow-sweeps him always.'

— tr. M.N. Dutt (1891–96) (public domain)

MBh 8 54.87

इदानीं तावदेवासौ मया दृष्टः कथं मृतः॥ इति कालेन ह्रियतां प्रलापः श्रूयते नृणाम्।

idānīṃ tāvadevāsau mayā dṛṣṭaḥ kathaṃ mṛtaḥ|| iti kālena hriyatāṃ pralāpaḥ śrūyate nṛṇām|

Time carries away one and men say-I saw him a little while before How has he died?'

— tr. M.N. Dutt (1891–96) (public domain)

MBh 8 54.88

नश्यन्त्यर्थास्तथा भोगा: स्थानमैश्वर्यमेव च॥ जीवितं जीवलोकस्य कालेनागम्य नीयते।

naśyantyarthāstathā bhogā: sthānamaiśvaryameva ca|| jīvitaṃ jīvalokasya kālenāgamya nīyate|

Wealth, comforts, rank, prosperity, all are destroyed by Time. Approaching every living creature. Time takes away his life. All things which haughtily raise their heads high are sure to crumble down.

— tr. M.N. Dutt (1891–96) (public domain)

MBh 8 54.89

उच्छ्राया विनिपातान्ता भावोऽभावः स एव च॥ अनित्यमध्रुवं सर्वं व्यवसायो हि दुष्करः।

ucchrāyā vinipātāntā bhāvo'bhāvaḥ sa eva ca|| anityamadhruvaṃ sarvaṃ vyavasāyo hi duṣkaraḥ|

What is existent is only another form of the non-existent. Every thing is transitory and unstable. It is difficult to arrive at such a conviction.

— tr. M.N. Dutt (1891–96) (public domain)

MBh 8 54.90

सा ते न व्यथते बुद्धिरचला तत्त्वदर्शिनी॥ अहमासं पुरा चेति मनसापि न बुद्ध्यते।

sā te na vyathate buddhiracalā tattvadarśinī|| ahamāsaṃ purā ceti manasāpi na buddhyate|

Your understanding, firm and endued with true vision, is unmoved. You do not, even in your mind realise what you were sometime before.

— tr. M.N. Dutt (1891–96) (public domain)

MBh 8 54.91

कालेनाक्रम्य लोकेऽस्मिन् पच्यमाने बलीयसा॥ अज्येष्ठमकनिष्ठं च क्षिप्यमाणो न बुद्ध्यते।

kālenākramya loke'smin pacyamāne balīyasā|| ajyeṣṭhamakaniṣṭhaṃ ca kṣipyamāṇo na buddhyate|

Attacking the universe, powerful Time cooks it within itself and sweeps away every thing without caring for age or otherwise. Therefore, one who is being dragged by Time is unconscious of the noose put round one's neck.

— tr. M.N. Dutt (1891–96) (public domain)

MBh 8 54.92

ईर्ष्याभिमानलोभेषु कामक्रोधभयेषु च॥ स्पृहामोहाभिमानेषु लोकः सक्तो विमुह्यति।

īrṣyābhimānalobheṣu kāmakrodhabhayeṣu ca|| spṛhāmohābhimāneṣu lokaḥ sakto vimuhyati|

to People, wedded jealousy, vanity, cupidity, lust, anger, fear, desire, carelessness, and pride, allow themselves to be stupefied.

— tr. M.N. Dutt (1891–96) (public domain)

MBh 8 54.93

भवांस्तु भावतत्त्वज्ञो विद्वान् ज्ञानतपोऽन्वितः॥ कालं पश्यति सुव्यक्तं पाणावामलकं यथा।

bhavāṃstu bhāvatattvajño vidvān jñānatapo'nvitaḥ|| kālaṃ paśyati suvyaktaṃ pāṇāvāmalakaṃ yathā|

You, however, know the truth of existence. You are learned and endued with wisdom and penance. You sec Time as clearly like an embolic myrobalan on the palm of your hand.

— tr. M.N. Dutt (1891–96) (public domain)

MBh 8 54.94

कालचारित्रतत्त्वज्ञः सर्वशास्त्रविशारदः॥ विवेचने कृतात्मासि स्पृहणीयो विजानताम्।

kālacāritratattvajñaḥ sarvaśāstraviśāradaḥ|| vivecane kṛtātmāsi spṛhaṇīyo vijānatām|

O son of Virochana, you know full well Time's conduct! You are well versed in all branches of knowledge. You are of purified Soul and a perfect master of your passions. You are a favourite of all wise persons.

— tr. M.N. Dutt (1891–96) (public domain)

MBh 8 54.95

सर्वलोको ह्ययं मन्ये बुद्ध्या परिगतस्त्वया॥ विहरन् सर्वतो मुक्तो न क्वचित् परिषज्जते।

sarvaloko hyayaṃ manye buddhyā parigatastvayā|| viharan sarvato mukto na kvacit pariṣajjate|

With your understanding you have full understood the entire universe. Though you have enjoyed every sort of happiness, you were never attached to anything, and hence you have not been sullied by anything.

— tr. M.N. Dutt (1891–96) (public domain)

MBh 8 54.96

रजश्च हि तमश्च त्वां स्पृशते न जितेन्द्रियम्॥ निष्प्रीतिं नष्टसंतापमात्मानं त्वमुपाससे।

rajaśca hi tamaśca tvāṃ spṛśate na jitendriyam|| niṣprītiṃ naṣṭasaṃtāpamātmānaṃ tvamupāsase|

The qualities of Darkness and Ignorance do not soil you, for you have conquered your senses. You wait only upon your soul which is divested of both joy and sorrow.

— tr. M.N. Dutt (1891–96) (public domain)

MBh 8 54.97

सुहृदं सर्वभूतानां निर्वैरं शान्तमानसम्॥ दृष्ट्वा त्वां मम संजाता त्वय्यनुक्रोशिनी मतिः।

suhṛdaṃ sarvabhūtānāṃ nirvairaṃ śāntamānasam|| dṛṣṭvā tvāṃ mama saṃjātā tvayyanukrośinī matiḥ|

I feel mercy for you, because you are the friend of all creatures, without animosity, and your heart being full of tranquillity.

— tr. M.N. Dutt (1891–96) (public domain)

MBh 8 54.98

नाहमेतादृशं बुद्धं हन्तुमिच्छामि बन्धने॥ आनृशंस्यं परो धर्मो ह्यनुक्रोशश्च मे त्वयि।

nāhametādṛśaṃ buddhaṃ hantumicchāmi bandhane|| ānṛśaṃsyaṃ paro dharmo hyanukrośaśca me tvayi|

I do not wish to afflict an enlightened person like you by keeping him in chains. Abstention from injury is the greatest religion. I feel mercy for you.

— tr. M.N. Dutt (1891–96) (public domain)

MBh 8 54.99

मोक्ष्यन्ते वारुणाः पाशास्तवेमे कालपर्ययात्॥ प्रजानामपचारेण स्वस्ति तेऽस्तु महासुर।

mokṣyante vāruṇāḥ pāśāstaveme kālaparyayāt|| prajānāmapacāreṇa svasti te'stu mahāsura|

Those nooses of Varuna, with which you have been fettered, will loosen in Time's course on account of the misconduct of inen. Blessed be you, O great Asura.

— tr. M.N. Dutt (1891–96) (public domain)

MBh 8 54.100

यदाश्वयूं स्नुषा वृद्धां परिचारेण योक्ष्यते।११२।। पुत्रश्च पितरं मोहात् प्रेषयिष्यति कर्मसु। ब्राह्मणैः कारयिष्यन्ति वृषला: पादधावनम्॥ शूद्राश्च ब्राह्मणी भार्यामुपयास्यन्ति निर्भया:। वियोनिषु विमोक्ष्यन्ति बीजानि पुरुषा तदा॥ संकरं कांस्यभाण्डैश्च बलिं चैव कुपात्रकैः। चातुर्वण्र्यं यदा कृत्स्नममर्यादं भविष्यति॥ एकैकस्ते तदा पाशः क्रमशः परिमोक्ष्यते।

yadāśvayūṃ snuṣā vṛddhāṃ paricāreṇa yokṣyate|112|| putraśca pitaraṃ mohāt preṣayiṣyati karmasu| brāhmaṇaiḥ kārayiṣyanti vṛṣalā: pādadhāvanam|| śūdrāśca brāhmaṇī bhāryāmupayāsyanti nirbhayā:| viyoniṣu vimokṣyanti bījāni puruṣā tadā|| saṃkaraṃ kāṃsyabhāṇḍaiśca baliṃ caiva kupātrakaiḥ| cāturvaṇryaṃ yadā kṛtsnamamaryādaṃ bhaviṣyati|| ekaikaste tadā pāśaḥ kramaśaḥ parimokṣyate|

When the daughter-in-law will make the aged mother-in-law work, when the son, through delusion, will order his father to work for him. When Shudras will have their feet washed by Brahmanas and know fearlessly the women of twice-born ones, when men will know forbidden women, when the refuse of houses will begin to be carried upon plates and vessels made of white brass, and when sacrificial offerings intended for the gods will begin to be carried upon impure vessels, when all the four castes will transgress all restrictions, then these fetters of yours will begin one by one, to loosen.

— tr. M.N. Dutt (1891–96) (public domain)

MBh 8 54.101

अस्मत्तस्ते भयं नास्ति समयं प्रतिपालय। सुखी भव निराबाधः स्वस्थचेता निरामयः॥

asmattaste bhayaṃ nāsti samayaṃ pratipālaya| sukhī bhava nirābādhaḥ svasthacetā nirāmayaḥ||

You have no fear from us. Wait quietly. Be happy, Be shorn of all sorrow. Let your heart be cheerful. May you not suffer from illness.

— tr. M.N. Dutt (1891–96) (public domain)

MBh 8 54.102

तमेवमुक्त्वा भगवाञ्छतक्रतुः प्रतिप्रयातो गजराजवाहनः। विजित्य सर्वानसुरान् सुराधिपो ननन्द हर्षेण बभूव चैकराट॥

tamevamuktvā bhagavāñchatakratuḥ pratiprayāto gajarājavāhanaḥ| vijitya sarvānasurān surādhipo nananda harṣeṇa babhūva caikarāṭa||

Having said these words to him, the divine Indra, having the prince of elephants for his vehicle, left that place. Having defeated all the Asuras, the king of the gods rejoiced greatly and became the sole master of all the worlds.

— tr. M.N. Dutt (1891–96) (public domain)

MBh 8 54.103

महर्षयस्तुष्टुवुरजसा च तं वृषाकपि सर्वचराचरेश्वरम्। हिमापहो हव्यमुवाह चाध्वरे तथामृतं चार्पितमीश्वरोऽपि हि॥

maharṣayastuṣṭuvurajasā ca taṃ vṛṣākapi sarvacarācareśvaram| himāpaho havyamuvāha cādhvare tathāmṛtaṃ cārpitamīśvaro'pi hi||

The great Rishis lauded that lord of all mobile and immobile creatures. The Fire-God Once more began to carry the libations of clarified butter that were poured into his visible form, and the great god took charge of the nectar that was placed to his care.

— tr. M.N. Dutt (1891–96) (public domain)

MBh 8 54.104

द्विजोत्तमैः सर्वगतैरभिष्टुतो विदीप्ततेजा गतमन्युरीश्वरः। प्रशान्तचेता मुदितः स्वमालयं त्रिविष्टपं प्राप्य मुमोद वासवः॥

dvijottamaiḥ sarvagatairabhiṣṭuto vidīptatejā gatamanyurīśvaraḥ| praśāntacetā muditaḥ svamālayaṃ triviṣṭapaṃ prāpya mumoda vāsavaḥ||

Lauded by the foremost of Brahmanas engaged in sacrifices, the lord Indra, shining with effulgence, his anger quelled and his heart tranquillised, became glad, and returning to his own abode in heaven, began to pass his days in great happiness.

— tr. M.N. Dutt (1891–96) (public domain)