Mahabharata — Volume VIII (Dutt edition) — Chapter 4
MBh 8 4.1
युधिष्ठिर उवाच ईहमानः समारम्भान् यदि नासादयेद् धनम्। धनतृष्णाभिभूतश्च किं कुर्वन् सुखमाप्नुयात्॥
yudhiṣṭhira uvāca īhamānaḥ samārambhān yadi nāsādayed dhanam| dhanatṛṣṇābhibhūtaśca kiṃ kurvan sukhamāpnuyāt||
Yudhishthira said If any person, desirous of accomplishing acts of charity and sacrifices, fails to find (the necessary) wealth, and thirst of wealth gets the better of him, what course should he pursue to obtain happiness?
— tr. M.N. Dutt (1891–96) (public domain)
MBh 8 4.2
भीष्म उवाच सर्वसाम्यमनायासं सत्यवाक्यं च भारत। निर्वेदश्चाविधित्सा च यस्य स्यात् स सुखी नरः॥
bhīṣma uvāca sarvasāmyamanāyāsaṃ satyavākyaṃ ca bhārata| nirvedaścāvidhitsā ca yasya syāt sa sukhī naraḥ||
He who makes no difference between two opposite agents, viz., pleasure and pain, honour and insult, etc., who never troubles himself for the gratification of his desire for worldly possessions, who observes veracity of speech, who has freed himself from all kinds of attachment, and who has renounced his desire for action, is, O Bharata, a happy man.
— tr. M.N. Dutt (1891–96) (public domain)
MBh 8 4.3
एतान्येव पदान्याहुः पञ्च वृद्धाः प्रशान्तये। एष स्वर्गश्च धर्मश्च सुखं चानुत्तमं मतम्॥
etānyeva padānyāhuḥ pañca vṛddhāḥ praśāntaye| eṣa svargaśca dharmaśca sukhaṃ cānuttamaṃ matam||
The ancients say these are the five means by which perfect tranquility or emancipation could be obtained. These are called Heaven. These are Religion. These form the highest happiness.
— tr. M.N. Dutt (1891–96) (public domain)
MBh 8 4.4
अत्राप्युदाहरन्तीममितिहासं पुरातनम्। निर्वेदान्मङ्किना गीतं तन्निबोध युधिष्ठिर॥
atrāpyudāharantīmamitihāsaṃ purātanam| nirvedānmaṅkinā gītaṃ tannibodha yudhiṣṭhira||
Regarding it is cited the old story of what Manki had sung, when freed from attachments. Hear it, O Yudhishthira.
— tr. M.N. Dutt (1891–96) (public domain)
MBh 8 4.5
ईहमानो धनं मङ्किर्भग्नेहश्च पुनः पुनः। केनचिद्धनशेषेण क्रीतवान् दम्यगोयुगम्॥
īhamāno dhanaṃ maṅkirbhagnehaśca punaḥ punaḥ| kenaciddhanaśeṣeṇa krītavān damyagoyugam||
Manki, desirous of wealth, found that he was doomed to an unending series of disappointinents. With a little remnant of his property hc purchased at last a couple of young bulls with a yoke for training them (to pastoral labour).
— tr. M.N. Dutt (1891–96) (public domain)
MBh 8 4.6
सुसम्बद्धौ तु तौ दम्यौ दमनायाभिनिःसृतौ। आसीनमुष्ट्रं मध्येन सहसैवाभ्यधावताम्॥ तयोः सम्प्राप्तयोरुष्ट्रः स्कन्धदेशममर्षणः। उत्थायोक्षिप्य तौ दम्यौ प्रससार महाजवः॥
susambaddhau tu tau damyau damanāyābhiniḥsṛtau| āsīnamuṣṭraṃ madhyena sahasaivābhyadhāvatām|| tayoḥ samprāptayoruṣṭraḥ skandhadeśamamarṣaṇaḥ| utthāyokṣipya tau damyau prasasāra mahājavaḥ||
One day the two bulls, properly yoked, were taken out for training (in the fields). Shying at the sight of a camel which was lying down on the road, the animals suddenly ran towards the camel, and fell upon its neck. Enraged at finding the bulls fall upon its neck, the camel, possessed of great speed, got up and ran with full speed, bearing away the two helpless creatures dangling on either side of its neck.
— tr. M.N. Dutt (1891–96) (public domain)
MBh 8 4.7
ह्रियमाणौ तु तौ दम्यौ तेनोष्ट्रेण प्रमाथिना। नियमाणौ च सम्प्रेक्ष्य मङ्किस्तत्राब्रवीदिदम्॥ न चैवाविहितं शक्यं दक्षणापीहितुं धनम्। युक्तेन श्रद्धया सम्यगीहां समनुतिष्ठता॥
hriyamāṇau tu tau damyau tenoṣṭreṇa pramāthinā| niyamāṇau ca samprekṣya maṅkistatrābravīdidam|| na caivāvihitaṃ śakyaṃ dakṣaṇāpīhituṃ dhanam| yuktena śraddhayā samyagīhāṃ samanutiṣṭhatā||
Beholding his two bulls thus carried away by the strong camel, and seeing that they were: on the point of death, Manki began to say,-If it is not ordained by destiny, wealth can never be obtained even by a clever man strenuously and confidently striving and skilfully doing all that is necessary towards the accomplishment of his object.
— tr. M.N. Dutt (1891–96) (public domain)
MBh 8 4.8
कृतस्य पूर्वं चानथैर्युक्तस्याप्यनुतिष्ठतः। इमं पश्यत संगत्या मम दैवमहपप्लवम्॥
kṛtasya pūrvaṃ cānathairyuktasyāpyanutiṣṭhataḥ| imaṃ paśyata saṃgatyā mama daivamahapaplavam||
I had, all along, tried by all manner and means, and with great devotion, to acquire riches. But all this misfortune to my property is due to Destiny.
— tr. M.N. Dutt (1891–96) (public domain)
MBh 8 4.9
उद्यम्योद्यम्य मे दम्यौ विषमेणैव गच्छतः। उत्क्षिप्य काकतालीयमुत्पथेनैव धावतः॥
udyamyodyamya me damyau viṣameṇaiva gacchataḥ| utkṣipya kākatālīyamutpathenaiva dhāvataḥ||
My bulls are carried away, rising and falling, as the camel is running in the uneven course. This event seems to be an accident like the one brought about by the crow to a ripe fruit while perching on a palmyra free.
— tr. M.N. Dutt (1891–96) (public domain)
MBh 8 4.10
मणी वोष्ट्रस्य लम्बेते प्रियौ वत्सतरौ मम। शुद्धं हि दैव्मेवेदं हठेनैवास्ति पौरुषम्॥
maṇī voṣṭrasya lambete priyau vatsatarau mama| śuddhaṃ hi daivmevedaṃ haṭhenaivāsti pauruṣam||
Alas, those dear bulls of mine are dangling on the camel's neck like a couple of gems! This is the result of Destiny alone. Exertion is of no avail in what is due to Chance.
— tr. M.N. Dutt (1891–96) (public domain)
MBh 8 4.11
यदि वाप्युपपद्येत पौरुषं नाम कर्हिचित् अन्विष्यमाणं तदपि दैवमेवावतिष्ठते॥
yadi vāpyupapadyeta pauruṣaṃ nāma karhicit anviṣyamāṇaṃ tadapi daivamevāvatiṣṭhate||
Or, if the existence of anything like Exertion (as a resulting factor) be admitted, a little more scrutiny would find that Destiny is at the bottom.
— tr. M.N. Dutt (1891–96) (public domain)
MBh 8 4.12
तस्मानिर्वेद एवेह गन्तव्यः सुखमिच्छता। सुखं स्वपिति निर्विण्णो निराशश्चार्थसाधने॥
tasmānirveda eveha gantavyaḥ sukhamicchatā| sukhaṃ svapiti nirviṇṇo nirāśaścārthasādhane||
Therefore, he who is desirous of happiness, should renounce all attachment. He who is indifferent to worldly surroundings, has renounced all desires for acquiring wealth, can sleep happily.
— tr. M.N. Dutt (1891–96) (public domain)
MBh 8 4.13
अहो सम्यक् शुकेनोक्तं सर्वतः परिमुच्यता। प्रतिष्ठता महारण्यं जनकस्य निवेशनात्॥
aho samyak śukenoktaṃ sarvataḥ parimucyatā| pratiṣṭhatā mahāraṇyaṃ janakasya niveśanāt||
He, it was well-said by Shuka while going to the great forest from his father's house, renouncing everything.
— tr. M.N. Dutt (1891–96) (public domain)
MBh 8 4.14
यः कामानाप्नुयात् सर्वान् यश्चैतान् केवलांस्त्यजेत्। प्रापणात् सर्वकामानां परित्यागो विशिष्यते॥
yaḥ kāmānāpnuyāt sarvān yaścaitān kevalāṃstyajet| prāpaṇāt sarvakāmānāṃ parityāgo viśiṣyate||
Amongst these two, viz., one who obtains the fruition of all his desires, and one who renounces all desires, the latter, who casts off everything is superior to the first who obtains the fruition of all his desires.
— tr. M.N. Dutt (1891–96) (public domain)
MBh 8 4.15
नान्तं सर्वविधित्सानां गतपूर्वोऽस्ति कश्चन। शरीरे जीविते चैव तृष्णा मन्दस्य वर्धते॥
nāntaṃ sarvavidhitsānāṃ gatapūrvo'sti kaścana| śarīre jīvite caiva tṛṣṇā mandasya vardhate||
No one could ever attain to the end of desire. Only he who is destitute of knowledge and judgement feels and avidity for protecting his body and life.
— tr. M.N. Dutt (1891–96) (public domain)
MBh 8 4.16
निवर्तस्व विधित्साभ्यः शाम्य निर्विद्य कामुक असकृच्चासि निकृतो न च निर्विद्यसे ततः॥
nivartasva vidhitsābhyaḥ śāmya nirvidya kāmuka asakṛccāsi nikṛto na ca nirvidyase tataḥ||
Renounce all desire for action. O my Soul which has become a prey of cupidity, adopt tranquillity by freeling yourself from all worldly attachments. Repeatedly have you been cheated (by phantomis of hope). How is it that you do not still free yourself from attachments?
— tr. M.N. Dutt (1891–96) (public domain)
MBh 8 4.17
यदि नाहं विनाश्यस्ते यद्येवं रमसे मया। मा मां योजय लोभेन वृथा त्वं वित्तकामुक॥
yadi nāhaṃ vināśyaste yadyevaṃ ramase mayā| mā māṃ yojaya lobhena vṛthā tvaṃ vittakāmuka||
If I am not one who deserves to be crushed by you, if I am one with whom you should play in delight, then, O my wealth-coveting Soul, do not induce me towards cupidity.
— tr. M.N. Dutt (1891–96) (public domain)
MBh 8 4.18
संचितं संचितं द्रव्यं नष्टं तव पुनः पुनः। कदाचिन्मोक्ष्यसे मूढ धनेहां धनकामुक॥
saṃcitaṃ saṃcitaṃ dravyaṃ naṣṭaṃ tava punaḥ punaḥ| kadācinmokṣyase mūḍha dhanehāṃ dhanakāmuka||
You have now and again lost your hoarded wealth! O my wealth-covering and foolish Soul, when will you succeed in getting rid of your desire for wealth?
— tr. M.N. Dutt (1891–96) (public domain)
MBh 8 4.19
अहो न मम बालिश्यं योऽहं क्रीडनकस्तव। किं नैवं जातु पुरुषः परेषां प्रेष्यतामियात्॥
aho na mama bāliśyaṃ yo'haṃ krīḍanakastava| kiṃ naivaṃ jātu puruṣaḥ pareṣāṃ preṣyatāmiyāt||
Shame on my foolishness. I have become a toy of yours. It is thus that one becomes a slave of others.
— tr. M.N. Dutt (1891–96) (public domain)
MBh 8 4.20
न पूर्वे नापरे जातु कामानामन्तमाप्नुवन्। त्यक्त्वा सर्वसमारम्भान् प्रतिबुद्धोऽस्मि जागृमि॥
na pūrve nāpare jātu kāmānāmantamāpnuvan| tyaktvā sarvasamārambhān pratibuddho'smi jāgṛmi||
No one born on Earth did ever attain to the end of desire, and no one who will be born hereafter will succeed in attaining to it. Renouncing all acts, I have at last been roused from sleep. I am now awake.
— tr. M.N. Dutt (1891–96) (public domain)
MBh 8 4.21
नूनं ते हृदयं काम वज्रसारमयं दृढम्। यदनर्थशताविष्टं शतधा न विदीर्यते॥
nūnaṃ te hṛdayaṃ kāma vajrasāramayaṃ dṛḍham| yadanarthaśatāviṣṭaṃ śatadhā na vidīryate||
Without doubt, O Desire, your heart is hard like that of an adamant, since though affected by a hundred reverses, you do not break into as many fragments.
— tr. M.N. Dutt (1891–96) (public domain)
MBh 8 4.22
जानामि काम त्वां चैव यच्च किंचित् प्रियं तव। तवाहं प्रियमन्विच्छन्नात्मन्युपलभे सुखम्॥
jānāmi kāma tvāṃ caiva yacca kiṃcit priyaṃ tava| tavāhaṃ priyamanvicchannātmanyupalabhe sukham||
I know you, O Desire, and all those things that are dear to you. Seeking what is dear to you, I shall feel happiness in my own Self.
— tr. M.N. Dutt (1891–96) (public domain)
MBh 8 4.23
काम जानामि ते मूलं संकल्पात् किल जायसे। न त्वां संकल्पयिष्यामि समूलो न भविष्यसि॥
kāma jānāmi te mūlaṃ saṃkalpāt kila jāyase| na tvāṃ saṃkalpayiṣyāmi samūlo na bhaviṣyasi||
O desire, I know your origin. You originate from Will. I shall, therefore, avoid Will. You will then be rooted out.
— tr. M.N. Dutt (1891–96) (public domain)
MBh 8 4.24
ईहा धनस्य न सुखं लब्ध्वा चिन्ता च भूयसी। लब्धनाशे यथा मृत्युर्लब्धं भवति वा न वा॥
īhā dhanasya na sukhaṃ labdhvā cintā ca bhūyasī| labdhanāśe yathā mṛtyurlabdhaṃ bhavati vā na vā||
The desire for wealth can never yield happiness. If acquired, the acquirer feels great anxiety. If lost after acquisition it is felt like death. Again acquisition itself, is very uncertain.
— tr. M.N. Dutt (1891–96) (public domain)
MBh 8 4.25
परित्यागे न लभते ततो दुःखतरं नु किम्। न च तुष्यति लब्धेन भूय एव च मार्गति॥
parityāge na labhate tato duḥkhataraṃ nu kim| na ca tuṣyati labdhena bhūya eva ca mārgati||
Wealth cannot be secured by even the surrender of one's person. What can be more painful than this? When acquired, one is never gratified with its quantity, but one continues to hanker after it.
— tr. M.N. Dutt (1891–96) (public domain)
MBh 8 4.26
अनुतर्षुल एवार्थः स्वादु गाङ्गमिवोदकम्। मद्विलापनमेतत्तु प्रतिबुद्धोऽस्मि संत्यज॥
anutarṣula evārthaḥ svādu gāṅgamivodakam| madvilāpanametattu pratibuddho'smi saṃtyaja||
Like the sweet water of the Ganges, riches only enhances one's hankering. It is my destruction. I am now awakened. Do you, O desire, leave me.
— tr. M.N. Dutt (1891–96) (public domain)
MBh 8 4.27
य इमं मामकं देहं भूतग्रामः समाश्रितः। स यात्वितो यथाकामं वसतां वा यथासुखम्॥
ya imaṃ māmakaṃ dehaṃ bhūtagrāmaḥ samāśritaḥ| sa yātvito yathākāmaṃ vasatāṃ vā yathāsukham||
May that desire which resides in this my body,-this compound of (five), elements,-go wherever it likes and live happily wherever it likes.
— tr. M.N. Dutt (1891–96) (public domain)
MBh 8 4.28
न युष्मास्विह मे प्रीतिः कामलोभानुसारिषु। तस्मादुत्सृज्य कामान् वै सत्त्वमेवाश्रयाम्यहम्॥
na yuṣmāsviha me prītiḥ kāmalobhānusāriṣu| tasmādutsṛjya kāmān vai sattvamevāśrayāmyaham||
I do not like you all who are not of the Soul, for you bring on Desire and Cupidity! Forsaking all of you I shall seek refuge with the quality of Goodness.
— tr. M.N. Dutt (1891–96) (public domain)
MBh 8 4.29
सर्वभूतान्यहं देहे पश्यन् मनसि चात्मनः। योगे बुद्धिं श्रुते सत्त्वं मनो ब्रह्मणि धारयन्॥ विहरिष्याम्यनासक्तः सुखी लोकान् निरामयः। यया मां त्वं पुन:वं दुःखेषु प्रणिधास्यसि॥
sarvabhūtānyahaṃ dehe paśyan manasi cātmanaḥ| yoge buddhiṃ śrute sattvaṃ mano brahmaṇi dhārayan|| vihariṣyāmyanāsaktaḥ sukhī lokān nirāmayaḥ| yayā māṃ tvaṃ puna:vaṃ duḥkheṣu praṇidhāsyasi||
Seeing all creatures in my own body and my own mind, and devoting my reason to Yoga, my life to the instructions of the wise, and soul to Brahma, I shall happily rove through the world, without attachment and without calamities of any kind, so that you may not be able to plunge me again into such sorrows.
— tr. M.N. Dutt (1891–96) (public domain)
MBh 8 4.30
त्वया हि मे प्रणुन्नस्य गतिरन्या न विद्यते। तृष्णाशोकश्रमाणां हि त्वं काम प्रभवः सदा॥
tvayā hi me praṇunnasya gatiranyā na vidyate| tṛṣṇāśokaśramāṇāṃ hi tvaṃ kāma prabhavaḥ sadā||
If I continue to be unruffled by you, O desire, I shall necessarily be without a path (by which to effect my salvation). You O desire, are always the parent of thirst, of sorrow, and of fatigue and toil.
— tr. M.N. Dutt (1891–96) (public domain)
MBh 8 4.31
धननाशेऽधिकं दुःखं मन्ये सर्वमहत्तरम्। ज्ञातयो ह्यवमन्यन्ते मित्राणि च धनाच्च्युतम्॥
dhananāśe'dhikaṃ duḥkhaṃ manye sarvamahattaram| jñātayo hyavamanyante mitrāṇi ca dhanāccyutam||
I consider the sorrow that one feels at the loss of wealth is proportionately greater than what one feels under any other adverse circumstance. Relatives and friends forsake him who has lost his wealth.
— tr. M.N. Dutt (1891–96) (public domain)
MBh 8 4.32
अवज्ञानसहौस्तु दोषाः कष्टतराऽधने। धने सुखकला या तु सापि दुःखैर्विधीयते॥
avajñānasahaustu doṣāḥ kaṣṭatarā'dhane| dhane sukhakalā yā tu sāpi duḥkhairvidhīyate||
With all sorts of humiliation numbering by thousands, there are many other faults in property which are even much more painful. On the other hand, the very small happiness that resides in wealth is mingled with pain and sorrow.
— tr. M.N. Dutt (1891–96) (public domain)
MBh 8 4.33
धनमस्येति पुरुषं पुरो निमन्ति दस्यवः। क्लिश्यन्ति विविधैर्दण्डैनित्यमुद्वेजयन्ति च॥
dhanamasyeti puruṣaṃ puro nimanti dasyavaḥ| kliśyanti vividhairdaṇḍainityamudvejayanti ca||
Robbers kill, in the sight of all, the person who has riches, or torment him with all sorts of severity, or put him into fright now and again.
— tr. M.N. Dutt (1891–96) (public domain)
MBh 8 4.34
अर्थलोलुपता दुःखमिति बुद्धं चिरान्मया। यद् यदालम्बसे काम तत्तदेवानुरुध्यसे।॥ अतत्त्वज्ञोऽसि बालश्च दुस्तोषोऽपूरणोऽनलः।
arthalolupatā duḥkhamiti buddhaṃ cirānmayā| yad yadālambase kāma tattadevānurudhyase||| atattvajño'si bālaśca dustoṣo'pūraṇo'nalaḥ|
At last, after a long time, I have realised that the desire for wealth is attended with sorrow. Whatever the object, O desire, upon which you set your heart, you force me to follow it! You are without judgement. You are a fool. You are difficult of being satisfied. You can never be contented. You burn like fire.
— tr. M.N. Dutt (1891–96) (public domain)
MBh 8 4.35
नैव त्वं वेत्थ सुलभं नैव त्वं वेत्थ दुर्लभम्॥ पाताल इव दुष्पूरो मां दुःखैर्योक्तुमिच्छसि। नाहमद्य समावेष्टुं शक्यः काम पुनस्त्वया॥
naiva tvaṃ vettha sulabhaṃ naiva tvaṃ vettha durlabham|| pātāla iva duṣpūro māṃ duḥkhairyoktumicchasi| nāhamadya samāveṣṭuṃ śakyaḥ kāma punastvayā||
You do not enquire when following the object you pursue, whether it is easy or difficult of attainment. Like the nether region you cannot be filled to the brim. You wish to cast into grief. From this day, O desire, I am incapable of living with you.
— tr. M.N. Dutt (1891–96) (public domain)
MBh 8 4.36
निर्वेदमहमासाद्य द्रव्यनाशाद् यदृच्छया। निर्वृत्तिं परमां प्राप्य नाद्य कामान् विचिन्तये॥
nirvedamahamāsādya dravyanāśād yadṛcchayā| nirvṛttiṃ paramāṃ prāpya nādya kāmān vicintaye||
I who was disappointed, at first, at the loss of my property, have now attained to the high state of perfect freedom from attachments. At this moment I no longer think of you and your train. I
— tr. M.N. Dutt (1891–96) (public domain)
MBh 8 4.37
अतिक्लेशान् सहामीह नाहं बुद्ध्याम्बुद्धिमान्। निकृतो धननाशेन शय सर्वाङ्गविज्वरः॥
atikleśān sahāmīha nāhaṃ buddhyāmbuddhimān| nikṛto dhananāśena śaya sarvāṅgavijvaraḥ||
I had, before this, felt great misery on your account. I do not (now) regard myself as devoid of intelligence. Having taken to Renunciation on account of the loss of my property, I now can .rest, being freed from every kind of fever.
— tr. M.N. Dutt (1891–96) (public domain)
MBh 8 4.38
परित्यजामि काम त्वा हित्वा सर्वमनोगती:। न त्वं मया पुनः काम वत्स्यसे न च रंस्यसे॥
parityajāmi kāma tvā hitvā sarvamanogatī:| na tvaṃ mayā punaḥ kāma vatsyase na ca raṃsyase||
I cast you off, O Desire, with all the passions of my heart. You shall not, again, find any place in me nor shall you sport with me.
— tr. M.N. Dutt (1891–96) (public domain)
MBh 8 4.39
क्षमिष्ये क्षिपमाणानां न हिसिष्ये विहिंसितः। द्वेष्ययुक्तः प्रियं वक्ष्यासम्यनादृत्य तदप्रियम्॥
kṣamiṣye kṣipamāṇānāṃ na hisiṣye vihiṃsitaḥ| dveṣyayuktaḥ priyaṃ vakṣyāsamyanādṛtya tadapriyam||
I shall forgive them who will slander or speak ill of me. I shall not harm even when I am injured. If anybody from aversion speaks disparagingly of me, without caring for those disagrccable words shall greet him courteously. With a contented heart and with an easy mind, I shall always live upon what I may obtain for myself.
— tr. M.N. Dutt (1891–96) (public domain)
MBh 8 4.40
तृप्तः स्वस्थेन्द्रियो नित्यं यथालब्धेन वर्तयन्। न सकामं करिष्यामि त्वामहं शत्रुमात्मनः॥ निर्वेदं निर्वृतिं तृप्तिं शान्ति सत्यं दमं क्षमाम्। सर्वभूतदयां चैव विद्धि मां समुपागतम्॥
tṛptaḥ svasthendriyo nityaṃ yathālabdhena vartayan| na sakāmaṃ kariṣyāmi tvāmahaṃ śatrumātmanaḥ|| nirvedaṃ nirvṛtiṃ tṛptiṃ śānti satyaṃ damaṃ kṣamām| sarvabhūtadayāṃ caiva viddhi māṃ samupāgatam||
I shall not gratify those wishes of yours which are inimical to me. Indifference to worldly concerns, renunciation, contentment, tranquillity, veracity, self-control, forgiveness, and universal mercy, have now come to be my qualifications.
— tr. M.N. Dutt (1891–96) (public domain)
MBh 8 4.41
तस्मात् कामश्च लोभश्च तृष्णा कार्पण्यमेव च। त्यजन्तु मां प्रतिष्ठन्तं सत्त्वस्थो ह्यस्मि साम्प्रतम्॥
tasmāt kāmaśca lobhaśca tṛṣṇā kārpaṇyameva ca| tyajantu māṃ pratiṣṭhantaṃ sattvastho hyasmi sāmpratam||
Therefore, let Desire, Cupidity, Thirst, and Miserliness, bid me aided. I have now taken to the path of Goodness.
— tr. M.N. Dutt (1891–96) (public domain)
MBh 8 4.42
प्रहाय कामं लोभं च सुखं प्राप्तोऽस्मि साम्प्रतम्। नाद्य लोभवशं प्राप्तो दुःखं प्राप्स्याम्यनात्मवान्॥
prahāya kāmaṃ lobhaṃ ca sukhaṃ prāpto'smi sāmpratam| nādya lobhavaśaṃ prāpto duḥkhaṃ prāpsyāmyanātmavān||
Having renounced Desire and Cupidity, my happiness has now been great. I shall no longer surrender myself to the influence of Cupidity, nor shall I undergo the pangs of misery like a person of impure soul.
— tr. M.N. Dutt (1891–96) (public domain)
MBh 8 4.43
यद् यत् त्यजति कामानां तत् सुखस्याभिपूर्यते। कामस्य वशगो नित्यं दुःखमेव प्रपद्यते॥
yad yat tyajati kāmānāṃ tat sukhasyābhipūryate| kāmasya vaśago nityaṃ duḥkhameva prapadyate||
Inasmuch as one renounces his desires so sure is he to reap his deserts. Truly he who surrenders himself to Desire always undergoes the pangs of misery.
— tr. M.N. Dutt (1891–96) (public domain)
MBh 8 4.44
कामानुबन्धं नुदते यत् किंचित् पुरुषो रजः। कामक्राधोद्भवं दुःखमहाररतिरव च॥
kāmānubandhaṃ nudate yat kiṃcit puruṣo rajaḥ| kāmakrādhodbhavaṃ duḥkhamahāraratirava ca||
Whatever passions arising from Desire are cast off by a person, all come under the category of Passion. Sorrow and shamelessness, as also discontent, all owe their origin to Desire and Wealth.
— tr. M.N. Dutt (1891–96) (public domain)
MBh 8 4.45
एष ब्रह्मप्रतिष्ठोऽहं ग्रीष्मे शीतमिव ह्रदम्। शाम्यामि परिनिर्वामि सुखं मामेति केवलम्॥
eṣa brahmapratiṣṭho'haṃ grīṣme śītamiva hradam| śāmyāmi parinirvāmi sukhaṃ māmeti kevalam||
As in the hot summery a person plunges himself into a cool lake, I have now merged myself into Brahma. I have renounced work. I have extricated myself from grief. Unalloyed happiness has now come to my share.
— tr. M.N. Dutt (1891–96) (public domain)
MBh 8 4.46
यच्च कामसुखं लोके यच्च दिव्यं महत्सुखम्। तृष्णाक्षयसुखस्यैते नार्हतः षोडशी कलाम्॥
yacca kāmasukhaṃ loke yacca divyaṃ mahatsukham| tṛṣṇākṣayasukhasyaite nārhataḥ ṣoḍaśī kalām||
The happiness which results from the fruition of Desire, or the serene happiness which one enjoys in heaven, is not equal to a sixteenth part of that which springs from renunciation of all kinds of thirst.
— tr. M.N. Dutt (1891–96) (public domain)
MBh 8 4.47
आत्मना सप्तमं कामं हत्वा शत्रुमिवोत्तमम्। : प्राप्यावध्यं ब्रह्मपुरं राजेव स्यामहं सुखी॥
ātmanā saptamaṃ kāmaṃ hatvā śatrumivottamam| : prāpyāvadhyaṃ brahmapuraṃ rājeva syāmahaṃ sukhī||
Laying axe at the root of desire, which with the body makes an aggregate of seven, and which is a bitter foe, I have made my way to the immortal city of Brahma and there shall I pass my days in happiness like a king.
— tr. M.N. Dutt (1891–96) (public domain)
MBh 8 4.48
एतां बुद्धिं समास्थाय मङ्किनिर्वेदमागतः। सर्वान् कामान् परित्यज्य प्राप्य ब्रह्म महत्सुखम्॥
etāṃ buddhiṃ samāsthāya maṅkinirvedamāgataḥ| sarvān kāmān parityajya prāpya brahma mahatsukham||
Putting his faith upon such, intelligence, Manki succeeded in freeing himself from attachments, by his self-renunciation and obtained the blissful region of Brahma.
— tr. M.N. Dutt (1891–96) (public domain)
MBh 8 4.49
दम्यनाशकृते मङ्किरमृतत्वं किलागमत्। अच्छिनत् काममूलं स तेन प्राप महत्सुखम्॥
damyanāśakṛte maṅkiramṛtatvaṃ kilāgamat| acchinat kāmamūlaṃ sa tena prāpa mahatsukham||
Forsooth, on account of the loss of his two bulls, Manki attained to immortality. In fact, because he laid the axe at the very roots of desire, he succeeded, through that means to obtain for himself supreme happiness.
— tr. M.N. Dutt (1891–96) (public domain)