Mahabharata — Volume VIII (Dutt edition) — Chapter 22
MBh 8 22.1
भीष्म उवाच हन्त वक्ष्यामि ते पार्थ ध्यानयोगं चतुर्विधम्। यं ज्ञात्वा शाश्वती सिद्धिं गच्छन्तीह महर्षयः॥ यथा स्वनुष्ठितं ध्यानं तथा कुर्वन्ति योगिनः। महर्षयो ज्ञानतृप्ता निर्वाणगतमानसाः॥
bhīṣma uvāca hanta vakṣyāmi te pārtha dhyānayogaṃ caturvidham| yaṃ jñātvā śāśvatī siddhiṃ gacchantīha maharṣayaḥ|| yathā svanuṣṭhitaṃ dhyānaṃ tathā kurvanti yoginaḥ| maharṣayo jñānatṛptā nirvāṇagatamānasāḥ||
Bhishma said 'I shall not, O son of Pritha, describe to you for four kinds of Yoga meditation. Obtaining a knowledge of the same, the great Rishis, attain to eternal success even in this world. Pleased with knowledge, with hearts engaged in Liberation, and conversant with Yoga, great Rishis, act in such a way that their Yoga meditation may get on properly.
— tr. M.N. Dutt (1891–96) (public domain)
MBh 8 22.2
नावर्तन्ते पुनः पार्थ मुक्ताः संसारदोषतः। जन्मदोषपरिक्षीणा: स्वभावे पर्यवस्थिताः॥
nāvartante punaḥ pārtha muktāḥ saṃsāradoṣataḥ| janmadoṣaparikṣīṇā: svabhāve paryavasthitāḥ||
O son of Pritha, being freed from the faults of the world, these are not born again. Freed from liability to re-birth, they live in their state of original purity.
— tr. M.N. Dutt (1891–96) (public domain)
MBh 8 22.3
निर्द्वन्द्वा नित्यसत्त्वस्था विमुक्ता नियमस्थिताः। असङ्गान्यविवादीनि मनःशान्तिकराणि च॥
nirdvandvā nityasattvasthā vimuktā niyamasthitāḥ| asaṅgānyavivādīni manaḥśāntikarāṇi ca||
Freed from the influence of all pairs of opposite (such as heat and cold, joy and sorrow, etc.), ever existing in their own (pure) state, freed (from attachments), never accepting anything (in gift), they live in places separated from their wives and children, without others with whom disputes may arise, and favourable to perfect tranquillity of hearts.
— tr. M.N. Dutt (1891–96) (public domain)
MBh 8 22.4
तत्र ध्यानेन संश्लिष्टमेकाग्रं धारयेन्मनः। पिण्डीकृत्येन्द्रियग्राममासीन: काष्ठवन्मुनिः॥
tatra dhyānena saṃśliṣṭamekāgraṃ dhārayenmanaḥ| piṇḍīkṛtyendriyagrāmamāsīna: kāṣṭhavanmuniḥ||
There restraining speech, such a person sits like a piece of wood, killing all the senses, and with mind immersed in the Supreme Self by the help of meditation.
— tr. M.N. Dutt (1891–96) (public domain)
MBh 8 22.5
शब्दं न विन्देच्छ्रोत्रेण स्पर्श त्वचा न वेदयेत्। रूपं न चक्षुषा विद्याज्जिह्वया न रसांस्तथा॥
śabdaṃ na vindecchrotreṇa sparśa tvacā na vedayet| rūpaṃ na cakṣuṣā vidyājjihvayā na rasāṃstathā||
He has no perception of sound through the car; no perception of touch through the skin no perception of from through the eye; no perception of taste through the tongue.
— tr. M.N. Dutt (1891–96) (public domain)
MBh 8 22.6
प्रेयाण्यपि च सर्वाणि जह्याद् ध्यानेन योगवित्। पञ्चवर्गप्रमाथीनि नेच्छेच्चैतानि वीर्यवान्॥
preyāṇyapi ca sarvāṇi jahyād dhyānena yogavit| pañcavargapramāthīni neccheccaitāni vīryavān||
He has no perception also of scents through the organ of smell. He would, immersed in Yoga and meditation, renounce all things.
— tr. M.N. Dutt (1891–96) (public domain)
MBh 8 22.7
ततो मनसि संगृह्य पञ्चवर्ग विचक्षणः। समादध्यान्मनो भ्रान्तमिन्द्रियैः सह पञ्चभिः॥
tato manasi saṃgṛhya pañcavarga vicakṣaṇaḥ| samādadhyānmano bhrāntamindriyaiḥ saha pañcabhiḥ||
Possessed of great energy of mind, he has no desire for anything that works up the five senses. The wise man, then should, withdrawing his five senses into the mind, fix the unstable mind with the five senses (into the Intellect).
— tr. M.N. Dutt (1891–96) (public domain)
MBh 8 22.8
विसंचारि निरालम्बं पञ्चद्वारं चलाचलम्। पूर्वं ध्यानपथे धीरः समादध्यान्मोऽन्तरा॥
visaṃcāri nirālambaṃ pañcadvāraṃ calācalam| pūrvaṃ dhyānapathe dhīraḥ samādadhyānmo'ntarā||
The Yogin should possessed of patience, fix his mind which always wanders, so that his five gates may be made firm regarding things that are themselves unstable. He should, in this sky of the heart, fix his mind into the path of meditation, making it independent of the body or any other refuge.
— tr. M.N. Dutt (1891–96) (public domain)
MBh 8 22.9
इन्द्रियाणि मनश्चैव यदा पिण्डीकरोत्ययम्। एष ध्यानपथः पूर्वो मया समनुवर्णितः॥
indriyāṇi manaścaiva yadā piṇḍīkarotyayam| eṣa dhyānapathaḥ pūrvo mayā samanuvarṇitaḥ||
I have spoken of the path of meditation as the first, since the Yogin has first to destroy his senses and the mind.
— tr. M.N. Dutt (1891–96) (public domain)
MBh 8 22.10
तस्य तत् पूर्वसंरुद्धमात्मनः षष्ठमान्तरम्। स्फुरिष्यति समुद्घान्ता विद्युदम्बुधरे यथा॥
tasya tat pūrvasaṃruddhamātmanaḥ ṣaṣṭhamāntaram| sphuriṣyati samudghāntā vidyudambudhare yathā||
The mind, which constitutes the sixth, when thus controlled, tries of flash out like the capricious and fickle lightning playing among the clouds.
— tr. M.N. Dutt (1891–96) (public domain)
MBh 8 22.11
जलविन्दुर्यथा लोल: पर्णस्थः सर्वतश्चलः। एवमेवास्य चित्तं च भवति ध्यानवर्त्मनि॥
jalavinduryathā lola: parṇasthaḥ sarvataścalaḥ| evamevāsya cittaṃ ca bhavati dhyānavartmani||
As a drop of water on a leaf in unstable and moves about on all sides, so becomes the Yogin's mind when first fix on the path of meditation.
— tr. M.N. Dutt (1891–96) (public domain)
MBh 8 22.12
समाहितं क्षणं किञ्चिद् ध्यानवर्त्मनि तिष्ठति। पुनर्वायुपथं भ्रान्तं मनो भवति वायुवत्॥
samāhitaṃ kṣaṇaṃ kiñcid dhyānavartmani tiṣṭhati| punarvāyupathaṃ bhrāntaṃ mano bhavati vāyuvat||
When fixed, for some time the inind stays in that path. When, however, it goes astray again into the path of the wind, it becomes as fleet as the wind.
— tr. M.N. Dutt (1891–96) (public domain)
MBh 8 22.13
अनिर्वेदो गतक्लेशो गततन्द्रिरमत्सरी। समादध्यात् पुनश्चेतो ध्यानेन ध्यानयोगवित्॥
anirvedo gatakleśo gatatandriramatsarī| samādadhyāt punaśceto dhyānena dhyānayogavit||
The person who has mastered the science of Yoga,-without losing his heart by this, never regarding the loss of the toil undergone, shaking off idleness and malice,-should, again, direct his mind to meditation.
— tr. M.N. Dutt (1891–96) (public domain)
MBh 8 22.14
विचारश्च विवेकश्च वितर्कश्चपजायते। मुनेः समादधानस्य प्रथमं ध्यानमादितः॥
vicāraśca vivekaśca vitarkaścapajāyate| muneḥ samādadhānasya prathamaṃ dhyānamāditaḥ||
When one observing the vow of silence, begins to set his mind of Yoga, then discrimination, knowledge, and power to avoid cvil follow him in the trail.
— tr. M.N. Dutt (1891–96) (public domain)
MBh 8 22.15
मनसा क्लिश्यमानस्तु समाधानं च कारयेत्। न निर्वेदं मुनिर्गच्छेत् कुर्यादेवात्मनो हितम्॥
manasā kliśyamānastu samādhānaṃ ca kārayet| na nirvedaṃ munirgacchet kuryādevātmano hitam||
He should, though disturbed by the fickleness of his mind, fix it in meditation. The Yogin should never despair, but seek own his well-being.
— tr. M.N. Dutt (1891–96) (public domain)
MBh 8 22.16
पांसुभस्मकरीषाणां यथा वै राशयश्चिताः। सहसा वारिणा सिक्ता न यान्ति परिभावनम्॥ किञ्चित् स्निग्धं यथा च स्याच्छुष्कचूर्णमभावितम्। क्रमशस्तु शनैर्गच्छेत् सर्वं तत्परिभावनम्॥ एवमेवेन्द्रियग्रामं शनैः सम्परिभावयेत्। संहरेत् क्रमशश्चैव स सम्यक् प्रशमिष्यति॥
pāṃsubhasmakarīṣāṇāṃ yathā vai rāśayaścitāḥ| sahasā vāriṇā siktā na yānti paribhāvanam|| kiñcit snigdhaṃ yathā ca syācchuṣkacūrṇamabhāvitam| kramaśastu śanairgacchet sarvaṃ tatparibhāvanam|| evamevendriyagrāmaṃ śanaiḥ samparibhāvayet| saṃharet kramaśaścaiva sa samyak praśamiṣyati||
As when drenched with water, a mass of dust or ashes or of a burnt cow-dung, does not seem to be soaked, as it remains dry if drenched partially, and requires continued drenching before it becomes thoroughly soaked, so should the Yogin gradually control all his senses. He should gradually withdraw them (from all objects). The man who acts thus succeeds in controlling them.
— tr. M.N. Dutt (1891–96) (public domain)
MBh 8 22.17
स्वयमेव मनश्चैवं पञ्चवर्गं च भारत। पूर्वं ध्यानपथे स्थाप्य नित्ययोगेन शाम्यति॥
svayameva manaścaivaṃ pañcavargaṃ ca bhārata| pūrvaṃ dhyānapathe sthāpya nityayogena śāmyati||
One succeeds, O Bharata, by directing one's mind and to the path of senses meditation, in controlling them perfectly by steadfast Yoga.
— tr. M.N. Dutt (1891–96) (public domain)
MBh 8 22.18
न तत्पुरुषकारेण न च दैवेन केनचित्। सुखमेष्यति तत् तस्य यदेवं संयतात्मनः॥
na tatpuruṣakāreṇa na ca daivena kenacit| sukhameṣyati tat tasya yadevaṃ saṃyatātmanaḥ||
The happiness that he fells who has succeeded in controlling his mind and senses is such that its like can never be experienced through exertion or Destiny.
— tr. M.N. Dutt (1891–96) (public domain)
MBh 8 22.19
सुखे तेन संयुक्तो रंस्यते ध्यानकर्मणि। गच्छन्ति योगिनो ह्येवं निर्वाणां तन्निरामयम्॥
sukhe tena saṃyukto raṃsyate dhyānakarmaṇi| gacchanti yogino hyevaṃ nirvāṇāṃ tannirāmayam||
Enjoying such felicity, be continues to find pleasure in the act of meditation. Yogins attain, in this way, to the highly blessed state of Nirvana.'
— tr. M.N. Dutt (1891–96) (public domain)