Mahabharata — Volume VIII (Dutt edition) — Chapter 116

MBh 8 116.1

युधिष्ठिर उवाच तिष्ठते मे सदा तात कौतूहलमिदं हृदि। तदहं श्रोतुमिच्छामि त्वत्तः कुरुपितामह॥

yudhiṣṭhira uvāca tiṣṭhate me sadā tāta kautūhalamidaṃ hṛdi| tadahaṃ śrotumicchāmi tvattaḥ kurupitāmaha||

Yudhishthira said This curiosity, O sire, is always living in my mind. O grandfather to the Kurus, I wish to hear everything about it form you!

— tr. M.N. Dutt (1891–96) (public domain)

MBh 8 116.2

कथं देवर्षिरुशना सदा काव्यो महामतिः। असुराणां प्रियकरः सुराणामप्रिये रतः॥

kathaṃ devarṣiruśanā sadā kāvyo mahāmatiḥ| asurāṇāṃ priyakaraḥ surāṇāmapriye rataḥ||

Why was the celestial Rishi, the great Ushanas, called also Kavi, engaged in doing what was agreeable to the Asuras and disagreeable to the gods.

— tr. M.N. Dutt (1891–96) (public domain)

MBh 8 116.3

वर्धयामास तेजश्च किमर्थममितौजसाम्। नित्यं वैरनिबद्धाश्च दानवाः सुरसत्तमैः॥

vardhayāmāsa tejaśca kimarthamamitaujasām| nityaṃ vairanibaddhāśca dānavāḥ surasattamaiḥ||

Why was he engaged in diminishing the energy of the gods? Why the Danavas always fought with the foremost of the gods.

— tr. M.N. Dutt (1891–96) (public domain)

MBh 8 116.4

कथं चाप्युशना प्राप शुक्रत्वममरद्युतिः। ऋद्धिं च स कथं प्राप्तः सर्वमेतद् वदस्व मे॥

kathaṃ cāpyuśanā prāpa śukratvamamaradyutiḥ| ṛddhiṃ ca sa kathaṃ prāptaḥ sarvametad vadasva me||

Endued with the effulgence of an immortal, why did Ushanas obtain the name of Shukra? How also did he acquire such superior excellence? Tell me all about these things.

— tr. M.N. Dutt (1891–96) (public domain)

MBh 8 116.5

न याति च स तेजस्वी मध्येन नभसः कथम्। एतदिच्छामि विज्ञातुं निखिलेन पितामह॥

na yāti ca sa tejasvī madhyena nabhasaḥ katham| etadicchāmi vijñātuṃ nikhilena pitāmaha||

Though highly energetic, why can he not go to the centre of the sky? I wish, O grandfather, to learn everything about all these matters.

— tr. M.N. Dutt (1891–96) (public domain)

MBh 8 116.6

भीष्म उवाच शृणु राजन्नवहितः सर्वमेतद् यथातथम्। यथामति यथा चैतच्छुतपूर्वं मयानघ॥

bhīṣma uvāca śṛṇu rājannavahitaḥ sarvametad yathātatham| yathāmati yathā caitacchutapūrvaṃ mayānagha||

Bhishma said Listen, O king, attentively to all this as it actually took place, O sinless one, I shall describe these masters to you as I have heard and understood them.

— tr. M.N. Dutt (1891–96) (public domain)

MBh 8 116.7

एष भार्गवदायादो मुनिर्मान्यो दृढव्रतः। सुराणां विप्रियकरो निमित्ते कारणात्मके॥

eṣa bhārgavadāyādo munirmānyo dṛḍhavrataḥ| surāṇāṃ vipriyakaro nimitte kāraṇātmake||

O firm vows and respected by all, Ushanas, that descendant of Bhrigu's race, became engaged in doing what was disagreeable to the gods for some good cause.

— tr. M.N. Dutt (1891–96) (public domain)

MBh 8 116.8

इन्द्रोऽथ धनदो राजा यक्षरक्षोऽधियः सदा। प्रभविष्णुश्च कोशस्य जगतश्च तथा प्रभुः॥

indro'tha dhanado rājā yakṣarakṣo'dhiyaḥ sadā| prabhaviṣṇuśca kośasya jagataśca tathā prabhuḥ||

The royal Kuvera, the chief of the Yakshas and the Rakshas, is the lord of the wealth of Indra, that master of the universe.

— tr. M.N. Dutt (1891–96) (public domain)

MBh 8 116.9

तस्यात्मानमथाविश्य योगसिद्धो महामुनिः। रुद्ध्वा धनपतिं देवं योगेन हतवान् वसु॥

tasyātmānamathāviśya yogasiddho mahāmuniḥ| ruddhvā dhanapatiṃ devaṃ yogena hatavān vasu||

The great ascetic Ushanas, crowned with Yoga-success, entered the person of Kuvera, and depriving the lord of wealth of his liberty by means of Yoga, robbed him of all his riches.

— tr. M.N. Dutt (1891–96) (public domain)

MBh 8 116.10

हृते धने ततः शर्म न लेभे धनदस्तथा। आपन्नमन्युः संविग्नः सोऽभ्यगात् सुरसत्तमम्॥

hṛte dhane tataḥ śarma na lebhe dhanadastathā| āpannamanyuḥ saṃvignaḥ so'bhyagāt surasattamam||

Seeing his riches taken away from him, the lord of wealth became highly displeased. Filled anxiety, and his anger also being worked up, he want to that foremost of god, viz., Mahadeva.

— tr. M.N. Dutt (1891–96) (public domain)

MBh 8 116.11

निवेदयामास तदा शिवायामिततेजसे। देवश्रेष्ठाय रुद्राय सौम्याय बहुरूपिणे॥

nivedayāmāsa tadā śivāyāmitatejase| devaśreṣṭhāya rudrāya saumyāya bahurūpiṇe||

Kuvera reported the matter to Shiva of great energy, that first of gods, fierce and amiable, and endued with various forms.

— tr. M.N. Dutt (1891–96) (public domain)

MBh 8 116.12

योगात्मकेनोशनसा रुद्ध्वा मम हृतं वसु। योगेनात्मगतं कृत्वा निःसृतश्च महातपाः॥

yogātmakenośanasā ruddhvā mama hṛtaṃ vasu| yogenātmagataṃ kṛtvā niḥsṛtaśca mahātapāḥ||

He said Ushanas, having spiritualised himself by Yoga, entered my body and depriving myself of liberty, has taken away all my riches. Having by Yoga entered my body he has again left it.

— tr. M.N. Dutt (1891–96) (public domain)

MBh 8 116.13

एतच्छ्रुत्वा ततः क्रुद्धो महायोगी महेश्वरः। संरक्तनयनो राजशूलमादाय तस्थिवान्॥

etacchrutvā tataḥ kruddho mahāyogī maheśvaraḥ| saṃraktanayano rājaśūlamādāya tasthivān||

Hearing these words, Maheshvara of Supreme Yoga-powers became filled with ire. His eyes, O king, became blood-red, and taking up his lance he waited.

— tr. M.N. Dutt (1891–96) (public domain)

MBh 8 116.14

क्वासौ क्वासाविति प्राह गृहीत्वा परमायुधम्। उशना दूरतस्तस्य बभौ ज्ञात्वा चिकीर्षितम्॥

kvāsau kvāsāviti prāha gṛhītvā paramāyudham| uśanā dūratastasya babhau jñātvā cikīrṣitam||

Having taken up that foremost of weapons, the great god began to say, Where is he? Where is he?—Meanwhile, Ushanas, having learnt the purpose of Mahadeva from a distance, waited silently.

— tr. M.N. Dutt (1891–96) (public domain)

MBh 8 116.15

स महायोगिनो बुद्ध्वा तं रोषं वै महात्मनः। गतिमागमनं वेत्ति स्थानं चैव ततः प्रभुः॥

sa mahāyogino buddhvā taṃ roṣaṃ vai mahātmanaḥ| gatimāgamanaṃ vetti sthānaṃ caiva tataḥ prabhuḥ||

Having learnt the fact of the anger of the great Maheshvara of superior Yoga-power, the powerful Ushanas began to think as to whether he should go to Maheshvara or fly away or remain where he was.

— tr. M.N. Dutt (1891–96) (public domain)

MBh 8 116.16

संचिन्त्योग्रेण तपसा महात्मानं महेश्वरम्। उशना योगसिद्धात्मा शूलाग्रे प्रत्यदृश्यत्॥

saṃcintyogreṇa tapasā mahātmānaṃ maheśvaram| uśanā yogasiddhātmā śūlāgre pratyadṛśyat||

Thinking, with the help of his severe penances, of the great Mahadeva, Ushanas, of soul crowned with Yoga-success, put himself on the point of Mahadeva's lance.

— tr. M.N. Dutt (1891–96) (public domain)

MBh 8 116.17

विज्ञातरूपः स तदा तप:सिद्धोऽथ धन्विना। ज्ञात्वा शूलं च देवेशः पाणिना समनामयत्॥

vijñātarūpaḥ sa tadā tapa:siddho'tha dhanvinā| jñātvā śūlaṃ ca deveśaḥ pāṇinā samanāmayat||

Understanding that Ushanas, whose penances had been crowned with success and who had converted himself into the from of pure Knowledge, was staying at the point of his lance, the bow-armed Rudra, bent that weapon with his hand.

— tr. M.N. Dutt (1891–96) (public domain)

MBh 8 116.18

आनतेनाथ शूलेन पाणिनामिततेजसा। पिनाकमिति चोवाच शूलमुग्रायुधः प्रभुः॥

ānatenātha śūlena pāṇināmitatejasā| pinākamiti covāca śūlamugrāyudhaḥ prabhuḥ||

When the fierce-armed and powerful Mahadeva of great energy had thus bent his lance that weapon came to be called from that time by the name of Pinaka.

— tr. M.N. Dutt (1891–96) (public domain)

MBh 8 116.19

पाणिमध्यगतं दृष्ट्वा भार्गवं तमुमापतिः। आस्यं विवृत्य ककुदी पाणिना प्राक्षिपच्छनैः॥

pāṇimadhyagataṃ dṛṣṭvā bhārgavaṃ tamumāpatiḥ| āsyaṃ vivṛtya kakudī pāṇinā prākṣipacchanaiḥ||

The lord of Uma, seeing Bhargava thus brought upon the palm of his hand, opened his mouth. The chief of the gods then threw Bhargava into his mouth and swallowed him up.

— tr. M.N. Dutt (1891–96) (public domain)

MBh 8 116.20

स तु प्रविष्ट उशना कोष्ठं माहेश्वरं प्रभुः। व्यचरच्चापि तत्रासौ महात्मा भृगुनन्दनः॥

sa tu praviṣṭa uśanā koṣṭhaṃ māheśvaraṃ prabhuḥ| vyacaraccāpi tatrāsau mahātmā bhṛgunandanaḥ||

The powerful and great Ushanas of Bhrigu's race, entering the stomach of Maheshvara, began to wander there.

— tr. M.N. Dutt (1891–96) (public domain)

MBh 8 116.21

युधिष्ठिर उवाच किमर्थं व्यचरद् राजनुशना तस्य धीमतः। जठरे देवदेवस्य किं चाकार्षीन्माहद्युतिः॥

yudhiṣṭhira uvāca kimarthaṃ vyacarad rājanuśanā tasya dhīmataḥ| jaṭhare devadevasya kiṃ cākārṣīnmāhadyutiḥ||

Yudhishthira said How, O king, could Ushanas wander within the stomach of that foremost (god) of superior intelligence? What also did that great god do while the Brahmana was within his stomach.

— tr. M.N. Dutt (1891–96) (public domain)

MBh 8 116.22

भीष्म उवाच पुरा सोऽन्तर्जलगताः स्थाणुभूतो महाव्रतः। वर्षाणामभवद् राजन् प्रयुतान्यर्बुदानि च॥

bhīṣma uvāca purā so'ntarjalagatāḥ sthāṇubhūto mahāvrataḥ| varṣāṇāmabhavad rājan prayutānyarbudāni ca||

Bhishma said Then Mahadeva of severe vows, entered the water and remained there like an immovable wooden stake, O king, for millions of years.

— tr. M.N. Dutt (1891–96) (public domain)

MBh 8 116.23

उदतिष्ठत् तपस्तप्त्वा दुश्चरं च महाह्रदात्। ततो देवातिदेवस्तं ब्रह्मा वै समसर्पत॥ तपोवृद्धिमपृच्छच्च कुशलं चैवमव्ययः। तपः सुचीर्णमिति च प्रोवाच वृषभध्वजः॥

udatiṣṭhat tapastaptvā duścaraṃ ca mahāhradāt| tato devātidevastaṃ brahmā vai samasarpata|| tapovṛddhimapṛcchacca kuśalaṃ caivamavyayaḥ| tapaḥ sucīrṇamiti ca provāca vṛṣabhadhvajaḥ||

His Yoga penances of the austerest type having been over, he rose from the great lake. Then that prime god of the gods, viz., the eternal Brahman, approached him, and enquired after the progress of his penances and well-being. The god having the bull for his emblem answered, saying,—My penances have been well practised.

— tr. M.N. Dutt (1891–96) (public domain)

MBh 8 116.24

तत्संयोगेन वृद्धिं चाप्यपश्यत् स तु शंकरः। महामतिरचिन्त्यात्मा सत्यधर्मरतः सदा॥

tatsaṃyogena vṛddhiṃ cāpyapaśyat sa tu śaṃkaraḥ| mahāmatiracintyātmā satyadharmarataḥ sadā||

Of inconceivable soul, endued with great intelligence, and ever devoted to the religion of truth, Shankara saw that Ushanas within his stomach had become greater on account of those penances of his.

— tr. M.N. Dutt (1891–96) (public domain)

MBh 8 116.25

स तेनाढ्यो महायोगी तपसा च धनेन च। व्यराजत महाराज त्रिषु लोकेषु वीर्यवान्॥

sa tenāḍhyo mahāyogī tapasā ca dhanena ca| vyarājata mahārāja triṣu lokeṣu vīryavān||

That foremost of Yogins. (viz., Ushanas), rich with that wealth of penances and the wealth (of Kuvera), shone brightly in the three worlds, gifted with great energy.

— tr. M.N. Dutt (1891–96) (public domain)

MBh 8 116.26

ततः पिनाकी योगात्मा ध्यानयोगं समाविशत्। उशना तु समद्विग्नो निलिल्ये जठरे ततः॥

tataḥ pinākī yogātmā dhyānayogaṃ samāviśat| uśanā tu samadvigno nililye jaṭhare tataḥ||

After this, Mahadeva armed with Pinaka, that soul of Yoga, once more began to roam within the stomach of the great god.

— tr. M.N. Dutt (1891–96) (public domain)

MBh 8 116.27

तुष्टाव च महायोगी देवं तत्रस्थ एव च। नि:सारं काङ्क्षमाणः स तेन स्म प्रतिहन्यते॥

tuṣṭāva ca mahāyogī devaṃ tatrastha eva ca| ni:sāraṃ kāṅkṣamāṇaḥ sa tena sma pratihanyate||

The great ascetic began to sing the praises of the god from where he was desirous of finding on outlet for escape. But, having stopped all his outlets, Rudra, prevented him from coming out.

— tr. M.N. Dutt (1891–96) (public domain)

MBh 8 116.28

उशना तु तथोवाच जठरस्थो महामुनिः। प्रसादं मे कुरुष्वेति पुनः पुनररिंदम॥

uśanā tu tathovāca jaṭharastho mahāmuniḥ| prasādaṃ me kuruṣveti punaḥ punarariṃdama||

The great ascetic Ushanas, however, O chastiser of enemies, from within Mahadeva's stomach repeatedly addressed the god, saying,-Show me your kindness.

— tr. M.N. Dutt (1891–96) (public domain)

MBh 8 116.29

तमुवाच महादेवो गच्छ शिश्नेन मोक्षणम्। इति सर्वाणि स्रोतांसि रुद्ध्वा त्रिदशपुङ्गवः॥

tamuvāca mahādevo gaccha śiśnena mokṣaṇam| iti sarvāṇi srotāṃsi ruddhvā tridaśapuṅgavaḥ||

To him Mahadeva said,-Go out through my urethra!-He had closed up all other outlets of his body.

— tr. M.N. Dutt (1891–96) (public domain)

MBh 8 116.30

अपश्यमानस्तद् द्वारं सर्वतः पिहितो मुनिः। पर्यक्रामद् उह्यमान इतश्चेतश्च तेजसा॥

apaśyamānastad dvāraṃ sarvataḥ pihito muniḥ| paryakrāmad uhyamāna itaścetaśca tejasā||

Closed on all sides and unable to find out the outlet pointed out, the asetic began to roam hither and thither. burning all the while with Mahadeva's energy.

— tr. M.N. Dutt (1891–96) (public domain)

MBh 8 116.31

स वै निष्क्रम्य शिश्नेन शुक्रत्वमभिपेदिवान्। कार्येण तेन नभसो नाध्यगच्छत मध्यतः॥

sa vai niṣkramya śiśnena śukratvamabhipedivān| kāryeṇa tena nabhaso nādhyagacchata madhyataḥ||

At last he found the outlet and came out through it. On account of this incident he passed by the name of Shukra, and it is for this he also became unable to attain the central point of the sky.

— tr. M.N. Dutt (1891–96) (public domain)

MBh 8 116.32

विनिष्कान्तं तु तं तु तं दृष्ट्वा ज्वलन्तमिव तेजसा। भवो रोषसमाविष्टः शूलोद्यतकरः स्थितः॥

viniṣkāntaṃ tu taṃ tu taṃ dṛṣṭvā jvalantamiva tejasā| bhavo roṣasamāviṣṭaḥ śūlodyatakaraḥ sthitaḥ||

Seeing him come out of his stomach and shining bringhtly with energy, Bhava filled with anger, stood with lance uplifted in his hand.

— tr. M.N. Dutt (1891–96) (public domain)

MBh 8 116.33

अवारयत तं देवी क्रुद्धं पशुपति पतिम्। पुत्रत्वमगमद् देव्या वारिते शंकरे च सः॥

avārayata taṃ devī kruddhaṃ paśupati patim| putratvamagamad devyā vārite śaṃkare ca saḥ||

The goddess Uma then interposed and forbade the angry lord of all creatures, viz., her consort, to kill the Brahmana. And on account of Uma's having thus prevented her lord from fulfilling his purpose, the ascetic Ushanas became the son of the goddess.

— tr. M.N. Dutt (1891–96) (public domain)

MBh 8 116.34

देव्युवाच हिंसनीयस्त्वया नैव मम पुत्रत्वमागतः। न हि देवोदरात् कश्चिनिःसृतो नाशमृच्छति॥

devyuvāca hiṃsanīyastvayā naiva mama putratvamāgataḥ| na hi devodarāt kaściniḥsṛto nāśamṛcchati||

The goddess said-This Brahmana no longer deserves to be killed by you. He has become my son. O god, one who comes out of your stomach does not deserve to be killed by you.

— tr. M.N. Dutt (1891–96) (public domain)

MBh 8 116.35

भीष्म उवाच ततः प्रीतो भवो देव्याः प्रहसंश्चेदमब्रवीत्। गच्छत्वेष यथाकाममिति राजन् पुनः पुनः॥

bhīṣma uvāca tataḥ prīto bhavo devyāḥ prahasaṃścedamabravīt| gacchatveṣa yathākāmamiti rājan punaḥ punaḥ||

Bhishma said Pacified by these words of his wife, Bhava smiled and said repeatedly these words, O king, viz.,-Let this one go wherever he likes.

— tr. M.N. Dutt (1891–96) (public domain)

MBh 8 116.36

ततः प्रणम्य वरदं देवं देवीमुमां तथा। उशना प्राप तद्धीमान् गतिमिष्टां महामुनिः॥

tataḥ praṇamya varadaṃ devaṃ devīmumāṃ tathā| uśanā prāpa taddhīmān gatimiṣṭāṃ mahāmuniḥ||

Bowing to the boon-giving Mahadeva and also to his wife the goddess Uma, the great ascetic Ushanas, gifted with superior intelligence, proceeded to the place he chose.

— tr. M.N. Dutt (1891–96) (public domain)

MBh 8 116.37

एतत् ते कथितं तात भार्गवस्य महात्मनः। चरितं भरतश्रेष्ठ यन्मां त्वं परिपृच्छसि॥

etat te kathitaṃ tāta bhārgavasya mahātmanaḥ| caritaṃ bharataśreṣṭha yanmāṃ tvaṃ paripṛcchasi||

I have thus described to you, O chief of the Bharatas, the story of the great Bhargava about which you had asked me.

— tr. M.N. Dutt (1891–96) (public domain)