Mahabharata — Volume VIII (Dutt edition) — Chapter 103
MBh 8 103.1
येयमर्थोद्भवा तृष्णा युधिष्ठिर उवाच भ्रातरः पितरः पौत्रा ज्ञातयः सुहृदः सुताः। अर्थहेतोर्हताः क्रूरैरस्माभिः पापकर्मभिः॥
yeyamarthodbhavā tṛṣṇā yudhiṣṭhira uvāca bhrātaraḥ pitaraḥ pautrā jñātayaḥ suhṛdaḥ sutāḥ| arthahetorhatāḥ krūrairasmābhiḥ pāpakarmabhiḥ||
Yudhishthira said Cruel and sinful as we are, alas, we have killed brothers and fathers and grandsons and relatives and friends and sons.
— tr. M.N. Dutt (1891–96) (public domain)
MBh 8 103.2
कथमेतां पितामह। निवर्तयेयं पापानि तृष्णया कारिता वयम्॥
kathametāṃ pitāmaha| nivartayeyaṃ pāpāni tṛṣṇayā kāritā vayam||
How, O grandfather, shall we remove this thirst for riches. Alas, through that thirst we have committed many sinful deeds.
— tr. M.N. Dutt (1891–96) (public domain)
MBh 8 103.3
भीष्म उवाच अत्राप्युदाहरन्तीममितिहासं पुरातनम्। गीतं विदेहराजेन माण्डव्यायानुपृच्छते॥
bhīṣma uvāca atrāpyudāharantīmamitihāsaṃ purātanam| gītaṃ videharājena māṇḍavyāyānupṛcchate||
Bhishma said Regarding it is cited the old narrative of what was said by the king of the Videhas to the enquiring Mandavya.
— tr. M.N. Dutt (1891–96) (public domain)
MBh 8 103.4
सुसुखं बत जीवामि यस्य मे नास्ति किंचन। मिथिलायां प्रदीप्तायां न मे दह्यति किंचन॥
susukhaṃ bata jīvāmi yasya me nāsti kiṃcana| mithilāyāṃ pradīptāyāṃ na me dahyati kiṃcana||
The king of the Videhas said, I have nothing, yet I live in great happiness. If the whole of Mithila be reduced to ashes nothing of mine will be burnt down.
— tr. M.N. Dutt (1891–96) (public domain)
MBh 8 103.5
अर्थाः खलु समृद्धा हि बाढं दुःखं विजानताम्। असमृद्धास्त्वपि सदा मोहयन्त्यविचक्षणान्॥
arthāḥ khalu samṛddhā hi bāḍhaṃ duḥkhaṃ vijānatām| asamṛddhāstvapi sadā mohayantyavicakṣaṇān||
Tangible possessions of what value they may be, are a source of sorrow to men of knowledge; while properties of cven little value attract the foolish. one
— tr. M.N. Dutt (1891–96) (public domain)
MBh 8 103.6
यच्च कामसुखं लोके यच्च दिव्यं महत्सुखम्। तृष्णाक्षयसुखस्यैते नार्हतः षोडशी कलाम्॥
yacca kāmasukhaṃ loke yacca divyaṃ mahatsukham| tṛṣṇākṣayasukhasyaite nārhataḥ ṣoḍaśī kalām||
Whatever happiness is in this world, owing to the gratification of desire, and whatever celestial happiness exists of high value, do not form even a sixteenth part of the felicity that accrues from the disappearance of desire.
— tr. M.N. Dutt (1891–96) (public domain)
MBh 8 103.7
यथैव शृङ्गं गोः काले वर्धमानस्य वर्धते। तथैव तृष्णा वित्तेन वर्धमानेन वर्धते॥
yathaiva śṛṅgaṃ goḥ kāle vardhamānasya vardhate| tathaiva tṛṣṇā vittena vardhamānena vardhate||
As the horns of a cow grow with the growth of the cow itself, similarly the thirst for riches multiplies with increasing acquisitions of wealth.
— tr. M.N. Dutt (1891–96) (public domain)
MBh 8 103.8
किंचिदेव ममत्वेन यदा भवति कल्पितम्। तदेव परितापाय नाशे सम्पद्यते पुनः॥
kiṃcideva mamatvena yadā bhavati kalpitam| tadeva paritāpāya nāśe sampadyate punaḥ||
The object for which feels an attachment, becomes a source of pain to him when it is lost.
— tr. M.N. Dutt (1891–96) (public domain)
MBh 8 103.9
न कामाननुरुद्धयेत दुःखं कामेषु वै रतिः। प्राप्यार्थमुपयुञ्जीत धर्मं कामान् विसर्जयेत्॥
na kāmānanuruddhayeta duḥkhaṃ kāmeṣu vai ratiḥ| prāpyārthamupayuñjīta dharmaṃ kāmān visarjayet||
One should not entertain desire. Attachment to desire brings on sorrow. When riches have been acquired one should devote it to virtuous purposes. One should even then relinquish desire.
— tr. M.N. Dutt (1891–96) (public domain)
MBh 8 103.10
विद्वान् सर्वेषु भूतेषु आत्मना सोपमो भवेत्। कृतकृत्यो विशुद्धात्मा सर्वं त्यजति चैव ह॥
vidvān sarveṣu bhūteṣu ātmanā sopamo bhavet| kṛtakṛtyo viśuddhātmā sarvaṃ tyajati caiva ha||
The man of knowledge always considers other creatures like unto himself. Having purified his soul and gained success, he casts off everything here.
— tr. M.N. Dutt (1891–96) (public domain)
MBh 8 103.11
उभे सत्यानृते त्यक्त्वा शोकानन्दौ प्रियाप्रिये। भयाभयं च संत्यज्य स प्रशान्तो निरामयः॥
ubhe satyānṛte tyaktvā śokānandau priyāpriye| bhayābhayaṃ ca saṃtyajya sa praśānto nirāmayaḥ||
By shaking off both truth and falsehood, grief and joy, the agreeable and disagreeable, fearlessness and fear, one acquires tranquillity, and becomes free from anxiety.
— tr. M.N. Dutt (1891–96) (public domain)
MBh 8 103.12
या दुस्त्यजा दुर्मतिभिर्या न जीर्यति जीर्यतः। योऽसौ प्राणान्तिको रोगस्तां तृष्णां त्यजतः सुखम्॥१२।
yā dustyajā durmatibhiryā na jīryati jīryataḥ| yo'sau prāṇāntiko rogastāṃ tṛṣṇāṃ tyajataḥ sukham||12|
That thirst which cannot be shaken off by men of foolish understanding, which does not decrease with the decline of the body, and which is considered as dreadful disease, one who succeeds in shaking off is sure to find happiress.
— tr. M.N. Dutt (1891–96) (public domain)
MBh 8 103.13
चारित्रमात्मनः पश्यंश्चन्द्रशुद्धमनामयम्। धर्मात्मा लभते कीर्तिं प्रेत्य चेह यथासुखम्॥
cāritramātmanaḥ paśyaṃścandraśuddhamanāmayam| dharmātmā labhate kīrtiṃ pretya ceha yathāsukham||
The virtuous man by seeing his own conduct has become bright as the moon and free from every sort of evil, succeeds in happily acquiring great fame both here and hereafter.
— tr. M.N. Dutt (1891–96) (public domain)
MBh 8 103.14
राज्ञस्तद् वचनं श्रुत्वा प्रीतिमानभवद् द्विजः। पूजयित्वा च तद् वाक्यं माण्डव्यो मोक्षमाश्रितः॥
rājñastad vacanaṃ śrutvā prītimānabhavad dvijaḥ| pūjayitvā ca tad vākyaṃ māṇḍavyo mokṣamāśritaḥ||
Hearing these words of the king, the Brahmana became filled with joy, and speaking highly of what he heard, Mandavya followed the path of Liberation.
— tr. M.N. Dutt (1891–96) (public domain)