Mahabharata — Volume VII (Dutt edition) — Chapter 74
MBh 7 74.1
भीष्म उवाच योगक्षेमो हि राष्ट्रस्य राजन्यायत्त उच्यते। योगक्षेमो हि राज्ञो हि समायत्त पुरोहिते॥
bhīṣma uvāca yogakṣemo hi rāṣṭrasya rājanyāyatta ucyate| yogakṣemo hi rājño hi samāyatta purohite||
Bhishma said It is said that the preservation and advancement of the kingdom depends upon the king. The preservation and advancement of the kings depends upon the king's priest.
— tr. M.N. Dutt (1891–96) (public domain)
MBh 7 74.2
यत्रादृष्टं भयं ब्रह्म प्रजानां शमयत्युत। दृष्टं च राजा बाहुभ्यां तद् राज्यं सुखमेधते॥
yatrādṛṣṭaṃ bhayaṃ brahma prajānāṃ śamayatyuta| dṛṣṭaṃ ca rājā bāhubhyāṃ tad rājyaṃ sukhamedhate||
That kingdom truly enjoys felicity where the invisible fears of the subjects, are removed by the Brahmana and all visible ones are suppressed by the king with the strength of his arin.
— tr. M.N. Dutt (1891–96) (public domain)
MBh 7 74.3
अत्राप्युदाहरन्तीममितिहासं पुरातनम्। मुचुकुन्दस्य संवादं राज्ञो वैश्रवणस्य च॥
atrāpyudāharantīmamitihāsaṃ purātanam| mucukundasya saṃvādaṃ rājño vaiśravaṇasya ca||
Regarding it is cited the old discourse between king Muchukunda and Vaishravana.
— tr. M.N. Dutt (1891–96) (public domain)
MBh 7 74.4
मुचुकुन्दो विजित्येमां पृथिवीं पृथिवीपतिः। जिज्ञासमानः स्वबलमभ्ययादलकाधिपम्॥
mucukundo vijityemāṃ pṛthivīṃ pṛthivīpatiḥ| jijñāsamānaḥ svabalamabhyayādalakādhipam||
King Muchukunda, having conquered the entire Earth, went to the lord of Alaka for testing his strength.
— tr. M.N. Dutt (1891–96) (public domain)
MBh 7 74.5
ततो वैश्रवणो राजा राक्षसानसृजत् तदा। ते बलान्यवमृद्गन्त मुचुकुन्दस्य नैर्ऋताः॥
tato vaiśravaṇo rājā rākṣasānasṛjat tadā| te balānyavamṛdganta mucukundasya nairṛtāḥ||
King Vaishravana created a large army of Rakshasas. These grinded the army led by Muchukunda.
— tr. M.N. Dutt (1891–96) (public domain)
MBh 7 74.6
स हन्यमाने सैन्ये स्वे मुचुकुन्दो नराधिपः। गर्हयामास विद्वांसं पुरोहितमरिंदमः॥
sa hanyamāne sainye sve mucukundo narādhipaḥ| garhayāmāsa vidvāṃsaṃ purohitamariṃdamaḥ||
Witnessing the destruction of his army, king Muchukunda, O chastiser of foes, began to remonstrate with his own feared priest Vasishtha.
— tr. M.N. Dutt (1891–96) (public domain)
MBh 7 74.7
तत उग्रं तपस्तप्त्वा वसिष्ठो धर्मवित्तमः। रक्षांस्युपावधीत् तस्य पन्थानं चाप्यविन्दत॥
tata ugraṃ tapastaptvā vasiṣṭho dharmavittamaḥ| rakṣāṃsyupāvadhīt tasya panthānaṃ cāpyavindata||
Thereupon that foremost of righteous persons, viz, Vasishtha, practised very austere penances, and, causing those Rakshasas to be killed, ascertained the true course which Muchukunda was following.
— tr. M.N. Dutt (1891–96) (public domain)
MBh 7 74.8
ततो वैश्रवणो राजा मुचुकुन्दमदर्शयत्। वध्यमानेषु सैन्येषु वचनं चेदमब्रवीत्॥
tato vaiśravaṇo rājā mucukundamadarśayat| vadhyamāneṣu sainyeṣu vacanaṃ cedamabravīt||
When king Vaishravana's troops were being killed, he showed himself Muchukunda and said these words. to
— tr. M.N. Dutt (1891–96) (public domain)
MBh 7 74.9
धनद उवाच बलवन्तस्त्वया पूर्वे राजानः सपुरोहिताः। न चैवं समवर्तन्त यथा त्वमिह वर्तसे॥
dhanada uvāca balavantastvayā pūrve rājānaḥ sapurohitāḥ| na caivaṃ samavartanta yathā tvamiha vartase||
The Lord of Death said Many kings of yore, more powerful than you, aided by their priests, had never approached me thus.
— tr. M.N. Dutt (1891–96) (public domain)
MBh 7 74.10
ते खल्वपि कृतास्त्राश्च बलवन्तश्च भूमिपाः। आगम्य पर्युपासन्ते मामीशं सुखदुःखयोः॥
te khalvapi kṛtāstrāśca balavantaśca bhūmipāḥ| āgamya paryupāsante māmīśaṃ sukhaduḥkhayoḥ||
All of them were clever in weapons and all of them were powerful. Knowing me as the giver of happiness and misery, they approached me for offering adorations.
— tr. M.N. Dutt (1891–96) (public domain)
MBh 7 74.11
यद्यस्ति बाहुवीर्यं ते तद् दर्शयितुमर्हसि। किं ब्राह्मणबलेन त्वमतिमात्र प्रवर्तसे॥
yadyasti bāhuvīryaṃ te tad darśayitumarhasi| kiṃ brāhmaṇabalena tvamatimātra pravartase||
In truth, if you have might of arms you should display it. Why do you act so proudly helped by Brahmana power.
— tr. M.N. Dutt (1891–96) (public domain)
MBh 7 74.12
मुचुकुन्दस्ततः क्रुद्धः प्रत्युवाच धनेश्वरम्। न्यायपूर्वमसंरब्धमसम्भ्रान्तमिदं वचः॥
mucukundastataḥ kruddhaḥ pratyuvāca dhaneśvaram| nyāyapūrvamasaṃrabdhamasambhrāntamidaṃ vacaḥ||
Enraged at these words, Muchukunda, shorn of pride and fear, said to the Lord of Death these words pregnant with reason and justice.
— tr. M.N. Dutt (1891–96) (public domain)
MBh 7 74.13
ब्रह्मक्षत्रमिदं सृष्टमेकयोनि स्वयम्भुवा। पृथग्बलविधानं तन्न लोकं परिपालयेत्॥
brahmakṣatramidaṃ sṛṣṭamekayoni svayambhuvā| pṛthagbalavidhānaṃ tanna lokaṃ paripālayet||
The Self-create Brahman created the Brahmana and the Kshatriya. They have a common origin. If they apply their energies separately, they would never be able to keep up the world.
— tr. M.N. Dutt (1891–96) (public domain)
MBh 7 74.14
तपो मन्त्रबलं नित्यं ब्राह्मणेषु प्रतिष्ठितम्। अस्त्रबाहुबलं नित्यं क्षत्रियेषु प्रतिष्ठितम्॥
tapo mantrabalaṃ nityaṃ brāhmaṇeṣu pratiṣṭhitam| astrabāhubalaṃ nityaṃ kṣatriyeṣu pratiṣṭhitam||
The power of penances and Mantras was given to the Brahmanas; the strength of arms and of weapons was conferred upon Kshatriyas.
— tr. M.N. Dutt (1891–96) (public domain)
MBh 7 74.15
ताभ्यां सम्भूय कर्तव्यं प्रजानां परिपालनम्। तथा च मां प्रवर्तन्तं किं गर्हस्यलकाधिप।॥
tābhyāṃ sambhūya kartavyaṃ prajānāṃ paripālanam| tathā ca māṃ pravartantaṃ kiṃ garhasyalakādhipa|||
Helped by both kinds of strength, kings should protect their subjects. I am acting in that way. Why do you, O lord of Alaka, remonstrate with me then?
— tr. M.N. Dutt (1891–96) (public domain)
MBh 7 74.16
ततोऽब्रवीद् वैश्रवणो राजानं सपुरोहितम्। नाहं राज्यमनिर्दिा कस्मैचिद् विदधाम्युत॥ नाच्छिन्दे चाप्यनिादमिति जानीहि पार्थिव।
tato'bravīd vaiśravaṇo rājānaṃ sapurohitam| nāhaṃ rājyamanirdiā kasmaicid vidadhāmyuta|| nācchinde cāpyaniādamiti jānīhi pārthiva|
Thus accosted, Vaishravana said to Muchukunda and his priest,-I never, without being ordered (by the Self-born) confr sovereignty upon any one. Nor do I ever, without his behest, snatch it away from any one. Know this, O king.
— tr. M.N. Dutt (1891–96) (public domain)
MBh 7 74.17
प्रशाधि पृथिवीं कृत्स्ना मद्दत्तामखिलामिमाम्। एवमुक्तः प्रत्युवाच मुचुकुन्दो महीपतिः॥
praśādhi pṛthivīṃ kṛtsnā maddattāmakhilāmimām| evamuktaḥ pratyuvāca mucukundo mahīpatiḥ||
Do you rule then the boundless Earth.—Thus addressed, king Muchukunda replied, saying.-
— tr. M.N. Dutt (1891–96) (public domain)
MBh 7 74.18
मुचुकुन्द उवाच नाहं राज्यं भवद्दत्तं भोक्तुमिच्छामि पार्थिव। बाहुवीर्यार्जितं राज्यम श्नीयामिति कामये॥
mucukunda uvāca nāhaṃ rājyaṃ bhavaddattaṃ bhoktumicchāmi pārthiva| bāhuvīryārjitaṃ rājyama śnīyāmiti kāmaye||
I do not, O king, desire to enjoy sovereignty given by you as a gift. I desire to enjoy sovereignty secured by the power of my own arms.
— tr. M.N. Dutt (1891–96) (public domain)
MBh 7 74.19
भीष्म उवाच ततो वैश्रवणो राजा विस्मयं परमं ययौ। क्षत्रधर्मे स्थितं दृष्ट्वा मुचुकुन्दमसम्भ्रमम्॥
bhīṣma uvāca tato vaiśravaṇo rājā vismayaṃ paramaṃ yayau| kṣatradharme sthitaṃ dṛṣṭvā mucukundamasambhramam||
Bhishma said At these words of Muchukunda, Vaishravana, seeing the king undaunted in the observance of Kshatriya duties, was stricken with surprise.
— tr. M.N. Dutt (1891–96) (public domain)
MBh 7 74.20
ततो राजा मुचुकुन्दः सोऽन्वशासद् वसुन्धराम्। बाहुवीर्यार्जितां सम्यक्षत्रधर्ममनुव्रतः॥
tato rājā mucukundaḥ so'nvaśāsad vasundharām| bāhuvīryārjitāṃ samyakṣatradharmamanuvrataḥ||
King Muchukunda, devoted to Kshatriya duties, continued to rule the entire Earth acquired by the power of his own arms.
— tr. M.N. Dutt (1891–96) (public domain)
MBh 7 74.21
एवं यो धर्मविद् राजा ब्रह्मपूर्वं प्रवर्तते। जयत्यविजितामुर्वी यशश्च महदश्नुते॥
evaṃ yo dharmavid rājā brahmapūrvaṃ pravartate| jayatyavijitāmurvī yaśaśca mahadaśnute||
That virtuous king, who governs his kingdom, aided by and revering the Brahmana, succeeds in subjugating the whole Earth and acquiring great fame.
— tr. M.N. Dutt (1891–96) (public domain)
MBh 7 74.22
नित्योदकी ब्राह्मणः स्यान्नित्यशस्त्रश्च क्षत्रियः। तयोहि सर्वमायत्तं यत् किञ्चिज्जगतीगतम्॥
nityodakī brāhmaṇaḥ syānnityaśastraśca kṣatriyaḥ| tayohi sarvamāyattaṃ yat kiñcijjagatīgatam||
The Brahmana should daily perform his religious rites and the Kshatriya should always be ready with weapons. They both are the rightful owners of everything in the world.'
— tr. M.N. Dutt (1891–96) (public domain)