Mahabharata — Volume VII (Dutt edition) — Chapter 49
MBh 7 49.1
वासुदेव उवाच शृणु कौन्तेय रामस्य प्रभावो यो मया श्रुतः। महर्षीणां कथयतां विक्रमं तस्य जन्म च।।।।
vāsudeva uvāca śṛṇu kaunteya rāmasya prabhāvo yo mayā śrutaḥ| maharṣīṇāṃ kathayatāṃ vikramaṃ tasya janma ca||||
Vasudeva said Listen, O son of Kunti, to the story of Rama's energy and powers and birth as I heard from great Rishis discoursing upon the subject.
— tr. M.N. Dutt (1891–96) (public domain)
MBh 7 49.2
यथा च जामदग्न्येन कोटिशः क्षत्रिया हताः। उद्भूता राजवंशेषु ये भूयो भारते हताः॥
yathā ca jāmadagnyena koṭiśaḥ kṣatriyā hatāḥ| udbhūtā rājavaṃśeṣu ye bhūyo bhārate hatāḥ||
Listen to the story of how millions of Kshatriyas were killed by Jamadagni's son and how those that were born again in the various royal houses in Bharata were again killed.
— tr. M.N. Dutt (1891–96) (public domain)
MBh 7 49.3
जह्रोरजस्तु तनयो बलाकाश्वस्तु तत्सुतः। कुशिको नाम धर्मज्ञस्तस्य पुत्रो महीपते।॥
jahrorajastu tanayo balākāśvastu tatsutaḥ| kuśiko nāma dharmajñastasya putro mahīpate|||
Jahnu had a son named Rajas. Rajas had a son named Balakashva. King Balakashva had a pious son named Kushika.
— tr. M.N. Dutt (1891–96) (public domain)
MBh 7 49.4
अग्र्यं तपः समातिष्ठत् सहस्राक्षसमो भुवि। पुत्रं लभेयमजितं त्रिलोकेश्वरमित्युत॥
agryaṃ tapaḥ samātiṣṭhat sahasrākṣasamo bhuvi| putraṃ labheyamajitaṃ trilokeśvaramityuta||
Resembling the thousand-eyed Indra on Earth, Kushika, practised the austerest of penances from desire of getting the lord of the three worlds for a son.
— tr. M.N. Dutt (1891–96) (public domain)
MBh 7 49.5
तमुग्रतपसं दृष्ट्वा सहस्राक्षः पुरंदरः। समर्थं पुत्रजनने स्वयमेवान्वपद्यत॥
tamugratapasaṃ dṛṣṭvā sahasrākṣaḥ puraṃdaraḥ| samarthaṃ putrajanane svayamevānvapadyata||
Seeing him engaged in the hardest of penances and capable of begetting a son, the thousand-eyed Purandara himself inspired the king with his energy.
— tr. M.N. Dutt (1891–96) (public domain)
MBh 7 49.6
पुत्रत्वमगमद् राजस्तस्य लोकेश्वरेश्वरः। गाधिर्नामाभवत् पुत्रः कौशिकः पाकशासनः॥
putratvamagamad rājastasya lokeśvareśvaraḥ| gādhirnāmābhavat putraḥ kauśikaḥ pākaśāsanaḥ||
The great lord of the three worlds, viz., the chastiser of Paka, o king, then became Kushika's son known by the name of Gadhi.
— tr. M.N. Dutt (1891–96) (public domain)
MBh 7 49.7
तस्य कन्याभवद् राजन् नाम्ना सत्यवतीप्रभो। तां गाधिर्भुगुपुत्राय सर्चीकाय ददौ प्रभुः॥
tasya kanyābhavad rājan nāmnā satyavatīprabho| tāṃ gādhirbhuguputrāya sarcīkāya dadau prabhuḥ||
Gadhi had a daughter, O king, by the name of Satyavati. The powerful Gadhi married her to Richika a descendant of Bhrigu.
— tr. M.N. Dutt (1891–96) (public domain)
MBh 7 49.8
तस्याः प्रीतः स शौचेन भार्गवः कुरुनन्दन! पुत्रार्थं अपयामास चरुं गाधेस्तथैव च॥
tasyāḥ prītaḥ sa śaucena bhārgavaḥ kurunandana! putrārthaṃ apayāmāsa caruṃ gādhestathaiva ca||
Her husband of Bhrigu's race, O delighter of the Kurus, became highly pleased with her for the purity of her conduct. He cooked charu the sacrificial food of milk and rice for giving to Gandhi a son.
— tr. M.N. Dutt (1891–96) (public domain)
MBh 7 49.9
आहूयोवाच तां भार्यां सर्चीको भार्गवस्तदा। उपभोज्यश्चरुरयं त्वया मात्राप्ययं तव॥
āhūyovāca tāṃ bhāryāṃ sarcīko bhārgavastadā| upabhojyaścarurayaṃ tvayā mātrāpyayaṃ tava||
Calling his wife, Richika of Bhrigu's race, said,This portion of the sanctified food should be taken by you, and this (the other) portion by your mother.
— tr. M.N. Dutt (1891–96) (public domain)
MBh 7 49.10
तस्या जनिष्यते पुत्रो दीप्तिमान् क्षत्रियर्षभः। अजय्यः क्षत्रियैर्लोके क्षत्रियर्षभसूदनः॥
tasyā janiṣyate putro dīptimān kṣatriyarṣabhaḥ| ajayyaḥ kṣatriyairloke kṣatriyarṣabhasūdanaḥ||
An energetic son will be born of her who will be the foremost of the Kshatriyas, Invincible by Kshatriyas on Earth, he will be the destroyer of the foremost of Kshatriyas.
— tr. M.N. Dutt (1891–96) (public domain)
MBh 7 49.11
तवापि पुत्रं कल्याणि धृतिमन्तं शमात्मकम्। तपोऽन्वितं द्विजश्रेष्ठं चरुरेष विधास्यति॥
tavāpi putraṃ kalyāṇi dhṛtimantaṃ śamātmakam| tapo'nvitaṃ dvijaśreṣṭhaṃ carureṣa vidhāsyati||
As regards you, O blessed lady, this portion of the food will give you a son of great wisdom, a personification of tranquillity, endued with ascetic penances, and the foremost of Brahmanas.
— tr. M.N. Dutt (1891–96) (public domain)
MBh 7 49.12
इत्येवमुक्त्वा तां भार्यां सर्चीको भृगुनन्दनः। तपस्यभिरतः श्रीमाजगामारण्यमेव हि॥
ityevamuktvā tāṃ bhāryāṃ sarcīko bhṛgunandanaḥ| tapasyabhirataḥ śrīmājagāmāraṇyameva hi||
Having said these words to his wife, the blessed Richika of Bhrigu's race, setting his heart on penances, entered into the woods.
— tr. M.N. Dutt (1891–96) (public domain)
MBh 7 49.13
एतस्मिन्नेव काले तु तीर्थयात्रापरो नृपः। गाधिः सदारः सम्प्राप्तः सर्चीकस्याश्रमं प्रति॥
etasminneva kāle tu tīrthayātrāparo nṛpaḥ| gādhiḥ sadāraḥ samprāptaḥ sarcīkasyāśramaṃ prati||
About this time, king Gandhi, making a pilgrimage to the sacred waters, arrived with his queen at the hermitage of Richika.
— tr. M.N. Dutt (1891–96) (public domain)
MBh 7 49.14
चरुद्वयं गृहीत्वा च राजन् सत्यवती तदा। भर्तुर्वाक्यं तदाव्यग्रा मात्रे हृष्टा न्यवेदयत्॥
carudvayaṃ gṛhītvā ca rājan satyavatī tadā| bharturvākyaṃ tadāvyagrā mātre hṛṣṭā nyavedayat||
O king, thereupon taking the two portions of the sanctified food, Satyavati cheerfully and quickly, represented the words of her husband to her inother.
— tr. M.N. Dutt (1891–96) (public domain)
MBh 7 49.15
माता तु तस्याः कौन्तेय दुहिने स्वं चकं ददौ। तस्याश्चरुमथाज्ञानादात्मसंस्थं चकार ह॥
mātā tu tasyāḥ kaunteya duhine svaṃ cakaṃ dadau| tasyāścarumathājñānādātmasaṃsthaṃ cakāra ha||
The queen-mother, O son of Kunti, gave the portion reserved for herself to her daughter, and herself took unwittingly the portion intended for the latter.
— tr. M.N. Dutt (1891–96) (public domain)
MBh 7 49.16
अथ सत्यवती गर्भ क्षत्रियान्तकरं तदा। धारयामास दीप्तेन वपुषा घोरदर्शनम्॥
atha satyavatī garbha kṣatriyāntakaraṃ tadā| dhārayāmāsa dīptena vapuṣā ghoradarśanam||
Thereupon Satyavati, her body blazing with lustre, conceived a child of dreadful form intended to become the exterminator of the Kshatriyas.
— tr. M.N. Dutt (1891–96) (public domain)
MBh 7 49.17
तामृचीकस्तदा दृष्ट्वा तस्या गर्भगतं द्विजम्। अब्रवीद् भृगुशार्दूलः स्वां भार्यां देवरूपिणीम्॥
tāmṛcīkastadā dṛṣṭvā tasyā garbhagataṃ dvijam| abravīd bhṛguśārdūlaḥ svāṃ bhāryāṃ devarūpiṇīm||
Seeing the Brahmana child lying within her womb, that foremost of the Bhrigus said to his wife of heavenly beauty these wordsमात्रासि व्यंसिता भद्रे चरुव्यत्यासहेतुना।
— tr. M.N. Dutt (1891–96) (public domain)
MBh 7 49.18
भविष्यति हि ते पुत्रः क्रूरकर्मात्यमर्षणः॥ उत्पत्स्यति च ते भ्राता ब्रह्मभूतस्तपोरतः।
bhaviṣyati hi te putraḥ krūrakarmātyamarṣaṇaḥ|| utpatsyati ca te bhrātā brahmabhūtastaporataḥ|
You have been imposed upon by your mother, O blessed lady, by the substitution of the sanctified food. Your son will become a man of cruel deeds and vindictive heart. Your brother again (born of your mother) will be Brahmana ever devoted to ascetic penances.
— tr. M.N. Dutt (1891–96) (public domain)
MBh 7 49.19
विश्वं हि ब्रह्म सुमहच्चरौ तव समाहितम्॥ क्षत्रवीर्यं च सकलं तव मात्रे समर्पितम्।
viśvaṃ hi brahma sumahaccarau tava samāhitam|| kṣatravīryaṃ ca sakalaṃ tava mātre samarpitam|
The seed of the supreme and universal Brahma had been placed into the sanctified food intended for you, while into that intended for your mother had been placed the sum-total of Kshatriya energy.
— tr. M.N. Dutt (1891–96) (public domain)
MBh 7 49.20
विपर्ययेण ते भद्रे नैतदेवं भविष्यति॥ मातुस्ते ब्राह्मणो भूयात् तव च क्षत्रियः सुतः।
viparyayeṇa te bhadre naitadevaṃ bhaviṣyati|| mātuste brāhmaṇo bhūyāt tava ca kṣatriyaḥ sutaḥ|
On account of the substitution of the two parts, O blessed lady, that which had been intended will not happen. Your mother will got a Brahmana child while you will get a son that will become a Kshatriya.
— tr. M.N. Dutt (1891–96) (public domain)
MBh 7 49.21
सैवमुक्ता महाभागा भ; सत्यवती तदा॥ पपात शिरसा तस्मै वेपन्ती चाब्रवीदिदम्। नार्होऽसि भगवन्नद्य वक्तुमेवंविधं वचः। ब्राह्मणापसदं पुत्रं प्राप्स्यसीति हि मां प्रभो॥
saivamuktā mahābhāgā bha; satyavatī tadā|| papāta śirasā tasmai vepantī cābravīdidam| nārho'si bhagavannadya vaktumevaṃvidhaṃ vacaḥ| brāhmaṇāpasadaṃ putraṃ prāpsyasīti hi māṃ prabho||
Thus addressed by her husband the highly blessed Satyavati bent down her head to his feet and tremblingly said,-You should not, O holy one, speak such words to me, viz.,-You will obtain a wretch among Brahmanas for your son.
— tr. M.N. Dutt (1891–96) (public domain)
MBh 7 49.22
ऋचीक उवाच नैष संकल्पितः कामो मया भद्रे तथा त्वयि। उग्रकर्मा समुत्पन्नश्चरुव्यत्यासहेतुना॥
ṛcīka uvāca naiṣa saṃkalpitaḥ kāmo mayā bhadre tathā tvayi| ugrakarmā samutpannaścaruvyatyāsahetunā||
Richika said This was not intended by me, o blessed lady, for you. A son of terrific deeds has been conceived by you for the substitution of the sanctified food.
— tr. M.N. Dutt (1891–96) (public domain)
MBh 7 49.23
सत्यवत्युवाच इच्छल्लोकानपि मुने सृजेथाः किं पुनः सुतम्। शामात्मकमजुं पुत्रं दातुमर्हसि मे प्रभो॥
satyavatyuvāca icchallokānapi mune sṛjethāḥ kiṃ punaḥ sutam| śāmātmakamajuṃ putraṃ dātumarhasi me prabho||
If you wish, O sage, you can create other worlds, what shall I say of a child? You should, O powerful one, give me a son who will be pious and peaceful.
— tr. M.N. Dutt (1891–96) (public domain)
MBh 7 49.24
ऋचीक उवाच नोक्तपूर्वानृतं भद्रे स्वैरेष्वपि कदाचन। किमुताग्निं समाधाय मन्त्रवच्चरुसाधने॥
ṛcīka uvāca noktapūrvānṛtaṃ bhadre svaireṣvapi kadācana| kimutāgniṃ samādhāya mantravaccarusādhane||
Richika said 'I had never uttered even in jest, O blessed lady, an untruth. What need then be said of a time for preparing sanctified food with the help of Vedic formulae after lighting a fire?
— tr. M.N. Dutt (1891–96) (public domain)
MBh 7 49.25
दृष्टमेतत् पुरा भद्रे ज्ञातं च तपसा मया। ब्रह्मभूतं हि सकलं पितुस्तव कुलं भवेत्॥
dṛṣṭametat purā bhadre jñātaṃ ca tapasā mayā| brahmabhūtaṃ hi sakalaṃ pitustava kulaṃ bhavet||
It was ordained of yore by destiny, O lovely damsel. I have known it all by my penances. All the descendants of your father will be endued with Brahmanic virtues.
— tr. M.N. Dutt (1891–96) (public domain)
MBh 7 49.26
सत्यवत्युवाच काममेवं भवेत् पौत्रो ममेह तव च प्रभो। शमात्मकमहं पुत्रं लभेयं जपतां वर॥
satyavatyuvāca kāmamevaṃ bhavet pautro mameha tava ca prabho| śamātmakamahaṃ putraṃ labheyaṃ japatāṃ vara||
O powerful one, let our grandson be such, but, O foremost of ascetics, let me have a quiet son.
— tr. M.N. Dutt (1891–96) (public domain)
MBh 7 49.27
ऋचीक उवाच पुत्रे नास्ति विशेषो मे पौत्रे च वरवर्णिनि। यथा त्वयोक्तं वचनं तथा भद्रे भविष्यति॥
ṛcīka uvāca putre nāsti viśeṣo me pautre ca varavarṇini| yathā tvayoktaṃ vacanaṃ tathā bhadre bhaviṣyati||
Richika said O fair lady, I see no distinction, between a son and a grandson. It will be, O lovely lady, as you say.
— tr. M.N. Dutt (1891–96) (public domain)
MBh 7 49.28
वासुदेव उवाच ततः सत्यवती पुत्रं जनयामास भार्गवम्। तपस्यभिरतं शान्तं जमदग्निं यतव्रतम्॥
vāsudeva uvāca tataḥ satyavatī putraṃ janayāmāsa bhārgavam| tapasyabhirataṃ śāntaṃ jamadagniṃ yatavratam||
Vasudeva said, Then Satyavati gave birth to a son in Bhrigu's race who was devoted to penances and peaceful occupations, viz., Jamadagni of regulated vows.
— tr. M.N. Dutt (1891–96) (public domain)
MBh 7 49.29
विश्वामित्रं च दायादं गाधिः कुशिकनन्दनः। यः प्राप ब्रह्मसमितं विश्वैर्ब्रह्मगुणैर्युतम्॥
viśvāmitraṃ ca dāyādaṃ gādhiḥ kuśikanandanaḥ| yaḥ prāpa brahmasamitaṃ viśvairbrahmaguṇairyutam||
Kaushika's son Gadhi begot a son named Vishvamitra. Possessed of every attribute of a Brahmana, that son though a Kshatriya by birth was equal to a Brahmana.
— tr. M.N. Dutt (1891–96) (public domain)
MBh 7 49.30
ऋचीको जनयामास जमदग्निं तपोनिधिम्। सोऽपि पुत्रं ह्यजनयज्जमदग्निः सुदारुणम्॥
ṛcīko janayāmāsa jamadagniṃ taponidhim| so'pi putraṃ hyajanayajjamadagniḥ sudāruṇam||
Richika (thus) beget Jamadagni, that sea of penances. Jamadagni begot a son of dreadful deeds.
— tr. M.N. Dutt (1891–96) (public domain)
MBh 7 49.31
सर्वविद्यान्तगं श्रेष्ठं धनुर्वेदस्य पारगम्। रामं क्षत्रियहन्तारं प्रदीप्तमिव पावकम्॥
sarvavidyāntagaṃ śreṣṭhaṃ dhanurvedasya pāragam| rāmaṃ kṣatriyahantāraṃ pradīptamiva pāvakam||
The foremost of men, that son mastered all the sciences, including that of arms. Like a burning fire, that son was Rama, the exterminator of the Kshatriyas.
— tr. M.N. Dutt (1891–96) (public domain)
MBh 7 49.32
तोषयित्वा महादेवं पर्वते गन्धमादने। अस्त्राणि वरयामास परशुं चातितेजसम्॥
toṣayitvā mahādevaṃ parvate gandhamādane| astrāṇi varayāmāsa paraśuṃ cātitejasam||
Having satisfied Mahadeva the mountains of Gandhamadana, he begged from that deity for weapons, especially the axe of fierce power in his hands.
— tr. M.N. Dutt (1891–96) (public domain)
MBh 7 49.33
स तेनाकुण्ठधारेण ज्वलितानलवर्चसा। कुठारेणाप्रमेयेण लोकेष्वप्रतिमोऽभवत्॥
sa tenākuṇṭhadhāreṇa jvalitānalavarcasā| kuṭhāreṇāprameyeṇa lokeṣvapratimo'bhavat||
For that peerless axe of fiery splendour and irresistible sharpness, he became unequalled on Earth.
— tr. M.N. Dutt (1891–96) (public domain)
MBh 7 49.34
एतस्मिन्नेव काले तु कृतवीर्यात्मजो बली। अर्जुनो नाम तेजस्वी क्षत्रियो हैहयाधिपः॥ दत्तात्रेयप्रसादेन राजा बाहुसहस्रवान्। चक्रवर्ती महातेजा विप्राणामाश्वमेधिके॥ ददौ स पृथिवीं सर्वां सप्तद्वीपां सपर्वताम्। स्वबाह्वस्त्रबलेनाजौ जित्वा परमधर्मवित्॥
etasminneva kāle tu kṛtavīryātmajo balī| arjuno nāma tejasvī kṣatriyo haihayādhipaḥ|| dattātreyaprasādena rājā bāhusahasravān| cakravartī mahātejā viprāṇāmāśvamedhike|| dadau sa pṛthivīṃ sarvāṃ saptadvīpāṃ saparvatām| svabāhvastrabalenājau jitvā paramadharmavit||
Meanwhile the powerful son of Kritavirya, the king of the Haihayas, endued with great power, highly pious, and possessed of a on thousand arms through the favour of the great Rishi) Dattatreya, having conquered in battle, by the strength of his own arms, the entire Earth with her mountains and seven islands, became a very powerful sovereign and (at iast) gave away the Earth to the Brahmanas in a house-sacrifice.
— tr. M.N. Dutt (1891–96) (public domain)
MBh 7 49.35
तृषितेन च कौन्तेय भिक्षितश्चित्रभानुना। सहस्रबाहुर्विक्रान्तः प्रादाद् भिक्षामथाग्नये॥
tṛṣitena ca kaunteya bhikṣitaścitrabhānunā| sahasrabāhurvikrāntaḥ prādād bhikṣāmathāgnaye||
Once begged by the thirsty god of fire, O son of Kunti, the thousand-armed king of great prowess gave alms to that deity.
— tr. M.N. Dutt (1891–96) (public domain)
MBh 7 49.36
ग्रामान् पुराणि राष्ट्राणि घोषांश्चैव तु वीर्यवान्। जज्वाल तस्य बाणाग्राच्चित्रभानुर्दिधक्षया।॥
grāmān purāṇi rāṣṭrāṇi ghoṣāṃścaiva tu vīryavān| jajvāla tasya bāṇāgrāccitrabhānurdidhakṣayā|||
Originating from the point of his arrow, the highly powerful god of fire, desirous of consuming (what was offered) burnt villages and towns and kingdoms and hamlets of cowherds.
— tr. M.N. Dutt (1891–96) (public domain)
MBh 7 49.37
स तस्य पुरुषेन्द्रस्य प्रभावेण महौजसः। ददाह कार्तवीर्यस्य शैलानथ वनस्पतीन्॥
sa tasya puruṣendrasya prabhāveṇa mahaujasaḥ| dadāha kārtavīryasya śailānatha vanaspatīn||
Through the prowess of that foremost of inen, viz., the powerful Kartavirya, the god of fire consumed mountains and great forests.
— tr. M.N. Dutt (1891–96) (public domain)
MBh 7 49.38
स शून्यमाश्रमं रम्यमापवस्य महात्मनः। ददाह पवनेनेद्धश्चित्रभानुः सहैहयः॥
sa śūnyamāśramaṃ ramyamāpavasya mahātmanaḥ| dadāha pavaneneddhaścitrabhānuḥ sahaihayaḥ||
Helped by the king of the Haihayas the god of fire, increased more by the wind, consumed the uninhabited but the charming hermitage of the high-souled Apava.
— tr. M.N. Dutt (1891–96) (public domain)
MBh 7 49.39
आपवस्तु ततो रोषाच्छशापार्जुनमच्युत। दग्धेऽऽश्रमे महाबाहो कार्तवीर्येण वीर्यवान्॥ त्वया न वर्जितं यस्मान्नमेदं हि महद् वनम्। दग्धं तस्माद् रणे रामो बाहूंस्ते छेत्स्यतेऽर्जुन॥
āpavastu tato roṣācchaśāpārjunamacyuta| dagdhe''śrame mahābāho kārtavīryeṇa vīryavān|| tvayā na varjitaṃ yasmānnamedaṃ hi mahad vanam| dagdhaṃ tasmād raṇe rāmo bāhūṃste chetsyate'rjuna||
O mighty-armed king, seeing his hermitage consumed by the powerful Kshatriya, the highly energetic Apava cursed that monarch in anger, saying,-Since, O Arjuna, without reserving these my woods, you have burnt them, therefore, Rama (of Bhrigu's race), will cut your thousand arins.
— tr. M.N. Dutt (1891–96) (public domain)
MBh 7 49.40
अर्जुनस्तु महातेजा बली नित्यं शमात्मकः। ब्रह्मण्यश्च शरण्यश्च दाता शूरश्च भारत॥ नाचिन्तयत् तदा शापं तेन दत्तं महात्मना। तस्य पुत्रास्तु बलिनः शापेनासन् पितुर्वर्धे॥ निमित्तादवलिप्ता वै नृशंसाश्चैव सर्वदा। जमदग्निधेन्वास्ते वत्समानिन्युर्भरतर्षभ॥ अज्ञातं कार्तवीर्येण हैहेयेन्द्रेण धीमता। तनिमित्तमभूद् युद्धं जामदग्नेर्महात्मनः॥
arjunastu mahātejā balī nityaṃ śamātmakaḥ| brahmaṇyaśca śaraṇyaśca dātā śūraśca bhārata|| nācintayat tadā śāpaṃ tena dattaṃ mahātmanā| tasya putrāstu balinaḥ śāpenāsan piturvardhe|| nimittādavaliptā vai nṛśaṃsāścaiva sarvadā| jamadagnidhenvāste vatsamāninyurbharatarṣabha|| ajñātaṃ kārtavīryeṇa haiheyendreṇa dhīmatā| tanimittamabhūd yuddhaṃ jāmadagnermahātmanaḥ||
The powerful Arjuna, however, of great prowess, always devoted to peace, ever obedient to Brahmanas and ready to protect all classes, and charitable brave, O Bharata, did not think of that curse imprecated on him by that great Rishi. His powerful sons, always proud and cruel, on account of that curse, became the indirect cause of his death. The princes, O foremost of Bharata's race, caught and brought away the calf of Jamadagani's Homa COW, against the knowledge of Kartavirya the king of the Haihayas. For this reason a dispute took place between the great Jamadagni and the Haihayas.
— tr. M.N. Dutt (1891–96) (public domain)
MBh 7 49.41
ततोऽर्जुनस्य बाहूंस्तांश्छित्त्वा रामो रुषान्वितः। तं भ्रमन्तं ततो वत्सं जामदग्न्यः स्वमाश्रमम्॥ प्रत्यानयत राजेन्द्र तेषामन्तःपुरात् प्रभुः।
tato'rjunasya bāhūṃstāṃśchittvā rāmo ruṣānvitaḥ| taṃ bhramantaṃ tato vatsaṃ jāmadagnyaḥ svamāśramam|| pratyānayata rājendra teṣāmantaḥpurāt prabhuḥ|
The powerful Rama, the son of Jamadagni, filled with anger cut off the arms of Arjuna and brought back, O king, his father's calf which was grazing within the inner appointment of the king's mansion.
— tr. M.N. Dutt (1891–96) (public domain)
MBh 7 49.42
अर्जुनस्य सुतास्ते तु सम्भूयाबुद्धयस्तदा॥ गत्वाऽऽश्रममसम्बुद्धा जमदग्नेर्महात्मनः। अपातयन्त भल्लाप्रैः शिरः कायान्नराधिप।॥ समित्कुशार्थं रामस्य निर्यातस्य यशस्विनः।
arjunasya sutāste tu sambhūyābuddhayastadā|| gatvā''śramamasambuddhā jamadagnermahātmanaḥ| apātayanta bhallāpraiḥ śiraḥ kāyānnarādhipa||| samitkuśārthaṃ rāmasya niryātasya yaśasvinaḥ|
Then the foolish sons of Arjuna, going in a body to the hermitage of the great Jamadagni, cut with their lances, O king, the head of that Rishi from off his trunk while the celebrated Rama had gone out for fetching sacred fuel and grass.
— tr. M.N. Dutt (1891–96) (public domain)
MBh 7 49.43
ततः पितृवधामर्षाद् रामः परममन्युमान्॥ निःक्षत्रियां प्रतिश्रुत्य महीं शस्त्रमगृह्वत।
tataḥ pitṛvadhāmarṣād rāmaḥ paramamanyumān|| niḥkṣatriyāṃ pratiśrutya mahīṃ śastramagṛhvata|
Worked up with anger at the death of his father and filled with vengeance, Rama vowed to rid the Earth of Kshatriyas and took up arms.
— tr. M.N. Dutt (1891–96) (public domain)
MBh 7 49.44
ततः स भृगुशार्दूलः कार्तवीर्यस्य वीर्यवान्॥ विक्रम्य निजघानाशु पुत्रान् पौत्रांश्च सर्वशः।
tataḥ sa bhṛguśārdūlaḥ kārtavīryasya vīryavān|| vikramya nijaghānāśu putrān pautrāṃśca sarvaśaḥ|
Then that foremost of the Bhrigus, endued with great energy, displaying his prowess, quickly killed all the sons and grandsons of Kartavirya.
— tr. M.N. Dutt (1891–96) (public domain)
MBh 7 49.45
स हैहयसहस्राणि हत्वा परममन्युमान्॥ चकार भार्गवो राजन् महीं शोणितकर्दमाम्।
sa haihayasahasrāṇi hatvā paramamanyumān|| cakāra bhārgavo rājan mahīṃ śoṇitakardamām|
Killing thousand of Haihayas in anger, the descendant of Bhrigu, o king, covered the Earth with blood.
— tr. M.N. Dutt (1891–96) (public domain)
MBh 7 49.46
स तथाऽऽशु महातेजाः कृत्वा निःक्षत्रियां महीम्।।५४। कृपया परयाऽऽविष्टो वनमेव जगाम ह।
sa tathā''śu mahātejāḥ kṛtvā niḥkṣatriyāṃ mahīm||54| kṛpayā parayā''viṣṭo vanameva jagāma ha|
Highly energetic, he speedily freed the Earth of all Kshatriyas. Filled then with pity, he retired into the woods.
— tr. M.N. Dutt (1891–96) (public domain)
MBh 7 49.47
ततो वर्षसहस्रेषु समतीतेषु केषुचित्॥ क्षेपं सम्प्राप्तवांस्तत्र प्रकृत्या कोपन: प्रभुः।
tato varṣasahasreṣu samatīteṣu keṣucit|| kṣepaṃ samprāptavāṃstatra prakṛtyā kopana: prabhuḥ|
Afterwards, after the expiry of some thousands of years, the powerful Rama, who was angry by nature, was accused of cowardice.
— tr. M.N. Dutt (1891–96) (public domain)
MBh 7 49.48
विश्वामित्रस्य पौत्रस्तु रैभ्यपुत्रो महातपाः।। परावसुर्महाराज क्षिप्त्वाऽऽह जनसंसदि। ये ते ययातिपतने यज्ञे सन्तः समागताः॥ प्रतर्दनप्रभृतयो राम किं क्षत्रिया न ते।
viśvāmitrasya pautrastu raibhyaputro mahātapāḥ|| parāvasurmahārāja kṣiptvā''ha janasaṃsadi| ye te yayātipatane yajñe santaḥ samāgatāḥ|| pratardanaprabhṛtayo rāma kiṃ kṣatriyā na te|
The grandson of Vishvamitra and son of Raivya, possessed of great ascetic merit, named Paravasu, O king, began to accuse Rama publicly, saying,-O Rama, were not those pious men, viz., Pratardana and others, who were assembled at a sacrifice at the time of Yayati's death, Kshatriyas by birth?
— tr. M.N. Dutt (1891–96) (public domain)
MBh 7 49.49
मिथ्याप्रतिज्ञो राम त्वं कत्थसे जनसंसदि॥ भयात् क्षत्रियवीराणां पर्वतं समुपाश्रितः।
mithyāpratijño rāma tvaṃ katthase janasaṃsadi|| bhayāt kṣatriyavīrāṇāṃ parvataṃ samupāśritaḥ|
You are not truthful, O Rama! You simply brag before people. For fear of Kshatriya heroes you have betaken yourself to the mountains.
— tr. M.N. Dutt (1891–96) (public domain)
MBh 7 49.50
सा पुनः क्षत्रियशतैः पृथिवी सर्वतः स्तृता॥ परावसोर्वचः श्रुत्वा शस्त्रं जग्राह भार्गवः।
sā punaḥ kṣatriyaśataiḥ pṛthivī sarvataḥ stṛtā|| parāvasorvacaḥ śrutvā śastraṃ jagrāha bhārgavaḥ|
Hearing these words of Paravashu, the descendant of Bhrigu, once more took up arms and once more covered the Earth with hundreds of Kshatriya bodies.
— tr. M.N. Dutt (1891–96) (public domain)
MBh 7 49.51
ततो ये क्षत्रिया राजन् शतशस्तेन वर्जिताः॥ ते विवृद्धा महावीर्याः पृथिवीपतयोऽभवन्।
tato ye kṣatriyā rājan śataśastena varjitāḥ|| te vivṛddhā mahāvīryāḥ pṛthivīpatayo'bhavan|
Those Kshatriyas, however, king counting by hundreds, that were not killed by Rama, multiplied (in time) and became powerful monarchs on Earth.
— tr. M.N. Dutt (1891–96) (public domain)
MBh 7 49.52
स पुनस्ताञ्जघानाशु बालानपि नराधिप॥ गर्भस्थैस्तु मही व्याप्ता पुनरेवाभवत् तदा।
sa punastāñjaghānāśu bālānapi narādhipa|| garbhasthaistu mahī vyāptā punarevābhavat tadā|
Rama once more killed them quickly, not sparing even the very children, O king. The Earth again was covered with the bodies of Kshatriya children of premature birth.
— tr. M.N. Dutt (1891–96) (public domain)
MBh 7 49.53
जातं जातं स गर्भं तु पुनरेव जघान ह॥ अरक्षंश्च सुतान् कांश्चित् तदा क्षत्रिययोषितः।
jātaṃ jātaṃ sa garbhaṃ tu punareva jaghāna ha|| arakṣaṃśca sutān kāṃścit tadā kṣatriyayoṣitaḥ|
As soon as Kshatriya children were born, Rama killed them. Some Kshatriya ladies, however, succeeded in hiding their children from Rama.
— tr. M.N. Dutt (1891–96) (public domain)
MBh 7 49.54
त्रिःसप्तकृत्वः पृथिवीं कृत्वा निःक्षत्रियां प्रभुः॥ दक्षिणामश्वमेधान्ते कश्यपायाददत् ततः।
triḥsaptakṛtvaḥ pṛthivīṃ kṛtvā niḥkṣatriyāṃ prabhuḥ|| dakṣiṇāmaśvamedhānte kaśyapāyādadat tataḥ|
Having made the Earth shorn of Kshatriyas for twenty-one times, the powerful Bhargava, at the completion of a horse-sacrifice, gave away the Earth the Earth as sacrificial present to Kashyapa.
— tr. M.N. Dutt (1891–96) (public domain)
MBh 7 49.55
स क्षत्रियाणां शेषार्थं करेणोद्दिश्य कश्यपः॥ स्रुक्प्रग्रहवता राजंस्ततो वाक्यमथाब्रवीत्। गच्छ तीरं समुद्रस्य दक्षिणस्य महामुने॥ न ते मद् विषये राम वस्तव्यमिह कर्हिचित्।
sa kṣatriyāṇāṃ śeṣārthaṃ kareṇoddiśya kaśyapaḥ|| srukpragrahavatā rājaṃstato vākyamathābravīt| gaccha tīraṃ samudrasya dakṣiṇasya mahāmune|| na te mad viṣaye rāma vastavyamiha karhicit|
For preserving the residence of the Kshatriyas, Kashyapa, O king, pointing with his hand that still held the sacrificial ladle, said these words,-Ogreat sage, go to the shores of the southern ocean. You should not, O Rama, live within my kingdom.
— tr. M.N. Dutt (1891–96) (public domain)
MBh 7 49.56
ततः शूर्पारकं देशं सागरस्तस्य निर्ममे॥ सहसा जामदग्न्यस्य सोऽपरान्तमहीतलम्।
tataḥ śūrpārakaṃ deśaṃ sāgarastasya nirmame|| sahasā jāmadagnyasya so'parāntamahītalam|
At these words, Ocean all on a sudden made for Jamadagni's son, on his other shore, a region called Surparaka.
— tr. M.N. Dutt (1891–96) (public domain)
MBh 7 49.57
कश्यपस्तां महाराज प्रतिगृह्य वसुन्धराम्॥ कृत्वा ब्राह्मणसंस्थां वै प्रविष्टः सुमहद् वनम्।
kaśyapastāṃ mahārāja pratigṛhya vasundharām|| kṛtvā brāhmaṇasaṃsthāṃ vai praviṣṭaḥ sumahad vanam|
Kashyapa also, O king, having accepted the Earth in gift, and made a present of it to the Brahmanas, entered into woods.
— tr. M.N. Dutt (1891–96) (public domain)
MBh 7 49.58
ततः शूद्राश्च वैश्याश्च यथा स्वैरप्रचारिणः॥ अवर्तन्त द्विजाग्र्याणां दारेषु भरतर्षभ।
tataḥ śūdrāśca vaiśyāśca yathā svairapracāriṇaḥ|| avartanta dvijāgryāṇāṃ dāreṣu bharatarṣabha|
Then Shudras and Vaishyas, began wilfully to know, O foremost of Bharata's race, the wives of Brahmanas.
— tr. M.N. Dutt (1891–96) (public domain)
MBh 7 49.59
अराजके जीवलोके दुर्बला बलवत्तरैः॥ पीड्यन्ते न हि विप्रेषु प्रभुत्वं कस्यचित् तदा।
arājake jīvaloke durbalā balavattaraiḥ|| pīḍyante na hi vipreṣu prabhutvaṃ kasyacit tadā|
When anarchy begins on Earth, the weak are oppressed by the strong, and no man is master of his own possessions.
— tr. M.N. Dutt (1891–96) (public domain)
MBh 7 49.60
ततः कालेन पृथिवी पीड्यमाना दुरात्मभिः॥ विपर्ययेण तेनाशु प्रविवेश रसातलम्। अरक्ष्यमाणा विधिवत् क्षत्रियैर्धर्मरक्षिभिः॥
tataḥ kālena pṛthivī pīḍyamānā durātmabhiḥ|| viparyayeṇa tenāśu praviveśa rasātalam| arakṣyamāṇā vidhivat kṣatriyairdharmarakṣibhiḥ||
By the course of Time, the earth was assailed by wicked men. Unprotected duly by the virtuous Kshatriyas, and oppressed by the wicked for that disorder, the Earth quickly sank to the lowest depths.
— tr. M.N. Dutt (1891–96) (public domain)
MBh 7 49.61
तां दृष्ट्वा द्रवतीं तत्र संत्रासात् स महामनाः। ऊरुणा धारयामास कश्यपः पृथिवीं ततः॥ धृता तेनोरुणा येन तेनोर्वाति मही स्मृता।
tāṃ dṛṣṭvā dravatīṃ tatra saṃtrāsāt sa mahāmanāḥ| ūruṇā dhārayāmāsa kaśyapaḥ pṛthivīṃ tataḥ|| dhṛtā tenoruṇā yena tenorvāti mahī smṛtā|
Seeing the Earth sinking from fear, the great Kashyapa held her on his lap; and because the great Rishi held her on his lap (uru) therefore is the Earth known by the name of Urvi.
— tr. M.N. Dutt (1891–96) (public domain)
MBh 7 49.62
रक्षणार्थं समुद्दिश्य ययाचे पृथिवी तदा॥ प्रसाद्य कश्यपं देवी वरयामास भूमिपम्।
rakṣaṇārthaṃ samuddiśya yayāce pṛthivī tadā|| prasādya kaśyapaṃ devī varayāmāsa bhūmipam|
The goddess Earth for securing protection, pleased Kashyapa and begged of him a king.
— tr. M.N. Dutt (1891–96) (public domain)
MBh 7 49.63
पृथिव्युवाच सन्ति ब्रह्मन् मया गुप्ताः स्त्रीषु क्षत्रियपुङ्गवाः॥ हैहयानां कुले जातास्ते संरक्षन्तु मां मुने।
pṛthivyuvāca santi brahman mayā guptāḥ strīṣu kṣatriyapuṅgavāḥ|| haihayānāṃ kule jātāste saṃrakṣantu māṃ mune|
The Earth said-There are, O Rishi, some leading Kshatriyas concealed by me among women. They were born in the family of the Haihayas. Let them, O sage, protect me.
— tr. M.N. Dutt (1891–96) (public domain)
MBh 7 49.64
अस्ति पौरवदायादो विदूरथसुतः प्रभो॥ ऋक्षैः संवर्धितो विप्र ऋक्षवत्यथ पर्वते।
asti pauravadāyādo vidūrathasutaḥ prabho|| ṛkṣaiḥ saṃvardhito vipra ṛkṣavatyatha parvate|
There is another person of Puru's family, viz., Viduratha's son, O powerful one, who has been brought up among bears in the Rikshavat mountains.
— tr. M.N. Dutt (1891–96) (public domain)
MBh 7 49.65
तथानुकम्पमानेन यज्वनाथामितौजसा॥ पराशरेण दायादः सौदासस्याभिरक्षितः।
tathānukampamānena yajvanāthāmitaujasā|| parāśareṇa dāyādaḥ saudāsasyābhirakṣitaḥ|
Another, viz., the son of Saudasa, has been protected, through pity, by the highly energetic Parashara ever engaged in sacrifices.
— tr. M.N. Dutt (1891–96) (public domain)
MBh 7 49.66
सर्वकर्माणि कुरुते शूद्रवत् तस्य स द्विजः॥ सर्वकर्मेत्यभिख्यातः स मां रक्षतु पार्थिवः।
sarvakarmāṇi kurute śūdravat tasya sa dvijaḥ|| sarvakarmetyabhikhyātaḥ sa māṃ rakṣatu pārthivaḥ|
Though born in the family of a twice-born one, yet like a Shudra he does everything for that Rishi and has, therefore been named servant of all work.
— tr. M.N. Dutt (1891–96) (public domain)
MBh 7 49.67
शिबिपुत्रो महातेजा गोपतिर्नाम नामतः॥ वने संवर्धितो गोभिः सोऽभिरक्षतु मां मुने।
śibiputro mahātejā gopatirnāma nāmataḥ|| vane saṃvardhito gobhiḥ so'bhirakṣatu māṃ mune|
Shivi's energetic son Gopati, has, been brought up in the forest among kine. Let him, O sage, protect me.
— tr. M.N. Dutt (1891–96) (public domain)
MBh 7 49.68
प्रतर्दनस्य पुत्रस्तु वत्सो नाम महाबलः॥ वत्सैः संवर्धितो गोष्ठे स मां रक्षतु पार्थिवः।
pratardanasya putrastu vatso nāma mahābalaḥ|| vatsaiḥ saṃvardhito goṣṭhe sa māṃ rakṣatu pārthivaḥ|
Pratradana's highly powerful son named Vatsa has been brought up among calves in a cowpen. Let that Kshatriya protect me.
— tr. M.N. Dutt (1891–96) (public domain)
MBh 7 49.69
दधिवाहनपौत्रस्तु पुत्रो दिविरथस्य च॥ गुप्तः स गौतमेनासीद् गङ्गाकूलेऽभिरक्षितः।
dadhivāhanapautrastu putro divirathasya ca|| guptaḥ sa gautamenāsīd gaṅgākūle'bhirakṣitaḥ|
Dadhivahana's grandson and Diviratha's son was kept hidden on the banks of Ganga by the sage Gautama.
— tr. M.N. Dutt (1891–96) (public domain)
MBh 7 49.70
बृहद्रथो महातेजा भूरिभूतिपरिष्कृतः॥ गोलाङ्गलैर्महाभागो गृध्रकूटेऽभिरक्षितः।
bṛhadratho mahātejā bhūribhūtipariṣkṛtaḥ|| golāṅgalairmahābhāgo gṛdhrakūṭe'bhirakṣitaḥ|
His name is Brihadratha. Possessed of great energy and endued with numerous accomplishments, that blessed princes has been protected by wolves and the mountains of Griddhrakuta.
— tr. M.N. Dutt (1891–96) (public domain)
MBh 7 49.71
मरुत्तस्यान्ववाये च रक्षिता: क्षत्रियात्मजाः॥ मरुत्पतिसमा वीर्ये समुद्रेणाभिरक्षिताः।
maruttasyānvavāye ca rakṣitā: kṣatriyātmajāḥ|| marutpatisamā vīrye samudreṇābhirakṣitāḥ|
Many Kshatriyas of the race of Marutta have been protected. Equally energetic like the lord of Maruts, they have been brought up by Ocean.
— tr. M.N. Dutt (1891–96) (public domain)
MBh 7 49.72
एते क्षत्रियदायादास्तत्र तत्र परिश्रुताः॥ धोकारहेमकारादिजातिं नित्यं समाश्रिताः। यदि मामभिरक्षन्ति ततः स्थास्यामि निश्चला॥
ete kṣatriyadāyādāstatra tatra pariśrutāḥ|| dhokārahemakārādijātiṃ nityaṃ samāśritāḥ| yadi māmabhirakṣanti tataḥ sthāsyāmi niścalā||
These children of the Kshatriyas have been heard of as housing in different places. They are residing with artisans and goldsmiths. If they protect me I shall then remain unmoved.
— tr. M.N. Dutt (1891–96) (public domain)
MBh 7 49.73
एतेषां पितरश्चैव तथैव च पितामहाः। मदर्थं निहता युद्धे रामेणाक्लिश्कर्मणा॥ तेषामपचितिश्चैव मया कार्या महामुने।
eteṣāṃ pitaraścaiva tathaiva ca pitāmahāḥ| madarthaṃ nihatā yuddhe rāmeṇākliśkarmaṇā|| teṣāmapacitiścaiva mayā kāryā mahāmune|
Their fathers and grandfathers have been killed for my sake by the highly powerful Rama. It is my duty, O great sage, to see that their funeral rites are properly performed.
— tr. M.N. Dutt (1891–96) (public domain)
MBh 7 49.74
न ह्यहं कामये नित्यमतिक्रान्तेन रक्षणम्। वर्तमानेन वर्तेयं तत् क्षिप्रं संविधीयताम्॥
na hyahaṃ kāmaye nityamatikrāntena rakṣaṇam| vartamānena varteyaṃ tat kṣipraṃ saṃvidhīyatām||
I do not desire that I should be protected by my present kings. Do you, O sage, quickly make such arrangements that I may remain (as before).
— tr. M.N. Dutt (1891–96) (public domain)
MBh 7 49.75
वासुदेव उवाच ततः पृथिव्या निर्दिशंस्तान् समानीय कश्यपः। अभ्यषिञ्चन्महीपालान् क्षत्रियान् वीर्यसम्मतान्॥
vāsudeva uvāca tataḥ pṛthivyā nirdiśaṃstān samānīya kaśyapaḥ| abhyaṣiñcanmahīpālān kṣatriyān vīryasammatān||
Vasudeva said are Then finding out those energetic Kshatriyas whom the goddess had named, the sage Kashyapa installed them duly as kings.
— tr. M.N. Dutt (1891–96) (public domain)
MBh 7 49.76
तेषां पुत्राश्च पौत्राश्च येषां वंशाः प्रतिष्ठिताः। एवमेतत् पुरावृत्तं यन्मां पृच्छसि पाण्डव॥
teṣāṃ putrāśca pautrāśca yeṣāṃ vaṃśāḥ pratiṣṭhitāḥ| evametat purāvṛttaṃ yanmāṃ pṛcchasi pāṇḍava||
Those Kshatriya races that are now in existence the offsprings of those princes.-What you have questioned me son of Pandu, thus took place in days of yore.
— tr. M.N. Dutt (1891–96) (public domain)
MBh 7 49.77
वैशम्पायन उवाच एवं ब्रुवंस्तं च यदुप्रवीरो युधिष्ठिरं धर्मभृतां वरिष्ठम्। रथेन तेनाशु ययौ महात्मा दिशः प्रकाशम्भगवानिवार्कः॥
vaiśampāyana uvāca evaṃ bruvaṃstaṃ ca yadupravīro yudhiṣṭhiraṃ dharmabhṛtāṃ variṣṭham| rathena tenāśu yayau mahātmā diśaḥ prakāśambhagavānivārkaḥ||
Vaishampayana said, Conversing thus with Yudhishthira, that foremost of pious men, the great Yadava hero proceeded quickly on thai car lighting up all the quarters like the divine Sun himself.
— tr. M.N. Dutt (1891–96) (public domain)