Mahabharata — Volume VII (Dutt edition) — Chapter 45
MBh 7 45.1
जनमेजय उवाच प्राप्य राज्यं महाबाहुर्धर्मपुत्रौ युधिष्ठिरः। यदन्यदकरोद् विप्र तन्मे वक्तुमिहार्हसि॥
janamejaya uvāca prāpya rājyaṃ mahābāhurdharmaputrau yudhiṣṭhiraḥ| yadanyadakarod vipra tanme vaktumihārhasi||
Janamejaya said You should, O learned Brahmana, tell me what was next done by Yudhishthira the mighty-armed son of Dharma after he had regained his kingdom.
— tr. M.N. Dutt (1891–96) (public domain)
MBh 7 45.2
भगवान् वा हृषीकेशस्त्रैलोक्यस्य परो गुरुः। ऋषे यदकरोद्वीरस्तच्च व्याख्यातुमर्हसि॥
bhagavān vā hṛṣīkeśastrailokyasya paro guruḥ| ṛṣe yadakarodvīrastacca vyākhyātumarhasi||
You should tell me also, O Rishi, what the heroic Hrishikesha, the supreme lord of the three worlds, did after this.
— tr. M.N. Dutt (1891–96) (public domain)
MBh 7 45.3
वैशम्पायन उवाच शृणु तत्त्वेन राजेन्द्र कीर्त्यमानं मयानघ। वासुदेवं पुरस्कृत्य यदकुर्वत पाण्डवाः॥
vaiśampāyana uvāca śṛṇu tattvena rājendra kīrtyamānaṃ mayānagha| vāsudevaṃ puraskṛtya yadakurvata pāṇḍavāḥ||
Hear me, O king, as I narrate fully, O sinless one, what the Pandavas, headed by Vasudeva did after this.
— tr. M.N. Dutt (1891–96) (public domain)
MBh 7 45.4
प्राप्य राज्यं महाराज कुन्तीपुत्रो युधिष्ठिरः। चातुर्वण्र्यं यथायोग्यं स्वे स्वे स्थाने न्यवेशयत्॥
prāpya rājyaṃ mahārāja kuntīputro yudhiṣṭhiraḥ| cāturvaṇryaṃ yathāyogyaṃ sve sve sthāne nyaveśayat||
Having regained his kingdom, O monarch, Kunti's son Yudhishthira made each of the four orders of men perform their respective duties.
— tr. M.N. Dutt (1891–96) (public domain)
MBh 7 45.5
ब्राह्मणानां सहस्रं च स्नातकानां महात्मनाम्। सहस्रं निष्कमेकैकं दापयामास पाण्डवः॥
brāhmaṇānāṃ sahasraṃ ca snātakānāṃ mahātmanām| sahasraṃ niṣkamekaikaṃ dāpayāmāsa pāṇḍavaḥ||
The (eldest) son of Pandu gave a thousand great Brahmanas of the Snataka order a thousand gold coins each.
— tr. M.N. Dutt (1891–96) (public domain)
MBh 7 45.6
तथाऽनुजीविनो भृत्यान् संश्रितानतिथीनपि। कामैः संतर्पयामास कृपणांस्तर्ककानपि॥
tathā'nujīvino bhṛtyān saṃśritānatithīnapi| kāmaiḥ saṃtarpayāmāsa kṛpaṇāṃstarkakānapi||
He then pleased the servants who were dependent on him and the guests who came to him, including persons who were undeserving, by satisfying their wishes.
— tr. M.N. Dutt (1891–96) (public domain)
MBh 7 45.7
पुरोहिताय धौम्याय प्रादादयुतशः स गा:। धनं सुवर्ण रजतं वासांसि विविधान्यपि॥
purohitāya dhaumyāya prādādayutaśaḥ sa gā:| dhanaṃ suvarṇa rajataṃ vāsāṃsi vividhānyapi||
He gave to his priest Dhaumya kine in thousands, and immense wealth and gold and silver and dresses of various kinds.
— tr. M.N. Dutt (1891–96) (public domain)
MBh 7 45.8
कृपाय च महाराज गुरुवृत्तिमवर्तत। विदुराय च राजासौ पूजां चक्रे यतव्रतः॥
kṛpāya ca mahārāja guruvṛttimavartata| vidurāya ca rājāsau pūjāṃ cakre yatavrataḥ||
O monarch, the king treated Kripa like a preceptor. Ever observing vows the king continued to honour Vidura highly.
— tr. M.N. Dutt (1891–96) (public domain)
MBh 7 45.9
भक्ष्यानपानैर्विविधसैर्वासोभिः शयनासनैः। सर्वान् संतोषयामास संश्रितान् ददतां वरः॥
bhakṣyānapānairvividhasairvāsobhiḥ śayanāsanaiḥ| sarvān saṃtoṣayāmāsa saṃśritān dadatāṃ varaḥ||
That foremost of charitable men satisfied all persons with presents of food and drink and dresses of various kinds and beds and seats.
— tr. M.N. Dutt (1891–96) (public domain)
MBh 7 45.10
लब्धप्रशमनं कृत्वा स राजा राजसत्तम। युयुत्सोर्धार्तराष्ट्रस्य पूजां चक्रे महायशाः॥
labdhapraśamanaṃ kṛtvā sa rājā rājasattama| yuyutsordhārtarāṣṭrasya pūjāṃ cakre mahāyaśāḥ||
Having restored peace to his kingdom the highly illustrious king, O best of monarchs, paid due honours to Yuyutsu and Dhritarashtra.
— tr. M.N. Dutt (1891–96) (public domain)
MBh 7 45.11
धृतराष्ट्राय तद् राज्यं गान्धार्थ विदुराय च। निवेद्य सुस्थवद् राजा सुखमास्ते युधिष्ठिरः॥
dhṛtarāṣṭrāya tad rājyaṃ gāndhārtha vidurāya ca| nivedya susthavad rājā sukhamāste yudhiṣṭhiraḥ||
Placing his kingdom at the disposal of Dhritarashtra, of Gandhari, and of Vidura, king Yudhishthira spent his days happily.
— tr. M.N. Dutt (1891–96) (public domain)
MBh 7 45.12
तथा सर्वं स नगरं प्रसाद्य भरतर्षभ। वासुदेवं महात्मानमभ्यगच्छत् कृताञ्जलिः॥
tathā sarvaṃ sa nagaraṃ prasādya bharatarṣabha| vāsudevaṃ mahātmānamabhyagacchat kṛtāñjaliḥ||
Having pleased everybody, including the citizens, in this way, Yudhishthira, O foremost of Bharata's race, approached with joined hands the presence of the great Vasudeva.
— tr. M.N. Dutt (1891–96) (public domain)
MBh 7 45.13
ततो महति पर्यङ्के मणिकाञ्चनभूषिते। ददर्श कृष्णमासीनं नीलमेघसमद्युतिम्॥
tato mahati paryaṅke maṇikāñcanabhūṣite| dadarśa kṛṣṇamāsīnaṃ nīlameghasamadyutim||
He saw Krishna, of the hue of a blue cloud, seated on a large sofa bedecked with gold and gems.
— tr. M.N. Dutt (1891–96) (public domain)
MBh 7 45.14
जाज्वल्यमानं वपुषा दिव्याभरणभूषितम्। पीतकौशेयवसनं हेम्नेवोपगतं मणिम्॥
jājvalyamānaṃ vapuṣā divyābharaṇabhūṣitam| pītakauśeyavasanaṃ hemnevopagataṃ maṇim||
Clad in yellow silk robes and adorned with celestial ornaments, his person shone effulgent like a jewel set on gold.
— tr. M.N. Dutt (1891–96) (public domain)
MBh 7 45.15
कौस्तुभेनोरसिस्थेन मणिनाभिविराजितम्। उद्यतेवोदयं शैलं सूर्येणाभिविराजितम्॥
kaustubhenorasisthena maṇinābhivirājitam| udyatevodayaṃ śailaṃ sūryeṇābhivirājitam||
His bosom adorned with the Kaustubha gem, he shone like the mountain with the rising Sun.
— tr. M.N. Dutt (1891–96) (public domain)
MBh 7 45.16
नौपम्यं विद्यते तस्य त्रिषु लोकेषु किंचन। सोऽभिगम्य महात्मानं विष्णुं पुरुषविग्रहम्॥ उवाध मधुरं राजा स्मितपूर्वमिदं तदा। सुखेन ते निशा कच्चिद् व्युष्टा बुद्धिमतां वर॥
naupamyaṃ vidyate tasya triṣu lokeṣu kiṃcana| so'bhigamya mahātmānaṃ viṣṇuṃ puruṣavigraham|| uvādha madhuraṃ rājā smitapūrvamidaṃ tadā| sukhena te niśā kaccid vyuṣṭā buddhimatāṃ vara||
There was no equal of his beauty in three worlds, Approaching the great one who was an incarnation of Vishnu, king Yudhishthira addressed him sweetly and smilingly saying,-'O foremost of intelligent men, have you passed the night happily?
— tr. M.N. Dutt (1891–96) (public domain)
MBh 7 45.17
कच्चिज्ज्ञानानि सर्वाणि प्रसन्नानि तवाच्युत। तथैवोपश्रिता देवी बुद्धिर्बुद्धिमतां वर॥
kaccijjñānāni sarvāṇi prasannāni tavācyuta| tathaivopaśritā devī buddhirbuddhimatāṃ vara||
O you of unfading glory, have all your faculties been fully invigorated? O foremost of intelligent persons, is it all right with your understanding?
— tr. M.N. Dutt (1891–96) (public domain)
MBh 7 45.18
वयं राज्यमनुप्राप्ताः पृथिवी च वशे स्थिता। तव प्रसादाद् भगवंस्त्रिलोकगतिविक्रम॥ जयं प्राप्ता यशश्चयं न च धर्मच्युता वयम्।
vayaṃ rājyamanuprāptāḥ pṛthivī ca vaśe sthitā| tava prasādād bhagavaṃstrilokagativikrama|| jayaṃ prāptā yaśaścayaṃ na ca dharmacyutā vayam|
We have regained our kingdom and the whole Earth has come under our sway, O divine lord, through your favour, O refuge of the three worlds and, O you of three steps. Through your favour we have gained victory and obtained great fame and have not transgressed the duties of our order.'
— tr. M.N. Dutt (1891–96) (public domain)
MBh 7 45.19
तं तथा भाषमाणं तु धर्मराजमरिंदमम्। नोवाच भगवान् किंचिद् ध्यानमेवान्वपद्यत॥
taṃ tathā bhāṣamāṇaṃ tu dharmarājamariṃdamam| novāca bhagavān kiṃcid dhyānamevānvapadyata||
The divine Krishna did not speak a single word to that chastiser of enemies, king Yudhishthira, for he was then rapt in meditation.
— tr. M.N. Dutt (1891–96) (public domain)