Mahabharata — Volume VII (Dutt edition) — Chapter 31
MBh 7 31.1
वैशम्पायन उवाच ततो राजा पाण्डुसुतो नारदं प्रत्यभाषत। भगवञ्छ्रोतुमिच्छामि सुवर्णष्ठीविसम्भवम्॥
vaiśampāyana uvāca tato rājā pāṇḍusuto nāradaṃ pratyabhāṣata| bhagavañchrotumicchāmi suvarṇaṣṭhīvisambhavam||
Vaishampayana said: The royal son of Pandu then addressed Narada, saying,-'O holy one, I wish to hear of the birth of the child whose excreta were gold.
— tr. M.N. Dutt (1891–96) (public domain)
MBh 7 31.2
एवमुक्तस्तु स मुनिर्धर्मराजेन नारदः। आचचक्षे यथावृत्तं सुवर्णष्ठीविनं प्रति॥
evamuktastu sa munirdharmarājena nāradaḥ| ācacakṣe yathāvṛttaṃ suvarṇaṣṭhīvinaṃ prati||
Thus accosted by king Yudhishthira the sage Narada began to describe to him all that had taken place about that child who passed golden excreta.
— tr. M.N. Dutt (1891–96) (public domain)
MBh 7 31.3
नारद उवाच एवमेतन्महाबाहो यथायं केशवोऽब्रवीत्। कार्यस्यास्य तु यच्छेषं तत् ते वक्ष्यामि पृच्छतः॥
nārada uvāca evametanmahābāho yathāyaṃ keśavo'bravīt| kāryasyāsya tu yaccheṣaṃ tat te vakṣyāmi pṛcchataḥ||
Narada said 'It is so, O you of mighty arms, as Keshava here has said, asked by you I shall now recite the remaining portion of this story.
— tr. M.N. Dutt (1891–96) (public domain)
MBh 7 31.4
अहं च पर्वतश्चैव स्वस्त्रीयो मे महामुनिः। वस्तुकामावभिगतौ संजयं जयतां वरम्॥
ahaṃ ca parvataścaiva svastrīyo me mahāmuniḥ| vastukāmāvabhigatau saṃjayaṃ jayatāṃ varam||
Myself, and my sister's son, the great ascetic Parvata, once came to Srinjaya, that foremost of all victorious kings, for living with him.
— tr. M.N. Dutt (1891–96) (public domain)
MBh 7 31.5
तत्रावां पूजितौ तेन विधिदृष्टेन कर्मणा। सर्वकामैः सुविहितौ निवसावोऽस्य वेश्मनि॥
tatrāvāṃ pūjitau tena vidhidṛṣṭena karmaṇā| sarvakāmaiḥ suvihitau nivasāvo'sya veśmani||
Honoured duly by him who gratified every wish of ours, we lived in his palace.
— tr. M.N. Dutt (1891–96) (public domain)
MBh 7 31.6
व्यतिक्रान्तासु वर्षासु समये गमनस्य च। पर्वतो मामुवाचेदं काले वचनमर्थवत्॥
vyatikrāntāsu varṣāsu samaye gamanasya ca| parvato māmuvācedaṃ kāle vacanamarthavat||
After the rains had gone, and when the time for our own departure arrived, Parvata said to me these weighty words suitable to the hour.
— tr. M.N. Dutt (1891–96) (public domain)
MBh 7 31.7
आवामस्य नरेन्द्रस्य गृहे परमपूजितौ। उषितौ समये ब्रह्मस्तद् विचिन्तय साम्प्रतम्॥
āvāmasya narendrasya gṛhe paramapūjitau| uṣitau samaye brahmastad vicintaya sāmpratam||
We have, O Brahmana, lived in the house of this king for some time, highly respected by him. Think of what return we should make.
— tr. M.N. Dutt (1891–96) (public domain)
MBh 7 31.8
ततोऽहमब्रवं राजन् पर्वतं शुभदर्शनम्। सर्वमेतत् त्वयि विभो भागिनेयोपपद्यते॥
tato'hamabravaṃ rājan parvataṃ śubhadarśanam| sarvametat tvayi vibho bhāgineyopapadyate||
I then, O king, said to Parvata,-O nephew, it is really like you, and, O ye of great power, all this depends upon yourself.
— tr. M.N. Dutt (1891–96) (public domain)
MBh 7 31.9
वरेण च्छन्द्यतां राजा लभतां यद् यदिच्छति। आवयोस्तपसा सिद्धि प्राप्नोतु यदि मन्यसे॥
vareṇa cchandyatāṃ rājā labhatāṃ yad yadicchati| āvayostapasā siddhi prāpnotu yadi manyase||
By your boons let the king be made happy and let him obtain his wishes. Or, if you wish, let hiin be crowned with success by the power of ascetic merits of both of us.
— tr. M.N. Dutt (1891–96) (public domain)
MBh 7 31.10
तत आहूय राजानं संजयं जयतां वरम्। पर्वतोऽनुमतो वाक्यमुवाच कुरुपुङ्गव॥
tata āhūya rājānaṃ saṃjayaṃ jayatāṃ varam| parvato'numato vākyamuvāca kurupuṅgava||
After this, Parvata having summoned king Srinjaya, that foremost of victorious persons, said to him these words, O foremost of Kurus:प्रीतौ स्वो नृप सत्कारैर्भवदार्जवसम्भृतैः।
— tr. M.N. Dutt (1891–96) (public domain)
MBh 7 31.11
आवाभ्यामभ्यनुज्ञातो वरं नृवर चिन्तय॥
āvābhyāmabhyanujñāto varaṃ nṛvara cintaya||
We have been highly gratified, O king, with your hospitality given with every sincerity. With our permission, O foremost of men, think of the boon you should pray.
— tr. M.N. Dutt (1891–96) (public domain)
MBh 7 31.12
देवानामविहिंसायां न भवेन्मानुषक्षयम्। तद् गृहाण महाराज पूजार्हो नौ मतो भवान्॥
devānāmavihiṃsāyāṃ na bhavenmānuṣakṣayam| tad gṛhāṇa mahārāja pūjārho nau mato bhavān||
Let the boon, however, be such that it may not create enmity with the gods or bring on destruction to men. Accept then, O king, a boon, for you deserved one as we think.
— tr. M.N. Dutt (1891–96) (public domain)
MBh 7 31.13
संजय उवाच प्रीतौ भवन्तौ यदि मे कृतमेतावता मम। एष एव परो लाभो निर्वृत्तो मे महाफलः॥
saṃjaya uvāca prītau bhavantau yadi me kṛtametāvatā mama| eṣa eva paro lābho nirvṛtto me mahāphalaḥ||
Hearing these words, Srinjaya replied,-If you have been pleased with me my object then has been gained, for this itself is the highest gain and the fruition of all my desires.
— tr. M.N. Dutt (1891–96) (public domain)
MBh 7 31.14
तमेवंवादिनं भूयः पर्वतः प्रत्यभाषत। वृणीष्व राजन् संकल्पं यत् ते हृदि चिरं स्थितम्॥
tamevaṃvādinaṃ bhūyaḥ parvataḥ pratyabhāṣata| vṛṇīṣva rājan saṃkalpaṃ yat te hṛdi ciraṃ sthitam||
To Srinjaya who said so, Parvata again said, —Pray, o king, for the fruition of that wish which you are cherishing in your heart for a long time.
— tr. M.N. Dutt (1891–96) (public domain)
MBh 7 31.15
संजय उवाच अभीप्सामि सुतं वीरं वीरवन्तं दृढव्रतम्) आयुष्मन्तं महाभागं देवराजसमद्युतिम्॥
saṃjaya uvāca abhīpsāmi sutaṃ vīraṃ vīravantaṃ dṛḍhavratam) āyuṣmantaṃ mahābhāgaṃ devarājasamadyutim||
Srinjaya answered, I wish to have a son who will be heroic and endued with great energy, firm in his vows and of long life, highly blessed and effulgent like the king of gods.
— tr. M.N. Dutt (1891–96) (public domain)
MBh 7 31.16
पर्वत उवाच भविष्यत्येष ते कामो न त्वायुष्मान् भविष्यति। देवराजाभिभूत्यर्थं संकल्पो ह्येष ते हृदि॥
parvata uvāca bhaviṣyatyeṣa te kāmo na tvāyuṣmān bhaviṣyati| devarājābhibhūtyarthaṃ saṃkalpo hyeṣa te hṛdi||
At this, Parvata said,-This your desire will be satisfied. Your son, however shall not live long, since you wish to have such a son for prevailing over the king of the gods.
— tr. M.N. Dutt (1891–96) (public domain)
MBh 7 31.17
ख्यातः सुवर्णष्ठीवीति पुत्रस्तव भविष्यति। रक्ष्यश्च देवराजात् स देवराजसमद्युतिः॥
khyātaḥ suvarṇaṣṭhīvīti putrastava bhaviṣyati| rakṣyaśca devarājāt sa devarājasamadyutiḥ||
Your son shall be known by the name of Suvarnashthivin. He shall be effulgent like the king of gods, but take care to protect him always from that deity.
— tr. M.N. Dutt (1891–96) (public domain)
MBh 7 31.18
तच्छुत्वा सुंजयो वाक्यं पर्वतस्य महात्मनः। प्रसादयामास तदा नैतदेवं भवेदिति॥ आयुष्मान् मे भवेत् पुत्रो भवतस्तपसा मुने। न च तं पर्वत: किंचिदुवाचेन्द्रव्यपेक्षया॥
tacchutvā suṃjayo vākyaṃ parvatasya mahātmanaḥ| prasādayāmāsa tadā naitadevaṃ bhavediti|| āyuṣmān me bhavet putro bhavatastapasā mune| na ca taṃ parvata: kiṃciduvācendravyapekṣayā||
Hearing those words of the great Parvata, Srinjaya begged that saint for ordaining otherwise, saying,-May my son live long, O Muni, through your ascetic merit.-Parvata, however, said nothing, out of his partiality for Indra.
— tr. M.N. Dutt (1891–96) (public domain)
MBh 7 31.19
तमहं नृपतिं दीनमब्रवं पुनरेव च। स्मर्तव्योऽस्मि महाराज दर्शयिष्यामि ते सुतम्॥
tamahaṃ nṛpatiṃ dīnamabravaṃ punareva ca| smartavyo'smi mahārāja darśayiṣyāmi te sutam||
Seeing the king very cheerless, I said to him,-Think of me, O king, (in your distress), and I shall promise to come when thought of by you.
— tr. M.N. Dutt (1891–96) (public domain)
MBh 7 31.20
अहं ते दयितं पुत्रं प्रेतराजवशं गतम्। पुनर्दास्यामि तद्रूपं मा शुचः पृथिवीपते॥
ahaṃ te dayitaṃ putraṃ pretarājavaśaṃ gatam| punardāsyāmi tadrūpaṃ mā śucaḥ pṛthivīpate||
Do not grieve, O king. I will give you back your beloved child alive, even if he be dead.
— tr. M.N. Dutt (1891–96) (public domain)
MBh 7 31.21
एवमुक्त्वा तु नृपतिं प्रयातौ स्वो यथेप्सितम्। संजयश्च यथाकामं प्रविवेश स्वमन्दिरम्॥
evamuktvā tu nṛpatiṃ prayātau svo yathepsitam| saṃjayaśca yathākāmaṃ praviveśa svamandiram||
Having said so to that king both of us left him for coming to where we wished, and Srinjaya returned to his palace.
— tr. M.N. Dutt (1891–96) (public domain)
MBh 7 31.22
संजयस्याथ राजर्षेः कस्मिंश्चित् कालपर्यये। जज्ञे पुत्रो महावीर्यस्तेजसा प्रज्वलन्निव॥
saṃjayasyātha rājarṣeḥ kasmiṃścit kālaparyaye| jajñe putro mahāvīryastejasā prajvalanniva||
After some time had passed, the royal sage Srinjaya had born unto him a highly powerful and energetic son.
— tr. M.N. Dutt (1891–96) (public domain)
MBh 7 31.23
ववृधे स यथाकालं सरसीव महोत्पलम्। बभूव काञ्चनष्ठीवी यथार्थं नाम तस्य तत्॥
vavṛdhe sa yathākālaṃ sarasīva mahotpalam| babhūva kāñcanaṣṭhīvī yathārthaṃ nāma tasya tat||
The child grew up like a large lotus in a lake, and became Suvarnashthivin in reality as well as in name.
— tr. M.N. Dutt (1891–96) (public domain)
MBh 7 31.24
तदद्भुततमं लोके पप्रथे कुरुसत्तम। बुबुधे तच्च देवेन्द्रो वरदानं महर्षितः॥
tadadbhutatamaṃ loke paprathe kurusattama| bubudhe tacca devendro varadānaṃ maharṣitaḥ||
This wonderful fact, O best of the Kurus, soon became widely known over the world. The king of the gods also learnt of it as the outcome of Paravata's boon.
— tr. M.N. Dutt (1891–96) (public domain)
MBh 7 31.25
ततः स्वाभिभवाद् भीतो बृहस्पतिमते स्थितः। कुमारस्यान्तरप्रेक्षी बभूव बलवृत्रहा॥
tataḥ svābhibhavād bhīto bṛhaspatimate sthitaḥ| kumārasyāntaraprekṣī babhūva balavṛtrahā||
Fearing humiliation the slayer of Vala and Vritra began to watch for the loopholes in that prince.
— tr. M.N. Dutt (1891–96) (public domain)
MBh 7 31.26
चोदयामास तद् वज्रं दिव्यास्त्रं मूर्तिमत् स्थितम्। व्याघ्रो भूत्वा जहीमं त्वं राजपुत्रमिति प्रभो॥
codayāmāsa tad vajraṃ divyāstraṃ mūrtimat sthitam| vyāghro bhūtvā jahīmaṃ tvaṃ rājaputramiti prabho||
He commanded his celestial weapon Thunder, standing before him, in embodied from saying,-Go, O powerful one, and assuming the form of a tiger kill this prince.
— tr. M.N. Dutt (1891–96) (public domain)
MBh 7 31.27
प्रवृद्धः किल वीर्येण मामेषोऽभिभविष्यति। संजयस्य सुतो वज्र यथैनं पर्वतोऽब्रवीत्॥ एवमुक्तस्तु शक्रेण वज्रः परपुरज्जयः। कुमारमन्तरप्रेक्षी नित्यमेवान्वपद्यत॥
pravṛddhaḥ kila vīryeṇa māmeṣo'bhibhaviṣyati| saṃjayasya suto vajra yathainaṃ parvato'bravīt|| evamuktastu śakreṇa vajraḥ parapurajjayaḥ| kumāramantaraprekṣī nityamevānvapadyata||
When grown up, this child of Srinjaya may, by his deeds humiliate me, O Thunder, as Parvata had said, thus addressed by Shakra, the celestial weapon Thunder, the subjugator of enemy's towns, began from that day to continually watch for the weak points of the prince.
— tr. M.N. Dutt (1891–96) (public domain)
MBh 7 31.28
संजयोऽपि सुतं प्राप्य देवराजसमद्युतिम्। हृष्टः सान्तःपुरो राजा वननित्यो बभूव ह॥
saṃjayo'pi sutaṃ prāpya devarājasamadyutim| hṛṣṭaḥ sāntaḥpuro rājā vananityo babhūva ha||
Srinjaya, meanwhile, having obtained that child who was effulgent like Indra himself, became filled with joy. The king, accompanied by his wives, and the other ladies of his household, took up his quarter in the midst of a forest.
— tr. M.N. Dutt (1891–96) (public domain)
MBh 7 31.29
ततो भागीरथीतीरे कदाचिनिर्जने वने। धात्रीद्वितीयो बालः स क्रीडार्थं पर्यधावत॥
tato bhāgīrathītīre kadācinirjane vane| dhātrīdvitīyo bālaḥ sa krīḍārthaṃ paryadhāvata||
One day, on the bank of the Bhagirathi, the boy accompanied by his nurse, ran here and there in play.
— tr. M.N. Dutt (1891–96) (public domain)
MBh 7 31.30
पञ्चवर्षकदेशीयो बालो नागेन्द्रविक्रमः। सहसोत्पतितं व्याघ्रमाससाद महाबलम्॥
pañcavarṣakadeśīyo bālo nāgendravikramaḥ| sahasotpatitaṃ vyāghramāsasāda mahābalam||
Though only five years' old, his prowess, even then, resembled that of a powerful elephant. While thus playing the child met a powerful tiger that attacked him suddenly.
— tr. M.N. Dutt (1891–96) (public domain)
MBh 7 31.31
स बालस्तेन निष्पिष्टो वेपमानो नृपात्मजः। व्यसुः पपात मेदिन्यां ततो धात्री विचुक्रुशे॥
sa bālastena niṣpiṣṭo vepamāno nṛpātmajaḥ| vyasuḥ papāta medinyāṃ tato dhātrī vicukruśe||
The infant prince trembled greatly as he was being mangled by the tiger and soon fell down dead on the Earth. Seeing in the nurse cried aloud in grief.
— tr. M.N. Dutt (1891–96) (public domain)
MBh 7 31.32
हत्वा तु राजपुत्रं स तत्रैवान्तरधीयत। शार्दूलो देवराजस्य माययान्तर्हितस्तदा॥
hatvā tu rājaputraṃ sa tatraivāntaradhīyata| śārdūlo devarājasya māyayāntarhitastadā||
Having killed the prince, the tiger through Indra's powers of delusion, vanished there and then.
— tr. M.N. Dutt (1891–96) (public domain)
MBh 7 31.33
धात्र्यास्तु निनदं श्रुत्वा रुदत्याः परमार्तवत्। अभ्यधावत तं देशं स्वयमेव महीपतिः॥
dhātryāstu ninadaṃ śrutvā rudatyāḥ paramārtavat| abhyadhāvata taṃ deśaṃ svayameva mahīpatiḥ||
Hearing the cries of the nurse, the king in great anxiety ran there.
— tr. M.N. Dutt (1891–96) (public domain)
MBh 7 31.34
स ददर्श शयानं तं गतासुं पीतशोणितम्। कुमारं विगतानन्दं निशाकरमिव च्युतम्॥
sa dadarśa śayānaṃ taṃ gatāsuṃ pītaśoṇitam| kumāraṃ vigatānandaṃ niśākaramiva cyutam||
He saw his son there, his blood quaffed off and lying dead on the ground like the moon dropped from the sky.
— tr. M.N. Dutt (1891–96) (public domain)
MBh 7 31.35
स तमुत्सङ्गमारोप्य परिपीडितमानसः। पुत्रं रुधिरसंसिक्तं पर्यदेवयदातुरः॥
sa tamutsaṅgamāropya paripīḍitamānasaḥ| putraṃ rudhirasaṃsiktaṃ paryadevayadāturaḥ||
Taking up on his lap the boy bathed in blood, and the king, with heart stricken with grief, began to lament piteously.
— tr. M.N. Dutt (1891–96) (public domain)
MBh 7 31.36
ततस्ता मातरस्तस्य रुदत्यः शोककर्शिताः। अभ्यधावन्त तं देशं यत्र राजा स संजयः॥
tatastā mātarastasya rudatyaḥ śokakarśitāḥ| abhyadhāvanta taṃ deśaṃ yatra rājā sa saṃjayaḥ||
The queen also smitten with sorrow, and crying, quickly ran where king Srinjaya was.
— tr. M.N. Dutt (1891–96) (public domain)
MBh 7 31.37
ततः स राजा सस्मार मामेव गतमानसः। तदाहं चिन्तनं ज्ञात्वा गतवांस्तस्य दर्शनम्॥
tataḥ sa rājā sasmāra māmeva gatamānasaḥ| tadāhaṃ cintanaṃ jñātvā gatavāṃstasya darśanam||
In that plight the king thought of me with rapt attention. Knowing that the king was thinking of me I appeared before him.
— tr. M.N. Dutt (1891–96) (public domain)
MBh 7 31.38
मयैतानि च वाक्यानि श्रावितः शोकलालसः। यानि ते यदुवीरेण कथितानि महीपते॥
mayaitāni ca vākyāni śrāvitaḥ śokalālasaḥ| yāni te yaduvīreṇa kathitāni mahīpate||
Assailed with grief as the king was, I recounted to him all those stories, O king, that this hero of Yadu's race has already recited to you.
— tr. M.N. Dutt (1891–96) (public domain)
MBh 7 31.39
संजीवितश्चापि पुनर्वासवानुमते तदा। भवितव्यं तथा तच्च न तच्छक्यमतोऽन्यथा॥
saṃjīvitaścāpi punarvāsavānumate tadā| bhavitavyaṃ tathā tacca na tacchakyamato'nyathā||
I restored Srinjaya's child to life with Indra's permission. That which is ordained must take place. It is impossible to make it otherwise.
— tr. M.N. Dutt (1891–96) (public domain)
MBh 7 31.40
तत ऊर्ध्वं कुमारस्तु स्वर्णष्ठीवी महायशाः। चित्तं प्रसादयामास पितुर्मातुश्च वीर्यवान्॥
tata ūrdhvaṃ kumārastu svarṇaṣṭhīvī mahāyaśāḥ| cittaṃ prasādayāmāsa piturmātuśca vīryavān||
After this prince Suvarnashthivin of great renown and power began to gladden the hearts of his parents.
— tr. M.N. Dutt (1891–96) (public domain)
MBh 7 31.41
कारयामास राज्यं च पितरि स्वर्गते नृपा वर्षाणां शतमेकं च सहस्रं भीमविक्रमः॥
kārayāmāsa rājyaṃ ca pitari svargate nṛpā varṣāṇāṃ śatamekaṃ ca sahasraṃ bhīmavikramaḥ||
Of great prowess, he ascended the throne of his father after the latter had died, and reigned for one thousand and one hundred years.
— tr. M.N. Dutt (1891–96) (public domain)
MBh 7 31.42
तत ईजे महायज्ञैर्बहुभिर्भूरिदक्षिणैः। तर्पयामास देवांश्च पितश्चैव महाद्युतिः॥
tata īje mahāyajñairbahubhirbhūridakṣiṇaiḥ| tarpayāmāsa devāṃśca pitaścaiva mahādyutiḥ||
He worshipped the gods in many great sacrifices accompanied with profuse presents. Highly effulgent he gratified the gods and the Pitris.
— tr. M.N. Dutt (1891–96) (public domain)
MBh 7 31.43
उत्पाद्य च बहून् पुत्रान् कुलसंतानकारिणः। कालेन महता राजन् कालधर्ममुपेयिवान्॥
utpādya ca bahūn putrān kulasaṃtānakāriṇaḥ| kālena mahatā rājan kāladharmamupeyivān||
Having begotten many sons all of whom by their children multiplied the race, he breathed his last, o king, after many years.
— tr. M.N. Dutt (1891–96) (public domain)
MBh 7 31.44
स त्वं राजेन्द्र संजातं शोकमेनं निवर्तय। यथा त्वां केशवः प्राह व्यासश्च सुमहातपाः॥
sa tvaṃ rājendra saṃjātaṃ śokamenaṃ nivartaya| yathā tvāṃ keśavaḥ prāha vyāsaśca sumahātapāḥ||
Do you, O foremost of kings, remove this grief of your heart, as Keshava has advised you, as also Vyasa of austere penances.
— tr. M.N. Dutt (1891–96) (public domain)
MBh 7 31.45
पितृपैतामहं राज्यमास्थाय धुरमुद्वह। इष्ट्वा पुण्यैर्महायज्ञैरिष्टं लोकमवाप्स्यसि॥
pitṛpaitāmahaṃ rājyamāsthāya dhuramudvaha| iṣṭvā puṇyairmahāyajñairiṣṭaṃ lokamavāpsyasi||
Rise up, O king, and carry the burden of this your ancestral kingdom, and celebrate high and great sacrifices so, that you may obtain (hereafter) whatever regions you may wish to acquire. Rise up, O king, and carry the burden of this your ancestral kingdom, and celebrate high and great sacrifices so, that you may obtain (hereafter) whatever regions you may wish to acquire.
— tr. M.N. Dutt (1891–96) (public domain)