Mahabharata — Volume VII (Dutt edition) — Chapter 25

MBh 7 25.1

वैशम्पायन उवाच द्वैपायनवचः श्रुत्वा कुपिते च धनंजये। व्यासमामन्त्र्य कौन्तेयः प्रत्युवाच युधिष्ठिरः॥

vaiśampāyana uvāca dvaipāyanavacaḥ śrutvā kupite ca dhanaṃjaye| vyāsamāmantrya kaunteyaḥ pratyuvāca yudhiṣṭhiraḥ||

Hearing the words of Dvaipayana Vyasa and seeing Dhananjaya angry, Yudhishthira the son of Kunti saluted Vyasa and said.

— tr. M.N. Dutt (1891–96) (public domain)

MBh 7 25.2

युधिष्ठिर उवाच न पार्थिवमिदं राज्यं न भोगाश्च पृथग्विधाः। प्रीणयन्ति मनो मेऽद्य शोको मां रुन्धयत्ययम्॥

yudhiṣṭhira uvāca na pārthivamidaṃ rājyaṃ na bhogāśca pṛthagvidhāḥ| prīṇayanti mano me'dya śoko māṃ rundhayatyayam||

Yudhishthira said This earthly sovereignty and the various objects of enjoyments cannot give me any joy. On the other hand, this painful grief is cutting me to the quick.

— tr. M.N. Dutt (1891–96) (public domain)

MBh 7 25.3

श्रुत्वा वीरविहीनानामपुत्राणां च योषिताम्। परिदेवपमानानां शान्तिं नोपलभे मुने।॥

śrutvā vīravihīnānāmaputrāṇāṃ ca yoṣitām| paridevapamānānāṃ śāntiṃ nopalabhe mune|||

Hearing the lamentations of these women who have lost their heroic husbands and children, I cannot enjoy peace, O sage.

— tr. M.N. Dutt (1891–96) (public domain)

MBh 7 25.4

वैशम्पायन उवाच इत्युक्तः प्रत्युवाचेदं व्यासो योगविदां वरः। युधिष्ठिरं महाप्राज्ञो धर्मज्ञो वेदपारगः॥

vaiśampāyana uvāca ityuktaḥ pratyuvācedaṃ vyāso yogavidāṃ varaḥ| yudhiṣṭhiraṃ mahāprājño dharmajño vedapāragaḥ||

Vaishampayana said Thus addressed, the virtuous Vyasa, the best of all persons conversant with Yoga, endued with great wisdom and a master of the Vedas, said to Yudhishthira.

— tr. M.N. Dutt (1891–96) (public domain)

MBh 7 25.5

व्यास उवाच न कर्मणा लभ्यते चिन्तया वा नाप्यस्ति दाता पुरुषस्य कश्चित्। पर्याययोगाद् विहितं विधात्रा कालेन सर्वं लभते मनुष्यः॥

vyāsa uvāca na karmaṇā labhyate cintayā vā nāpyasti dātā puruṣasya kaścit| paryāyayogād vihitaṃ vidhātrā kālena sarvaṃ labhate manuṣyaḥ||

Vyasa said, No one can acquire anything by his own deeds or by sacrifices and adoration. No man can give anything to another. Man gets everything through Time. The Great Ordainer has made the course of Time the instrument of acquisition.

— tr. M.N. Dutt (1891–96) (public domain)

MBh 7 25.6

न बुद्धिशास्त्राध्ययनेन शक्यं प्राप्तुं विशेषं मनुजैरकाले। मूर्योऽपि चाप्नोति कदाचिदर्थान् कालो हि कार्य प्रति निर्विशेषः॥

na buddhiśāstrādhyayanena śakyaṃ prāptuṃ viśeṣaṃ manujairakāle| mūryo'pi cāpnoti kadācidarthān kālo hi kārya prati nirviśeṣaḥ||

By mere intelligence of study of the scriptures, men, if Time be not propitious, cannot acquire any earthly object. Sometimes an ignorant fool may acquire wealth. Time is the the powerful instrument for the accomplishment of all acts.

— tr. M.N. Dutt (1891–96) (public domain)

MBh 7 25.7

नाभूतिकालेषु फलं ददन्ति शिल्पानि मन्त्राश्च तथौषधानि। तान्येव कालेन समाहितानि सिद्ध्यन्ति वर्धन्ति च भूतिकाले॥

nābhūtikāleṣu phalaṃ dadanti śilpāni mantrāśca tathauṣadhāni| tānyeva kālena samāhitāni siddhyanti vardhanti ca bhūtikāle||

During the hour of adversity, neither science, nor incantations, nor drugs, produce any fruits. In prosperity, however, those very things, applied, yield abundant fruits.

— tr. M.N. Dutt (1891–96) (public domain)

MBh 7 25.8

कालेन शीघ्राः प्रवहन्ति वाता: कालेन वृष्टिर्जलदानुपति। कालेन पद्मोत्पलवज्जलं च कालेन पुष्यन्ति वनेषु वृक्षाः॥

kālena śīghrāḥ pravahanti vātā: kālena vṛṣṭirjaladānupati| kālena padmotpalavajjalaṃ ca kālena puṣyanti vaneṣu vṛkṣāḥ||

By time the winds blow violently; by Time the clouds become surcharged with rain; by Time tanks become adorned with lotuses of various sorts; by Time trees in the forest are covered with flowers.

— tr. M.N. Dutt (1891–96) (public domain)

MBh 7 25.9

कालेन कृष्णाश्च सिताश्च रात्र्यः कालेन चन्द्रः परिपूर्णबिम्बः। नाकालतः पुष्पफलं दुमाणां नाकालवेगाः सरितो वहन्ति॥

kālena kṛṣṇāśca sitāśca rātryaḥ kālena candraḥ paripūrṇabimbaḥ| nākālataḥ puṣpaphalaṃ dumāṇāṃ nākālavegāḥ sarito vahanti||

By Time nights become dark or lighted. By Time the Moon becomes full. If the proper Time does not come, trees do not bear flowers and fruits. If the proper Time does not come, the currents of rivers do not become powerful.

— tr. M.N. Dutt (1891–96) (public domain)

MBh 7 25.10

नाकालमत्ताः खगपन्नगाश्च मृगद्विपाः शैलमृगाच लोके। नाकालतः स्त्रीषु भवन्ति गर्भा नायान्त्यकाले शिशिरोष्णवर्षाः॥

nākālamattāḥ khagapannagāśca mṛgadvipāḥ śailamṛgāca loke| nākālataḥ strīṣu bhavanti garbhā nāyāntyakāle śiśiroṣṇavarṣāḥ||

Birds, snakes, deer, elephants and other animals never become excited when the proper Time does not come. If the proper Time does not come, women do not conceive. It is with Time that winter, summer, and the rainy seasons come.

— tr. M.N. Dutt (1891–96) (public domain)

MBh 7 25.11

नाकालतो म्रियते जायते वा नाकालतो व्याहरते च बालः। नाकालतो यौवनमभ्युपैति नाकालतो रोहति बीजमुप्तम्॥

nākālato mriyate jāyate vā nākālato vyāharate ca bālaḥ| nākālato yauvanamabhyupaiti nākālato rohati bījamuptam||

If the proper Time does not come, no one is born and no one dies. If the Time does not come, the infant does not gain power of speech. If the Time does not come one does not come by youth. It is with Time that the seed sown sprouts up.

— tr. M.N. Dutt (1891–96) (public domain)

MBh 7 25.12

नाकालतो भानुरुपैति योगं नाकालतोऽङ्गिरिमभ्युपैति। नाकालतो वर्धते ही चन्द्रः समुद्रोऽपि महोर्मिमाली।॥

nākālato bhānurupaiti yogaṃ nākālato'ṅgirimabhyupaiti| nākālato vardhate hī candraḥ samudro'pi mahormimālī|||

If the Time does not come, the Sun does not appear in the horizon, nor, when the Time for it does not come, does he set. If the Time for it does not come, the Moon does not increase nor wane, nor the ocean with its waves rise and ebb.

— tr. M.N. Dutt (1891–96) (public domain)

MBh 7 25.13

अत्राप्युदाहरन्तीममितिहासं पुरातनम्। गीतं राज्ञा सेनजिता दुःखार्तेन युधिष्ठिर॥

atrāpyudāharantīmamitihāsaṃ purātanam| gītaṃ rājñā senajitā duḥkhārtena yudhiṣṭhira||

In this connection is related the old story, O Yudhishthira, by king Senajit in sorrow.

— tr. M.N. Dutt (1891–96) (public domain)

MBh 7 25.14

सर्वानेवैष पर्यायो मान् स्पृशति दुःसहः। कालेन परिपक्वा हि म्रियन्ते सर्वपार्थिवाः॥

sarvānevaiṣa paryāyo mān spṛśati duḥsahaḥ| kālena paripakvā hi mriyante sarvapārthivāḥ||

The powerful course of Time affects all mortals. All earthly objects, ripened by Time, meet with destruction.

— tr. M.N. Dutt (1891–96) (public domain)

MBh 7 25.15

घ्नन्ति चान्यान् नरा राजस्तानप्यन्ये तथा नराः। संज्ञैषा लौकिकी राजन् न हिनस्ति न हन्यते॥

ghnanti cānyān narā rājastānapyanye tathā narāḥ| saṃjñaiṣā laukikī rājan na hinasti na hanyate||

Some, O king, kill some men. The killers, again, are slain by others. This is what the world says. In reality, however, no one kills and no one is killed.

— tr. M.N. Dutt (1891–96) (public domain)

MBh 7 25.16

हन्तीति मन्यते कश्चिन्न हन्तीत्यपि चापरः। स्वभावतस्तु नियतौ भूतानां प्रभवाप्ययौ॥

hantīti manyate kaścinna hantītyapi cāparaḥ| svabhāvatastu niyatau bhūtānāṃ prabhavāpyayau||

Some body thinks men kill (their fellow men). Another thinks men do not kill. The truth is that the birth and death of all creatures have been ordained to happen by their very nature.

— tr. M.N. Dutt (1891–96) (public domain)

MBh 7 25.17

नष्टे धने वा दारे वा पुत्रे पितरि वा मृते। अहो दुःखमिति ध्यायन् दुःखस्यापचितिं चरेत्॥

naṣṭe dhane vā dāre vā putre pitari vā mṛte| aho duḥkhamiti dhyāyan duḥkhasyāpacitiṃ caret||

At the loss of one's riches or the death of one's wife or son or father, one cries out saying-Alas what grief!-and the continued thought of that sorrow always increases it.

— tr. M.N. Dutt (1891–96) (public domain)

MBh 7 25.18

स किं शोचसि मूढः सञ्शोच्यान् किमनुशोचसि। पश्य दुःखेषु दुःखानि भयेषु च भयान्यपि॥

sa kiṃ śocasi mūḍhaḥ sañśocyān kimanuśocasi| paśya duḥkheṣu duḥkhāni bhayeṣu ca bhayānyapi||

Why do you, like a foolish man, grieve? Why do you grieve for them who are subject to grief? Mark, grief is enhanced by indulgence as fear is by fearing.

— tr. M.N. Dutt (1891–96) (public domain)

MBh 7 25.19

आत्मापि चायं न मम सर्वापि पृथिवी मम। यथा मम तथान्येषामिति पश्यन् न मुह्यति॥

ātmāpi cāyaṃ na mama sarvāpi pṛthivī mama| yathā mama tathānyeṣāmiti paśyan na muhyati||

This body even is not mine. Nothing in this Earth is mine. The things of this Earth belong as much to others as to me. Seeing this, the wise do not allow themselves to be beguiled.

— tr. M.N. Dutt (1891–96) (public domain)

MBh 7 25.20

शोकस्थानसहस्राणि हर्षस्थानशतानि च। दिवसे दिवसे मूढमाविशन्ति न पण्डितम्॥

śokasthānasahasrāṇi harṣasthānaśatāni ca| divase divase mūḍhamāviśanti na paṇḍitam||

There are thousands of causes for sorrow and hundreds of causes for joy. These affect daily the ignorant only, but not the wise.

— tr. M.N. Dutt (1891–96) (public domain)

MBh 7 25.21

एवमेतानि कालेन प्रियद्वेष्याणि भागशः। जीवेषु परिवर्तन्ते दुःखानि च सुखानि च॥

evametāni kālena priyadveṣyāṇi bhāgaśaḥ| jīveṣu parivartante duḥkhāni ca sukhāni ca||

These in course of Time. become objects of love or hatred, and appearing as happiness or misery revolve for affecting living creatures.

— tr. M.N. Dutt (1891–96) (public domain)

MBh 7 25.22

दुःखमेवास्ति न सुखं तस्मात् तदुपलभ्यते। तृष्णार्तिप्रभवं दुःखं दुःखार्तिप्रभवं सुखम्॥

duḥkhamevāsti na sukhaṃ tasmāt tadupalabhyate| tṛṣṇārtiprabhavaṃ duḥkhaṃ duḥkhārtiprabhavaṃ sukham||

There is only sorrow in this world and not happiness. Therefore sorrow only is felt. Desire begets sorrow and sorrow happiness.

— tr. M.N. Dutt (1891–96) (public domain)

MBh 7 25.23

सुखस्यानन्तरं दुःखं दुःखस्यानन्तरं सुखम्। न नित्यं लभते दुःखं न नित्यं लभते सुखम्॥

sukhasyānantaraṃ duḥkhaṃ duḥkhasyānantaraṃ sukham| na nityaṃ labhate duḥkhaṃ na nityaṃ labhate sukham||

Sorrow comes after happiness. and happiness after sorrow. One does not always suffer sorrow or always enjoy happiness.

— tr. M.N. Dutt (1891–96) (public domain)

MBh 7 25.24

सुखमेवहि दुःखान्तं कदाचिद् दुःखतः सुखम्। तस्मादेतद् द्वयं जह्याद् य इच्छेच्छाश्वतं सुखम्॥

sukhamevahi duḥkhāntaṃ kadācid duḥkhataḥ sukham| tasmādetad dvayaṃ jahyād ya icchecchāśvataṃ sukham||

Happiness always ends in sorrow and sometimes originates from sorrow itself. He, therefore, who desires perpetual happiness must give up both.

— tr. M.N. Dutt (1891–96) (public domain)

MBh 7 25.25

सुखान्तप्रभवं दुःखं दुःखान्तप्रभवं सुखम्। यन्निमित्तो भवेच्छोकस्तापो वा भृशदारुणः॥ आयासो वापि यन्मूलस्तदेकाङ्गमपि त्यजेत्।

sukhāntaprabhavaṃ duḥkhaṃ duḥkhāntaprabhavaṃ sukham| yannimitto bhavecchokastāpo vā bhṛśadāruṇaḥ|| āyāso vāpi yanmūlastadekāṅgamapi tyajet|

When sorrow must arise upon termination of happiness, and happiness upon the termination of sorrow, and should, therefore, shake off, like a (snake-bit) limb, that which begets sorrow or that heart-burning which is reared by sorrow or that which is the root of his anxiety.

— tr. M.N. Dutt (1891–96) (public domain)

MBh 7 25.26

सुखं वा यदि वा दुःखं प्रियं वा यदि वाप्रियम्। प्राप्तं प्राप्तमुपासीत हृदयेनापराजितः॥

sukhaṃ vā yadi vā duḥkhaṃ priyaṃ vā yadi vāpriyam| prāptaṃ prāptamupāsīta hṛdayenāparājitaḥ||

Happiness or sorrow, whatever comes should be borne with an unaffected heart.

— tr. M.N. Dutt (1891–96) (public domain)

MBh 7 25.27

ईषदप्यङ्ग दाराणां पुत्राणां वा चराप्रियम्। ततो ज्ञास्यसि कः कस्य केन वा कथमेव च।॥

īṣadapyaṅga dārāṇāṃ putrāṇāṃ vā carāpriyam| tato jñāsyasi kaḥ kasya kena vā kathameva ca|||

O amiable king, if you do not in the least, do what is agreeable to your wives and children, you shall then know who is whose, and why so, and for what.

— tr. M.N. Dutt (1891–96) (public domain)

MBh 7 25.28

ये च मूढतमा लोके ये च बुद्धेः परं गताः। त एव सुखमेधन्ते मध्यमः क्लिश्यते जनः॥

ye ca mūḍhatamā loke ye ca buddheḥ paraṃ gatāḥ| ta eva sukhamedhante madhyamaḥ kliśyate janaḥ||

Only those who stolid fools and those who are masters of their souls enjoy happiness here. They, however, who occupy an intermediate position suffering misery.

— tr. M.N. Dutt (1891–96) (public domain)

MBh 7 25.29

इत्यब्रवीन्महाप्राज्ञो युधिष्ठिर स सेनजित्। परावरज्ञो लोकस्य धर्मवित् सुखदुःखवित्॥

ityabravīnmahāprājño yudhiṣṭhira sa senajit| parāvarajño lokasya dharmavit sukhaduḥkhavit||

This, O Yudhishthira, is what the highly wise the Senajit who was conversant with what is good or bad in this world, with duties, and with happiness and misery said.

— tr. M.N. Dutt (1891–96) (public domain)

MBh 7 25.30

येन दुःखेन यो दुःखी न स जातु सुखी भवेत्। दुःखानां हि क्षयो नास्ति जायते ह्यपरात् परम्॥

yena duḥkhena yo duḥkhī na sa jātu sukhī bhavet| duḥkhānāṃ hi kṣayo nāsti jāyate hyaparāt param||

He who is grieved at other people's griefs can never enjoy happiness. There is no end of grief, and grief originates from happiness itself.

— tr. M.N. Dutt (1891–96) (public domain)

MBh 7 25.31

सुखं च दुःखं च भवाभवौ च लाभालाभौ मरणं जीवितं च। पर्यायतः सर्वमवाप्नुवन्ति तस्माद्धीरो नैव हृष्येन शोचेत्॥

sukhaṃ ca duḥkhaṃ ca bhavābhavau ca lābhālābhau maraṇaṃ jīvitaṃ ca| paryāyataḥ sarvamavāpnuvanti tasmāddhīro naiva hṛṣyena śocet||

Happiness and misery, prosperity and adversity, gain and loss, death and life, in their turn, visit all creatures. There the wise man, endued with equanimity soul would neither be puffed up with joy nor be depressed with sorrow.

— tr. M.N. Dutt (1891–96) (public domain)

MBh 7 25.32

दीक्षां राज्ञः संयुगे युद्धमाई र्योगं राज्ये दण्डनीत्यां च सम्यक्। वित्तत्यागो दक्षिणानां च यज्ञे सम्यग् दानं पावनानीति विद्यात्॥

dīkṣāṃ rājñaḥ saṃyuge yuddhamāī ryogaṃ rājye daṇḍanītyāṃ ca samyak| vittatyāgo dakṣiṇānāṃ ca yajñe samyag dānaṃ pāvanānīti vidyāt||

Battle has been described as the Sacrifice for a king; observance of chastisement is his Yoga; and the gift of riches in sacrifices in the form of presents his Renunciation. All these should be regarded as acts which purify him.

— tr. M.N. Dutt (1891–96) (public domain)

MBh 7 25.33

रक्षन् राज्यं बुद्धिपूर्वं नयेन संत्यक्तात्मा यज्ञशीलो महात्मा। प्यूर्ध्वं देहान्मोदते देवलोके॥

rakṣan rājyaṃ buddhipūrvaṃ nayena saṃtyaktātmā yajñaśīlo mahātmā| pyūrdhvaṃ dehānmodate devaloke||

By governing the kingdom with intelligence and policy, casting off wide, celebrating sacrifices, and looking at everything and all the persons with kindness and impartiality, a great king, after death, sports in the region of the celestials.

— tr. M.N. Dutt (1891–96) (public domain)

MBh 7 25.34

जित्वा संग्रामान्पालयित्वा च राष्ट्र सोमं पीत्वा वर्धयित्वा प्रजाश्च। युक्त्या दण्डं धारयित्वा प्रजानांयुद्धे क्षीणो मोदते देवलोके॥

jitvā saṃgrāmānpālayitvā ca rāṣṭra somaṃ pītvā vardhayitvā prajāśca| yuktyā daṇḍaṃ dhārayitvā prajānāṃyuddhe kṣīṇo modate devaloke||

By gaining battles, protecting his kingdom, drinking the Soma juice, making his subjects prosper, holding judiciously the rod of chastisement, and renouncing his body at last in fight, a king enjoy happiness in heaven.

— tr. M.N. Dutt (1891–96) (public domain)

MBh 7 25.35

सम्यग् वेदान् प्राप्य शास्त्राण्यधीत्य सम्यग् राज्यं पालयित्वा च राजा। चातुर्वर्ण्य स्थापयित्वा स्वधर्म पूतात्मा वै मोदते देवलोके॥

samyag vedān prāpya śāstrāṇyadhītya samyag rājyaṃ pālayitvā ca rājā| cāturvarṇya sthāpayitvā svadharma pūtātmā vai modate devaloke||

Having studied all the Vedas and the other scriptures duly, having protected the kingdom duly, and having made all the four orders follow their respective duties, a king become purified and finally sports in heaven.

— tr. M.N. Dutt (1891–96) (public domain)

MBh 7 25.36

यस्य वृत्तं नमस्यन्ति स्वर्गस्थस्यापि मानवाः। पौरजानपदामात्याः स राजा राजसत्तमः॥

yasya vṛttaṃ namasyanti svargasthasyāpi mānavāḥ| paurajānapadāmātyāḥ sa rājā rājasattamaḥ||

He is the best of kings whose conduct, even after his death, is praised by the denizens of the city and the country and by his counsellors and friends.

— tr. M.N. Dutt (1891–96) (public domain)