Mahabharata — Volume VII (Dutt edition) — Chapter 162
MBh 7 162.1
युधिष्ठिर उवाच सत्यं धर्मं प्रशंसन्ति विप्रर्षिपितृदेवताः। सत्यमिच्छाम्यहं श्रोतुं तन्मे ब्रूहि पितामह॥
yudhiṣṭhira uvāca satyaṃ dharmaṃ praśaṃsanti viprarṣipitṛdevatāḥ| satyamicchāmyahaṃ śrotuṃ tanme brūhi pitāmaha||
Yudhishthira said Brahmanas, Rishis, Pitris and the gods all speak highly of the duty of truth. I wish to hear of truth. Describe it to me, O grandfather.
— tr. M.N. Dutt (1891–96) (public domain)
MBh 7 162.2
सत्यं किंलक्षणं राजन् कथं वा तदवाप्यते। सत्यं प्राप्य भवेत् किं च कथं चैव तदुच्यताम्॥
satyaṃ kiṃlakṣaṇaṃ rājan kathaṃ vā tadavāpyate| satyaṃ prāpya bhavet kiṃ ca kathaṃ caiva taducyatām||
What are the marks, O king of truth? How may it be acquired? What is acquired by practising truth, and how? Tell me all this.
— tr. M.N. Dutt (1891–96) (public domain)
MBh 7 162.3
भीष्म उवाच चातुर्वर्ण्यस्य धर्माणां संकरो न प्रशस्यते। अविकारितमं सत्यं सर्ववर्णेषु भारत॥
bhīṣma uvāca cāturvarṇyasya dharmāṇāṃ saṃkaro na praśasyate| avikāritamaṃ satyaṃ sarvavarṇeṣu bhārata||
Bhishma said A confusion of the duties of the four castes is never highly spoken of. What is called Truth always exists in a pure and unmixed state in every one of those four castes.
— tr. M.N. Dutt (1891–96) (public domain)
MBh 7 162.4
सत्यं सत्सु सदा धर्मः सत्यं धर्मः सनातनः। सत्यमेव नमस्येत सत्यं हि परमा गतिः॥
satyaṃ satsu sadā dharmaḥ satyaṃ dharmaḥ sanātanaḥ| satyameva namasyeta satyaṃ hi paramā gatiḥ||
Truth is always a duty with the good. Indeed, Truth is eternal duty. One should respectfully bow to Truth. Truth is the greatest refuge (of all).
— tr. M.N. Dutt (1891–96) (public domain)
MBh 7 162.5
सत्यं धर्मस्तपो योगः सत्यं ब्रह्म सनातनम्। सत्यं यज्ञः परः प्रोक्तः सर्वं सत्ये प्रतिष्ठितम्॥
satyaṃ dharmastapo yogaḥ satyaṃ brahma sanātanam| satyaṃ yajñaḥ paraḥ proktaḥ sarvaṃ satye pratiṣṭhitam||
Truth is duty; Truth is penance; Truth is Yoga; and Truth is the eternal Brahma. Truth has been said to be a great sacrifice. Everything depends upon Truth.
— tr. M.N. Dutt (1891–96) (public domain)
MBh 7 162.6
आचारानिह सत्यस्य यथावदनुपूर्वशः। लक्षणं च प्रवक्ष्यामि सत्यस्येह यथाक्रमम्॥
ācārāniha satyasya yathāvadanupūrvaśaḥ| lakṣaṇaṃ ca pravakṣyāmi satyasyeha yathākramam||
I shall now tell you the forms of Truth one after another, and its characteristic marks also in due order.
— tr. M.N. Dutt (1891–96) (public domain)
MBh 7 162.7
प्राप्यते च यथा सत्यं तच्च श्रोतुमिहार्हसि। सत्यं त्रयोदशविधं सर्वलोकेषु भारत॥
prāpyate ca yathā satyaṃ tacca śrotumihārhasi| satyaṃ trayodaśavidhaṃ sarvalokeṣu bhārata||
You should hear also as to how Truth may be won. Truth, O Bharata, as it exists in all the world, is of thirteen sorts.
— tr. M.N. Dutt (1891–96) (public domain)
MBh 7 162.8
सत्यं च समता चैव दमश्चैव न संशयः। अमात्सर्यं क्षमा चैव ह्रीस्तितिक्षानसूयता॥ त्यागो ध्यानमथार्यत्वं धृतिश्च सततं स्थिरा। अहिंसा चैव राजेन्द्र सत्याकारास्त्रयोदश॥
satyaṃ ca samatā caiva damaścaiva na saṃśayaḥ| amātsaryaṃ kṣamā caiva hrīstitikṣānasūyatā|| tyāgo dhyānamathāryatvaṃ dhṛtiśca satataṃ sthirā| ahiṃsā caiva rājendra satyākārāstrayodaśa||
The various forms of Truth are impartiality, self-control, forgiveness, modesty, endurance, goodness, renunciation, meditation, dignity, fortitute, compassion, and abstention from injury. These, O great king, are the thirteen forms of Truth'.
— tr. M.N. Dutt (1891–96) (public domain)
MBh 7 162.9
सत्यं नामाव्ययं नित्यमविकारि तथैव च। सर्वधर्माविरुद्धेन योगेनैतदवाप्यते॥
satyaṃ nāmāvyayaṃ nityamavikāri tathaiva ca| sarvadharmāviruddhena yogenaitadavāpyate||
Truth is immutable, eternal, and unchangeable. It may be won through practices which do not oppose any of the other virtues. It may also be won through Yoga.
— tr. M.N. Dutt (1891–96) (public domain)
MBh 7 162.10
आत्मनीष्टे तथानिष्टे रिपौ च समता तथा। इच्छाद्वेषक्षयं प्राप्य कामक्रोधक्षयं तथा॥
ātmanīṣṭe tathāniṣṭe ripau ca samatā tathā| icchādveṣakṣayaṃ prāpya kāmakrodhakṣayaṃ tathā||
When desire and hatred, as also lust and anger, are destroyed, that quality by virtue of which one is able to look impartially upon one's own self and one's enemy, upon one's good and one's evil, is called impartiality.
— tr. M.N. Dutt (1891–96) (public domain)
MBh 7 162.11
दमो नान्यस्पृहा नित्यं गाम्भीर्यं धैर्यमेव च। अभयं रोगशमनं ज्ञानेनैतदवाप्यते॥
damo nānyaspṛhā nityaṃ gāmbhīryaṃ dhairyameva ca| abhayaṃ rogaśamanaṃ jñānenaitadavāpyate||
Self-control consists in never wishing for another man's property, in gravity and patience and power to remove the fears of others regarding one's own self, and freedom from disease. It may be won through knowledge.
— tr. M.N. Dutt (1891–96) (public domain)
MBh 7 162.12
अमात्सर्यं बुधाः प्राहुर्दाने धर्मे च संयमः। अवस्थितेन नित्यं च सत्येनामत्सरी भवेत्॥
amātsaryaṃ budhāḥ prāhurdāne dharme ca saṃyamaḥ| avasthitena nityaṃ ca satyenāmatsarī bhavet||
Devoted to liberality and the performance of all duties are considered by the wise as forming good-will. One gains universal good will by continued devotion to Truth.
— tr. M.N. Dutt (1891–96) (public domain)
MBh 7 162.13
अक्षमायाः क्षमायाश्च प्रियाणीहाप्रियाणि च। क्षमते सम्मतः साधुः साध्वाप्नोति च सत्यवाक्॥
akṣamāyāḥ kṣamāyāśca priyāṇīhāpriyāṇi ca| kṣamate sammataḥ sādhuḥ sādhvāpnoti ca satyavāk||
Regarding unforgiveness and forgiveness, it should be said that the quality by which an esteemed and good man puts up with both what is agreeable and disagreeable, is said to be forgiveness. This virtue may be acquired by the practice of truthfulness.
— tr. M.N. Dutt (1891–96) (public domain)
MBh 7 162.14
कल्याणं कुरुते बाढं धीमान् न ग्लायते क्वचित्। प्रशान्तवाङ्मना नित्यं ह्रीस्तु धर्मादवाप्यते॥
kalyāṇaṃ kurute bāḍhaṃ dhīmān na glāyate kvacit| praśāntavāṅmanā nityaṃ hrīstu dharmādavāpyate||
That virtue by which an intelligent man contended in mind and words performs mnany good deeds and is never blamed by others, is called modesty. It is acquired by the help of righteousness.
— tr. M.N. Dutt (1891–96) (public domain)
MBh 7 162.15
धर्मार्थहेतोः क्षमते तितिक्षा क्षान्तिरुच्यते। लोकसंग्रहणार्थं वै सा तु धैर्येण लभ्यते॥
dharmārthahetoḥ kṣamate titikṣā kṣāntirucyate| lokasaṃgrahaṇārthaṃ vai sā tu dhairyeṇa labhyate||
That virtue which forgives for the sake of virtue and religious profit is called endurance. It is one of the form of forgiveness. It is gained through patience, and its object is to attach people to one's self.
— tr. M.N. Dutt (1891–96) (public domain)
MBh 7 162.16
त्यागः स्नेहस्य यत् त्यागो विषयाणां तथैव च। रागद्वेषप्रहीणस्य त्यागो भवति नान्यथा॥
tyāgaḥ snehasya yat tyāgo viṣayāṇāṃ tathaiva ca| rāgadveṣaprahīṇasya tyāgo bhavati nānyathā||
The casting off of worldly desires as also of all earthly possessions, is designated renunciation. Renunciation can never be gained except by one who is shorn of anger and malice.
— tr. M.N. Dutt (1891–96) (public domain)
MBh 7 162.17
आर्यता नाम भूतानां यः करोति प्रयत्नतः। शुभं कर्म निराकारो वीतरागस्तथैव च॥
āryatā nāma bhūtānāṃ yaḥ karoti prayatnataḥ| śubhaṃ karma nirākāro vītarāgastathaiva ca||
That virtue under the influence of which one does good, with diligence and care, to all creatures is designated goodness. It has no particular form and consists in the casting off of all selfish attachments.
— tr. M.N. Dutt (1891–96) (public domain)
MBh 7 162.18
धृतिर्नाम सुखे दुःखे यथा नाप्नोति विक्रियाम्। तां भजेत सदा प्राज्ञो य इच्छेद् भूतिमात्मनः॥
dhṛtirnāma sukhe duḥkhe yathā nāpnoti vikriyām| tāṃ bhajeta sadā prājño ya icched bhūtimātmanaḥ||
That virtue by which remains unchanged in weal and woe is called fortitude. That wise man who seeks his own well-being always practises this virtue.
— tr. M.N. Dutt (1891–96) (public domain)
MBh 7 162.19
सर्वथा क्षमिणा भाव्यं तथा सत्यपरेण च। वीतहर्षभयक्रोधो धृतिमाप्नोति पण्डितः॥
sarvathā kṣamiṇā bhāvyaṃ tathā satyapareṇa ca| vītaharṣabhayakrodho dhṛtimāpnoti paṇḍitaḥ||
One should always practise forgiveness and be devoted to truth. The wise man who can renounce joy, fear and anger, can gain fortitude.
— tr. M.N. Dutt (1891–96) (public domain)
MBh 7 162.20
अद्रोहः सर्वभूतेषु कर्मणा मनसा गिरा। अनुग्रहश्च दानं च सतां धर्मः सनातनः॥
adrohaḥ sarvabhūteṣu karmaṇā manasā girā| anugrahaśca dānaṃ ca satāṃ dharmaḥ sanātanaḥ||
Abstention froin injury to all creatures in thought, word, and deed, and kindness, and gift, are the permanent duties of the good. one
— tr. M.N. Dutt (1891–96) (public domain)
MBh 7 162.21
एते त्रयोदशाकाराः पृथक् सत्यैकलक्षणाः। भजन्ते सत्यमेवेह बृंहयन्ते च भारत॥
ete trayodaśākārāḥ pṛthak satyaikalakṣaṇāḥ| bhajante satyameveha bṛṃhayante ca bhārata||
These thirteen qualities, though seemingly different, have but one and the same shape, namely Truth. All these, O Bharata, hold up truth and strengthen it.
— tr. M.N. Dutt (1891–96) (public domain)
MBh 7 162.22
नान्तः शक्यो गुणानां च वक्तुं सत्यस्य पार्थिव। अतः सत्यं प्रशंसन्ति विप्राः सपितृदेवताः॥
nāntaḥ śakyo guṇānāṃ ca vaktuṃ satyasya pārthiva| ataḥ satyaṃ praśaṃsanti viprāḥ sapitṛdevatāḥ||
It is impossible, o king, to exhaust the merits of Truth. For these reasons the Brahman as, the Pitris and the gods speak highly of truth.
— tr. M.N. Dutt (1891–96) (public domain)
MBh 7 162.23
नास्ति सत्यात् परो धर्मो नानृतात् पातकं परम्। स्थितिर्हि सत्यं धर्मस्य तस्मात्सत्यं न लोपयेत्॥
nāsti satyāt paro dharmo nānṛtāt pātakaṃ param| sthitirhi satyaṃ dharmasya tasmātsatyaṃ na lopayet||
There is no duty which is higher than Truth, and no sin more dreadful than untruth. Indeed, Truth is the very root of righteousness. Therefore one should never destroy Truth.
— tr. M.N. Dutt (1891–96) (public domain)
MBh 7 162.24
उपैति सत्याद् दानं हि तथा यज्ञाः सदक्षिणाः। त्रेताग्निहोत्रं वेदाश्च ये चान्ये धर्मनिश्चयाः॥
upaiti satyād dānaṃ hi tathā yajñāḥ sadakṣiṇāḥ| tretāgnihotraṃ vedāśca ye cānye dharmaniścayāḥ||
From Truth originate gifts, and sacrifice with presents as well the threefold Agnihotras the Vedas and everything else which leads to righteousness.
— tr. M.N. Dutt (1891–96) (public domain)
MBh 7 162.25
अश्वमेधसहस्रं च सत्यं च तुलया धृतम्। अश्वमेधसहस्राद्धि सत्यमेव विशिष्यते॥
aśvamedhasahasraṃ ca satyaṃ ca tulayā dhṛtam| aśvamedhasahasrāddhi satyameva viśiṣyate||
On one occasion a thousand Horsesacrifices and Truth were weighed against each other and in the balance. Truth proved heavier than a thousand Horse-sacrifices. as
— tr. M.N. Dutt (1891–96) (public domain)