Mahabharata — Volume VII (Dutt edition) — Chapter 156
MBh 7 156.1
भीष्म उवाच एवमुक्त्वा तु राजेन्द्र शाल्मलिं ब्रह्मवित्तमः। नारदः पवने सर्वं शाल्मलेर्वाक्यमब्रवीत्॥
bhīṣma uvāca evamuktvā tu rājendra śālmaliṃ brahmavittamaḥ| nāradaḥ pavane sarvaṃ śālmalervākyamabravīt||
Bhishma said-Having said these words to the Shalmali, that foremost of all persons conversant with Brahma, viz., Narada, communicated to the Wind-god all that the Shalmali had said about him.
— tr. M.N. Dutt (1891–96) (public domain)
MBh 7 156.2
नारद उवाच हिमवत्पृष्ठजः कश्चिच्छाल्मलिः परिवारवान्। बृहन्मूलो बृहच्छायः स त्वां वायोऽवमन्यते॥
nārada uvāca himavatpṛṣṭhajaḥ kaścicchālmaliḥ parivāravān| bṛhanmūlo bṛhacchāyaḥ sa tvāṃ vāyo'vamanyate||
Narada said There is a a certain Shalmali on the Himalaya, adorned with branches and leaves. His roots have gone deep into the Earth and its branches have spread wide around. That tree, O Wind-god, disrespects you.
— tr. M.N. Dutt (1891–96) (public domain)
MBh 7 156.3
बहुव्याक्षेपयुक्तानि त्वामाह वचनानि सः। न युक्तानि मया वायो तानि वक्तुं तवाग्रतः॥
bahuvyākṣepayuktāni tvāmāha vacanāni saḥ| na yuktāni mayā vāyo tāni vaktuṃ tavāgrataḥ||
He spoke many insulting words against yourself. It is not meet, O Wind, that I should repeat them in your hearing.
— tr. M.N. Dutt (1891–96) (public domain)
MBh 7 156.4
जानामि त्वामहं वायो सर्वप्राणभृतां वरम्। वरिष्ठं च गरिष्ठं च क्रोधे वैवस्वतं यथा॥
jānāmi tvāmahaṃ vāyo sarvaprāṇabhṛtāṃ varam| variṣṭhaṃ ca gariṣṭhaṃ ca krodhe vaivasvataṃ yathā||
I know, O Wind, that you are greatest of all created things. I know too that you are a very superior and very powerful being, and that in anger you resemble the Destroyer himself.
— tr. M.N. Dutt (1891–96) (public domain)
MBh 7 156.5
भीष्म उवाच एतत् तु वचनं श्रुत्वा नारदस्य समीरणः। शाल्मलिं तमुपागम्य क्रुद्धो वचनमब्रवीत्॥
bhīṣma uvāca etat tu vacanaṃ śrutvā nāradasya samīraṇaḥ| śālmaliṃ tamupāgamya kruddho vacanamabravīt||
Hearing these words of Narada, the Windgod going to that Shalmali, said to him angrily as follows.
— tr. M.N. Dutt (1891–96) (public domain)
MBh 7 156.6
वायुरुवाच शाल्मले नारदो गच्छंस्त्वयोक्तो मद्विगर्हणम्। अहं वायुः प्रभावं ते दर्शयाम्यात्मनो बलम्॥
vāyuruvāca śālmale nārado gacchaṃstvayokto madvigarhaṇam| ahaṃ vāyuḥ prabhāvaṃ te darśayāmyātmano balam||
The Wind-god said O Shalmali, you have uttered derogatory words against me before Narada, know that I am the God of wind. I shall certainly show you my power and might.
— tr. M.N. Dutt (1891–96) (public domain)
MBh 7 156.7
अहं त्वामभिजानामि विदितश्चासि मे दुम। पितामहः प्रजासर्गे त्वयि विश्रान्तवान् प्रभुः॥
ahaṃ tvāmabhijānāmi viditaścāsi me duma| pitāmahaḥ prajāsarge tvayi viśrāntavān prabhuḥ||
I know you well. You are no stranger to me. While creating the world, the powerful Grandfather had for a time rested under you.
— tr. M.N. Dutt (1891–96) (public domain)
MBh 7 156.8
तस्य विश्रमणादेष प्रसादो मत्कृतस्तव। रक्ष्यसे तेन दुर्बुद्धे नात्मवीर्याद् दुमाधम॥ यन्मां त्वमवजानीषे यथान्यं प्राकृतं तथा। दर्शयाम्येष चात्मानं यथा मां नावमन्यसे॥
tasya viśramaṇādeṣa prasādo matkṛtastava| rakṣyase tena durbuddhe nātmavīryād dumādhama|| yanmāṃ tvamavajānīṣe yathānyaṃ prākṛtaṃ tathā| darśayāmyeṣa cātmānaṃ yathā māṃ nāvamanyase||
For this incident I have hitherto shown you favour. O worst of trees, it is for this that you stand uninjured and not for your own power. You consider me lightly as if I were a vulgar thing. I shall, however, appear to you in such a way that you may not disrespect me again.
— tr. M.N. Dutt (1891–96) (public domain)
MBh 7 156.9
भीष्म उवाच एवमुक्तस्ततः प्राह शाल्मलिः प्रहसन्निव। पवन त्वं च मे क्रुद्धो दर्शयात्मानमात्मना॥
bhīṣma uvāca evamuktastataḥ prāha śālmaliḥ prahasanniva| pavana tvaṃ ca me kruddho darśayātmānamātmanā||
Thus addressed, the Shalmali laughed in contempt and replied, saying,-O Wind-god, you are angry with me. Do not stop showing the extent of your power.
— tr. M.N. Dutt (1891–96) (public domain)
MBh 7 156.10
मयि वै त्यज्यतां क्रोधः किं मे क्रुद्धः करिष्यसि। न ते बिभेमि पवन यद्यपि त्वं स्वयं प्रभुः॥
mayi vai tyajyatāṃ krodhaḥ kiṃ me kruddhaḥ kariṣyasi| na te bibhemi pavana yadyapi tvaṃ svayaṃ prabhuḥ||
Do you vomit all your anger upon me. By becoming angry, what will you do to me? Even if your power had been all your own, I would not still have been afraid of you. I am superior to you in power. I am not afraid of you.
— tr. M.N. Dutt (1891–96) (public domain)
MBh 7 156.11
बलाधिकोऽहं त्वत्तश्च न भी: कार्या मया तव। ये तु बुद्ध्या हि बलिनस्ते भवन्ति बलीयसः॥
balādhiko'haṃ tvattaśca na bhī: kāryā mayā tava| ye tu buddhyā hi balinaste bhavanti balīyasaḥ||
Those who are strong in understanding are strong in reality. Those who endued with only physical strength are not to be regarded strong.
— tr. M.N. Dutt (1891–96) (public domain)
MBh 7 156.12
प्राणमात्रबला ये वै नैव ते बलिनो मताः। इत्येवमुक्तः पवनः श्व इत्येवाब्रवीद् वचः॥
prāṇamātrabalā ye vai naiva te balino matāḥ| ityevamuktaḥ pavanaḥ śva ityevābravīd vacaḥ||
Thus addressed, the Wind-god said,Tomorrow I shall test your strength,Thereafter night came.
— tr. M.N. Dutt (1891–96) (public domain)
MBh 7 156.13
दर्शयिष्यामि ते तेजस्ततो रात्रिरुपागमत्। अथ निश्चित्य मनसा शाल्मलिर्वातकारितम्॥
darśayiṣyāmi te tejastato rātrirupāgamat| atha niścitya manasā śālmalirvātakāritam||
Determining in his mind the extent of the Wind's might and seeing his ownself to be inferior to the god, the Shalmali began to say aside,
— tr. M.N. Dutt (1891–96) (public domain)
MBh 7 156.14
पश्यमानस्तदाऽऽत्मानमसमं मातरिश्वना। नारदे यन्मया प्रोक्तं वचनं प्रति तन्मृषा॥
paśyamānastadā''tmānamasamaṃ mātariśvanā| nārade yanmayā proktaṃ vacanaṃ prati tanmṛṣā||
All that I said to Narada is untrue. I am, forsooth, inferior in power to the Wind. Verily, he is superior in strength.
— tr. M.N. Dutt (1891–96) (public domain)
MBh 7 156.15
असमर्थो ह्यहं वायोर्बलेन बलवान् हि सः। मारुतो बलवान् नित्यं यथा वै नारदोऽब्रवीत्॥
asamartho hyahaṃ vāyorbalena balavān hi saḥ| māruto balavān nityaṃ yathā vai nārado'bravīt||
The Wind, as Narada said, is always powerful. Forsooth, I am weaker than other trees.
— tr. M.N. Dutt (1891–96) (public domain)
MBh 7 156.16
अहं तु दुर्बलोऽन्येभ्यो वृक्षेभ्यो नात्र संशयः। किं तु बुद्ध्या समो नास्ति मया कश्चिद् वनस्पतिः।।१७।
ahaṃ tu durbalo'nyebhyo vṛkṣebhyo nātra saṃśayaḥ| kiṃ tu buddhyā samo nāsti mayā kaścid vanaspatiḥ||17|
But in intelligence no tree is equal to me. Therefore, depending upon my intelligence I shall view this fear which arises from the wind.
— tr. M.N. Dutt (1891–96) (public domain)
MBh 7 156.17
तदहं बुद्धिमास्थाय भयं मोक्ष्ये समीरणात्। यदि तां बुद्धिमास्थाय तिष्ठेयुः पर्णिनो वने॥
tadahaṃ buddhimāsthāya bhayaṃ mokṣye samīraṇāt| yadi tāṃ buddhimāsthāya tiṣṭheyuḥ parṇino vane||
If the other trees in the forest all depend upon the same kind of intelligence, then, no injury can come to them from the Wind-god when he is irate.
— tr. M.N. Dutt (1891–96) (public domain)
MBh 7 156.18
अरिष्टाः स्युः सदा क्रुद्धात् पवनान्नात्र संशयः। ते तु बाला न जानन्ति यथा वै तान् समीरणः। समीरयति संक्रुद्धो यथा जानाम्यहं तथा॥
ariṣṭāḥ syuḥ sadā kruddhāt pavanānnātra saṃśayaḥ| te tu bālā na jānanti yathā vai tān samīraṇaḥ| samīrayati saṃkruddho yathā jānāmyahaṃ tathā||
All of them, however, are shorn of understanding, and, therefore, they do not know, as I know, why or how the Wind succeeds in shaking and tearing them up.
— tr. M.N. Dutt (1891–96) (public domain)